رواية :
الخائنه
الحلقه الرابعة
بقلم : دوداا حوده
.
.
.
ناهد : معقول تكون شافت لا باذن الله لايارب والنبي ماتكون شافت ودخلت الاوضه عاملين اي يا بنات
ياسمين : انتي اللي عامله اي
ناهد : قلبي وجعني علي ابوكم اوي
داليا : والله بجد يا ماما
ناهد : هو اي اللي بجد
داليا : كنتي بتحبي بابا اوي صح
ناهد : ده سؤال يا داليا اكيد كنت بعشق بابا طبعا
داليا : ربنا يرحمه يا ماما هو انتي ممكن تتجوزي علي بابا
ناهد : انتي بتهزري ؟؟؟ اي اللي بتقولي ده
داليا : سؤال عادي
ناهد : وهو ده وقته للسؤال العادي بتاعك قومي يلا علشان تتسحري ... (وخرجت ناهد وهي جسمها بيترعش)
ياسمين : انتي غبيه صح!!!؟ اي الكلام اللي بتقولي ده
داليا : انا بكرها الست دي
ياسمين : لا انتي اتجننتي رسمي
داليا : دي خاينه كانت مع عمك محمود في اوضه واحد من ساعه
ياسمين : اششششش اخرسي بتقولي اي
داليا : والله طلعت الشقه شوفت عمك خارج من الاوضه قولت يمكن كان بيشوف ورق ولا حاجه ... وبعدها لقيت ماما خارجه من الاوضه هي كمان
ياسمين : انتي كنتي اكيد اتجننتي ماما وعمي ازاي وبابا اللي لسه ميت ده ازاي اكيد كنتي بتحلمي
داليا : والله قولت كده ... الخوف دلوقتي ميكنش بابا مات موته طبيعه
داليا : اخرسي والنبي متقوليش كده وخدت اختها في حضنها وفضلت تعيط ...
🔸️🔸️🔸️
وناهد خرجت كان محمود قاعد بيهدي كوثر
ناهد : محمود تعالي عايزك
محمود : ثواني ... اي فيه اي ؟؟؟ بعدين
ناهد : معلش دلوقتي قوم
كوثر : فيه اي يا ناهد
ناهد : عايزه محمود ... ماتقوم يا محمود ... قام يشوف عايزه اي ؟؟؟
محمود : خير نعم عايزه اي
ناهد : داليا كانت في الشقه فوق دلوقتي واكيد شافتك
محمود : ينهار اسود ومهبب انا عارف الموضوع خلاص قرب ينكشف
ناهد : انت هتصوت زي الحريم الحل اي
محمود : الحل انك تروحي عند اهلك وتمشي من البيت ده لو حد عرف بالحوار ده مش هيحصل كويس
ناهد : بتقول اي والله ما يحصل وهنتجوز يا محمود
محمود : احلمي يا ناهد ... والله ما هيحصل
ناهد : هنشوف ... (ودخلت ناهد)
حماتها : كنتي عايزه محمود في اي يا ناهد
ناهد : اصل هو اللي طلع فلوس الدفنه والعزاء وكنت عايزه احاسبه
حماتها : وهو وقته يا ناهد
ناهد : الاعمار مش مضمونه يا ماما ...
وكلهم قعدو يتسحرو ومحمود كان عايز يأكل داليا
داليا : معلش يا عمي مش عايزه اكل
حنان : لازم تكلي يا حبيبتي الحزن في القلب وانتي صايمه بكره لازم تكلي
داليا : معلش يا طنط عايزه انام
ياسمين : وانا كمان يلا يا داليا
ناهد : اي ده انتو هتنامو هنا ؟؟؟ وانا هنام لوحدي !!! ولا اي
ياسمين : ما انتي عالطول بتنامي لوحدك اي اللي جد
الجده : حبيبتي خليكوا مع ماما اليومين دول
داليا : لا احنا هنام هنا مش هنعرف ننام فوق (وفعلا دخلوا)
🔸️🔸️🔸️
عدا شهر رمضان وام محمود بتعامل حنان احسن معامله
كوثر : اي يا ماما المفروض انك تعملي كده مع ناهد كل اهتمامك بحنان
الام : مش فاهمه ليه ؟؟؟ خليكي في حالك
كوثر : فاهمه يا ماما بس لا
الام : هو اي اللي لا انتي عبيطه
كوثر : حنان مش هتوافق متكسريش قلبها با ماما
الام : وانا عايزه محمود يخلف بمزاجك غصب عنك هيحصل
ناهد : نعم يا ماما انتي عايزني
الام : اه تعالي يا حبيبتي مش ناويه تقلعي الاسود بقي
ناهد : نعم عمري ما اقلع الاسود ابدا بعد وفات جوزي الحياه بقت سودا
الام : واللي ناوي يدخل حياتك ويخليها بيضا ملوش حق عليكي
ناهد : تقصدي مين مش فاهمه
الام : انا عايزاكي تتجوزي محمود ابني
ناهد : ابدا يا امي مش هيحصل والله محمود ده اخويا
الام : انتي لسه صغيره يا حبيبتي
ناهد : وبناتي لا طبعا مش هيتقبلوا الموضوع ده
الام : سيبي البنات عليا قولي اه وملكيش دعوه
ناهد : سبيني افكر يا ماما وخرجت وهي فرحانه جدا...
🔸️🔸️🔸️
ودخلت حنان اوضه حماتها
حنان : ماما انا خلصت اللي ورايا هتعوزي حاجه
حماتها : اه تعالي عايزاكي
حنان : نعم يا ماما خير
حماتها : بوصي انتي كنتي عايشه مع ابني ومش بتخلفي وانا ساكته الوضع دلوقتي اتغير ابني من حقه يكون اب
حنان : انا قولت ليه كده مره يتجوز وهو مش موافق
حماتها : مش بمزاجه المره دي هيتجوز
حنان : بتقولي اي يا ماما مين اللي هيتجوز
حماتها : محمود ابني هيتجوز ناهد
حنان : اي بتقولي اي؟؟؟ تمام ماشي حقه وانا حقي اطلق
حماتها : مش هيحصل انا مقدرش اعيش من غيرك
حنان : حقه وانا مش هقدر اتكلم فيه بس حقي انا اني مش هعيش مع ضره
حماتها : اللي يريحك يا بنتي شوفي حاجتك ومع السلامه
حنان : اسمعها من جوزي يا ماما
حماتها : عنيا حاضر ... محمود يا محمود تعالي عايزاك
محمود : نعم يا ماما
الام : انا اتكلمت مع حنان وهي عايزه تطلق ارمي اليمين
محمود : مش قولتك !!!؟ مش وقته يا امي
الام : والله حنان هي اللي عايزة ... و انا عماله اطبطب عليها وهي مافيش فايده ... خلصنا ولا هعيد كلامي تاني ... بقولك ارمي اليمين .
محمود : سبيني مع حنان يا امي وانا هكلمها
حنان : انا كلامي خلص لو اتجوزت ناهد طلقني
الام : دلوقتي هيحصل ... طلق يا محمود
محمود : انتي طالق يا حنان ...