في مساء ليله مليئه بالامطار والبروده الشديده تجلس مريم
في غرفتها تبكي بكاءا شديدا لا تعلم لماذا يحدث هذا معها ،
مريم فتاه في ال20من عمرها تعيش في مستوي متوسط
الحال مع والدتها كريمه وهي في كليه تجارة وتبحث عن عمل
كي تساعد في مصاريف المنزل وهي في الجامعه
مريم:بقولكم اي محدش يعرف مكان اشتغل فيه بجد انا محتاجه اشتغل اوي
صافي:بصي انا مش عارفه انتي عاوزه تشتغلي ليه بس ممكن
اقولك ان انا اخويا محتاج سكرتيره في مكتبه
مريم :طب ادني العنوان
صافي:لا انا هاخدك معايا واحنا مروحين
مريم:خلاص ماشي
بقلمي منه وائل
♥️♥️♥️♥️♥️♥️♥️♥️
في شركه الجارحي
مراد شاب يبلغ من العمر 32سنه قاسي الطبع ولا يعرف شئ في حياته غير العمل ولا شئ غيره
مراد :الصفقات دي كلها كانت فين الاسبوع اللي فات كله
السكرتير:والله يا فندم حضرتك كل اما اقولك علي الورق تزعق فيا وتقولي سبني لوحدي
مراد :محمود انت هتسافر امتا
محمود :بكره يا فندم
مراد :خلاص روح روح يا محمود
ترن ترن ترن
مراد :الو ايوا يا ست الكل ، لا بصي لو هتتكلمي في الموضوع بتاع كل يوم يبقا تقفلي احسن
مدام سوزي:يابني انا مش عارفه انت ليه مش بتحب تعيش معانا عاوزه افهم
مراد :بصي يا ماما انا اتعودت علي القعده لوحدي وبعدين منا باجي اشوفكم كل يوم جات علي النوم يعني
مدام سوزي :مراد انت في يوم حسيت اني مقصره معاك ومش امك
مراد :ليه بتقولي كده انا بعتبرك امي اكتر من امي الله يرحمها ، المهم صافي عامله اي في كليتها
مدام سوزي: الحمدلله اهي ربنا يهديها بتروح و بتذاكر
مراد :طب فهميها بقا انها لو ما جبتش تقدير السنه دي انا هاخدها تعيش معايا وانا لو خدتها تعيش معايا هتشوف ايام زرقه علي دماغها
مدام سوزي:خلاص طيب اهدي ما تتعصبش
مراد :واخبار الفاشل اي
مدام سوزي :احمد بقا اللي مغلبني كل يوم سهر ويرجع وش الفجر
مراد :تمم ده سبهولي هعرف اظبطه ، طب معلش انا هقفل عشان ورايا شويه شغل
مدام سوزي :ماشي يا حبيبي
. بقلمي منه وائل
♥️♥️♥️♥️♥️♥️♥️♥️
. في الجامعه
صافي :بس انا كده تعبت اوي النهارده ، ده كويس اني حضرت كل المحاضرات دي
مريم :هههههه وانتي متعوده مابتحضريش
صافي :بصي هو انا كل سنه مش بحب احضر وبسقط ، بس ابيه مراد حلف لو سقط لهياخدني اعيش عنده وانا لو عيشت مع ابيه هيطلع عيني
مريم :ليه يعني
صافي :مراد اخويا صعب اوي معاملته صعبه في كل حاجه مابيحبش الدلع
مريم :اه فهمتني طب يلا عشان تودني لشركته
صافي :اه صح يلا بينا
. بقلمي منه وائل
♥️♥️♥️♥️♥️♥️♥️♥️
في منزل عيله الجارحي
سوزي :وبعدين معاك يا احمد هتفضل تدلع كده كتير
احمد :في اي يا ماما مالك وانا يعني الوحيد اللي بسقط مابنتك اهي تاني سنه ليها تسقط
سوزي :طب يكون في علمك مراد النهارده بيقولك انت واختك لو مااتظبطوش هياخدكم تعيشوا معاه ها اي قولك بقا
احمد :بصي بقا يا ماما انا تعبت كل حاجه مراد قال مراد عاد مراد زاد هو اي ولي امرنا ،هو ماله بينا اللي بيربطنا بيه مات
سوزي :ولد احترم نفسك ، اخوك الكبير وهو اللي بيربطك باخوك كان ابوك وبس اتفضل غور من وشي غور
احمد :ماشي يا ماما ماشي
. بقلمي منه وائل
♥️♥️♥️♥️♥️♥️♥️♥️
في منزل مريم
فتحيه:يارب اقف جنب بنتي ووقفلها ولاد الحلال يارب ارحمها واسعد قلبها
دينا :مالك يا ماما بتعيطي ليه
فتحيه :هي اختك لسه مارجعتش
دينا :لا يا ماما لسه
فتحيه:طب روحي انتي ذاكري يلا
دينا :حاضر يا ماما
. بقلمي منه وائل
♥️♥️♥️♥️♥️♥️♥️♥️
قدام شركه الجارحي
صافي :اهو ياستي دي الشركه قوليلوا انا جايه علي طلب الشغل للسكرتيره في الاعلان اللي نزلتوا ، وخدي بالك ابيه مش سهل
مريم :وانتي مش هتطلعي معايا
صافي :لا انا مش هطلع ابيه لو شافني مش هيسبني
مريم :خلاص ماشي هكلمك لما اخلص ربنا يستر
صافي :ماشي يا حبيبتي سلام
. بقلمي منه وائل
♥️♥️♥️♥️♥️♥️♥️♥️
في مكتب مراد
مراد :ها اخبار اعلان الطلب علي سكرتيره اي
محمود :والله يا فندم استاذ يامن هو اللي قال انا هشرف علي الموضوع
يامن صديق مراد وصاحبه الوحيد شاب يبلغ من العمر 32سنه يعيش مع والدته وهو رفيق الدرب لدي مراد
مراد :اه تمم طب قول لاستاذ يامن اني عاوزه علي مكتبي
محمود :حاضر يا فندم
. بقلمي منه وائل
♥️♥️♥️♥️♥️♥️♥️♥️
. في مكتب يامن
يامن :يا حبيبتي منا شطبت الڤيلا زي ماانتي عاوزه اهو عاوزه اي تاني ، ايييي عاوزه ڤيلا تانيه جنبيها عشان بابا وماما ليه ان شاء الله هو بابا وماما باعوا بينهم ، هدير انتي بقيتي تطلبي طلبات عجيبه اوي وكانك بتحاولي تمنعي الجوازه ، خلاص يا هدير روحي دلوقتي عشان عندي شغل ، سلام ، دخل اللي بعدها يابني
مريم :سلام عليكم
يامن :وعليكم السلام اتفضلي يا انسه اقعدي
مريم :شكرا
يامن :السي ڤي بتاعك فين
مريم :بص حضرتك انا طالبه في كليه تجارة ولسه فاضلي سنه واتخرج ، المشكله اني محتاجه الشغل ده جدا ومفيش اي شركه راضيه تشغلني الا بسي ڤي
يامن :ده اكيد
مريم :انا لسه مش عملت سي ڤي بحكم اني لسه طالبه بس صديقني انا شاطره اوي في الشغل وحفظ المواعيد والحسابات وكل حاجه ، ارجوك انا محتاجه الشغل ده جدا
يامن:طب اهدي هاتي رقم تليفونك ، وهاخد راي صاحب ااشركه واشوف وهرد عليكي
مريم :ماشي شكرا لحضرتك اوي
.
♥️♥️♥️♥️♥️♥️♥️♥️
في مكتب مراد
مراد :الله وبعدين بقا انا هفضل قاعد مستني البيه لما يجي ، محمود يا محمود
محمود :ايوا يا فندم
مراد: فين يامن
محمود :يا فندم ده قاعد مع انسه في المكتب وبيتهيالي جايه لشغل
مراد :وانا هفضل قاعد مستني كده ، اوعي اما اشوف اخرتها اي
. بقلمي منه وائل
♥️♥️♥️♥️♥️♥️♥️♥️
في مكتب يامن
يامن :اتفضلي وان شاء الله هيوافق وماتخافيش مش هطنشك والله انتي باين عليكي شاطره ، اتفضلي وان شاء الله هتصل بيكي
مريم :شكرا اوي لحضرتك ، عن اءذنك
مراد:انت ازاي ااااااه
مريم :اااااااه انت غبي في حد يفتح الباب كده ويخبط في الناس كده فتح عينك شويه يا حمار
مراد :انا حمار
مريم :اه حمار ومتخلف كمان
مراد :انتي ليله اهلك سوده
يامن :يانهار اسود
💝الفصل الثاني💝
بقلم منه وائل
مريم :شكرا اوي لحضرتك ، عن اءذنك
مراد :انت ازاي ، اااااه
مريم :انت غبي في حد يفتح الباب كده ويخبط في الناس كده فتح عينك شويه يا حمار
مراد : انا حمار
مريم :اه حمار ومتخلف كمان
مراد :انتي ليله اهلك سوده
يامن :يانهار اسود
مريم :غلطان وبتتكلم كمان مفيش حد بيدخل كده المفروض تخبط علي الباب
مراد:انتي مالك انتي اخبط والا لا شئ مايخصكيش
مريم :لا ده المغروض من الاحترام يا استاذ اوعي كده ، مستنيه مكالمتك يااستاذ يامن
مراد :اي بقا دي
يامن :دي دي جايه لشغل السكرتيره
مراد :اه حلو اوي ، اتصل بيها قولها اننا موافقين عليها يلا بسرعه
يامن :مراد لوسمحت اهدي البنت اصلا مش معاها سي ڤي ولسه طالبه وانا قولت اخد رايك وبس
مراد :تمم اوي وانا اهو راي عاوزها تكون عندي بكره الساعه سابعه الصبح قدام المكتب تستناني وانا جايلها
يامن :مراد لوسمحت لو موافق عليها عشان تنتقم منها يبقا عشان خاطري بلاش عيله وغلطت سيبها في حالها
مراد:مش هردد كلامي تاني بكره تكون قدام المكتب الساعه سابعه والكلام ده لو ما اتنفذشي هروحلها البيت بنفسي تمم
يامن :حاضر حاضر ، ربنا يستر ياارب كان لازم لسانك يطول ده انتي هتتنفخي
بقلمي منه وائل
♥️♥️♥️♥️♥️♥️♥️♥️
. في منزل عيله الجارحي
سوزي:الو ايوا يا منمن اي يا حبيبتي لا انا قاعده اهو هروح فين ، صافي اهي لسه جايه علي سيرتها اهو حاضر ، يا صافي
صافي:ايوا يا ماما
سوزي:خدي منمن
صافي:الو يا منمن اذيك يا حبيبتي عامله اي ، اه طيب بصي كلمني علي تليفوني ايوا ماشي باي
سوزي :انتي خلصتي بسرعه ليه كده
صافي :هتكلمني علي موبايلي
سوزي:اشمعنا ، هو ده حاجه وده حاجه
صافي:يا مامي عادي بقا انا طالعه
سوزي:حاجه غريبه اوي ، احمد انت رايح فين
احمد :اي يا ماما رايح اذاكر مع صحابي اي حرام كمان
سوزي:لا مش حرام بس لو مذاكره فعلا مش سهر في النايت ذي كل يوم
احمد :يوووو بقا يا ماما هي دي اسطوانه كل يوم انا هروح قبل ما يبداء ليله كل يوم
سوزي:براحتك يااحمد براحتك اوي ، انا عارفه انا هعمل اي
. بقلمي منه وائل
♥️♥️♥️♥️♥️♥️♥️♥️
في غرفه صافي
صافي :ايوا يا منمن اي يا بنتي خضتني ، اي كريم وده عايز اي ده
منمن :كريم عاوز يكلمك يا صافي
صافي:هو مش الموضوع ده نهناه عايز اي تاني
منمن:مش عارفه بس هو قالي انه عايز يقعد معاكي شويه
صافي:فكك منه ياست ده عيل دماغه تعبانه اوي ، المهم عاوزين نخرج شويه زهقانه من ساعه ما ابيه مراد بقا بيجي كل يوم وانا مش عارفه اخد نفسي
منمن :الا قوليلي صحيح هو اخوكي لسه مااتجوزشي
صافي :لا وفكك ها فكك اخويا مش هيبصلك ها
منمن :وانا فتحت بوقي وبعدين مش هيبصلي ليه ان شاء الله
صافي:عشان ببساطه ابيه اصلا مالوش في الحوارات دي هو شغل ثم شغل ثم شغل
منمن:طب خلاص خلاص هتنزلي امتا
صافي:استني مني تليفون وهقولك
منمن:تمم
. بقلمي منه وائل
♥️♥️♥️♥️♥️♥️♥️♥️
في منزل مريم
مريم:ماما يا ماما
فتحيه:اي يا مريم اتاخرتي ليه كده
مريم :معلش يا ماما اصل انا كنت بدور علي شغل
فتحيه:بردو يا مريم مابتسمعيش الكلام هتذاكري ازاي وهتشتغلي
مريم :يا ماما خلاص انا في اخر سنه ليا في الكليه وان شاء الله هذاكر وهتفوق وهشتغل كمان بس انتي خالي بالك من صحتك بس
فتحيه:حاضر يابنتي
دينا:مريم يا مريم
مريم :ايوا يا دينا في اي
دينا :دلوقتي انا ورايا درس تاريخ ومش عارفه اعمل اي مش معايا حساب الحصه
مريم :اه ، طب خدي يادينا وماتقلقيش ان شاء الله كل حاجه هتحتاجيها هتكون موجوده
دينا :ربنا يخليكي ليا
مريم :ويخليكوا ليا يارب
. بقلمي منه وائل
♥️♥️♥️♥️♥️♥️♥️♥️
في شركه الجارحي
مراد :تمم يا محمود تقدر تمشي خلاص جبنا سكرتيره
محمود :ماشي يا فندم
مراد :ماتنساش تعدي علي الحسابات تاخد بقيت حسابك ، وفي مكافئه ليك عشان اخلاصك في الشغل معانا
محمود :شكرا جدا يا فندم مش عارف اقول.
مراد :ماتقولش يا محمود ده تعبك
محمود :اشكرك يافندم عن اءذن حضرتك
مراد :اتفضل
يامن :والله هيوحشني
مراد :محدش هيعرف يحل محله ابدا
يامن :انا مش فاهم هو ماشي ليه
مراد:ما هو خلاص جمع فلوسه وعمل مشروعه ملكه في بلده
يامن :اه ربنا يوفقه
مراد:اتصلت بيها
يامن :مين دي
مراد :البنت البنت يا يامن
يامن :انت لسه حاطتها في دماغك خلاص يا مراد بقا
مراد :واقسم بالله منا سايبها بقا انا حمار ومتخلف
يامن :ماكدبتش الصراحه
مراد:بتقول حاجه
يامن :لا لا بقول ما نشوف غيرها احسن
مراد :هو انا تشغلها عشان سواد عيونها ، ده انا هدوقها المرار والعذاب الوان هخليها تندم علي كل كلمه قالتها ، يلا اتصل بيها وبلغها بالمعاد و عايز ملف عن مل حاجه عنها في مكتبي يلا بسرعه
يامن :حاضر
. بقلمي منه وائل
♥️♥️♥️♥️♥️♥️♥️♥️
. في النادي
منمن :ياااااا اخيرا جيتي
صافي:يا بنتي اعمل اي بس ما كل يوم ابيه مراد عندنا اعمل اي يعني
منمن :هو ابيه مراد ده طالعلنا في البخت معرفش انتي بتخافي منه كده ليه
صافي :مش اخويا الكبير
منمن :ايوا بس مالوش انه يتحكم فيكي بالشكل ده
صافي:يابنتي ده يعتبر مكان بابا الله يرحمه
منمن :خلاص انتي حره
صافي:المهم ناس مين اللي جايه
منمن:بصي كده وراكي
صافي:اي ده انا مش قولتلك مش عاوزه اتكلم في حاجه يا مني
منمن :يا بنتي والله هيقولك كلمتين وهيمشي
صافي:نعم افندم
منمن :تعالي
كريم :سلام عليكم
منمن :وعليكم السلام انا عروح اجيب حاجه نشربها سوا
كريم :صافي ممكن تبصيلي
صافي:خير يا كريم في اي
كريم :انا اسف اوي والله انا ندمان علي كل حاجه عملتها انا بحبك اوي
صافي :بس بقا كفايا ي
انا كان ممكن اقول لاخويا وهو يتصرف معاك بس احمد ربنا انها وصلت لكده ، انساني يا كريم انت واحد طماع وخاين ممكن تبعد عني بقا
كريم :يا صافي انا
صافي :انت اي ارحمني بقى واوعي كده
كريم :صافي يا صافي
منمن :اي ده هي مشيت
كريم :وربنا لندمها
. بقلمي منه وائل
♥️♥️♥️♥️♥️♥️♥️♥️
في مكتب يامن
يامن :انا مش عارف انا بيفكر ازاي و عايز يعمل اي هي غلطت، بس مش عارف هيعمل معاها اي ربنا يستر
ترن ترن ترن
مريم :الو
يامن:ايوا انسه مريم معايا
مريم :ايوا انا
يامن :انا استاذ يامن ياانسه مريم
مريم :ايوا ايوا اهلا حضرتك
يامن :اهلا بيكي المهم بكلمك بخصوص الشغل
مريم :شكله رفض صح
يامن :لا لا ده وافق وبالثلث كمان
مريم :للدرجه دي
يامن : اه اصل هو ماعندهوش وقت
مريم :تمم انا بشكر حضرتك جدا جدا
يامن :بتشكرني علي اي بس بكره ان شاء الله تكوني قدام مكتب المدير الساعه سابعه
مريم :حاضر يافندم حاضر شكرا اوي
يامن :ياعيني والله صعبانه عليا ربنا يعينك ، المهم اما اشوف ست هانم اللي من ساعه ما قفلت معاها وهي ولا اتصلت ولا حاجه ، الو يا هدير ماصدقتي اني اقفل صح
هدير :لا والله يا حبيبي بس قولت انك مشغول
يامن :المهم موضوع الڤيلا ده انا مش موافق عليه
هدير :نعم ليه ان شاء الله
يامن :هو كده يا هدير انا ليه اجيب ڤيلا تانيه غير دي
هدير :ما قولتلك عشان بابا وماما يكونوا جنبي
يامن :هو انتي هتتعذبي يا هدير ده انتي هتكوني معايا انا اللي احميكي من العالم كله
هدير :بردو يا يامن انا عاوزه بابا وماما يبقوا جنبي
يامن :وان قولت لا
هدير :فكر يا يامن وكلمني غير كده يبقا كل واحد يروح لحاله مع السلامه
يامن :بقا كده بتبيعي ماشي يا هدير
. بقلمي منه وائل
♥️♥️♥️♥️♥️♥️♥️♥️
في منزل مريم
مريم :الحمدلله يا ماما صاحب الشغل وافق عليا
فتحيه :الحمدلله يا بنتي ربنا كبير
مريم :المهم بقا انا لازم انام بدري عشان هصحي بدري ده عاوزني من سبعه ابقي صحيني الفجر يا امي
فتحيه :حاضر ياحبيبتي ، ربنا معاكي يا بنتي ويوقفلك ولاد الحلال
البس اي يا حجه ده انتي لو بتدعي من قلبك مش هتتحقق بالسرعه دي لا واي ابن حلال ابن حلال 😂😂😂😂😂😂
بقلمي منه وائل
♥️♥️♥️♥️♥️♥️♥️♥️
في الصباح في شركه الجارحي
مريم :وبعدين بقا انا بقالي ساعه واقفه هنا هو المدير ده هيجي امتا
مراد :احم اهلا يا حلوه
مريم:صباح الخير ياف... اي ده هو انت
مراد :هههههه اه انا
مريم :اي الظرافه دي بتضحك علي اي
مراد :انتي واقفه بقالك كتير
مريم :وانت مالك انت اما حشري بصحيح ، انا لما اشوف المدير هقوله
مراد :ولما تشوفني بقت هتقوليلي اي
مريم :هقوله انك حشري ورخم وقليل الذوق كماااان ، انت قولت اي اما اشوفك اشوفك ليه انا بقول لما اشوف صاحب الشركه
مراد :اه اه منا سمعتها ، لما تشوفني بقا منا قدامك اهو اشتكيلي بقا
مريم :هو انت ال...
مراد :هههههه ها اي رايك بقا
مريم :يانهار اسود