رواية زوجتى المصون
الفصل السابع والثامن والتاسع
بقلم ملك ابراهيم
الفصل السابع 🌸🌸
هنا / حضرته البشمهندس مازن مدير الشركه
مازن/ اهلا وسهلا بحضرتك
والد هنا/ اهلا بيك يابشمهندس
سمر بمياعه/ وانا سمر
هنا بغيظ من طريقة سمر/ حضرتها سمر مرات بابا وحضرته اخوها
سمر / ويبقا خطيب هنا
هنا بصدمه/ نعم
والد هنا/ هنا انا هفهمك كل حاجه
ثم وجه كلامه لمازن الواقف بصدمه هو الاخر/ بعد اذنك يا بشمنهدس ممكن تسمح ل هنا بأجازه النهارده لاني محتاجها في مشوار ضروري
مازن بتوتر/ اه طبعا مفيش مشكلة اتفضلوا
والد هنا / شكرا .. عن اذنك يلا يا هنا
🌸🌸🌸🌸🌸🌸🌸🌸
في ايطاليا
الفرع الرئيسي لشركة os جروب
تلتفت جميع الانظار الي سرين وهي في طريقها لمكتب عمر تتباهى بجمالها وشياكتها
سرين بدلع / هاااي
عمر وهو ينظر بأحدى الملفات المهمه/ اهلا سرين
سرين وهي تتقدم نحو عمر / شكلك مشغول
رفع عمر رأسه ينظر اليها ولأول مرة يشعر بكل هذا الأشمئزاز من ملابسها الشبه عاريه وهو يتذكر زوجته الرقيقه بجمالها الطبيعي ويشعر بالفخر بأن لا يوجد رجل غيره علي وجه الارض يرى حتى شعرها وسريعا ما يتذكر صباح اول يوم بعد زواجهما عندما اتى اليه مازن يخبط علي الباب وكان عمر في طريقه لفتح الباب ولكنه تفاجاء بمن تصرخ في وجهه
هنا / انت هتعمل ايه هتفتح الباب وانا بشعري كدا استنى هلبس طرحه الاول
في هذه اللحظه تفاجاء عمر من فعلتها ولكنه الان ادرج احترامها وتدينها بمقارنة بسرين هذه الفتاه التي تستعرض دائما جسدها ويراه الجميع بدون اي مجهود
سرين/ ايه سرحت في ايه عجبك اللوك الجديد
عمر وهو يخفض رأسه وينظر للملف الذي أمامه / سرين لوسمحتي انا مش فاضي دلوقتي
سرين بعصبيه/ هو فيه ايه بالظبط من وقت مارجعت من مصر وحضرتك علي طول مشغول ومش فاضي
عمر بصوت عالي/ سرين صوتك ميعلاش انتي في مكان شغل اتفضلي لوسمحتي
سرين بغضب وهي تأخذ شنطتها / اوكي ياعمر بس انا هعرف بطريقتي ايه الا مغيرك كدا عن اذنك
بعد خروج سرين مثل العاصفه صوت الهاتف
عمر/ الو ايوا يا مازن
مازن / مصيبه ياعمر
🌸🌸🌸🌸🌸🌸🌸🌸
في مكان علي النيل يجتمع هنا ووالدها وسمر واخيها
هنا / لوسمحت يا بابا ممكن افهم ايه الا سمر قالته دا
والد هنا/ حسن طلب ايدك وانا وافقت
هنا/ ازاي يا بابا توافق من غير ماتاخد رأيى وبعدين حضرتك عارف ان انا لسه بدرس ومش هينفع ارطبت دلوقتي
سمر / لو علي كليتك ماتقلقيش انا اتكلمت مع حسن في الموضوع ده وهو موافق تكملي درستك بعد الجواز عادي
حسن/ هنا انا اهم حاجه عندي تكوني مبسوطه وصدقيني انا هعمل كل الا اقدر عليه عشان اسعدك
والد هنا / اظن مفيش عندك مانع بعد الا سمعتيه دا
هنا / لاء يا بابا أسفه انا عندي مليون مانع حضرتك مش شايف ان انا وحسن مختلفين عن بعض اد ايه ومستحيل ننفع لبعض
سمر / ليه يا برنسيسه هو اخويا مش اد المقام ولا ايه
هنا/ سمر بعد اذنك انا بكلم بابا واظن حضرته فاهمني كويس
سمر/ لاء بقا محدش هنا فاهمك غيري انتي شكلك كدا غلطي مع شاب من بتاع اليومين دول وخايفه تتجوزي اخويا وتتفضحي صح
هنا/ قطع لسانك انا اشرف من مليون واحده زيك
والد هنا بعصبيه / هنا اخرسي واعرفي ان الا انتي بتغلطي فيها دي مراتي
هنا/ وانا بنتك يا بابا وهي غلطت فيا الاول
والد هنا / خلاص مدام انتي بنتي يبقا ماتكسريش كلامي وتوافقي علي جوازك من حسن .. قدامك اسبوع تفكري يا أما توافقي وتكسبي رضايه يا أما ترفضي وتكسبي غضبي عليكي العمر كله يلا ياسمر
ذهب والد هنا وزوجته واقترب منها حسن قبل مغادرته هو الاخر
حسن/ وافقي يا هنا وصدقيني انا هخليكي اسعد واحده في الدنيا
ذهب هو الاخر وتركها تفكر في هذه الكارثه المحاطه بها من جميع الاتجاهات
🌸🌸🌸🌸🌸🌸🌸🌸
عمر بأنفعال/ يعني ايه خطيبها
مازن/ شكل الموضوع لسه في اوله لأن هنا كمان اتفاجأت
عمر/ مازن عايزك تجبلي كل المعلومات عن الواد الا بيقولوا عليه خطيبها ده
مازن/ معلومات ايه يا عمر انت لازم تنزل مصر حالا وننهي موضوع جوازكم ده زي ما اتفقنا احنا كدا هنضر البنت وهي ملهاش ذنب في اي حاجه انا اصلا مش عارف انت مأجل موضوع الطلاق ليه
عمر / انا مش مأجل موضوع الطلاق انا مش هطلق اصلا
مازن/ يعني ايه مش فاهم
عمر/ مش ضروري تفهم دلوقتي انا بكره جاي مصر وهحل الموضوع ده بنفسي
🌸🌸🌸🌸🌸🌸🌸🌸
عند هنا وهي تجلس مع صديقتها دينا في احدى الاماكن العامه
دينا بقلق/ خير يا هنا قلقتيني ايه المشكله الا مش هينفع تحكهالي في التليفون
هنا / انا في مصيبه يا دينا ومش عارفه اعمل ايه
دينا/ مصيبة ايه قلقتيني
هنا/ هحكيلك
وبعد ان حكت هنا لصديقتها كل شئ بداية من موضوع جوازها بعمر ل موضوع جوازها من حسن وكلام والدها
هنا/ ومش عارفه اعمل ايه لو بابا صمم فعلا علي جوازي من حسن ده وعمر لسه ماطلقنيش هتبقي مصيبه ولو بابا عرف موضوع جوازي دا يبقا انا كدا بأكدله كلام الزفته سمر وممكن بابا يروح فيها
دينا / سمر واخوها إيه يابنتي انتي دلوقتي مرااات عمر المنياوي عارفه يعني ايه انا لحد دلوقتي مش مصدقه يعني انتي دلوقتي صحبة الشركة الا بيشتغل فيها بابا 😊 الله
هنا/ يعني انا بحكيلك عشان تقوليلي اعمل ايه في المصيبه دي وانتي عماله تحلميلي وتقوليلي 😊الله
دينا / يعني انتي عايزاني اقولك ايه هو انتي لو مكنتيش متجوزه من عمر دلوقتي كنتي هتتجوزي الا اسمه حسن ده وتدمري حياتك
هنا/ مش عارفه اصل انتي ماشوفتيش بابا مصمم عليه اد ايه
دينا/ مهما كان انتي من حقك تختاري الشخص الا هتتجوزيه وتكوني مقتنعه بيه وباباكي لازم يفهم كدا ماينفعش يدمر حياتك عشان يرضي مراته
هنا/ انا بس عايزه اخلص من موضوع جوازي ده بسرعه عشان اعرف اتكلم مع بابا بقلب جامد
دينا/ بصي هو الحل الوحيد دلوقتي ان انتي بكره تتكلمي مع الا اسمه مازن ده وتحكيله كل الا حصل وهو يتصرف بقا
هنا/ انا فكرت في كدا فعلا بس انا خايفه اوي
دينا/ ماتقلقيش انتي كنتي بتعملي خير واكيد ربنا هيقف جنبك
🌸🌸🌸🌸🌸🌸🌸🌸
اليوم التالي في شركة os جروب بمصر
هنا لسكرتيرة / لوسمحتي عايزه اقابل بشمهندس مازن
السكرتيرة/ اتفضلي البشمهندس منتظرك
دخلت هنا وهي تتوقع وجود مازن ولكنها تفاجأت بوجود عمر يجلس علي مكتب رئيس مجلس الأدارة وأمامه مازن شعرت هنا بتجمد في جميع انحاء جسدها وشعور لم تختبره من قبل فهو مزيج من السعاده والحزن الخوف والأطمئنان
مازن/ اهلا يا هنا اتفضلي احنا كنا منتظرينك
هنا وهي تحاول الا تنظر لعمر/ خير يا بشمهندس
مازن بعد ان نظر له عمر نظره هو يعلمها جيدا/ اتفضلي اقعدي انا هخرج اعمل تليفون مهم وارجع علي طول عن اذنكم
بعد خروج مازن استمر عمر بالنظر اليها وهو لم يرفع بصره لحظه واحده عنها منذ دخولها
عمر/ أخبارك ايه
هنا بتوتر/ الحمدلله كله تمام
عمر وهو ينهض من مكانه ويذهب للجلوس امامها/ متأكده انا كله تمام
هنا بستغراب من طريقة كلامه/ ااه الحمدلله
عمر / غريبه اصل مازن كلمني امبارح وبلغني بحاجه غريبه كدا
هنا/ حاجة ايه
عمر/ بلغني ان في واحد جه هنا امبارح وبيقول انه خطيبك
هنا/ فعلا وده نفس الموضوع الا كنت عايزه اتكلم فيه النهارده مع بشمهندس مازن بس بوجود حضرتك دلوقتي وفرت عليا كل الكلام
عمر/ يعني ايه
هنا/ يعني ياريت حضرتك تنفذ الاتفاق الا بينا النهارده قبل بكره لأن لو فضلت علي زمتك اكتر من كدا بابا ممكن يعرف في اي وقت
عمر/ وايه بالظبط الاتفاق الا كان بينا
هنا/ اننا نتطلق وتمحي اي ورق بيثبت جوازنا او طلاقنا
عمر/ انا اتفقت معاكي علي كدا
هنا/ يعني ايه مش فاهمه
عمر/ كلامي واضح انا اتفقت معاكي وانا بتجوزك اني اطلقك
هنا بتوتر/ لاء بس البشمهندس مازن
قاطعها عمر قبل ان تكمل جملتها/ انا مليش دعوه بحد انتي مرات مين دلوقتي
هنا بتوتر /مرا.......
عمر مكملا لكلمتها/ مراتي انا صح وانا جوزك وقبل ماتجوزك ماتفقتش معاكي علي اي حاجه
هنا/ يعني ايه يعني انت مش ناوي تطلقني
عمر وهو ينظر بعمق في عينيها/ لاء ياهنا مش هطلقك
هنا بعصبيه/ يبقا انا هخلعك
عمر/ ماتقدريش ثم انتي كدا يبقى هتفضحي نفسك
هنا ببكاء/ حرام عليك انا عملتلك ايه عشان تأذيني كدا
عمر/ ملوش لازمه الكلام ده دلوقتي خلينا نفكر هنبلغ اهلك بخبر جوازنا ازاي
هنا/ انا مش هبلغ حد بحاجه وانت هطلقني غصب عنك فاهم
قالت هنا جملتها الاخيره وخرجت من مكتبه منهاره وبعد خروج هنا نظر عمر مكان خروجها وهو يفكر وينوي علي شئ ما
🌸🌸🌸🌸🌸🌸🌸🌸
في بيت اهل سمر
حسن/ بس البت شكلها كدا مش هتوافق شوفتي الشركه الا هي شغاله فيها شكلها عامل ازي دا شكلها حاجه كبيره اوي
سمر/ هتوافق غصب عنها انا اقنعت ابوها وهو هيعرف يقنعها بطريقته
حسن/ يارب يا سمر توافق دا انا بنام احلم بيها
سمر/ انت بتحبها ولا ايه لاء فوق انا بجوزهالك عشان اذلها واجيب مناخيرها الارض واعمل فيها الا انا عايزاه زي ماتفقنا
حسن/ نفسي اعرف انتي بتكرهيها اوي كدا ليه دا انتو كنتم صحاب وانتم صغيرين اوي ايه الا حصل كرهك فيها اوي كدا
صمتت سمر وهي تتحدث بداخلها/ دا جرح قديم هي الا اتسببت فيه ومن يومها وانا عهدت نفسي لازم ادمرلها حياتها زي مادمرت لي حياتي
حسن في سره وهو ينظر لصمت سمر / مش مهم اعرف عملت فيكي ايه المهم تجوزهالي
🌸🌸🌸🌸🌸🌸🌸🌸
صباح يوم جديد في منزل والد هنا
صوت جرس الباب ذهب والد هنا يفتح الباب
....../ صباح الخير
والد هنا بستغراب/ صباح النور مين حضرتك
....../ عمر المنياوي
😮😮😮😮😮
🌸🌸🌸🌸🌸🌸🌸🌸
#زوجتي_المصون
الفصل الثامن🌸🌸
صباح يوم جديد في منزل والد هنا
صوت جرس الباب ذهب والد هنا يفتح الباب
....../ صباح الخير
والد هنا بستغراب/ صباح النور مين حضرتك
....../ عمر المنياوي
صاحب الشركة الا بتشتغل فيها أنسه هنا بنت حضرتك
والد هنا/ اهلا وسهلا بحضرتك اتفضل ... حضرتك تشرب ايه
عمر/ شكرا مالوش لزوم انا جاي لحضرتك في موضوع مهم وهامشي علي طول
والد هنا/ لاء طبعاً مايصحش اتفضل ثواني وراجعلك
بعد ان بلغ والد هنا زوجته بوجود ضيف
والد هنا / اهلا بحضرتك اتفضل ايه الموضوع الا عايزني فيه
عمر/ قبل اي حاجه احب اعرف حضرتك بنفسي كويس انا عمر سالم المنياوي . مهندس معماري . وصاحب مجموعة شركات os جروب . والدي متوفي وولدتي عايشه في ايطاليا ...... ويشرفني اطلب ايد بنت حضرتك أنسه هنا
عند نطق عمر هذه الجمله سمعوا صوت وقوع كاسات العصير من يد سمر
والد هنا / حصل خير خلاص يا سمر سيبي كل حاجه واطلعي انتي
والد هنا وهو ينظر لعمر من جديد/ أسفين يا بشمهندس حضرتك كنت بتقول بتطلب ايد هنا بنتي صح؟
عمر/ تمام ومنتظر رد حضرتك
والد هنا/ طبعا اي اب مكاني يشرفه طلبك ده و مستحيل يرفضه بس انا محتاج أسألك شوية أسئلة كدا لو تسمحلي
عمر/ طبعا دا حق حضرتك اتفضل
والد هنا/ اظن حضرتك شايف ان في فرق في المستوي الاجتماعي والمالي بينك وبين هنا ودا يخليني أسلك ليه اخترت بنتي هنا وانت ممكن تتجوز بنت من نفس المستوي الا انت فيه
عمر/ حضرتك انا عشت عمري كله وسط ناس عايشين حياتهم كلها مظاهر كدابه تحت جملة المستوي الاجتماعي والمالي
انا مش عايز اعيش الحياة دي انا عايز زوجة مخلصة أمينه عليا وعلي شرفي وتكون ام مثالية لأولادي
وكل الموصفات دي أنا لقيتها في أنسه هنا بنت حضرتك
والد هنا/ طبعا كلامك ورأيك في بنتي ده أسعدني جدا بس انا محتاج اتطمن اكتر ان احساسك اتجاه بنتي ده مش مجرد اعجاب وهيختفي بعد فترة
عمر/ انا مستعد لأي طلب حضرتك تطلبه مني لو ده هيطمنك ويأكدلك اني صادق في حبي لهنا
والد هنا/انا كل الا اقدر اقولهالك دلوقتي انك عريس صعب يترفض بس ممكن تديني اسبوع افكر واخد رأي هنا
عمر/ طبعا وده رقم تليفوني تقدر حضرتك تكلمني في أي وقت.. استأذن انا بعد اذن حضرتك
والد هنا/ اتفضل نورتنا
🌸🌸🌸🌸🌸🌸🌸🌸
بعد ذهاب عمر اندفعت سمر نحو زوجها تحدثة بغضب
سمر/ كان عايز ايه الاستاذ ده
والد هنا/ جاي يطلب ايد هنا بصراحه شاب ممتاز وانا متأكد اني مش هلاقي عريس لبنتي احسن منه
سمر/ طب و حسن اخويا انت اديته كلمه
والد هنا/ حسن اخوكي ايه ياسمر انتي مش شايفه الفرق وبعدين انا ماكنتش مقتنع باأخوكي ابدا انا كان كل الا يهمني اتطمن علي بنتي مع راجل يحميها ويصونها واظن ان عمر المنياوي هو الراجل ده
سمر/ مستحيل ده يحصل هنا هتتجوز حسن أخويا
والد هنا بصوت مرتفع/ سمر انتي اتجننتي دي حيات بنتي وهي الا تختار هتعيش مع مين انا اتأكدت دلوقتي اني كنت هدمر حيات بنتي بموافقتي علي اخوكي
سمر/ وانا بعرفك من دلوقتي جواز اخويا من هنا قصاد طلاقي منك
والد هنا بصدمه/ انا مش هدمر حيات بنتي عشان ارضيكي يا سمر كفايه اني سمعت كلامك قبل كدا ومشيت بنتي من البيت واتخليت عنها انا هكلم هنا واخد رأيها والا هتختاره هو ده الا هتتجوزه
🌸🌸🌸🌸🌸🌸🌸🌸
في شقة سكن المغتربات لم تذهب هنا لعملها وتجلس في غرفتها تبكي علي سريرها منذ الأمس وهي لا تجد طريقة لحل مشكلتها مع عمر فأي تصرف منها لأجبار عمر علي طلاقها سوف يضرها هي اولا وهي لا تتحمل غضب والدها اذا علم بأمر زواجها وفي هذه اللحظه بالتحديد يرن هاتفها 😔 تري المتصل والدها
هنا بخوف/ الو
والدها/ ازيك ياحبيبتي عامله ايه
شعرت هنا ببعض السعاده في صوت والدها/ الحمدلله يا بابا خير شكل حضرتك مبسوط
والدها/ اصل بصراحه في عريس متقدملك وشايفه مناسب جدا و كنت بكلمك اخد رأيك فيه
هنا بتوتر/ يابابا لوسمحت ماتتغضتش عليا اكتر من كدا انا مستحيل اتجوز اخو سمر
والد هنا / ومين اقلك ان انا قصدي علي اخو سمر انا اتأكدت ياحبيبتي ان انتي عندك حق وفعلا تستهلي احسن من أخو سمر مليون مره
هنا بأندهاش/ اومال حضرتك قصدك علي مين
والدها/ صاحب الشركة الا بتشتغلي فيها
هنا بصدمة وعدم تصديق/ حضرتك بتقول مين
والدها / عمر المنياوي صاحب الشركة الا بتشتغلي فيه جالي النهارده وطلب ايدك للجواز
هنا/ بابا حضرتك بتتكلم بجد طب وقولتله ايه
والدها/ قولتله يسبنا اسبوع نفكر .. بعد طبعا ما قالي انه مستعد لأي حاجه تطلبيها انا هسيبك يومين تفكري وتردي عليا بس انا رأي انه شاب ممتاز ومايترفضش
هنا بتوهان/ حاضر يابابا هفكر وارد علي حضرتك ... مع السلامه
بعد هذه المكالمة تغيرت حالة هنا ٣٦٠ درجه وهي تفكر كيف يتزوجها عمر مرتين وبدأت في تغير ملابسها عليها الذهاب فورا الي الشركه لتتحدث معه وتفهم ماذا يريد ان يفعل
🌸🌸🌸🌸🌸🌸🌸🌸
داخل شركة os جروب يجلس عمر علي مكتبه ويجلس امامه مازن
مازن/ انت فين من الصبح بكلمك مش بترد كنت فين
عمر/ كنت في مشوار مهم
مازن/ مشوار ايه ده انت تعرف حد في القاهره اصلا
عمر/ كنت عند والد هنا بطلب ايديها للجواز
مازن بعدم تصديق/ جواز مين جوازك من هنا مراااتك انتي هتجنني هتطلب ايدها ازي وهي مراتك اصلا
عمر/ دا علي اساس ان والدها يعرف اني متجوزها اصلا
مازن/يعني ايه مش فاهم
عمر/ يعني زي ماتجوزتها قدام أهلي هتجوزها قدام أهلها
مازن/ والله هتتجوزها مرتين وهتعملها ازاي دي بقا
عمر/ بسيطه هنكتب الكتاب قدام اهلها ويبقا اتجوزنا بموافقة والدها بس طبعا مش هنسجله وبكدا الكل هيكون عارف ان هنا مراتي
مازن/ نفسي اعرف ايه الا في دماغك
عمر/ مع الوقت هتفهم كل حاجه
🌸🌸🌸🌸🌸🌸🌸🌸
بعد قليل وصلت هنا الشركة وذهبت مباشرة الي مكتب عمر
هنا/ فاضي نتكلم شويه
عمر/ اه اتفضلي
هنا/ بابا كلمني من شويه وقالي حاجه غريبه كدا
عمر/ خير
هنا/ انت فعلا روحت طلبتني للجواز من بابا
عمر/ اه ومستني الرد
هنا/ رد ايه انت عايز تجنني هتتجوزني ازاي واحنا اصلا متجوزين
عمر/ بس والدك مايعرفش ان احنا متجوزين
هنا/ ماهو اكيد هيعرف انت ناسي ان لو اتجوزنا تاني يبقا هنكتب كتابنا تاني واكيد وقتها جوازنا هيتكشف
عمر/ماتقلقيش انا مرتب كل حاجه
هنا/ ليه
عمر/هو ايه الا ليه
هنا/ ليه بتعمل كل ده كنت تقدر تطلقني وننهي الموضوع زي ماكنا متفقين
عمر/ لأن ببساطه بعد جوازنا اكتشفت ان مجرد تغير الحالة الاجتماعيه من اعزب ل متزوج ده هيفدني كتير وجود زوجة في حياتي هيمنع كل الأشاعات الا بتطلع عني كل يوم والتاني وهيبعد عني ستات كتير اوي بيطاردوني في كل مكان يعني جوزنا هيفدني في حياتي العامه وكمان الخاصه انا متأكد ان عمرك ماهتسأليني رايح فين وجي منين يعني هكون حر وبرحتي
هنا/ والله وحضرتك فكرت في نفسك ومفكرتش فيا انا وايه الا يخليني اوافق علي وضع زي ده
عمر/ انتي كمان هتستفادي من جوازنا . اولاً هتتخلصي من جوازه والدك كان هيغصبك عليها ثانياً هتقدري تكملي درستك وتعيشي حياة مستقرة لحد ماتتخرجي وتقفي علي رجليكي
هنا/ وهنفضل علي الوضع ده لحد امتي
عمر/ يعني علي ماتكوني اتخرجتي وانا اكون قابلت بنت احبها ووقت ساعتها كل واحد فينا يروح لحاله
هنا وهي تشعر بوجع لا تعلم اسبابه الي الان من مجرد فكرة وجود بنت في حياة عمر
هنا / تمام وانا موافقه
🌸🌸🌸🌸🌸🌸🌸🌸
بعد حوالي اسبوع وبعد ان بلغ والد هنا موافقته لعمر وتم تحديد كتب الكتاب والفرح بعد اسبوعين 😊
جلس عمر وهنا في مكان عام يتحدثون حول تجهيزات الفرح الثاني لهما
هنا/ انا مش محتاجه شبكة تاني انا معايا الشبكة الا كنت جيبهالي
عمر/ انتي لسه محتفظه بيها
هنا/ طبعا دي امانه وانت سفرت ونسيت تاخدها
عمر/ انا ماخدتهاش عشان هي حقك و بتاعتك ولو عايزه تغيريها علي ذوقك او اجبلك غيرها انا معنديش اي مانع
هنا بخجل/ لاء ابدا بالعكس هي عجباني جداا
عمر/ طب ليه مش بشوفك لبساها
هنا/ عشان يعني ماكنش ينفع البسها والكل عارف اني مش مخطوبه ولا متجوزه
عمر بحب/عندك حق
هنا بخجل من نظرات عمر / علي فكره انا كنت عايزه اخد اجازه من الشركة اخر الاسبوع عايزه اقضي الاسبوع الا قبل الفرح مع بابا
عمر / طبعا مفيش مشكلة
هنا/ تمام انا لازم امشي عشان اتأخرت
عمر/ اتفضلي اوصلك
🌸🌸🌸🌸🌸🌸🌸🌸
بعد انتهاء الاسبوعين ❤
واليوم الفرح التاني لعمر وهنا
في بيت اهل سمر حيث ان تركت سمر منزل زوجها بعد ان اخبرها برفضه النهائي لزواج بنته من اخيها و بموافقته علي زواج هنا من عمر كانت تعتقد ان بفعلتها هذه وتركها المنزل سوف يرجع زوجها عن قراره ولكن لم يحدث ماكنت تنتظره واليوم هو يوم زواج هنا من عمر وهي الان تأكل في اصابعها من الغيظ طالما حاولت تدمير حيات هنا ينتهي الامر لصالح هنا في الاخير
سمر بحقد/ حتي لو اتجوزتي مش هسيبك تعيشي مرتاحه ابدا لازم اخربلك حياتك زي ماخربتي حياتي مش انا اتجوز راجل عجوز اد ابويا وانتي تتجوزي شاب وعنده كل الا اي بنت تتمناه
وبعد وقت قليل بدأت سمر التفكير في خطه شريره تخرب بها حيات هنا
🌸🌸🌸🌸🌸🌸🌸🌸
ذهب عمر ومعه صديقه مازن ومعهما المأذون لمنزل والد هنا
وكان في انتظارهما والد هنا واقاربها وصديقاتها ومن بينهم دينا ووالدها
بعد وصول العريس خرجت هنا وهي ترتدي فستان زفاف اخر وتضع ميكب خفيف جعلها اجمل بملامحها الطفوليه الرقيقه نظر لها عمر نظرة تعرفها جيدا وهي نفس نظرته لها يوم زفافهم الاول وهي ايضاً لم تفهمها لعلها تفهمها يوما😊
بعد كتب الكتاب اقترب منها عمر ليقبلها ولكن قبل ان يصل الي جبينها اعتقدت انه سوف يقرر نفس فعلته ويقبلها من شفاتيها امام الجميع بدون خجل قامت هنا بدفعه بعيدا مع صرخة مرتفعه منها
نظر لها عمر وتذكر يوم زفافهم الاول وبداء بالضحك بصوت عاليا علي اعتقادها بأنه سوف يقبلها من شفاتيها امام الجميع ولكنه هذه المره كان ينوي ان يقبلها فوق جبينها لعدم احراجها مثل المرة السابقه
وبداء الجميع ينظر لهما بعدم فهم
ما هذا الثنائي المجنون هي تصرخ عندما اقترب منها يقبلها من جبينها مثل اي عروس وهو يضحك علي فعلتها
و لا احد يعلم سبب حدوث هذا غيرهما
🌸🌸🌸🌸🌸🌸🌸🌸
بعد ان ودع الجميع العروسين وهما في طريقهم للقاهره عرض مازن علي استاذ عبدالله والد دينا بان يوصلهما معه بسيارته جلس استاذ عبدالله بجوار مازن في الامام وجلست دينا بالخلف
مازن وهو ينظر لدينا في المرأه الاماميه/ بس ماكنتش اعرف انك تقرب لهنا يا أستاذ عبدالله
والد دينا/ هنا تبقا صديقة دينا بنتي وبعتبرها زي بنتي بالظبط
مازن وهو ينظر لدينا/ هنا طيبه وتستاهل كل خير ربنا يسعدها وعقبال ماتفرح ببنتك هي كمان ان شاءالله
والد دينا/ يارب دهي معذبانا في موضوع الجواز ده وبترفض كل الا بيتقدمولها
مازن/ ليه كدا دا الجواز نص الدين
والد هنا/ علي العموم لسه بدري علي ماتخلص دراسه وكل شئ بيجي في وقته
مازن بمكر وهو ينظر لدينا في المرأه/ طب ماجتش الفرح ليه تشوف صحبتها وهي عروسه يمكن نفسها تتفتح علي الجواز
والد دينا/ ما دينا كانت موجوده في الفرح بنتي الا معانا في العربيه دي دينا
مازن بمكر/ بجد اصلي مش سامع صوتها يعني من وقت ماركبنا
والد دينا/ لاء دا قدامك بس لأنها ماتعرفكش لكن هي في الطبيعي مابتفصلش كلام
مازن بتفكير/ حضرتك قولتلي انها صديقة هنا يعني هي زميلته في الكلية
والد دينا / اه مع هنا من سنه اولي لحد دلوقتي
مازن/ طب ماجبتهاش ليه مع هنا في التدريب تاخد خبره ويكون لها فرصة كبيرة في التعين في الشركة بعد التخرج
والد دينا/ يعني ممكن تقبلوها يا بشمهندس
مازن / اه طبعا
دينا/ بس انا مش حبه اتوظف في الشركة بتاعتكم
تفاجاء والد دينا من ردها الناشف علي مازن ولكنه أجل معتبتها لحين وصولهم البيت
تجاهل مازن ردها واكمل طريقه في صمت
🌸🌸🌸🌸🌸🌸🌸🌸
عند اقتراب وصول عمر وهنا لشقتهم بعد صمت دام طول الطريق وكلا منهما يفكر في مصيرهما معا كسر عمر هذا الصمت
عمر/ قربنا نوصل شقتنا اتمنى انها تعجبك ولو في اي حاجه مش عجباكي تقدري تغيريها
اكتفت هنا بأبتسامه رقيقه رداً عليه
عمر/ وصلنا اتفضلي
امام شقتهم
هنا بستغراب/ ايه صوت الاغاني العالي ده
عمر بستغراب هو الاخر/ مش عارف
وسريعا اخرج عمر المفتاح الخاص بالشقة لفتحها وعندما فتح الباب وجد 😮
...../ مفاجأه
الفصل_التاسع 🌸🌸
امام شقتهم
هنا بستغراب/ ايه صوت الاغاني العالي ده
عمر بستغراب هو الاخر/ مش عارف
وسريعا اخرج عمر المفتاح الخاص بالشقة لفتحها وعندما فتح الباب وجد 😮
سرين / مفاجأه
عمر بستغراب / سرين انتي جيتي مصر امتى ودخلتي الشقة ازاي
سرين وهي تتقدم منه بدلع وتضع يدها علي كتفيه/ وحشتني اوي ولما لقيتك هتطول في مصر قولت اجي واعملهالك مفاجأه ايه رأيك
عمر وهو ينزع يدها من علي كتفيه بهدوء
/ ودخلتي الشقة ازاي
سرين / مش مهم دخلت ازاي المهم اننا دلوقتي مع بعض
عمر بعصبية من طريقة سرين خصوصا قدام هنا/ سرين لأخر مرة هسألك دخلتي الشقة ازاي
سرين / انت كنت سايب نسخة مع الامن تحت عشان الناس الا بتيجي تنضف
انا اخدتها منهم لما عرفوا انا ابقا مين
هنا بعصبية/ وانتي بقا تبقي مين
سرين / انا ابقا حبيبة عمر انتي بقا الا مين
عمر بغضب/ سرييين هنا تبقا مراتي وانتي عمرك ماكنتي حبيبتي احنا اصدقاء وبس وياريت تتفضلي ترجعي زي ماجيتي
سرين ببكاء مزيف/ كدا ياعمر بتتردني من بيتك
عمر/ اتفضلي
خرجت سرين وهي تغلق باب الشقة بقوة
وبعد ان خرجت ظهرت علي وجهها ابتسامة شريرة وهي تتوعد بأنهاء هذا الزواج في اسرع وقت
🌸🌸🌸🌸🌸🌸🌸🌸
بعد خروج سرين وغلقها للباب بقوة ذهبت هنا ايضا لأحدى الغرف وغلقت الباب بقوة اكبر بدون ان تسمح لعمر بتوضيح امر سرين بالشكل الكافي
نظر عمر في طيفها وهو يعلم ان في انتظاره ايام صعبه مقبله
🌸🌸🌸🌸
بعد قليل خرجت هنا بفستانها تخبط علي باب غرفة عمر
حيث كان عمر قد خلع قميصه لتغير ملابسه وعندما سمع صوت الباب فتح سريعا
هنا بخضه وهي تضع يدها علي عينيها بعد ان ادارت جسدها للأتجاه الاخر / عاااااا ايه الا انت بتعمله ده
عمر بستغراب من حالة هنا / في ايه ايه الا حصل
هنا/ انت واقف قدامي ازاي كدا
وبعد ان فهم عمر بأن مايزعجها هو رؤيتها له هو عاري الصدر
عمر/ هنا لفي وشك هنا وكلميني
هنا برفض مثل الاطفال وهي تهز رأسها/ لاء
قام عمر بلف هنا لتكون امامه ثم تحدث بغضب مصطنع/ هنا شيلي ايدك وبصيلي
وقام بمسك يدها برقة يبعدهما عن عينيها وتحدث برقة/ افتحي عينك
فتحت هنا عينيها ببطئ وهي تموت خجلا من ان تنظر اليه حاولت ان تنظر ارضا لأخفاء خجلها الواضح
عمر وهو يرفع وجهها بيده تحدث بطريقة رقيقه جدا/ كنتي جايه ليه
هنا بتوتر شديد/ ككنت جايه عايزاك تساعدني
ثم نظرت له لحظة وقامت بدفعه بعيد وجريت علي غرفتها
عمر بأبتسامه / شكلك هتتعبيني معاكي اوي ياهنا
دخلت هنا غرفتها وهي تحاول تنظيم انفاسها وتخفيف توترها الزائد ثم سمعت صوت عمر من الخارج يدق علي بابها
قامت هنا بفتح الباب وجدت عمر وقد قام بأكمال ملابسه
عمر بمرح/ انا جاهز هتدخلي الحمام وانا اقف بره وافتح سوستة الفستان للنص وانتي تدخلي بسرعة وتقفلي الباب في وشي تمام كدا ولا نسيت حاجه
هنا بضحك علي طريقة عمر / لا تمام مانستش حاجه اتفضل
وبعد ان دخل عمر غرفة هنا اقترب منها لمساعدتها وقفت هنا بتوتر شديد وهي تعطي ظهرها لعمر
بداء عمر في فتح السحاب ببطئ ومع ظهور اول جزء من ظهرها توتر كثيرا وحاول مقومة الا يلمسه وهو يرى بشرتها الناعمه ناصعة البياض حاول عمر كثيراً مقاومة شعوره ولكنه فضل ان يخرج من الغرفة سريعا قبل ان يفقد سيطرته ويفعل شئ يندم عليه
استغربت هنا من خروجه السريع بدون اضافة اي كلمة وذهبت لغلق الباب خلفه واستكمال تغير ملابسها
وقضي كلاً منهما ليلتهم يفكرون في الايام القادم كيف تكون بينهم
🌸🌸🌸🌸🌸🌸🌸🌸
في الصباح الباكر استيقظت هنا في غرفتها وهي لا تعلم ماذا تفعل هل تخرج لتعد وجبة الفطار لهما ام تذهب لأستيقاظه للعمل ام تذهب هي لعملها وتتركه نائما فقد انتهت أجازتها أمس وسط تفكيرها سمعت صوته خارجا يدق باب غرفتها فتحت هنا سريعا وجدت عمر يقف أمامها وهو يرتدي ملابسه الخاصه بالعمل
عمر / صباح الخير
هنا بأعجاب شديد بوسامته/ صباح النور
أبتسم عمر بعد ان لاحظ نظرتها المعجبه به
عمر / انا رايح الشركة محتاجه حاجه قبل مانزل
هنا بخجل بعد ان شعرت بأن عمر فهم نظرتها
هنا/ انا كمان هروح الشركة اجازتي خلصت امبارح
عمر / مفيش مشكلة تقدري تاخدي اجازة النهارده كمان
هنا/ لاء انا مش عايزه اجازه تاني ومش عايزه في شغلي اي تميز او مجاملات كوني اني مراتك
عمر/ برحتك اتفضلي البسي وانا هستناكي ننزل سوا
🌸🌸🌸🌸🌸🌸🌸🌸
في منزل دينا
استاذ عبدالله/ انا مارضتش اتكلم معاكي امبارح بليل وقولت أجل الكلام للصبح ممكن اعرف ليه مش عايزه تتدربي في الشركة انتي عارفه اني في ملاين بيتمنو تجيلهم الفرصة دي ويشتغلو في شركة os
دينا/ يابابا حضرتك ماشوفتش مازن ده كان بيسخر مني ازاي وعايز يرسم نفسه عليا
استاذ عبدالله/ الا انا شوفته ان الراجل كان بيتكلم بكل ذوق وأدب وبعدين اسمه بشمهندس مازن انتي ماتعرفيش الراجل ده شاطر في شغله اد ايه والمفروض فرصة زي دي تفرحك وتمسكي فيها مش تطبطري علي النعمه وتقولي لاء
دينا/ خلاص يابابا أنا أسفه
استاذ عبدالله/ أسفة دي تقوليها للراجل الا انتي حرجتيه امبارح
دينا/ لاء طبعا انا مستحيل اعتذرله
واستاذ عبدالله/ هتيجي معايا الشركة دلوقتي يادينا تعتذريله وهتوافقي علي التدريب
دينا / حاضر
وهي تحدث نفسها اماوريتك يامازن مبقاش انا دينا
🌸🌸🌸🌸🌸🌸🌸🌸
في بيت والد هنا يسمع صوت جرس الباب ويذهب ليفتح يجد سمر
سمر وهي تتقدم لداخل المنزل / ماكنتش اعرف اني رخيصه عندك كدا
والد هنا/ انا ماقولتلكيش تمشي ياسمر انتي الا سبتيني وسبتي بيتك ومشيتي
سمر بمكر / ومقدرتش علي بعدك ورجعت ايه موحشتكش
والد هنا بحب/ وحشتيني طبعا نورتي بيتك
🌸🌸🌸🌸🌸🌸🌸🌸
بعد وصول عمر وهنا للشركة و تفاجاء جميع الموظفين من حضورهم يوم صباحيتهم
داخل غرفةرئيس مجلس الأداره يجلس عمر علي مكتبه وأمامه مازن
مازن/ انا بجد عمري ماشوفت كدا عريس وعروسه ينزلو شغلهم يوم الصباحيه بصراحة انت دايما بتفاجأني
عمر / ولسه هتتفاجاء اكتر لما تعرف مين جت مصر امبارح
مازن/ مين
عمر/ سرين
مازن/ مش معقول وعرفت ازاي انت شوفتها
عمر/ امبارح في شقتي.... كانت في انتظاري انا وهنا
مازن/ لاااا ماتقولش وايه الا حصل احكيلي
🌸🌸🌸🌸🌸🌸🌸🌸
في غرفة هنا والاء في الشركة
الاء/ وحشتيني اوي ياهنا بس مش غريبه تيجي الشغل يوم الصباحيه انتم المفروض دلوقتي تبقو في شهر العسل
هنا بأحراج/ اصل عمر عنده شغل مهم فأجلنا شهر العسل لحد مايخلصه انتي عارفه اتجوزنا بسرعه وملحقش يرتب اموره وكدا
الاء/ اه مش مهم المهم ماتكونيش زعلانه ولازم تعرفي ان اي زوجة راجل اعمال ناجح لازم تضحي شويه
هنا / اااه مانا عرفه
دخلت دينا مسرعه علي هنا وهي تحتضنها بقوة / هنااااااا مصدقتش انك موجوده في الشركة فعلا
هنا بستغراب/ دينا انتي بتعملي ايه هنا
دينا/ انا هتدرب معاكي في الشركة
هنا بفرحه/ بجد من امتي
دينا/ لسه النهارده جيت اقابل بشمهندس مازن واول معرفت انك موجوده جيت اشوفك الاول😀 هروح انا عشان بابا مستنيني في مكتبه
هنا/ بالتوفيق ياروحي
🌸🌸🌸🌸🌸🌸🌸🌸
في غرفة مازن دخل استاذ عبدالله ومعه دينا بعد ان سمح لهم مازن بالدخول
مازن وهو ينظر لدينا/ اهلا استاذ عبدالله نورت مكتبي
استاذ عبدالله/شكرا يابشمهندس انا كنت جاي اسأل حضرتك علي موضوع تدريب دينا في الشركه الا عرضته عليا امبارح
مازن / اه طبعا انا بس هحتاج اعمل انترفيو مع الانسه دينا لوحدنا ولو مؤهله اكيد هتتقبل في الشركة
استاذ عبدالله/ تمام وانا منتظر في مكتبي
🌸🌸🌸🌸🌸🌸🌸🌸
بعد خروج استاذ عبدالله بداء مازن في الحديث
مازن/ مستعده نبداء
دينا وهي تنظر بمكان اخر / اتفضل
مازن/🤔 اسمك ايه
دينا / احنا هنهزر
مازن/ دا مش مكان للهزار انا عايز اعرف اسمك ايه
دينا بغيظ/ 🤨اعتماد
مازن/ اهلا انسه اعتماد قوليلي بتدرسي ايه
دينا/ بدرس اقتصاد منزلي بعرف اعمل حلة محشي تاكل صوابعك وراها
مازن/ بجد دا انتي كدا فيكي كل الموصفات الا الشركة طلباها
دينا/ شوفت بقا
مازن/ شوفت واتأكدت ان وجودك مهم في شركتنا جدااا وتقدري تبدائ من بكره لو حبيتي
دينا/شكرا عن اذنك
اتجهت دينا للخروج ولكنها رجعت اليه مرة أخرى
دينا/ علي فكرة دمك مش خفيف
مازن بضحك/ بس انتي دمك خفيف
🌸🌸🌸🌸🌸🌸🌸🌸
في المساءبعد ذهاب عمر وهنا لشقتهم
عمر/ انا هطلب دليفيري تحبي تكلي ايه
هنا/ وتطلب دليفيري ليه انا ممكن اعمل اكل هنا لو تحب يعني
عمر/ انتي بتعرفي تطبخي
هنا بثقه/ اه طبعاً انا احسن واحدة تعمل مكرونه وبانيه
عمر بأبتسامه/ يبقا ناكل مكرونه وبانيه
هنا/ حالا نص ساعة والاكل يكون جاهز
بعد قليل دخل عمر المطبخ وهو ينظر لها بحب يزداد يوم بعد يوم وعندما لاحظت هنا وجوده
عمر/ انا ممكن اساعدك
هنا/ بجد يعني ممكن تعمل السلطة
عمر بمشاكسه/ لا طبعا مش لدرجة السلطة انا ممكن اجهز معاكي السفره
هنا/ والله كتر خيرك بس انا كدا هتعبك
عمر/ خلاص صعبتي عليا ممكن اعمل السلطة
وبعد ان وضعت هنا امامه طبق لأعداد السلطة لاحظت مهارته في تقطيع الخضار بسرعه وطريقة احترافيه
هنا/ مش معقول اكيد دي مش اول مرة تدخل المطبخ صح
عمر/ صح انا الا كنت دايما بعمل لنفسي الاكل
هنا/ ليه هو انت كنت عايش لوحدك
عمر/ تقريبا
هنا/ وولدتك
عمر/ ولدتي اتجوزت بعد وفات والدي علي طول وانا قررت اعيش لوحدي
لاحظت هنا تغير وجهه عندما ذكر زواج والدته من رجل اخر بعد والده وهي تعلم جيدا هذا الشعور لأنها عاشت نفس الشعور من فترة قريبه حاولت هنا تغير الموضوع
هنا / احم الاكل جاهز ايه رأيك ناكل في البلكونه الجو النهاردة تحفه
عمر بأبتسامه/ تمام
🌸🌸🌸🌸🌸🌸🌸🌸
اثناء تناولهم الطعام حاولت هنا ان تسأله عن علاقته بسرين
هنا/ ممكن أسألك علي حاجه لو مش هيضيقك
عمر/ اه طبعا اتفضلي
هنا/ البنت الا كانت هنا امبارح فعلا حبيبتك
عمر بمشاكسه/ يهمك تعرفي
هنا بتوتر/ لاء طبعا انا بس عايزه افهم مش اكتر
عمر بأبتسامه/ انا و سرين متربين مع بعض وهي بالنسبالي مش اكتر من صديقة
هنا/ وبالنسبالها؟؟
عمر/ المهم هي بالنسبالي ايه مش انا بالنسبالها ايه صح
هنا/ صح
وفي هذه الاثناء رن هاتف عمر ولكنه تجاهله وبعد اعادة رن الهاتف مرة اخرى نظر عمر للهاتف وجد الاتصال من ايطاليا
قام بالرد علي هاتفه وبعد لحظات وقف عمر سريعاً وهو في حالة صدمة ثم وقع الهاتف من يده وهو لا يصدق ما سمعه الأن