رواية :
الخائنه
الحلقه السادسة
بقلم : دوداا حوده
.
.
.
ياسمين : اكيد علشان مش يعرفك ان المشكله من عندو
الجده : وانتم مالكم بالكلام ده اتفضلوا ادخلوه جوا ودخلت داليا وياسمين الاوضه
ياسمين : انتي اتجننتي صح انتي كنتي هتعملي اي
داليا : انا سامعه كلامك لحد دلوقتي ومش عارفه ليه بس لازم الكل يعرف موضوع عمك وامك انا بقيت اكره الست دي وكل يوم كرهي ليها بيذيد اكتر
ياسمين والله هيحصل بس الصبر كل حاجه هتتحل وحق بابا هيرجع بس باسلوبك ده كنتي هدمري الدنيا وبرا الاوضه كان الكل واقف مصدوم من اللي بيحصل
🔸️🔸️🔸️
ناهد : انا عايزه افهم انتي جايه عايزه اي مش ربنا كرمك وخلاص جايه تنكدي علينا ليه
حنان : انا جايه افهم ليه عمل فيا كده ليه كان بيخلني مكسوره كل يوم وفاكره ان المشكله من عندي وعلشان هو راجل مش حابب ينكسر مش رضي حتي يعرفني اانا والل كنت هبقي ستر وغطاه عليك بس ربنا مش بيرضي بالظلم وطلقني منك خليك بقي مع الست هانم
ناهد : حنان محمود بيخلف ولو تحبي تروحي معانا عمل تحليل معنديش مانع هو مكنش حابب يخلف منك يا حبيبتي
محمود : اخرسي خالص وضربها بالقلم اطلعي شقتك
حنان : كمان مكنتش عايز تخلف مني الحمد لله والله مش ندمانه اني اطلقت منك وسبته ونزلت وجري وراها محمود ووقفها في الشارع ومسك ايديها اصبري بس والله الكلام ده مش حقيقي
حنان : لا حقيقي يا محمود حقيقي بس انا اللي كنت عبيطه ومش عارفه حاجه بس عايزه اعرف السبب ليه عملت فيك ايه علشان تعمل فيا كده
محمود : باامانه انا مش شوفت منك الا كل خير وبجد ندمان اني طلقتك والله العظيم حياتي اتدمرت من يوم ما سبتك
حنان : فاكر اخر يوم كنت فيه في البيت ده انت فولت ليا اقعدي والشهر الجاي هتكوني حامل معناها اي يا محمود
محمود : كنت حاسس ان ربنا هيصلح حلنا
حنان : انا حالي اتصلح يوم ما اتجوزت احمد ربنا عوضني بجد وسابت محمود ومشيت وكانت ناهد واقفه في البلاكونه وصورت كل حاجه فيديو بس طبعا الصوت مش واضح عالشان هي كانت فوق اوي ...
🔸️🔸️🔸️
وطلع فوق
الام : انا عايزه افهم بقي الحقيقه
محمود : الحقيقه اللي لازم تفهميها هي حاجه وحده ونده علي ناهد ا ناهد يا ناهد
ناهد : نعم
محمود : انتي طالق طالق طالق ومش عايز اشوف وشك تاني
ناهد : انتي بطلقني عالشان الجربوعه دي والله لطلع عينها
محمود : اقسم بالله لو قربتي ليها لدفنك بالحياه
الام : انت اتجنت صح
محمود : لاعقلت وسبها ودخل اوضه داليا وياسمين
محمود : طلعوا اللي في قلبكم انا خلاص بقي المهم عندي انتم وانا عارف انكم عارفين كل حاجه
داليا : بابا عملك اي عالشان تعمل في كده يا عمي
محمود : انا غلطان والله وحقكم عليا وحق ابوكم هيرجع
داليا : احنا عمرنا ما هنسامحك انا كنت بحبك اوي يوم موت بابا يحصل كده
محمود : اقسم بالله انا بموت وارجوكم ارحموني
🔸️🔸️🔸️
وخرج وراح ليحيي بيته
يحيي : محمود تعالي يل حبيبي
محمود انا مخنوق اوي وعايز اتكلم معاك
يحيي : اتفضل ياقلبي سامعك
محمود : داليا وياسمين
يحيي : بنات مصطفي مالهم
محمود : دول مش بنات مصطفي
يحيي: انت بتقول اي انت تقصد انت مرات اخوك خاينه لا هي واطيه اه بس مش اوى كده
محمود : لا اوي واانا كمان البنات دول بناتي
يحيي انا مش فاهم حاجه بتقول اي
محمود : اقسم بالله دي الحقيقه وفضل يعيط ويحكي ليه علي كل حاجه انا مخنوق وكنت محتاج حد اتكلم معاه
يحيي : امشي اطلع برا انت جاي وفاكر اني هعمل اي هاخدك في حضني
واقولك المسامح كريم برا واستني موتك وموتها علي ايدي برا يا كلب ...
ومشي محمود وهو منهار وانه بيفكر يموت نفسه بس قال لا موتها هي الاول ...
🔸️🔸️🔸️
تاني يوم راحت ناهد الشركه عند احمد وطلبت تقابله
احمد : مين حضرتك
ناهد انا جايه علشان اقولك خلي مراتك تبعد عن جوزي
احمد : انتي مجنونه صح امشي اطلعي برا
ناهد : حاضر بس شوف الفيديو ده وشاف احمد محمود وهو بيمسك حنان من ايديها في الشارع ووقفت اتكلمت معاه
احمد : امشي اطلعي برا
ناهد : طالعه ... اه نسيت ابارك ليك علي الحمل الف الف مبروك .......