حكاية رغد
الجزء الرابع والخامس
تاليف القلم الذهبي
الجزء الرابع ....
@@ حكاية رغد @@ القلم الذهبي
لما اتفتح باب الشقه ارتبكت وخوفت ومكنتش عارفه اتصرف !!
وفجاه !
باب غرفتي اتفتح وفي لحظه لقيت . واحد
هجم عليا وبايده منديل وحطه علي وشي
ومفيش لحظه وبقيت مغيبه عن الدنيا !!
وصحيت الصبح جسمي مكسر وعندي الم ببطني وهدومي مقطعه ببص حواليه وانا
علي السرير زي المجنونه اي حصل .
لقيت بقع دم علي السرير . انصدمت
وفضلت اصرخ واعيط واعصابي انهارت تمام ومش عارفه مين اللي عمل فيا كدا
مش قادره اتلم علي اعصابي .رجفه وقشعريره اصابتني . الدنيا لفت بيا بلحظه
ومش قادره انطق. هتصرف ازاي والا هقول اي لما حكايتي تتفضح .
انا وقعت في مصيبه كبيره ومش عارفه كمان مين اللي عمل فيا كدا وازاي دخل الشقه
بسهوله دي ؟
حاولت اهدي شوي وافكر استنجد باي حد
خوفت اتصل علي حارس العماره يفضحني
مسكت التليفون وجمعت رقم الاستاذ حسان ..
الوووو يا استاذ حسان الحقني انا بموت الحقني ..
ووقع مني التليفون علي الارض من الرجفه اللي بجسمي. وانا مش عارفه اوقف من العياط..
_ بعد نص ساعه سمعت خبط شديد علي الباب وبحاول اوقف من مكاني ..
الخبط شديد وسامعه صوت حسان بينادي
عليا افتحي يا رغد
افتحي يا رغد انا عمك حسان.
حاولت اتسند علي الحيطه ووقفت
وطلعت من اوضتي وانا مش قادر اتلم علي نفسي وهدومي متقطعه . وفتحت الباب .
دخل بسرعه ملهوف وبص عليا وشكله اتقلب لغضب . اي حصلك ومين عمل فيكي كدا.
انا بعيط ومش قادره اتكلم شاورتله بصباعي علي اوضتي .
دخل بسرعه وطلع من جوه بيضرب كف كف. ازاي حصل دي ؟ وامتي ؟
ومسكني من ايدي بقوه . اتكلمي مين اللي عمل . وازاي دخل هنا ؟
اتمالكت نفسي وبدات احكيله الحكايه من اولها .
خلصت كلامي وهو مستغرب ومزهول من اللي سمعه مني .
طلع تليفونه بسرعه وحطه علي ودنه وقال للشخص اللي بيتصل بيه بعصبيه شديده..
__ تعالي فوق شقتي بسرعه يا موسي بسرعه . وقفل تليفونه ومش مصدق اللي حصل دي .
_ دخلت اوضتي وسمعت صوت حارس العماره بيقوله.
_ خير يا حسان بيه اي حصل .
قرب منه حسان والغضب مالي عيون وشده من قميصه ومسكه جامد.
_ عايز اعرف مين اللي دخل العماره غريب وفتح شقتي . اتكلم
_موسي بيتالم من مسكة حسان ومش قادر ينطق. سابه شويه وقاله اتكلم
بصله موسي بتعب .
والله ما اعرف حاجه يا حسان بيه انا بالليل بنام ومش بشوف مين يدخل العماره
بصله حسان بقهر ونرفزه . ازاي مش عارف مين دخل العماره . وازاي تنام .دي شغلك عارف يعني اي شغلك.
رد بخوف وزعر موسي .
عارف يا بيه بس انا طول اليوم شغال وبتعب لازم انا مش بقدر اتحمل.
_ حسان هز راسه بزهق. انا هوديك في داهيه لو مقولتش مين دخل شقتي.
موسي ماسكه من ايده ووطي يبوسها.
وبخوف رد
_ حرام عليك يا بيه انا صاحب عيال وامي مريضه بصرف عليها . والله ما اعرف حاجه ولا شفت مين دخل شقتك..
_ حسان بينفخ وشايط من الغضب .
بص لموسي بقرف . يلا غور من هنا بسرعه غوور .
موسي جري من قدام حسان..
قرب الاستاذ حسان من اوضتي ووقف قدامي وقال
_ متخفيش انا معاكي وهجيبلك حقك ولو عند مين . عايز ابلغ الشرطه بس مفيش دليل حتي الشقه سليمه ومفيش اثار اي حاجه يبقي اللي دخل هنا شخص نعرفه
يا تري مين ؟
_ بصيت عليه وانا بتالم .
ارجوك وديني المستشفي انا تعبانه.
رد عليا وباين عليه الحزن والضيق.
_متخفيش دقيقه وهيكون عندك هنا دكتور
طلع تليفونه واتصل علي دكتور !!
نص ساعه ووصل دكتور ومعاه ممرضين وكشفوا عليا .
خلص الدكتور الكشف وقال لحسان..
_ احنا لازم ناخدها المستشفي بتعتي معانا يا حسان بيه . ضروري نعمل اشاعات وتحاليل مهما ليها.
_ حسان بصله وهزا راسه بنعم.
ساعدوني الممرضين وغيرت هدومي وطلعنا معاهم.
ركبت العربيه مع حسان وروحنا وراهم المستشفى الخاصه بتاعة الدكتور اللي كشف عليا .
خلصت الكشف وعملت التحاليل والفحوصات . وكان واضح علي وش الدكتور ان في حاجه مش مطمنه في التحاليل والفحص.
_ وقف حسان قدام الدكتور عشان يعرف نتيجه الفحوصات.
لحظه صمت من الدكتور وبص لحسان وقاله... .
الجزء الخامس ...
@ حكاية رغد @ تاليف #القلم الذهبي
حسان واقف قدام الدكتور ومنتظر نتيجه الفحوصات .
بص ناحيته الدكتور وقال ،
_ للاسف يا حسان بيه الانسه رغد فقدت عذريتها .
حسان واقف قدام الدكتور وعلامات الحزن والقهر واضحه علي وشه بص لدكتور ومد ايده خد التحاليل. وقال بصوت متعب
_ دلوقتي نقدر نمشي يا دكتور ، واللي في حاجه تاني.
_ لا طبعا يا حسان بيه مفيش ممكن تتفضلوا تمشوا خلاص كدا.
=دخل الاستاذ حسان عندي ومعاه الفحوصات .
كنت نايمه علي السرير قمت وعدلت نفسي وبيبصلي وشكله مضايق وزعلان وباين علي وشه ،
سكت شويه وقال بتنهيده بتعب
_ اللي عمل كدا عمري ما هسيبه ولازم اعرف مين الجبان اللي عمل فيكي كدا.
انا من جوايا كنت حاسه اني مبقتش بنت من التعب والألم اللي شعرت بيه والنزيف اللي حصلي . لكن .
وقوف حسان معايا وكلماته ليا دايما تعطيني قوه وأمان انا حاسه ان ربنا عوضني فراق بابا وماما في الاستاذ حسان
كل ما اشوفه واقعد معاه احس بالأمان ومبقتش اخاف من اي حاجه وهو قريب مني. ومن يوم ما عرفته محستش باتجاهه باي حاجه وحشه..
= قرب مني وانا بسمع كلامه وساكته وطبطب علي كتفي بهدوء وبصلي وقال.
_ يلا يا رغد هنمشي . الدكتور قلي خلاص كدا ممكن نمشي.
_ هزيت راسي بصمت ومشيت معاه بهدوء !!
طلعنا من المستشفي وركبنا العربيه وطول الوقت حاسه بيه بيفكر وشارد مع نفسه وانا بتابعه بنظراتي.
وصلنا العماره اللي فيها الشقه . شاف البواب وراح ناحيته وانا واقفه منتظره.
وكان بيقول للبواب.
_ عايزاك تراقب شقتي طول الوقت واي حد تشك فيه غريب بلغني بسرعه .
رد عليه البواب وقال
_ حاضر يا حسان بيه من اليوم هتابع اي حد يدخل غريب وهراقب شقتك طول الوقت..
حسان مشي من عند البواب وطلعنا فوق الشقه وقعدت انا وهو بالصاله ومازال ساكت وبيفكر .
دخلت المطبخ واتحملت تعبي وعملت القهوه وحطيت قدامه فنجان القهوه . وقعدت بصلي علي فجاه وقال .
_ اسمعي يا رغد انتي مش هينفع تقعدي لوحدك ولا انا هقدر ابقي مطمئن عليكي ، ادخلي هاتي شنطة هدومك وتعالي معايا الفيلا .
= انا اتفاجت بقراره دي وبصيت ناحيته باستغراب ،
بصلي وابتسم ابتسامه خفيفه وقال .
_ متستغربيش ومش عايزك تخافي من
اي حاجه وانا جمبك.
=كلماته ونظراته ليا بعين الاب الحنين بتخليني غصب عني اسكت واسمع كلامه
كلامه واشعر بامان كبير.
_رديت عليه بلطف وهدوء.
انا مش مستغربه بس.
قاطع كلامي
_ بس اي قولت متخفيش وانا يا ستي طول الوقت بفكر بدخولك الفيلا من بعد ما طلعنا من المستشفي ، ومتقلقيش
من حاجه انا جهزت كل حاجه بدماغي .
؛ قمت من مكاني ودخلت اوضتي ولميت هدومي بشنطتي وبعد وطلعت من اوضتي وخرجنا من الشقه .
ركبنا العربيه وبعد وقت قصير وصلنا الفيلا
الفيلا تحفه بيت كبير اووي وفيها حديقه كبيره مليانه ورد علي كل الأشكال .
نزلنا من العربيه ودخلنا الفيلا من جوه حاجه كل ولا سريات الملوك. اول ما دخلنا الفيلا استقبلت الخدامه حسان . وطلب منها تنادي علي سميره مراته .
قعدنا في صاله كبيره وبعد شوي جات سميره وكان معاه ولادها .
قعدوا معانا وبيبصوا عليا وانا محرجه بصلي الاستاذ حسان وقال . اعرفك. دي مراتي سميره ودي عمرو ودي فارس .
=بص لسميره وقال .
_امال فادي فين
ردت سميره بهدوء ..
فادي راح يذاكر مع واحد صاحبه .
طبعا هما مستغربين وعايزين يعرفوا مين وانا منتظره اللحظه اللي هيعرفهم حسان بيا. سكت شوي ونادي علي الخدامه وقال..
_ خدي شنطة مدام رغد ووصليها لغرفة هايدي.
مسكة الخدامه الشنطه وشليتها. بص ناحيتي حسان وقال
_ اتفضلي معاها شوفي اوضتك وارتاحي شوي .
=الكل واقف مستغرب بس محدش قادر يتكلم وانا ملاحظه انهم بيبصوا لبعض ومفيش حد فيهم قادر يسال مين دي اللي اقتحمت الفيلا بدون مقدمات وكمان هتعيش معانا..
طلعت ورا الخادمه وسابتهم مع بعض .
_حسان بص لمراته واولاده وطلب منهم يقعدو. قعدوا كلهم وبصلهم وقال.
_ انا عارف انتوا عايزين تعرفوا مين دي .
وكمل كلامه حسان وقال
_ دي مدام رغد مرات واحد من موظفين الشركه واحسن موظف عندي . للاسف حصل معاه حادثه وتوفي من شهر . امبارح في ناس امبارح اتهجموا عليها عشان قاعده لوحده . عشان كدا جبتها هنا كام يوم اكون جمعتلها مكان كويس و امان .
= خلص كلامه حسان وطلب من سميره تخلي الشغاله تجيب له قهوه ويقعد هو وفارس لوحدهم...
_طلعت اوضتي وكانت حلوه وواسعه بصراحه وحطيت هدومي جوه الدولاب ووقفت ابص من الشباك بتاعه واشوف المناظر الجميله بحديقة الفيلا. وجاني شعور غريب او حسيت اني مش هكون مرتاحه هنا مش عارفه ليه الاحساس دي . غيرت هدومي ولبس هدوم النوم وطلعت نمت علي السرير وكنت تعبانه نمت بسرعه... .
_ صحيت الصبح علي صوت زعيق وعتاب شديد وكان واضح الصوت دي لحسان مع حد من ولاده بس مش عارفه مين وكان بيقوله بصوت شديد
_ تعالي هنا وكلمني زي ما بكلمك كنت بتعمل اي بره مع صاحبك .
رد عليه ..
_ كنت بذاكر يا بابا دي اخر سنه بالجامعه وبنذاكر انا وصحابي.
_ودي شكل واحد كان بيذاكر وداخل الفيلا مش قادر تسند طولك . يلا غور من قدامي ومفيش خروج بالليل تاني .
_ رجع الهدوء تأني وبعد شوي ببص من الشباك حسان كان خارج من الفيلا بعربيته ومفيش شويه باب اوضتي خبط. رحت فتحت الباب لقيت الخدامه بتقولي..
_ الفطار جاهز يا ست هانم وفارس بيه ومدام سميره في انتظارك..
. دخلت الحمام واخدت شور بسرعه ونزلت تحت وكان فارس ومامته سميره ومعاهم عمرو قاعدين ع السفره.
وطول قعدتي علي السفره الوحيد اللي كان بيتكلم معايا فارس ومامته واخوه عمرو حسيت كدا بنظرات غريبه منهم وكانه مش مرتاحين لوجودي.
خلصت الفطار وطلعت بره اتمشي بالحديقه وسبتهم لوحدهم .
قعدت بالحديقه وانا وراجعه الفيلا كان شباك غرفه مفتوح وسامعه صوت فارس بيتكلم مع واحد من اخواته وسمعته بيقوله
_ اسمع يا فادي انا فهمت اكتر من مره لو هتفضل سهران لصبح بره متجيش وبابا موجود. بابا مش حمل المناهده معاك بالشكل دي انت مش عارف ان بابا مريض والعصبيه مش كويسه عشانه لحد امتي هقولك كدا .
_ انا سمعت الكلمه دي وبلحظه الدمعه نزلت من عيني حسان مريض يا تري عنده اي ؟ ومقلش علي مرضه دي . معقول يا ربي الانسان اللي انا حسيته ليا سند وامان مريض يعني باي لحظه يروح مني . وفضلت اعيط واتضايقت كتير . مسحت دموعي ودخلت جوه الفيلا وانا طالعه السلم وقفني صوت سميره وهيا بتنده عليا.
رجعت تاني وكانت قاعده بالصاله وطلبت مني اقعد ولما قعدت معاه . بصتلي كدا بطريقه فيها غرور وتكبر وقالت .
_ ممكن تقوليلي ايه حكايتك بالظبط . وياريت تقولي الحقيقه.....