رواية حب حادق حب مر
الفصل السادس والسابع والثامن🌶
عادل:البت اتأخرت اوى يا ام ندى العشا اذنت انا هنزل اصلى فى الجامع واجى تكون هى جت بالسلامه ولو مجتش هرجع استناها على الموقف..
ناديه:انزل يا اخويا انا كنت هقولك كده برضو انا قلقانه عليها وقلبى مقبوض ولا معاها تليفون حتى كنت تكلمها يا عادل..مينفعش كده انت شوفلها تليفون مستعمل حتى عند الواد سيد يبقى معاها ..
عادل:تيجى هى بالسلامه بس وانا هاخدها معايا واشوفلها واحد على قدنا كده وان شاء الله ادفع حقه حاجه فى حاجه..يله انا هنزل الحق الصلاه جماعه اجبلك حاجه وانا راجع..
ناديه:ببدايه دموع وقلب بينبض برعب وصوت مهزوز من شده خوفها على بنتها..هاتلى بنتى ياعادل...
عادل:بخوف ورعب اشد حاول اخفاءه..ايه ياام ندى بنتنا فى أمان الله ولا نسيتى اطمنى وصلى على الحبيب هى زمانها جايه بأمر الله يله استودك الله...
//////////////
عبد الرحيم:ها ايه رأيك فى الفكره دى والبنت ماشاء الله اخلاق وجمال وانت خبير وتقدر تقراى اللى قدامك قولت ايه..
شهاب:كلف حد من رجالتك يجبلى تاريخ البنت دى هى واهلها كلهم ويجبلى عنوان بيت والدها حالا ...لازم اسال على عروسه ابنى ولا ايه يا عبد الرحيم...ههههههههه
عبد الرحيم:اه طبعا امال ..الف مبروك يا ابو عمر ربنا يتمم بخير..هههههههههههه
شهاب:والله وهتلبس يا عمر هههههههه قوم بينا نشوف فين بيت والدها عايز اكلمه من غير ما البنت تشوفنى..
/////////////
وشرف مامتك تسبنى...جمله رمتها لعلها تصحى ضميره ويبعد عنى وقد كان....بصلى لثوانى ورجع وشه لملامحه الوسيمه الرجوليه الجميله بعد ما كان عامل زى الوحش الشرير..اد ايه هو امور ايه اللى بقوله دا انا فى ايه ولا فى ايه استغفر الله العظيم سامحنى يارب...غمض عينه بغضب وبعدها ساب ايدى وقام بعيد عنى واضح ان مامته غاليه عليه اوى...واخيرا اتنفست....شد تيشرته ولبسه واتكلم وهو مدينى ضهره...بعلو صوته..
عمر:لو جبتى سيره امى تانى على لسانك هقتلك...فاااااهمه؟؟
ندى:رديت عليه بخوف ورعب لكن حاولت اكون قويه...لا مش فاهمه ومش عارفه انت بتعمل معايا كده ليه وعايز منى ايه...سكت لثوانى بحاول اتحكم فى دموعى...اهلى زمانهم هيموتو من القلق عليا...واهل صحبتى كمان..ارجوك سبنا نمشى وانا اوعدك اكلم المهندس صاحب المول واقوله يرجعك الشغل تانى انا كنت ناويه اعمل كده والله بس مكنتش بعرف اسيب مكانى من ضغط الشغل بس لو سبتنا نمشى ان شاء الله مش همشى من الشغل بكره غير وانا مكلمه المهندس وهخليه يرجعك وتسيبك من حكايه السرقه دى....
عمر:قعد على كرسيى ومدد رجله على طربيزه..رغى رغى رغى...رغايه انتى يا ندى ...انا هسيبك تمشى المرادى بس بشرط...شاور بصباعه على خده...هاتى البوسه بتاعتى اللى بوستهالك وانا بعتذرلك....وكمان سحبت الاعتذار علشان تعرفى تعملى محضر وتقولى فيه المرادى انى خطفتك لان دى مش هتكون اخر مره وخلى بالك مش كل مره هتخرجى من هنا سليمه..وغمزلى بعينه وشاور بصباعه على خده تانى...يله بوسينى بسرعه لو عايزه تمشى..
فضلت فتره ساكته بستغفر وبقرا قرأن فى سرى وبدعى من قلبى ربنا ينجينى انا وسهى ونخرج من هنا على خير ومنوجعش قلب اهلنا علينا وقبل ما ارد كنا سمعنا صوت جامد بره ودخل اكتر من واحد من الحرس..
فرد امن:الحق ياعمر باشا عربيه البشمهندش شهاب داخله على الفيلا عندنا..
عمر:قام بسرعه ومسكنى من ايدى..اخرج بسرعه عطلهم شويه..وانتى تعالى معايا..بدأ يشدنى علشان امشى معاه بس المخدر كان لسه مأثر عليا ووقعت كذا مره منه اخر ما زهق شالنى وطلع بيا على السلم..
ندى:سبنى بالله عليك انا عملتلك ايه لكل دا...
عمر:حظك الاسود ياندى رماكى فى سكتى وبقيتى اللعبه بتاعتى ومش هخلى حد ياخد لعبتى منى..
ندى:أرجوك سبنى امشى وانا مش هجيب سرتك لحد وهنسى انى شوفتك وانت كمان انسى انك شوفتى وحياه مامتك..وقبل ما أكمل كان نزلنى وضربنى قلم بكل قوته لدرجه انى كنت هقع بس هو لحقنى وشالنى تانى واتكلم بكل غضب وهو بيدخل بيا اقرب اوضه...
عمر:قولتلك متجبيش سيره امى على لسانك تانى رمانى على السرير بعنف وفضل يدور على حاجه معرفش ايه هيا زى المجنون ورجعلى تانى ماسك فى ايده قلم وورق...وعدلنى فى حضنه...امضى يابت..
ندى:بدموع غرقت وشى وبحاول ابعد عنه ..مش همضى على حاجه عاااااا ايدى سيب ايدى هتتكسر فى ايدك ااااااه حرام عليك.
عمر:امضى بقول بسرررررعه امضى والا وحياه امى اغتصبك حالا اخلصى امضى بأسمك كامل ورقم بطاقتك.. شكله رعبنى وخوفت ينفذ تهديده مضيت على ورق فاضى كتير اوى...واخيرا ساب ايدى اللى كانت هتتكسر من شده مسكته وقرب من وشى اوى وهمس قدام شفايفى...انتى بتاعتى لوحدى.. نهى كلامه وباسنى من تحت شفايفى ودلكلى ايدى شويه بحنيه غريبه لحد ما قدرت احركها وانا ببصله بزهول كأنه تنين براسين فوقت على صوته..لسه بتوجعك؟؟حركت راسى بلا ساب ايدى وخد الورق وخرج من الاوضه...اترميت على السرير ابكى بحرقه...لكن برغم كل اللى بيحصلى مش عارفه ليه مطمنه وحاسه ان فى خير ورا كل اللى بيحصل دا ويقينى بالله عمره ما خاب...
/////////
شهاب:اوعى من طريقى بقولك انت اتجننت يا ولد انت بتمنعنى ادخل بيتى..بعده عن طريقه ودخل يسند على عكازه وجنبه صديقه عبد الرحيم..عمر انت ياولد انت فين يازفت..
نازل ببرود على السلم وبيصفر كالعاده..
عمر:اهلا اهلا بالبشمهندس شهاب منورنا والله..
شهاب:قرب منه ومسك فى رقابته..البنت فين يا حيوان انت عملت فيها ايييه...حصلت ياعمر للخطف للدرجاتى اخلاقك بتنحدر..بعد عنه وقعد على اقرب كرسى بتعب...للدرجاتى انت ورثت صفاتى بس فوق يا ابنى اوعى تكون زيى ولا تغلط غلطى...
عمر:قرب من والده وحط ايده على كتفه...متخفش يا ابو عمر انا مش هغلط غلطك..بالعكس انا هصلح الغلط اللى انت عملته زمان..وهتشوف..
شهاب:انت مش هتبطل تفكيرك دا يابنى فوق لنفسك وانسى الماضى وخلينا نبدأ من جديد انت اللى فضلى بعد سفر اخواتك خليك جنبى انا كبرت ومحتاجلك...
عمر:بألم ووجع...انسى مش بالسهوله دى...وقبل مايكمل كانت ندى نازله تجرى من على السلم..وقفت بعيد عن عمر وبتتكلم بكل خوف ورعب واضح على وشها المضروب...
ندى:بشمهندس شهاب الحمد لله ان حضرتك جيت.. ارجوك خليه يسبنى امشى انا وصحبتى...وسامحو على اللى عمله وخليه يرجع شغله انا خلاص مش زعلانه منه....بس يخلينا نمشى ويحلف قدام حضرتك انو مش هيتعرض لنا تانى ابدا..
شهاب:بص لصديقه عبد الرحيم بحزن وسند بأيده وراسه على العكاز..
عبد الرحيم:اهدى يابنتى احنا هنروحك حالا اهدى متخفيش وصحبتك كويسه ومستنياكى بره فى العربيه مرضيتش تروح من غيرك... يله يابنتى تعالى..حاولت ابعد على اد ما اقدر عن عمر وسرعت خطواتى علشان امشى لكن هو كان اسرع منى وبلحظه كان خطفنى فى حضنه قدامهم وهو بيزعق بعلو صوته..
عمر:دى بتاعتى ملكى محدش هيخدها منى ...شدنى فى حضنه اكتر وهمس جنب ودنى...انتى بتاعتى يا ندى وقولتلك مش هتخرجى من هنا الا وانتى ملكى...فاااااااهمه.
ندى:ابعد عنى انت ايه مبتخفش من ربنا اتقى الله يا اخى...انت فاكر نفسك ايه علشان تخطفنى انا وصحبتى وتقلق قلب اهلنا علينا بالشكل دا.... وقبل ما اكمل رد عمو وقال..
عبد الرحيم:سبها يا عمر يابنى...وانتى اهدى يا بنتى احنا لسه راجعين من عند اهلك..
اهلى ...الكلمه هزتنى وقلبى انقبض من كتر الرعب...حاولت افلت من ايده ولكنى كالعاده فشلت..عامل زى الكماشه ماسك فيا بأيده الاتنين ولما حاولت اجرى منه رفعنى عن الارض خالص وبقيت كلى فى حضنه وكتفى اليمين على صدره...بصتلو بكل غضب ورجعت براسى لورا بتلاشى قرب وشه منى وهو بيبصلى بتسليه وابتسامه مستفزه على وشه....
ندى:احترم نفسك يا قليل الحيا انت وابعد عنى...انت ايه قله ادبك دى كلها...قربنى اكتر وحط جبهته على جبهتى وقالى...
عمر:اغلطى كمان مره وانا اعضك من لسانك حالا...
شهاب:بكل عضب وبأعلى صوت...سبها بقى يا بن الكلب انت ايه مصنوع من ايه...سبها بقولك خلينا نروحها علشان تلحق العزا....
..انا سمعت غلط اكيد...عزا ايه وعزا مين معقول تكون امى لا لا يارب امى لا...لقيت ايدى الاتنين تلقائى بتمسك فى تيشرت عمر بكل قوتى رغم الألم الشديد اللى فى ايدى لكن الم قلبى اقوى.. وبصتله برعب وبدأت اترعش بين ايده وبلعت ريقى بصعوبه واتكلمت بصوت مهزوز من شده خوفى..
ندى:هو قال عزا....شدنى اكتر لحضنه ومبعدش بعيونه عنى...
واتكلم بكل حزم..
عمر:عزا ايه اللى البشمهندس شهاب بيقول عليه يا استاذ عبد الرحيم...
عبد الرحيم:ببالغ الحزن والأسى فى صوته...البقاء لله يابنتى والدك توفاه الله.....
....وكأنى خت سكينه فى قلبى قسمته نصين....وبدأ نفاسى يروح والدنيا تدور بيا...مسكت اكتر فى عمر...ونفاسى بدأ يقل اكتر واكتر...
عمر:ندى اهدى...اتنفسى خدى نفس متخافيش..شلنى بسرعه وهو بيصرخ باعلى صوته....عربيه بسررررررعه....
💋البارت السابع🌶🌶
بعد مرور 6شهور......
..لو الدموع بترجع اللى راح كنت بكيت عمرى كله بس يرجعلى ابويا..مكنش ينفع استسلم للحزن...لازم اكون قويه علشان امى..اه امى يارب اشفيهالى واحفظهالى.
..حصل حاجات كتير فى ال6شهور اللى فاتو دول بس اهمهم انى.....اتجوزت....
فلاش بااااااااااك
عمر:ماسك ايدى وبيسوق بسرعه مجنونه...اهدى واتنفسى متخافيش احنا قربنا على المستشفى..نزل بسرعه وشالنى ودخل يجرى دكتور هنا بسرعه....بعد الكشف قالو عندى صدمه عصبيه حاده فضلت شويه فى المستشفى وهو جنبى مسبش ايدى طول الوقت مهما حاولت اشدها من ايده.
وكل ما دموعى تنزل على خدى يمسحالى.
وفجأه قرب منى وهمس قدام شفايفى.
عمر:لو فضلتى تعيطى كده هعتبرها دعوه صريحه انى اسكتك بطرقتى..وبص على شفيفى وغمزلى بعيونه.
ندى:بغيظ وغضب.ابعد عنى ملكش دعوه بيا.
عيطت اكتر.انت اييييه كمان مش عايزنى احزن ولا اعيط على ابويا اما انك عديم الاحساس مش بس عديم الادب والأخ...وقبل ما اكمل كان باسنى من شفايفى وبعد بسرعه لما حس ان الباب هيتفتح البوسه دى كانت كفيله تخرسنى لحد ما المحلول اللى فى ايدى خلص وحسيت انى اقدر امشى وطلبت من الدكتور اخرج.
لازم اودع بابا لازم كنت اشوفه واعرف مات ازاى وهو عمره ما اشتكى من اى حاجه وصلنى عمر وفضل ماسك ايدى طول الطريق ومهما حاولت اشدها منه الا انه ماسكها بكل قوته ولما وصلنا على البيت قالى هرجعلك تانى. واختفى بعد كده مشفتهوش تانى لمده 3شهور ... طلعت اجرى وانا مفتوره من العياط لقيت امى مستنيانى واول ماشفتنى قالتلى..
ناديه: اهدى ياقلب امك وتعالى فى حضنى...اترميت فى حضنها ببكى بحرقه...هششششش بس يا ندى ابوكى هيزعل منك دا قدر ربنا يابنتى..
ندى:ب ب بابا م م مات ايه اللى حصل مات ازاى ياماما.
ناديه: قولتلك يابنتى قدر ربنا هو كان كويس وقاعد مع ناس معرفه بيتكلمو وخرج يوصلهم وهو بيضحك وفجأه وهو واقف معاهم قال انا دايخ ووقع جبنا الدكتور بهاء جارنا قال دى سكته قلبيه....سكتت وحاولت تمنع دموعها اللى خنتها ونزلت...ملناش فى نفسنا حاجه يابنتى انا لله وانا اليه لراجعون...
عزا بابا كان كله عباره عن رجاله شباب المنطقه عندنا والحريم برضو منكرش كانو كتير بس مش زى الرجاله...واكتشفت بعد كده ان عدد كبير جدا منهم كان متقدملى...عدى مده على وفاه بابا وطبعا حكيت لامى كل حاجه حصلت من عمر وهى بقت مرعوبه من خوفها عليا خصوصا لما عرفت انو مضانى على ورق كتير بس انا طمنتها واقنعتها تفوض امرها لله وقولت لازم انزل شغلى ورجعت اشتغلت تانى فى المول وبدأت احاول انسى عمر الا انى مش عارفه خالص بس حزنى على ابويا كان اكبر وجع فى قلبى..
شغلت نفسى بأمى والشغل والصراحه المهندس شهاب كان ديما يسأل علينا انا وامى ويبعتلنا عمو عبد الرحيم لكن انا مرضتش اقبل اى مساعده ماليه عرضها علينا.
الفلوس اللى بخدها هى اللى بشتغل بيها بس غير كده الله الغنى عن مال الدنيا كله.
...مرت الايام ببطئ وحزن شديد.. وكان فى واحد بيشتغل معايا فى المول من منطقه قريبه مننا ديما بيجى مع عمى يسأل علينا كان لمحلى كام مره وانا فى الشغل انه عايز يتقدملى لكن انا كنت بصده... عرفت بعد كده انه قابل بابا وحلق عنده وطلب معاد يطلب ايدى فيه وبابا قاله هرد عليك لكن ملحقش حبيبى الله يرحمه...وجدد طلبه تانى لكن المرادى طلبنى من عمى علام اخو بابا الكبير..
علام:يابنتى دلوقتى جالك عرسان كتير اوى بعد موت ابوكى الغالى الله يرحمه...بكى بنحيب شديد...لكن الجدع اللى شغال معاكى اللى اسمه ياسر بقالو اكتر من شهرين رايح جاى عليا وبيزن على دماغى وانا سألت عليه وطلع جدع ابن حلال وعلى قد حالنا وانتى عارفاه وشوفتيه وقف معانا ازاى...ومتشليش هم جهازك يابنتى انا هجهزك زيك زى بناتى تمام وهو قدامه سنه على ما يجهز باقى شقته عايز يشبكك ويكتب عليكى ودخلتكم تكون بعد سنه...ايه قولك..
ناديه:بدموع وقلب ام عايزه تطمن على بنتها...وافقى ياندى وافقى يا ضنايا عايزه اطمن عليكى واشوفك متهنيه فى بيت عدلك يابنتى..
ندى:اهدى يا امى كفايه دموع... انتى ناسيه العريس اللى عمو عبد الرحيم جيبهولى...دا لسه سألنى على رأى انهارده فى الشغل يا عمى وعايز يجى تانى ويجيب العريس معاه علشان اشوفه..
ناديه:ايوه صح يا علام دول اللى كانو قعدين مع عادل قبل ما....عيطت جامد...قبل ما يموت وطلبو منه ايد ندى....بس احنا منعرفش ابنهم ولا حتى شفناه..
علام:طيب وانتى رأيك ايه ياندى...تحبى تشوفى ابنهم يابنتى وتقررى براحتك..
ندى:لا ياعمى مش هشوف حد...انا موافقه على ياسر زى ما حضرتك قولت هو على اد حالنا ...وفقت علشان افرح قلب امى وانفذلها رغبتها انها تطمن عليا رغم ان قلبى رافض ياسر دا خالص.
لا وايه كمان قلبى عايز اللى ضربنى وخطفنى وكان هيغتصبنى.
عايزه عمر ومستنياه يرجع زى ما قالى معرفش اتجننت ولا ايه جرالى بس اللى اعرفه ومتأكده منه انه هيرجع زى ما قالى.
واتحدد معاد الخطوبه وكتب الكتاب مع بعض.
بس انا كنت ديما ادعى ربنا من قلبى وانا كلى يقين وايمان ان ربنا هيستجيب وهيريح قلبى ويكتبلى الخير والحمد لله ربنا استجاب لدعوتى...ويوم كتب كتابى ظهر عمر......
نهايه الفلاش بااااااااااك
بأحدى المناطق الراقيه بالقاهره....بشقه بالدور العاشر...
الساعه ال3بعد منتصف الليل...
ندى:ياربى على التأخير بتاع كل يوم يارب احفظه انا مستحيل اصدق انه بيسرق...قلبى بيقولى انه بيقول كده علشان يستفزنى...
ناديه:صباح الخير ياندى...
ندى:بشهقه جامده....ماما حبيبتى معلش اتخضيت...صباح النور ياحبيبتى...ايه هتصلى قيام الليل..
ناديه:معلش ياضنايا مش قصدى اخضك انتى اللى واقفه سرحانه...اه هصلى ياحبيبتى...جوزك لسه مجاش...
ندى:احححم اه لسه ما انا مستنياه علشان احضرلو العشا...انتى عيزانى اعملك حاجه ياحبيبتى...
ناديه:سلامتك ياحبيبه امك...ربنا يهدى سرك ياضنايا...
ندى:قربت من امى وبوست ايدها وحضنتها....يارب يا أمى ادعيلى من قلبك برتاح لما بتدعيلى يا ماما....وانا لسه فى حضنها كان باب الشقه اتفتح ودخل جوزى....عمر.....
عمر:السلام عليكم..اهلا اهلا ست الكل عندنا....قرب على امى وباس راسها وايدها.....عامله ايه يا ام ندى وحشانى والله اخيرا رضيتى تيجى تقعدى معانا...
ناديه:حمد لله على سلامتك يابنى انا بخير طول ما انتم بخير....انا كنت جايه اطمن عليكم لكن ندى مسكت فيا افضل معاكم انهارده...انت عارف مقدرش ابعد عن بيتى..
عمر:لا دا احنا مش هنسيبك تمشى تانى...بصلى...ولا ايه ياندى؟؟؟؟قربت من ماما وحضنتها....
ندى:هى توافق بس يا عمر انا نفسى تفضل معانا على طول...
ناديه:يله شوفى جوزك وسبونى انا اروح اوضتى عايزه اصلى وانام شويه علشان انزل معاكى وانتى رايحه شغلك اصبح بدرى...قال اقعد على طول قال...انا مبرتحش غير فى بيتى.
....سبتنا ودخلت الاوضه...وبلحظه كان شدنى عمر فى حضنه و حضنى بكل لهفه...وجرى بيا على اوضتنا....وهو احححم بيبوسنى بجنون....
عمر:امممممم وحشتينى يا لعبتى...حاولت اعترض الكلمه دى بتجرحنى اوى لكن هو عجزنى بكلامه......ايه هتمنعى نفسك عنى وتغضبى ربنا....ولا لازم كل مره اطولك بالضرب.... مامتك هنا واعتقد مش هتبقى مبسوطه لما تسمعنى بضربك علشان عايز اخد منك حقى الشرعى ومش هتغلطتنى لو عرفت..
.كلامه زعلنى من نفسى وعلى نفسى انا مراته ودا من حقه وبعد ما كنت ببعده عنى شديته لحضنى تانى واستسلمت لجنونه اللى بصراحه رغم عنفه الا انه بيعجبنى بجنوووووون......ودى كانت اول مره يلمسنى من غير ضرب ولا عنف ورغم كل الحب والشوق اللى عشناه فى لحظاتنا مع بعض الا انه اول ما بعد عن حضنى أتحول لأنسان تانى شخص عنده انفصام فى الشخصيه....بعد عنى بعد فتره طويله وادانى ضهره...كأنه بيهرب بعيونه منى...واتكلم بكل قسوه فى صوته....
عمر:بتسلمى نفسك لواحد حرامى....ايه عجبتك عيشه العز وبطلتى تسمعينى مواعظك عن ان السرقه حرام يا بياعه الحادق؟؟؟؟؟
💖💖البارت التامن🌶🌶
...ديما بنشوف الزوجه هى اللى بتتمسك ببتها وتحافظ عليه اكتر من الزوج...رغم سنى الصغير ومده جوازى اللى مكملتش 3شهور...الا انى بحاول احافظ على بيتى بكل قوتى... خصوصا لما يبقى بيتى للاسف مهدد بالانفصال....بسبب ظروف جوازنا وقسوه عمر معظم الوقت.....ومحاولته بكل الطرق انه يكرهنى فيه ميعرفش ان القط ميحبش الا خناقه .....وانا بقيت بعشق كل حاجه منه.... وبرغم طبعى انى احكى كل حاجه لأمى....الا انى من وقت ما اتجوزت ولا مره حكيت لأمى سرى مع جوزى...ديما بلتمس له عذر و بدعى ربنا يصلح حاله....وهفضل احافظ على بيتى وجوزى لأخر نفس فيا...لأن عمر بكل قسوته وعنفه اللى بيحاول ديما يظهرهم ليا الا انه حنين اوى وحاسه بحبه ليا اوى اوى.... و انا بقي لازم أظهر حبه وحنانه اللى بيجاهد علشان يخفيهم عنى....وهفضل وراه لحد ما يظهر كل حبه الحلو وينسى الحب الحادق🌶🌶
/////////
ندى:انا سلمت نفسى لجوزى... اللى انا اتأكدت فعلا انه حرامى..وبلحظه كان خطفنى قعدنى على رجله جوه حضنه ولوى ايدى ورا ضهرى وبيتكلم من بين اسنانه..
عمر:اتأكدى انى حرامى ...اممممم واتأكدى ازاى بقى ياحلوه..ولما اتأكدى مطلبتيش الطلاق ليه وقاعده على زمتى ليه لما انا حرامى....ساب ايدى وشد شعرى بكل قوته لدرجه انى كنت هصرخ بس كتمت صرختى لما افتكرت ان امى معانا فى الشقه...انطقى يابت..
ندى:ااااه شعرى يا عمر اااه ارجوك سيب شعرى بيوجعنى وكمان متنساش ماما هنا وممكن تسمعنا مش عايزه حد يعرف سرنا......ااااه سيب شعرى خلينى اعرف اتكلم.....ساب شعرى وبدا يملس عليه ويبعده عن وشى..
واتكلم ببتسامه على وشه..
عمر:سرنا حلوه الكلمه دى عجبتنى هااااا انطقى بقى ....قربنى لحضنه أكتر وسند بدقنه على كتفى وانا استغليت قربه ورفعت عينى اتأمل ملامحه واشبع من نظره عيونه اللى بيخبيهم عنى ديما ورفعت ايدى على خده واتكلمت بكل ذره حب ليه فى قلبى..
ندى:عارف اتأكد ازاى انك حرامى...قربت منه اكتر وهمست فى ودنه...لما سرقت قلبى...بصلى بزهول...ايوه انا بحبك بحبك اوى ونفسى اعيش باقى عمرى كله معاك انت ونبقى زى اى زوجين...
انا مش عارفه انت بتعاملنى كده ليه وبتحاول تبعدنى عنك ليه لكن اللى اعرفه انى مراتك وهستحملك مهما تعمل...ضمنى لحضنه وقفل ايده الاتنين عليا بكل قوته واتكلم بصوت هامس....
عمر:بتحبينى بعد كل اللى عملته فيكى ومعاكى...ضربتك وخطفتك وبتعمد اجرح قلبك و كرمتك ولسه عايز اجرحك اكتر انتى متعرفيش انا بعمل كده ليه....خد نفس عميق وباسنى من رقبتى...حبينى يا ندى حبينى اوى حبينى اكتر...ضمنى لحضنه اكتر...كل ما تحبينى اكتر انا هجرحك اكتر هتستحملى يا ندى....بعدنى عن حضنه ومسكنى من ايدى الاتنين وهزنى بعنف......هتستحملى يا ندى ولا هتبعدى عنى وتسبينى انتى كمان هتسبينى زيها ياندى ردى عليا هتسبينى زيها....
ندى:حضنته بكل قوتى ودموعى مغرقه وشى... انا بحبك ياعمر مستحيل اسيبك هستحمل...دفنت وشى فى رقبته....هستحمل اى حاجه وكل حاجه منك بس وانا جوه حضنك متبعدنيش عن حضنك ياعمر....خرجت من حضنه وشديته هو لحضنى وراسه على صدرى وبملس على شعره....احكيلى يا عمر افتحلى قلبك ياحبيبى ...نفسى تقولى كل حاجه تعباك...نفسى اوى اتعرف على اهلك انا لحد دلوقتى معرفش حد منهم خالص مش عارفه انت مش عايز تعرفنى عليهم ليه حاسه انك من عيله كبيره اوى ماشاء الله باين عليك وعلى تعليمك انا سمعتك وانت بتتكلم فى التليفون فرنساوى قبل كده ..سكت شويه واتكلمت بوجع شديد...انت مكسوف منى اححم قصدى مكسوف انهم يقولو انى مش من مستواكم واوعى تقولى انك حرامى دى تانى انا واثقه ومتاكده انك مش حرامى...رد من غير ما يبعد عن حضنى..
عمر:بطلى هبل وشغل افلام انتى مراتى وهتعرفى كل حاجه فى وقتها وايوه ارتاحى انا مش حرامى...
ندى:طيب قولى مين دى اللى بعدت عنك....دفن وشه فى حضنى اكتر وضمنى اكتر وحسيت بدموعه على صدرى كملت بدموع ووجع على كميه الوجع اللى حسيت بيها جواه ومعرفش ايه خلانى قولتله.... تقصد مامتك مش كده....
وكأنى حررت الوحش اللى جواه ورفع وشه من صدرى وبصلى بكل غضب ومسكنى من رقبتى بعنف شديد لدرجه حسيت انه خلاص فقد اعصابه وهيموتنى فى ايده وقالى...
عمر:قولتلك هقتلك لو جبتى سيرتها...انا مش هسمحلك تعملى زيها فااااااهمه...
ندى:مقدرتش ارد من ضغط ايده على رقبتى وبدات اتخنق ونفسى يروح وبالعافيه نطقت وانا على وشك الأغماء او الموت....ع ع عمممر.... فاق وبعد ايده بسرعه....شهقت جامد وفضلت اكح فتره وهو اتحرك ببرود جابلى ميه وشربنى....
ووقف يبصلى كأنه مستنى انفجارى فى وشه كالعاده اصل مش اول مره يخنقنى بس انا خيبت ظنه المرادى لما اترميت فى حضنه اللى بعشقه وقولتله....
ايدك تقيله اوى اوى يا عمورى عايز تموتنى بسرعه كده..بوسته من خده وجريت على الحمام وقبل ما اقفل الحمام قولتله...مش هتخلص من حبى بسهوله....قفلت الباب وقعدت على الارض وعيطت كتير من غير صوت عيطت على وجعه هو اكتر من وجعى. وخصوصا انه موجوع بسبب مامته . اه لو اقدر اخفف عنه الوجع دا ..
.مسحت وشى وقومت خت دش وفضلت شويه لحد ما هديت ولفيت فوطه على جسمى وخرجت ملقتهوش فى الاوضه لبست قميص قطن صيفى لونه احمر ووقفت قدام المرايه اسرح شعرى لقيته دخل لابس
شورت اسود وتيشرت اسود كات شكله يهبل الصراحه وماسك فوطه بينشف شعره بيها وقف يتأملنى شويه ببتسامه هوستنى وانا واقفه اتامله فى المرايه قرب عليا وحضنى من ضهرى ودفن وشه فى شعرى وهمس فى ودنى...
عمر:اممممم شعرك يجنن.... من يوم ما كنا فى مكتب المول وفكيتى مشبك شعرك وفردتيه قدامى وشوفت طوله وجمالو كنت هتجنن واستمتع بملمسه على وشى زى دلوقتى...
ندى:طيب ممكن ننام علشان كلها ساعه وهنزل الشغل كده هروح انام جنب المخلل..اتحرك بيا للسرير وهو حضنى....
عمر:قولتلك لو مش عايزه تروحى تانى متروحيش لكن انتى غاويه تعب براحتك روحى...طفى النور وشد الغطا علينا....شوفتى انا مدلعك ازاى وسيبلك حريه الاختيار...
ندى:بضحكه صفرا..مدلعنى اووووووى...شدنى لحضنه وحوطنى بجسمه كلو وقالى...
عمر:بتقولى حاجه ياندى..
ندى:اححم انا لا ابدا تصبح على خير..
عمر:اه بحسب..وانتى بخير...نمت فى حضنه وانا فى دماغى الف سؤال وسؤال ياترى فين اهله؟ ولا بيشتغل ايه؟ وليييه كل الوجع اللى شيله دا؟وايه حكايه مامته؟بس السؤال اللى طير النوم من عينى بجد انى مشوفتش قسيمه جوازى من ساعه ما طلعت عمر خدها وقالى القسيمه معايا ازاى مطلبتش ابص فيها حتى على الاقل كنت عرفت اسم جوزى بالكامل ايه...ازاى بس معرفش جوزى اسمه عمر ايه!!!!!
///////////
ناديه:ماسكه صوره جوزها بتكلمها......اه يا عادل واحشتنى يا حبيب عمرى الف رحمه ونور عليك....اوعى تكون زعلان منى يا اخويا علشان وافقت على جوازه ندى من عمر جوزها دا....الواد صعب عليا وقطع قلبى يا عادل لما ابوه قالى هو بقى عدوانى كده ليه و حكالى اللى حصله....
فلاش بااااااااااك
يوم كتب كتاب ندى على ياسر.....
ناديه:ندى انتى صاحيه بدرى كده ليه يا ضنابا...
ندى:رايحه الشغل يا ماما هرجع الساعه 11قبل الضهر بأمر الله..
ناديه:يابنتى هتروحى يوم كتب كتابك خليكى انهارده خالتك وولادها وبنات عمك اول ما يصحو هيجولك يجو يلاقو العروسه فى الشغل دا يصح برضو...
ندى:قربت من مامتها وباست ايدها ودماغها...مش هتأخر ياست الكل وبعدين انا مش عايزه اى هيصه ولا فرح دا مجرد كتب كتاب اكدى عليهم وان شاء الله فى الفرح يبقو يعملو اللى هما عيزينه...يله انا همشى بقى ادعيلى يا امى.....مشيت وانا مخنوقه اوى وبكلم نفسى هو قالى هرجعلك مرجعش ليه وانا ازاى بعد كل اللى عامله معايا عيزاه يرجع وبفكر فيه سلمت امرى لله وقولت يارب قدرلى الخير.
ناديه:ربنا يحفظك ويحقق املك يا ندى يابنتى....عدى اقل من ربع ساعه والباب خبط....الله هى نسيت حاجه ولا ايه...
شهاب:السلام عليكم يا ست ام ندى..
ناديه:وعليكم السلام...خير يا حضرت اى خدمه...
شهاب:انتى مش فكرانى...انا اللى طلبت ايد ندى من عم عادل قبل ما يتوفى..
ناديه:ايوه اه افتكرت....وحضرتك عايز ايه دلوقتى بدرى كده.. عدم المؤخذه مش هقدر اقولك اتفضل انت تعرف الأصول برضو ميصحش ادخلك وانا لوحدى...
شهاب:انا مش لوحدى انا معايا مراتى...بعد شويه عن الباب وظهرت واحده فى اواخر الاربعين لكن برغم سنها الا انها جميله وملامحها رقيقه جدا...
ناديه:لا اذا كان كده اتفضلو....تشربو ايه ولا احضر فطار تفطرو الاول....
شهاب:لا احنا جينلك فى موضوع مهم جدا ارجوكى اقعدى اسمعينا انا اللى خليت ندى تنزل شغلها انهارده علشان نقدر نجيلك وهى مش موجوده...احنا بنكرر طلبنا ويشرفنا نطلب ايد ندى لابننا...
ناديه:كان على عينى والله لكن ندى بنتى انهارده كتب كتابها...
شهاب:مش هينفع يا ام ندى ابنى مش هيسيب ندى فى حالها ..سكت للحظات وبص لمراته بحزن ورجع بص للارض...انا ابو عمر اللى ابو ندى كان عايز يعمل فيه محضر....
ناديه:قامت وقفت...ايييه ابو الواد اللى ضرب بنتى...وجاى تجوزهالو...وايه مش هيسبها دى هى البلد سيبه بنتى هتبقى فى عصمه راجل وهو يقدر يدافع عنها...هديت لما شافت دموع ام عمر..
شهاب:ارجوكى اهدى واسمعينا....ياسر عريس بنتك وعمها علام قعدين مع عمر دلوقتى علشان كده انا جتلك...بص لمراته..اتكلمى يا نجلاء ساكته ليه انا جيبك علشان تعيطى وتفضلى ساكته... مش اللى ابنك بيعمله دا بسببنا دافعى عنه واقفى جنبه زى ما قولتيلى مش وقت عياط ابدا...
نجلاء:خدت نفس ومسحت دموعها سبنى مع الست ام ندى لوحدنا شويه استنانى فى العربيه لو سمحت...سبهم ونزل...
ناديه:اتفضلى اتكلمى انا جايلى ضيوف وهيسألو اكيد انتى مين..
نجلاء:اولا انا بعتذرلك جدا على كل اللى ابنى عامله مع ندى...بس صدقينى ابنى والله ما وحش...هحكيلك ليه ابنى بقى كده بختصار......ابنى نسخه من باباه.....انا قبل ما اتجوز شهاب.....كنت من عيله على اد حالها والدى كان عنده عرببه كشرى وكنت مخطوبه لأبن عمى كان لسه فى الجيش وانا كنت 16سنه كنت ساعات بروح اقف مكان ابويا وابيع معاه وفى يوم عدى شهاب بعرببته وكان واد ابن عز واللى يعجبه بياخده لمحنى وانا واقفه ومن ساعتها مسبنيش غير لما اتجوزنى غصب وخطفنى مره علشان يهددنى انى اسيب خطيبى واتجوزه والا هيأذى خطيبى واهلى كمان لانى كنت رفضاه خالص...وجه اتقدملى
واتجوزنى فعلا وعمل كل حاجه علشان احبه....عيطت بحرقه....بصراحه كان ونعمه الزوج عمره ما مد ايده عليا وديما كان بيعمل المستحيل علشان يرضينى لكن انا مكنتش بحبه....غصب عنى معرفتش اطلع حب ابن عمى من قلبى؟؟