رواية حكاية رغد
الجزء الثامن والتاسع
الكاتب القلم الذهبى
الجزء الثامن
حكاية رغد ** كاتب #القلم_الذهبي
طلع الدكتور من اوضة حسان
الكل اتلم حواليه.
رغد حاطه ايدها علي قلبها وبتقول يارب.
الدكتور بص عليهم ورايح يتكلم
قاطعه صوت هايدي جايه تجري وجوزها
ادهم وراها وبتصرخ وبتقول..
_اي حصل لبابا يا ماما
بصت لفارس
_في ايه يا فارس اتكلم.
فارس حط ايده علي كتفها
_اهدي يا هايدي مفيش حاجه خلينا نشوف الدكتور هيقول اي.
الكل سكت ومنتظرين كلمة الدكتور..
الدكتور بصلهم
_لو سمحتوا ممكن تهدوا ، وكمل كلامه ،
حسان بيه للاسف حصل معاه
هبوط مفاجئ بالقلب. ،
قبل ما يخلص الدكتور كلامه مسكت فيه رغد وانهارت بالدموع.
ارجوك متكملش يا دكتور ارجووك
انهارات اعصابها ووقعت علي الارض
ركض عليها الممرضين وشالوها.
_هايدي منهاره من العياط ومش قادره توقف سميره مسكتها وبتعيط
الدموع والصريخ ملى المستشفي.
محدش مصدق ان حسان خلاص مات
فارس بيبكي زي الاطفال
وعمرو وفادي مصدومين وبيعيطوا.
_ قرب الدكتور من فارس
الباقيه بحياتك يا استاذ فارس احنا عملنا اللي علينا ياريت تشرفي بمكتبي
تاخد تصريح الدفن والخروج من المستشفي..
_فارس بيهز راسه ومنهار من العياط .
اصوات صريخهم وعياطهم رجت في المكان . الكل في صدمه وذهول
_سميره واقفه وحاضنه هايدي
وقالت بصوت واطي .
_ ادهم جوزك فين يا هايدي
هو مجاش معاكي ليه ؟
هايدي بصت حواليها ومش شايفه ادهم !
امال فين احنا جينا مع بعض يا ماما
غريبه اختفي راح فين ؟
_فارس عند الدكتور بمكتبه وعمرو وفادي
مستنين بره .
_ الدكتور ادي لفارس التصريح وخرج فارس .
بص لاخواته .
_ جاهزين والا نستني شوي .
فادي بصوت هادي .
كل حاجه جاهزه يا فارس وموظفين الشركه كلهم موجودين بره المستشفى
واعطيتوهم تعليمات .
محدش يفتح الشركه غير بعد ثلاث ايام
_ فارس هز راسه بموافقه.
تمام يا فادي برافوا عليك.
يلا بينا خلينا نلحق ندفن قبل الليل .
بص ناحية عمرو وقال .
_ عمرو روح كلم ماما خليها تاخد هايدي
ورغد ويروح الفيلا وابقي تعالي ورانا
عمرو راح ناحية مامته سميره وقلهم يروحوا.
سميره ماسكه ايد هايدي وطالعين من
المستشفي ووراهم رغد .
رغد ماشيه لوحدها وبتعيط بحرقه
وحاسه انها بقيت لوحدها خلاص .حسان سندها مات.
سميره وهايدي ركبوا العربيه لوحدهم
طلبت من السايق يمشي وبدأت تتحرك العربيه .
رغد واقفه مكانها ومحدش طلب منها تركب وسبوها لوحدها.
العربيه مشيت شوي وهايدي بتبص وراها شافت رغد واقفه . بسرعه وقفت السواق
وبصت لسميره .
_ هيا رغد مركبتش ليه .
طلبت من السواق يرجع تاني . اعترضت سميره .
خلاص يا هايدي تبقي تيجي براحتها
كشرت هايدي وقالت .
_ لا يا ماما مينفعش.
وكررت كلمتها للسواق. ارجعي وراء بسرعه.
رجعت العربيه قدام رغد ونزلت بسرعه
هايدي. وقالت .
_ مالك يا رغد واقفه ليه كدا اركبي يلا رايح الفيلا.
_ ركبت رغد وهيا مضايقه وعارفه ان سميره
خلاص مش طايقه وجودها..
= عدي اسبوعين علي وفاة حسان .
هايدي ورغد بيتمشوا في حديقة الفيلا
وسميره وفادي قاعدين مع بعض بالبراندا
فادي لمامته . هو اي الحكايه هيا بقيت صاحبة الكل في البيت
مبقيش غيري انا وانتي يا ماما
سميره دمها بيغلي .
دي اللي ناقص تصاحبني انا كمان . انا بس نفسي اعرف اي حكايتها بس
ويخوفي لتكون بالاخر مرات حسان بيه
ضحك فادي وقال
_ لا يا ماما مش لدرجه دي بابا ميعملش كدا
سميره بزهق
امال اي بس اللي جبلنا المصيبه دي هنا
بصلها فادي بخبث وقال
في حاجه بتحصل غريبه مش مطمن ليها
وممكن تفيدنا اووي وتساعدنا نقدر نزيح البلوه دي عننا.
سميره بصتله بحماس
_ انطق بسرعه قول طيب اي هيا.
بصلها فادي ومد ايده ليها..
ارمي بياضك الاول وانا هقولك علي كل حاجه...
الجزء التاسع
** حكاية رغد ** #القلم الذهبي**
فادي بيمد ايده عايز فلوس من سميره
عشان يتكلم.
اتنهدت سميره بغيظ.
انجز اتكلم وهعطيك اللي تطلبه .
فادي رافع حاجبه وهز راسه وقال .
_ماشي يا ماما . انتي مش ملاحظه حاجه غريبه . ان ادهم جوز بنتك بيختفي لما تظهر رغد ويشوفها.
_ سميره رفعت حاجبها واتسعت عنيها
وافتكرت كلام هايدي بالمستشفي
_ ايوووه فعلا . طب معقول يكون بينهم حاجه ؟ طيب ولو فعلا بينهم حاجه!!!
اي هيا بقي ؟
بصلها فادي وابتسم .
مهو دي اللي بفكر فيه .
ازاي هنعرف اللي بينهم . ونشكفهم للكل وبكدا نطيرها.. بس في مشكله.
بصتله سميره .
_ قصدك هايدي صح
_ايوه يا ماما . كدا هتبقي في مشاكل بينهم.
_متخفش سيب الموضوع دي عليا .
هايدي اصلا مش بتحبه وعايزه تخلص منه
وبكدا . احنا نخلص من جوزها ورغد ونضم هايدي لينا بعد ما خدتها رغد بصفها.
وكدا فارس هيبقي قدام الامر الواقع
ويبعد عنها. انا هخطط للموضوع دي برواق...
فادي بضحكه.
_كدا ضربة معلم يا ماما . ايدك بقي ورايا مشوار هخلصه وارجعلك.
_ خليك هنا رجعالك.
دخلت سميره غرفتها وفادي واقف مكانه..
= فارس راجع من الشركه دخل الفيلا
وقعد بالصاله . طلب من الخدامه تجيبله قهوه.
شوي ورجعت الخدامه لفارس وقالت
_ فارس بيه في واحد عايز حضرتك
واقف بره.
_ مقلش اسمه اي ؟
_ بيقول اسمه موسي . وعايز حضرتك بحاجه مهمه.
= قام فارس من مكانه وقابل موسي
دخلوا الاتنين جوه مكتب حسان اللي بالفيلا..
سميره طالعه من غرفتها شافت فارس
وموسي داخلين المكتب.
وقالت في نفسها.
مين اللي مع فارس دي . اول مره اشوفه
ندهت علي الخدامه تسالها
_ مين اللي مع سيدك فارس دي ؟
_ معرفش يا ست هانم . مقليش غير انه عايز سيدي فارس بحاجه مهمه بس .
_ سكتت سميره وبتفكر
يا تري اي المهم اللي مع الراجل دي .
بصت للخدامه وامرتها تمشي ..
= في مكتب حسان !!!
فارس قاعد ع المكتب
وقدامه موسي . بصله فارس وقال .
_ اتفضل يا عم موسي اي الحاجه المهمه اللي عايزاني فيها .
_ انا يا سعادة البيه بواب العماره اللي في المعادي الا فيها شقة حسان بيه.
قاطعه فارس ..
ايوه افتكرت . تحت امرك يا عم موسي اتكلم.
_حسان بيه كان طالب مني اراقب الشقه واشوف مين بيدخلها غيره ومن كام اسبوع جاني واحد سألني. في حد قاعد بالشقه
والا لا . قلتله مفيش . راح مشي وبعدها بكام يوم بقيت اشوفه كل يوم والتاني واقف بعيد بعربيته وبيراقب الشقه
_قاطع فارس..
شكله اي يا موسي الراجل دي
_ والله يا سعادة البيه هو جاني بالليل والنور مش قوي بره العماره ومش متمكن اوي مش شكله . بس قدرت
اخد رقم عربيته.
_ برافوا يا عم موسي . اعطيني الرقم
مد موسي ورقه فيها الرقم . دي الرقم يا سعادة البيه . وانا بعتذر عشان اتاخرت عليكم بس كنت منتظر حسان بيه يفوت عليا ..
_ مش مشكله يا عم موسي . حسان بيه تعيش انت..
موسي بحزن .. الباقيه بحياتك يا بني . حسان بيه كان خيره علينا. واحسن واطيب واحد عرفته.
_ تعيش يا عم موسي تسلم
= فارس طلع فلوس من جيبه وعطاها لموسي..
_ خد دول يا موسي واعتبرني زي بابا بالظبط. وعايزك تجبلي اي معلومه ولو صغير عن اي حد تشوفه رايح الشقه ضروري..
_ موسي خد الفلوس وشكر فارس واستاذن وطلع بره الفيلا ..
_ فارس قاعد علي المكتب وقدامه رقم العربيه وبيقول لنفسه ..
يا تري مين دي ؟ واي مصلحته يعمل كدا في رغد ؟
= مسك تليفونها وبيكلم واحد من موظفين الشركه..
فارس : ايوه نادر انا فارس عايزك في مهمه ضروري .
نادر : امرك يا فارس بيه
_ اكتب الرقم دي عندك وضروري تكون عندي الصبح بشركه كل المعلومات عن صاحب العربيه دي ..
_ تحت امرك فارس بيه الصبح ملف كامل عنه هيكون علي مكتبك.
=قفل تليفونه فارس وخرج بره المكتب .
ورايح علي اوضته . سمع صوت طالع من اوضة سميره وصوتها عالي ..
قرب من الاوضه وكانت سميره وهايدي
_اسمعي يا هايدي ابعدي عن البنت اللي اسمها زفت رغد دي وراها مصيبه كبيره.
_ انا مشفتش منها غير كل خير يا ماما .
_ فين الخير دي وجوزك بيخونك معاها.
عشان كدا مش معبرك
_انتي بتقولي اي يا ماما ؟ !!
ازاي ادهم يعمل كدا . وانتي عرفتي ازاي بيخوني
_ عرفت بقي وبكره هثبتلك دي قدام عينك
_وازاي هتثبتي يا ماما ..
_ مالكيش دعوه. سيبي الحكايه دي عليا
= فارس بيسمع الكلام ومصدوم . مش معقول ابدا . كل الحقد اللي جوا ماما من ناحية رغد.
يا تري هتعملي اي يا ماما . الحمد لله اللي سمعتك وعرفت انتي بتخططي لايه ..
وانا مش هسكت ولا هسيبك تاخدي فرصه عليها....
وهشوف مين فينا اللي الرابح..