رواية :
الخائنه
الحلقه السابعة
والثامنة
بقلم : دوداا حوده
.
.
.
احمد : الله يبارك فيكي بجد ... انتي زي ما اتحكالي عنك بالظبط مش سهله ومش عارف اي دماغك دي!!!؟
ناهد : انا ابدا والله ... انا اسهل مني مافيش ... بس اللي يجي علي حاجه بتاعتي ممكن اروح فيه ف داهيه ومراتك شكلها حنت لايام زمان مع محمود .
احمد : احب اقولك انا عارف ان مراتي راحت هناك لهدف هي عايزاه بنيه سليمه مش النيه القذره اللي في دماغك انا عارف مراتي كويس وحتي لو مش عارف هي اتجوزت راجل بعد ما كانت متجوزه ... سوري يعني ... فأكيد عمرها ما هتفكر فيه تاني ... اللي تتجوز محمود ده وحده زيك انما حنان بنت الاصول المتربيه ... غلطت غلطه زمان ... وكانت لازم تصلحها طبعا وصلحتها بطلاقها من محمود ... انا مش شوفته بس كل الأفعال تقول أن محمود ده مش راجل ... عايزه حاجه تاني يا مدام ؟؟؟
وخرجت ناهد وهي مخنوقه جدا من أسلوب كلام احمد
🔸️🔸️🔸️
أحمد روح البيت
حنان : حبيبي انت جيت حمد لله على سلامتك
احمد : الله يسلمك يا حنان
حنان : مالك فيك ايه؟؟؟ شكلك مضايق ليه كده
احمد : حنان هو انتي روحتي بيت محمود طليقك
حنان : ايوه بس مروحتش عندوا هو كنت في شقه مامته
احمد : واي اللي وداكي هناك
حنان : اول لما عرفت اني حامل اتجننت وروحت علشان افهم ليه كان بيعمل فيا كده وكان مفهمني أن مشكله الحمل من عندي انا ... بس بصراحه حسيت اني غلط اني عملت الموضوع ده لولا اللي حصل مكنتش أطلقت منه واتجوزتك وعوضني عن كل حاجه وحشه حصلت ليا ...
احمد : انا زعلان يا حنان بس زعلان منك اوي ودي مش حركه تعمليها
حنان : انا عارفه اني غلطانه والله واوعدك عمرها ما هتحصل تاني
احمد : انا عارف انك انسانه محترمه ولو الحركه دي حصلت منك اكيد حصلت بدون ما تقصدي نيه وحشه
حنان : اكيد والله هي دي الحقيقه
احمد : خلاص الحوار خلص وعارف انك عمرك ما هتعملي كده تاني بس بشرط!!!
حنان : شرط أي ؟؟؟
احمد : خديجه ملكيش دعوه بيها برضه او مش كده بالظبط هي عايزه تيجي تنور إنما انتي تروحي لا
حنان : وليه خديجه انسانه محترمه وهي وجوزها بعيد عن البيت ده بمشاكله
احمد : عارف بس لو محمود فكر يروح لأخوه انتي مش هتقدري تقولي حاجه ليه ... صح ولا لا ؟؟؟ وانا مش حابب كده ريحني .
حنان : حاضر يا قلبي انت تؤمر عنيا ليك
احمد : ربنا يخليكي ليا يارب ...
🔸️🔸️🔸️
ووصل محمود البيت لقاه امه عامله تعيط
محمود : مالك يا امي فيكي اي
الام : امك امشي اطلع برا مش عايزه اشوف وشك هنا ... قلبي وربي غضبانين عليك
محمود : ليه بس اي اللي حصل
كوثر : اي كميه القرف اللي فيك دي لا وكنت عامل مسلسل هندي وقولت انك مش عايز تتجوز ناهد وانت يعتبر متجوزها من زمان ومخلف منها اتنين كمان
محمود : هو يحيي قالكم وأقسم بالله انا بكره الانسانه دي دلوقتي
الام : بعد اي امشي اطلع برا الحمد لله ان اخوك مات قبل ما يعرف بالموضوع ده
داليا : وانا اضمن منين انكم مش عملتوا حاجه في بابا
كوثر : بابا اي بقي ده طلع عمك ابوكي قاعد قدامك اهو منه لله
داليا : لا انا ابويا ... مات واللي موته عمي وانا هقتلك يا عمي ومش هخليك علي وش الدنيا يوم تاني ومسكت السكينه والكل جري عليها ومسك السكينه منها
الام : امشي يا محمود اطلع برا حسبي الله ونعم الوكيل فيك يا اخي منك لله
🔸️🔸️🔸️
وفي بيت يحيي
خديجه : انت ناوي تعمل اي يا يحيي
يحيي : مش عارف بس الاتنين دول لازم يموتوا زي ما مصطفي مات
خديجه : اعقل يا يحيي والنبي وفكر بالعقل الله يخليك
يحيي : هو انا بقي فيا عقل
خديجه : لازم يكون فيك يا حبيبي انا مش بدافع عن محمود بس بجد انا حاسه انو ندمان .
يحيي : انتي بتتكلمي جد ندمان بعد اي بعد ما بقي عندو بنتين من مرات اخوه ... والله ناهد دي تستاهل الشنق وقريب باذن الله ...
🔸️🔸️🔸️
وفي بيت ام ناهد ...
الام رجعت من برا بعد ما الناس اتصلوا بيها وقالو أن الشقه بتعتها ولعت
الام : بنتي ناهد ... حبيبتي يا بنتي وكانت ناهد متفحمه ... في اوضتها ويعتبر دي الاوضه الوحيده اللي كانت ولعه اوي يعني بفعل فاعل... اكمل ولا كفايه كدا ...
رواية :
الخائنه
الحلقه الثامنة
بقلم : دوداا حوده
.
. ان لم يكن فيه تفاعل وتعليقات ساوقف النشر
.
داليا في سريرها عامله تترعش جامد
ياسمين : فيكي اي يا بنتي شكلك عامل كده ليه وداليا مش بترد عليها وخرجت تنده لعمتها
ياسمين : عمتو والنبي تعالي شوفي داليا مالها
كوثر : مالها مهي كانت كويسه وقالت إنها خارجه مع اصحابها
ياسمين : من ساعت ما رجعت وهي عماله تعيط ومش عارفه مالها دخلت كوثر
كوثر : مالك يا داليا يخربيتك انتي جسمك متلج
داليا : والله ما كان قصدي اموتها انا كنت بهددها بس والله والله ما كان قصدي اولع فيها انا رميت فعلا البنزين بس هي اللي ولعت في نفسها
كوثر : انتي بتقولي اي انا مش فاهمه حرقتي مين اتكلمي
داليا : ماما والله هي اللي ولعت نفسها مش انا انا رميت البنزين بس
كوثر : عملتي ايه يخربيتك مش فاهمه قولي بالراحه خليني افهم ......
🔸️فلاش باك🔸️
داليا راحت لمامتها بيت جدتها
ناهد : والله لسه فاكره ان ليكي ام تيجي تسالي عليها ودخلت اوضتها ودخلت وراها داليا
داليا : ليه عملتي كده؟؟؟ بابا ذنبه اي
ناهد : عملت اي يا بت انتي انطقي عالطول
داليا : مش مصداقكي بجد انتي عارفه اني عارفه كل شي
ناهد : اممممم تعرفي اي يعني علشان انا اعرفك الباقي
داليا : خيانتك لبابا مصطفي
ناهد : مصطفي ميبقاش ابوكي
داليا : مش بمزاجك الخائن التاني عمره ما يكون ابويا ولا يشرفني أن أقول عليكي امي
ناهد : انتي قليله الادب بوصي انا مش عايزه اتنرفز عليكي بس انتي متعرفيش انا عملت كده ليه ومش هتفهميني
داليا : اللي انا فهماه انك خاينه ومش عايزه افهم حاجه تانيه الخيانه ملهاش مبرر فاكره انك مهما تقولي هقولك يا حرام دي ليها حق تخون بابا
ناهد : انتي غبيه يا بت مش ابوكي ... محمود اللي ابوكي افهمي بقي
داليا : ليه عملتي كده كنتي قادره تطلقي منه وتتجوزي اللي انتي عايزه
ناهد : مصطفي مكنش ليه في الجواز وعالطول كان بعيد عني وفي يوم كنت قاعده بعيط في البلاكونه ودخل محمود وكلمني
محمود : مالك يا ناهد فيكي اي
ناهد : ابدا مافيش مخنوقه شويه
محمود : علي فكره انا ممكن اسمعك ... واول ما نخرج من البلكونه ولا كني سمعت شي
ناهد : والله صعب مش كل الكلام ينفع يتقال يا محمود
محمود : لا بالعكس اتكلمي احسن ما يجرالك حاجه
ناهد : مصطفي اخوك عالطول بعيد عني ومش عارفه ليه ده مني ولا منه
محمود : مش فاهم عالطول بمعني عالطول
ناهد : لا مش القصد يعني الموضوع بينا بيحصل مره كل شهر او كل شهرين
محمود : معقول في حد يبقي معاه قمر زي ده ويبعد عنها كده
ناهد : محمود انا اسفه مش عارفه ازاي قولتك الكلام ده بس والله كنت مخنوقه اوي بعد اذنك وبعدها بيومين كان مصطفي عندو شغل في المصنع بليل
مصطفي : انا ممكن ابات في الشغل انهارده نامي انتي بلاش تستنيني
ناهد : حاضر ماشي وفعلا كنت خلاص هنام وبعدها بربع ساعه لقيت الباب بيخبط افتكرت مصطفي نسي حاجه قومت فتحت لقيته محمود
ناهد : محمود خير في حاجه؟؟؟ مصطفي نزل
محمود : ايوه وهيبات برا انهارده انا عايز اتكلم معاكي شويه ينفع
ناهد : دلوقتي اتفضل
محمود دخل الشقه وكانت ناهد مهديه النور
ناهد : خير سمعاك
محمود : اصلك بصراحه صعبانه عليا اوي من ساعت ما قولتي ليا الكلام ده انا ... حنان رغم اني مش بحبها بس مخليها ملكه
ناهد : وانت مش بتحب حنان ليه اللي اعرفه انكم متجوزين بعض عن حب
محمود : بس الحياه بينا بقت ملل والله بقت كئيبه ورخمه وبصراحه عالطول بحسد مصطفي عليكي مافيش في جمالك اتنين ومش بشوفك بتنكدي علي مصطفي يابخته وفضل يقرب منها لحد ما حصل ... وناهد بقيت مبسوطه من قرب محمود ليها وانو معوضه عن بعد مصطفي لحد ما في يوم تعبت وعملت اختبار حمل وعرفت انها حامل
ناهد : محمود انا في مصيبه انا حامل ومش عارفه اعمل اي
محمود : كل خير يا قلبي
ناهد : انت بتهزر انت عارف ان اخوك عالطول بعيد عني يبقي ازاي حامل
محمود : هقولك ازاي ومن انهارده مصطفي هيبقي معاكي عالطول وهتشوفي وبعدها قوليله انك حامل منه
وبعدها مصطفي قاعد مع محمود
محمود : اسكت ليا واحد زميلي كان مسافر وجابلي معاه هديه
مصطفي : هديه اي
محمود : خد جرب وهتدعيلي
مصطفي : اي ده لا ياعم مش عايز
محمود : جرب بس .......
وفعلا خد منه البرشام وبقي أمر عادي ... ولما ناهد تقول ليه انها حامل وفعلا قالت وكان فرحان اوي وناهد من بعدها فضلت برضه مع محمود
داليا : بجد مش مصدقاكي انتي ازاي كده منك لله يا شيخه
ناهد : انا مكنتش بحب مصطفي وكنت هاجي في يوم وهطلب الطلاق ... بس نصيبه انو يشوفني انا ومحمود في شقه واحده
داليا : روحتوا قتلتوه صح؟؟؟ انا كنت صح فعلا بابا مش مات موته طبيعيه انتي تستهلي الحرق وطلعت من شنطه في أيدها جركن صغير في بنزين ورشته في الأوضه
ناهد : انتي عايزه تموتني انتي يا داليا
داليا رمت الولعه للاسف مش قادره ... منك لله يا بعيده وخرجت ... ولسه بتفتح باب الشقه لقت النار في الاوضه جريت لقت ناهد ولعت في روحها...