الحلقة الثامنة والتاسعة
*الحلقة التامنة*
وقفنا الحلقة اللي فاتت لما وصلوا القاعة
مروان ومي قعدوا في مكانهم وايه راحت قعدت على ترابيزة ام مي وابوها ومازن كان
معاها كانت ايه لابسة دريس شكله جمييييل لونه موڤو ولابسة طرحة افوايت
كان مخليها سندريلا وسليم قعد مع عمته وفاء وطارق ويارا ودينا اخته وطبعا مريم وامها حضروا الفرح
عند مروان ومي
مروان: انا فرحان اوي اخيرا اليوم دا جه
مي: اه الحمدلله ويارب دايما كل ايامنا حلوة سوا
مروان باس ايديها: يارب
بعد شوية قاموا يرقصوا رقصتهم الخاصة بيهم
وكانوا مختارين اغنية يغنوها لبعض وكانت المفجأة انها اغنية (يا سلام على حبي وحبك)😂😂
مروان: يا سلام على حبي وحبك ده ماكان على بالي أحبك
ولا نامش الليل من حبك ياسلام على حبي وحبك
مي: يا حبيبي هواك جنني والشوق ملاني جراح
وحياتك تبعد عني وتسيبني عشان ارتاح
مروان: وأنا يعني ماسك فيكي ؟ ماهو قلبي المشغول بيكي
مي : حبك سهرنيييي
مروان : أنا زيك برضه
مي : ربي يصبرني
مروان: ايوه أنا فى عرضه
مي: اعذرني لاني بحبك مابنامش الليل من حبك
ياسلام على حبي وحبك وعد ومكتوب لي احبك
مروان: مش ممكن اعيش من بعدك ده خيالك جنبي ليلاتي
و بقول لو ربنا ياخدك كنت اعمل ايه ياحياتي
مي : انشالله انت يا حبيبي ياهنايا وكل نصيبي
حاولّع فى روحي ياقلبي وعنيي
مروان هنا طلع ولاعة😂: لا اوعى ياروحي ده واجب عليا
مي: من ساعة قلبي ما حبك
ما بنامش الليل من حبك
يا سلام على حبي وحبك
حبيتني صحيح
مروان : اومال
مي : أتاريني بقيت فرحانة
مروان: عقبال كل العزال يتهنوا زي هنانا
مي: شوف وشّـي اصفـرّ ازاي من حبك
مروان : شوفي جسمي احمـرّ ازاي من حبك
مي : حتعيش ياروحي معايا دانت حياتي ودنيتي
كفاية حب كفاية أحسن يضر بصحتي
يا سلام على حبي وحبك
الكل فرحان بيهم وواقفين يصورهم والعريس راح يرقص مع اصحابه ومي بترقص مع اصحابها وايه واقفة معاها وشوية ونهلة رنت فيديو وبيكلموها وفرحانين
سليم لفت نظره البنت اللي واقفة جمب مي اللي هي طبعا ايه وحاسس انه شافها قبل كدا بس مش فاكر فين وامتى ومبهور بشكلها واستايل لبسها اللي بالحجاب بس مكانش في دماغه خالص انها ايه بنت احمد ولا كان اصلا في باله انه يتشد لحد كإرتباط مثلا بس ايه كانت على عكس سليم لان ايه فكراه لانها هي اللي فتحتله الباب وكمان عمرها ماهتنساه عشان طلب ابوها منه وانه مشي متعصب هي مش زعلانة انه رفض هي زعلانة طريقة طلب باباها بس
مريم شافت سليم واقف راحت وقفت جمبه وحطت ايديها في ايده هنا ايه استغربت وقالت في نفسها مين دي اكيد اخته ولفت وشها بعيد عنهم وركزت مع صحبتها
الفرح خلاص خلص وايه ومازن فضلوا في القاهرة( الفرح كان في القاهرة) مع اهل مي هي واخوها عشان تروح تسلم عليها تاني يوم قبل ماتسافر لشهر العسل
(اهل مي مش من القاهرة بس قعدوا مع ماما مروان في شقتها لتاني يوم وهيرجعوا)
★★★★★★
تاني يوم الصبح في فيلا سليم
سليم صحي ونزل يفطر مع اخواته وعمته وفاء (هو اصلا مش بيحب يتجمع مع مريم ولا امها عالسفرة)
سليم: صباح الخير
كلهم: صباح النور
سليم بيوجه كلامه لطارق: طارق شوف ايه اللي هيحصل النهاردة في الشركة لان مش هاجي النهاردة لان هروح لمروان وهوصله للمطار
طارق: حاضر يا حبيبي ...... هما هيسافروا فين
سليم: حجزتلهم في القرية بتاعتنا في شرم قولتله ينزل في اي شاليه من بتوعنا رفض
طارق: فكرة حلوة والله هو اصلا يستاهل كل خير
سليم: جدا ووجه كلامه لعمته وفاء: عاوزة حاجة ياعمتو و انا راجع اجبهالك
وفاء: لا ياحبيبي تسلملي يارب
سليم: ماشي انا ماشي يالا سلام
سليم مشي وهو في الطريق اشترى بوكيه ورد جميل جدا وتورتة كبيرة وراح لصاحبه
في الوقت دا كان اهل مي وايه ومازن ومامت مروان كلهم هناك وشوية والجرس رن وايه قالت هقوم افتح انا
راحت تفتح لاقت سليم هو اللي عالباب
سليم واقف مكانه مستغرب انه شافها تاني: السلام عليكم امال مروان فين
مروان سمع صوته خرجله وايه دخلت
مروان وسليم دخلوا قعدوا في الصالون
سليم: بقولك ايه يا مروان هي مين اللي فتحتلي الباب
مروان: دي ياسيدي ايه صاحبة مي الانتيم بس بتسأل ليه
سليم: مش عارف امبارح شفتها في الفرح حسيت ان شوفتها قبل كدا بس مش عارف فين وامتى
مروان: مش يمكن بتشبه
سليم: ممكن بس مش عارف
جوا في اوضة مي ، ايه قاعدة سرحانة مي شافتها كدا : ايه يايويو مالك
ايه: لا ابدا يا قلبي مافيش
مي : طيب يا قلبي اعملي حسابك انك هتيجي معايا المطار
ايه: حاضر ياستي هاجي معاكي
شوية ومامت مي دخلت: ميوي حبيبتي انا حطتلك كل حاجة في التلاجة وكل حاجة عندك يا قلبي
مي: تسلميلي يا امي ربنا يخليكي ليا انتي وبابا
غالية(ام مي): ايه احنا شوية وهنمشي يا حبيبتي هنرجع المنصورة اجهزي انتي ومازن
ايه: معلش ياطنط اسبقوا انتوا عشان مي عاوزاني اروح معاها المطار وهرجع انا ومازن ان شاء الله بعدها
غالية: طب مانستناكم يابنتي عادي
ايه: لا يا حبيبتي عشان بس اكون مع مي ومنتأخرش وماتقلقيش انا اخويا معايا
غالية: ماشي يا بنتي
غالية خرجت وسابتهم مي وايه اتكلموا سوا وبعد كدا خرجوا
سليم شاف مي: مبروك يامدام مي ربنا يسعدكم
مي: الله يبارك فيك يا استاذ سليم
سليم: ايه استاذ دي لا بصي خليها سليم وبس ولا ايه يا مروان
مروان: ايوا طبعا دا انت اخويا
مي : خلاص وانت خليها مي من غير مدام
سليم: خلاص اتفقنا
ايه قاعدة ومستغربة طريقته في الكلام مش دا اللي كان متعصب عندهم ولا بارد
مي: يويو
ايه: ايوا ياحبيبتي
مي: يالا عشان هننزل
ايه: حاضر
مي لسليم: معلش بقى ياسليم هتعبك معانا في حاجة كمان
سليم: انا عارف ان مش هخلص منكم😂
مي ضحكت هي ومروان: بص يا سيدي احنا هنيجي معاك في عربيتك وعاوزاك ترجع ايه ومازن
ايه هنا ادخلت: لا شكرا انا ومازن هنرجع لوحدنا
سليم: طلاما مريم طلبت يبقى هيتنفذ
سليم مستغرب من طريقته معاها وانه حتى مارفضش طلب مي دا على عكس عادته وحاسس انه شافها قبل كدا
وصلوا كلهم المطار وودعوهم
سليم لمازن: انتوا منين عشان اوصلكم
ايه ادخلت: حضرتك بس وصلنا المكان اللي هنركب منه لبلدنا ويبقى كتر خيرك لحد هنا
سليم: خلاص اللي تحبوه بس عنده فضول يعرف هما منين بس للأسف ايه مش سيباله فرصة
ركبوا معاه ووصلوا المكان اللي هيركبوا منه وايه ومازن ركبوا الاتوبيس وسليم مشي رجع الڤيلا
★★★★★★
في المساء في النادي قاعدة سلوى ومريم بنتها
سلوى: اخبار سليم ايه
مريم: عادي ذي ماهو
سلوى: طب ماتعملي اللي نفسه فيه
مريم: اللي هو ايه ياماما
سلوى: وكمان مش عارفة😏 انه يبقى اب
مريم: لا ياماما مش عاوزة انا كدا حلوة وحياتي حلوة مش ناقصة تحمل مسئولية والكلام الفاضي دي
سلوى: ولو قولتلك ان دا اللي هيقرب سليم منك اكتر و اكتر
مريم: تفتكري ياماما بس ازاي ما انا كدا هبقى ملبوخة بالولد
سلوى: ياستي هاتيه انتي بس وبعد كدا انا هربيه وبعدين خالتك وفاء موجودة يعني هنشيله عنك ها قولتي ايه
مريم بعد تفكير: ماشي تمام انا هحاول اخليه يبقى معايا الليلادي ومش هاخد الحباية
سلوى: كدا تمام يبقى كدا اتفقنا
خلصوا قعدتهم ورجعوا الڤيلا
في اوضة طارق ويارا
يارا: حبيبي
طارق: ايوا ياحبيبتي
يارا: انا زهقانة اوي عاوزين نغير جو
طارق: حاضر يا قلبي عيوني اخلص بس المشروع اللي شاغلنا دا وهاخدك انتي وسيف ونسافر
يارا باسته من خده: ربنا يخليك ليا يا حبيبي
طارق بصلها وغمزلها: سيف نام
يارا ضحكت: اه عاوز ايه
طارق اخدها في حضنه: عاوز كل خير ياقلبي
نسيبهم لوحدهم بقي 😂🙈
مريم رجعت وقررت تعمل ذي ماهي اتفقت مع مامتها انها تخلي سليم يقضي الليلة معاها
وفعلا دا اللي حصل وباردوا للاسف كان بيضعف
★★★★★★
تاني يوم الصبح سليم صحي واخد دش وغير هدومه وراح الشركة وطارق وراه
وايه مافيش جديد عنها خالص ويومها بيعدي ذي بقية الأيام وبتتكلم مع صاحبها المقرب هو دا الوحيد اللي بيخرجها من اي حاجة
وهي فاتحة نت وبتكلمه ذي عادتها
صديقها: وحشتيني اوووي يايويو عاملة ايه طمنيني عليكي
ايه: الحمدلله والله انت عامل ايه
صديقها: انا الحمدلله تمام والله كله تمام
ايه: يارب دايما يارب
صديقها: يارب.....مافيش جديد؟
ايه: حكتله كل حاجة من يوم ما ابوها طلب من سليم يتجوزها وقالتله على رفضه ليها
صديقها: بصي يايويو انا مش عارف اقولك ايه ولا عارف باباكي بيفكر في ايه او ازاي بس حتة انه يرفض دي تقلق وكمان طبعه اللي انتي قولتي عليها عصبيته و كدا ماطمنش وانا بصراحة بدأت أقلق عليكي وفي نفس الوقت ممكن يكون باباكي شايف دا احسن....بجد يا ايه كان نفسي فعلا اكون حد من اهلك مش مجرد صديق وبس انا عارف ان انا بالنسبالك اخ ودا حاجة عندي بالدنيا بس كان نفسي ابقى جمبك ووقت ماتكوني مضايقة او مخنوقة اكون جمبك من غير مايكون في اي حواجز
ايه عيطت لان فعلا نفسها ان صديقها دا يكون جمبها مش من بلد تانية وصعب يتقابله: وانا اكتر والله انت الوحيد اللي بثق فيه وبحب اتكلم معاك اووووي
صديقها: وحياتك عندي اجازة الشغل اللي جايا لازم اجيلك
ايه بفرحة: بجد هتعمل كدا
صديقها: ايوا طبعا ان شاء الله
ايه خلصت مكالمتها معاه وكانت فرحانة انه ممكن يجي اليوم اللي تقابله فيه
★★★★★★
نيجي شوية عند العرسان اللي بيقضوا شهر العسل
مي: يامروان اصحى يا حبيبي هتقضي اليوم كله نوم
مروان بنوم: اممممم ايه ياميوي بس سبيني نايم شوية
مي: لا ها يالا قوم عاوزة انزل البحر
مروان فاق: حاضر ياميوي قومت اهو
مروان فعلا قام ودخل اخد دش وغير هدومه ونزلوا قضوا اليوم كله ضحك وهزار ولعب
وكل حاجة حلوة ما بينهم وكانوا فرحانين بالقرية بتاعة سليم وبجد مش عارفين يقولوا ايه عالمفجأة دي
*الحلقة التاسعة*
عدا اسبوع كامل على ابطالنا الحلوين وكل واحد في حياته عايشها باللي فيها
(النهاردة يوم الجمعة رغم ان اعظم يوم في الاسبوع بس للأسف أسوأ يوم بالنسبة لأسرتها💔)
في أوضة عايده وأحمد
عايده بتصحي أحمد: أحمد يالا قوم الساعة باقت11 والصلاه قربت
أحمد: ----------
عايده بتنادي عليه تاني: احمد
احمد: ---------------
عايده هنا عرفت انه مات عيطت جامد وصوتها علي وجات ايه ومازن
ايه أول ماشافت منظرها ومنظر ابوها انهارت ومازن مايختلفش عنها
ايه بحرقة: لا يا بابا عشان خاطري مش تسبني لوحدي انت ضهري قوم والنبي خليك معايا وفضلت تعيط جامد
مازن: بابا والنبي خليك معانا احنا محتاجينك اوي في اللي جاي
عيطوا بحرقة هما التلاتة واخوات احمد جم يحضروا العزا (كأنهم بيقضوا حاجة تقيلة على قلبهم)
يوم العزا بالليل اخوات احمد مشيوا ماعدا فاضل طلع لعايده ولولادها فوق
فاضل: انا جمبكم لو احتاجتكم اي حاجة
عايده: متشكرين يافاضل ان شاء الله مش هنحتاج لا ليك ولا لأخواتك
فاضل: ايه الكلام دا بس يا مرات اخويا
عايده: ذي ما سمعت وحتى لو هنشحت مش هنيجي نمد ايدينا ليكم
فاضل اضايق وقام وقف: انا عاذر اللي انتي فيه وانا همشي دلوقتي ولينا كلام مع بعض تاني يا مرات اخويا...ونزل ومشي
عايده قلقانة لانها فاهمة معنى كلامه كويس اوووووي لانه بيلمح لجوازة ايه من ابنه سعد
-أول يوم عدا عليهم اصعب يوم ومحدش فيهم جاله نوم ..... تاني يوم مي ومروان جوزها جم لآيه عشان يعزوها مروان قاعد مع مازن في الصالون
مروان: ربنا يرحمه يارب
مازن: يارب
مروان: خليك قوي يامازن مامتك واختك محتاجينك جمبهم انت دلوقتي السند ولو السند دا ضعف هما هيضعفوا
مازن: بحاول والله بس غصب عني
مروان فضل مع مازن يحاول يخرجه من اللي هو فيه
💔💔💔💔💔💔
عند ايه..مي دخلتلها جوا لاقتها في حال لايحسد عليه ضعيفة عينيها حمرا من كتر الدموع قعدت جمبها وحضنتها
ايه بحرقة: بابا مات يامي وسابني لوحدي
مي عيطت على عياطها: ربنا يرحمه يارب اهدي يا ايه هو في مكان احسن من كدا
ايه: بس مشي بدري اووووووي انا محتاجاه اوي في حياتي انا من غيره اضيع يامي اضيع
مي معرفتش ترد تقولها ايه حضنتها وبس وطلبت من مروان انها تفضل معاها يومين ومروان وافق طبعا
بطه بنت خالة ايه معاهم من امبارح وشايلة الاكل وداخلة لآيه
بطه بتوجه كلامها لمي: والنبي يامي حاولي تأكليها دا ما اكلتش اي حاجة من امبارح
مي: حاضر يابطه هحاول معاها تاني ... وجهت كلامها لآيه: يويو عشان خاطرنا كلي
ايه ساكتة ومش بترد خالص
مي: عشان خاطري ماتعمليش في نفسك كدا
في اللحظة دي تليفون ايه رن وكان اكتر شخص محتجاه في الوقت دا لانه فاهمها
ايه ردت بسرعة: الو
صديقها: انتي فين من امبارح قافلة ليه في ايه
ايه: بابا مات💔
صديقها انصدم: ايه حصل امتى دا
ايه: امبارح الضهر
صديقها: الله يرحمه يا قلبي يارب ويغفرله
ايه: يارب يارب
صديقها: صوتك ضعيف ليه فين ايه اللي عارفها قوية يا حبيبتي هو في مكان احسن من هنا وهو دلوقتي شايفنا كلنا وزعلان انك بتعيطي مش انتي دايما تقوليلي انه بيحب يشوف ضحكتك
ايه مسحت دموعها وابتسمت نص ابتسامة: اها هو بيحب ضحكتي
صديقها فرح انه خلاها تفك شوية: ايوا كدا خليكي قوية عشان مامتك واخوكي انتي الكبيرة يا ايه
ايه سمعت كلامه واقسمت انها تحاول على اد ماتقدر انها تخلي حياتهم كويسة عشان اخوها وامها
مي وبطه استغربوا اوي انها اتغيرت 360 درجة بسبب مكالمة تليفون واحدة من صديقها الغامض دا
خرجت لمامتها واخوها وخلتهم ياكلوا
وعدا على موت باباها شهر كامل وايه نفسيتها الى حد ما اتحسنت شوية عن الأول ومازن بيداري وجعه عشان خاطرهم ومامتهم اللي دايما لوحدها في اوضتها
★★★★★★
في عيادة دكتورة النسا والتوليد قاعدة مريم ومامتها ودخلوا عند الدكتورة
مريم: انا متجوزة بقالي تلات سنين و مافيش حمل يادكتورة
الدكتورة ماريا: اللي باين في التحاليل اللي ادامي ان حضرتك كنتي بتاخدي حبوب منع الحمل بإنتظام
مريم: ايوا بس بطلتها من شهر و شوية
د/ماريا: بس للأسف انتي فضلتي تاخدي الحبوب دي لمدة تلات سنين ودا أثر جامد على الرحم
سلوى( ام مريم): يعني مش هيحصل حمل
د/ماريا: الأمل ضعيف جدا لأنها اخدت الحبوب لفترة طويلة
مريم: طب والعمل يادكتورة
د/ماريا: هكتبلك على ادوية تاخديها لمدة شهر وبعد كدا نشوف النتيجة
سلوى: احنا ممكن نسافر اي بلد
د/ماريا: بعد الشهر هقولكم اذا كانت الحالة تحتاج لسفر ولا لا
مريم وسلوى مشيوا من عند الدكتورة وهما قلقانين لأن اللي بيخططوا ليه خلاص احتمال كبير مش يحصل بس سلوى اقسمت في نفسها انها لازم تحاول لحد مايجي الولد اللي هيخلي بنتها تاخد كل حاجة
★★★★★★
في شركة الشامي
سليم قاعد على مكتبه وطارق اخوه ادامه: بص يا طارق انا خلاص وافقت على المشاركة مع الفوج الأجنبي
طارق: طب الحمدلله كدا نقدر نبدأ بقى ونجتمع معاهم
سليم: هما هينزلوا مصر امتى
طارق: تقريبا كمان اسبوعين
سليم بجدية: انا مش عاوز كلمة تقريبا انا عاوزة معاد تكون انت متأكد منه
طارق: حاضر هبعت ليهم واعرف وهرد عليك
سليم: تمام وانا ان شاء الله خلال الاسبوع دا هسافر باريس عشان سامع ان في حاجات بتحصل في فرع الشركة اللي هناك
طارق: حاجات ايه طمني
سليم: ماتقلقش انت المهم تخلي بالك من الشغل هنا في مصر لحد ما ارجع وانا ان شاء الله مش هتأخر
طارق: حاضر ياحبيبي تروح وتيجي بالسلامة يارب
سليم: يارب يا حبيبي يالا قوم علي مكتبك ولا هنقضيها كلام
طارق ضحك: ماشي ياباشا سلام
طارق رجع مكتبه وشوية ومنال السكرتيرة خبطت وسليم سمح ليها تدخل: خير يامنال
منال: مستر تامر مستني حضرتك بارة
سليم: دخليه
تامر دخل وسلم علي سليم وقعد
تامر: ها يا سيدي خير
سليم: انا خلاص وافقت على الفوج الأجنبي
تامر: اخيرا ياملك العقارات
سليم: بس يا بابا وبعدين عاوزني اوافق من غير ما اعمل اتصالاتي ولا ايه دا انا الملك يا ابني
تامر ضحك: ماشي ياعم الملك ناوي على ايه بقى بعد كدا
سليم: انا هسافر باريس عشان الفرع اللي هناك هقعد اسبوع وان شاء الله لما أرجع هيكونوا هما وصلوا مصر وبعد كدا نحدد اجتماع ونقعد معاهم
تامر: خلاص تمام ياسليم على خيرة الله اسيبك بقى وارجع شركتي
سليم: خلاص ماشي
تامر: سلام
★★★★★★
نيجي بقى لأخوات أحمد الله يرحمه هما تلات إخوات وهو رابعهم بس علاقتهم ببعض مش حلوة خالص
(اخواته) علي ، وفاضل ، وحسن
التلاتة أبخل من بعض ، الحالة المادية بتاعتم كويسة جدا بس مافيش فيهم واحد يحب ان أخوه يبقى اغنى منه و بخلة جدا يعني بيلموا القرش ويحطوا تحت البلاطة دي ما بيقولوا والبخل دا حتى أثر على تعليم أولادهم
*حوار بين فاضل وعلي اخوه الكبير*
علي: ها يافاضل هتعمل ايه مع مرات اخوك وولادها
فاضل: انا هروح اتكلم مع عايده تاني في جواز ايه من سعد ابني
علي: ايوا لازم تروح وتخليها توافق هي وبنتها عشان البت ماتخرجش بارة العيلة انت فاهم
فاضل: دا اللي هعمله اكيد وكمان هما معتش ليهم حد بعد موت ابوهم يبقى خلاص اللي كان حاميهم راح
علي: ناوي تروح امتى
فاضل: بكرة الصبح ان شاء الله هروح ومش هرجع غير وانا واخد منها موافقة
علي: كدا تمام
كانت واقفة على بابا الأوضة اللي كان فاضل وعلي اخوه قاعدين فيها أمل مرات فاضل اللي هي اصلا مش راضية عن اللي هو بيعمله ومش مبسوطة معاه واضايقت اكتر انهم عاوزين يجوا على مرات اخوهم
فكرت انها تكلم عايده تقولها بس خافت لحد يعرف ويعملوا ليها مشكلة وقالت هتصبر لحد ما فاضل يروح بكرة وتشوف عايده هتقوله ايه
★★★★★★
تاني يوم الصبح سليم خلاص سافر باريس ومش راجع غير بعد اسبوع وطارق هو اللي شايل كل شغل الشركة وايه بتحاول تتعايش مع حياتها اللي من غير ابوها ونهلة صحبتها نزلت من السفر وراحت ليها تعزيها
- في بيت ايه جرس الباب رن وعايده راحت تفتح لاقت نهلة صاحبة ايه سلمت عليها جدا لانها كانت وحشاها ونهلة انهارت من العياط لانها كانت بتحب احمد اوووي وكانت معتبراه ابوها التاني
ايه خرجت من اوضتها علي صوت نهلة
ايه جريت عليها حضنتها وهنا ايه مقدرتش تبان أقوى وانهارت في حضن نهلة عايده فضلت انها تسيبهم لوحدهم ودخلت جوا ونهلة اخدت ايه ودخلوا الاوض
نهلة: اهدي يا ايه ماتعمليش كدا عشان خاطري
ايه: غصب عني يانهلة اعمل ايه بس اللي كان سندي في الدنيا راح خلاص وياعالم ايه ممكن يحصلي من بعده
نهلة: يا حبيبتي اخوكي ومامتك جمبك اهم لازم تكون قوية عشانهم
ايه: تعبت اوي يانهلة بحاول ابان قوية بس غصب عني مش بستحمل وكل حاجة جايا عليه
نهلة: ايه يا ايه فيكي ايه ، ايه حصل الفترة اللي فاتت غير وفاة بابا احمد
ايه: حكتلها على كل حاجة من اول موضوع سليم لحد طلب عمها انها تتجوز ابنه ( طبعا انتوا فاكرين انها معرفتش بس مامتها اول ما احمد حكالها راحتلها اوضتها وقالتلها)
فلاش باك
عايده خرجت من اوضتها وراحت اوضة ايه: حبيبتي صاحية
ايه: اه ياماما تعالي
عايده: كنت عاوزة اتكلم معاكي شوية
ايه: خير ياماما قلقتيني
عايده: خير ياحبيبتي ماتقلقيش ، انتي عارفة عمك كان هنا ليه
ايه: لا ومش عاوزة اعرف انتي عارفاني مش بطيق حد من العيلة دي
عايده: ولا انا ولا ابوكي والله يابنتي بس هنعمل ايه اهو اعمامك
ايه: سيبك من حتة اعمامي وقولي في ايه
عايده: عمك فاضل طلب ايدك من ابوكي لأبنه سعد
ايه بخضة: نعم بتقولي ايه
عايده: دا اللي حصل
ايه: مستحيل ياماما طبعا
عايده: من غير ما تقولي ابوكي رافض تماما وقالي طلاما فيه نفس وعايش مش هيسمح بدا يحصل ابدا
*عودة من الفلاش باك*
ايه: عرفتي بقى يانهلة بعيط ليه ومخنوقة انا دلوقتي مافيش ليا سند ولا ضهر ابويا كان حاميني عنهم وانا خايفة اوي دول ممكن يعملوا اي حاجة عشان الموضوع دا يتم
نهلة: ماتقلقيش والله خير واكيد ربنا هيحلها والله وبعدين كل دا يحصل وماتحكليش يا ايه
ايه: غصب عني يا نهلة كنت عاوزة اعرف هوصل لإيه
نهلة زعلانة على صحبتها وعاللي وصلتله
ايه: امال فين سالي
نهلة: سبتها عند ماما
ايه: كنتي جبيها معاكي
نهلة: مكانتش هتسكت
ايه: ربنا يخليهالك يا حبيبتي ... هو عيد ميلادها امتى
نهلة: عيد ميلاد ايه بقى مافيش حاجة هتتعمل
ايه: لا يا نهلة لو بتحبيني وكنتي بتحبي بابا اعمليه وفرحينا وفرحي مامتك بأول عيد ميلاد لحفيدتها
نهلة: انتي بتقولي ايه يا ايه لا طبعا
ايه: انا عاوزاكي تعمليه هو دا اللي هيخرجنا من اي جو حزين عشان خاطري يا نهلة
نهلة: ماشي يا ايه وربنا يسهل
قعدوا يتكلموا مع بعض وشوية وجرس الباب رن عايده هي اللي فتحت لاقت فاضل واقف ادامها قلقت جامد اوي
فاضل وهو واقف عالباب: ايه ياعايده مش هدخليني ولا هتسبيني واقف عالباب
عايده: لا طبعا انا مش قليلة الذوق عشان اوقف اخو جوزي عالباب....اتفضل
دخل فاضل وقعد: امال فين ايه و مازن
عايده: مازن في الجامعة وايه جوا مع صحبتها
فاضل: تمام اقعدي بقى كدا عشان جايلك في كلمتين وهمشي على طول
عايده قعدت: خير
فاضل: انا بطلب ايد ايه بنتك لسعد ابني لتاني مرة
عايده: والله انت سمعت الرد من ابوها اللي يرحمه وقالك انها مش موافقة
فاضل: عارف بس الوقتي اتغير دلوقتي احمد مات وانتوا لوحدكم محتاجين حد في ضهركم
عايده: لا مش محتاجين لحد ربنا يخليلي مازن ابني
فاضل: مازن لسة صغير مايعرفش حاجة عن الدنيا
عايده: خلاص يافاضل انا قولت اللي عندي جواز ايه من سعد لا يعني لا
فاضل: فكري ياعايده دي لمصلحة بنتك انها تعيش مع انسان بدل ماهي قاعدة كدا
عايده: لا عندك بنتي لا هي وحشة ولا فيها حاجة ومش كبرت عشان اقول خلاص ياعيني عنست
فاضل: وانا مش ماشي النهاردة من هنا غير لما اوصل لموافقة
عايده بتفكير: طب افرض وافقت فيه شرط لازم تنفذه
فاضل: نعم وكمان شرط ايه الكلام دا
عايده: دا اللي عندي
فاضل: قولي ايه هو واخلصي
عايده: ايه عاوزة تكمل تعليمها
فاضل: هي مش خلاص خلصت واتخرجت
عايده: اه الحمدلله بس في سنة هي عاوزة تاخدها
فاضل: ملهاش لازمة طلاما خلاص اتخرجت يبقى ليها انها تتجوز وتقعد في البيت
عايده: دا اللي عندي يافاضل
فاضل: انتي كدا بتعاديني ياعايده وانتي مش ادي
عايده: وانا مش خايفة منك
فاضل: تمام ياعايده ادامك اسبوع كامل وهجيلك والمأذون في ايدي .... ومشي وسابها
ايه ونهلة للاسف كانوا خرجوا وسمعوا كل كلمة اتقالت وايه اغمى عليها طلبوا الدكتور وقالها عندها انهيار عصبي
نهلة مشيت وهتجيلها تاني يوم ومازن دخل اوضته وعايده قاعدة جمب بنتها وبتبصلها وحزينة عشانها بس جالها فكرة ولازم تنفذها من بكرة