رواية زوجتى المصون
الفصل الرابع🌸والخامس والسادس
بقلم ملك ابراهيم
لو لقيت تفاعل حلو هنزل فصلين المرة الجاية
الجد/بجواز عمر مفيش كلمه هتعيب في بنتك احنا هنقول ان عمر ماكنش يعرف انها محجوزه له وكان جاي عشان يفرحنا بفرحته ويعمل فرحه ويتجوز وسط اهله ولو علي تجهيز الفرح ماتقلقوش اقل من يومين هكون جهزتله فرح البلد كلها تحكي عنه لسنين قدام
مازن في سره/ الله يرحمني انا كنت شاب طيب وابن حلال وربنا 😭
🌸🌸🌸🌸🌸🌸🌸🌸
غادر الجد وابنه للتجهيز للفرح واخبار الجميع بزواج عمر
مازن بيفكر مش عارف هيبلغ عمر بل هو عمله ده ازاي
مازن/انا احسن حل اهرب من عمر بس اهرب اروح فين😭😭 ايه الا انا عملته ده يا رتني ما كنت فتحت بوقي
هنا / مالك يا بشمهندس وشك اصفر كدا ليه
مازن/ هنا الحقيني انا عملت مصيبه
هنا/ مصيبة ايه خير
مازن/ انا قولت لجد عمر ان انتي تبقي خطيبة عمر
هنا بصدمه/ ايه
مازن/غصب عني والله ماكنش قصدي كان في مشكلة بين عمر وجده وانا حاولت احلها ماكنش قدامي حل غير ان اقول ان عمر خاطب بس جده طلع عارف كل حاجه عن عمر في ايطاليا فا مكنش قدامي حل غير اني اقول ان انتي خطيبته
هنا/يعني ايه يعني هما مفكريني دلوقتي خطيبة عمر وجايه اتعرف عليهم
مازن/انا اسف يا هنا اني حطيتك في الموقف ده بس والله ماكنش قصدي المشكلة ان المفروض فرحكم بعد يومين وعمر لسه مايعرفش مش عارف اعمل ايه
هنا بصدمه/ فرح مين الا بعد يومين
مازن / احممم فرحك انتي وعمر
هنا بجنون/نعم انت الظاهر اتجننت عمر مين ده الا اتجوزه بعد يومين انا جايه معاكم هنا شغل وبس ومليش دعوه بمشاكلكم تحلوها بعيد عني عن أذنك
مازن/ وادي مشكله اكبر اعمل ايه بس ياربي احسن حل اروح اعرف عمر وهو يتصرف يقتلني بقا يتجوز بنت عمه يولع فينا كلنا هو حر
🌸🌸🌸🌸🌸🌸🌸🌸
في غرفة عمر الباب يخبط
عمر/ادخل
مازن/بص بقا ياعمر انا ماكنش قصدي والله انا كنت بحاول احل الموضوع معرفش انها هتعك كدا
عمر/في ايه بس انا مش فاهم منك حاجه اقعد هنا وفهمني
مازن/ بص يا عمر انا هقولك علي كل الا حصل بس قبل اي حاجه اوع تنسا ان انا صحبك الوحيد ولو انا مت هتعيش ندمان طول عمرك
عمر بنفاذ صبر/ طب اخلص ايه الا حصل
وبعد ماحكى مازن كل الا حصل لعمر بما فيه الحوار الا حصل بينه وبين هنا حصل رد فعل غريب من غير الا مازن كان متوقعه تماما
عمر بغيظ/ يعني سمو الملكة رافضة مجرد فكرة انها تتجوزني
مازن بحيرة من امر عمر / اه لو شوفتها اتجنت عليا ازاي اول ما قولتلها المهم يا عمر هنعمل ايه في الورطه دي
عمر بتفكير/ والله دي مشكلتك انت وزي ما عملتها تحلها
مازن/وانا لو كنت لقيتلها حل كنت هسألك يعني عمر انت ماشوفتش جدك فرح ازي بموضوع جوازك ده وكمان جوازك هيكون في مصلحة بنت عمك يا أما تتجوز بنت عمك بقا وتريحنا من الورطه دي
عمر/الورطه دي انت الا وقعتني فيها وانت الا هتحلها
مازن بتفكير/ طب انا عندي فكره ايه رأيك انت و هنا تتجوزو فعلا في الفرح الا جدك هيعمله واول ماترجعو القاهره تطلقوا ولا كأن حاجه حصلت
عمر/انت بتهزر صح
مازن/ طب فكر فيها كدا والله دا احسن حل
عمر بتفكير/حتي لو انا وافقت فكرك هنا هتوافق
مازن/انا هتكلم مع هنا و هحاول اقنعها
عمر/ تحاول تقنعها!!! تمام اتكلم معاها ونشوف سمو الملكة هتقول ايه
🌸🌸🌸🌸🌸🌸🌸🌸
في غرفة هنا
صفاء/ مش انا قولتلك من الاول اول ماشوفتك ان انتي مرات ابني عمي واديكي اهوه طلعتي خطيبته وكمان يومين هتبقي مراته
هنا بتوتر/ انتي مش فاهمه حاجه الموضوع مش كدا خالص في سوء تفاهم
هنيه / سوء تفاهم ايه بقا ما خلاص عرفنا كل حاجه وماكنش ليه لازمه الشويتين الا عملتيهم علينا دول
هنا/شويتين ايه بس والله انتو مش فاهمين حاجه
صوت خبط علي الباب
مازن/ ممكن ادخل
هنا بغيظ/اتفضل يا بشمهندس
مازن/ هنا لو سمحتي ممكن نتكلم لوحدنا شويه
صفاء/اه طبعا يا بشمهندس احنا اصلا ورانا كام حاجه عايزين نعملها عشان الفرح يلا ياهنيه عن اذنكم
بعد خروج بنات عم عمر
هنا/ عجبك كدا ياريت تكون لقيت حل للورطه الا ورطني فيها دي
مازن/اهدي بس يا أنسه هنا انا فعلا لقيت حل بس قبل مااقول اي حاجه انا عايزك تعرفي ان البلد كلها هنا عرفين ان هنيه مخطوبه لأبن عمها وطبعا لما عرفو ان عمر جه البلد الكل منتظر فرحهم ولما عمر يمشي من غير مايتجوزها انتي عارفه حاجه زي دي تضر سمعة البنت اد ايه لما يعرفو ان ابن عمها مرضاش بيها فا انا بصراحه جاتلي فكره لو وفقتي عليها هتنقذي حياة بنت وتحافظي علي سمعتها
هنا بهدوء/ وايه الفكر دي
مازن/ هقولك بس ارجوكي ماتقطعنيش واسمعيني للنهايه
هنا/ اتفضل
مازن/انتي وعمر هتتجوزو عادي في الفرح الا جده هيعمله بس طبعا جواز علي ورق بس واول مانرجع القاهره تطلقوا
هنا/ والله وان شاءالله لما اجي اتجوز بجد ووقت كتب الكتاب يكتشف اني مطلقة هعمل ايه
مازن /ماتقلقيش من النقطة دي خالص احنا هنخفي اي ورق في السجلات بيقول ان انتي اتجوزتي او اطلقتي ما تقلقيش وصدقيني انتي بكدا هتنقذي سمعة بنت ملهاش ذنب
هنا بتردد/ موافقه
مازن بفرحه/ شكرا يا هنا انا بجد مش عارف اشكرك ازاي هروح ابلغ عمر موفقتك عن اذنك
🌸🌸🌸🌸🌸🌸🌸🌸
يوم الفرح في غرفة عمر
مازن / الف مبروك يا عريس واخيرا جه اليوم الا كنت بحلم بيه طول عمري وشوفتك عريس مالوي هدومك
عمر/ خفه طول عمرك قولي اديت الشبكة ل هنا
مازن/ اه وعجبتها جدا والغريب انها طلعت مقاسها بالظبط انت عرفت مقاسها ازاي
عمر/ وانا هعرف مقاسها ليه انا جبتها اي مقاس
مازن/ طب يلا الكل في انتظارك تحت عشان كتب الكتاب يا عريس
🌸🌸🌸🌸🌸🌸🌸🌸
وسط الاحتفال الخاص بالنساء دخلت هنا بفستان الزفاف مثل الأميرات بعد ان اختارت الجد وكيل لها في كتب الكتاب
قبل انتهاء الاحتفال الخاص بالرجال بقليل
الجد/ يلا يا عريس عشان تدخل لعروستك
عمر/ ايه ماشي يلا
بداخل احتفال السيدات رفع الجد صوته يعلم الجميع بوصول العريس لأخذ عروسته عند سماع كلمة وصول العريس انتفض قلب هنا وشعرت برعشه وتجمد في جميع انحاء جسمها وكأنها عروس ليلة دخلتها حقيقا🤍 دخل عمر وعندما رأي هنا بفستانها كانت مثل الملائكه شعر وكأنه مغيب في عالم لا يوجد به غيرهما اقترب عمر بهدوء من هنا وكان الجميع ينظر لهما بفرحه وسعاده بهذا الثنائي الرائع وكلما اقترب عمر زادت ضربات قلب هنا وزاد معه توتر لا تعرف أسبابه نظر عمر بعمق في عيون هنا نظره فهماه الجميع الا هذه الساذجه واقترب منها بهدوء وقبلها قبلة عاشق امتلك حبيبته بعد طول انتظار اتفاجاء جميع الموجدين من جرأته اعتقد الجميع ان يقبلها فو
الفصل الخامس 🌸🌸
قبلها قبلة عاشق امتلك حبيبته بعد طول انتظار اتفاجاء جميع الموجدين من جرأته اعتقد الجميع ان يقبلها فوق جبينها مثل اي عروس ولكن عمر المنياوي مش اي عريس🌸🌸🌸🌸🌸🌸🌸🌸
اقترب منهم الجد وتحدث بهدوء لعمر الا كان مغيب تماما ينظر ل هنا بعشق عجز ان يخفيه وكانت هنا تنظر للأرض بخجل لا تصدق مافعله عمر أمام الجميع بدون خجل
الجد/ انا بقول تاخد عروستك وتكملو في اوضتكم
حاول عمر استرجاع صوته طبيعيا ولكنه اكتفى بهز رأسه وامسك بيد زوجته وذهب لغرفتهما
🌸🌸🌸🌸🌸🌸🌸🌸
داخل غرفة عمر و هنا
هنا بعصبيه/ ممكن أعرف ايه الا حضرتك عملته تحت ده
عمر بتسليه/ مش عارف عملت ايه
هنا / بوست......انت عارف كويس انت عملت ايه بس الا انا مش مصدقاه ازي تجيلك الجرأه تعمل كدا قدام الناس
عمر وهو يقترب من هنا ببطئ / يعني انتي الا مزعلك اني عملت كدا قدام الناس
وقد اقترب من هنا لا يفصل بينهم شئ/ يعني لو عملت كدا واحنا لوحدنا مش هتزعلي
هنا وهي تبعد عمر عنها / ماتحلمش اني ممكن أسمحلك تعملها تاني
عمر / ومين قالك اني عايز اعملها تاني انا عملت كدا قدامهم بس عشان يصدقو ان احنا بنحب بعض وبصراحه بقا انا الا مش حابب اجربها تاني فامتقلقيش
علي فكره انت قليل الأدب وقليل الذوق
قالتها هنا بعصبيه وجرت علي الحمام
نظر عمر لفعلتها بصدمه وعدم تصديق وابتسم بمرح علي افعال تلك الطفله المجنونه
🌸🌸🌸🌸🌸🌸🌸🌸
بعد مرور ساعه في غرفة عمر وهنا
انتها عمر من تغير ملابسه ل بنطلون رياضي اسود وتيشرت رماد وهو في انتظار خروج هنا من الحمام ولكنه بداء يشعر بالقلق لغياب هنا في الحمام اكتر من ساعه قرر عمر يخبط عليها
عمر/ هنا انتي كويسه
هنا بتوتر/ اه اه انا كويسه
عمر بقلق/ هنا لو خلصتي افتحي الباب هنا افتحي الباب
فتحت هنا الباب بهدوء نظر عمر بصدمة وعدم تصديق
عمر/ ايه ده انتي لسه بالفستان
هنا/ لوسمحت اندهلي صفاء تساعدني
عمر بجنون/ نعم اندهلك صفاء تساعدك ازاي انتي عايزه تجننيني عيزاني بعد اكتر من ساعه واحنا مع بعض في الاوضه اطلع اقولهم عايز حد يساعد مرااتي تخلع الفستان
بدأت هنا في البكاء مثل الأطفال / وانا مش عارفه افتح سوستة الفستان حاولت كتير ومش عارفه
عمر بنفاذ صبر/ يارب صبرني ....... طب ومطلبتيش مني ليه اساعدك
هنا ببكاء /هتساعدني ازي
عمر بهدوء ولطف/ طب انتي بتعيطي ليه دلوقتي
هنا/ يعني عايزني اعمل ايه في الموقف ده
ضحك عمر باستسلام / بصي من الاخر كدا انتي مفيش قدامك غير اختيارين يا أما انا اساعدك وتعدي الليله الا مش عايزه تعدي دي يا أما تنامي بالفستان للصبح وبرضه مش هيبقا قدامك حل غير اني اساعدك
هنا بتوتر/ ماشي ممكن تساعدني بس هدخل الحمام وانت تقف علي الباب تفتح سوستة الفستان شويه وانا هكمل لوحدي
عمر بتعب ونفاذ صبر / موافق هعملك الا انتي عايزاه بس خلصيني بقا
بعد قليل عندما شعرت هنا بيد عمر تفتح السحاب لمنتصف الفستان قامت بدفع عمر للخارج بيدها واغلاق باب الحمام عليها فور
تعجب عمر من فعلاتها فهو عمر المنياوي تتمناه الاف البنات يتمنون مجرد رؤيته ويخلقنا الاف الاعذار والحجج لمجرد سماع صوته والكلام معه لكن تلك المجنونه وهي زوجته تتهرب منه بكل الطرق لا يرى بعينيها الجميلة نظرة الهيام والاعجاب طالما اتعود يراها في عين كل بنت تقف امامه
🌸🌸🌸🌸🌸🌸🌸🌸
بعد قليل فتح باب الحمام وخرجت هنا ببجامه وردي رقيقة جدااا ورفعة شعرها بطريقة فوضويه جعل منها فتاة جميلة ورقيقة تحطم حصون اي رجل
عمر بأعجاب شديد بتلك الحوريه/ انتي مين!
هنا بعدم فهم/ انا مين!!!! انت نستني ولا ايه هو انا اتأخرت في الحمام اوي كدا
عمر بتوتر/ اصل يعني دي اول مره اشوفك فيها بشعرك شكلك متغير شويه
هنا بلخبطه/ اصل يعني انا مش هينفع انام بالحجاب ... المهم انا هنام فين
عمر/ انا شايف ان السرير كبير وياخدنا احنا الاتنين
هنا/ انت بتهزر صح سرير ايه الا ننام عليه احنا الاتنين لاء طبعا
عمر وهو يتجه نحو السرير ويلقي بجسده عليه بكل راحه / خلاص برحتك انا هنام عشان هنرجع القاهره بكرا بدري تصبحي علي خير
هنا بغيظ وبصوت واطي لا يسمعه عمر/ انت فعلا قليل الذوق هعمل ايه انا دلوقتي🤔 مفيش قدامي غير الكنبه روح ياشيخ الاهي تقع من علي السرير وانت نايم🤲
🌸🌸🌸🌸🌸🌸🌸🌸
صباح تاني يوم عمر وهنا في طريقهم للقاهره بعد ان اعتذر من جده وبلغه بضرورة ذهابهما لأفتتاح فرع الشركة بالقاهره ووعد جده بأنه سوف يزورهم قريبا جدا ويقضي معهما هو وهنا اجازه طويله 🌸 بعد وصولهم الفندق ذهب كل منهما علي غرفته
🌸🌸🌸🌸🌸🌸🌸🌸
هنا تتحدث بالهاتف
هنا/ الله يسلمك ياقلبي وحشتيني
دينا/ انتي وحشتيني اكتر يا روحي قوليلي بقا هتيجي امتي انتي وحشتيني اوي
هنا/ هما هيسافرو بعد بكره ان شاءالله ياحبيبتي وطبعا انا هاجي علي طول
دينا/ ماشي ياقلبي ربنا يوفقك ويخليكي ليا يارب
هنا/ ويخليكي ليا يا حبيبتي انا هقفل دلوقتي ياروحي وابقا اكلمك تاني
دينا/ ماشي ياقلبي خلي بالك من نفسك سلام
هنا / سلام
صوت خبط الباب ذهبت هنا لتفتح
مازن/ مساء الخير عامله ايه
هنا/ الحمدلله تمام
مازن/ احنا رايحين حفلة الافتتاح دلوقتي وانا كنت جاي اطمنك ان انا اتكلمت مع عمر وجهزنا كل حاجه والطلاق هيتم بكره ان شاءالله وكل حاجه هتم زي ماتفقنا
في اللحظه دي ومع كلمة الطلاق شعرت هنا بأحساس غريب لم تتعرف عليه ولكنه والاكيد ليس بشعور السعاده مجرد سمعها كلمة طلاق تجمدت جميع اطراف جسدها ومع ذلك حاولت استجماع صوتها
هنا/ احمم تمام وانا هكون جاهزه بكره ان شاءالله
مازن/ هنا انا بجد مش عارف اشكرك ازاي انتي انقذتي سمعة بنت ومنعتي مشكلة كبيرة كانت هتحصل بين عمر وأهله
هنا بلطف/ انا عملت الا اي واحده مكاني كانت ممكن تعمله والحمدلله انها عدت علي خير
مازن/ هنا اسمحيلي اقولك اعتبريني اخوكي ولو احتاجتي لأي حاجه ماتتردديش لحظه واحده وكلميني هتلاقيني علي طول موجود
هنا بود/ شكرا يا بشمهندس دا شرف كبير ليا
مازن بأحترام/ الشرف ليا انا عن اذنك واشوفك بكره ان شاء الله
🌸🌸🌸🌸🌸🌸🌸🌸
في صباح اليوم التاني ذهب مازن لجناح عمر ولكنه لم يجده حاول الاتصال به وكان هاتفه مغلق نزل يبحث عنه بالمطعم الخاص بالفندق ولكنه لم يجده ايضاً ذهب يسأل عنه
مازن/ صباح الخير
الموظف المسؤل في الفندق/ صباح الخير يافندم
مازن/ انا كنت بسأل عن البشمهندس عمر المنياوي حد شافه
الموظف/ البشمهندس عمر سافر
😮😮😮
❤❤❤❤
الفصل السادس🌸🌸
الموظف المسؤل في الفندق/ صباح الخير يافندم
مازن/ انا كنت بسأل عن البشمهندس عمر المنياوي حد شافه
الموظف/ البشمهندس عمر سافر
😮😮😮
مازن/ انت بتقول ايه سافر امتي وازاي
الموظف/ حضرته طلب مننا نحجزله علي اول طياره لإيطاليا وميعادها كان من حوالي ساعتين
مازن يحدث نفسه/ مش معقول طب وهنا
حاول مازن الاتصال بعمر مرة أخري ولكن هاتفه مغلق
مازن/ طب وبعدين هقول لهنا ايه دلوقتي
🌸🌸🌸🌸🌸🌸🌸🌸
في غرفة هنا كانت تجهز شنطتها
صوت الهاتف
هنا/الو
مازن بتوتر/ هنا بعد اذنك ممكن تنزلي دقيقتين في حاجه مهمه عايز اتكلم معاكي فيها
هنا / حاضر يابشمهندس انا اصلا كنت بجهز حاجتي ونازله
مازن/ تمام انا منتظرك
🌸🌸🌸🌸🌸🌸🌸🌸
بعد قليل
مازن/ انا بجد اسف ياهنا المشكله الا حصلت دي غصب عننا كلنا وكان لازم عمر يسافر بسرعه
هنا/ يعني ايه يعني انا هفضل علي زمته كتير كدا انا بابا لو عرف حاجه زي كدا هيموت فيه
مازن بتأكيد/ ماتقلقيش والله انا هسافر النهارده نحاول نحل المشكله دي وفي اسرع وقت هنكون هنا انا وعمر يطلقك وانا بنفسي همحي اي ورق بيثبت جوازكم او طلاقكم
هنا/ ماشي يا بشمهندس انا واثقه فيك بس حاول ماتتأخروش عليا والنبي
مازن/ ماتقلقيش وانا ممكن احجزلك هنا في الاوتيل لحد مانرجع
هنا/لاء شكرا انا هاقعد عند واحده صحبتي هنا
مازن/ زي ماتحبي هستأذن انا عشان ميعاد الطياره عن اذنك
هنا / اتفضل
🌸🌸🌸🌸🌸🌸🌸🌸
في إيطاليا
وصل عمر منزله ودخل مباشرة علي غرفة مكتبه وهو يحمل ملف بيده جلس وفتح الملف ظهرت صورة هنا وبعض الاوراق بها معلومات دقيقه وتفصيليه عن حياتها وعن اهلها حزن عمر وهو يقراء بالملف عن موت والدتها منذ بضعة اشهر وزواج والدها وأقامة هنا في بيت صديقتها
فتح عمر هاتفه واتصل ب مازن
مازن/ الو اخيرا ظهرت ممكن اعرف ايه الا انت عملته ده ازاي تسافر كدا من غير ما اعرف وكمان قافل تليفونك مش عارف اوصلك
عمر/ انا كنت قافل التليفون عشان كنت في الطياره ولسه واصل البيت حالا قولي عملت ايه مع هنا
مازن/ هعمل ايه اخترعتلها حجه لضرورة سفرك المفاجاء المهم قولي انت عملت كدا ليه
عمر/ مش ضروري تعرف دلوقتي
مازن/ تمام عموما انا في طريقي للمطار دلوقتي ولما اوصل ان شاءالله نتكلم
عمر بغضب/ طريقك للمطار ازي انت سِبت هنا لوحدها في الاوتيل
مازن/ لاء هنا هي كمان سابت الاوتيل
عمر/ راحت فين
مازن/ تقريبا عند واحده صحبتها
عمر وهو ماسك صورة هنا في ايده/ ارجع حالا يامازن مفيش سفر انت لازم تفضل في مصر
مازن/ هفضل في مصر اعمل ايه
عمر/ تشتري شقه حالا في احسن مكان في القاهره وتدي المفتاح لهنا تقعد فيها مش مرات عمر المنياوي الا ماتلاقيش مكان تقعد فيه وتروح لصحبتها
مازن/ عمر انت ناسي ان هنا مراتك علي الورق وبس والمفروض كنتم تطلقوا النهارده انا لسه اصلا مش عارف انت سافرت ليه قبل ماتطلقها عمر هو فيه حاجه انا مش عارفه
عمر/ مش وقته يا مازن اهم حاجه تعمل زي ماقولتلك وتفضل قريب منها ولو احتاجت اي حاجه تكون موجود انا هقفل دلوقتي وبكره هكلمك تكون عملت الا قولتلك عليه ..... سلام
مازن يحدث نفسه بذهول/ سلام هو ايه الا بيحصل ده وانا دلوقتي لو قولت لهنا اتفضلي مفتاح شقة تقعدي فيها هتعمل ايه مستحيل توافق طبعا يبقي لازم افكر في حل وحاجه تخليها توافق
🌸🌸🌸🌸🌸🌸🌸🌸
اليوم التالي بمنزل دينا
هنا/ وبرضه مشكلتي ماتحلتش انا لازم الاقي شغل ويكون مناسب لمواعيد الجامعه
دينا بتفكير/ طب ماتكلمي أحمد اخوكي واحكيله الا حصل واكيد هيساعدك
هنا/ لاء طبعا انا مش عايزه اشيله هم فوق همه عايزاه يركز في شغله وبس ربنا يوفقه
دينا/ طب هتعملي ايه
هنا/ مش عارفه بس حسه ان ربنا هيحلها قريب اوي
صوت الهاتف ايه ده دا بشمهندس مازن
دينا / بشمهندس مازن مين
هنا/ استني هقولك ...... الو ازيك يابشمهندس
مازن/ ازيك ياهنا عامله ايه
هنا/الحمدلله تمام هو حضرتك ماسفرتش ولا ايه
مازن/ اه ماسفرتش ظهرت مشكله في الشركه هنا كمان واضطريت افضل عشان احلها بقولك ياهنا انتي قولتيلي انك في ٤ هندسه صح
هنا / اه
مازن/ اصل كنا محتاجين في الشركه مهندسين يكونو لسه بيدرسو يتعلموا ويتدربوا علي ادينا وطبعا هياخدوا مرتب كويس واول مايتخرجوا يتوظفوا في الشركه تلقائي ووقتها هيكون عندهم خبره كبيرة في شغلنا وبصراحه انا فكرت فيكي ايه رأيك
هنا بفرحه كبيرة/ طبعا موافقه
مازن/ تمام يبقي تيجي الشركه بكره ونتفق علي كل حاجه
هنا / حاضر متشكره لحضرتك جدا مع السلامه
هنا بفرحه وطنطيت الحمدلله يارب مش قولتلك يادينا ربنا هيحلها
دينا/ ايه الا حصل
هنا /هحكيلك
🌸🌸🌸🌸🌸🌸🌸🌸
في بيت والد هنا
والد هنا/ لاء ياسمر اخوكي ماينفعش هنا
سمر/ ليه ان شاءالله لاتكون شايفنا مش اد المقام
والد هنا/ انا ماقولتش كدا ياسمر بس اخوكي يعني مابيشتغلش ولا كمل تعليمه دا لحد دلوقتي عايش عاله عليكم انما هنا بنتي كلها سنه وتبقا مهندسه اد الدنيا
سمر بغل وبدون تفكير/ لاء ياعبد الرحمن مش هتبقا
والد هنا باستغراب/ مش هتبقا ايه ياسمر
سمر بمكر/ قصدي يعني مش هتبقا مرتاح وبنتك بعيده عنك كدا ماتعرفش بتعمل ايه ولا عايشه مع مين مش ممكن شاب صايع من بتاع اليومين دول يضحك عليها بكلمتين ويغلطوا وقت ساعتها بقا هينفعك تعليمها ولا شهادتها
والد هنا/ هنا بنتي عمرها ماتعمل كدا انا مربيها احسن تربيه
سمر/ مربيها اه بس مش مربي ولاد الناس فكر في كلامي وهتلاقي عندي حق وبعدين مين قالك ان حسن اخويا هيحرمها من الكليه دا هيشجعها تكمل بس وهي مراته وعلي زمته
والد هنا/ طب سبيني يومين افكر كدا ياسمر وارد عليكي
سمر / فكر ياحبيبي برحتك وتأكد اني عايزه مصلحتك
🌸🌸🌸🌸🌸🌸🌸🌸
يوم جديد في شركةos جروب
مازن/ نورتينا يا هنا
هنا/ بنور حضرتك يابشمهندس انا بجد متشكره اوي
مازن/علي ايه بس المهم اي مشكله تقبلك او اي حاجه مش فهماها انا موجود تمام
هنا/تمام
مازن/ واه قبل مانسا احنا عاملين هنا في الشركه سكن للموظفات المغتربات قريب من الشركه هنا لو حبه تنقلي اقامتك معاهم هيكون اريحلك ..... ثانيه واحد
الو ... لوسمحتي يا بشمهندسه تجيلي المكتب دلوقتي
انا هعرفك علي بشمهندسه الاء مهندسه معانا في الشركه ومقيمة في سكن المغتربات
اهلا بشمهندسه الاء اعرفك بشمهندسه هنا مهندسه جديده معانا في الشركه هستأذنك بس تعرفيها علي السكن عشان هتتنقل للأقامه معاكم ان شاءالله
اتفضلي معاها يا هنا
ذهبت هنا بستغراب من افعال مازن لأنه ماسمحلهاش حتي تفكر في موضوع السكن ده وماكنش قدامها حل غير انها فعلا تتنقل للسكن في شقة الموظفات المغتربات
🌸🌸🌸🌸🌸🌸🌸🌸
بعد حوالي اسبوع بدون احداث عملت هنا في الشركة وكانت سعيده جدا في العمل والسكن ولكن موضوع جوازها كان قلقها جدا خصوصا تجاهل مازن للموضوع وعدم حديثه معها عن ميعاد رجوع عمر واتمام الاتفاق ولكنها قررت ان تتشجع وتسأله اليوم
الاء / هنا في تليفون علشانك
هنا/ علشاني انا ...... الو ..... مين .... تمام انا نزله حالا
🌸🌸🌸🌸🌸🌸🌸🌸
هنا امام الشركة بستغراب/ بابا
والد هنا وهو يحتضنها/ حبيبتي وحشتيني قولت اجي اشوفك مدام انتي نستيني ومابتسأليش
هنا وهي تنظر لسمر وبجانبها حسن/ ما انا ماكنتش حبه ازعج حضرتك في شهر العسل
سمر وهي تحتضنها بطريقه مبالغه / وادينا احنا الا جنالك اهوه ياعروسه
صباح الخير قالها مازن وهو يقترب منهما
ايه يا هنا في مشكله ولا حاجه
هنا/ لاء يابشمهندس حضرته بابا وجاين يطمنوا عليا
هنا / حضرته البشمهندس مازن مدير الشركه
مازن/ اهلا وسهلا بحضرتك
والد هنا/ اهلا بيك يابشمهندس
سمر بمياعه/ وانا سمر
هنا بغيظ من طريقة سمر/ حضرتها سمر مرات بابا وحضرته اخوها
سمر / ويبقا خطيب هنا