رواية زوجتي المصون
الفصل الثامن والعشرو والتاسع والعشرون والثلاثون
بقلم ملك ابراهيم
رواية زوجتي المصون
الحلقة ٢٨
عمر / انا قولتلك قبل كدا ان انتي مراتي وعمرك ما هتكوني غير كدا لأخر يوم في عمري
نظرت له بتحدي
هنا / بس انت قولتلي انتي طالق وموضوع ان انت ردتني ده ميقنعنيش اني اوافق اكون معاك في بيت واحد
هز رأسه وهو يحل لها حجتها ببساطه
عمر / تمام نبقى نتجوز تاني قصدي تالت عشان ابقى متجوزك بالتلاته يمكن وقتها تتأكدي انك مراتي
ضحكت هنا كثيرا علي كلامه وطريقته وهو يتكلم معها بغيظ
فرح عمر بشده عندما رأها تضحك امامه لأنه كان يتمنى رؤية ضحكتها وتأكد بان هذه الضحكه هي مفتاح لباب الامل في ان تسامحه وتقبل مصالحته
وانتهز الوقت سريعا وقام بضمها اليه وتحدث اليها بعشق صادق
عمر / وحشتيني
ابتسمت له بخجل وقامت برفع يدها الي رقبته تداعبه برقه وهي تتحدث معه بدلع
هنا / بجد وحشتك
تنهد طويلاً وهو يقول لها من اعماق قلبه
عمر / ياااااااااه ياهنا وحشتيني بس دا انا كنت بحلم كل يوم بالحظه دي
ابتسمت له بعشق وتحدثت اليه برقه ودلع
هنا / الا في دماغك ده مش هيحصل يا عمر
نظر لها بستغراب وهو يرى نظراتها تحولت من نظره عاشقه الي ماكره
ابتسم لها بهدوء وهو يغمز لها وتحدث بثقة
عمر / هيحصل يا هنا ممكن مش دلوقتي بس اكيد هيحصل
بعدت عنه وهي تبتسم له بمكر وردت عليه بثقة هي الاخرى
هنا / هنشوف يا عمر
**
اليوم التالي
جلست سرين وهي تمسك هاتفها وتنظر اليه و تفكر هل ما تفعله الان صحيحا ولكن ليس امامها اختيار اخر
اخدت القرار وقامت بالضغط علي زر الاتصال وتنتظر رد الطرف الاخر
سرين / الو
شخصا ما / الو مين
سرين / انا عايزاك في شغل حاجه بسيطه هتعملها وهتطلع منها بمبلغ كبير
شخصا ما / انا تحت الامر في اي حاجه فيها فلوس بس حضرتك مين
سرين / مش لازم تعرف انا مين الا لازم تعرفه هتعمل ايه عشان توصل للفلوس الا انت عايزها
شخصا ما / وهاخد فلوسي ازاي وانا معرفش انتي مين مش يمكن بعد مااعمل المهمه الا هتطلبيها مني تختفي ومعرفش اوصلك
سرين / ماتقلقش انا هديك مبلغ كويس مقدم يعني مش محتاجه اهرب منك بعد ما تنفذ الا هقولك عليه وهديك كل الفلوس الا انت عايزها بس المره دي تنفذ صح
استغرب هذا القاتل كثيرا من حديثها علي ان ينفذ صح هذه المره معنى كلامها بأنها جربته في شئ ما من قبل
شخصا ما / ماتقليقش بس ممكن تقوليلي انتي عايزه تتخلصي من مين بالظبط وهتسلميني فلوسي ازاي
سرين / في اتنين عايزه اتخلص منهم وتبان حادثه طبيعيه وفي اليوم الا هقولك عليه
شخصا ما / ومين الاتنين دول
سرين / واحد اسمه كريم ومراته كرولين هبعتلك كل المعلومات عنهم
صدم بشده هذا الشخص عندما قالت له اسمائهم فهو يعلمهم جيدا ولكنه انتظر ان ترسل له المعلومات التي تحدثت عنها حتي يتأكد منهم اولا
**
خرجت هنا من غرفتها وجدت عمر يتحدث بالهاتف الي احد الاشخاص ولكنه اغلق هاتفه فورا عند رؤيتها امامه واقترب منها بهدوء وهو ينظر لها بعشق
خجلت هنا كثيرا من نظراته لها وعندما اقترب منها تحدث امامها برقه
عمر / وحشتيني
خجلت اكتر وحاولت بعد عيونها عنه وهي تحاول ان تنظر الي اي شئ حولها
رفع يده الي وجهها وقام بتوجيه وجهها اليه وتحدث بعشق وصل لحد الجنون
عمر / والله العظيم بحبك
نظرت له بحب وسعاده وهي تشعر بصدق كلماته وكانها تسمعها بصوت دقات قلبه
ثم اكمل حديثه بصدق
عمر / صدقيني يا هنا انا بحبك بجد وعمري ما أذيكي
نظرت له بحزن
هنا / بس انت أذتني ياعمر وضربتني وهنتني ومادتنيش فرصه حتي احكيلك الا حصل والله العظيم كريم هو الا دخل عند الاوضه وانا معملتش حاجه
تحولت عينيه سريعا الي نار تحرق كل من وقف امامه في هذه اللحظه وسألها بعدم فهم وبغضب قاسي
عمر / كريم دخل عندك الاوضه ازاي وعمل ايه
نظرت له بستغراب وهي لا تفهم مايقصده
هنا / لما دخل الاوضه عندي ومامتك جت وشافته وحكتلك
حاول كثيرا التحكم في غضبه حتى يفهم منها ماذا حدث
عمر / هنا انا عايزك تحكيلي ايه الا حصل بالظبط
لم تفهم هنا لماذا يسألها الان وحاولت ان تعانده وتعاقبه علي عدم سماعه له في هذا اليوم
هنا / انت جاي تسألني دلوقتي طب ليه مادتنيش فرصه احكيلك الا حصل قبل ماتعمل فيا الا انت عملته دا
حاول عمر كثيرا السيطره علي غضبه ولكنه بدون وعي وبسبب جنونه من معرفته بأن كريم اتعرض لها وهو كان لا يعلم بهذا
تحدث اليها بعصبيه وصوت مرتفع
عمر / هنااااا قوليلي الحيوان ده عمل ايه معاكي بالظبط
خافت منه كثيرا وتحدثت برعب
هنا / اانا انا كنت قاعده في اوضتنا بعد ما انت نزلت ولقيته دخل فجأه وقف قدامي
صمتت هنا ولم تريد ان تتذكر هذا اليوم
لكنه لم يصمت
عمر / هااااا وبعدين
هنا / اتكلم معايا يعني كلام ملوش لازمه
وصمتت مره اخرى
جن جنونه من صمتها المستمر فهو يحترق بداخله ويريد ان يعرف ماذا فعل هذا الغبي معها قام بوضع يده علي وجه بغضب
وتحدث اليها بجنون هذه المره
عمر /هناااااا اتكلمي علي طول الحيوان ده قالك ايه بالظبط
ارتعبت منه كثيرا وتحدثت بسرعه
هنا / قالي انه معجب بيا وان انت ماتستاهلنيش وهو الا يستاهلني
نظر لها مطولاً بدون اي حديث نظرت له بخوف من انه لا يصدقها
ولكنه تكلم بهدوء ماقبل العاصفه
عمر / قرب منك
نظرت له بستغراب
هنا / مش فاهمه يعني ايه
قام بالخبط بقوة علي الحائط الموجود بجانبه حتي ينفذ عن غضبه قليلاً وهو يوضح لها قصده اكتر
عمر / يعني لمسك ايده جت عليكي
خافت هنا ان تخبره بأنه امسكها من شعرها بقوة
هنا / لا مقربش مني ووالدتك دخلت علي طول وكريم قالها ان انا الا قولتله يجي اوضتنا وهي للأسف صدقته وانت كمان صدقتهم
نظر لها بحزن شديد واقسم بداخله علي سحق هذا الحيوان كيف له ان يجراء ويتعرض لزوجته ويخيفها هكذا لقد كتب شهادة وفاته بعملته هذه
امسك يدها وقبلها بحنان واعتذر لها بندم حقيقي علي احزانه لها وعدم اخذ حقها الي الان ولكنه سوف يأخذه قريبا جدا ويندم كل من تسبب في حزنها وابعادها عنه
عمر / هنا انا بجد اسف
بس انا ماكنتش اعرف بموضوع كريم ده واول مره اسمعه منك دلوقتي
نظرت له بعدم فهم
هنا / يعني ايه اومال كل الا انت عملته فيا ده كان ليه
صمت ورفض الحديث الان
عمر / قريب جدا هتعرفي يا هنا وصدقيني هتعذريني في كل الا عملته معاكي
نظرت له بغضب
هنا / الا انت عملته فيا ملوش اي عذر ومستحيل اسامحك يا عمر انا كل مابشوفك بفتكر كل الاذى الا انا شوفته معاك انت وصلتني اني اندم علي اليوم الا اتجوزتك فيه
حزن كثيرا من كلامها الجارح لقلبه وتحدث وهو يبتعد عنها
عمر / صدقيني يا هنا انا متأكد ان هيجي اليوم الا هتعذريني فيه
**
جلس خالد مع نادين في احدى الاماكن العامه كانت تتحدث معه بحماس عن علاقتهما كان ينظر لها بأبتسامه هادئه نظرت له بحب ووضعت يدها فوق يده وتحدثت اليه بهدوء و تفهم
نادين / خالد انت حزين عشان هنا زعلانه منك ؟
نظر لها بهدوء وتحدث بأختصار
خالد / انا عارف انها اكيد لما تعرف الحقيقه زعلها ده هيروح
نظرت له بأبتسامه
نادين / خالد انت بتحب هنا
نظر لها بصدمه من معرفتها وتحدث بتوتر
خالد / انتي ليه بتقولي كدا
ابتسمت له
نادين / لان دي الحقيقه والا واضحه جدا خالد الا انت عملته مع هنا مستحيل اي حد يعمله انت تركت شغلك وحياتك ووقفت جنب هنا وكنت بتعمل المستحيل عشان تسعدها
كان خالد لا يريد ان يعلم أحد بمشاعره اتجاه هنا وتفاجئ جدا من معرفت نادين وفهمها لمشاعره وهذا وتره جدا
خالد / هنا تستاهل كل خير واي حد مكاني كان هيعمل اكتر من كدا
نظرت له بحب واعجاب بيزيد كل يوم أكتر
نادين / لا يا خالد الا انت عملته مايعملوش غير حد بيحب بجد انت كان ممكن تستغل مشكلة هنا مع عمر لصلحك ولو كنت قربت من هنا في وقت ضعفها وحزنها من عمر اكيد ماكنتش هتمانع بس انت مافكرتش ابدا تستغل حزنها بالعكس انت وقفت جنب عمر عشان يرجعها وضحيت بسعادتك لأنك عارف ان سعادتها مع عمر لأنها بتحبه
نظر لها بصمت وهو لا يعلم بماذا يرد عليها
نظرت نادين لصمته بأبتسامه وتحدثت مره اخرى
نادين / خالد حبك لهنا دي حاجه تفتخر بيها ودي اكتر حاجه انا حبتها فيك انت بتحبها حب للروح مش حب للجسد وبطلب منك تديني فرصه مش هقولك انسيك هنا لكن هقولك تحبني حب تاني ويكون ليا مكان في قلبك
اعجب جدا بفهمها له واعجب بها اكتر بتفهمها معه وتحدث بأحترام شديد لمشاعرها
خالد / تعرفي كل الا انتي قولتيه دلوقتي ده فتحلك اول باب في قلبي وصدقيني انتي فعلا دخلتي قلبي
ابتسمت بسعاده
نادين / وعمري ما هخرج منه ابدا
**
قضت هنا باقي اليوم في غرفتها تبكي بحزن علي حالها
لا تصدق بأن حبيبها معها في نفس المنزل ومع ذالك بعيد عنها
تريد ان يضمها لقلبه ولكن كبريائها يمنعها
تريد ان تنظر لملامحه براحه لقد اشتاقت اليه كثيرا
ومع وجودها امامه تبعد عيونها عنه حتي لا يرى اشتياقها
كانت تتمنى ان تأتيها الشجاعه وتفتح باب غرفتها وتذهب اليه سريعا وترتمي في احضانه انها فاقده لشعور الامان وتعلم جيدا بأنها لن تجد هذا الشعور الا في احضانه
ولكنه كبريائها هو من يرد عليها ويمنعها من ان تنفذ أوامر قلبها وان تسامحه
**
جلس عمر في شرفة المنزل ينظر لما حوله ويفكر في الكثير ولكن كل تفكيره يدور حول هنا
كيف يقنعها بأن تسامحه
كيف يشرح لها لماذا فعل هذا معها
ماذا يفعل حتي تتأكد انها اغلي ما يملك في هذه الدنيا
يريد ان يأتي طفلهم الي الحياه ولا يجد اي خطر او مشاكل او احزان
عليه حمايتهم مهما كلفه الامر حتي لو كلفه ان يضحي بروحه فداهم لن يتردد لحظه واحده
لذا عليه التخلص سريعا من كل من يحمل لهم أذى او مكروه
في هذه الاثناء رن هاتفه برقم يعرفه جيدا
كان المتصل شريك كريم و سرين في محاولت قتل كرولين لقد وصل اليه عمر بعد بحث كثير في حادثة والدته بعد ان اخبرته الشرطه بأن الحادثه بفعل فاعل وانهم سوف يبحثون عنه ويجدوه في اقرب وقت
لم ينتظر عمر بحثهم وكلف رجاله ان يبحثوا هم عنه ويجدوه في اسرع وقت
وبالفعل نجحوا في الوصول اليه سريعا واخبروا عمر وامرهم بأحضاره الي احد الاماكن البعيده الخاصه بعمر
وبعد ان احضروه امامه
رفع عمر سلاحه في وجهه وهو يسأله بقوة عن من أمره بفعل ذلك
حاول انكار فعلته ولكنه عندما رأى صدق عمر في قتله حقا لو لم يقل له مايريده خاف كثيرا واعترف بسرعه
وقال له بأن كريم هو من دفع له وأمره بفعل هذا واعطاه تسجيل صوتي لكريم اثناء اتفاقهم معا كان يسجل له حتي يبتزه بهذا التسجيل فيما بعد ويحصل منه علي المزيد من الاموال
بعد ان سمع عمر التسجيل الصوتي تأكد بأن كريم هو الفاعل الحقيقي
وتأكد بأنه سوف يكرر فعلته ولن ييأس بعد ان نجت كرولين من مخطته هذه المره
لذا عليه عدم الانتقام من هذا الشخص الان وتركه واعقاد معه اتفاق ينص علي ان يظهر طول الوقت لكريم ويبتزه ويطلب منه الكثير من الاموال حتي يشغل كريم بمشاكله مع هذا الشخص ويبداء يخطط له عمر لي ايقاعه بدون رحمه
واخبر هذا الشخص بان يخبره بأي تطور يحدث بينه وبين كريم والمقابل اعطاءه الكثير من الاموال مع وعد بأنه سوف يعفو عنه ان اتم معه المخطط بطريقه صحيحه
رد عمر عليه بملل
عمر / خير
//// كل خير ياباشا انا عندي ليك خبر بملاين
رد عليه عمر بجمود
عمر / الا هو ايه قول علي طول
//// في ست كلمتني النهارده وطلبت مني اقتل كريم بيه
استغرب عمر كثير من هي التي تريد قتل كريم اعتدل عمر في جلسته وانتبه لحديثه جدا
عمر / تبقى مين الست دي
//// بصراحه يا باشا هي مارضتش تقول هي مين بس بصراحه يعني هطلبت مني اقتلها حد كمان معاه
رد عليه عمر بعصبيه
عمر / انت هتقولي كلمه كلمه ماتخلص
//// لا مؤخذه يعني طلبت مني اقتلها كريم بيه والست والدت حضرتك
وقف عمر من مكانه بصدمه
عمر / ايه طب هي ماقلتش اي حاجه ممكن نوصلها منها يعني طريقه توصلك بيها الفلوس طريقه تشوفها تتفقم
//// لا يا باشا هي مش راضيه تقول هي مين وقالتلي هتبعتلي الفلوس وهنتفق من بعيد بس هي بصراحه قالتلي كلمه كدا غريبه شويه لاقيتها بتقولي "بس المره دي تنفذ صح " يعني شكلها بتعرف موضوع الحادثه بتاع والدت حضرتك وماتقلقش ياباشا انا سجلت المكالمه
نظر عمر امامه بتفكير
عمر / ابعتلي التسجيل ده حالا
//// امرك يا باشا يارب تكون مبسوط مني انا بنفذ كل الا طلبته مني بالحرف اهوه
رد عليه عمر بأنجاز
عمر / ماتقلقش هتاخد الا تستحقه وزياده واستني مني تليفون هقولك تعمل ايه بالظبط
//// انا تحت امرك يا باشا مع السلامه
اغلق عمر هاتفه وهو ينظر امامه بتفكير عميق وبعد لحظات سمع صوت هاتفه يعلن عن استلام رساله فتحها وجدها التسجيل الصوتي قام بفتحه سريعا ولكنه تفاجئ جدا عندما سمع صوتها وتعرف عليه من اول لحظه نظر امامه بصدمه وتحدث بزهول
عمر / سرين
**
خرجت هنا من غرفتها وجدته يقف بصدمه ويبدو عليه الحزن والقلق اقتربت منه بهدوء وانتظرت ان يتحدث معها ولكنها تفاجأت به ينظر لها بعمق وصمت وكأنه شارد بملامحها اقتربت منه اكتر وسألته بقلق
هنا / عمر انت كويس
استمر بالنظر اليها ثم
وبدون اي مقدمات قام بأحتضانها بقوة وكأنه يريد ان يخبأها بداخل ضلوعه ودفن وجهه في عنقها وهو لا يريد الابتعاد عنها ابدا
قلقت هنا كثيرا عليه وحاولت ضمه هي الاخرى بقوة
استمر علي احتضانها بدون اي كلام هكذا لوقت طويل حتى اعتقدت هنا انه نام بحضنها
حاولت التحدث اليه بهدوء
هنا / عمر حبيبي ايه الا حصل
تحدث بأنفاسه الساخنه بجانب عنقها وهو يقبله
عمر / انا محتاجك اوي يا هنا ارجوكي ماتبعديش عني
شعرت هنا بأنه فعلا يحتاج اليها كثيرا وارادت ان تثبت له بأنها تحتاجه اليه أكثر
رفعت وجهه اليها وتحدثت امامه بعشق
هنا / انا عمري ما ابعد عنك ياحبيبي انت روحي ومن غيرك بكون جسد من غير روح
ثم اقتربت هي من شفاتيه وقبلته بعشق ولهفه واشتياق
استقبل قبلتها بسعاده كبيره وضمها اليه اكتر حتى اصبحا كجسدا واحدا
ثم تولى هو قيادة قبلتهم بلهفه وعشق ليغيبا عن كل من حولهم لوقت طويلا واصبحوا بعالم اخرى لا يوجد به غيرهم
ابتعد عنها قليلا وهو يضمها اليه بحمايه ويقبل رأسها بحب
عمر / هنا انا عايز اطلب منك طلب
نظرت له بحب
هنا / اتفضل يا حبيبي
نظر لها طويلا وكأنه أخر مره يراها
عمر / أنا عايزك تاخدي بالك من نفسك ومن أبننا لو جرالي حاجه
صعقت هنا من جملته ونظرت له بصدمه وخوف وقامت بأحتضانه بقوة وهي تقربه اليها اكتر وتبكي
هنا / عمر ارجوك ماتقولش كدا انا مقدرش اعيش من غيرك وابننا انت الا هتربيه وتعلمه أزاي يكون راجل قوي زيك
ومفيش حاجه تقدر عليه ولا تكسره مهما حصل
ابتسم لها علي برأتها ونقاء روحها وكاد ان يتحدث ولكن صوت هاتفه وقفه عن اي حديث
ابعدها عنه قليلا ونظر الي الهاتف وجده اتصال كان ينتظره ليتأكد من ظنونه أستأذنها بأن يرد علي هذا الاتصال المهم
ابتعد عنها وهو يأخذ هاتفه ليرد بعيدا حتي لا تسمع شئ وتشعر بالخوف أكتر
عمر / ألو
....../ ايوا يابشمهندس ينفع اتكلم دلوقتي
نظر عمر الي هنا الواقفه بعيدا عنه وهي تنظر له بستغراب وفضول تريد ان تعرف من هذا او هذه المتصل به الان ولماذا لا يريدها ان تسمع حديثه
رد عليه عمر بأنجاز
عمر / اتفضل
......../ احنا للأسف أتأكدنا ان كريم طلع فعلا تبع مافيا الأستيلاء علي أموال رجال الأعمال
الفصل التاسع والعشرون🌸🌸
ابتعد عنها وهو يأخذ هاتفه ليرد بعيدا حتي لا تسمع شئ وتشعر بالخوف أكتر
عمر / ألو
ضابط شرطه/ ايوا يابشمهندس ينفع اتكلم دلوقتي
نظر عمر الي هنا الواقفه بعيدا عنه وهي تنظر له بستغراب وفضول تريد ان تعرف من هذا او هذه المتصل به الان ولماذا لا يريدها ان تسمع حديثه
رد عليه عمر بأنجاز
عمر / اتفضل
ضابط شرطه/ احنا للأسف أتأكدنا ان كريم طلع فعلا تبع مافيا الأستيلاء علي أموال رجال الأعمال
نظر عمر الي زوجته بصدمه بعد ان تأكد من ظنونه
وهز رأسه بحزن ورد علي المتصل
عمر / وحضرتك شايف ان المفروض اعمل ايه
ضابط شرطه / احنا لازم نتعاون مع بعض عشان نقبض عليه هو والا وراه لان فعلا في خطر علي حياتك وحيات كل الا حواليك
توجهت عينيه تلقائيا الي هنا وهو يعلم بأن الخطر الاكبر عليها فهو فعل كل ماحدث بينهم ليأكد للجميع انه لا يهتم بأمرها وانها غير مهمه بالنسبه اليه حتى لا يستخدموها كنقطة ضعف له لانها وفي الحقيقه هي نقطة ضعفه الوحيده
استغربت هنا كثيرا من نظرته هذه وكانت تريد بشده معرفة ما يخبئه عنها
تحدث عمر وهو علي وشك انهاء المكالمه
عمر / فهمت يعني انا لازم ارجع ايطاليا النهارده قبل بكره
ضابط شرطه / بالظبط كدا
رد عليه عمر بهدوء
عمر / يبقى هرجع النهارده ان شاءالله
وبعد ان اغلق الهاتف نظر امامه بشرود وهو يفكر في شئ ما
اقتربت منه هنا وتحدثت بقلق
هنا / عمر انت مخبي عليا ايه ارجوك فهمني
نظر اليها بحب وخوف عليها وهو لا يريد ان يخيفها ويريد ان يبعدها عن كل هذه المشاكل والعداوات وعليه الحفاظ عليها هي وابنه وحمايتهم بكل قوته
ابتسم لها بهدوء
عمر / حبيبتي انا اسف جالي شغل في ايطاليا ولازم اسافر
نظرت له بغضب وتحدثت بدون وعي من شدة غيرتها وحزنها
هنا / اااه نسيت انك عريس ودي ايام فرحك ولازم ترجع ايطاليا عشان عروستك
ابتسم لها بقلة حيله وقبلها من وجنتيها برقه وذهب ليستعد الي السفر
🌸🌸🌸🌸🌸🌸🌸🌸
نظرت له هنا بحزن وغضب وهي تراه يذهب ويتركها هكذا
ولكنها فكرت في شئ ما
وضعت يدها علي بطنها وهي تدعي التعب وتصرخ بأسمه بوجع
خرج سريعا من غرفته وهو لا يرى امامه من خوفه عليها
ذهب اليها سريعا وجلس علي ركبتيه امامها وسألها بقلق
عمر / ايه ياحبيبتي مالك ايه الا حصل
حاولت هنا اتقان دورها وهي تدعي التعب
هنا / انا تعبانه أوي ياعمر ماتسبنيش انا ممكن اولد في اي وقت
وقف عمر من علي الارض وهو ينظر لها بستغراب ثم نظر الي بطنها وتحدث بعدم فهم
عمر / تولدي ازاي ياروحي دا انتي لسه في اول الحمل
توترت هنا كثيرا وحاولت اقناعه بكلامها
هنا / عادي يعني دا حاجات ستات وانت اكيد مش هتفهمها
نظر له بستغراب
عمر / هو ايه الا حاجات ستات ومش هفهمها حبيبتي الولادة معروف انها بعد 9 شهور من الحمل و ممكن 7 شهور لكن مش بعد 3 شهور ياهنا
ردت عليه بعصبيه
هنا / وانت عرفت الكلام ده منين ان شاءالله
غمز لها وضحك بسخريه
عمر / اخدنا في الحضانه
نظرت له بغيظ من سخريته علي فكرتها الطفوليه بانها ادعت انها علي وشك الولاده وهي في اوائل حملها ووقفت أمامه وتحدثت بطفوله وكأنها طفله تتدلل علي والدها
هنا / عمر انت هتتجوز سرين فعلا
اقترب منها وضمها اليه
عمر / انا كل الا اقدر اقولهولك دلوقتي ان اوعدك ان مفيش اي انسانه في الدنيا هتحمل لقب زوجتي غيرك
نظرت له برفع حاجب
هنا / اومال خبر جوازك من سرين الا مالي الدنيا دا ايه
نظر الي وجهها بحب وهو يبعد بيده خصله متمرده من شعرها تقترب من عينيها ابعدها للخلف برقه وقام بتقبيل جبينها بعشق وتحدث بكل حب
عمر / قولتلك مستحيل اكون لأي واحده غيرك
وقام بتقبيل باطن كف يدها بقبله تعبر عن امتلاكها له بأنه ملكها وحدها ولا تستطيع اي امرأه اخرى ان تشاركها فيه
ابتسمت له بحب وحاولت ان ترجعه عن قرار سفره بطريقتها الخاصه
رفعت يدها تداعب ازرار قميصه واقتربت منه تقبل عنقه برقه
ضعف امامها كثيرا وكان يتمنى لو بأمكانه ان يحملها الي غرفته ويرد علي أشعالها لمشاعره بطريقته الخاصه ولكن مايمنعه الان انه عليه الذهاب فورا ليتخلص من الخطر القادم اليهم علي يد كريم ومن معه
امسك يدها وقبلها بحنان واعتذر منها يهدوء
عمر / حبيبتي انا لازم اجهز دلوقتي لأني لازم اكون في ايطاليا النهارده
جن جنونها عليه وهي تعتقد بانه يريد الذهاب الي ايطاليا بهذه السرعه من اجل سرين
ابتعدت عنه بغضب وصرخت بوجهه
هنا / روح يا عمر روحلها وتأكد انك لو رجعت تاني مش هتلاقيني
نظر لها بصبر كبير علي جنونها وذهب الي غرفته وتحدث الي نادين بالهاتف واخبارها بضرورة سفره و عليها المجئ حالا الي هنا لتكون معها بنفس المنزل
🌸🌸🌸🌸🌸🌸🌸🌸
بعد قليل
كانت تجلس بغضب منه ذهب اليها ليقبلها قبل ان يذهب ولكنها صدته وبعدت عنه وذهبت الي غرفتها وتركته ينظر لها بحزن فهو لا يريد ان يخبرها السبب الحقيقي لسفره لانه يعلمها جيدا ويعلم بأنها اذا علمت الحقيقه سوف تصر علي تواجدها معه وعدم تركه وهو لا يريد ان يحدث لها مكروه بجانبه لذا عليه ابعادها عنه حتي ينتهي من كل مشاكله
وهو في طريقه للخروج من المنزل قابلته نادين امام المنزل وهي في طريقها للدخول
نظرت له بأبتسامه وتحدثت اليه بلطف
نادين / توصل بالسلامه
ابتسم لها بأمتنان لانها لم تتأخر ابدا وجأت فور اخبارها بضرورة مجيئها
عمر / الله يسلمك نادين ارجوكي خلي بالك من هنا ماتسبيهاش لحظه واحده وانا عينت حرس لحمايتكم هيكونوا موجدين طول الوقت قدام البيت وكمان معاكم في كل مكان
ابتسمت له بهدوء
نادين / ماتقلقش هنا في عنيا وان شاءالله هتبقى في امان ومش هيحصل اي حاجه
رد عليها من قلبه قبل ان يتركها ويذهب
عمر / ان شاءالله انا مش عايز حاجه من الدنيا غير انها تبقى في أمان
🌸🌸🌸🌸🌸🌸🌸🌸
كان كريم يجلس في احدى الاماكن يتحدث مع احد رجال المافيا العاملين معه في هذه المهمه وهي الاستيلاء علي اموال رجل الاعمال عمر المنياوي
تحدث كريم بحرص شديد
كريم / عرفتوا توصلوا هو مسافر فين لأنه مسافر بطياره خاصه ومانع اي معلومه نقدر نعرف منها هو مسافر فين
رد عليه رجل المافيا بسخريه
رجل المافيا / اومال انت كنت متجوز والدته ليه مش عشان تقرب منه وتعرف عنه اي معلومه احنا منقدرش نوصلها
تحدث كريم بغيظ
كريم / اصل انت ماتعرفش هو حريص اد ايه ومفيش اي حد يقدر يوصل لمعلومه هو مش عايزها توصله
نظر له رجل المافيا بمكر
رجل المافيا / معلومه زي المكان الا مراته فيه دلوقتي وانت قالب الدنيا عشان تعرف هي فين
توتر كريم جدا من معرفتهم بأنه يبحث عن هنا في كل مكان ويريد الوصول اليها
كريم / انا انا كنت بدور عليها عشان انا عارف انها نقطة ضعفه ونقدر نبتزه بيها
رد عليه رجل المافيا بطريقه فهمها كريم جدا
رجل المافيا / بس الا احنا نعرفه انه طلقها يعني مابقتش تهمه في حاجه وبالتالي ماتهمناش احنا كمان
حاول كريم ان يصلح من موقفه امامه
كريم /بس انا متأكد انه بيحبها ومستعد يعمل اي حاجه عشانها
ابتسم الاخر بسخريه وهو ينظر له بطريقه مرعبه
راجل المافيا / بس الا انا شايفه قدامي دلوقتي ان مش عمر المنياوي الا بيحبها ومستعد يعمل اي حاجه عشانها انا شايف واحد تاني هو الا بيحبها ومستعد يعمل اي حاجه عشانها حتى انه هيقضي علي حياته بايده بسببها
نظر له كريم بخوف وجف حلقه من الرعب من تهديده الصريح له
ابتسم هذا الرجل بمكر وهو ينظر الي توتر كريم ويفكر في ان عليه بعض التغيرات في خطتهم واولها التخلص من كريم لانه بغبائه سوف يكشفهم جميعا
🌸🌸🌸🌸🌸🌸🌸🌸
اليوم التالي
ذهبت سرين الي منزل عمر لتراه بعد معرفتها من والدته انه رجع من السفر
دخلت الي غرفته بهدوء واقتربت منه وهو نائم ونظرت له بحب ولهفه وهي تراه نائم عاري الصدر وترى عضلات صدره وذراعيه القويه بوضوح مع وسامته خاطفة القلوب اقتربت منه برقه ووضعت يدها علي وجهه واقتربت لتقبله
كان عمر يحلم بزوجته وحبيبته هنا وهو يقضي معها اجمل الاوقات ويرى ضحكتها البريئه التي خطفت قلبه وعقله وسريعا شعر بوجودها وكأنها حقيقه تقترب منه بشقاوتها ودلالها وتقبله بنعومه ورقه استقبل قبلتها بلهفه وضمها اليه اكتر
مهلا مهلا لماذا يشعر بانه يقبلها حقا انه الان يشعر بشفاتيها وبملمسهم ولكن هناك شئ خاطئ
فتح عينه فجأه وجد سرين هي من تقبله ابتعد عنها بسرعه ودفعها بعيدا عنه وقام من الفراش بسرعه وتحدث اليها وهو ينظر لها بغضب
عمر / سرين انتي ايه الا جابك هنا وازاي تدخلي عليا الاوضه كدا
اقتربت منه وهي تدعي الحزن وتحاول وضع يدها علي صدره العاري
ابعدها عنه مره اخر وذهب الى ملابسه ارتدى منهم تيشرت سريعا وتحدث اليها بغضب اكتر وهو يحذرها
عمر / دي اخر مره تعملي الا انتي عملتيه دا فاهمه
نظرت له بستغراب من غضبه لهذه الدرجه
سرين / في ايه يا عمر هو انا عملت ايه يغضبك اوي كدا مش انت خطيبي ومن الطبيعي يحصل بينا كدا واكتر
نظر لها بستحقار وحاول ان يخفيه ببعض الكلمات
عمر / بس انا مش حابب يحصل بينا حاجه من غير جواز خلي كل حاجه في وقتها
اقتربت منه بدلع وحاولت مداعبته وهي تضع يدها علي عضلات صدر القوية الواضحه حتي بعد ارتداءه ولكنه كان يشعر بأن يدها نار تحرق جسمه ويشعر بالاشمئزاز كيف لها ان تكون متساهله باعطاء جسدها الي اي احد هكذا
وسريعا تذكر زوجته المصون وشعر بالفخر والسعاده وهو يتذكر خجلها الدائم منه ومافعله كثيرااا حتي حصل عليها وبصعوبه بعد محاولاته الكثيره في التقرب منها
نظر الي سرين وشعر بأن مجرد تفكيره بمقارنة سرين بزوجته فهي في حد ذاتها إهانه لزوجته لأنها لا تقارن بأحد وخصوصا بأحد مثل سرين
حاول السيطره علي غضبه منها كثيرا وتحدث اليها بهدوء
عمر / لوسمحتي سرين اتفضلي انزلي تحت وانا هجهز وانزل نتكلم تحت احسن
نظرت له بغيظ من صده لها وحاولت اخفاء غيظها منه وردت عليه بأبتسامه
سرين / اوكي ياروحي انا هنزل استناك تحت وقولهم يجهزوا الفطار نفطر سوى
اكتفى بهز رأسه له بمعنى موافق
وبعد ان خرجت من غرفته وقفت سرين امام الباب تحدث نفسها قبل ان تتجه الي الاسفل
سرين / اوكي ياعمر كلها يومين وابقى مراتك وتبقى من حقي
داخل الغرفه شعر عمر بالغضب الشديد من تقربها منه هكذا وعليه التخلص من ملاحقتها وانهاء كريم والتخلص من كل هذا بأسرع وقت
اخذ هاتفه من جانب الفراش وقام بالاتصال علي احدا ما رد عليه الطرف الاخر سريعا وتحدث اليه عمر بأختصار
عمر / الا انا هقولك عليه دا تنفذه بالحرف ومش عايز غلطه
🌸🌸🌸🌸🌸🌸🌸🌸
تحدثت نادين مع هنا بان تعطي فرصه ل خالد ان يتحدث معها ويشرح لها موقفه وافقت هنا بدون اي تردد فهي تحمل الكثير من الشكر والتقدير ل خالد وتعلم جيدا بأنه فعل كل شئ من اجل سعادتها بدون اي مقابل
ذهب خالد اليهم بعد ان اخبرته نادين بان هنا تريد مقابلته
وفضلت نادين ان تتركهم يتحدثون بمفردهم
بدأت هنا في الحديث عندما لاحظت توتر خالد وهو يحاول اخفاض بصره ولا ينظر اليها
ابتسمت له وتحدثت بمرح
هنا / هو المفروض مين فين الا يزعل من التاني
نظر لها بأبتسامه
خالد / المفروض لا انا ولا انتي نزعل من بعض
هنا / انا عمري مازعل منك ياخالد وانا عارفه كويس ان انت اكتر انسان في الدنيا وقف جنبي بس بصراحه انا اتفاجأت لما عرفت انك بتساعد عمر بعد كل الا عمله فيا وبعد ما وعدتني بانك مش هتروحله زي اول مره
نظر لها بعمق
خالد / بس المره دي هو الا جالي مش انا الا روحتله
نظرت له بستغراب وتحدثت بذهول
هنا / جالك امتى وفين
رد عليها بصدق
خالد / جالي البيت في نفس اليوم الا انتي جيتيلي فيه
اعتدلت هنا في جلستها ونظرت له بتركيز شديد
هنا / جالك في نفس اليوم ازاي
نظر لها بتوتر
خالد / افضل انه يحكيلك هو بنفسه
ثم نظر امامه وهو يتذكر ما حدث في هذا اليوم
🌸🌸🌸🌸🌸🌸🌸🌸 فلاش باك
بعد ان فتح خالد باب شقته وجد هنا امامه بهذه الحاله وسريعا سقطت امامه فاقدة الوعى قام خالد بحملها وادخلها الغرفه ووضعها علي الفراش ونظر لها بصدمه وهو يراها بهذه الحاله
وكان على وشك افاقتها ولكنه سمع صوت جرس الباب
ذهب سريعا وبعد ان فتح الباب وجد عمر يقف امامه ويسأله عنها بقلق
سمحله خالد بالدخول
ونظر له بستغراب وأخبره بأنها فاقدة الوعي وسأله ماذا حدث لها ومن فعل بها هذا
رد عليه عمر بحزن وقال له بانه هو من فعل بها هذا
تفاجئ خالد كثيرا وشعر بالغضب منه ولكن عمر اكمل كلامه بأنه فعل هذا من اجل حمايتها
استمع له خالد بتركيز شديد
عمر / انا جالي تليفون الصبح من مسؤل مهم وطلب مقابلتي ضروري بشكل سري وقولت ان انا رايح الشركه عشان محدش يعرف حاجه عن المقابلة دي وروحت المقابله وهناك عرفت ان عندهم معلومات بتقول ان كريم جوز ولدتي تبع المافيا ومهمته الاستيلاء علي كل اموالي وممتلكاتي وعرفت من فتره انه هو الا اتفق علي محاولة قتل والدتي ومش بعيد يحاول يأذي هنا وماكنش قدامي حل غير اني اظهر للكل اني طلقت هنا وابعدها عني عشان هما كمان يبعدوا عنها ويشيلوها من حسبتهم
نظر له خالد بصدمه كبيره وهو يسمع كل هذا الاجرام المحاط بهم وقلق كثيرا علي هنا وعذر عمر في مافعله كان عليه ان يقسى عليها هكذا امام الجميع حتي يتأكدوا من صدقه في طلاقها
طلب منه عمر مساعدته وعدم اخبار هنا بأي شئ ومساعداتها في السفر الي بلد اخرى حتي يتخلص من كل هذا الخطر المحاط به
🌸🌸🌸🌸🌸🌸🌸🌸
كان كريم يجلس في المنزل بجانب زوجته
رن هاتفه برقم شريكه في محاولت قتل كرولين
توتر كريم كثيرا
وقال لها بأن عليه الذهاب الي غرفتهم للراحه
وذهب من امامها سريعا حتى دخل الغرفه واغلق الباب خلفه بسرعه
رد عليه بغضب
كريم / انت عايز ايه ياحيوان انا مش قولتلك ماتتصلش بيا تاني وانا اول ماجهزلك الفلوس هكلمك
//// براحه علينا يا كريم بيه دا انا بكلمك لمصلحتك
كريم / مصلحت ايه الا هتكون معاك انت هتلاعبني
//// يا باشا لا العبك ولا تلاعبني من الاخر كدا سرين هانم كلمتني وطلبت مني اقتلك
الفصل الثلاثون 🌸🌸
كان كريم يجلس في المنزل بجانب زوجته
رن هاتفه برقم شريكه في محاولت قتل كارولين
توتر كريم كثيرا
وقال لها بأن عليه الذهاب الي غرفتهم للراحه
وذهب من امامها سريعا حتى دخل الغرفه واغلق الباب خلفه بسرعه
رد عليه بغضب
كريم / انت عايز ايه ياحيوان انا مش قولتلك ماتتصلش بيا تاني وانا اول ماجهزلك الفلوس هكلمك
//// براحه علينا يا كريم بيه دا انا بكلمك لمصلحتك
كريم / مصلحت ايه الا هتكون معاك انت هتلاعبني
//// يا باشا لا العبك ولا تلاعبني من الاخر كدا سرين هانم كلمتني وطلبت من اقتلك
🌸🌸🌸🌸🌸🌸🌸🌸
صدم كريم وهو لا يصدق بأن سرين ممكن تفكر في قتله
كريم / سرين مين الا طلبت منك تقتلني وهتعرف طريقك منين عارف لو بتفكر تلاعبني صدقني مش هرحمك
//// ياباشا اهدى علينا واسمعني للأخر وانا ايه مصلحتي ان العبك في حاجه زي دي صدقني ياباشا انا بقولك الا حصل ولو مش مصدقني انا مسجل المكلمه وممكن ابعتهالك حالا
وقف كريم في حالة من الغضب والذهول وهو لا يصدق مايسمعه ثم رد عليه بسرعه
كريم / ابعتهولي حالا
//// حصل يا باشا عشان تعرف غلاوتك عندي مفيش بقى حاجه تحت الحساب
رد عليه بملل
كريم / هبعتلك مبلغ بسيط دلوقتي علي ماتوصلي فلوس وابعتلك الا انت عايزه
//// يبقى كدا احنا حبايب يا باشا سلام
اغلق كريم الهاتف وهو ينظر امامه بقسوة في انتظار التسجيل الصوتي ليتأكد من صدق كلامه
وبعد لحظات قليله سمع صوت هاتفه يعلن عن استلامه التسجيل
فتحه سريعا وتأكد من صوتها وكلامها
نظر امامه بغضب وهو يتعهد لها بالموت بعد ان يذوقها اشد انوع العذاب
🌸🌸🌸🌸🌸🌸🌸🌸
داخل شركة os بايطاليا
دخل مازن مكتب عمر ليرحب به بعد عودته من السفر
جلس امامه ينظر له بطريقه غريبه
عمر / مالك بتبصلي كدا ليه
تحدث مازن بحزن
مازن / أول مره احس ان انا غريب عنك حاسس ان في حاجات كتير انت مخبيها عني ومش عايز تقولي ودا وجعني منك اوي
وقف عمر من مكانه وذهب ليجلس امام مازن وهو ينظر له بحزن هو الاخر وتحدث بصدق
عمر / مازن انت اكيد عارف ان احنا مش مجرد اصدقاء انت اخويا ولو انا خبيت عليك حاجه فده لمصلحتك انت صدقني
استغرب مازن من حديثه ونظر له بقلق
مازن / عمر هو في ايه بالظبط وبعدين هتخاف عليا من ايه ومن مين عمر احنا طول عمرنا ماشين صح وملناش اي اعداء
ابتسم له بحزن وتحدث بتأكيد
عمر / احنا ملناش اعداء لكن نجحنا له
واعداء كتير اوي كمان ومهمتهم افساده والاستيلاء عليه
كلام عمر زاد من قلق مازن كثيرا وزاد اكثر قلقه علي عمر
مازن / عمر انت اكيد مش هتسبني كدا من غير ما أفهم اي حاجه انا لازم اعرف ايه الا بيحصل بالظبط لازم اكون جنبك ضدد اي حد يحاول يأذيك
ابتسم له عمر بحب وهو يعرف نقاء قلب صديقه وتحدث اليه بتوصيه
عمر / انا عايز منك حاجه واحده بس يا مازن ان لو جرالي حاجه تاخد بالك علي هنا وابني الا لسه ماشفش الدنيا
نظر له بصدمه كبييره وهو لايصدق مايسمعه وتحدث بخوف عليه كبير
مازن / عمر انت ايه الا انت بتقوله ده يعني ايه يجرالك حاجه وهنا حامل ازاي وانت ازاي ماتقوليش حاجه زي كدا عمر ارجوك فهمني ايه الا بيحصل بالظبط
نظر له عمر بحزن وهو يفكر بان عليه اخباره بكل شئ الان فهو يعلم بأنه وصل الي النهايه ولابد من معرفة مازن بكل الخطر المحاط بهم حتى يقدر علي حماية هنا وطلفهم اذا حدث له مكروه
عمر / انا هحكيلك كل حاجه يامازن لان متأكد انك هتفدي هنا وابني بروحك لو انا جرالي حاجه
نظر له مازن بحزن كبيييير وهو يسمع منه هذا الكلام المؤلم لقلبه فهو لا يتخيل لحظه واحده في هذه الدنيا بدون صديقه
🌸🌸🌸🌸🌸🌸🌸🌸
كانت هنا تجلس بغرفتها وهي تمسك هاتفها وتنظر الي صورة عمر وسرين بغيره وحزنه تضع يدها علي ملامح وجهه بالصوره وتحدثه وكأنه أمامها
هنا / لو تعرف انا بحبك اد ايه ماكنتش توجعني اوي كدا ماتعرفش انا حسه بايه وانا شايفه واحده غيري جنبك دا اكبر وجع انا حسيت بيه في حياتي نفسي اعرف انت ليه بتعمل فيا كدا ليه مستمتع بوجعي وعذابي
ثم وجهة نظرها الي سرين الواقفه بجانبه في الصوره وهي تضمه ويظهر عليها السعاده الكبيره
وتحدثت اليها بغضب وكأنها تراها امامها
هنا / انتي بقى متعرفيش انا لو شوفتك قدامي هعمل فيكي ايه هولعلك في شعرك الا فرحانه بيه ده
وايدك الا انتي ضمه بيها حبيبي دي انا هقطعهالك
حضن حبيبي ده بتاعي انا ومش من حق اي حد غيري يقرب منه
ثم رجعت بنظرها مره اخرى الي عمر تلومه علي سماحه لها بأن تضمه هكذا
وحدثت نفسها وهي تفكر ماذا يفعل الان هل هو معها ماذا يحدث بينهم ولكنها لا تتحمل هذا وعليها الاتصال به فورا لمعرفة ماذا يفعل
وسريعا ضغطت علي زر الاتصال وهي تنظر الي الهاتف في انتظار رده عليها
🌸🌸🌸🌸🌸🌸🌸🌸
بعد ان انهى عمر حديثه مع مازن تحدث معه فيما ينوي فعله وشجعه مازن كثيرا علي خطته الذكيه
وكلف عمر مازن بمهمه ان انجزها سوف تساعده كثيرا في خطته
وافق مازن علي مساعدة صديقه بدون اي تردد وذهب ليبداء في هذه المهمه حتي ينجزها في اسرع وقت
بعد ذهاب مازن من مكتب عمر
نظر عمر امامه بتعب وارهاق اراد الانتهاء من كل هذا بأسرع وقت
فهو لايتحمل البعد عن حبيبته يشتاق اليها كثيرا ويفكر ماذا تفعل الان هل تفكر فيه كما يفكر فيها وفي هذه اللحظه وجد هاتفه برن بأسمها
فرح كثيرا لانه حقا يحتاج لسماع صوتها الان
تكلمت هنا اولا
هنا / الو
استرخى عمر في جلسته عندما سمع صوتها واغمض عينيه حتي يستمتع بنغمة صوتها المفضله لديه
قلقت هنا كثيرا من صمته وعدم رده عليها
وتحدثت مره أخرى
هنا / عمر انت سمعني
رد عليها بحب
عمر / طبعا ياقلب عمر انا سامعك
ردت عليه بستغراب
هنا / طب مش بترد عليا ليه
تنهد عمر بشتياق لها
عمر / عشان عايز اسمع صوتك انتي وبس
فرحت هنا كثيرا وسألته
هنا / انت بتعمل ايه دلوقتي
رد عليها بدون اي تفكير
عمر / كنت بفكر فيكي
شعرت بسعادتها تزداد بعد ان قال لها انه يفكر بها
هنا / بجد ياعمر يعني انت بتحبني
تنهد بعشق اغرق قلبه
عمر / لا انا مش بحبك انا بعشقك
لو قولت اني بحبك يبقى بظلم مشاعري واحساسي بيكي انتي يا هنا عندي اغلي واهم حاجه في حياتي
وقفت من مكانها بسعاده ووضعت يدها علي وجنتيها تتحسسهم من شدة الحراره التي تشعر بها من تأثير كلماته الرائعه عليها وتحدثت اليه برقه
هنا / عمر انا بحبك اوي ووحشتني
ومش قادره اعيش بعيد عنك اكتر من كدا ارجوووك
حزن كثيرا عليها فهو يريدها قريبه من قلبه دائما ولكنه لن يقدر علي المخاطره بحياتها
حاول ان يطمنها وتحدث معها بهدوء
عمر / حبيبتي متزعليش ان شاءالله في اقرب وقت هنكون مع بعض وعمرنا ماهنبعد عن بعض ابدا
ردت عليه بطريقة مدللة مثل الاطفال وكأنها تحدث والدها
هنا / بس انت وحشتني وانا عايزه ابقى معاك
ابتسم علي دلالها ورقتها وتحدث اليها وكانها طفلته
عمر / اوامر سمو الملكه لازم تتنفذ اوعدك في اقرب وقت هنكون مع بعض
حبيبي بتعمل ايه / قالتها سرين بصوت عالي وهي تدخل مكتبه بدون استأذان
نظر لها عمر بغضب وتحدث الي هنا سريعا قبل ان يقفل المكالمه
عمر / تمام انا هبقى اكلمك بعدين مع السلامه
واغلق الهاتف سريعا
ونظر الي سرين بغضب وتحدث معها بعصبيه
عمر / انتي ازاي تدخلي كدا من غير استأذان سرين احنا هنا في مكان شغل يعني لازم تستأذني الاول قبل ما تدخلي
نظرت له بستغراب من غضبه ثم اقتربت منه وهي تدعي الحزن من طريقة كلامه معها
سرين / حبيبي هو انت متغير معايا ليه مش انا حبيبتك
نظر لها عمر واراد رفع صوته للاعلى وقول لها بأنه لايحبها ابدا وفي حياته لم يفكر فيها لحظه واحده اراد ان يسألها ماذا فعل حتى تعتقد بانه يحبها ولكنه الان لايريد افساد مخططه وعليه ان يضغط علي نفسه ويقول لها بأنها حبيبته
عمر / طبعا انتي حبيبتي بس انتي عرفاني كويس الشغل عندي مفيهوش هزار كان ممكن يكون عندي اجتماع وانتي تدخلي بالطريقه دي اكيد شكلك مش هيكون لطيف وانا عايز دايما تكوني اد مسؤلية حرم عمر المنياوي
فرحت سرين كثيرا عندما ذكر بانها سوف تكون حرمه وهذا ما اراده عمر ان يجعلها تحلم بان تكون زوجته
🌸🌸🌸🌸🌸🌸🌸🌸
عند هنا
جن جنونها بعد سماعها صوت سرين وهي تحدثه وتقول له حبيبي وما زاد جنونها اكتر هو اغلاقه للهاتف سريعا وحديثه معها علي انها رجل حتي لا يحزن سرين خاصته
ظلت تحدث نفسها بغضب
هنا / ماشي ياعمر انت والست سرين بتاعتك
🌸🌸🌸🌸🌸🌸🌸🌸
ذهب كريم الي صديق له يدعى أوليفر يعمل في الاجرام وله رجال في كل مكان جلس معه كريم بعد ان رحب به وتحدث معه يريد منه مساعدته بشئ ما
أوليفر / اهلا بالفوكس فينك بقالك فتره
كريم / موجود وجايلك النهارده في مصلحه كبيره هتطلع منها بملاين
رد عليه بحماس
أوليفر / وعرفني عمري مابضيع مصلحه من إيدي ولازم اطلع كسبان
ابتسم له كريم وتحدث بثقه
كريم / عشان كدا انا جتلك
ابتسم له أوليفر بمكر وتحدث بجديه
أوليفر / يبقى نتكلم علي طول قول الا عندك
نظر له كريم بثقه وتحدث بطريقة المفاجأت
كريم / انتي تعرف انا متجوز مين دلوقتي
هز له أوليفر رأسه بعدم معرفه
كريم / والدت عمر المنياوي
افتح الاخر عينيه بصدمه وهو لا يصدق ثم تحدث اليه بغمزه من عينه
أوليفر / طول عمرك بتقع واقف
ابتسم له كريم بثقه
كريم / بس المره دي محتاج مساعدتك
رد عليه أوليفر وهو ينفخ دخان سيجاره في الهواء
أوليفر / والمقابل
ابتسم له كريم تحدث
كريم / 20 في الميه من ثروة عمر المنياوي
رد عليه الاخر بسخريه من الرقم
أوليفر / 20 في الميه دول تديهم لاراجل من رجالتي لكن انا مقبلش اقل من 50 في الميه
نظر له كريم بغضب وهو يعلم بانه لن يتنازل عن هذا الرقم لذا عليه الموافقه لانه لا يستطيع تنفيذ مخططه بدون مساعدته
كريم / اتفقنا
أوليفر / تمام يبقى تقولي محتاج مني ايه بالظبط
نظر له كريم بعمق
كريم / محتاج رجاله من عندك اكبر عدد ممكن وفي واحده عايز اوصل لمكانها واعرف هي فين ومتأكد ان محدش هيعرف يوصلها غيرك
ابتسم له أوليفر وتحدث بمكر
أوليفر / تهمك
رد عليه كريم بثقه
كريم / جداا دي تبقى مرات عمر المنياوي او تقدر تقول كانت مراته
رد عليه أوليفر بسخريه
أوليفر / ولما هي كانت مراته ايه يهمك ان احنا نوصلها هتفدنا بايه
رد عليه كريم بسخريه هو الاخر
كريم / تهمنا لأنها نقطة ضعف عمر المنياوي الوحيده ومتأكد انها أغلي عنده من كل ثروته ومستحيل يتردد لحظه واحده انه يفديها بكل املاكه وثروته
ابتسم له أوليفر وتحدث بمكر
أوليفر / انت فعلا فوكس قولي أسمها وانا هعرفلك هي فين في يومين بس
شعر كريم بسعاده كبيره لانه سوف يجدها قريبا
🌸🌸🌸🌸🌸🌸🌸🌸
في المساء
دخل عمر منزله وجد والدته جالسه في انتظاره القى عليها السلام بدون ان ينظر لها وهو في طريقه الي غرفته
وقفت تنادي عليه بغضب
رجع اليها يسالها بحزن ماذا تريد
عمر / خير يا امي حضرتك عيزاني في ايه
نظرت كارولين اليه بستغراب من حالته وتحدثت بعدم فهم
كرولين / ايه يا حبيبي مالك شكلك متغير
ابتسم لها بسخريه وحاول ان يداري حزنه منها لانه حزين منها كثيرا ويشعر اتجاهها بخيبة الامل بعد ان اخبرته هنا بما فعله كريم معها وبمعرفة والدته للأمر وهي لم تخبره وحاولت ان تداري علي زوجها لمصلحتها هي ونسيت تماما بان من تعرض لها زوجها هي زوجته زوجت ابنها هي من تحمل اسمه وشرفه وكان ولابد ان تحافظ والدته علي زوجته وتفضله هو علي زوجها ولكن حدث العكس كما تفعل دائما تفضل نفسها علي الجميع لا تفكر غير في سعادتها وحياتها هي فقط وتقف الان امامه تمثل دور الام الخائفه علي ابنها وهي تسأله مابه لذا رد عليها بأرهاق
عمر / انا كويس يا أمي ماتقلقيش
ردت عليه والدته هي تقترب منه
كارولين / بس انا عارفه فيك ايه وايه الا شغلك ومتقلقش انا معاك ياحبيبي
نظر لها بستغرب وهو لا يصدق هل تعلم حقا ما به لذا تحدث معها بحرص شديد
عمر / ايه الا شاغلني
ابتسمت له وتحدثت بثقة
كارولين / فرحك طبعا لانه خلاص قرب بس متقلقش ياروحي انا معاك ومهتمه بكل التحضرات وفرحك ده هيتكلم عنه العالم كله
نظر لها بخيبة أمل كبييره واعتذر منها بانه يريد الذهاب الي غرفته
عمر / طب بعد اذن حضرتك انا هطلع اوضتي ارتاح شويه لاني مرهق اوي النهارده
ردت عليه بأبتسامه
كرولين / اوكي ياروحي وانا هكلم سرين اشوفها وصلت بالتحضيرات لايه
نظر لها بحزن وذهب الي غرفته
دخل الي غرفته وهو ينظر الي فراغها ويشعر بالحزن الشديد علي حاله ذهب الي الفراش القى عليه جاكته بأهمال بعد ان اخرج هاتفه وحاول الاتصال بهنا
وبعد لحظات نظر لهاتفه بستغرب بعد رفضها لمكالمته لذا عاود الاتصال مره أخرى وجده مغلق هذه المره
القى هاتفه جانبه بغضب وذهب الي الشرفه ينظر الي الظلام الذي اصبح يشبه حياته كثيرا ويدعي الله ان ينهي هذا الظلام وينير له حياته في اقرب وقت
🌸🌸🌸🌸🌸🌸🌸🌸
عند سمر زوجة والد هنا
كانت تمشي في طريقها ذاهبه الي منزل والدها ولكنها وجدت من يقف امامها فجأه يقطع عليها الطريق
نظرت له بصدمه ورعب وهي لا تصدق بأنه يقف أمامها حقا