الحلقة الخامسة عشر والسادسة عشر والسابعة عشر
#رواية_اختارتك_انت❤
#بقلم_ايمان_جمال❤
________________
مليكة اغمى عليها والكل حواليها ورامي شالها ونيمها على كنبة الانتريه
رامي: هات ياعز البرفيوم من جوا بسرعة
عز دخل وجابه
رامي بيفوق مليكة وهي عشان عندها حساسية من البرفيوم فضلت تعطس جامد
رامي: انا اسف عارف انك عندك حساسية بس بفوقك
مليكة بصوت مبحوح: ولا يهمك
رامي لعز: عاجبك كدا شفت بسببك ايه اللي حصل
عز: يعني انا كنت عارف ان كل دا هيحصل
سناء: انتي كويسة ؟
مليكة: الحمدلله ياماما انا بس كنت صاحية دايخة ولما راسي اتخبطت دخت اكتر
رباب: سلامتك يالوكا
حنان بعتاب: كدا يارامي توقعها
رامي: يعني انا كنت اقصد ياماما
مليكة: خلاص انا كويسة والله
محمد: في حاجة بتوجعك؟
مليكة هزت دماغها بلأ ووجهت كلامها لرامي: انت كنت بتجري ورا عز ليه؟
رامي حكالها وهي مش قادرة تبطل ضحك
رامي: لا ياشيخة انتي بتضحكي
مليكة بصعوبة: دا حتة مقلب انما ايه😂
رامي: طبوالله لأوريكم انتوا الاتنين
عز: ياعم اقعد ساكت
رامي: ماااااااشي
امل ومريم كانوا تحت وطلعوا ومعتز كان لسة نايم وصحي ، الرجالة والشباب نزلوا يصلوا الجمعة وخلصوا صلاة وطلعوا
امجد قاعد بيبص لرامي كأنه بيقوله يالا اتكلم ورامي بيرخم عليه: مش كنت بتضحك عليا من شوية ابقى قابلني 😛
امجد بيبصله بغضب
محمد: في ايه ياولاد مالكم
رامي برخامة: لا ياعمي مافيش
امجد: انا غلطان اني طلبت منك حاجة
صالح: هي ايه الحكاية ياولاد
امجد: من الاخر كدا ياعمي انا طالب منك ايذ مريم
مريم كانت بتشرب وشرقت😂
رامي برخامة: اشربي ياختي براحة مفاجأة صح😂
مريم بصتله بغضب وهو ضحك
صالح: وانا موافق يا امجد بس نشوف رأي العروسة
مريم اتكسفت وبصت في الارض
رامي: انتوا بتاخدوا رأي مين ، هي اصلا موافقة وكانت مستنية موافقتكم😂
عز: صح يارامي
مريم: تصدقوا بالله انكوا ارخم اتنين في حياتي
الكل بيبارك لمريم وفرحان بيها
محمد: عقبالك يالوكا
مليكة بهزار: انت عاوز تخلص مني بقى
محمد بضحك: يا بت انا عاوز افرح بيكي
مليكة باست ايدين ابوها: كل حاجة في وقتها حلوة ياحبيبي
محمد معجب بعقل بنته وتفكيرها: ربنا يفرحنا بيكي ياقلبي
رامي سامع كلامهم وكان نفسه اوي يتقدملها في اللحظة دي (بس بتسرعه بوظ كل حاجة)
عز: خلاص فرحنا يالا نخرج بقى
رامي: نبقى نخرج كلنا
اشرف: ايوا كلكم خدوا اسامة وامل وامجد ومريم
مليكة: طب والله فكرة حلوة واهو نقضي يوم حلو قبل سفرنا بكرة
عز: ايوا كدا ، وبص لرامي: وانت كمرن يارامي كلم بسمة عشان تخرج معانا
رامي كان هيرد بس امجد سبقه: عز احنا لسة بنقول هنقضي وقت حلو مش وقت نكد
رامي بصله بغضب ولسة هيرد بس كلام مليكة سكته
مليكة: بصراحة ومن غير زعل لو هي جات معانا اليوم مش هيبقى حلو ولو هتيجي انا مش هروح معاكم
رامي: وانا مش هقولها تيجي معانا
امجد واسامة بيبصوا لبعض وبيضحكوا ورامي فاهمهم
رامي: هتفضلوا تضحكوا كدا كتير ولا ايه؟
امجد: لا يالا نخرج
الشباب والبنات خرجوا ووصلوا المول
عز بقى معظم الهدوم اللي اشتراها هدوم مصيف اصلا😂
رامي: انا قولتلك انت رايح تصيف مش تشتغل
هنا: نفس اللي قولتهوله والله
عز: بس يارخمين
مليكة بتضحك جامد عليهم
امل: بتضحكي على ايه ياختي ما انتي كمان الهدوم اللي جبتيها كلها هدوم مصيف
رامي بصدمة: انتي كمان يالوكا وربنا انا حاسس اني هسافر مع ولاد اختي
مليكة اتفاجأت اوي ان رامي يقولها 'لوكا' لان بقاله فترة طويلة مقالش الدلع دا
مريم: معلش يارامي استحملهم
اسامة: عيني عليك ياصاحبي
امجد: اه والله يا اسامة عيني عليه وكمان لسة هيقابل عماد اخويا يعني هيلاقي نفسه في جو تاني خالص
رامي: وانت خلعت وسبتني
امجد ضحك اوي: دا انت هتتجنن يارامي بسببهم
امل: يالهوي يارامي ربنا معاك
الكل ضحك عليه
رامي: انا غلطان اني خرجت معاكم اصلا
مليكة: خلاص ياسيدي يالا شوف انت عاوز تشتري ايه
رامي: لا مش هشتري حاجة
مليكة: اوعى تكون ناوي تقضيها بدل
رامي؛ وايه يعني ؟!
مليكة: دا انت نادر اوي لما بشوفك لابس تيشرت وبنطلون
رامي: البدل احلى
مليكة: بص يارامي بلاش تقضيها هدوم رسمية كدا ، دا حتى في اجازاتنا الخاصة بيطلع روحنا على ماتوافق تلبس كاچول دا انت كويس انك بتنزل البحر او حمام السباحة بشورت
رامي ساكت وعاوزها تقول كل اللي هي عاوزاه
اسامة: عندك حق يامليكو
امجد: بس طلاما رامي سكت كدا يبقى ماتتعبيش نفسك معاه
رامي بصله: ومين قالك ان سكوتي دا معناه اني رافض
امجد: يعني انت عاوز تفهمني انك موافق تلبس كاچول؟!
رامي: ايوا موافق ، بس كلكوا هتقعدوا في الكافيه ومليكة هتيجي معايا
مليكة: هاجي معاك فين؟
رامي: عشان تختاري معايا اللي هشتريه
مليكة: بس بشرط توافق على اللي هختاره
رامي: موافق
اسامة بيهمس لأمجد: هو دا رامي صاحبنا ولا حد تاني
امجد ضحك: لا يا اخويا هو
عز والشباب والبنات فضلوا قاعدين في الكافيه ومليكة مع رامي
-دخلوا محل ملابس كاچول
مليكة اختارت كذا لبس ورامي قاعد مستني يشوف هي اختارت ايه
مليكة ماسكة الهدوم: يالا يارامي قوم عشان تقيس
رامي: هو لازم يعني اقيس ، ماناخد وخلاص
مليكة: لا ماينفعش
رامي: طيب
رامي طخل يقيس ومليكة مستنياه يخرج وهو اتأخر
مليكة: يالا يارامي
رامي: انتي مختارة الهدوم كلها بشورت يامليكة
مليكة ضحكت: لا ماتقلقش لسة هختار بس هيكونوا ببنطلون ويالا اخرج
رامي خرج وكان لابس شورت چينز لحد الركبة على تيشرت ابيض
مليكة بإعجاب: شفتي بقى انت حلو ازاي في اللبس دا😍
رامي: يعني مش حلو في البدل؟
مليكة: لا حلو بس الكاچول احلى عليك بكتييير ، وبعدين يعني ما انت بتلبس كدا لما بتيجي تجري الصبح
رامي: بس بقالي فترة مظ حابب البس كاچول عاوز رسمي وبس
مليكة حست انها ضغطت عليه: انا اسفة ، اختار اللي يعجبك ، وكانت هتمشي بس رامي مسك ايديها وقرب منها
رامي: لو مش انا عاوز البس الهدوم دي ماكنتش هوافقك على حاجة وانتي عارفة ان لو انا مش موافق على حاجة مش هعملها
مليكة اتكسفت من قربه: ماشي يالا نجيب بقية اللبس
رامي: ماشي
_______________
*في الكافيه*
كل واحد قاعد مع حبيبته
-امجد ومريم-
مريم: بس انت فاجأتني النهاردة
امجد: عشان انا كنت عاوز اتأكد من حبك ليا ذي ما انا بحبك ومحبتش اطول اوي في اي كلام معاكي من غير ماعز وباباكي يعرفوا
مريم: انت عارف انك فرحتني بكلامك دا
امجد: يارب دايما اقدر افرحك
*كدا بقى عرفنا مين هي اللي امجد كان بيكلمها*
-عز وهنا-
هنا: ممكن تبقى تخلي بالك من نفسك
عز ضحك: هو انا رايح احارب
هنا ضربته بخفة في كتفه: رخم
عز: بس بحبك اوي
هنا اتكسفت: وانا كمان
عز: انتي عارفة لو مابطلتيش كلمة وانا كمان دي وقولتي بحبك هعمل ايه
هنا برقة: هتعمل ايه؟
عز: لا بعد الرقة دي مش هعمل حاجة😂 ، بس خليكي عارفة اني رايح الغردقة وهناك سياح بقى هنا بغضب: عز ياحبيبي ورحمة امي لو بصيت كدا ولا كدا هقتلك
عز ضحك بكل صوته: يخربيت اللي يهزر معاكي
-اسامة وامل-
اسامة: امتى بقى الامتحانات تخلص
امل ضحكت: انت مستعجل على ايه
اسامة: عاوز الكل يعرف انك بتاعتي وبس ، كنت عاوز اخد رأيك في حاجة؟
امل: ايه هي ؟
اسامة: كنت عاوز يوم خطوبتنا نكتب الكتاب ايه رأيك؟
امل: بس بابا ممكن يرفض
اسامة: اما بسأل عن رأيك انتي عشان لو انتي موافقة انا هقنع الكل
امل اتكسفت وبصت في الأرض واسامة رفع وشها: يعني افهم من كدا انك موافقة
امل بكسوف: ايوا
اسامة باس ايدها: بحبك اوي
_______________
رامي و مليكة خلصوا وامجد واسامة رجعوا بيوتهم ورامي وعز والبنات رجعوا البيت وبسمة كانت مستنية رامي
دخلين بيهزروا ويضحكوا ورامي اول ماشاف بسمة اتفاجأ بيهع
رامي: انتي هنا؟!
بسمة: برن عليك من الصبح وكالعادة مقفول
رامي: انا فعلا كنت قافل التليفون امبارح وانا رايح انام ونسيت افتحه
بسمة بصت لمليكة: ورنيت عليكي يامليكة ماردتيش ليه؟
مليكة: سوري ماسمعتوش
وسابتهم وطلعت وعز والبنات طلعوا وراها
بسمة: عاجبك كدا
رامي: هو ايه اللي حصل
بسمة: انت مش شايف بتكلمني ازاي
رامي: عادي يابسمة
بسمة بصت للشنط اللي في ايده: مش كنت تقولي انك رايح تشتري هدوم كنت جيت اختار معاك
رامي: انا كان معايا البنات وعز واصحابي
بسمة: يعني انا ماليش الحق ذيهم
رامي: انا ماقولتش كدا بس انتي اكيد بتجهزي نفسك عشان سفرنا بكرة
بسمة: ماشي يارامي انا هعديها عشان مش كل يوم نتخانق
رامي: ماشي يالا تعالي نطلع
بسمة: لا انا هروح عشان هنصحى بدري
رامي: ماشي خلاص
بسمة: افتح تليفونك عشان ابقى ارن عليك اصحيك
رامي: حاضر
بسمة مشيت ورامي طلع شقتهم وبيختار اللبس اللي هيروح بيه الغردقة ومحتار وقرر ياخد رأي مليكة ، مسك تليفونه ورن عليها وهي ردت
رامي: الو ، كنت عاوز اخد رأيك في حاجة ممكن
مليكة: اكيد ايه هي
رامي: محتار ومش عارف البس ايه بكرة
مليكة ضحكت
رامي استغرب: هو انا قولت حاجة تضحك؟!
مليكو: لا بس انا تقريبا في نفس الحيرة دي
رامي: بجد؟
مليكة: اه والله
رامي: طب هجيب شنط الهدوم واطلعلك نختار سوا
مليكة: ماشي تعالى
مليكة من جواها فرحانة ورامي طاير من الفرحة
الحلقة ١٦
#رواية_اختارتك_انت❤
#بقلم_ايمان_جمال❤
__________________
رامي ومليكة اختاروا الهدوم اللي هيروحوا بيها الصبح وطبعا نفس الألوان (صدفة)
*تاني يوم الصبح*
عز ورامي ومليكة نزلوا واخدوا بسمة في الطريق وهي اضايقت لما لاحظت الوان هدوم مليكة ورامي ، طول الطريق رامي بيبص على مليكة في المراي وهي ملاحظة دا وكانت بتبصله من وقت للتاني بس هو مش ملاحظ عشان كانت لابسة نضارة شمس ، وعز ماسك فونه بيكلم 'هنا' على الواتس اب ، وبسمة ملاحظة نظرات رامي لمليكة وقعدت تتكلم عشان تشغله
بسمة: احلى حاجة ان احنا سافرنا بالعربية
رامي بصلها وابتسم من غير كلام وهي طبعا اضايقت
بسمة: تعالى نتصور سلفي
رامي: ازاي وانا سايق ، انتي عاوزانا نعمل حادثة
بسمة: يعني هنعمل حادثة عشان صورة
رامي: كل شئ وارد لما نبقى نوصل نبقى نتصور
بسمة: طيب
رامي بص على مليكة ولاحظ انها تعبانة وقلق اوي
رامي بقلق: لوكا انتي كويسة
مليكة بتعب: اه الحمدلله
رامي وقف العربية وبصلها: اه ايه بس وشك اصفر ليه كدا
عز: لوكا انتي معدتك بتوجعك؟!
مليكة بصت لعز بتعب: ايوا
رامي: انت عرفت منين ياعز؟
عز: مليكة لما بنسافر مسافة طويلة بتحس انها عاوزة تستفرغ بس انت اللي ماكنتش بتخرج معانا في العربية لما كنا بنسافر مسافات طويلة عشان كدا انت مش عارف
رامي بقلق: عشان كدا مافطرتش معانا
عز: ايوا
وفجأة مليكة نزلت من العربية واستفرغت ورامي وعز نزلوا
بسمة بأرف: كويسة انه بارة العربية عشان المنظر
رامي بغضب: هو دا كل اللي همك دا بدل ماتنزلي تطمني عليها
بسمة اضايقا من رد رامي وسكتت
رامي بقلق: مليكة انتي كويسة؟
مليكة بتعب: اه الحمدلله بقيت أحسن
عز: متأكدة ؟
مليكة: ايوا انا كنت محتاجة استفرغ بس
رامي بيساعدها انها تقف وتركب العربية ، وفضلوا واقفين شوية عشان مليكة ترتاح ، بسمة مضايقة من حنية رامي على مليكة ودا بيخليها عاوزة تنفذ خطتها
رامي بدأ يضايق من تصرفات بسمة بس بيعذرها عشان بتحبه(باللي هي ناوية عليه مايتسماش حب)
رامي بص على مليكة: بقيتي كويسة
مليكة: الحمدلله
رامي: نتحرك ولا نفضل شوية
مليكة: اه عاوزة نتحرك
عز: لو لسة تعبانة بلاش نمشي الوقتي
مليكة: لا انا بقيت كويسة ياعز
رامي شغل العربية واتحرك بيها وطول الطريق بيبص على مليكة في المرايا وهي نامت وعز هو كمان نام وبسمة صاحية
بسمة: مش بتتكلم معايا ليه
رامي: انتي اكيد عارفة ليه
بسمة: انا ماعملتش حاجة
رامي: انتي شايفة يعني انك معملتيش حاجة
بسمة بعدم اهتمام: ايوا معملتش حاجة
رامي: تمام
بعد شوية نزلوا استراحة في الطريق وبسمة وعز نزلوا ورامي فضل قاعد ومليكة لسة نايمة
رامي بيصحيها: لوكا
مليكة بنوم: نعم
رامي: قومي يالا
مليكة فتحت عنيها وبصتله: هو احنا وصلنا
رامي: لا لسة بس احنا وقفنا عند الاستراحة
مليكة: هو عز فين
رامي: نزل يشتري حاجة
مليكة: وبسمة
رامي: نزلت هي كمان
مليكة: وانت مانزلتش ليه
رامي ضحك: هو انا مصحيكي عشان تنزلي تتحركي ولا عشان تسألي علينا
مليكة ضحكت: انت رخم والله
رامي: طب يالا انزلي عشان تريحي جسمك من القاعدة ، واخيرا مليكو نزلت ورامي معاها ، مليكة دخلت الحمام ورامي راح يجيب قهوة وعز بيجيب عصير
**************
*في الحمام*
بسمة واقفة ادام مرايا الحمام بتظبط الميك اب ومليكة بتغسل وشها
بسمة قربت عليها: عاوزة اكلمك في حاجة ممكن؟
مليكة: ايه هي
بسمة: مالكيش دعوة برامي
مليكة بإستغراب: نعم؟!
بسمة: ايه ماسمعتيش !
مليكة: لا سمعت بس مستغربة من اللي قولتيه
بسمة بضحكة صفرا: ليه هو انا قولت حاجة غريبة
مليكة: وليه طلبتي مني كدا
بسمة: عشان خطيبي ودا حقي
مليكة: هو ابن عمي يعني انا الاقربله منك
بسمة قربت اكتر وبتحذير: انا مش هعيد كلامي تاني مالكيش دعوة برامي وبلاش دور الطيبة اللي عيشالنا فيه دا عشان مش لايق عليكي
مليكة بغضب: انتي ازاي تتكلمي معايا كدا
بسمة: اتكلم معاكي ذي ما انا عاوزة ومش هقولك تاني تمام؟ وخلي السفرية دي تعدي على خير
بسمة خرجت وسابت مليكة ، مليكة مستغربة من طريقة كلامها ووقفت ادام المرايا ودمعة نزلت من عينها
مليكة: ليه بيحصل معايا كدا ؟
مسحت دموعها وخرجت ، ومن جواها ناوية انها تتجنب رامي عشان مش هتستحمل اي كلام من بسمة تاني
رامي بيشتري شوكلاه وبسمة راحت وراه
بسمة: الله ياحبيبي انت بتشتري شوكلاه ليا
رامي: بصراحة انا بجيب الشوكلت لمليكة عشان الدوخة بس لو انتي عاوزة هجيبلك
بسمة اضايقت اوي: يعني بتجيب لمليكة وانا لا
رامي: ما انا بقولك اهو لو انتي عاوزة هجيبلك
بسمة بعصبية: دا على اساس ان الهانم طلبت او قالتلك تجيب
رامي اتعصب عليها: صوتك مايعلاش عليا مفهوم وتتكلمي عليها كويس وبعدين دي تعبانة ومن غير ماتطلب المفروض انا اجيب او عز فهمتي ؟
بسمة بعياط مزيف: شكرا يارامي ، وسابته ومشت
رامي حاسس انه زودها بس للأسف بعد قرار خطوبة عز من 'هنا' وهو مش عارف يكون كويس معاها
***********
عز ومليكة ركبوا العربية ومليكة ساكتة وبسمة ركبت ، ورامي ركب العربية وبص لمليكة
رامي: لوكا خدي الشوكلاه دي
مليكة: مش عاوزة
رامي: لازم تاكليها عشان الدوخة
مليكة اتعصبت: قولتلك مش عاوزة انت مابتفهمش
رامي انصدم من ردها وبسمة فرحت وعز استغرب
عز: في ايه يالوكا ايه حصل عشان العصبية دي
مليكة: مافيش ويالا نتحرك مش هنفضل واقفين هنا
رامي بزعل واضح: تعالى ياعز سوق انا مش قادر اكمل ، وفعلا عز هو اللي ساق وبسمة قعدت جمب مليكة في الكرسي الخلفي ورامي جمب عز
طول الطريق وهما ساكتين ، مليكة زعلت اوي انها قالت لرامي كدا بس للأسف مافيش غير الطريقة دي (طبعا بالنسبالها هي)
بسمة لعز: ممكن ياعز تشغل اغاني اهي حاجة تسلينا
عز كان هيشغل بس رامي ومليكة في صوت واحد: لا ياعز بلاش
بسمة اضايقت اوي بس سكتت وبتفكر هتعمل ايه لما يوصلوا
بعد وقت طويل وصلوا القرية السياحية ، وعماد اخو امجد كان مستنيهم
عماد: حمدلله عالسلامة ياشباب
عز ورامي: الله يسلمك
بسمة اكتفت بإبتسامة ، ومليكة ماردتش خالص ، عماد شاف مليكة واعجب بيها(كل اما حد يشوفها يعجب بيها ورامي هيولع)
عز بتعب: ها ارقام اواضنا ايه عشان نرتاح
عماد: لا انتوا هتقعدوا في ڤيلا امجد (القرية عبارة عن فندق كبير وجمبه ڤيلتين الخاصة بعماد وامجد )
رامي: وليه نقعد في الڤيلا ما الفندق موجود
عماد: دا رأي امجد اخويا هو حابب تكونوا على راحتكم
مليكة اخيرا اتكلمت: اي حاجة بس المهم اننا نرتاح ممكن؟
عماد: حاضر اتفضلوا معايا
عماد اخدهم الڤيلا وعرف لكل واحد اوضته (ذي ما امجد طلب منه) ياترى ايه؟!
وطبعا طلاما امجد اللي ظبط ترتيب الاوض في الڤيلا يبقى اوضة رامي جمب اوضة مليكة(بس اللي هما مايعرفهوش لسة ان الاوضتين ببلكونة واحدة كبيرة)
كل واحد فيهم دخل اوضته ونام حتى بهدومهم لأن من تعبهم مش قادرين يتحركوا
************
*في القاهرة في شركة امجد*
السكرتيرة بلغته ان اسامة بارة وهو قالها يدخل بسرعة
اسامة دخل: في ايه يا ابني مكلمني بدري ومخلتنيش اروح شغلي الاول ليه ؟
امجد: اقعد بي كدا
اسامة قعد: ها اهو قعدت في ايه؟
امجد: في مصيبة حصلت
اسامة بقلق: في ايه يا امجد؟
امجد: ملف دراسة الجدوى اللي عمله عز ومليكة اتسرب من الشركة
اسامة: نعم ودا يحصل ازاي ، دا عمرها ما حصلت في شركتك
امجد: للأسف اه بس انا عارف مين اللي عمل كدا
اسامة: مين؟
امجد: بسمة
اسامة بصدمة: انت بتقول مين؟!
الحلقة ١٧
#رواية_اختارتك_انت❤
#بقلم_ايمان_جمال❤
_______________
اسامة بصدمة: انت بتقول مين؟!
امجد: بسمة
اسامة: وانت عرفت منين مش يمكن تكون غلطان
امجد: ياريت بس للأسف مليكة كان عندها حق لما قالتلي انها خايفة منها
امجد: ليه هي مليكة قالتلك ايه؟
*فلاش باك*
لما خلصوا الاجتماع مليكة طلبت من امجد انها تتكلم معاه ودخلوا مكتب امجد
امجد: خير يامليكة
مليكة: في حاجة قلقاني وكنت عاوزة اتكلم معاك فيها
امجد: في ايه انتي كدا قلقتيني
مليكة: انا مستغربة من طلب بسمة انها تطلب تشوف الملف اللي انا وعز عملناه
امجد: وفيها ايه ماهي بتشتغل معانا
مليكة: ايوا فاهمة دا بس فرحتها انك وافقت انها تشوفه وكمان انها تشوفه في مكتبها
امجد بشك: تقصدي ايه؟
مليكة: بص يا امجد انا اتمنى اني اللي انا حساه يكون غلط بس تصرفاتها تخليني اشك
امجد: كدا انتي بتقلقيني اكتر لو اللي انا حسيته من كلامك هو اللي انتي حاسة بيه هتبقى كارثة
مليكة: ربنا يستر
*العودة من الفلاش باك*
اسامة: طب مش يمكن اللي انتوا حاسين بيه دا يكون مجرد وهم عشان تصرفات عادية
امجد: اهو دا اللي انا حاولت اقنع بيه نفسي لحد مالاقيت مليكة بتكلمني
*فلاش باك*
رامي لما نزل يشتري ايس كريم مليكة شافت بسمة نازلة من عربيتها ادام الكافيه اللي جمب محل الايس كريم ، ومليكة راحت تشوفها واتفاجأت ان بسمة قاعدة مع شخص غريب وكمان بتديله ملف في اللحظة دي مليكة مسكت فونها وصورتها وهي بتسلم الملف للشخص دا ، وبعدها رنت على امجد وبعتتله الصورة على الواتس اب
*عودة من الفلاش باك*
اسامة: يخربيت كدا هي ازاي تعمل كدا
امجد: انا بجد مصدوم انها تعمل كدا
اسامة: طب والملف الوقتي فين ومع مين
امجد: مش عارف بس مليكة اتصرفت صح
اسامة: ازاي؟
امجد: مليكة لما انا نبهت عليهم ان المشروع دا مهم عملت ملفين هي وعز واختاروا واحد وقدمهولي وكأن قلبها كان حاسس ان هيحصل كدا
اسامة: ها وبعدين
امجد: الملف اللي اتسرب كان نسخة لكن الاصل كان لسة معايا وطبعا محدش يعرف حاجة عن كدا
اسامة: طب وبسمة هتعمل معاها ايه ، ومعرفتش رامي ساعتها ليه؟
امجد: اول حاجة عشان كانوا مسافرين ، وتاني حاجة بقى لو انا اتكلمت الوقتي اكيد المصدر اللي اخد الملف هيحاول يتصرف وساعتها يبقى احنا كدا بنتصرف بغباء
اسامة: بس وجود بسمة معاهم هناك اصبح خطر على الشغل
امجد: عارف بس طول ما مليكة موجودة هتعرف تتصرف
اسامة: هتتصرف ازاي بس يا امجد ورامي اكيد مش هيبقى فاهم حاجة يعني مثلا لو مليكة خبت على بسمة حاجة ، رامي مش هيقبل بدا خصوصا انهم فريق واحد
امجد: ربنا يستر ومليكة تعرف تتصرف
****************
*تاني يوم في الغردقة*
مليكة صحيت وخرجت البلكونة وهنا بقى عرفت ان الاوضتين ليهم بلكونة واحدة ، ولما. شافت رامي قاعد في البلكونة وبصوا لبعض وعيونهم اتقابلوا سوا بس نظرة رامي ليها كانت كلها وجع وسابها ودخل جوا
*في اوضة عز*
عز صحي وأخد دش ولبس هدومه (شورت وتيشرت) رامي كان عنده حق لما قال انهم جايين يصيفوا 😂 ، وحط البرفيوم بتاعه وخرج راح لأوضة مليكة ، عز خبط عليها وهي فتحتله
عز: انتي لسة نايمة
مليكة: لا انا صاحية من شوية
عز خرج البلكونة وعرف ان اوضة رامي ليها نفس البلكونة
عز: بقى انتوا هنا وسايبني انا في اوضة جمب بسمة
مليكة ضحكت: هو انت كنت عاوزها تبقى جمبي ولا ايه
عز: لا ، انا وانتي اه لكن انا وهي لا😂
مليكة: ياريت ياعز كنت انت اللي في الاوضة اللي جمبي
عز حاسس انها زعلانة: مالك يالوكا فيكي حاجة
مليكة بخنقة: مافيش ياعز
عز: طب ادخلي خدي دش وانا هستناكي في البلكونة عشان ننزل نتمشى شوية
مليكة ضحكت على كلامه وأخدت لبس ودخلت تاخد دش وعز قاعد في البلكونة ، وبعد شوية مليكة خرجت ولبسها كان عبارة عن (دريس لونه ابيض وفيه حزام من الوسط لونه كافيه ولابسة كاب بنفس لون الحزام وكوتشي ابيض) ونزلها سوا
*في اوضة بسمة*
صحيت وأخدت دش ولبست (بارمودا چينز وبلوزة قصيرة) وحطت برفيوم وخرجت وراحت لأوضة رامي ، هي دخلت من غير ماتخبط وهو كان بياخد دش ، هي قعدت تستناه وبعد شوية خرج ، بس كان ماسك الباشكير بينشف شعره وما أخدش باله منها
بسمة: صباح الخير
رامي بخضة: بسمة!
بسمة: ايه خضيتك؟
رامي: هو في حد بيدخل كدا وبعدين طالما لاقتيني باخد دش ليه ماخرجتيش ، وبعدين احمدي ربنا بقى اني لبست في الحمام
بسمة: وفيها ايه يعني لما استناك لما تخرج
رامي: دا مش اسلوب على فكرة انتي خطيبتي مش مراتي عشان تتصرفي بالطريقة دي
بسمة بغضب: انا مش شايفة اني عملت حاجة غلط ، وبعدين لو مليكة هي اللي كانت مكاني كنت باردوا هتعمل كدا
رامي قرب عليها وعنيه كلها غضب: لآخر مرة بحذرك انك تجيبي سيرتها على لسانك وبعدين ياخطيبتي المحترمة ، مليكة بنت عمي عمرها مابتحب كدا ولا حتى بتقبل اننا نكون ادامها بلبس ملفت دا حتى في اجازاتنا العائلية بترفض ان انا وعز ننزل البحر من غير تيشرت
بسمة بزعل: يعني انا مش محترمة يارامي؟
رامي: انا بقولك الكلام دا عشان خاطر شكلك ادام عز ومليكة وعماد ، شكلك ادام نفسك هيبقى ايه
بسمة: تمام يا رامي شكرا
رامي: تمام يابسمة واتفضلي اسبقيني على تحت ، زمان كلهم صحيوا وقاعدين في الجنينة
بسمة خرجت وهي بتتوعد لمليكة ، رامي صفف شعره وحط البرفيوم الخاص به ونزل
(لبسه كان عبارة عن بنطلون اسود وتيشرت ابيض وكوتشي ابيض)
بسمة نزلت الجنينة وشافت عماد قاعد
بسمة: صباح الخير
عماد: صباح النور ، اخيرا في حد صحي منك انتي ورامي
بسمة: ليه هو عز ومليكة لسة نايمين؟
عماد: لا صحيوا من شوية
بسمة: امال هما فين مش شيفاهم يعني
عماد: خرجوا يتمشوا شوية
رامي نزل: صباح الخير ياعمدة
عماد: صباح النور
رامي: امال فين عز ومليكة لسة نايمين ولا ايه
(طبعا هو عارف انها صحيت)
عماد كان لسة هيرد بس بسمة سبقته
بسمة: خرجوا يتمشوا شوية
رامي اضايق: هو احنا جايين نشتغل ولا نتمشى
عماد: فيها ايه بس يارامي دا يعتبر اول يوم ليكم هنا ومفهاش حاجة
رامي: تمام يا عماد بس احنا مش عاوزين استهتار
عماد: ماتقلقش
وهما قاعدين يتكلموا عز ومليكة وصلوا
عز لرامي: اخيرا صحيت
رامي: ما كنت تيجي تصحيني
عز ضحك: ما بلاش انا يارامي
رامي ضحك غصب عنه: ماشي ياعز هردهالك
مليكة ساكتة وبسمة قاعدة تبصل عليها وهاين عليها تموته ، رامي مش بيتكلم معاها ومش بيبص عليها خالص
عماد: ناويين تعملوا ايه
رامي بجدية: اكيد هنروح الموقع اللي هيتعمل عليه تصاميم الڤيلا
عماد: تمام دلوقتي اتنين بس فيكم اللي هيروحوا
عز: ازاي ، احنا مش هنروح كلنا؟
عماد: لا التعليمات اللي عندي ان اتنين بس هما اللي هيروحوا الاول عشان يشوفوا الوضع عامل ازاي
رامي: وياترى بقى يا عماد مين صاحب التعليمات دي
عماد: امجد طبعا
رامي كان متوقع انه هيقول كدا ، بسمة طبعا خايفة ان مليكة ورامي هما اللي يروحوا
عز لعماد: وياترى بقى مين اللي هيروحوا
عماد: دلوقتي كل اتنين فيكم نفس التخصص ، فهنختار من كل تخصص واحد
رامي: يبقى انا وعز
عماد: الاحسن اننا نعمل ورق بأسمائكم بس كل ورقتين سوا واللي هيطلع من هنا او هنا هما اللي هيروحوا
عز بهزار: دا احنا كدا هنلعب بقى
رامي: ايه لعب العيال دا ياعماد
عماد بجدية: معلش يارامي استحملني بقى
رامي: ماشي اتفضل
عماد بدأ يكتب الاسماء ويقفل الورق وحط كل اسمين سوا وطلب من رامي انه يسحب الورقتين ، رامي سحب من كل ورقتين ورقة وعماد اخد منه الاسماء وقبل مايفتحهم اتكلم
عماد: قبل ما افتح الورق ايا كانت الاسماء ايه هتوافقوا ومش عاوز اي اعتراض
رامي بنفاذ صبر: عماد انجز والنبي
عماد فتح الورق ورسم على وشه ابتسامة وبص ليهم وكل واحد فيهم مستني