بيكلم أخوه في التليفون: أيوه ياباسم.... بقلك.. هات عربيتك وتعالا خدنا أنا ويمنى من مستشفى......
باسم بقلق: مستشفى...!.انت بتقول ايه... عمر انت كويس؟!
عمر: تعالا بس وهبقا احكيلك... متقلقش احنا كويسين... متجيبش لماما سيره.. سامع!
باسم: خلااص... انا جااي اهو مسافة السكه واكون عندك... بس ورحمة ابوك انتوا كويسين!؟
عمر بمزاح عشان ميقلقش اخوه: يعني لازم اهزقك عشان تعرف ان كويس.. متخلص يابغل..
باسم: ههههه لاا كده انا اطمنت
(وقفه هنا ياجدعان نتعرف بالدنجوان اللي هيشرفنا في الحلقات اللي جايه 😂💃🏼)
باسم الرفاعي.. اصغر من عمر بسنتين يعني عنده ٢٨ سنه... هو وعمر مش اخوات وخلاص دول اكتر من الصحاب ومعظم اسرارهم مع بعض
....
باسم لايقل جمال وحلاه عن عمر.. من الأخر كده زي ما مي كساب قالت في فيلم كلبي دليلي ( أدم ده لووز اللوز ياعمتو) 😂😂😂ايووه بسومه لووز اللوز برضه... شااب كده يتقال عليه فتى أحلام البنات... عيونه لونها بني وشعره أسود تقيل زي عمر.. دقنه خفيفه... جمل يابا الحج جمل 😂😂
بااسم محاامي مشهور لأخلاقه وضميره في القضايا وهو المحامي بتاع شركات الرفاعي بتاعتهم... بس عنده عيب صغنن سيكا.. معقد🙂💔بيكره الستات.. ورافض الجواز نهائي بعد ماحبيبته غدرت بيه واجوزت ثري خليجي وسافرت معاه 🙂😂بقاا حد يسيب الموز ده ياقادره😒... المهم هيبقا ليه دور معانا في الحلقاات اللي جايه وهنزلكم صورته عشان بدورله على عروسه هق هق هق 😂😂 سوري 🙂......
...... نرووح لأبطالنا الجاامدين اووي،على ما يكون الموز جه.... ..قصدي بااسم 🙂..
(ربنا يستر وخطيبي ميقراش الحلقه)😂😂💔
...
عمر: يلاا بقاا يابطلتي...باسم زمانه على وصول...غيري ملابس المستشفى والبسي لبسك على مانروح وناخد دش...
وكزته في صدره: متجمعش يابيبي...وبعدين انت مينفعش ميه تيجي عالغرز....أغسل جسمك بس
عمر بخبث: ماانتي هتحميني ياحبيبتي...عشان انا تعباان أوفه
بتلوي شفايفها بطريقه مضحكه: ياااتي كلبه انتي...مالك بتعمل زي الكلبوبات بتوع الفيس كده ليه
عمر انفجر من الضحك:هههههه يااااربي...حتي وانتي تعباانه مش رحماااني
بتطلعله لسانها: لااااأه...نيهاااع 😜😂😂
شدها لحضنه وهو بيستنشق عبير شعرها
(عبير اللبااد نيهااع😂😂احممم سوري🙂)
بص لعيونها اللي بيغرق فيهم من اول نظره...قبْل كل جفن بحراره ورقه: اناا ميهمنيش اي حاااجه في الدنيا غيرك....انا عايش عشانك وليكي انتي وبس...الطفل اللي راح العبد لله بفضل ربنا يقدر يجيب دستة أشرار كل مره بتوأم
شدت نفسها من حضنه: عمررر...وربنا مهتسكت غير إما تجرسنا في المستشفى
عمر بضحك:هههههه ينهااار أبيض عالكلمه....تجرسنا!!!....يعني إيه صحيح تجرسنا دي يايمنتي
يمنى وهي بتهز راسها وبتطلع لسانها زي الأطفال: مش هقولك...يلااا هي....سكتت شويه.....التوتر ظهر عليها،بتفرك إيدها بخوف
عمر لاحظ خوفها وتوترها ده.....شدها من ايدها بحنيه...شالها وقعد بيها عالسرير...وهي لسه شارده وتايهه بعينيها وكأن في حااجه كبيره مخوفاها وقلقاها......رفع ذقنها الصغير...إتلاقت عيونهم....نزل بشفايفه يبوس كل حته في وشها........لو الكلام مش هيطمنك...ف أنا ليا طريقتي اللي أقدر أطمنك بيها ياطفلتي ♥
عمر صوته الحنون: يمنى...حبيبتي....ايه اللي موترك كده وواخد عقلك..
يمنى بخوف: عمرر..أنا خاايفه
شدد على إحتضانه ليها يثبتلها إنها في مأمن تاام...ليه الخوف
خاايفه وإنتي في حضني يايمنتي !!!
—ماامتك ياعمر....مامتك كانت مستنيه البيبي أكتر مننا....لو عرفت إني سقطت...هتزعل أوووي..وكماان هي مبتحبنيش
—حبيبتي....نور عيني...ده قدر..ودي حكمة ربنا...إحنا منقدرش نمنع القدر...كفايه عشقي ليكي..ولا ده مش مكفي ياجزمه
—يااعمر...مامتك مش هتفهم كده....هتقول إن أنا اللي محافظتش على حفيدها
حط إيده على شفايفها:شششش....متكمليش....يمنى..عاوزك تفهمي حااجه بس وتحطيها حلقه في ودانك: أنا إجوزت عشان بعشقك...معنديش استعداد أخسرك او ابعدك عنك ولو ثانيه وواحده...فلو لقدر الله ومخلفناش...اوعي تفكري ان ممكن اسيبك...مستحيل...أنا روحي فيكي...فاهمه يعني ايه روحي فيكي..!
يمنى بحب وهي بتتحسس ذقنه: بحبك اوووي ياعمر
شال ايدها بحنيه من على دقنه...باس باطن ايدها بحراره وحب: وأنا بمووت فيكي ياروح ونبض عمر....
...
بااسم وصل للمستشفى اللي فيها عمر ويمنى....
خبط على الأوضه اللي هما فيها....دخلت ممرضه عرفته أن أخوه براا.....عمر حط طرحه على شعر يمنى وغطاها بكوڤرته...شالها وخرج بيها...كانت لسه تعبانه مش هتقدر تمشي كويس...... كل العيون في الطرقه بتاعت المستشفى كانت هتاكلهم من النظراات....مثال للعشق ♥
....
باسم بلهفه وخوف: في اييه ياعمر...راسك مربوطه لييه!!! ويمنى مالها....!!
عمر: هحكيلك في الطريق....بس روح افتح باب العربيه
..
باسم ركب..وعمر ركب ورا ويمنى لسه على رجله،متشعبطه في هدومه بشده
....
باسم بخوف وهو بيبص لإنعكاس أخوه في المرايا اللي قدامه: في ايييه..يابني طمني..
عمر: الحمدلله..خير...العربيه ولعت...بس نحمد ربنا اننا خرجنا كويسين
باسم بدهشه وخوف: اييييه!!!.. انت بتقول العربيه ولعت!!....طيب..طيب..انتوا كويسين...ويمنى كويسه والطفل كويس!!
عمر بحزن: الحمدلله انا خيطت حاجه بسيطه...ويمنى للاسف الجنين مستحملش صدمتها عليا فنزل..
باسم بحزن وصدمه: الحمدلله انها جات على قد كده....ربنا يعوضكم ان شاء الله
عمر ويمنى:يااارب...
باسم:ماما لو عرفت هتزعل أووي
عمر بتحذير لأخوه:بااسم....أوعى ماما تعرف بحكايه الحادثه دي
باسم: أكيد مش هقولها...بس بالنسبه لدماغك دي..وتعب مراتك هتقولها ايه...ولو سألت عن إختفاء العربيه...ردك هيبقا ايه
عمر:هقولها اي حاجه وخلاص....المهم متعرفش...مش عاوزها تشيل هم حاجه
باسم: تماام...طيب وبالنسبه لحمل يمنى اللي نزل
عمر بحده: بص يابااسم...من الأخر كده انا ميهمنيش غير مرااتي...بحمد ربنا ألف مره إنها بخير...والعيل اللي راح يجي بداله عشره
باسم: يبني والله مقصدي حاجه...أنا بتكلم على ماما..انت عارف انها مبتعديش حاجه بالساهل
عمر: اووف...بااسم...ربك عااوز كده...خلااص انتهى الموضوع
........
بااسم: ايه ده!! مااماا بتررن اهي
عمر: طااب كنسل...خلاص احنا داخلين عالڤيلاا أهوو
.....
وصلواا للڤيلاا....
عمر نزل وشايل يمنى على إيده....وهي مدخله راسها جوا صدره.....خاليفه من مواجهته مامته...حمااتها يعني 🙂
أول ماشافتهم...جرت عليهم وعلاماات الخوف على وشها..
—عمرر...حبيبي...الحمدلله انك طلعت سليم من الحادثه البشعه دي....ده انا لماا عرفت الخبر...قلبي كان هيقف
(وقفه هناا بقاا نعرفكم بحماة يمنى....أم عمر وبااسم.....
طنط فااديه....الحجه فااديه دي ياجمااعه بتكره يمنى بمعنى الكلمه...كانت عااوزه تجوز عمرر لبنت أخوها المستشاار.....عمر وباسم وريناد أختهم اللي كان فرحها في الحلقات اللي فاتت...التلاته دول ورثوا جمالهم من أمهم...فاديه جميله..بس بخلاف ولادها في الطبع..هي مغروره شويه....لا شويتين تلاته 😂💔...وشديده في معاملتها..هي دكتوره في الجامعه وعندها ٥٣ سنه بس اللي يشوفها يديها ٤٠ سنه .)
عمر بذهول: انتي....انتي عرفتي منين!!!
فاديه وهي بتشير لتليفونها: الخبر بقاا ترند عالنت
عمر في سره: يااولاااد الكللب...لحقتواا جرستووني على رأي يمنى 😂
....حصل خير ياماما...الحمدلله احنا بخير
فاديه وهي عينيها على يمنى بغل: ومرااتك مالها...رجليها اتكسرت ولاايه
عمر بغضب شويه: بعيد الشر ياماما..
فاديه: امال شايلها لييه!!؟
يمنى همست لعمر وعيونها دمعت : عمر نزلني...أنا هسند نفسي..وأمشي
عمر: ششش رجلك مش هتخطى الأرض لحد متخفي
...ماما...يمنى تعباانه شويه...عن إذنك هنطلع الأوضه نرتاح شويه...وخلى الخدم يجبولنا الأكل على الأوضه
فاديه: مطمنتنيش...حفيدي كويس
عمر : أنا اسف ياماما...بس ربنا مأاردش
فاديه بغضب وصوت عااالي: انت بتقووول اييه يااض انت
عمر بهدوء: اللي حضرتك سمعتيه...ادعلنا ان شاء الله ربنا يرزقنا قريب
فاديه بصراخ وغيظ وهي بتبص ليمنى: بووومه....متجوز بووومه...مناا قلتلك تعاالا أجوزك زينه بنت خاالك..... كاانت زماانها ملت البيت عياااال....لكن أقوول اييه...عششااان عصييت كلاامي...ربنا إداالك وااحده بوومه......واسمع بقااا يابن بطنيي...البت دي طول ماهي على زمتك...مش هتشووف يووم مرتااااااح...من أول ماادخلت حيااااتك....والمصاايب نزله علييكي زي الرز....طلقهااا واخلص من شؤمهاا الأسوود...اسمع كلااامي تكسب
عمر ضغط على سنانه من الغيظ: ماما...عااوزك تعرفي ان يمنى لو بعدت عنى ثاانيه...ابنك هيمووت.....نفس يمنى ده بالنسباالي هو الحيااه.....من الأخر كده..عمر اللي مكنش ليه في الحب...بقاا عااشق.........عن إذنك طالعين نرتااح
بصتلهم بغيظ: بكرره تقعع على جدوور رقبتك
باسم: مااما لو سمحتي كفاايه كده....انتي مش شاايفه حالتهم ازااي...يعني هما فيهم اللي مكفيهم
فاديه بسخريه: معتش غييرك يامعقد اللي يتكلم.....سابتهم ودخلت أوضتها
....
يمنى مستحملتش الكلاام اللي فااديه قالته: كتمت صووت عيااطها بالعاافيه....
أول مادخلوا أوضتهم..عمر حطها بلطف عالسرير...
يمنى إتفتحت في العيااط....بتطلع الكلاام بالعاافيه..: أناا....أنااا...أنا والله مليش زنب....أنا مكنش قصدي أفقد إبني....والله...غصب عني...غصب...عني يااعمرر...غصب..عنييي.......هي...هي ليييه بتكررهني كده...أنا حتى بعتبرهاا زي أمي...أناا عملتلها إييه ياااعمرر
عمر قلبه وجعه عليها...فضل يمسحلها في دموعها ويبوسها عشان تهدا....خدها في حضنه...فضل يهدهدها زي الأطفال ويطبطب عليهاا..
اناا اسسف...كل ده بيحصلك بسببي...متعيطيش...عشاان خااطري متعيطيش...حقك علياا اناا معلش....يمنى انا بعشقك..والله العظيم مقدر ابعد عنك لحظه...متحطيش كلام حد في دمااغك.....طول مناا معااكي متخاافيش من حااجه
يمنى بعيااط: عمرر....انت..انت...مش..هتسبني خاالص..صح
عمر وهو بيوطي على شفايفها: لأخر نفس فياا هفضل أعشقك...انا جنبك لأخر يووم من عمرري...يانبض الفؤاد ♥
....
[ حلقه ٢٣
عدا أسبوع على أبطالنا من وقت الحادثه.. يمنى مكنتش بتنزل من أوضتها عشان حاجتين... الأولى وهي إنها محتاجه راحه سواء نفسيه أو جسديه، لأن فقدان أول طفل مش سهل بالمره... تاني حاجه عشان تتجنب حماتها قدر الإمكان (تنفد بجلدها من لسانها يعني)...
أما عمر فهو بطبيعته الرجوليه بيقدر يتحمل أي حاجه، وطبعاً في المقام الاول والأخير فـ الأم تبقا أم مهما عملت.. عمر كان بينزل كل يوم يبوس على إيدها ويراضيها بأي شكل.. لكن للأسف هي من النوع المتسلط اللي دماغه ناشفه شويه.. وهي مكنتش حاابه يمنى من أول مره شافتها فيها.. وطبعاً السبب إحنا عارفينه....
عشان أكون منطقيه في كلامي، أي أم بتغير على إبنها أول مايتجوز، بس فاديه زودتها شويه.....
....
في الحديقه الواسعه المحيطه بالڤيلا...كانت قاعده بتشرب قهوتها وفي إيدها موبايلها..
— إنت يااولاا... واااد ياازففت يابااااسم
كان طالع يركب عربيته.. وبيتكلم في التليفون.. بس كان حاطط سماعه بلوتوث في ودنه، فمكنش محتاج يشيل موبايله... أيوه زي أرنااف كده 😂🤭
— طيب تماام.. اسبقيني إنتي عالمكتب وأنا خمسه وأكون عندك ... خلص مكالمته.. ولف يرد على فاديه
—صبااح الخير ياماما... أسف مسمعتكيش كان معايا مكالمه
—اممم... طييب.. ألاا إنت متشيك كده وراايح فين!؟
باسم بضحك: هكوون رايح فين يعني ياماما.. رايح المكتب زي كل يوم عندي قضيه
بصتله من فوق لتحت بصه سريعه....إتكلمت بنبره سخريه : وهي القضيه رايحلها من الساعه سبعه كده!؟ غرييبه يعني أول مره تروح بدري!!
زفر بضيق: ماما... أرجووكي.. أنا بجد مستعجل ومش وقت خناقات خاالص
إتصنعت العياط: كده يابااسم!... يعني هلاقيها منين ولا منين... من أخوك اللي من يوم مااتجوز وهو لازق لمراته.... ولا منك اللي من سااعة مانور سابتك واتجوزت واحد تاني.. وانت مديني الوش الخشب زي مايكون انا السبب.... ولا من اختك اللي اتجوزت ونسيتنا !!
مسح على وشه بزهق وضيق...هو اتعود على كده...اتعود إن وهو رايح شغله لازم يسمع الكلمتين دول.. خصوصاً سيرة (نور)..... عندنا بنسميها (الإسطوانه بتاعت كل يوم)
قرب منها... وطى على راسها يبوسها
—ماما... مفيش دااعي لكل ده... طبيعي ان عمر يفضل مع مراته... كفايه اللي هما فيه.. وبعدين يعتبروا عرسان لسه... معداش على جوازهم شهرين.... ورينااد في شهر العسل زي ماإنتي عارفه..
فاديه بخبث: ونور!!! لسه بتفكر فيها!؟
باسم بتأفف: لازمتها إيه السيره دي... الله يسهلها ... عن إذن حضرتك.. عشان متأخرش
—إستنى بس... ده بدل متشكرني إن خلصتك منها... دي كانت طمعااانه في فلووسك.. زي مامراات أخوك طمعت كده
باسم الغضب وصل أعلى مرااحله... بس إضطر يمشي.... هو عارف كويس ان ميقدرش يقف قصادها لان دي أمه... بس لو فضل واقف كتير.. مش هيترحم من الكلام اللي بيدمر قلبه اكتر ما هو متدمر....
..
أما فااديه فضلت عينها عليه بسخريه منه لحد مركب عربيه ومشى
شربت شويه من القهوه ونظرات عينها كلها غِل....بتكلم نفسها:
—الله يرحمك يامنير....الرجاله اللي خلفتهم....مطلعوش رجاله...واحد بدل ميكبر اسم شركات الرفاعي..لأ..لازق جنب مرااته..اللي هي أصلاً مجوزه إبنك عشان فلوسه...والبيه التااني...عنده إكتئاب عشان الست هانم اللي بيحبها سابته....ده بدل ميشكرني الخاايب عشان جوزتها لواحد تاني وسفرتها معاه...لأ..لااوي بوززه ويقولي إنتي السبب....إنتي اللي جبرتيها.....جبرتها على إيه!!..مهي لو مش بتجري وراا الفلوس..مكانتش سابتك وسافرت ياااهبل يااللي هتحسرني زي ماأخوك حسرني كده....منكم لله ياولاد بطني...شوية بناات ملهااش أي تلااتين لاازمه..تعمل في عياال منير الرفااعي كده!!! عليه العوض في عياالك يامنير...عليه العوض...
..
بتناادي بصوت عالي على وااحده من الخدم: ييااااأم حسسسن.......إنتي يااااست ياأم حسسن
أم حسن: إسمها عدلات والشهره أم حسن..ست بسيطه طيبه عندها ٤٨ سنه بتيجي كل تلات أيام تنضف الڤيلا كلها هي وكام بنت معاها.........جاات بتجري لما سمعت فااديه بتناادي عليها..
أم حسن: أيووه يااست هاانم
فاديه بتكبر: خلصتي!؟
— لسسه يااست هاانم...إحنا لسه جايين مبقلناش نص ساعه
—كتيير نص سااعه...ولاا تحبي أمشيكي وأجيب واحده تانيه
أم حسن بخوف: لااا...لاا....إحنا على اخررنا ياست هاانم والله
.... بس... بس... الست يمنى قالت متنضفيش الدور بتاعهم
وقفت مره واحده وهي بتزعق: ست يمنااااه مييين وززففت ميين.... اناا اللي كلااامي يمشي في البيييت ده.... إنتي فاااهمه ياأم حسن لاوالله أخصم منك نص الفلووس.... قاال ست يمنى قااال
أم حسن بخوف: والله... والله.. أنا مليش ذنب يااست فااديه..... هي اللي قاالتلي إنها هتنضفه.... والباشمهندس هيسااعدهاا
صررخت فيها بصووت عااالي.... أم حسن خاافت ومشت من قداامها في ثوااني
—وكماااان المهندس عمر الرفااعي بنفسه يكنس ويروق!!!..... لااااا البت دي زودتهاا أوووي....
شاالت كوب القهوه رميته بعصبيه من الغل....وجررت بكل قوتها وعينيها كلها شر.................بتطلع عالسلالم اللي بتوصل للدور العلوي في الڤيلا اللي بيخص عمر ويمنى.....وقفت فجأه....حطت إيدها على صدرها من الصدمه......بتكلم نفسها مش مصدقه اللي بتسمعه !!!!!
— هي حصلت يااعمر.!!!! مهرجاااناااات!!!!
*****
أماا بقااا الكاابلز اللي مجننااا معااهم دوول 😂🙈....تخيلوو كاانو بيعملوا إييه!!!!
عمر مااسك المسااحه بيمسح المطبخ ويمنى كانت بتنضف معااه...بس مش تنضيف زي بتاعنا ده!!
لااااااأه 😂😂...دووول كااانوا بيرقصوا علي مهرجاان (بسكوتايه مقرمشه 💃🏼😂)
وبينضفوا بطريقه غريبه ومضحكه ...فااديه كانت هتتشل لما شافتهم كده 😂😂💃🏼
....
قاعده جوه قلبي مربعه انتي لوحدك باربعه💃🏼
كل حاجه فيكي فيها منفعه مدلعه🤭😉
فيكي كل حاجه مسكره انتي زي الليد منوره😹♥
شوفتك معرفش ايه جراه
شايفك قمر ومنوره سمايا... سمايا
ست البنات ياساكنه جوايا... جوايا
انا بنسي الدنيا دي وانتي معايا... معايا
حلوه الحياه جميله اوي بيكي.... بيكي
ابيع حياتي من اجل معاليكي..... عليكي
انتي اللي ليا وانا هفضل ليكي.... ليكي
انتي بنبونايه ملبسه. انتي ع الجمال متاسسه
يابت انا عايزك كويسه.. كويسه
انتي بسكوتيه مقرمشه💃🏼💃🏼💃🏼(شبه السرسجيه في رقصهم خصوصاً عمر كان مجنون 😹)
.....
دخلت عليهم فااديه بصدمه وذهول....زعقت بصووت عااالي...الاتنين نطوا من مكانهم من الخضه..
—مش عييب علييك يااامهندس يااامحتررم
يمنى حطت إيدها علي بوقها من الصدمه وإستخبت ورا عمر...بتحااول تهرب من نظراات فااديه اللي شبه الجحيم
خد نفس عميق....مسح بإيده على وشه بعصبيه....لف ليمنى اللي كانت مسكه في هدومه من الخوف.....حااوط وشها بإيده بحنيه
—حبيبي...إدخلي إنتي الأوضه دلوقت....
هزت راسها بطاعه...ومشت دخلت أوضتهم...تحت نظرات فاديه الحقوده
عمر حط إيده في جيبه: هااا ياماما....إتفضلي...سامعك
فاديه بغيظ وزعيق: هو إييه البرووود اللي فييك ده!!!
إييه اللي كنت بتهببه ده!!
عمر ببرود: بسااعد مرااتي
—بتسااعدهاا في إييه!! في الهيااافه!!
—أظن دي حاجه تخصنا...ثم إن مشتكتش لحضرتك....
—بس...بس...أنا قلت للخدم ينضفوا هناا
—والدور ده يخصني...ويمنى بتحب تعمل الحاجه بإيدها
فاديه بسخريه: وإييي...وإنت..بقاا ساايب الشركه وبتنضف مع ست الحسن والجمال!!
—عندك حق هي فعلاً ست الحسن والجمال....ماما...إنتي ليه مش بتحبي تشوفينا مبسوطين!!
—فاديه بزعيق: عااوزني أبقى مبسووطه وإبني وااحده ضحكه عليه
—قااصدك إيه بضحكه عليه
—قااصدي إنهاا مستغليااك عشاان فلووسك
عمر بسخريه: هههه اااه....زي ماانور كانت مستغليه بااسم كده...ولاإنتي إييه رأيك!!
فااديه بإرتباك ظهر عليها وهي بتكلم: اااا...أنااا...أنااا عملت الصح..
عمر وهو بيتجه لأوضته وماسك ضهره بحركه مضحكه: طاايب...أستأذن أناا بقاا..لانا ضهري وجعني من التنضيف
زعقت بصوت عاالي وغيظ: هو إنت إتغييرت كده لييه!!...فين عمرر بتااع زماان!!
عمر بثقه: ماات...عمر بتااع زماان ماات...وإتولد من جديد على إيد بنت أصول...واحده كل همها إنها تفرحني وتشوفني مبسووط...وااحده معاايا عالمره قبل الحلوه.....عمر بتااع زماان...كاان ملياان عيووب....جاات هي وغيرتني للأحسن
...مش فااهم أنا لييه مبتحبهااش!! مع إنها بتعتبرك زي أمهاا.....يمنى عملت فيكي إيه ياماما عشان تعامليها كده!!
فااديه بغل واضح: مش وااحده زي دي..أبوهاا شغاال نجاار باليوميه...أعتبرها بنتي ولاا مرات إبني...لااا...إنت بتحلم....إنسـى..
—بس اللي مش عجبااكي دي...بنااات الدنياا كلهاا متجيش ضوفر فيهاا....وعن إذنك بقاا..
مردتش عليه وبصتله بغيظ ونزلت تهري في نفسها.....خدت الصااله رايحه جاايه تفكرلهم في مصيبه...
****
عمر دخل الأوضه لقى يمنى.. مكومه نفسها عالسرير وحطه إيدها على وشها وبتعيط...
بيشيل إيدها من على وشها... شدت إيدها منه وحطتها تاني.... وجسمها بيرتعش من العياط
عمر بيأس وقلة حيله: أنا اسف.. حقك عليا أناا... معلش إستحمليها... هي لسه مخدتش عليكي برضه
يمنى من بين عياطها وشهقاتها المتتاليه: أنااا... أناا.. مستحملااها ياعمر.. وبرضه مهما تعمل هي زي ماما... بس.... بس لييه تااخد فكرره عني... إن.... إن متجوزااك عشان إنت غني.... مش زنبي... مش زنبي إني إتولدت في عيله على أد حاالها.... أنا... أنا بفتخر باأبويااا... وتغورر فلووس الدنياا كلها
شدها لحضنها، طبطب على ضهرها
—وأناا بفتخر إنك مرااتي... وليا الشرف إن أبووكي حمايا..... صدقيني يايمنى... وأقسم بالله الكلاام ده كله مش فاارق معاياا... أنا بحبك... والله بحبك..
لفت إيدها عليه تضم نفسها ليه أكتر.. كأنها بتستنجد بيه.....
مرت عليهم دقايق وهما على الحال ده...
مسحت دموعها.....شالت إيدها من على ضهره.... حاوطت وشه بحنيه
—عاوزااك تعرف إن مهما حصل مش همّل من حبك ثانيه... ومامتك مهما عملت هي على راسي... كفاايا إنها أم حبيبي ورااجلي..
بص لشفايفها بتلذذ وخبث: عااوزااني أعمل فيكي إيه بعد الكلام اللي قلتيه ده....
(بتجرجرني للرذيله وأنا بصراحه بحبها😹😹🤭)
مستناش إما ترد عليه..في لحظه كان ساحب شفايفها في قُبْله عبرت بكل الكلام اللي جواه
(بوسه جاامده فحت بالمصري يعني...عشان إخوتنا اللي من دول تانيه 😹💋)
بعد دقائق وهو مستمر في عسل شفايفها....الموبايل رن
يمنى إنتفضت من تحته مخضوضه...بتمسك شفايفها المتورمه بكسوف
—أحيييه
عمر بضحك:ههههه هو إنتي ليه محسساني إن بعمل جريمه
يمنى وهي بتقفل أزرار البيچامه اللي عمر فكهلها...وبتنزل من السرير ترد عالمتصل: صووت الموبايل خضني...الله...إنت مبتتخضش ياعبده 😂
عمر: هههههه عبده!!! طيب إخلصي ردي وتعالي عشان عبده لسه مشبعش
يمنى: دي ماما اللي بتتصل....ألو...إزيك ياماما وحشتيني
سناء: وإنتي كماان وحشتيني يابنت الجذمه
يمنى بضحك: ههههه ياماما ليه الشتيمه بس
سناء: عشان من سااعة ماإتجوزتي وإنتي ضربه الطناش
....عاامله إيه يابت وجوزك عامل إيه
الصوت كان طالع من التليفون وعمر سمع
عمر بضحك: عاامله إييه يااطنط سنااء...كده برضه ترني وأنا لسه مشبعتش
يمنى بصتله وحطت إيدها علي شفايفها..عشان يسكت
سناء: ههههه اسفيين يااباشا...كنت بتتغدى إيه حلو
بيغمز ليمنى اللي خدودها إحمرت: كنت بتغدى بووس....إحمم قصدي عسل
سناء بضحك وغضب مصطنع: قليل الأدب يااجوز بنتي والله
شدّ من يمنى التليفون
—بقلك ياطنط متيجوا إنتي وعمو سلامه ووائل تتغدوا معانا بكره ونقضي اليوم سوا
—إن شاء الله ياحبيبي...هقول لعمك ولو وائل فاضي يبقا يجي معانا
—تنورونا والله
—ربنا يخليك ياحبيبي....يلاا مع السلامه
—مع السلامه...في رعاية الله
....
يمنى هي حطه إيدها في وسطها وبتبص لعمر بغيظ
—مش عيب اللي إنت قلته لماما ده
—لاا مش عيب يانبضي......وهو وبعدين دبل كيك كانت هي عالسرير وهو فوقها
عمر وهو بيبص لشفايفها بخبث —كنا بنقول إيه قبل مالتليفون يرن
نسيبهم بقاا في اللي كاانوا بيقولوه ونرووح للمعقد أخوه
😹💔
*****
باسم ركن عربيته.ونزل بكامل أناقته ورجولته اللي فتنت بناات إسكندريه كلهم..وريحه برفاانه اللي كانت بتوقع قلب كل اللي يشمها.....دخل مكتبه............ رجع لورا من الصدمه أول ماشافها!!!!
باسم بصدمه وذهول: نووور !!!!!
...
نور محمد سرحان... بنت جميله وطيبه بمعنى الكلمه... عيونها خضرا وبشرتها بيضه وخدودها دايما ورديه... هي محجبه...والدتها إتوفت وهي عندها ست سنين...ابوها راجل غلبان شغاال في مستودع أنابيب ومرضاش يجوز وفضل أن يعلم نور بنته الوحيده ويدخلها كليه.... عندها ٢١ سنه في كلية تجاره إنجليزي... وللأسف مكملتش في كليتها بسبب الظروف اللي حصلت.....
....
عيونها الجميله كانت دبلانه من الحزن والعيااط..وشها باين عليه الإرهاق والتعب......بصتله بإشتياق وحب أو ماشافته
عيونهم فضلت متعلقه ببعض لدقايق..كأن كل واحد فيهم بيعاتب التاني...وأخيراً فااق من صدمته
قفل باب مكتبه....صرخ فيها بصووت عاالي أرعبهاا
—إنتي إييييه اللي جااابك....عااايزه مني إييييه تااااني
جسمها إرتجف بشده من الخوف والعياط
—صدقني...أناا...أناا..والله ماخنتك...بااسم...أنا بحبك والله
شاال كل اللي محطوط عالمكتب رمااه بعصبيه وزعيق
—إخرررصيي....إنتي بالذاااات متنطقيش سييررة الحب على لسااانك.....متتصورييش أناا قرفااان منك إزااي
بتكلم بصوت مبحوح من العيااط
—طيب...طيب...ممكن تسمعني للأخر............بااسم...أرجووك
قرب منها بعيون كلها شر..........شدها من درااعها بكل قوته..رمااه على الأرض
إتأوهت بألم من درااعهاا
—إمشي إطلعيي برااااا.....ومشوفش وشك هناا تااني....برااااا
نور بعيااط وتعب: باااسم....باااسم أناا هرربت....هرربت من الكويت وجيت على مصرر...بااسم أناا هربت عشاانك......صدقني أرجووك.....أنااا....أنااا هربت منه قبل مايلمسني...اناا مجوززه على ورق بس....مخلتهوش يلمسني.....عشااان أوفي بوعدي ليك إن مفيش رااجل يلمسني غيرررك
صقف بإيده وهو بيبصلها بسخريه:
—براافو....حدووته حلووه....إتفضلي بقاا إطلعي براا قبل مأأفقد السيطره على نفسي وأقتلك
قاامت على حيلها بتعب...قربت منه....كاانت يدوب واصله لكتفه.....صرخت فييه وهي بتضربه في صدرره
—إفهـممم بقاااا.....أنااا مليييش ذنـب في حاااجه....أمك السببب.....أمك السببب يابااااسم.....أمك هي اللي فرقت بيناا.....والله العظيم أناا مليش إيد في اللي حصل......أناا...أنااا...كنت عاامله زي العرووسه اللعبه اللي في إيدها....هددتني أنها تقتل ابويااا لو مبعدتش عنك........مكنش....مكنش قداامي حل غير إني أسمع كلامها......بس لماا عرفت إن بابا ماات من إسبووع...هربت وجيت علشاانك....عشاان معدتش عندي حااجه أخااف عليهاا......لوو هتوصل إنهاا تموتني...أنااا...أنااا مش فاارق معاايااا......
سكتت شويه تاخد نفسها من العيااط
كملت...بس...بس...المهم عندي إنك تعرف إني مظلومه وإن محبتش حد أدك.......
عينيها تقلت ومبقتش شايفه قداامها
بحبك...والله...بحبك.......(أُغمى عليها وهي بين إيديه)
بااسم بخضه وخوف: نووور !!!!!
😹😹
[ حلقه ٢٤
......
في البيت المتواضع بيت الحج سلامه والد يمنى..
كانت سناء جايبه صينية العشا المكونه من طبق فول وفلافل وبيض وجبنه وبطاطس بالإضافه للمخلل والعيش
حطت الصينيه ونزل سلامه ووائل يتعشوا... كالعاده أي قعده مصريه سواء في فطار أو غدا..او عشا لازم حد يفتح موضوع كأن الأكل مبيحلاش غير بالكلام 😂..
سناء: كلمت يمنى إنهارده
سلامه: عامله ايه ويا جوزها...صحتها ونفسيتها بقوا أحسن شويه
سناء:اهو الحمدلله والله ياابو وائل انها جات لحد كده...أنا بقول سقوطها في اول شهر أهون بكتير من إن لقدر الله تنزله بعد مابقا مكتمل
سلامه: الحمدلله..قدر الله وماشاء فعل
سناء: عمر عازمنا عالغدا بكره..هنروح ولا وراك شغل
سلامه: والله انا بقول نروح نسهر بالليل شويه معاهم وخلاص ملوش لزوم غدا ونبقا عاله عالناس
وائل: بابا كلامه مزبوط...خصوصاً إن مبستريحش للوليه حماتها دي
سناء بحده: إختشي ياولاا..دي حماة أختك
وائل وهو بيقوم من الأكل بعد ماشبع: أنا عن نفسي مش رايح...ورايا كليه وإنتي عارفه إن دي سنة الإمتياز بتاعت صيدله..وعندي ضغط كبير ومش هفضى والله..هبقا أعدي عليها بعدين..
سناء: مااشي يابني ربنا معاك.......خلصت ياأبو وائل اشيل الأكل
سلامه: شيلي..انا هبقا أكلم يمنى أقلها إن هنبقا نجيلك بعدين
عشان عندي شغل انا كمان بكره
سناء: ماشي ياخويا..ربنا يرزقك..
(بيتصل بيمنى)
جرس...مبتردش
جرس....مبرتدش
(بيتصل على عمر)
جرس...مبيردش!!
سلامه: محدش فيهم بيرد...هبقا أكلمها وقت تاني بقا
***
عمرر ههههه هتلسع والله إبعد...يااربي......طب خليني أعمل الفشاار الأول هيتحرق
—تؤتؤ هفضل ازغزغك لحد متقولي حقي برقبتي وإنتي اللي تطلبيها مني كمان
بتهرب من بين ايديه مش عارفه....شالها نيمها على رخامة المطبخ الكبيره ولسه بيزغزغها
—هاا...هتتأسفي ولاأقطعك
بتهز كتافها بدلع
—قطعني حته حته وأرميني لأي قطه...أنا كنت بحب سته دلوقتي بحبك إنت 😂😂💃🏼
عمر بضحك وغضب مصطنع: إيييه!! سته!!!
طااااايب....أنا بقااا بالسته بتووعك دوول كلهم...بيخلع التيشيرت
نزلت من عالرخامه تجري...تهرب منه وهي بتضحك
..... عرفت تهرب منه ودخلت الأوضه.....طلعتله لسانها وهي بتقوله نيهاااع هربت منيهم هق هق هق....... وقبل ماتقفل الباب ....زق الباب بإيد واحده ودخل وهوا بيضحك على أخره....كان وقتها خلع التيشيرت
تنحت لعضلاته البارزه
—اييه الفورمه الجامده دي...أول مره اخد بالي منها..ده ولا فورمة رانبير كابور 🤤😍
—مين يااختي!!!..... امممم داانتي مبتحرميش بقاا.... عمر وهو بيقرب منها وهي بترجع بضهرها لورا.... لحد مابقاش فيه مساحه بينهم.. حط إيديه الإتنين على الحيطه وراها يمنعها من الحركه.... بيمشي عينه على جسمها وهو بيتكلم
—فااكره لما كنا كاتبين كتب الكتاب وخرجنا وقلتيلي شايف الواد السوري اللي في المطعم الحلو ده!!... طب فااكره أنا عملت إيه وقتها لما قعدتي تعيطي!!.. المره دي بقاا احنا لوحدنا ومحدش معانا....... يعني وعهدالله مناا سايبك يايمنى غير إما تعتذري إعتذار ينسيني إسم الززففت اللي قلتيه.......... ااااه نسييت... صح... بقاا بتطلعي تجري مني وتقوليلي إنت بتبووس بغباء.... طااايب وريني إنتي بقاا الحنيه ياقطتي....
يمنى:......
—إنتي يابت...إنتي تنحتي كده لييه....طاايب.... إنتي اللي جبتيه لنفسك.....هضطر أفوقك بطريقتي الغبيه.....بيوطي عليها يبوسها
يمنى بصوت عالي خضيته:الفشااااار....يختااااي الفشااار زماانه إتحرررق....طلعت تجري بعد ماهربت من تحت إيديه
عمر راح جااب إيد مقشه 😂ودااخلها المطبخ وهو بيقول بصوت عاالي وبيضحك
—انتي شكلك مش هتجبيها البر إنهاارده...
يمنى أول ماشافته بتبص لإيد المقشه وبتضحك
—إيه يااحبيبي...إتعلمت الكنيس إمتى
بيضرب بالمقشه على الحيطه وهو بيبصلها بخبث وضحك
في ثواني طلعت وقفت على رخاامة المطبخ وهي ماسكه شوكه خشب كبيره بتاعت الطبيخ دي 😂
—لو قرربت مني هعورك...وكما قال عبد الحليم حافظ...هتعورني هعورك وابوظلك منظرك 😂😂
—حسبييي يايمني في سكينه تحتيكي....بتبص تحتها...هووب في ثانيه كانت بين إيديه جوا حضنه
—احممم...كنتي بتقولي عبد الحليم قال إيه!!
—علفكره انت بتغش وانا مش هلعب
—هههههه لاا الصراحه لسه مبدأنااش لعب ياقطتي
—طيب...إعملي فشار بدل اللي إتحرق ده...يلااا ملييش دعوه
—هعملك كل اللي إنتي عاوزاه.. بس تتأسفي الأول
—اممم... طب أنا اسفه
—هاهاها... لاااياقطتي مش الأسف ده... إنتي فهماني كويس ياحلوه
—عمر... هو إنت بتحب قلت الأدب ليه🙂😂
—خلااص... أسف.. هروح أحبها مع واحده تانيه 😜
—ده أناا أقتلك وأقتلها..
بيهمس قدام شفايفها: بتغيري
ردت بنفس الهمس وهي بتحكم لف إيدها على رقبته: أوووي..... بغييير أووي ياعمر
—رووح عمر إنتي💋...... يدوب لسه بيلمس شفايفها بعدت عنه
—إستنااااا
بيتنهد بيأس: إييه تااااني..
—المسلسل زمانه بدأ... عشاان خاطري خليناا نسمعه وهعتذرلك بالطريقه اللي تحبها بعد مايخلص..... بلييز يااعمرر... بلييز... بلييز..
—بتضغطي علياا يعني عشان عارفه إن معرفش ارفضلك طلب يالئيمه 😒😂
—بااسته بووسه سريعه ونزلت تجري عالتلفزيون....وهي بتقول
مسلس جمااال الحرييييم بدأ ياابشرررر... اللى الانهائيه وماابعدهاا نيهااااع
عمر كان جااي بيضحك وجايب طبق فاكهه في ايده
—ههههه طفله... مجوز طفله والله
الشاشه كانت قصاد السرير... المسلسل بدأ وهي إندمجت معاه.... رغم إنه ملوش في المسلسلات بس أي حاجه هي بتحبها هو كمان بيحبها.... شايفها أحسن ست في الدنيا ويتمنالها الرضا ترضى... بغض النظر عن الفرق المادي بينهم... بس عمر مشفهاش بالمنظور ده... عمر مبيهتمش بالشكليات والكلام الفارغ ده... كفايه انها معاه وفي حضنه... كل اللي يهمه في الدنيا سعادتها... يمنى... يمنته هو بس.. ♥
شالها قعدها بين رجليه... سندت راسها على صدره
بيقشرلها الموز ويأكلهولها... وهو بيبوس كل حته في رقبتها بحنيه
يمنى بضحك: عمرر... هههه... بغيير... بغير من رقبتي... ياعمررر
وقف بوس فيها
—طيب ايه اللي مش بتغيري منه
من غير متاخد بالها قالت: شفايفي!
مكملتش الكلمه وكان ضاغط على شفايفها بكل قوته........ بعد دقائق بعد عنها يسمحلها تتنفس وهو بيلهث على أخره
—بعشقك ... بحبك أووي ياقطتي
ضربته في صدره بخفه: منك لله... كل مره المسلسل يضيع عليا
عمر بضحك: ههههه اعمل ايه ماانتي اللي انوثتك بتفقدني السيطره على نفسي....
(لحظه وموبايله رن)
بص في الموبايل... كان باسم هو اللي بيتصل
—اييه ده!!... ده بااسم!!... ربنا يستر... مبيتصلش غير إما يكون فيه مصيبه
—الوو... ايوه يابااسم...... لأ انا في الڤيلاا..... طيب مساافة السكه وجاايلك..... سلاام...
—في إيه ياعمرر
باسها من أرنبة مناخيرها برقه وهو بيقوم من السرير
—مفيش حااجه يااروح عمرر.... هوو عااوزني أروحله المكتب... معرفش ليه...
غير ملابسه... ولبس قميص اسود وبنطلون چينز أزرق
بيرش برفانه اللي يمنى بتعشق ريحته...... لقااها بتفكر في حاجه وزعلانه...... رش شويه من البرفان بهزار على الكاش مايو اللي كانت لابساها.... شدها قومها.... وقفت على رجله... وهي بتبص لعيونه بزعل...
حاوط وشها باإيده وهو بيمشي إبهامه على خدودها
—ممكن أعرف دلوقت ايه اللي مزعلك
—بفكر لما ترجع الشركه تاني... أنا هبقا قاعده لوحدي
—متقلقيش.... مش هغيب... وهكلمك علطول... عشان أنا والله مبقتش قادر أبعد عنك دقيقه..... يمنى... إنت متعرفيش عملتي في عمر إيه.... اناا كماان شويه هفقد عقلي بسبب شقاوتك وطعامتك دي
—ههههه بعيد الشر
—بحبك... بااسها من راسها... ومشي........
*****
عند باسم ونور...
بلّ إيده ميه ومسح على وشها... لحظات وفااقت
شهقت بفزع وهي بتمسك في قميص بااسم جاامد
—باااباااا
صعبت عليه حالتها... غصب عنه لقى نفسه بيضمها ليه جاامد
—وحشتيني.... وحشتيني اوووي.
رجعت تعيط تااني وهي بتفك إيده من عليها
—بااسم... بااسم... لو سمحت ابعدي عني.... متنسااش ان على زمة واحد تاني
جسمه إنتفض لما سمع منها كده... بعد عنها... جاب المج اللي كان محطوط قدامه عالمكتب... رماه على الأرض بعصبيه وهو بيزعق
—ولمااا إنتي على زمممتتت زززفففت جيااالي ليييه.......... هاااااااه.... عاااوزه مني إيييييه
مردتش وفضلت تعيط وجسمها يرتعش جاامد
إتنهد بصعوبه.. مسح على وشه مروراً بشعره بزهق
قرب منها... قعد قصادها على الأرض... رفعلها وشها يمسحلها دموعها
—أناا عارف إنك ملكيش زنب في اللي حصل.... بس عارفه أنا كنت مستني بس تيجي تحكيلي على اللي حصل... ساعتها واقسم بالله مكان حد عرف
يمس شعره منك.... لكن إختفائك المفاجأ ده هو اللي كسرني يانور.... طول الفتره اللي إنتي بعدتي عني فيها... أنا كنت بموت حرفياً.... مكنتش أتوقع إنك تبقي لراجل غيري
ردت من بين عياطها وشهقاتها
—وعشان بحبك... أخدت فلوس من وراه وحجزت طياره وجيت على هنا... عشاانك... جيت عشاانك يابااسم
—وباسم فتحلك حضنه تااني ومملش ولا هيمّل من حبك
تلاقت عيونهم لثوااني... لحظه وكان واخدها جو حضنه... بكل قوته كان مكتفها جواه.... حضن مليان عتاب وإشتياق وعشق...
بعدت عنه
—هنعمل إيه... هخليه يطلقني إزااي...
—سمعت إن عنده خمسه وستين سنه.... بسيطه... متحمليش همّ حاجه... أقل من إسبوع هجبلك ورقة طلاقك.... وفي شهور العدة هتبقى دي شهور خطوبتنا.... وهنجوز... وهعملك أحلى فرح في مصر كلهاا..... هو أنا حيلتي كام نور
ضحكت برقه وخدودها اتلونت بالوردي من خجلها
بتلمس دقنه برقه
—دقنك حتى وهي كبيره حلوه عليك
باسم بضحك: هههه ده انا مش فااضي أحلقها بس
—إنت حلو في أي حااجه يابااسم
—صدقي بالله... وحشتني رقتك..بيقرصها من خدها بخفه وخدودك الطريه دي عااوزه تتاكل
—ههههه.... لسه وقح زي ماانت
—وعمري ماكنت وقح مع حد غيرك يانوري
..... بقلك اييه... اناا مش عااوز ماما بالذات تعرف انك نزلتي مصر.. ولو انك الراجل ده ممكن يتصل يقولها... بس اناا وعمر هنزبط كل حااجه
نور بشهقه: انت... انت قلت لعمر
—متقلقيش... عمر اخويا دماغه توزن بلد... هو اللي هيعرف يتصرف مع الراجل ده... معارفه كتير في الكويت
.... بصي.... انا كنت شااري شقه فخمه كده في ميامي.. هتعجبك اووي... كنت عملاهلك مفاجأه لما نجوز... عشان بصراحه عاوز استقل في بيتي بعيداً عن الڤيلاا....
مفتاحها هيبقا معاكي وتقعدي فيها
—شكراً ياباسم
—نور... عاوزك تفهمي ان بعتبرك بنتي ومسؤله مني... مش مجرد واحده بحبها... فااهمه يانوري
—فاهمه...... لحظات وعمر وصل....
*****
يمنى كانت زهقانه بعد ماعمر مشى.... فقررت تعمل كيك
.... عملت كيك الشوكولا.. وقطعت نصها... حطيته في طبق شيك عشان تنزله لحماتها
يمنى لنفسها وهي بتدوق الكيك: تسلم ايدك يابت يايمنى والله.... دانتي المفروض سالي فؤاد تعملك حلقه لوحدك... ههههه إماا أخد حتتين كده أدوقهم لحماتي.... هي برضه زي ماما..
قبل ماتفتح الباب وتنزل.. افتكرت تاخد الموبايل معاها عشان لو عمر اتصل
نزلت تحت... كانت فااديه قااعده في الريسيبشن قدام اللاب توب.... الريسيبشن كان موصل جنب المطبخ
يمنى مأخدتش بالها انها قاعده..... موبايلها رن
—رقم مين الغريب ده!! أروح ادخل الكيكه المطبخ الاول وأرد.. يمكن يكون عمر موبايله فصل و بيتصل من رقم باسم
....
—الوو.... الووو.... مين!!
المتصل: اييه مش فكرااني!!
—انت ميين ياحيواان انت
المتصل: لسه لساانك طويل زي ماانتي.... بس وحشتيني... اخبار الباشمهندس ايه... مبسوطه بفلوسه!!
يمنى بزعيق: انت بني ادم مش محترم.... متتصلش هناا تااني... جتك القرف.... قفلت في وشه... فااديه كانت واقفه بتتصنت عليها
فاديه بخبث: ده كده احلوووت أووي!!