رواية احببت حمقاء
الفصل الرابع والخامس والسادس
بقلم ملك محمد
#احببت_حمقاء (4)
"نهار يوم جديد"
منه لبست وخرجت من اوضتها كالعاده علشان تروح جامعتها
: صباح الخير يامرات ابويا
هدى بغضب: منه قولتلك كام مره مابحبش الكلمه دي
ايمن والدها : منه عيب كدا
منه بإشمئزاز وطريقه غيظ: خلاص ياتنت هدى متزعليش
ايمن : اقعدي افطري
منه : لا يابابا انا اتأخرت هفطر ف الجامعه خدوا راحتكوا انتو
ايمن بتعجب : انتي من وقت ماجيتي مكلتيش وجبه واحده معانا
منه : ها هبقى اكل بعدين انت عارف وقتي اد كدا اهوه ع اساس بنتك مديرة شركات وكدا هاهاهاهاها
والدها : انتي هبله يابت انتي بتتكلمي وتردي ع نفسك
هدى : منه فين مفتاح عربيتي علشان عايزاها النهارده ضروري
منه بتعجب : عربية اي
وبعدين افتكرت انها اخدت العربيه منها امبارح
هدى بصدمه : نعم عربية اي !
ايمن والدها: العربيه فين يامنه
منه فتحت شنطتها بسرعه لقت المفتاح معاها بس هي نسيت انها رايحه الجامعه بيها فسبتها مكرونه ف الشارع ورجعت مواصلات
هدى : عربيتي فين انطقي انا عارفه انك واحده غبيه ومبيجيش من وراكي غير المشاكل
منه بغضب : انا هجبهالك زي ماكانت وانا مش غبيه تمام
وبعدين سابتهم وخرجت بلهفه
ركبت الأتوبيس ونزلت عند الجامعه وطلعت تجري تشوف العربيه مركونه ف مكانها ولا لا
قابلها رامي قدام الجامعه لسه هيكلمها لقاها بتجري بسرعه
استغرب والفضول اخده يشوفها بتجري ليه
راح وراها لقاها
وقفت قدام العربيه وعماله تحضن فيها وتكلم نفسها وتقول
الحمدلله انك كويسه وقعتي قلبي كدا انا هسبتلهم اني مش بتاعت مشاكل ولا حاجه
رامي كان بيتفرج عليها بضحك وبيقول لنفسه : غبيه بس فيها حاجه مميزه
قرب من العربيه ووقف جمبها وقالها
: انتي يا بتاعت المشاكل
منه بصتله بتعجب وشاورة على نفسها : ها انا
رامي خبط فردة العربيه برجله وقالها
: ايوا انتي في حد بتاع مشاكل هنا غيرك
منه بذمجره : عايز اي
رامي بضحك :بصي كدا
منه بصت ع الفرده لقتها متكلبشه
جريت ناحيتها وقالت
: اي داه مين كلبشها
رامي بضحك : لا واضح انك هتقدري تسبتيلهم انك مش بتاعت مشاكل فعلا
منه قعدت ع الرصيف جمب العربيه تعيط زي العيال الصغيره
شافها نادر وهو داخل الجامعه واستغرب اكتر لما شاف رامي واقف عندها
راح ناحيتها ووقف قدامها عينه جت ف عين رامي
كان باين من نظرات رامي انه بيتحداه
نظراتهم لبعض كلها كره وحقد
منه ببكاء : هعمل اي انا دلوقتي مرات ابويا هتضربني أااااأاا
نادر نزلها بلهفه وقالها : في اي اي ال حصل
منه ببكاء : العربيه اتكلبشت ومش عارفه اتصرف ازاي
نادر بهدوء : بطلي عياط وقومي وانا هتصرف
منه بصتله بتعجب : بجد
نادر وقف وقال
: واحد _ اتنين _ تلا
منه وقفت بسرعه جمبه وقالتله بلهفه خلاص بطلت عياط ووقفت اهوه اتصرف بقى
رامي واقف بيتفرج وبيقول لنفسه
: واضح انها حبيبته فعلا
وبعدين سابهم ودخل الجامعه
طلع نادر الموبايل من جيبه وبما ان والده ليه اسمه وابن راجل اعمال معروف بمكالمه واحده كانت العربيه مع منه والكلبشات اتفكت
بعد بضع دقائق
منه بفرح مسكت دراعه : شكرا جدا جدا انت انقذتني من مرات ابويا الحربايه
نادر بصلها بتعجب وهي ماسكه دراعه وقالها: مش قولتلك تبطلي سذاجه وتخلي مساحه بينك وبين اي حد
منه بعدت عنه بسرعه وهي بتقول بإحراج : اسفه
دخلوا السكشن بعدها وكل واحد قعد مكانه
منه قعدت جمب مريم
: صباح الخير
مريم : صباح النور متأخره النهارده يعني المحاضره بدأت من بدري
منه كنت ف مشكله بس الحمدلله اتحلت
مريم : تسريحتك حلوه النهارده
منه وهي بتلعب ف شعرها بلطف: ميرسي
مريم : كنت عايزه اسألك بتستخدمي شامبو اي لشعرك بيخلي ريحته مميزه كدا بصراحه من وقت ماجيتي وانا لافت انتباهي ريحة شعرك
منه نسيت انها ف المحاضره واتكلمت بصوت عالي وقالت : بصي هو نوع مش موجود كتير بس لو حابه اجبلك منه اجبلك
الطلاب كلهم بصوا عليها بدهشه
الدكتور بغضب : البنت ال بتتكلم ورا تتفضل تطلع بره
منه وقفت بعصبيه وقالت بصوت عالي: هو انا لسه قعدت علشان اطلع بره
الطلاب كلهم بصوا عليها وضحكوا على ردة فعلها
الدكتور بغضب : انتي يا انسه احنا هنهزر
منه وهي حاطه وشها ف الأرض بخجل : انا اسفه بس احنا كنا بنتكلم ف موضوع مهم
الدكتور بعصبيه : موضوع مهم اي يا انسه واحنا ف المحاضره
منه بحزن : دا سؤال واحد بس يادكتور
الدكتور : انا موجود ال عايز يسأل عن حاجه يسألني انا ميكلمش ال جمبه
منه بدهشه : اي دا يعني حضرتك تعرف نوع الشامبو ال بستخدموا لشعري علشان كدا ريحته حلوه وومميز
الدكتور تنح من كلامها والطلاب كلهم فضلوا يضحكوا
الدكتور بغضب: اتفضلي اطلعي بره اي التهريج داه
منه شالت كتبها وهي بتقول بتعجب : اي الجامعه ال كلها ناس قفوشه دي
رامي شافها خارجه راح عامل ورقه على شكل طياره ورماها بعيد
الدكتور بغضب : الحيوان ال عمل كدا يتفضل يطلع بره
رامي وقف بسرعه ونط من فوق المدرج
وهو معدي بص لنادر وغمزله ولحق منه
نادر حس بالغضب ووشه أتقلب
__________
منه طلعت والحزن كان باين على وشها
رامي لحقها
: انتي يا
منه مشيت بدون ماترد عليه
وقف قدامها
منه كانت حاسه بيأس واحباط فمدتلوش اهتمام وكملت طريقها
رامي لحقها ومشي جمبها
: انتي زعلانه دا كله علشان اتضردتي من المحاضره ع فكره بقى انا بتطرد ع طول
منه بحزن : انا زعلانه علشان بابا مستني مني درجات مميزه وبالطريقه دي هسبتلهم اني فعلا فاشله
وبعدين قربت منه بتلقائيه ورفعت نفسها لفوق وقربت عيونها من عيونه وقالت: بص ف عيوني كدا هو أنا فعلا فاشله هل انا فاشله ها ها
رامي اتوتر اول لما قربت منه وبصت ف عيونه حس بإحساس غريب
بعد نظره عنها وقال بتوتر وهو بيبلع ريقه : احم ايوا انتي فاشله وبعد كدا متفاجئيش الواحد بحركاتك العفويه دي
منه بإحباط : كنت عارفه اني فاشله
قعدت ع السلم بحزن ويأس وحطت ايدها ع خدها
رامي قعد جمبها
منه بتنهيدة حزن : هما عندهم حق انا كل مكان بروحه بعمل مشاكل وإنسانه فاشله ومعنديش ميزه
رامي بإبتسامه : وفوق دا كله ساذجه جدا وعفويه بطريقه مرعبه
منه بصتله بضيق : مطلبتش رأيك ع فكره وقوم روح اقعد ف مكان تاني
رامي : القعده هنا عجباني وبعدين انتي مالك انا قاعد ف ملك الحكومه
منه بحزن : ع فكره انا مدايقه ممكن تسبني دلوقتي
رامي ادالها ايده وقالها : ارسميلي ساعه وانا هقوم
منه بذهول : بجد انت عايزني ارسملك ساعه
رامي : ايوا بس بسرعه قبل ما حد يشوفنا
منه بتعجب : وخايف حد يشوفك وانا برسملك ساعه ليه هو احنا بنرسم منشورات سياسيه
رامي بضحك : يخربيت دمك يلطش
بصي انا ليا مكانتي بين الطلاب هنا انتي لسه متعرفنيش
منه : اي الغرور داه ومش عايزه اعرفك ع فكره قوم من هنا يلا
رامي بضحك: معرفش ساكتلك ليه دانا رئيس عصابة المتنمريين هنا ف الجامعه
منه بعصبيه : انا ال هقوم خليك انت قاعد يا حضرة المتنمر
رامي بضحك : جي وراكي بردوا
منه بتعجب : انت عايز من اي
رامي
مد ايده وقالها ارسمي ساعه زي ال رسمتيها قبل كدا وانا هسيبك انجزي يلا
منه مسكت ايده بضيق ولسه هترسمله عليها
فجأه جه نادر ومسك ايد رامي وحطها جمبه وقال ل منه
: قومي عايزك
منه بتعجب : ها
نادر بغضب : بقولك عايزك
رامي بغرور : ع فكره انا هنا ولا انت مش واخد بالك
نادر بغضب: رامي مش عايز اعمل مشكله تمام
رامي وقف وقاله : وانا عايز اعمل مشكله
منه بصت عليهم هما الأتنين وسابتهم ومشيت وهي بتقول : اي شغل العيال داه انا ناقصه ياربي مش كفايه ال انا فيه
نادر تمالك نفسه وقاله : تعالى معايا نتكلم بعيد افضل
رامي بتناكه : تمام نتكلم
اخدوا بعض وراحوا لمكان مفهوش حد
رامي : قول ال عندك
نادر بضيق : لو بتعمل كدا علشان تدايقني وتنتقم مني ف ابعد عنها افضل البنت ملهاش دعوه بيا ولا في بينا اي علاقه خليها بعيد عن مشاكلنا فاهمني
رامي بإبتسامة خبث : كويس انك ملكش علاقه بيها مع اني عارف انك بتكدب
نادر بتعجب : تقصد اي
رامي : هسيبك تفهم قصدي مع الوقت بس اتمنى انك ميكونش ليك علاقه بيها فعلا
وسابه ومشي
نادر وقف متنح مكانه وخاف يكون رامي فعلا معجب بيها
____بقلم #Malak_mohamed ___
مريم جت ل منه وقعدت جمبها
: انا اسفه اتطردتي من المحاضره بسببي
منه بإبتسامه : لا عادي مش مهم
مريم بخبث : قوليلي اي ال بينك وبين رامي
منه بدهشه : رامي مين
مريم : يابنتي رامي ال خرج وراكي بعد مااتطردتي دا كل الطلاب كانوا بيتكلموا عنكوا
منه بتعجب : وبيتكلموا عننا ليه
مريم بضحك : واضح انك هبله اوي بصي يامنه من الآخر كدا رامي شكله معجب بيكي وكلنا خدنا بالنا من داه دا كان واضح جدا انه طالع وراكي دا غير انه شد الكرسي امبارح ف المعمل وجه قعد جمبك
منه مسكتها الزغوته من الصدمه
: هئ انتي بتقولي اي هئ
مريم فتحتلها قزازة المايه وادتلها تشرب
الزوغته وقفت
مريم بضحك : ها بقيتي كويسه
منه بصدمه : انا عمري ماجربت احساس ان في شاب يبقى معجب بيا انتي اكيد بتهزري صح
مريم : لا مبهزرش وبكرا الأيام تثبتلك كلامي
منه سرحت شويه وبدأت تفكر ف كلام مريم
_____________
خلصت الجامعه وركبت العربيه بتاعت زوجة والدها وروحت
منه : مساء الخير
هدى بخوف : العربيه فين
منه رمت المفاتيح ع التربيزه وقالتلها : عربيتك بره اطمني مش هاخدها تاني
ايمن والدها : ياريت ولو عايزه عربيه تروحي بيها خدي بتاعتي وانا هتصرف
منه بحزن : وشغلك يابابا
ايمن : ملكيش دعوه قولتلك انا هتصرف
هدى بضيق : انت اتجننت ياايمن عربية اي ال تدهالها دي واحده مبيجيش من وراها غير المشاكل وعربيتك دي انا شاريها غاليه جدا دي احدث من عربيتي
ايمن حس بالأحراج من كلام هدى
منه علشان متحرجوش قالت بسرعه : لا يابابا انا مش عايزه عربيات اساسا الجامعه قريبه مش بعيده
ايمن : طب غيري هدومك يلا وتعالي علشان نتغدا سوا
منه : انا كلت بره خدوا راحتكوا انتو انا داخله انام
ايمن بتعجب : هتنامي من دلوقتي دا المغرب لسه مأذنش
هدى : سيبها ترتاح
منه : اها مرهقه شويه فهنام بدري
وبعدين دخلت اوضتها وقفلت على نفسها الباب وقررت متخرجش منها خالص علشان محدش يدايق من وجودها
غيرة هدومها وربطت شعرها وقعدت تذاكر على سريرها
افتكرت مريم وهي بتقولها : ع فكره رامي معجب بيكي
قالت بإبتسامة كسوف معقوله مريم بتتكلم بجد
لا لا مش معقول رامي بيتعامل معايا عادي جدا وبعدين اي ال يخليه يعجب ببنت زي
دانا ولا مره شاب اعجب بيا
مين اساسا هيحبني او هيستحملني بكل غلطاتي وعصبيتي واكتئابي وكل الخراب ده.!؟
مين هيحب يرتبط ببنت حمقاء وكل شويه تعمل مشاكل وكمان غبيه
اكيد مريم فاهمه غلط
فجأه جتلها رساله ع الواتساب فتحت الشات لقت الرساله من رقم غريب
: انتي فين
منه كتبت بتعجب : مين بيكلمني
: صورة مين محطوطه فوق جمب الشات
منه فتحت الصوره لقتها صورة نادر كتبت ليه
: دي صورة نادر
نادر : تمام يبقى مين بيكلمك
منه بتعجب : معرفش دا رقم غريب
نادر وهو يتمالك نفسه : ألطم
منه بتعجب : مين حضرتك لو ماقولتش مين هعمل بلوك
نادر بيكلم نفسه وبيقول
مستحيل يانادر تكون بنت غبيه زي دي لفتت انتباهك
وبعدين كتبلها : انا نادر يامنه صورة نادر ال متزفته فوق دي معناها ان ال بيكلمك نادر بردو
منه : اه تمام طب وانت عايز اي يانادر
وبعدين كتبت بسرعه
لا استنى انت جبت نمرتي منين صحيح
نادر : يابنتي انتي ال مدياني النمره النهارده وقت ما كان الظباط بيفك كلبشات العربيه
منه : فعلا حصل
نادر بيأس : هو اي ال حصل منه انتي فين
منه : ف البيت هكون فين
نادر بتعجب : يعني مش ف الشارع
: هكون ف الشارع ليه
نادر : مش انتي قولتي انك بتفضلي ف الشارع وبترجعي متأخر علشان مرات والدك متديقش من وجودك
منه : اها بس انا النهارده كنت مضتره ارجع بدري علشان ارجعلها العربيه بتاعتها
نادر : يعني انتي ف البيت دلوقتي
منه : اها هو انت فين وبتسأل ليه
نادر بإرتباك : هكون فين يعني اكيد ف البيت اما انتي غبيه بشكل
وقفل الشات
منه بتعجب : ماله داه بيكلمني علشان يهزئني ويقفل يعني
نادر بص حواليه ف الشارع وحس انه غبي جدا وتصرفه ساذج قال لنفسه
: مش معقول ال انا بعمله انا اي ال جابني هنا
وبعدين اتنهد بإحباط وركب عربيته ومشي
#احببت_حمقاء (5)
"نهار يوم جديد"
منه كانت داخله الجامعه سرحانه وماسكه كتاب ف أيدها بتقرأ فيه وعماله تكلم ف نفسها
رامي كان واقف من بعيد مبتسم وبيتفرج عليها وهي جايه ناحيته
مكنتش شايفه قدامها لأنها باصه ف الكتاب فمشيت بإتجاه الحيط
رامي بص بتعجب وقالها : انتي يا الحيطه قدامك
مخدتش بالها منه وكانت ف عالم تاني وفضلت مكمله ف طريقها
رامي جري بسرعه وحط ايده ع الحيطه وفجأه لقت دماغها مخبوطه ف ايده
منه بذهول حتط أيدها على دماغها وبصت لرامي وقالتله : اي دا انا كنت هتخبط ف الحيطه
رامي بسخريه : لا بجد ولا بتهزري
منه لاحظت انه ماسك ايده كأنها وجعته
فشدتها ببراءه ومسكتها وهي بتبص عليها وقالتله : انت ايدك اتعورت انا اسفه
رامي اول لما شادت ايده ومسكتها وكانت بتشوفها مالها جاله نفس الإحساس الغريب ال بيحسه كل مره بيبقى قريب منها
اتوتر وشد ايده منها وقالها بضيق : انا كنت بحمي الحيطه من دماغك وقام خابطها على دماغها وقالها
: دماغك ناشفه اوي
وسابها ومشي
منه جريت ولحقته ومشيت جمبه وقالتله
: بص الكتاب داه حلو اوي علشان كدا كنت ماشيه مركزه فيه
رامي وهو يتظاهر بالامبلاه : كتاب اي داه
منه قالتله بصوت واطي : دا كتاب رعب شايف القطه ال ف الصوره دي دي مش قطه
وبعدين وقفت قدامه وقالتله بصوت واطي وهي بتبص حواليها
: دي عفريت متنكر ف قطه
رامي وطى عليها وقالها بصوت واطي برده : طب خلي بالك علشان العفريت واقف وراكي
منه اتفزعت واتحركت بعفويه وبصت وراها بسرعه
كانت هتقع
رامي مسكها وشدها ليه وهو بيضحك
فضل يضحك عليها لحد ماركز ف ملامحها وهي قريبه منه قلبه بدأ يدق جامد
زقها لبعيد بسرعه وقالها
: بطلي رغي بقى هو احنا هنتصاحب
ودخل اوضة المحاضرات
دخلت وراه وهي بتقول ف نفسها : ماله المتعجرف داه
شافهم نادر وهما داخلين ورا بعض ادايق
مريم قالتلها : منه تعالي انا هنا
منه شاورتلها بإبتسامه وقالتلها جيالك
وهي معديه عدت من جمب نادر راح ماسك ايدها وقالها
: اقعدي
منه بتعجب : ها
نادر : بقولك اقعدي عايزك
كل الطلاب كانوا بيبصوا عليهم ومستغربين لأن نادر تقريبا اول مره يتكلم مع بنت من يوم مادخل الجامعه
منه بضحكة ارتباك : حاضر
وقعدت جمبه
منه : عايز اي
نادر بإرتباك اكتشف انه مش عايز يقولها حاجه
: ها عايز عايز هقولك بعد المحاضره
منه بتعجب : هو موضوع مهم اوي كدا
نادر بجديه : اها بصي قدامك بقى علشان المحاضره هتبدأ
رامي راح قعد وسط شلته
كريم صاحبه : البت دي من وقت ماجت وهي واخده عقلك
رامي بإرتباك : محدش يقدر ياخد عقلي انا بتسلى مش اكتر غبي ال يضيع فرصة لعب زي دي من ايده
عمر صاحبه بضحك : اها بتتسلى ماتقول كدا ياعم افتكرنا البت كعبلتك
رامي بتوتر : بطلوا تتخيلوا حاجات غريبه وبصوا قدامكوا المحاضره هتبدأ ومش ناوي اطرد النهارده
بعد المحاضره ماخلصت
منه : ها كنت عايز تقول اي
نادر بإرتباك : كنت عايز اا
منه : في اي
نادر : بصي هو الموضوع مش هينفع نتكلم فيه هنا نتقابل قدام المطعم ال شوفتك عنده قبل كدا وسابها ومشي
منه بذهول : هو أنا عامله مصيبه ولا اي بالظبط
جاتلها مريم بسرعه وقالتلها : بت انتي في اي بينك وبين نادر اعترفي
منه بدهشه : مفيش حاجه متخليش دماغك تروح لبعيد
_________
بعد الجامعه راحت منه لنفس المكان ال قابلت نادر فيه قبل كدا
قعدت ع الرصيف تبص حواليها ومستنياه
بعد فتره صغيره
جه نادر ونزل من عربيته وراحلها
منه وقفة بلهفه وقالتله
: ها كنت عايز اي
نادر : هو اي ال كنت عايز اي في حد اول لما يشوف حد يقوله كدا
منه بتعجب : امال اقولك اي
نادر وهو بيحاول يخترع اي حاجه بص حواليه شاف المطعم فقلها : قوليلي مثلا تيجي نتغدى
منه بصدمه : انت بتهزر ولا اي قول عايز اي انا الفضول هيموتني
نادر حس انه ساذج جداً فقلها : بصراحه انا
فجأه موبايلها رن فقاطعته وقالتله ثواني ارد على ماما
والدتها ببكاء : انتي فين يامنه
منه بخوف : مالك ياماما انتي كويسه
والدتها ببكاء : كدا يابنتي متسأليش عليا ولا حتى تيجي تشوفيني
منه بحزن : مش انتي ال قولتيلي امشي ياماما فانا بخاف ارن عليكي علشان متديقيش
والدتها ببكاء: انا حاسه اني هموت يامنه انا عايزه اشوفك ضروري
منه بحزن : طب لو هتموتي في شوية حاجات عندك عايزاهم متخليش اسلام ياخدهم ويديهم لرهام الحيوانه
والدتها بغضب : يلا ياجزمه انتي بتفرقي ف حاجتي من دلوقتي
منه بتعجب : مش انتي ال بتقولي هموووت
والدتها : تعاليلي دلوقتي انا عايزه اشوفك ضروري انجزي
منه بضيق: اجيلك ازاي انا دلوقتي انتي بتهزري
والدتها : اتصرفي وتعالي
منه : بس ...
والدتها قفلت الموبايل ف وشها
منه بذمجره : اووف بقى
نادر بتعجب : في اي
منه : ماما طلبت معاها تشوفني بتقولي هتموت وعايزه تودعني
نادر : طب وهتعملي اي
منه بيأس : مش عارفه
نادر بتردد : تحبي اوصلك
منه بذهول : ها
نادر : واحد _اتنين _ تلا
منه بلهفه : موافقه موافقه
____بقلم ملك محمد _____
ف العربيه
سكوت لدقائق
نادر : انتي اي علاقتك برامي
منه بتعجب : مفيش علاقه بينا بس تعرف ع اد ماهو رخم بس بحسه طيب اوي
نادر بضيق : طيب اوي ! انتي مش هتبطلي السذاجه دي بقى وتحاولي تتعاملي مع الناس بحذر
منه بحزن : اعمل اي يعني فيا انا ربنا خلقني كدا حمقاء زي مابيقولوا
نادر : شخصيتك مش وحشه ع فكره
منه بدهشه : بجد يعني انا ممكن حد يعجب بيا عادي
نادر : حد زي مين يعني !
منه : بصراحه مريم قالتلي واضح ان رامي معجب بيا وكدا
نادر بغضب : اي الغباء داه مريم باين عليها مبتفهمش ومعندهاش نظر
منه بإحباط : انت مش لسه قايل ان شخصيتي مش وحشه
نادر بضيق : هو اي حد يقولك حاجه علشان يجبر بخاطرك تصدقيه
منه بغضب : ومين قالك اني محتاجه حد يجبر بخاطري حتى لو مش عاجبه حد انا بحب نفسي
نادر بغضب : ابعدي عن رامي احسنلك رامي انسان مش كويس وبيتسلى
منه بضيق : ومين قالك اني عايزه اقرب من حد
سكتوا الاتنين ومحدش فيهم اتكلم لحد ما وصلوا
نادر وقف العربيه قدام البيت
نزلت منه منها وقالتله
: شكرا
نادر : هستناكي هنا تمام
منه قفلت باب العربيه ومشيت لقدام وبعدين حست ان الموقف مش لطيف فرجعتله تاني وقالتله بتوتر وهي بتشاور لفوق
: لو عايز تيجي تطلع معايا فوق اتفضل
متوقعتش ان نادر يوافق بس كانت بتعزم من باب الزوء
نادر فاجأها ونزل من العربيه وقالها : ماشي تمام
منه بتعجب : ها
نادر سابها ومشي لقدام
منه لحقته وطلعت معاه ووصلوا لشقتهم
رنة الجرس وهي خايفه من امها
والدتها فتحت لقت منه وواقف جمبها شاب
قالت بصدمه : مين داه
منه اخدتها ودخلت لجوا وقالتلها بصوت واطي وخوف : دا ال وصلني ليكي بعربيته بصي بلاش زعيق قدامه ارجوكي دا زميلي ف الجامعه وهتبقى فضحتي بجالاجل
والدتها خبطتها ف كتفها وقالتلها : هسكت بس وربنا يامنه لتتحاسبي بعدين ع كدا
منه بحزن : ياماما اعمل اي مش كتر خيره انه جابني اشوفك
والدتها : تقومي تجيلي مع شاب غريب يا غبيه انتي مش هتبطلي الحماقه دي بقى دا لسه اسلام لما يشوفه
منه برعب : يلهووي هو اسلام هنا
نادر واقف ع الباب وباصص عليهم وهما بيتكلموا بصوت واطي
نادر : احم
منه راحتله بسرعه : انا اسفه اتفضل تعالي
دخل نادر وقعد ع الركنه
والدتها بصت عليه وقالت
: يادي الطول يادي الطول
منه غمزتها ف كتفها
والدتها قالت لمنه بصوت واطي
: بت جايباه منين داه دا شبه الناس بتاعت التلفزيون وشكله ابن ناس اوي من امتى وانتي بتعرفي ناس نضيفه كدا
نادر شايفهم بيتكلموا بصوت واطي وبيبصوا عليه حس بالإحراج
نادر : واضح ان والدتك بتموت فعلا
منه بصت لوالدتها بصدمه وقالت : اي داه ماما انتي كويسه
والدتها افتكرت فمسلت انها تعبانه وقالت
: اه ياني ياضهري
منه بخوف : اي جالك مغص ف ضهرك تاني
نادر بيداري ضحكته
والدتها بضيق خبطتها ف كتفها وقالتلها
: انتي لسه غبيه زي مانتي تعاليلي ع الأوضه انا لو هموت هيبقى بسببك
دخلت منه مع والدتها
منه بتعجب : انتي مش بتقولي انك تعبانه مانتي كويسه اهوه
والدتها : بعد الشر عليا ان شالله مرات ابوكي وانا لا
منه بدهشه : امال جايباني على ملا وشي ليه دلوقتي
والدتها بخبث : عرفيني ابوكي بيتخانق مع مراته ولا لا بتوقعي بينهم كويس ولا لا عرف قيمتي دلوقتي ولا لسه بيحبها
منه بلامبلاه : ياماما اتنيلي اتنيلي دي قيداله صوابعها التسعه شمع دا مشفش الهنا ال ع أيدها دي بتدلع فيه ف الرايحه والجايه وبتصحى الصبح تحط الميكب وتفرد شعرها وعملاله زي بتوع الأفلام اتوكسي ياماما والنبي
بره كان نادر قاعد مستني منه
فجأه خرج اسلام من أوضته وشكله متبهدل بيقول بصوت عالي
: ماما انا جعان
فجأه بص لقى نادر ف وشه
بص حواليه بتعجب وقال : لا هو بتنا انا متأكد
وبص لنادر وقاله : انت مين !
نادر : انا ...
قاطعه اسلام وهو بيقول : معقول ماما قررت تخون بابا مع عيل قد عيالها
نادر حط ايده ع وشه وهو بيقول : اي العيله المتخلفه دي
#احببت_حمقاء (6)
اسلام خرج من اوضته وأتفاجئ براجل غريب ف بيتهم
اسلام بصدمه وهو بيبص لنادر: معقول ماما قررت تنتقم من بابا وتخونه مع واحد قد عيالها
نادر حط ايده ع وشه وقال : اي العيله المتخلفه دي
اسلام بغضب وبصوت عالي : انت مين يا جدع انت
نادر : انا ....
اسلام قاطعه وقال بزعيق : هي فين الخاينه راحت فين ال مش عامله حساب ان في راجل ف البيت
ودخل ع المطبخ جاب سكينه وطلع
قرب من نادر وشوح بالسكينه وقاله
: قوم اقف يااستاذ هو البيت داه خلاص فاكرين مفهوش راجل يلمهم
نادر بهدوء قام وقف
اسلام بص لقاه طويل اوي وعضلات بقى وبتاع
قاله بعصبيه : اتفضل اقعد تاني يا استاذ احنا نتخانق وانت قاعد بقى
خرجت منه ووالدتها من الأوضه على صوت زعيق اسلام
منه بلهفه : اسلام اهدى واسمعني
والدتها شافت السكينه ف ايده قالت بهلع : اسلام ارمي السكينه ال ف ايدك اي ال انت بتعمله داه
نادر واقف وسطهم وبيبص عليهم بتعجب
اسلام بدهشه : منه انتي بتعملي اي هنا
منه بتوتر : ماما طلبت تشوفني ضروري قالت إنها بتموت وعايزه تودعني
اسلام بتعجب بص لوالدته : بتموت وبتودع وواقفه جامبك بتعمل اي
منه بإحباط: لا ماهو طلع حوار كدا علشان تعرف مني اخبار بابا
نادر قاطعها : منه هنزل استناكي تحت انا
قاطعه اسلام وهو بيقول : اقعد انت كمان دلوقتي
وبعدين بصله وقاله
: انت مين !
نادر : انا ...
قاطعه اسلام وقال لمنه : مين داه !
منه : داه ...
قاطعها اسلام وقال : انطقي ياماما مين داه !
نادر مقدرش يتمالك نفسه اكتر من كدا ومسكه من قفاه وقاله : تعالى بقى يابتاع ريهام علشان انا ساكتلك م الصبح
منه ردت بتعجب وقالت : بس انت مش هنا م الصبح
نادر كان هيلطم
__بقلم ملك محمد _______
بعد فتره من الوقت عرف اسلام ان دا نادر زميل منه ف الجامعه وهو ال وصلها ليهم
كلهم هديو وقعدوا والأمور كانت تحت السيطره
منه : ها ياماما اطمنتي ع بابا انه كويس
والدتها : منك لله يامنه دانتي فقعتيلي المراره اكتر ماهي مفوقعه يارتني ماجبتك ولا سألتك
منه بتعجب : اي ياماما يعني اكدب عليكي بصراحه يعني هي حربايه اه بس واكله بعقله حلاوه
والدتها : منها لله البعيده
اسلام بحزن : ماخلاص بقى ياماما كل واحد راح لحاله متفكريش فيهم تاني
والدته بحزن : ربنا ينتقم منها يابني هي السبب ف ال احنا فيه وتشتيت عيلتنا بالشكل داه
نادر كان قاعد ومخنوق من الكلام
والدة منه : دي خانت جوزها وحبت ابوكوا وهي على زمته معرفش ازاي وثق فيها واتجوزها دا الخاين بيفضل طول عمره خاين
نادر بدأ يتذكر والدته حس انه خلاص مش قادر ومخنوق
سابهم وقام نزل بسرعه
والدتها بتعجب : ماله داه حد قال حاجه زعلته
منه سابتهم ونزلت بسرعه وراه
وقفت من بعيد شافته وهو واقف بيعيط
راحتله بهدوء وقالة
نادر انت كويس
مسح دموعه بسرعه اول لما شافها وقالها
: اه أنا تمام يلا اركبي
منه بلطف : مش هركب تعالى اقولك حاجه
نادر بتعجب : حاجة اي
منه مسكة ايده ومشيت لقدام
وصلوا لمكان في شجر وضلمه
نادر بتعجب : اي المكان داه
منه قالتله : دا المكان ال لما كنت بحب اعيط ومحدش يشوفني كنت باجي اقعد فيه
شايف تحت الشجره ال هناك داه انا ياما عيطت هنا علشان محدش يشوف دموعي
ماما دايما تقولي انتي مبتحسيش وواخده كله حاجه بهزار بس انا انسانه وعندي مشاعر وبزعل وبعيط زيهم تعرف العياط دا نعمه من عند ربنا بعد العياط الواحد بيحس كأن جبل كان ع قلبه وراح
نادر بحزن : طب وانتي جيباني هنا ليه دلوقتي !
منه بلطف : العياط مش عيب الدموع ال بتنزل دي بتنزل علشان تريحنا لو في كلام مش عارفيين نقوله ومش قادرين نعبر عنه بنعبر عنه بالعياط
وسابته ومشيت
نادر مقدرش يمسك نفسه وانهار ونزل ع الأرض بركبه وبدأ يعيط بطريقه هستريه
منه وقفت بعيد ولما شافته بالمنظر داه قربت منه وترددت تحط ايدها ع كتفه وتطبطب عليه ولا لا
خدت قرار اخيرا وحطت ايدها على كتفه وفضلت تطبطب عليه
قعد يعيط فتره طويله وهي جمبه لحد ماهدي خالص
نادر مسح دموعه وقالها : انتي اول حد يشوف دموعي ويشوفني منهار كدا
منه بحزن: مش لازم دايما نظهر أقوياء مفيش مانع ببعض الضعف
"ف العربيه "
منه بآسف : انا اسفه من ال حصل النهارده ف البيت عندنا
نادر بهدوء : مفيش داعي للأسف ع فكره عيلتك ظريفه يابختك بيهم
منه بدهشه : انت بتتكلم بجد ولا بتريق
نادر : هتريق ليه انتو فعلا عيله لطيفه ودمها خفيف بعيداً عن تصرافتكوا الغريبه ال شوفتها
منه بحزن : ع فكره احنا كنا عيله سعيده جدا بس منها لله مرا.....
قاطعها نادر بغضب : ممكن تقفلي ع الموضوع داه ومتجبيش سيرته تاني
منه بخوف : انا اسفه
وحطيت ايدها على بوئها وقعدت ساكته
_______________
اخدها نادر وروحها عند والدها وهو راح بيته
منه دخلت اوضتها ورمت نفسها ع السرير وفضلت تفكر فيه وبتقول لنفسها
انا بتعامل مع اي حد عادي جدا الا هو لما ببقى قريبه منه بحس بحاجه غريبه وبتوتر وبحس اني متلخبطه معرفش ليه
ف نفس الوقت نادر روح بيته ودخل اوضته ورمى نفسه ع السرير وفضل يفكر فيها ويقول لنفسه
: من يوم ماعرفتها وانا بعمل حاجات غريبه مكنتش متخيل ان في بنت هتخليني اتغير بالطريقه دي
كل مره بتبقى قريبه مني بحس اني مطمن عفويتها وطريقتها ف الكلام مميزه جدا بس ياترى البنت دي بالنسبالي اي أنا ليه مهتم بيها
______________
" نهار يوم جديد"
ف الجامعه
منه دخلت جامعتها لقت رامي واقف ع جمب
عدت من جمبه وسابته ومشيت
رامي بص لنفسه بتعجب وقال : هو أنا شفاف ولا اي
وبعدين لحقها وقالها : انتي يا
منه : نعم
رامي : انتي مش شيفاني واقف يابت
منه بتعجب : هو انت واقفلي انا يعني
رامي حس بإحراج فقلها : وانا هقفلك ليه احنا هنتصاحب
وسابها ومشي
منه بمذمجره : كل مره يعمل فيا كدا ويقولي احنا هنتصاحب ويسبني ويمشي اوووف انسان رخم
دخلت منه المحاضره شافت نادر قاعد ف المدرج فبصتله من بعيد وابتسمت
رامي كان بيبص عليها اول لما شافها بتبسمله اتجنن وقال لنفسه
: الغبيه دي بتبتسم لمين
راحت قعدت جمب مريم وكان رامي قاعد ف الديسك ال وراها ع طول
نادر طلع موبايله وبعتلها ع الواتس
هتروحي النهارده بدري ولا لا
منه سمعت صوت موبايلها فطلعته من شنطتها وبصت فيها لقت رساله من نادر فرحت اوي
رامي كان قاعد ف الكرسي ال وراها وباصص ف موبايلها
منه فتحت الرساله لقت مكتوب
: هتروحي بدري النهارده ولا لا
منه بلهفه ردت عليه : لا هستنى ف الشارع شويه في حاجه
رامي إتفاجئ من الشات واتصدم لما عرف ان نادر قريب من منه بالدرجه دي
مد ايده وشد منها الفون
منه بصراخ : هات موبايلي يارخم
رامي اخد الموبايل ونط من ع المدرج وخرج بره قاعة المحاضرات
منه طلعت تجري وراه
شافهم نادر راح خابط بإيده ع الديسك وقام خرج وراهم
رامي كان واقف ورافع الموبايل لفوق
منه فضلت تنط لفوق علشان تاخده وهي بتقول
: بطل رخامه بقى هات الموبايل
رامي بضيق : مش هتاخديه الا لما اخد نمرتك
منه بغضب : وانا مش عايزه اديلك النمره هات الموبايل بقى
رامي كان رافع الفون لفوق بإيده فجأه جه نادر وشده من ايده وادهولها
رامي بخبث وغضب : اي المعقد قلبه حن ولا اي
نادر بغضب مسكه من لياقة تيشرته وقاله : ملكش دعوه بيها انا قولتلك مية مره طلع البنت من مشاكلنا
رامي بغضب مسكه هو كمان وقاله : الموضوع ملوش دعوه بمشاكلنا مع بعض ابعد عنها انت
فجأه جم شلة رامي واتلموا حواليه علشان يضربوا نادر
منه كانت واقفه مرعوبه من ال بيحصل من خوفها على نادر قالتله
: وانت مالك يانادر هو بيهزر معايا اتفضل انت
نادر زعل اوي من ردة فعلها وسابها ومشي
رامي ابتسم وفرح لما هي قالت كدا واحرجته
الشله بتاعته كانت ملمومه حواليه لسه
رامي بتناكه : روحوا انتوا ياشباب الأمور تحت السيطره
منه شدة قزازة مايه من ايد واحد منهم وفتحتها ودلقتها ف وش رامي وقالت بعصبيه
: مترخمش عليا تاني ماشي
الشباب لسه هيقربوا منها بعصبيه
رامي وقف قدامهم وهو غرقان مايه وقالهم بزعيق
: محدش ليه دعوه بيها
وبص لمنه وقالها : امشي
منه خافت وطلعت تجري بسرعه ع قاعة المحاضرات
كريم صاحبه بذهول : هو اي ال ملناش دعوه بيها انت واحد من الشله واهانتك يعني اهانه لينا
رامي بغضب: انا هتصرف معاها ملكوش دعوه انتو تمام
وسابهم وراح ع الحمام ينشف هدومه
الشباب بصوا لبعضهم وقرروا يلقنوا منه درس على ال عملته معاهم
بعتوا بنت من البنات تستدرجها لسطح الجامعه
________
دخلت منه قاعة المحاضرات وف ايدها موبايلها نادر بص عليها وهو مدايق من تصرفها
قعدت جمب مريم
مريم بدهشه وهي بتبص ع الموبايل ف ايدها: جبتي موبايلك منه ازاي دا رامي اغلس بني ادم ف الجامعه كلها
فجأه الدكتور دخل
منه وهي بتبص ع نادر وهو قاعد قدام : جبته زي ماجبته بقى خلينا ف المحاضره دلوقتي علشان منتطردش
بعد المحاضره ماخلصت ودا كله كان رامي وشلته بره
جت بنت وقالت لمنه
: عايزاكي ف حاجه مهمه ممكن تساعديني
منه بلهفه : انا تحت امرك طبعا عايزه اي
نور : تعالي معايا مش هينفع نتكلم هنا
منه علشان ساذجه راحت معاها بسهوله ومخونتهاش ولا قالتلها رايحين فين
وصلتها للسطح وسابتها
منه اتفاجائت بوجود شلة رامي هناك قالتلهم بدهشه : واضح ان الوقت مش مناسب انا اسفه
ولسه بتلف علشان تنزل وقف كريم قدامها واعترض طريقها
_________
دخل رامي قاعة المحاضرات وقعد ف المدرج والمحاضره التانيه بدأت
بس منه مرجعتش وشنطتها مكنها ع الديسك
نادر بص وراه باستغراب وقال ف نفسه
: راحت فين الغبيه دي وهي عارفه ان عندها محاضره دلوقتي
رامي بص قدامه ع مكانها بردو وقال ف نفسه
: الغبيه بتاعت المشاكل دي راحت فين