رواية الدبش اللي خطفت قلبي الفصل الحادي عشر والثاني عشر والثالث عشر بقلم نرمينا راضي

كأي عريس وعروسه في ليلة دخلتهم .....خدها في حضنه وباس راسها بحنيه 

عمر:انتي دلوقتي بقيتي حرم الباشمهندس عمر شرعا وقانونا 

يمنى منطقتش من الكسوف وحطت راسها علي صدره ونامت 

بعد خصلات شعرها اللي كانت مغطيه وشها وباسها من عيونها وضمها لحضنه اكتر وناموا ⁦❤️⁩

.......

الشمس طلعت وعمر كعادته نشيط وبيحب يصحي بدري دايما ،فتح عينه لقى يمنه لسه في حضنه وغرقانه في سابع نومه ،باسها برقه وشاال دراعه من تحت راسها براحه عشان متصحاش وقام اخد شاور وصلي الصبح وقف في المطبخ يغني وهو بيعمل الفطار 

...

يمنى فضلت تتقلب يمين وشمال لحد مصحيت ،قامت بتبص علي عمر ملقتوش جنبها 

بتقلد باسم سمره لما كان في القطر وبص ملقاش اسر ياسين جنبه 😂😂😂😂

يمنى :ألاااه 

حتي وهي قايمه من النوم بتهزر برضه 😂😂😂😂

لسه بتنزل من السرير وبتشيل الغطا انصدمت 

يمنى:ينهارك كوفته ياعمر انت عملت فيا ايه ،انا فين هدومي ،نيهاااع وربنا ماسيباك انهارده 🏃😂

نزلت من السرير طلعت كاش مايو لبسته ولمت شعرها ديل حصان ،وفتحت علبه صغيره كده في درج الدبابيس وطلعت منها حاجه وفضلت تضحك زي الساحره الشريره وراحت تشوف عمر فين ...

ياتري مخبيه ايه في ايدك يابنت المجنونه 😂😂😂

يمنى:عمررر ياامووري 

عمر:انا هنا اهو  في المطبخ ياروح قلبي 

بوووووم 💣المجنونه رمت جنبه عليه صاااروخ خليته نط من مكانه 😂😂😂

عمر:ينهااارك ازرق انت اجننتي ،هي دي صباح الخير بتاعتك 

يمنى:عشان انت سبتني انام من غير هدوم يلاا هي يامتوحش يامجرم 😝

عمر:لااا انتي اجراام  لسه مشفتيش ،انا هوريكي بقا الاجرام علي اصوله 🕺😁

فضل يجري ورااها في الشقه وهي تجري وهو يجري ورااه زي القط والفار 😂😂كل اما يجي يمسكها تهرب منه 

بتجري تطلع من اوضة الاطفال اللي كانت مستخبيه فيها راح ماسكها ومثبتها في الحيطه 😂😂وحط ايده علي الحيطه وواقف قصادها زي السور السد مانعها من الحركه 

عمر:والله ووقعتي ياملوخيه تحت المفرمه 

يمنى:اسمها مخرطه يافلاح نيهاااع 😂😂

عمر:انتي ليكي عين تهزري كمان 

يمنى:ليا اتنين عين يسطا مش عين واحده فاكرني الفسيخ الدجال ولاايه 

عمر:هههه انا هعمل منك فسيخ دلوقت 

يمنى:متقدر.....ولسه هتكمل الكلمه راح باسها جامد ،شويه وزقيته عشان تقدر تتنفس ووشها احمر زي الطماطم 🤭

عمر:افتكري ان ده عقابك ،يعني كل اما تستفزيني هورملك شفايفك 😈

يمنى:علفكره انت مش محترم واالله 

عمر:وبلطجي كمان تحبي اوريكي 

يمنى:لااا خلااص انا اسفه والله 🙊

عمر وهو بيبص بخبث للي يمنى لبساه ومكنش واصل لحد ركبتها 

بس ايه الجمال ده ملبن يخواتي 😉

يمنى:ملبن في عينك 

عمر:هاااا 

يمنى وافتكرت العقاب بتاعه :قصدي ياجمال عينك 😅

عمر:تعالي يلا نفطر ياحبيبي عشان اهلك زمانهم جايين 

خدها من ايدها ،قعدها علي كرسي في المطبخ زي الطفل الصغير وبدا يحط الاكل اللي عمله قدامها 

يمنى :انت عملت كل ده امتي

عمر:قمت بدري ياروحي 

يمنى:ليه مصحتنيش اعمل انا 

قرب منها ومسك ايدها باس باطن كفها وحطها علي قلبه 

عمر:سمع دقات قلبي ،طول ماقلبي بينبض فانا هعمل اي حاجه بس اشوفك مبسوطه ،وانا عارف ان لما اعمل كده انتي هتنبسطي 

يمنى:بحبك 

عمر:مع ان اول مره اسمعها منك بس شايفها في عيونك دايما ومحبتش افرض نفسي عليكي وسيبتك تقوليها برضاكي بس انا عشقتك من اول يوم شفتك فيه ،عشقت جنانك وعبطك وحنيتك وكسوفه ورقتك وكل حاجه فيكي بعشقها 

قامت حضنته جامد ولانها اوزعله 😂فكانت راسها عند صدره بالعافيه شالها وقفها علي رجليه .......ويسكت الكلام عن الباقي 🙊⁦❤️⁩⁦❤️⁩

..

جرس الباب رن قالها روحي البسي عبايه وغطي شعرك علي ماافتحلهم 

قعدوا مع بعض اهل يمني واهل عمر فضلوا يضحكوا ويهزروا وكل واحد يحكي زكري حصلتله ..وسلموا علي بعض واستأذنوا وسابوا العرسان في جنتهم ⁦❤️⁩

يمنى:عاااااااااا 

عمر:في ايييه يامجنونه 

يمنى:الحقني بالرمووت بسرعه قبل ما مسلسل انت اطرق بابي يخلص ،ده فيه الموز كرم بورسين 

عمر:مايتحرق الباب علي الواد الزفت ده ،وقايلك ميت مره متحاوليش تستفزيني بس انتي اللي جبتيه لنفسك والعقاب هيبقي اشد المره دي 😉😈

يمنى:اعمل اللي انت عاوزه بس سيبني اتفرج عالمسلسل الهي تنستر

عمر:هههه لااابرضه وبعدين هاتي الريموت ده ،في ماتش عاوز اتفرج عليه 

يمنى:لااا مش هتاخده واللي يعرف يخرجني يفرجني نيهاااع 😂😂

عمر:وحياات نيهاااع بتاعتك دي لموريكي 

فضلوا يشدوا من بعض الريموت لحد ماوقع وانكسر 😆

عمر:عاجبك كده 

يمنى وهي بتقلد احمد حلمي في فيلم زكي شان :طلقني لو مش عاجبك طلقني 😂😂

وطبعا عقابا عاللي هببته ده ،مسبهاش غير اما عاقبها الضعف⁦❤️⁩

عمر ليمني وهي في حضنه :بكره ان شاء الله حضري الشنط عشان هنسافر دهب 

يمنى:بجد ياعمر 

عمر:بجد ياروح عمر ⁦❤️⁩⁦❤️⁩⁦❤️⁩

حلقه ال 12 

꧂

..... 

 عمر صحي الصبح بدري كالعاده كان نايم وواخد يمني في حضنه بس لما قام لقى رجليها  عند راسه، وراسها عند حرف السرير😂😂 وكانت نائمه زي القتيله قاعد  يلعبلها فى وشها لحد ما صحت، 

   واول ما  فتحت عينيها لقيته بيبصلها 🙈

راحت ضرباه بالقلم  ونطت من على السرير وطلعت تجري في الشقه😂😂

 فضل حاطط ايده  على وشه خمس دقايق يستوعب اللي حصل (ربنا يكون في عونك يابني والله 😂)

 عمر: اااه يا بنت المجنونه 😮

 طب والله ما انا سايبك النهارده يومك اسود يا يمنى الكلب 

 بقا تضربيني بالقلم يا مجنونه 

مره تصحي ترمي عليا صاروخ ومره تصحى تضربيني بالقلم انا بقى هاوريكي 😈

  ان ما خليتك تقوليلي  انا اسفه مش هاعمل كده تاني ما بقاش انا 

راح يدور عليها في الشقه سمع صوت ميه شغاله في الحمام عرف انها بتاخد دش قعد يضحك بخبث كده 😂😂😈

وراح متسحب  وفتح الحمام عليها مره واحده

 يمنى اول ماشافته راحت مصوته وواخده فوطه مغطيه جسمها 😹😹 متحمرش رسمى 😹😻

يمنى: عاااا اطلع برااا ياعمر لهصوت الم الخبث والخبائث عليك 

عمر وهو بيخلع قميصه ومش مهتم للي بتقوله: بقاا انا تضربيني بالقلم، ان مخليتك تصوتي بجد 

يمنى: هتعمل ايه يامجنون 

عمر: مستعجله علي ايه ياقطتي دلوقتي هتعرفي انا هعمل ايه 😈

يمنى لسه هتنطق راح موطي عليها وباسها براحه،زقيته بعيد عنها،راح ماسك ايدها جامد وباسها تاني وتالت ورابع لحد ماقدرتش تقاومه والفوطه وقعت غصب عنها 

(نسكت عن الكلام المباح ) 🙈♥

.

بعد اللي حصل قاموا من النوم العصر وكالعاده كانت نايمه جوا حضنه وراسها علي صدره

.

صحى من النوم فضل يلعبلها في شعرها لحد مصحت،

واول مصحت راح بايسها في عيونها برقه ♥😘

.

عمر:صباح الخير ياروحي

يمنى: هو انت يسطا مبتحسش باللي بتعمله ولاايه ،احنا الضهر ياصلاح 

عمر:ههههه نفسي مره نكمل باقي يومنا برومانسيه لازم تفصليني انتي بلسانك اللي زي الدبش ده 

يمنى:خدها دبش متتسابش قال وعلي رأي المثل ان جالك الطوفان متلحسوش كله نيهااااع 

عمر:هههههههه هتموتيني بألشاتك اللي مش فاهم امها دي

يمنى:اناا جعانه اووي

عمر:حاالا يابنوتي وهطلب الدليفري يجبلك الاكل اللي بتحبيه

يمنى:دليفري مين والناس نايمين انا هعملك اكل دلوقت تاكلك صوابعك وراه 

عمر وهو بيفتكر اخر مره يمنى طبخت فيها اما كان خاطبها وحرقت الاكل 

ابوس ايدك بلاااش هتموتيني قبل مجيب منك عيلين 😂😂

يمنى الزعل بان عليها:خلااص ياعمر اطلب دليفري

لما حس انه جرحها بالكلام راح قايم سند ضهره علي السرير وشدها معاه علي صدره،رفع وشها ليه وباس شعرها وبعدين عيونها ومناخيرها وقبل مينزل عند شفايفها قالها اسف حقك عليا ♥♥

..

قامت خدت دش ولبست هوت شورت جينز وتيشيرت حماله لونه بمبي وعملت شعرها ديل حصان ودخلت المطبخ تعمل اكل

عمر اخد دش هو كمان ولبس بنطلون برمودا لونه ازرق وتيشيرت اسود ودخل وراها المطبخ لقاها فاتحه قناة طبخ عاليوتيوب وبتعمل زي الشيف مابيعمل

حضنها وهو واقف وراه وباس رقبتها 🙈♥

عمر:قطتي هتعملنا اكل ايه 

يمنى:هعمل مكرونه بشاميل اكلتك اللي بتحبها 😋🤗

عمر:اوووه متاكد انها هتطلع حلوه زيك ياقلبي 

باس ايدها وسابها تعمل الاكل وطلع يتفرج علي التلفزيون 

.....

بعد نص ساعه يمنى طلعلته بتعيط زي الاطفال 

عمر خاف ليكون اتلسعت واتخض عليها،جري مسك ايدها وفضل يبص فيها يمين وشمال 

ايه ياحبيبتي اتلسعتي 

يمنى وهي لسه بتعيط:عمررر المكرونه بااظت 

عمر كتم الضحكه غصب عنه وراح واخدها في حضنه مطبطب عليها زي الاطفال واتصل ببتاع الدليفري يجبلهم بيتزا 

..اكلوا البيتزا وهي اعده بين رجليه وسانده بضهرها ع صدره بيتفرجوا علي توم جيري،وطبعا عمر مقدرش ياخد منها الريموت تاني عشان ميزعلهاش 😂

يمنى قامت تجهز الشنط عشان يستعدوا للسفر يقضوا شهر العسل في دهب زي ماعمر وعدها 

رتبت الشنط ودخلت تشوفه فين لقيت واقف بيحلق دقنه في الحمام 

يمنى: عاااااا ده انا هطين عيشتك انهارده 

عمر اتخض وماكينة الحلاقه وقعت منه 😹😹 

ايه ياحبيبتي انا عملت ايه

يمنى:عملك اسود ومهبب انت عاوزني اشوفك بتحلق دقنك واسكت 

عمر وهو بيقلد رانيا يوسف: بدل متزعقيلي ان بحلق دقني نبهني 😂😂

يمنى:راحت واخده منه المكنه ووقفت علي رجليه عشان تطول وشه وبدأت تحلقله دقنه براحه،وهو فضل باصص لعيونها وغرقان فيهم ♥

.

بعد مخلصتله قالتله انا عملالك مفاجأه 

عمر:ايوووه بقااا مفاجأة اييه ياروح قلبي يانتي 

يمنى:احممم هرقصلك 

عمر راح مصفر ومسقف بايده:اييوووووه بقااااا هوو ده الكلاام 😘

يمنى راحت طلعت بدلت رقص سوده 

عمر:ايه ياحبيبتي ده انتي هترقصي في الترب 🙃

يمنى راحت مشغله مهرجان بهوااياا وجابت ايد مقشه وفضلت ترقص زي المعااتيه 😹😹ضيعت كل الانوثه اللي فيها 

عمر:طب استأذن انا بقاا 😂😂

معبرتهوش وفضلت تنط وترقص زي المجانين 😂😂

عمر بيقلد حسن حسني في فيلم كتكوت:طب ياسيدي شكرا كفايه 😂😂

يمنى:ولوووو لازم اكمل الاغنيه للاخر 

عمر فضل يضرب كف علي كف وراح شايلها علي كتفه ودخل بيها الاوضه 😹♥🙈

❤   حلقه 13 

المره دي يمنى هي اللي صحت بدري،،  عمر قام من النوم  ما لقاش يمنى جنبه، استغرب صحيانها بدري 

عمر لنفسه: دي خم نوم ازاي تصحي بدري كده، لاا. أنا بدأت اقلق، هروح اشوف مالها ولا راحت فين 

نزل من السرير ، ما كانش لابس غير شورت البرمودا بس.

 وطى جاب  التيشرت بتاعه مكان مراميه على الارض من امبارح

 لبسه وطلع بره الاوضه، شم ريحه حاجه زي ما تكون تقليه او تخديعه باين 😹

دخل المطبخ لقاها قعده علي الارض وبتعمل محشي 

عمر: انتي بتعملي ايه 

يمنى: بعمل محشي زي ماانت شايف يابيبي 

عمر: ده ليه ده، احنا مسافرين دهب انهارده

يمنى: هي مش دهب دي فيها بحر ولا مفيهاش

عمر:....... 

يمنى: ماترد فيها ولا مفيهاش

عمر: مش محتاجه فقاقه يعني اكيد فيها 

يمنى: اشطاا والبحر بيحب المحشي 

عمر: انتي عااوز تجيبي محشي معانا دهب يايمنى 

يمنى: وايه المشكله ، نبقا ناخد حله نتسلى فيها واحنا قاعدين علي البحر

عمر وهو بيشد شعره: انتي ناويه تجننيني يابت انتي، في حد ياخد معاه حله محشي دهب لييه ياروح امك مسافرين جمصه 

يمنى وهي بتقلد تامر حسني في عمر وسلمى: مش انا هاخد يبقا فيه،  نيهاااع 😂😂طلعتله لسانها وفضلت تحشي في ورق العنب برضه (بيئه اووي يمنى دي بس سكرره 😹

.

عمر مستحملش المنظر وراح شايلها علي كتفه غصب عنها وهي عماله تضرب فيها عشان ينزلها 

يمنى: عاااا نزلني ياعمرر هلف اخر صوباع بس ومش هعمل تاني

عمر: اخرررسي يابت، ولاا وحشك عقاابي 😉😘

يمنى: ياسيدي قرفتني، بوسني عااوز تبوسني بوسني 

عمر: ههههه مش مستني منك اوامر انا ابوسك في اي وقت، بس حاليا هتدخلي تاخدي دش عشان ريحه التقليه المقرفه دي 

يمنى: مش هستحمى يلااا هي 😛😛

عمر: بقااا كده، مااشي انا هوريكي تكسري كلامي ازاي ياملبن انتي ورااح زاققها مدخلها الحمام 

اخلعي يلاا الهدوم اللي ريحتها تقليه دي واستحمي انا واقفلك اهو 

يمنى: انت اتجننت، طب اطلع برا وهستحمي طيب 

عمر: مش طالع واختاري حاجه من الاتنين ياأحميكي انا، ياما افضل مستني لحد متستحمي

يمنى: طيب اطلع براا 

عمر: متخلصي يابت بقاا، انتي محسساني ان اول مره اشوفك جسمك 

يمنى: هااا احيييه عليك، والله انت قليل الادب 

عمر ومتحرش كمان وراح خلع هدومه وزقها في البانيو وملااه مايه واستحمى،  قصدي واستحموا سوا 🙃الكدب حرام 🙈😂😂😂😂

... 

يمنى واقفه قدام المرايه بتسرح شعرها وعمر بيكوي قميصه عشان مسافرين 

يمنى بتبص علي نفسها في المراي:ايش هااطعامه ياريتان 😂واقسم بالله وتكه يابت يايمنى،جمر جمر يعني،انا لو مكنتش بنكسف كنت اتقدمت لنفسي واتجوزتها 

عمر سمعها فضل يضحك 

معتووها والله ياحبيبتي 

يمنى بترد علي عمر  وهي بتشيل الفوطه من علي جسمها ومش واخده بالها من اللي بتعمله:تنكر انك بتعشق هبلي ده 😛😂وهووب عينكم ماتشوف الا النور 

الفوطه وقعت 🙃🙈

عمر وهو بيقلد اللمبي:وانا اللي كنت فاكرك مؤدِبه 😂😂😂

وطت بسرعه جابت الفوطه تغطي جسمها وشها احمر من الكسوف زي مايكون مش جوزها بنت الهبله 😹😹

عمر لبس لبس كاجوال شيك،بنطلون جينز اسود وقميص جملي وشوذ بلون القميص 

ويمنى لبست فستان زيتي عليه حزام فيونكه لونه جملي وطرحه جملي وهيلز أسود 

كانو كابلز قمرر اووي 😍

عمر حط الشنط في العربيه وطلع ينادي ليمنى 

كانت لسه طالعه من باب الشقه

عمر:انت ايه اللي حطاها علي شفايفك ده 

يمنى:ده روچ نبيتي

عمر بزعيق:منااا عاارف انوو زفتت،انا مش قايلك مليييوون مرره متحطيش زفت رووچ تااني 

يمنى خافت منه لما لقيته اتحول فجأه كده لشخص عصبي جداا:عمر حبيبي انا هفضل قاعده في العربيه مش هنزل غير عالفندق علطول

عمر لسه بيزعق:ولماا تنزلي الززفت وراجل يشوفك،ساعتها اقتله بقا ولااعمل اييييه،غوووري امسحي القرف ده 

يمنى بعند:مش همسحه ياعمر 

عمر:انتي بتتحديني يارووح امك،ماااشي اناا هعررفك 

زقها دخلها باب الشقه وراح باسها جااامد لدرجه انها فضلت تزق فيه يبعد عنها عشان تاخد نفسها بس لانه اقوي منها بمراحله معرفتش تحركه خطوه واحده 

لما حس انها مش قادره تاخد نفسها،بعد عنها شويه وهو بيلهث علي اخره 

عمر:كده اتمسح خالص،ابقى اشوف حطا زفت تااني،المره الجايه هورملك شفايف ده اذا مكانوش ورموا اصلاا 

انا نازل،خشي اعدلي هدومك،دقيقه والاقيكي في العربيه،اداها ضهره ولسه هينزل سمع صوتها بتعيط 

قرب منها وخدها في حضنه،فضل يطبطب عليها ويبوس كل حته في وشها برقه لحد مهديت خالص

عمر:أحسن شويه

يمنى:......

عمر:طب حقك عليا متزعليش،انا بس دمي غلي لما اتخيلت بس ان ممكن راجل تاني يبص لشفايفك

بيلمس شفايفها برقه:دوول بتووعي انا بس،ملكي،فاهمه 

يمنى:حاضر 

حضنها جامد وباس راسها ونزلوا يركبوا العربيه 

عشان يقضوا شهر عسلهم في دهب اللي من اجمل الاماكن في مصر 

....

في نص الطريق 

يمنى:شغلنا حاجه كده تروق الجي وتكبر الدي

عمر:هههه حاضر ياأميرتي 

تحبي تسمعي ايه

يمنى:أدهم....افتكرت انه بيغير لما بيسمع اسم راجل تاني علي لسانها 

وحان الآن

عمر:هااا

يمنى:دي اغنيه جديده لوااحد كده معروفش،اكتب اسم الاغنيه وهيطلعلك اسمه 😂😂يااقااادره ياايمنى بقاا عامله نفسك متعرفيش أدهم نابلسي 😹😹

شغلها الاغنيه،ساق العربيه بايد وخدها في حضنه بالايد التانيه وفضلوا يغنوا مع الاغنيه لحد ماوصلوا للفندق..

 وتعبيرا عن الحاله اللي جوايا

  هاقول كل الكلام دلوقت لعنيكي

وجودك جنبي بالنسبالي ده كفايه

 موافق اعمل اي حاجه ترضيكي

       الفصل الرابع عشر من هنا 

لقراة باقي الفصول من هنا