رواية عشقت رجل مجهول الهوية
الفصل التاسع والعاشر
بقلم فاطمة ابراهيم
التاسع
- بدموع " دي مش مامتي!
- بتفاجئ " أييه! ؛ مين قالك الكلام دا
- فين ماما ليه مخبيها عني
- يقرب منها بحزن " حببتى مش أنتي بتثقي فيا
- بعدت وهي بتترعش " أبعد عني أنا مش بحبك أنت كداب وبتضحك عليا
- نزلت دموعه بقوة " لأ ي بيلا صدقينى ي حببتى مفيش حد بيحبك قدي في الدنيا دي
- لأ أنت مبتحبنيش ولا ماما كمان هي سبتنى ومش عايزة تشوفني انا وحشة ومحدش بيحبي ولا حتي انا
بحبي ؛ بكرهني وبكره الاوضة دي وكل حاجه فيها
"قامت بعصبية بدأت تقطع كل الكتب الا حوليها وترمي كل الاعشاب الا كانت عملها لفريدة في الزبالة وتجري ع الشباك وتحاول تفتحه"
- بيلاااا لأ "يجري عليها وياخدها في حضنه قعد ع الارض ويعيط بقوة" ليه ي بيلا دا أنا معملتش كل دا غير علشانك انتى وبس والله علشانك أنتي بتوجعي قلبي عليكي ليه يبنتى ؛ أنا عارف أنك ملكيش دعوة
بكل الا حصل بينى وبين مامتك زمان بس والله هي ما تستاهل حبك دا كان نفسي هي كمان تحبك زي ما أنتي بتحبيها كدا حتي من قبل ما تشوفيها بس هي أنانية محبتش غير نفسها والفلوس
- بصوت خافت ضعيف" ماما عاوزه ماما
- عارفه ي بيلا ايه الفرق بينك وبينها!
أنك حبتيها من قبل ما تشوفيها ولا حتى تتكلمي معاها
أنما هي من قبل ما تشوفك ولا تتكلم معاكي كرهتك وتمنت موتك ؛ عارفه ساعات بقعد مع نفسي وأفكر بحس أني أنا السبب في الا بيحصلك دا يمكن لو كنت أخترت الشخص الصح كانت حاجات كتير أتغيرت أو مكنتش حصلت أصلا ووصلنا للمرحلة دي كنتي مثلا هتكوني في المدرسة دلوقتي وليكي صحاب كتير وأخوات كمان وعايشة حياة عادية بين أب وأم
"بصوت مخلوط بالبكاء" دي حتي الحياة العادية مش قادر أوفرهالك!
- انا خلصت الشنطة ي يابنى كدا هتت...؛ هو فيه ايه مالك ي أدم!
- حاولت أعوضك بواحدة تستاهل ملاك زيك في حياتها وتقدره
- أدم أنت بتتكلم مع مين! بيلا نايمة
- يبص عليها وبحزن " يعز عليا نومك معيطة ي ملاكي
كنت فاكر أن ممكن أخليكي أسعد واحدة بالفلوس الا معايا ومش أخليكي محتاجة حتي لحنان الأم بس يظهر أني طلعت غلطان
- أستهدي بالله يابنى وقوم نايمها خلينا نطلع هتتأخر كدا
- بيلا كانت هتموت نفسها ي عم محمد! ؛ كانت بتفتح شباك الاوضة والكتب الا بتحبها قطعتهم كلهم
- هاتها يابنى انا هحطها ع سريرها اطلع أنت
- بيلا بتكرهني وبتقولي أني كداب ومخبي أمها عنها!
- دي عيلة صغيرة متخدش في بالك هي متعرفش حاجه هتنام وتصحي تبقي زي الفل
- يقرب منها وهو بيجذبه حاجة في جيبها يطلعها " عقد الجواز!
- ايه الا جابه معاها دا!
- بعصبية " أنت بتسألني انا ؛ أكيد لقته بالليل في أوضة فريدة!
- قصدك أنها كانت نازلة مخصوص تدور ع ااا
- يقاطعه " لسه واخد بالك!! ؛ يحط إيده ع وشه بضيق "مكنش لازم اسمحلها تنزل تحت لوحدها مجاش في بالي انها تعمل حاجه زي دي وتهدم كل الا عملناه
بيلا مبقاش عندها ثقة فيا خلاص كل حاجه جيت أصلحها قلبت بالعكس بوظت كل حاجه ؛ "ضاقت أوي"
-طبطب ع كتفه " يمكن دي بداية الفرج يابنى متيأسش وبنفس عميق "مش يمكن ربنا شايف أنك مكنتش هتقدر تعمل الخطوة دى لوحدك فحب يساعدك!
- بنظرة استغراب" يساعدني في أن بنتى تقولي بكرهك! ؛ في أني أشوفها بتنهار قدامي وأنا واقف مش قادر أعمل حاجة!
- أستغفر ربنا ي ابني وادعي هو الوحيد الا قادر يحلها من عنده
"الفون يرن"
- دي فريدة!
- شوفت بقي مش قولتلك أنك اتأخرت عليها أوي
- ألوو
- أيه ي حبيبي أتاخرت عليا كدا ليه؟!
- معلشي ي فريدة أصل انا ااا
- مالك ي أدم أنت تعبان!
- الصراحة أيوا تعبت شوية ومش قادر اخرج من البيت
- ألف سلامة عليك طب خلاص متتحركش من عندك أنا جيالك
- لأ أنتي لسه تعبانة أستني أنا هجي أجيبك
- أدم قولتلك متتحركش ممكن تسمع الكلام بقي ومتقلقنيش عليك أكتر
- طيب هبعتلك السواق بالعربية دلوقتي
- ماشي ي حبيبي سلام.
"قدام المراية"
- ايه في ايه
- في ايه أنتي بتبصيلي كدا ليه!
- لا والله دي شكل واحدة عاوزة تنتقم وتعمل خطط علشان تكشف الحقيقة!
- أحم بصي أصل صوته شكله تعبان بجد أكيد مش تمثيل يعني
- وعاملة نفسك شريرة وعاد لينتقم وشوية كنتي هتقلبي تنين مجنح ومع أول مكالمة حنيتي!
- بس بقي انتي مالك أصلا ع فكرة بقي أنا لسه عند موقفي انا بس غيرت الخطة
- اه بدل خطة الهجوم بقت تحالف مش كدا
- أمشي أمشي هو انا ناقصة عقل باطن كمان أوف
"الباب يخبط"
- أدخل
- مدام فريدة البيه باعتني لحضرتك ها تحبي أنزل معاكي حاجة
- اه خد الشنطة دي للعربية وأنا جاية وراك ع طول
- تحت امرك
- أدم مالك طمني طلبت دكتور!
- لأ مش مستاهلة أنا بس عاوز ارتاح شويه
- طيب أسند عليا أدخلك الاوضة تنام يمكن ترتاح
- لأ متتعبيش نفسك انا هطلع فوق
- ليه ي أدم ما الاوضة أهي وكمان علشان متتحركش كتير انت تعبان
- أفهمينى ي حببتى الحكاية أن من وقت دخولك المستشفي والاوضة مش مترتبة ولما عم محمد عرف أننا هنسافر يظهر كدا كسل هو كمان وسابها من غير ترتيب علشان كدا قولت هطلع فوق
- ترفع حاجبها بغيظ " وأنت بقي أيام المستشفي دي بقي مكنتش بتنام في أوضتنا ليه ها كنت بتنام فين!
- عندك في المستشفى طبعا
- أحم اه صحيح ايه السؤال الغبي دا انت كنت معايا فعلا
- ممكن أطلع بقي ولا لسه أسئلة تانية!
- لأ طبعا اتفضل ؛ انا هروح بقي أرتب الاوضة
- أزيك ي عم محمد
- الله يسلمك يبنتى الحمد لله على سلامتك متتخيليش كنت قلقان عليكي أزاي البيت من غيرك كان مضلم
- ربنا يخليك الحمد لله على كل شيء
- يالا بقي انا عملتلك عشا هتنبهري بيه حاجة كدا من مقامك أنتي لازم برضو تتغذي كويس بعد الا حصلك
- انت ليه محسسني اني كنت والدة ي عم محمد دي حادثة بسيطة
- يارب يبنتي أنا أتمني اشيل ولادكم وأربيهم بنفسي
- ان شاء الله ؛ ها ورينى بقي عملتنا عشا أيه
- شال المفرش " ها ايه رأيك
- ها فين العشا؟
- ها ايه رأيك
- لأ ما هو احنا مش هنقضيها ها كدا طول الليل الاكل فين!
- سلامة نظرك يبنتي ما هو قدامك أهو
- أحم اه دا الاكل الا من مقامي!
- هتاكلي وهتدعيلي
- أو هدعي عليك أيهما أقرب ي عم محمد
- ايه الاصناف مش عجباكي ولا ايه!
- لا لا أزاي عجبتني طبعا بس يعني إحساسك مخيبكش وسط كل الاكل دا تعمل أكله واحدة بحبها ضمنهم!
- ايه دا مبتحبيش البامية ولا السبانخ ولا القلقاس معقولة!
- أنت ليه محسسني أنك بتتكلم عن مكرونة بشمل وقولتلك مبحبهاش ؛ الاكل دا نص الكوكب مبيحبوش ع فكرة يعني
- طب والنص التاني؟
- لأ دول أمهات النص الاول الا بيحاولوا يقنعوهم بأنهم ياكلوا الاكل دا ؛ بص انا شبعت خلاص شكرا أنا هشرب عصير وهنزل البارت التاسع من الرواية ونام
- لأ دا العصير دا من اختصاصي هعملهولك وصاية ليكي
- يبقي كتر خيرك أوي انهاردة وأنا هطلع اطمن ع أدم وأنزل تكون خلصت
- ايه دا هو فين!
عم محمد ؛ عم محمد
- في ايه يبنتى
- أدم روحت أوضة المكتب ملقتوش هو مكنش نايم فوق! ؛ راح فين؟!
- ااا ما ممكن يكون راح الحمام يبنتى
- تفتكر! ؛ طب انا هطلع أشوفه تاني
- لا لا أنتي لسه خارجة من المستشفى تعبانة خدي العصير أهو وروحي أرتاحي انا هطلع أشوفه
- بس ي عم محمد ااا
- أسمعي الكلام أنتي تعبانة ولازم ترتاحي ؛ أنا هبقي أجي اطمنك عليه
- أدم ؛ أدم قوم
- في ايه ي عم محمد
- ايه الا نيمك هنا أنت مش عارف أن كدا فريدة ممكن تشك فيك لو طلعت ملقتكش!
- ششش وطي صوتك بيلا تصحي تعالي نطلع الاول
- ها ي عم محمد كنت بتقول ايه
- كنت بقولك أن فريدة طلعت علشان تطمن عليك هنا ومش لاقتك ولولا أني طمنتها بكلمتين كانت شاكت أن في حاجة
- مبقتش تفرق خلاص
- يعني أيه مش هتنزل بيلا ليها انهاردة!
- أنزلها أزاي ي عم محمد أنت عقلك كان مسافر ولسه جاي ولا ايه! بقولك بيلا ولا طيقاني ولا طايقة فريدة ولا طيقاك انت شخصيا!
- طب أنزل أنت نام معاها تحت علشان متصحاش تدور عليك الصبح أهو نبقي حللنا حق الحباية
- مين قالك تحطلها المنوم بس ي عم محمد!
- قولت أنك تعبان ومش هتقدر تنزل تشربهولها أنت فحبيت اتصرف وأشغل مخي
- ياريتك ما شغلته ؛ لأ مش هنزل مش هقدر أسيب بيلا
- متقلقش انا معاها ومش هسيبها أنزل بقي زمانها راحت في النوم...
- صباح الخير ي عم محمد
- صباح النور ي بنتي ايه النشاط دا كله صاحية بدري انهاردة يعني
- عادي قولت أتمشي في التراث وأشم هوا أنت عارف كنت محجوزة في المستشفى ومش بتحرك
قولي بقي ي عم محمد أنت قولتلي أنك شغال هنا من أيام والد أدم صح
- أيوا يبنتى حصل
- يبقي أكيد عارف كل إلا ادم اتجوزهم قبلي صح
- أيو....؛ أيه دا لأ طبعا محصلش
- ليه ما انت كنت ماشي كويس!
- طب سؤال تاني ؛ أدم كان...
"يقاطع كلامها صوت الفون"
- ألوو ي ماما وحشتني أوي عاملة اية
- فريدة ي بنتي انتي فين
- بقلق " مالك ي ماما صوتك ماله!
- أنتي بخير ي حبيبتي طمنيني عليكي كح كح
- ماما مالك انتي تعبانة!
- لأ انا كويسة متقلقيش
- طب ارتاحي أنتي بس ومتتكلميش أنا جيالك حالا
- لأ مفيش داعي انا بخير
- عم محمد انا راحة لماما شكلها تعبانة لما أدم يصحي قوله وانا هبقي اتصل اطمن عليه ؛ سلام
- مالك ي ماما قلقتيني عليكي
- أنا كويسة ي حببتي مفيش حاجة اطمني شوية دوخة بس مش أكتر
- أنتي خدتي الدوا بتاعك
- أيوا يبنتي بس مش دا الا تعبنى ي ضنايا
- بدموع " فيكي ايه بس ي ماما
- أنتي ي فريدة مفيش حاجة قلقاني غيرك يبنتى والا بتفكري تعمليه
- متخفيش ي ماما أنا معملتش حاجة من إلا قولتلك عليها
- طمنتى قلبي ي بنتي
- أنا الصراحة بس رجعت الفيلا تانى
- ااه ي قلبي همووت
- ي ماما بعد الشر عليكي انا رجعت بس علشان اعرف الاول هعمل ايه
- هتطلقي طبعا
- اه ي بطني
- ي سلام هي بتوجع للدرجة دي ولا ايه! طب هطلقك يعنى هطلقك ها
- اااه ي ماما ألحقيني "وقعت في الارض مغمي عليها"
- بنتى! ألحقوني
- الحمد لله ع سلامتك
- الله يسلمك ي دكتور ؛ هو حصل ايه!
- الحقيقة أنك كنتي هتدخلي في مضاعفات خطيرة لو مكناش عملنا غسيل معدة بسرعة
- غسيل معدة! ؛ ليه
- برشام المنوم الا خدتيه مع علاج الفترة الا فاتت أثر ع المعدة لان الجسم مكنش لسه أمتصه كله
- بصدمة " برشام منوم!!
العاشر
- غسيل معدة! ؛ ليه
- برشام المنوم الا خدتيه مع العلاج الفترة
الا فاتت أثر ع المعدة
- بصدمة " برشام منوم!!
- أيوا بلاش منه الفترة دي علشان الدوا إلا بتاخديه
ونصيحة مني بلاش منه خالص لانه هيضرك جدا وممكن يقلب بمضاعفات وقرحة ؛ أنتي عندك إصطرابات في النوم!
-
- مدام فريدة أنتى سمعاني!
- ها أيوا معاك طب ي دكتور بعد اذنك هو برشام المنوم دا ممكن يتاخد في حاجة مدارية؟
- يعنى ايه مش فاهم
- يعنى مثلا أخده بطريقة غير مباشرة؟!
- اه طبعا ممكن في الشاي او العصير أي مشروب بس زي ما بقولك لازم توقفيه علشان صحتك
- طب هو بيعمل صداع ي دكتور!
- في الاول بيكون غريب عن الجسم فبيتأثر جامد وبيسبب صداع بس بعد كدا لما الجسم بيتعود عليه مرة في مرة الصداع بيخف ؛ والدوا دا تلتزمي بيه ولو حسيتى بأي حاجة اتصلي بيا ع طول
- عصير ؛ برشام منوم!
- في ايه ي بنتي ايه الكلام الا قاله الدكتور دا!
- عصير وبرشام منوم!
- بسم الله الرحمن الرحيم مالك يحببتى بس ايه الا حصلك
"أترمت في حضنها جامد وهي الصدمة باينة ع وشها ومش قادره تستوعب"
- ليه ي فريدة كدا تضري نفسك يبنتى من أمتي وأنتي بتشتكي من قلة النوم علشان تاخدي الحبوب دي!
- بسرحان ووجه شاحب " من ساعة ما رحت الفيلا ي ماما
- ي حببتى يبنتى انا قولتلك البيت دا مسكون إذا كان صاحبه مخاوي البيت هيكون سليم! ؛ أكيد لازم يطير النوم من عينك
- أنا تايهة ي ماما حاسة إني في دنيا تانية مع ناس معرفهمش ناس كلهم بأقنعة بوشوش مرعبة
- قولتلك ي حببتى بلاش أنا كان قلبي حاسس أنك مش هتسلمي من شره هو ولا إلا معاه
"الفون يرن فتتخض جامد"
- ألوو مين
- في ايه ي فريدة أنا أدم
- أدم
- عم محمد بيقول أن مامتك تعبت وأنتى روحتيلها هي عاملة ايه دلوقتي أنا بلبس وجيلك أهو
- لا لا متجيش ؛ ااا قصدى يعنى متتعبش نفسك هي بقت بخير دلوقتي أنا شوية وجاية
- مش هتروحي يعنى مش هتروحي فاهمة!
- دا صوت مامتك ي فريدة بتقول حاجة؟
- لأ ابدا ي حبيبي دى بتقولي سلميلي عليه ؛ سلام
- أنتى مفيش فايدة فيكى! ؛ دماغك دي ايه حجر مبتتأثرش بالكلام هدمري نفسك بأيدك علشان مين!
- علشان حقي ي ماما ؛ حقي الا مش هسيبه علشان حد ؛ أدم غلط غلطة كبيرة أوي ومش ممكن أغفرهاله
- أنتى ي بت هتجننينى شوية عاوزة تنتقمي منه وشوية تقولي صرفتى نظر عن الموضوع أنتى عاوزة ايه بالظبط!
- قامت بسرعه باست رأسها وبحب " عاوزاكي تطمني عليا وتدعيلي بس أنا ماشية
- خدي هنا ي بت فري.. فريده! ؛ ي ربي أعمل ايه بس شكلك مش هترتاحي يبنتى غير لما تموتينى بحسرتي عليكى ربنا يهديكي
- عم محمد ي عم محمد
- أيوا يبنتى أنا جيت أهو أؤمري
- بنظرة حادة " أؤمر! ؛ الامر لله ي عم محمد ي راجل ي طيب
"قربت منه وباسته من خده" مالك أحلويت كدا ليه
- وشه جاب ألوان وبخوف جري ع البرا " هتروح مني فين دي فيلا كلها أوضة وصالة ؛ أحم ايه الا انا بقوله دا هو فيه ايه!
- اتفضل ي عم محمد
- ايه دا ي بنتي!
- عصير منجا شيفاك هفتان كدا طالع عينك في الفيلا دي لوحدك حراسه واكل وشرب ومش واخد بالك من صحتك خالص
- سبحان مغير الاحوال أهو أنا في البيت دا من أكتر من خمسه وعشرين سنة عمر ما حد أهتم بيا زيك كدا
- وأنا كمان من ساعة ما جيت البيت دا ومحدش أهتم بيا ولا بأكلي وشربي غيرك ي عم محمد وخصوصا كباية العصير إلا من تحت إيدك دي
- يشرق ويفضل يكح " أيه في ايه مالك بس أنت كويس! أجيبلك ماية
- لأ يبنتى أنا بخير متقلقيش
- بصوت خافت " ايه ي فريدة الغباء ده أنتي ناقص تقوليله أنا كشفتك مشفتش في غبائك!
- أحم قولي بقي ي عم محمد
- أقولك ايه؟
- أنت متجوز!
- كح كح
- لأ لأ أنت صحتك مش عجباني أنت تشرب عصير تاني
- هو انا قادر أكمل الا معايا لما أشرب تاني!
- عارف ي عم محمد أنا طول عمري بحلم بحياة هادية مستقرة زوج طيب وبيحبنى ابن حلال كدا وأخلف منه عم محمد صغير يملأ علينا البيت
"رجع عم محمد العصير كله والكباية وقعت ع الارض"
- هو فيه ايه يبنتى أنتى من ساعة ما رجعتى من عند الوالدة وأنتى فيكي حاجه غريبة ؛ هو حصل حاجه
- أبدا دا انا بفك معاك بكلمتين بدل الملل دا قولي بقي هو أدم شبه مين أكتر باباه ولا مامته
- بإبتسامة " كله والده الله يرحمه نسخه منه حتى عنده وراسه الناشفة دي كلها أبوه الله يجازيكي يبنتى فكرتينا بالذكريات الحلوة
- أمم وهي أول جوازة ل أدم اتجوزها كان عنده كام سنة تقريبا؟
- ياه دا كان لسه صغير اوي عيل عنده... ايه دا!
- قول قول سرك في بير
- أحم طب انا هروح أكمل شغلي ونبقي نتكلم وقت تاني
- بنظرة حادة " اقعد ي عم محمد مفيش شغل دلوقتى دا وقت الراحة بتاعك
- بس انا مليش وقت راحة يبنتى!
- من أنهاردة بقي ليك يالا بقي اتكلم كان عنده كام سنة؟
- كان لسه في أولي جامعة ١٩ سنة لسه معرفش حاجه في الدنيا ولا عنده اي خبرة في الشغل
- أمال كان بيصرف عليا أزاي!
- من فلوس أبوه أصل والده كان راجل أعمال كبير أوي
- اه وطبعا لما مات الراجل ساب الاعمال الكبيرة دي لأدم
- بالظبط كدا
- طب ودي بقي طلقها ليه؟
- دي ماتت ي ست هانم مش طلقها
- ي ساتر ي رب متقولش هي دي الحادثة الكبيرة الا كانت حصلت ع الدائري قبل ما يتبنى دا! يا الله لا مش قادرة اتخيل الموقف
- حادثة ايه؟ مش ماتت بحادثة
- بس خلاص متقولش دي البنت الا كانت الجرايد كاتبة أنها ماتت مسمومة ب سم فيران! ي ربي قطعت قلبي ي عم محمد ليه قولتلي ليه
- فيران ايه يبنتى وسم ايه ولا ماتت مسمومة برضو
- الله حيرتنى معاك ي عم محمد ما تتكلم بقي الله يرحمها أتوكلت ع الله أزاي!
- بتلقائية " ماتت وهي بت..
- ايه أنت قطعت ليه ما تكمل ماتت وهي ايه
- ااا مامتت وهي بتنام اه
- ماتت وهي بتنام! انا أسمع الا بيموت وهو صاحي والا بيموت وهو نايم بس الا بتموت وهي لسه بتنام دي الا هو أزاي كانت لسه بتفكر تنام يعنى ماتت
- يااه دا انا اتأخرت أوي ولازم أقوم أروح المكتبة
- مكتبه ايه ي عم محمد انت بتعرف تقرأ وتكتب!
- لأ دول مش ليا انا رايح أجيب كتب موصينى عليها أدم بيه من المكتبة الا ع أول الشارع عن أذنك بقي
وشكرا على كباية العصير دي
- بغمزة "أنت لسه شربت حاجة دا أنا هشربك الخير كله ي عم محمد
- أنا وراك والزمن طويل ي عم محمد فاكرني هبلة وهصدقك قال كتب قال دا أدم مبيكرهش غير القراءة والكتب أكيد رايح تجيب المنوم وانا بقي هقفشك بيه انهاردة هعصرك أطلع منك بوابين صغيرين
"خرجت فريدة وراه بحرس وهي بتبص وراها وحوليها بحذر وكلها يقين ان اليوم دا هتكشف فيه عم محمد"
- واقفه بتراقبه ورا شجرة " أمم اكيد رايح للديلر بتاعك ي عم محمد يا تري أسمه ايه!
ايه دا دي مكتبة فعلا يااه خطة في منتهي الذكاء مكان عام ميخطرش ع بال حد باشا
بس ع مين دا انا فريدة أنا ي عم محمد تنايمني في العسل وتغفلني وعامل نفسك بتهتم بيا انا!
- أنتي بتكلمي مين؟!
- عااا "ألتفتت وراها بخوف" ااا أنت مين؟
- مش فكراني!
- بصتله بستغراب " ايه أنت شريكه ولا ايه
- شريك مين!
- بقولك ايه خلصنى احنا مش في برنامج خربش واكسب لا تتكلم ع طول لتمشي وتسبنى في حالي
- هو مش حضرتك مدام فريدة!
- ايه دا انت تعرفنى بجد "رتبت نفسها بإحراج" أحم هو حضرتك تعرفني منين؟!
- مكنتش متوقع تنسينى بالسرعة دي
- رفعت حاجب ببرود
- ااا خلاص خلاص ما هو أنتي كنتي لسه تعبانة برضو أكيد متقصديش ؛ انا الباشمهندس مروان الا أخدتك المستشفى يوم الحادثه
- ااه افتكرت اهلا بحضرتك بس خير الموضوع عجبك و جاي تخبطنى تاني يعنى ولا ايه!
- أحم لأ طبعا مفيش الكلام دا انا بس كنت جاي اطمن عليكي بعد ما خرجتي
- وأنت عرفت مكان البيت أزاي!
- عرفت أن أدم رجل اعمال كبير سألت في فرع شركته وأدوني العنوان هنا
"عم محمد معدي من قدامهم بكرتونه مقفول تتداري منه فريدة في مروان بسرعه لحد ما يعدي"
- هو فيه ايه مالك!
- لأ مفيش أنا بس الدكتور قالي لازم أمشي في الساعة يومين علشان الاكسجين يتوزع في كل جسمى من تاني
- في الساعة يومين!
- بشدة أنا قولت كدا!!
- اه لأ خلاص الا انتى شيفاه ؛ طب أيه رأيك أتمشي معاكي انهاردة شوية لو مش هضايقك
- تبص ع جسمه النحيف بدهشة " أنت متأكد من كلامك دا! ؛ لو راسم ع رد الجميل وأشيلك انا كمان وأخدك المستشفى فمتحلمش
- ع فكرة أنا رياضي قديم ميغركيش أنا العضلات عندي بتنمو لجوا
- متحلفش باين ع شكلك ؛ اتفضل اتمشي
- ساكتة ليه!
- طب ما أنت كمان ساكت
- أنتي متجوزة من أمتي؟
- وقفت بستغراب " ودى حاجه تخصك في ايه مش فاهمة!
- في ايه ي مدام فريدة انا بتكلم عادي مش قصدي
- بتمشي بضيق " من شهر
- غريبة شهر و نزل الشغل ع طول كدا أمال فين شهر العسل والسفر والفسح!
- أنت مالك! لأ حقيقي يخصك في ايه
- أنا أسف قولت أدردش معاكي شويه عادي
- وقفت بعصبيه " باشمهندس مروان
- ااا اتفضلي
- ما تجيب من الأخر كدا وقولي عاوز ايه!
- مسك إيدها فجأة " فريدة بصراحة انا بحبك وعارف أنك مبتحبيش أدم
"بصدمة تبصله بقوة ومش قادره تتكلم "
- صدقيني انا مشاعري دي حقيقية من ساعة ما شوفتك يوم الحادثه وأنتي مرحتيش عن بالي لو قولتلك أني كنت قلقان عليكي أكتر من أدم نفسه مش هتصدقينى ؛ يقرب من إيدها ويبوسها "تسمعي عن الحب من أول نظرة!
" تشيل إيدها بسرعه تضربه بالقلم وتجري ع الفيلا بخوف "
- في ايه يبنتى بتجري كدا ليه!
- دخلت الحمام غسلت إيدها وهي بتعيط ودخلت الأوضة قفلت ع نفسها وقعت تعيط وترتعش من الخوف
- ألوو
- أيوا عملت ايه؟
- لسه محتاج وقت
- وقت أيه ما أنت عارف اكتر حاجه مش في إيدينا هي الوقت لازم نخلص بسرعه
- قولتلك لسه يعنى لسه ايه اخطفها يعني علشان ترتاحوا!
- أنت الا فاشل ظبطنا كل حاجه واعتمدنا عليك بس يظهر كنا غلطانين البنت الا كل حاجه متوقفة عليها كنت هتقتلها!
ودلوقتي مش عارف تقرب منها وهي وجوزها بينهم خلافات ومش واخدين بعض عن حب يعني سهل توقعها مفيش أسهل من كدا!
- أديني يومين كمان وأنا هخلص المطلوب
"بالليل"
- فريدة لسه مرجعتش من عن مامتها ولا ايه ي عم محمد!
- لأ دي رجعت من بدري في أوضتها ي بيه
- طب جهز العشا وانا هدخلها
"يخبط ويحاول يفتح بس الباب مقفول بالمفتاح"
- فريدة!
-
- فريدة أنتي صاحية
- تمسح دموعها بسرعه " ثانية ي أدم جاية
- ايه مالك ي حببتى قافلة ع نفسك ليه
- مفيش ي أدم
- يرفع وشها بإيده برقة "متأكده انه مفيش ؛ فريدة ايه دا أنتي بتع يطي!
- لأ مفيش حاجه انا بخير
- اتكلمي مين الا زعلك
- مفيش ي أدم انا بس كنت ااا كنت زعلانة علشان ماما تعبانه شويه
- بإبتسامة يبوس رأسها" متقلقيش ي حببتي ان شاء الله
هتبقي كويسه ياله بقي نقوم نتعشي
- لأ مش جايلي نفس عاوزة ارتاح شويه
- طب تحبي تشربي عصير قبل ما تنامي
- اه ياريت لو عصير ليمون من إيد عم محمد
- اتفضلي ي بنتى بالهنا والشفا
- نظرة خادعة " شكرا على عم محمد مش عارفه من غير لمستك دي كنا هنعمل ايه
- تصبحي على خير
"مسكت الكوباية وقامت رمت العصير من الشباك"
- ماشي ي عم محمد أنا انهاردة لازم أفهم بيحصل أيه
- أديتها العصير
- أيوا يابنى كله تمام
- أوعي تكون حطيت المنوم!
- لأ ما خلاص فهمت هو انا غبي
- اه طول عمرك ذكي ي عم محمد المهم جبت الكتب الا قولتلك عليهم؟
- أيوا جبت كل حاجه بس الكتب دي انا كنت جايب زيهم قبل كدا!
- دول الا بيلا قطعتهم أنا جبتلها كل حاجه نقصت من الاوضة وتكسرت والكتب الا اتقطعت
- ربنا يخليكم لبعض يابنى
- طيب أستعد بقي علشان ندخل لبيلا بس لما فريدة تروح في النوم
"بعد تلات ساعات"
- أوف وبعدين بقي هما فين انا كدا هنام بجد !
"فجأة تحس بأوكرة الباب بتتفتح ببطئ تعمل نفسها نايمة ثواني والباب أتقفل تاني "
- أيه دا هما راحوا فين!
- بهدوء تقرب من الباب وتفتحه تتفاجئ بضوء البيت كله مطفي ماعدا نور ضعيف جاي من تحت عتبة الأوضة المقفولة وفجأة تشوف عم محمد هو وأدم بيقربوا من الاوضة وبيفتحها يدخلوا ويقفلوا بسرعة
- ي ماما هو أيه الا بيحصل دا !
- أعمل ايه أطلع وأواجههم! ؛ لأ انا مش هعرف اتحرك في الرعب دا انا اصلا مش هقدر افتح عليهم باب الاوضة
"جريت ع السرير حطت البطانية ع وشها بخوف ونامت"
" تاني يوم"
- صباح الخير ي عم محمد
- صباح النور ي هانم اتحبي احضرلك الفطار
- هو أدم لسه مش صحي
- لأ صحي من بدري ونزل الشركه
- ياه بدري كدا! ؛ طب بقولك ايه ي عم محمد
- اتفضلي ي بنتى
- انا عندي صداع جامد أوي ممكن تروح الصيدليه تجبلي شريط حبوب للصداع
- من عيوني يبنتى
- لأ ع مهلك علشان صحتك
- بحماس " كدا تمام أوي ؛ بس أنا هعرف أكشفكم أزاي!
"تطلع فوق بسرعه ع أوضة المكتب بدور ع المفاتيح"
- أووف أزاي يعنى لو المفتاح مش في المكتب هيكون فين!
- تفتكر إمبارح وعم محمد هو الا بيفتح الاوضة " بس هو عم محمد الا معاه المفاتيح
" نزلت الاوضة بتاعته دورت فيها كتير لعند ما لقته في دولابه "
- بفرحة "أخيرا هعرف سر الاوضة دي!
"طلعت بحماس ونفس الوقت بخوف"
- فتحت القفل بحذر وهي عماله تبص حوليها
وفجأة "....