رواية توأمى المختلف
الفصل الخامس
يطرق الباب ويذهب حسن ليفتحه
حسن/مين حضرتك
الشخص/ده بيت ابراهيم ......
حسن بقلق/ايوه هو ليه في حاجه
الشخص /انت تبقاله ايه
حسن بنرفزه/ماتخلص وتقول ابويا ماله ايوه انا ابنه
الشخص/طيب حضرتك والدك عمل حدثه وهو دلوقتي في المستشفي
حسن بقلق/طب طب وهو حصله حاجه
الشخص/عنوان المستشفي اهو حضرتك تقدر تروح وتشوفه
لياخد حسن العنوان ويذهب الشخص
حسن وهو ينادي علي كريم
حسن/كريم الحق بابا في عمل حدثه وفي المستشفي
كريم بصدمه/ايه طب هات بسرعه العنوان
غرام وهي جالسه علي الاوض ورجليها مربوطه/طب تعالي فكني ياكريم علشان اروح معاكم ليجري كريم ويفك رجل غرام وتاتي الجده ويخبرها بما حدث وكذالك مرام ويذهبوا الي المستشفي
●●●●●●●●●●●●●●●●●●●
في المستشفي
يسالوا عن مكان الغرفه ويذهبون اليها
كريم للممرضه/لو سمحتي متعرفيش فين اوضه المريض الي لسه جاي وعامل حدثه
الممرضه باعجام لكريم/تقصد المريض الحاج ابراهيم
كريم بنفاذ صبر/ايوه هو تعرفي اوضه فين ولا اسال حد تاني
الممرضه بحرج/حضرتك المريض في اوضه العمليات دلوقتي في الدور الرابع وذهب وتركتهم وذهبوا هم الي الدور الرابع ووقفوا امام غرفه العمليات ينتظرون خروجه
جلس كريم ووضعه راسه بين يديه وكذالك حسن فذهبت غرام الي حسن/حسن متخفش ان شاء الله هيكون بخير ويقوم بالسلامه
حسن رفع راسه ونظر لها وهو يود ان يحضنها ويبكي/ان شاء الله
وذهبت الجده ووضع يديها علي راس كريم /متخفش يابني ان شاء الله خير
ليهز كريم راسه وهو كما هو علي نفس الحال
وكانت تجلس مرام بعيدا عنهم بمسافه قليله وكانت تقرا قرأن ثم انهت وذهبت اليهم
●●●●●●●●●●●●●●●●●●●
في مكان اخر في فيلا اقل وصف انها ابداع جميله جدا ويحيطها جنينه جميله جدا ويوجد بها حمام سباحه
ليقوم ذاك الشخص من الفراش ويدخل الحمام لياخد شاور ويعندما ينتهي يخرج ويذهب الي غرفه الملابس خاصته ويرتدي ملابس بيتيه فخمه
وبعدها يذهب الي غرفه الرياضه خاصته ويقوم بالتدريب فهذي هي عادته
وعندما ينتهي يذهب ليغير ملابسه لملابس العمل ويرن هاتفه ويجيب وهو يسرح شعره الجميل الكثيف
صديقه/ايه ياعم كل ده مش ناوي تيجي ولا ايه
الشخص/اديني اهو بلبس وجاي
صديقه /طب تمام هاسبكك انا بقي
الشخص /تمام يلا باي
ويغلق الهاتف وينظر الي المراه ويتحدث
الشخص /واخيرا جه اليوم الي هاشوفكم فيه
ثم يذهب الي الشركه خاصته
ويدخل الشركه بكبرياء وغرور وينظر اليه الفتيات باعجاب
ويدخل مكتبه ويطلب صديقه ليأتي علي الفور
صديقه/احمد وحشتني يا راجل
احمد/مش فاضي انا لخفه دم امك انا عاوز اخلص علشان اسافر يا سليم وانت الي هتتولي الشرطه في غيابي
سليم وهو يجلس /طب ايه الي طلع في دماغك انك تظهر دلوقتي
احمد /انا كنت مختفي لغايه اعرف اكون نفسي واوصل للي انا فيه
سليم بحذر/طب ناوي علي ايه لما ترجع وخصوصا انهم مش عارفين انك عايش
احمد / كفايه عليا بس اني اشوف اخواتي وابراهيم الكلب ده حسابه معايا عسير كفايه ان هو الي خلي وحده تخطفني من امي زمان وتموتني علشان يجوز هو اولاده لاخواتي وياخد الورث بس ده علي جثتي انا هاجيب اخواتي معايا هنا وهو يشبع هو وولاده اكيد طماعين زيه بس المراه طلعت طيبه
ومموتتيش
سليم /طب وهما اخواتك هيرضو يسامحوك انك سبتهم ده كله
احمد بقلق/تفتكر انهم مش هيسامحولي بس ده والله غضب عني اني كنت مختفي
سليم وهو يقول بامل/بس انا الي سمعته عن اخواتك انهم طيبين يعني هيسامحوك
احمد /ان شاء الله المهم هاسافر انا بليل وهاكون هناك بكرا الصبح وانت تتولي الشركه لغايه ماارجع
سليم /طبعا ياخويا براحتك وعلي الاقل اانتم مع البت الكرتيره المره بتاعك
احمد بقرف/اطلع يلا انت لبره ذوقك بلا يقرف اوي
سليم بضحك /حاضر ياعم طالع اهو
ليرجع احمد بكرسيه الي الوراء ويسترخي ويقوم بغموض/وقت الحرب هتبدا معاك يا ابراهيم الكلب وهادفعك تمن بعدي عن اخواتي
●●●●●●●●●●●●●●●●●●●●●
في المستشفي
خرج الطبيب من غرفه العمليات وهو يطب عرقا ويجري عليه الشباب
كريم /ابويا ماله يا دكتور
الدكتور بعمليه/والد حضرتك يا فندم عمل حدثه والحدثه دي خلته عنده شلل نصفي يعني مش هيقدر يمشي تاني
لينزل الخبر عليهم كالصاعقه
كريم بجمود/تمام يا دكتور هيفوق امتي
الدكتور هيفوق بعد شويه ولازم يبقي تحت الملاحظه عن ازنكم وتركهم وذهب
الجده تدموع/يا خسارتك يابني ااااااه
لتجري عليها مرام وغرام ويسندها لتجلس
مرام / الحمدلله علي كل حال يا تيته وقولوا الحمدلله يا جماعه ربنا عمره ماهيختار حاجه لعبده وحشه وكما قال (وعسي ان تكرهوا شئ وهو خير لكم وعسي ان تحبوا شي وهو شر لكم )
بدال ماتحمدوا ربكم انها جت لحد كده
وربنا قال( ان الذين اذا اصابتهم مصيبا قالوا ان لله وان اليه راجعون )
كان يستمع لها الكل وبالفعل هدا الجميع خليكوا واثقين في ربنا ان عمره هاهيجبلكوا حاجه وحشه ولو اصابكم مصيبه قولوا (ان لله وان اليه راجعون )
ربنا لما بيحب عبد بيبتليه ربنا بيحبك علشان كده بيبتليك وعاوزك تصبر وهو هيعوضك ربنا احن علينا من اي حد يا جماعه
-هدا الجميع وبعدها خرج ابراهيم من غرفه العمليات وذهب الي غرفه عاديه
-جلسوا حوله وظل كريم ينظر اليه ويقول في نفسه /معقول جه الوقت الي ربنا هينتقم منك فيه في الي عملته مع احمد يا بابا فعلا ربنا عادل وعمره مابيسيب حق حد
الجده /هو هيفوق امتي يا كريم
كريم /مش عارف والله يا تيته
الجده /طب خد بنات عمك يا حسن روحهم وانا هابت هنا
كريم بلهجه جاده /محدش هيبات هنا غيري ويلا يا حسن خد تيته والبنات وروحوا وابقوا تعالو بكرا الصبح ان شاء الله
لياخدهم حسن ويذهبوا
ليصلوا الي المنزل ويدخل الجميع المنزل ويذهبوا جميعا الي غرفهم
●●●●●●●●●●●●●●●●●●●
في صباح يوم جديد
يستيقظ الجميع ويفطروا ويجهزروا للذهاب الي المشفي
ليصلوا الي المستشفي ويدخلواويذهبوا الي غرفه ابراهيم ويدخلوا ليجدوا ابراهيم مازال نائما وكريم يجلس علي الاريكه وينظر الي الفراغ ويظهر عليع علمات التعب والارهاق
الجده/انت منمتش يابني
كريم وهو ينتبه اليهم/هاا لا يا تيته منمتش خوفت يصحي بليل
الجده وهي تربت علي كتفه/خد يابني خضرتلك الفطار وجبته معايا ليبتسم كريم لجدت واخذ الطعام
غرام /طب هو عمو هيفوق امتي
كريم وهو ينظر الي ابراهيم/شويه هو اصلا نايم
غرام/اها تمام وهيروح بقي ولا يقعد تاني
كريم/ لما يفوق هنروح
لتهز غرام راسها غرام وهي تهمس لمرام/بت بت انتي
مرام /اممم نعم
غرام/عاوزه اضحك مش قادره
مرام / تضحكي ايه يابت المجنونه يقولوا علينا ايه
غرام بهمس كما هي/ طب هاتولي ام سماح
مرام باستغرام/ليه ياختي من كتر حبك ليها
غرام/لا اصلها وحشتني وعاوزه افرمها شويه
مرام /طب ياختي اقعدي وانتي ساكته
غرام/ياخساره كان نفسي البس اسود بس يلا ملحوقه انا هاخنقه(ملحوظه :غرام ومرام مبيحبوش ابراهيم وهو كذالك )
مرام وهي تضع يديها علي فمها لتمنع نفسها من الضحك/يابنتي بس هتفضحينا
غرام وهي الاخره تضع يديها عاي فها/حاضر ياختي
وفي هذي اللحظه يدق الباب ويدخل الدكتور المشرف علي حاله ابراهيم
واول ما فتح الباب نظر الي مرام وسحر من جمالها
الدكتور وهو يحاول يركز في شغله/ هو لسه نايم ولا ايه عاوزه يصحي علشان اشوفه علشان او عاوزين تروحو
كريم وهو يذهب ليوقظ ابيه ويقوم ابراهيم ويذهب الدكتور للكشف عليه وهي يخطف النظر الي مرام من حين لاخر ولاحظ كريم هذا واضايق لان مهما كان دي بنت عمه ومن لحمه ودمه
انتهي الدكتور من الكشف علي ابراهيم/ تمام تقدروا تروحوا وطبعا لازم يكون معاه كرسي متحرك
كريم/نتمام هابعت اجيب واحد
الدكتور وهو يود ان يبقي اكثر في الغرفه/والجلسات الطبيعيه في معادها
لينظر اليه كريم وحسن باستغراب ثم هزو رؤوسهم وظل الدكتور ينظر لمرام
مرام لاحظت نظراته ليها فاتكسفت وقالت لغرام
غرام /في ايه يا دكتور انت خلصتكلامك في حاجه تاني هتقولها
الدكتور بحرج/هاااا اه لا انا خلصت كلامي ويذهب من الغرفه تحت نظرات غرام القاتله
غرام بعد خروجه/كنت استنيت دقيقه بس وانا كنت هاخليك ولا تنفع راجل ولا ست
ليذهب كريم لاحضار كرسي لابيه
وياخدوا تصريح الخروج ويذهبوا الي المنزل تحت نظرات الاستغراب من الجيران
ليدخلوا بيه الي غرفته ويضعوه علي الفراش تحت صمت ابراهيم
الجده بقلق /انت مش بتتكلم ليه يابني
إبراهيم/هاقول ايه بس ياامي عمري ضاع ويدمع
الجده بحزن علي ابنها/ متزعلش نفسك يا ولدي ربنا ليه حكمه في كده
ابراهيم/ بعد ازيك ياامي اقفلي النورعاوز انام
الجده وهي تقبل وجهته /حاضر يا ولدي
وخرج من غرفته وتذهب لتعد الطعام
●●●●●●●●●●●●●●●●●●●
وصلت طائره احمد الي ارض الوطن
ونزل احمد من الطائره وذهب الي افخم فندق وطلب البيات فيه لليله واحده ثم يذهب الي اخواته في المساء
●●●●●●●●●●●●●●●●●●
عند البنات
غرام بضحك/بصي والله انا عن نفسي مبزعلش علي حد مبحبوش ومش شمتانه فيه والله بس هو علشان ظالم
مرام / بس صعبان عليا اوي يا غرام
غرام بغيظ/ميصعبش عليكي غالي ياختي عملك ايه حلو هو علشان تزعلش ها
مرام/مش عارفه بس برضو ده شلل عارفه يعني ايه شلل يعني هيقضي عمرهعلي كرسي متحرك الحمدلله علي نعمه الصحه
مرام وهي تسرح شعرها/ تعرفي عندي احساس اني هاقابل حد بحبه انهارده
غرام بخضه/هتقابلي ربنا ياعيني عليكي ياختي كنتي صغيره وملحكتش افرح بيكي انتي والواد بدر الاحول
مرام /بدر مين يا زفته وموت ايه بقولك بجد عندي احساس اني هاقابل حد بحيه ونفسي اشوفه مش عارفه ليه الاحساس ده اول مره
غرام /وانا برضو حلمت اني كنت قاعده في فيلا حلوه اوي وفيها جنينه وشكلها تحفه بس الي حازني ان ام سماح مش هتبقي معايا امال هامسك في مين
مرام /يلا طب نروح نساعد تيته
غرام وهي تسترغي /بلا تيته بلا نيله سيبيني يختي انام ولما تخلصوا ابقو نادوا عليا
مرام بهدوء/تمام يلا انا طالعه
غرلم وهي تتعدل /ايه يا بت الهدوء ده تعرفي لو انا مكانك كنت جريتني من علي السرير
مرام بضحك/ده انتي مش انا
ليذهبوا ويساعدوا جدتهم في احضار الطعام ويخلصوا تحضير ويضعوا الطعام علي السفره
ونادوا كريم وحسن
وجلسوا ياكلوا في صمت
●●●●●●●●●●●●●●●●●●●
عند احمد في الفندق قام من النوم واخد شاور ولبس وجهز نفسه ويقول وهو واقف امام المراه/واخيرا هنتقابل يا حبايبي انا كنت مراقبكم وعارف كل حاجه عنكم بس انتوا ياتره تسامحوني
لينزل من الفندق ويذهب الي وجهته
●●●●●●●●●●●●●●●●
عند البنات
خلصوا اكل ولموا السفره وجلسوا مع بعضهم في الصاله وكذالك ابراهيم
وهم يتحدثون اذا بالباب يطرق
لتقول غرام/هاقوم افتحه انا
وتدندن وهي ذاهبه وتفتح الباب وتنصدم مما رات. رات شاف جميل جدا يفق امامها بطوله وشياكته
غرام بتوهان/هو انا بحلم ولا ايه مين ده الي طلع من روايه ده ولا ايه
احمد بضحك فهو يعرفها فهو كان ديما بيراقبهم وعارفهم كويس/ انتي غرام صح
غرام /احييه ده عارف اسمي كمان
ليقول كريم من الداخل/مين يا غرام
غرام /ده واحد مز وكمان عارف اسمي
ليقوم كريم وحسن ليروا من هو
كريم /مين حضرتك
حسن/وتعرف اسمها منين يلا
احمد بغرور/هاتفضلوا موقفيني علي الباب كده كتير
كريم بغيظ منه /لا طبعا اتفضل ادخل
ويدخل احمدويوزع نظره عليهم جميعا ويرا فتاه تجلس بهدوء فيعلم علي الفور انها اخته الثانيه مرام
ويوجه نظره بصدمه الي ابراهيم وهو يراه جالس علي كرسي متحرك
الجده وهي تنظر ليه كثيرا /اتفضل يابني بس حاسه اني اعرفك
احمد بابتسامه /اكيد طبعا لازم تعرفيني
كريم وحسن في وقت واحد/ماتخلص وتقول انت مين
احمد بغرور /انا ..........