روايةمعاناة أم
الفصل الخامس
بقلم دنيا امام
وليد بصدمه: انتي بتعملي ايييه
ديدي بحقد: اختااار مامتك ولا الجوازه
سلمي: خلااااااااص انا هريحكم مني مش كل دا بسببي انا خلاص هريحكم وتجري علي طبخ الفاكهه وتاخد السكينه وتحطها علي ايديها وتقطع شريان ايديها
اسلام: سلمييييييييييي
وليد يجري عليها: سلمي سلمي ليه ليه عملتي كده
سلمي بألم: تعبت ياوليد خلاص خليها ترتاح وتنظر لاسلام اللي واقف مكانه مصدوم ودموعه نازله كالمطر ارجوك سامحني يا اسلام بس صدقني انا يئست من حياتي خلاص مبقاش عندي طاقه ولا رغبه للحياه انا بحبك اوي وبحبك من زمان وكنت عارفه انك بتحبني ارجوك سامحني يا حبيبي
واخيرا يتحرك اسلام من مكانه ويجري عليها ويقعد جنبها وياخد محرمته من جيب البنطلون ويربط بيها جرح سلمي ويقول: انتي مش هتسيبيني ابدا فاهمه. وليد لو سمحت شيل سلمي طلعها علي غرفتها وانا هتصل بدكتور صاحبي علشان مش هينفع نروح مستشفي انت عارف الانتحار يعتبر جرينه والقانون بيعاقب عليه
ويشيلها وليد ويطلعها غرفتها بعد ماتفقد وعيها من شدة النزيف
ويبقي اسلام بالطابق الاسفل يتصل بصاحبه الدكتور ويبلغه اللي حصل ويوعده صديقه انه هيكون موجود في اسرع وقت وبعد انتهاء المكالمه يروح اسلام يقف امام ديدي والغضب يكسو ملامحه: عاجبك كده صح ارتاحتي كده يا مدام ديدي اهي بنتك بين الحياه والموت وكله بسببك انتي اييه انا عمري ماشوفت ام كده اللي انا اعرفه ان الام بتدعي لاولادها بالسعاده الا انتي بتحاولي تخربي حياه بنتك ليه كل دا وعلشان ايه حسبي الله ونعم الوكيل ويخرج اسلام يتصل بصاحبه تاني ويستعجله ويقول صاحبه ان من حظهم ان ڤيلته قريبه جدا من ڤيلة وليد وبعد دقائق يوصل الدكتور
🔥 By Queen of Surprises Donia Emam🔥 وياخده اسلام ويطلع بسرعه علي غرفه سلمي ويتصدم الدكتور لما يشوف السرير ملئ بدماء سلمي
الدكتور: مش معقول النزيف شديد اوي شكلها عندها سيوله
وليد: ايوه يا دكتور عندها سيوله بس ارجوك انقذها وهكون مديون ليك بحياتي الله يخليك انقذ اختي دي هي اللي باقيه ليا
الدكتور يبدأ يفك المحرمه من علي ايد سلمي والصدمه التانيه ان الجرح عميق جدا ويحاول يمسح الدم اللي مستمر في النزيف: كده مش هينفع واحد منكم يجي هنا جنبي انا اخيط وهو يمسح الدم بس بسرعه
اسلام بلهفه: انا ويجري يمسح الدم ويستمر الدكتور في خياطه الجرح وبعد وقت ينتهي الدكتور من خياطه الجرح ويلف الجرح بالقطن والشاش
وليد يخوف: هي سلمي مش هتفوق
الدكتور: هي دلوقتي في احاله إغماء من شدة النزيف انا هديها حقنه دلوقتي وان شاء الله هتفوق وياريت اللي حصل دا مايتكررش انا وافقت انقذها بس علشان اسلام صديق عزيز عليا وواجب عليا انقذ اللي هتكون مراته بس الانتحار جريمه ولو كانت راحت مستشفي كانوا هيبلغوا البوليس قبل ماينقذوها
اسلام: متشكر اوي يا لؤي
الدكتور لؤي: مفيش بينا شكر يا اسلام يلا استأذن انا
وليد: استني يادكتور مقولتش اتعابك ايه
الدكتور لؤي بابتسامته الوسيمه: مش قولتلك انا انقذت اللي هتكون مرات صديقي العزيز ربنا يقومها بالسلامه وبكره ان شاء الله هاجي اطمن عليها تاني عن اذنكم
اسلام: استني يا لؤي هاجي اوصلك للباب
لؤي: خليك مع خطيبتك انا هنزل
اسلام: لا ازاي يلا انا جي معاك
وينزل اسلام يوصل الدكتور لحد باب الڤيلا ويدخل الڤيلا تاني ويلاقي ديدي قاعده في الصالون وماسكه المجله بتقرأ فيها
اسلام باحتقار: ام انانيه زيك انا عمري ماشوفت
ديدي ببرود: بتقول ايه
اسلام: اللي زيك مايستاهلش اقف واتكلم معاه عن اذنك ويطلع يجري علي الدرج ويدخل غرفه سلمي ويروح يقعد جنبها علي السرير ويبكي وهو ماسك ايديها: كنتي عايزه تسيبيني يا سلمي بعد ما حلمي اتحقق وخلاص كلها كام يوم وتكوني مراتي دا انا اموت في بعدك ياضي عيوني وملاكي البرئ
🔥 By Queen of Surprises Donia Emam🔥في المستشفي
ياخد سامر والدته وينزلوا علشان يطمنوا علي ادم
ويدخلوا الغرفه ويشوفوا ادم لسه نايم من مفعول البنج وتشوفوا والدته في الحاله دي تخبط ب ايديها علي صدرها
الام بدموع: يا قلب امك يابني اااه ياحبيبي يابني ياريتني انا مكانك يا حبيبي ياريتني مكانك يابني
سامر تنزل دموعه علي اخوه الصغير اللي بيحبه زي ابنه: كفايه يا ماما علشان مايتعبش اكتر خليه مرتاح لحد مايفوق براحته
تقعد الام علي الكرسي اللي جنب السرير: انا مش هتحرك من هنا غير لما ابني يفوق ويكلمني واطمن ان هو كويس وساعتها بس قلبي هيرتاح
سامر: طيب تعالي يا امي هنقعد بره لحد مايفوق بدل مانقعد هنا
الام بدموع: قولتلك مش هتحرك من هنا غير لما اطمن علي ابني
يقعد سامر علي الكرسي اللي جنبها وينتظروا ادم لما يفوق ويدخل سمير بغضب
سمير: ماتخلوا عندكم شويه دم وتبعدوا عن ابني هو اصلا مش بيطيق حد فيكم ابعدوا عنه بقي حسبي الله ونعم الوكيل فيكم وانتي بالذات ياحيه مش هسامحك انتي السبب انتي اللي خليتيه غضبان ومشي وهو سايق بسرعه وعمل حادثه عايزه ايه منه تاني يا عقربه ياحيه امشي اطلعي بررره انتي وابنك
سامر ببرود: وطي صوتك مايصحش كده احنا في مستشفي وكده غلط علي المرضي ياسمير بيه
سمير: بقولكم برررره خلوا عندكم كرااامه ولا اه صح امك ماعندهاش كرامه علشان كده انت طالع زيها لان اللي معندهوش كرامه ازاي هيربي غيره هلي الكرامه
يقوم سامؤ يقف بغضب: سميييير بييييه لحد امي واستووووب فااااهم امي دي كرامتها غاليه وعزيزه
🔥 By Queen of Surprises Donia Emam🔥 اوي وانت اللي خسرتها بحقدك وانانيتك وقسوتك امي دي جوهره ونعمه في حياه اي حد وانت ماتستاهلش النعمه دي
ولسه هيرد سمير بس يسمعوا صوت ادم وهو بيفوق
ادم: ااه اااه
الام: سلامتك ياقلب امك يارب خفف ألمه يارب
ويفتح ادم عيونه ويشوف الكل واقف قدامه
سمير ينتهز الفرصه: ابني حبيبي سلامتك يابني ياريتني مكانك حسبي الله ونعم الوكيل في امك اللي زعلتك هي طول عمرها بتحب سامر اكتر منك علشان كده انا بعاملك احسن منه وانت عندي اغلي منه قوم يابني وشد حيلك انا مليش غيرك
سامر: يا شيخ اتقي الله دا انت راجل كبير عيب عليك تكذب
الام: حسبي الله ونعم الوكيل حسبي الله يااارب وكلتك امري انت القادر علي كل شئ يااااارب
سامر: ادم حمدلله هلي سلامتك ياحبيبي
ميردش ادم عليه وينظر للجهة الاخري
الام بدموع: سلامتك ياضي عيوني ياريتني مكانك ياقلب امك
ادم بتعب: انتي بتعملي ايه هنا خدي ابنك واخرجي بره مش عايز اشوف حد فيكم بابا عنده حق انتي بتحبي سامر وبس انتي عمرك ماحبيتيني بابا بس اللي بيحبني
انتي جايه انتي وابنك علشان تشمتوا فيا بس انا بكره هخرج من هنا وهرجع اتعامل معاكي انتي وابنك بنفس الطريقه واسوأ كمان
سامر بحزن: كفايه يا ادم بلاش تفتري علي غيرك كفايه بقي ظلم في امك اهو ربنا عاقبك عقاب عسير علشان تتقي ربنا في امك وبقيت عاجز مش هتقدر تمشي وبقي عندك اعاقه في رجلك
ادم بصدمه: انت بتقول اييه
الام: ان شاء الله يابني هتقوم بالسلامه وكل داء وله دواء
ادم: انتو كذابين انا هقدر اقوم وهثبتلكم دلوقتي ويحاول يقوم من علي السرير بس تفشل محاولاته انا مش حاسس برجلي ويبكي ادم انا خلاص بقيت عاجز يا بابا انا مش هقدر امشي تاني ويبكي ادم لحد مايتعب وينام ويمشي سمير يرجع علي الڤيلا ويبات سامر ووالدته مع ادم
🔥 By Queen of Surprises Donia Emam🔥
في منزل السيده ناهد
تصحي من نومها في نص الليل وهي مش عارفه تتنفس
وتنادي الام علي بنتها نور تستنجد بيها بس طبعا باب غرفه الام مقفول عليها وباب غرفه نور مقفول عليها وصوت الام مستحيل تسمعه نور وتحاول الام تقوم من علي السرير وبعد معاناه تقدر الام تقوم من علي السرير وتمشي بخطوات ضعيفه لحد باب الغرفه وهي نفسها بيضيق اكتر وتروح الام علي المطبخ وتفتح التلاجه وتاخد ازازه المايه علشان تشرب يمكن تقدر تتنفس بس يضيق نفسها اكتر وتحس بالدوار الشديد وتقع منها ازازه المايه قبل ماتقفلها وتقع الام علي الارض
الام بضيق نغس وتعب شديد: ن.ن.ور يا.ب.ن.ت.ي نور الحقوني ياولاد يانوور نووور ااااه هشام يابني الحقني يابني ويضيق نفسها اكتر وتحس الام ان دي نهايتها وتستسلم لقدرها وتغمض عيونها