رواية احببت حمقاء
الفصل الرابع عشر والخامس عشر والسادس عشر
بقلم ملك محمد
#احببت_حمقاء (14)
منه دخلت غسلت وشها بعد مارعبت مرات ابوها
قعدت ف أوضتها بإحباط ويأس وهي بتفكر ف ال عملته ف الشركه
نادر اتصل عليها مسكت موبايلها وردت
منه : الو
نادر : وحشتيني
منه بكسوف : شالله يخليك
نادر بيأس : شالله يخليك ! هو انا بكلم بتاعت الخضار يابنتي
منه بسذاجه : يعني اقولك ربنا ياخدك علشان شالله يخليك مش عجباك !
نادر : لا لا كدا حلو اوي متشكر يااختي
منه بإحباط : بتتصل في حاجه
نادر : بصراحه عايز اشوفك بما ان مفيش جامعه نتقابل فيها وكدا
منه : لا مش هينفع انا لسه جايه من الأنترفيو وتعبانه جدا
نادر : تمام هستناكي ف نفس المكان ال بنتقابل فيه
منه : لا بجد مش عايزه اخرج
______________
ف الشارع
نادر : اتأخرت عليكي
منه وهي قاعده حاطه ايدها ع خدها
: لا
نادر بص عليها لقاها لابسه البجامه بتاعت البيت وشبشب على شكل ارنوب قالها بتعجب
: انتي خرجتي كدا ازاي
منه وقفت ومشية لقدام بإحباط وهي بتقول: انا انسانه فاشله ف كل حاجه انا لازم انتحر
نادر مسكها من زعبوت البجامه رجعها ليه
: اي الدراما دي مالك
منه انفجرت بالعياط : ولعة ف الشركه أااا أاا
نادر بضحك : هههههههه يخرب عقلك ولعتي ف الشركه
منه ببكاء : هو انا كل اما اقول لحد يدحك ليه هي احزاني بدحك
نادر بضحك : وهو انتي بتعملي مصيبه وتروحي تقولي للناس ليه بعد كدا لما تعملي مصيبه تعالي قوليلي انا بس علشان اضحك لوحدي
منه بإحباط : دا دلوقتي رامي قال للشله بتاعته وهبقى مسخرة الجامعه
نادر بعد ماكان بيضحك ملامح وشه اتغيرة وقالها
: رامي مين
منه : رامي زميلنا ف الجامع
نادر بعصبيه : انا عارف انه رامي زفت انا عايز اعرف اي ال عرف رامي بموضوع الشغل داه
منه بدهشه : انت بتزعق كدا ليه
نادر هدي واخد نفس وقالها : مبزعقش ممكن تفهميني رامي عرف منين
منه : قابلته صدفه وانا خارجه من الشركه
نادر بغضب : طب انتي قابلتيه صدفه ال يخليكي تتكلمي معاه
منه بذهول : هو مينفعش اتكلم معاه
نادر وهو يتمالك نفسه : لا مينفعش تتكلمي معاه سذاجتك وغبائك دا تفوقي منهم بقى
منه بحزن : حتى انت بتعايرني بغبائي
نادر هدي شويه : مقصدش بس ال عايز اقولهولك ارتكبي اخطاء براحتك ولعي ف الدنيا كلها واخربي اي حاجه بس متتكلميش مع حد غيري ممكن
منه بدهشه : ومتكلمش مع حد غيرك ليه
نادر بهدوء : علشان بحبك
منه اتوترت وحست ان صوت نبضات قلبها مسموع
حطت ايدها ع قلبها وقالتله بإرتباك
: انا عايزه اكل
وسابته ومشيت لقدام
نادر لحقها وقالها
: عايز اسمع منك رد
منه بإرتباك : رد ع اي
نادر : انا عايزك ف حياتي موافقه
منه سكتت ومكنتش عارفه تقول اي
نادر حط ايده ع شعرها بحب وابتسم وقالها
: لو مش عايزه تردي دلوقتي عادي بس هستنى ردك
ومسك ايدها واخدها ع المطعم
دخلو المطعم ومنه لابسه البجامه والشبشب
الكل كان بيبص عليهم
طلبوا الأكل والناس بردو عماله تبص عليهم
منه بإحراج : هي الناس بتبصلي كدا ليه
نادر بإبتسامه : ملكيش دعوه بيهم وكلي
منه بإبتسامه : انت اتغيرت اوي عن نادر ال شوفته اول مره
نادر بحب حط ايده ع قلبه وقالها : طالما دا دق فمش لازم نكابر ومفيش مانع نتغير علشان ال بنحبه الناس ال بتكابر دي غبيه وبيضيعوا الحب من ايدهم بسهوله
منه بإبتسامه : لي حبيت بنت زي مختلفه تماماً عنك
نادر بلطف : اختلافك عني دا ال جذبني ليكي تخيلي حد يحب حد شبهه بالظبط الحياه هتبقى ممله اوي اوقات الأختلاف بيخلي للعلاقه طعم وبصراحه انا من يوم ماشوفتك وانا حياتي بقى ليها طعم بقيت حاسس ان عندي حاجه عايش عشانها
منه بذهول : ها
نادر بضحك : مفهمتيش حاجه مش كدا
منه ببراءه : بصراحه لا
نادر بإبتسامه : مش مهم المهم انا فاهم كلي يلا
منه بدأت تاكل
نادر بضحك: تعرفي بالبجامه ال انتي لابساها دي حاسس اني قاعد مع قطه
منه بضحكة سذاجه وبوئها مليان أكل : رامي بيخاف م القطط عمرك شوفت شاب شحط زيه كدا وبيخاف م القطط
نادر بعصبيه : الله يحرق زفت متجبيش سيرته قدامي ممكن
منه بحزن: انا بتكلم بعفويه مقصدش ادايقك
نادر بضيق : عفويتك دي هتموتني مشلول ف يوم م الأيام كلي كلي
خلصوا أكل وخرجوا م المطعم
نادر : صحيح كنت هنسى حاجه
منه بتعجب : حاجة اي
نادر طلع من جيبته صوره وقالها وهو مبتسم
: دا اول طلب تطلبي مني ومكنش ينفع منفذوش
منه بذهول : اي دي
نادر : صورتي وانا صغير
وبعدين قال بضحك: مع أن مفروض كنتي تطلبي صورتي وانا كبير بس يلا مش مهم
منه اخدت الصوره وايدها بتترعش وقلبتها بالراحه
اتصدمت لما لقت نفس صورة الطفل ال معاها
نادر حس ان نظراتها متغيره قالها بتعجب : في حاجه
منه فضلت ترجع لورا بخوف
نادر بيقرب منها بتعجب وهو بيقول : في اي يامنه مالك الصوره فيها حاجه
منه بصدمه : لا لا مفيش حاجه انا لازم اروح
نادر : طب استني اوصلك
منه برعب : لا انا عايزه اروح لوحدي
انا اسفه وسابته وطلعت تجري
نادر وقف مكانه مذهول من ال حصل وهو بيقول
: الصوره معجبتهاش مثلا بس اي ردة الفعل الغريبه دي
___بقلم ملك محمد__________
منه رجعت بيتهم دخلت بسرعه اوضتها وقفلت ع نفسها الباب
قعدت ع الأرض وضمت ركبتها الاتنين لبعض وقالت بحزن
: معقوله القدر يعمل كدا
تخيلت نادر وهو بيتكلم عن والدته بغضب تخيلت بكائه لما بتيجي سيرتها
قالت لنفسها ببكاء
: لو عرف اني بنت الراجل ال والدته خانت والده معاه هيعمل اي
الأكيد اني هخسره
___________
مر يومين ومنه قافله ع نفسها اوضتها ومبتردش على موبايلها ودخلة ف حالة إكتئاب
رامي بعت رسايل واتصل يطمن عليها كتير بس مردتش عليه
نادر بردو نفس الحكايه بس مردتش عليه
كانت بتشوف الرسايل بس مبتردش على حد
رامي بعتلها
: بما انك مش عايزه تردي وانا مش فاهم في اي انا جايلك ع البيت اطمن عليكي بنفسي
لسه هتقفل الموبايل
لقت نادر باعت رساله من وبيقولها
: انا جاي ع البيت علشان اعرف في اي
شافت رسالة نادر نطت من ع السرير واتفزعت
فتحت اوضتها وخرجت بسرعه كان شعرها متبهدل وتحت عيونها اسود وشكلها يخوف
مرات ابوها قابلتها ف الطرقه وهي خارجه تجري
:ااااا العفريت ظهر تاني
منه بعصبيه : اقعدي انتي ياحربايه دانتي العفريت يخاف يطلعلك
وسابته وخرجت من البيت بسرعه ووقفت قدام البوابه
نادر وصل بعربيته ونزل منها ولسه بيقفل العربيه لقى رامي جاي من قصاده ناحية البيت
رزع باب العربيه بغضب ومشي لناحيته رامي هو كمان قرب ليه
منه واقفه ف النص بصت لقت الأتنين بيبصوا لبعض بضيق
خبطت ايدها ع دماغها وقالت
: هو دا وقته
قربوا الأتنين من بعض وكل واحد مسك التاني من لياقة قميصه
نادر : انت جي هنا تعمل اي
رامي : حد قالك اني مليش حق اجي هنا
منه وقفت ف النص وبعدتهم عن بعض وقالت بإرتباك : اهدوا ياشباب الموضوع مش مستاهل خناق خالص
نادر شدها من دراعها ناحيته وهو بيبص ليه وبيقول
: دي بتاعتي وملكش الحق انك تكلمها
رامي شدها ناحيته وقاله : لما تبقى بتاعتك رسمي ابقى اتكلم
نادر : شدها ناحيته تاني بغضب
رامي شدها تاني ناحيته بغضب
منه شدت نفسها من الأتنين وقالت بعصبيه : اي شغل العيال الصغيره داه روحوا اتخانقوا عند بيتكوا اصل وربنا ازقلكوا بالطوب
نادر ورامي اخدوا بالهم منها وبصوا عليها اتفزع لما شافوا شعرها المتبهدل والسواد ال تحت عينها والبجامه المبهدله ال لابساها
الاتنين ف نفس واحد بعدوا لبعيد وصرخوا
نادر بصدمه: انتي مين
منه بعصبيه : انا منه ممكن اعرف انتوا الأتنين هنا بتعملوا اي
رامي برعب : انتي منه بجد ولا عفريتتها
نادر بذهول : هي مرات ابوكي كانت بتعمل عليكي تجارب وحولتك لزومبي
منه بعصبيه : بطلوا غتتاته بقى وكل واحد يتفضل على بيته
نادر بعصبيه : انا ممشيش هو ال يمشي
منه بإحباط: انت ال مفروض تمشي مش هو دا لمصلحتك سدقني
رامي بصله بنظرة كبرياء
منه بصت لرامي وقالتله
: واتفضل انت كمان ع بيتك
نادر بغضب : انا مش همشي
رامي : ولا انا كمان
منه بإحباط : ياربي موقعني ف اتنين عيال طب يلا يابابا انت وهو مش انتو جايين تطمنوا عليا انا كويسه اهوه
فجأه شافت هدى ف البلكونه
اترعبت لنادر يشوفها
زقته بإيدها لحد العربيه وهي بتقوله
: علشان خاطري امشي
نادر بذهول : انا مش فاهم مالك
منه برعب : هفهمك ع الفون بس امشي ارجوك
نادر مش همشي الا لما تدخلي
منه : حاضر هدخل وربنا هدخل
وراحت لرامي قالتله : امشي دلوقتي انا اسفه بجد بس لازم ادخل
رامي : بس .....
سابته وهو بيتكلم ودخلت البيت بسرعه
نادر شغل عربيته ومشي
ورامي كمان مشي
____________
دخلت اوضتها وبصت من الشباك لقت الأتنين مشيوا خدت نفسها واترمت ع السرير
هدى جاتلها وخبطت عليها
منه فتحتلها
هدى : مين الشابين ال كانوا واقفين معاكي تحت دول
منه بتوتر : دول اصدقائ ف الجامعه كانوا جايين يطمنوا عليا
هدى : اها طب الشاب ال كان لابس جاكيت اسود مكنتش عارفه اشوفه كويس كنت عايزه اعرف اسمه اي
منه بإرتباك : اسمه اسمه اسمه
هدى بتعجب : مالك القطه كلت لسانك
منه بتوتر : ابراهيم اه اسمه ابراهيم
وبعدين زقتها لبره الأوضه وقالتلها
: اطلعي بره بقى علشان عايزه انام احنا هنتصاحب
وقعدت ع الأرض وقالت بعياط
: هفضل ف الرعب داه لحد امتى
#احببت_حمقاء (15)
مرت الأيام والجامعه رجعت تاني من رحلتها
طول الفتره ال فاتت منه بتتجنب اتصلات نادر بأعذار وهميه
___________
"نهار يوم جديد"
الجامعه
دخلت منه قاعة المحاضرات نادر اول لما شافها شاورلها بإبتسامه من بعيد
حطت الكتاب على وشها بسرعه وجريت ع مريم
نادر كان مستغرب رد فعلها
بعد انتهاء المحاضره كان عندهم تدريب ف المعمل
الطلاب خرجوا ومنه فضلت مستنيه لحد مانادر لم كتبه وخرج
اول لما شافته خرج من القاعه لمت كتبها وخرجت هي كمان
لسه خارجه من الباب
لقت ال حاتط ايده قدامها ع الحيطه بصت لقت نادر
منه بخوف لفت علشان تمشي من الناحيه التانيه راح حاتط ايده التانيه ع الحيطه
منه : في اي
نادر بغضب: بتتجاهليني ليه !
منه بخوف : انا مش بتاجهلك ولا حاجه الفتره دي بس مشغوله شويه
فجأه حد من الدكاتره كان معدي فنادر ساب منه بسرعه
وهي طلعت تجري
خبط ايده ع الحيطه ولحقها وراح ع المعمل
دخل وراها وجر كرسي وراح قعد جمبها
منه طول ماهو قاعد قاعده متوتره وايدها بتترعش
نادر كان مستغرب حركاتها ومش فاهم في اي وحاسس انه عقله هيتفجر
وهي قاعده طول الوقت مرعوبه وخايفه يعرف حقيقتها وهي تبقى بنت مين
رامي قاعد على نفس التربيزه بس قدامهم
مريم كمان كانت ملاحظه انها قاعده متوتره قالتلها
: في اي يامنه ايدك مش عارفه تمسك القلم من كتر الرعشه انتي كويسه
منه بتوتر : كويسه كويسه
رامي قام من مكانه ولف الناحيه التانيه وشال كتبها وحط كتبه مكانها
منه بصتله بتعجب
رامي : قومي انا عايز اقعد هنا
نادر لسه هيفتح بوئه ويتكلم معاه اتصدم لما لقى منه وقفت واخدت كتبها ومشيت من جمبه فعلا
كان هيتجنن وقتها وفضل يفكر هو اي ال بيحصل
___بقلم ملك محمد_______
بعد الجامعه منه خارجه بتتسحب ف الشارع علشان نادر ميشوفهاش
قفشها رامي من قفاها
منه برعب : خضتني افتكرتك نادر
رامي بتعجب : وانتي بتتهربي منه ليه
منه سابته ومشيت
لحقها ومشي جمبها
رامي : ماتنطقي
منه بإحباط : الحياه دي عمرها ماكانت عادله ابدا دايما بترفعنا لفوق وف لحظه بتنزلنا لسابع ارض ونفوق م الحلم ع كابوس مرعب
رامي بذهول حط ايده ع دماغها وهو بيقول : انتي سخنه ولا اي
منه بغضب : بطل رخامه بقى واتفضل شوف انت رايح فين
رامي : قولي في اي يمكن اقدر اساعدك
منه بيأس : ممكن سؤال
رامي : اسألي
منه : لو بتحب حد جامد بس فجأه اكتشفت ان الحد داه قريب لحد ليه علاقه بحاجه مبتحبهاش بس الحد دا ملوش ذنب ف حاجه تفتكر هتفضل تحبه
رامي تنح وقالها : انتي بتقولي اي
منه بإحباط : انسى الموضوع هو معقد اساسا
رامي بتعجب : واضح انه معقد فعلا
منه بصتله بأستغراب وقالة : هو انت ماشي جمبي بتعمل اي
رامي : ماشي ف شارع الحكومه انتي مالك انتي
منه بيأس : تعرف انا نفسي افضل اللف ف الشوارع ومش عايزه اروح
رامي : ليه مش عايزه تروحي
منه : بقيت كل اما بدخل البيت وبشوف مرات ابويا بحس بخنقه مبقتش طايقه حتى اسمع صوتها
رامي : طيب لما الموضوع كدا ليه رافضه موضوع الشغل ال عرضته عليكي
منه : واي دخل الشغل ف ال انا فيه
رامي : ماهو ال هيبعدك عن البيت والمشاكل فتره كبيره
منه بإحباط : لو روحت آخر الدنيا مش هبعد بردو عن المشاكل بس تمام انا من بكرا هنزل الشغل واحتمال ابطل اروح الجامعه
رامي بصدمه : تبطلي تروحي الجامعه ليه هو مش مفروض ان الشغل دا لبعد الجامعه
منه بحزن : مش عايزه اشوفه
رامي بذهول : للدرجادي الموضوع كبير
منه مقدرتش تمسك نفسها وبدأت بالعياط
رامي بذهول : بتعيطي ليه
منه ببكاء : مش عارفه بس عايزه اعيط
رامي بهلع : طب متعيطيش ارجوكي انا مبحبش اشوف حد بيعيط خصوصاً لو كان الحد دا انتي
منه فضلت تعيط
رامي بخوف ولهفه : طب انا اسف انا اسف نيابه عن اي حاجه وحشه حصلتلك انا اسف بجد
منه ببكاء : كنت فاكره ان حياتي خلاص هتبقى حلوه ولقيت الأنسان ال يتقبلني زي مانا بغبائي وسذاجتي بس للأسف كل داه كان وهم
رامي بحزن : لو هو كان وهم في غيره بس انتي بصي كويس قدامك
منه سابته ومشيت وهي بتعيط
رامي وقف مكانه وبص عليها وهي ماشيه وقال لنفسه
: بس واضح انك عمرك ماهتشوفيه
____________
منه رجعت بيتها بإحباط ودخلت اوضتها كالعاده واترمت ع السرير
سمعت هدى وايمن بيتكلموا بره
ايمن: هنزل اجهز العربيه ياحبيبتي عما تنزلي
هدى : وأخيراً هنشوف البيبي بالآشعه انا بجد هموت م الفرحه
ايمن بحب : حقيقي مش مسدق ان هيبقى ليا طفل منك انا الدنيا مش سيعاني البسي يلا لأني مستعجل جدا
هدى : حاضر هجهز بسرعه وانزلك
منه قاعه ع سريره بتقول لنفسها
: ياربي اي جو محن العواجيز دا ال يشوفه يقول مخلفش قبل كدا وال يشوفها يقول مش خلفت ورمت ابنها
مرات ابوها كانت سايبه موبيلها ف الصاله وهي ف الحمام والموبايل مبطلش رن
منه اتعصبت من رنة الموبايل خرجت من اوضتها تقولها انتي مبترديش ع الفون ليه
لقت الفون مرمي ع التربيزه وهي مش موجوده
مسكت الفون لقت مكتوب
الدكتور حسن
فتحت الموبايل علشان تقوله انها مش هنا
لسه هتتكلم لقت الدكتور بيقول
اي يامدام هدى برن عليكي بقالي فتره علشان اقولك الآشعه جاهزه وكل حاجه تمام بس انتي مبترديش
مرات ابوها شدت منها الفون بسرعه وقالتلها بغضب
: انتي بنت مش متربيه فعلاً ازاي تردي ع الفون بتاعي
وسابتها ودخلت اوضتها وهي بتتكلم ف الموبايل
قالت للدكتور
: انت قولتلها اي
الدكتور : مقولتش حاجه اطمني
هدى بضحكه خبيثه : حتى لو قولت دي غبيه وعمرها ماهتفهم حاجه
منه دخلت اوضتها وهي بتقول لنفسها
: الآشعه جاهزه ! هو مش مفروض الآشعه متطلعش الا لما تروح تعملها معقوله الطب اتقدم اوي كدا لدرجة ان الواحد بيعمل الآشعه وهو ف البيت
____________
"نهار يوم جديد"
منه مرحتش الجامعه وقررت تروح الشغل ال رامي قالها عليه
اتصل بيها نادر الصبح لما لقاها مجتش الجامعه قالتله انها تعبانه ونايمه ف البيت
رامي خلص جامعه وراحلها بسرعه على مكان الشغل ال قالها عليه
منه وهي بتغسل الصحون
:اخدتوا حاجه مهمه النهارده ف الجامعه
رامي : مفيش حاجه مهمه وبعدين اطمني انا هشرحلك كل حاجه بس ناوليني مريله من جمبك
منه بتعجب : ليه
رامي شد مريله من بتوع المطبخ ووقف جمبها يغسل الصحون وهو بيقولها
: دا مطعم عمي متقلقيش كل حاجه ليا مسموحه هنا يلا انتي روحي ارتاحي شويه وانا هعمل مكانك
منه بإحباط : مش عايزه ارتاح انا مبسوطه كدا
رامي كان زعلان جدا على المرحله ال وصلتلها حب ينكش فيها ويرخم عليها
رامي بضحك : هو دا الشغل المناسب ليكي مش رايحه شركه عالميه تشتغلي فيها
منه بإحباط : عندك حق
رامي عمل رغوه ع ايده ودهن خدودها بيها وبهدل وشها
منه : بطل رخامه بقى
رامي بضحك : شكلك يموت م الضحك
وقام ماسح ايده واخد صوره سيلفي ليهم هما الأتنين
منه : احذف الصوره بقولك
رامي : ابدا
وفتح الإنستجرام بتاعه وقام نشر الصوره
صحابه علقوا عليها وكلهم كانوا بيسألوا مين دي
لأن رامي كان مبهدل وشها صابون
منه بعصبيه : عاجبك كدا
رامي بضحك : محدش عارفك اطمني
نادر كان قاعد بيقلب ف موبايله فجأه شاف صورة رامي ومنه ع الأنستجرام
عرفها ع طول افتكر وقت ماقالتله انها تعبانه وف البيت
عرف الموقع من الأنستجرام ركب عربيته بسرعه وراحلها
رامي كان واقف عايز يعمل اي حاجه تضحكها شد الكاب من ع شعرها
منه بعصبيه : هات الكاب
رامي : تؤ
ورفع ايده لفوق
منه فضلت تنط لفوق علشان تاخده منه
فجأه دخل نادر المطعم وشافهم وهما بيضحكوا
نادر بغضب : واضح انك البيت وتعبانه
منه بإرتباك : انا انا
نادر بعصبيه : دلوقتي عرفت بتتهربي مني ليه
منه بحزن: كويس انك عرفت اتفضل اخرج بره علشان دا مكان شغل
نادر حس كأن سهم اضرب ف قلبه ومتوقعش منها الرد داه كان مستني ع الأقل تبرر موقفها وهو كان هيصدقها
خرج من المطعم بغضب
منه راحت معيطه
رامي بحزن : تاني عياط
منه ببكاء : معنديش حل تاني
رامي : روحي قوليله الحقيقه انا مش مبسوط وانا شايفك كدا
منه بحزن : مقدرش اقوله
رامي بعصبيه : متقلقيش اوي كدا نادر مش من النوع ال ممكن يكسر قلب حد بسهوله
منه بحزن : الموضوع صعب مش سهل خالص خايفه يكرهني
رامي بضيق : اياً كان ال حصل ال بيحب صعب يكره لو واثقه ف حبه ليكي روحي قوليله الحاجه ال مخبياها عنه وبتتهربي منه بسببها
منه مسكت الطبق علشان تكمل غسيل
رامي شده منها وقالها بغضب
: اسمعي الكلام وروحيله قولتلك مش مبسوط وانا شايفك كدا
منه ببكاء : والشغل
رامي بكسرة نفس : انا هكمل مكانك
منه وقفت تعيط
رامي بصوت عالي وعصبيه : قولتلك امشي
منه سابته وطلعت تجري ورا نادر
#احببت_حمقاء (16)
منه طلعت تجري ورا نادر علشان تلحقه
منه ببكاء : ناادر
نادر بص وراه لقاها منهاره من العياط راحلها بسرعه وقالها
: بتعملي كدا ليه عايز افهم انا أذيتك ف اي
منه فضلت تعيط وساكته ومش عارفه تقول اي
نادر بعصبيه : ليه لما انتي مش عايزاني ف حياتك خلتيني اقرب منك وخلتيني اعيش ع وهم
وبعدين قال بضحكة بسخريه
دانا خلاص حسيت ان حياتي هتتغير وقولت اخيرا جت البنت ال تنورلي حياتي واطلع بقى من الوحده والعتمه ال انا عايش فيهم
منه ببكاء : انا اسفه بجد بس علاقتنا محكوم عليها بالفشل
نادر بعصبيه : دا كلام رامي مش كلامك وانا قولتلك مية مره ابعدي عنه
منه ببكاء: لا مش كلامه هو ملوش علاقه بأي حاجه بس انت لو عرفت الحقيقه انت ال هتبعد عني
نادر بصدمه : حقيقة اي تقصدي انك محبتنيش !
منه بلهفه وبكاء : لا لا انا حبيتك بجد
نادر قرب منها بحب: طالما حبتيني كل حاجه بعد كدا محلوله
منه ببكاء رجعت لورا وبعدت عنه : لا مش كل حاجه محلوله
نادر بعصبيه: طب قولي اي الحقيقه ال مخلياكي تتهربي مني وتبعدي عني بالشكل داه
منه استجمعت قواها وقالتله : الراجل ال والدتك خانت والدك معاه
نادر بعصبيه وزعيق : قولتلك متجبيش السيره دي قدامي انتي اي مبتفه.....
منه قاطعته ببكاء : الراجل داه انا ابقى بنته
نادر من الصدمه سكت شويه وبعدين قالها
: انتي بتقولي اي
منه فضلت تعيط
نادر مسكها من دراعها جامد وقالها
: انطقي قولي الكلام ال قولتيه دا مش حقيقه مش كدا
منه هزت راسها ببكاء وقالتله للأسف دي الحقيقه
انا ابقى بنت الراجل ال والدتك خانت والدك معاه وانا عايشه معاهم ف نفس البيت
رامي كان خرج يرمي زبالة المطعم
شافهم بيتكلموا اول لما سمع منه بتقول الكلام داه حس ان نادر ممكن يأذيها فوقف شويه
نادر من كتر الصدمه رجله مكنتش شايلاه فنزل ع الأرض بركبته
منه بهلع جريت عليه راح زاققها لبعيد وقعت ع الأرض وايدها اتعورت
رامي اول لما شاف كدا جه يجري ناحيتها وقومها بسرعه وهو بيقوله
: انت اتجننت هي ملهاش ذنب ف حاجه
منه ببكاء وهي ماسكه دراعها ال اتعور : هو دا ال انا كنت خايفه منه عرفت ليه مش هينفع نكمل مع بعض
نادر قام من ع الأرض وهو ف حالة صدمه وبيتخيل كل ذكريات خيانة والدته
وصل عند عربيته وركبها ومشي
منه ببكاء بصت لرامي وقالتله : انت ال قولتلي اروح اقوله الحقيقه
رامي بحزن : كان لازم يعرف علشان تبطلي الرعب ال انتي عايشه فيه وتفوقي لحياتك بقى
منه ببكاء : بس انا حياتي ملهاش معنى من غيره انا ....
رامي قاطعها بعصبيه وقالها : متقوليهاش
منه ببكاء : انا بحبه
رامي بحزن : قولتلك متقوليهاش
منه سابته ومشيت وهي بتعيط
رامي وقف يبص عليها وهي ماشيه بتعيط وهو بيقول لنفسه
: كل مره بترفض بطريقه غير مباشره
وبعدين اتنهد وقال أنا معرفش انا هنا بعمل اي
_____بقلم ملك محمد____
منه خطواتها أخدتها لبيت والدتها لقت نفسها قدام البيت بتضرب الجرس
والدتها : انت ياواد يااسلام شوف مين جايلنا السعادي
اسلام خرج من اوضته وراح يفتح
إتفاجئ لما لقى منه وشكلها مبهدل وعيونها مليانه دموعه
اسلام بصدمه : منه !
والدته سمعت الكلمه قامت بلهفه وراحت ع الباب وهي بتقول
: منه اختك ولا مين يا واد
اتفاجئت لما شافتها ف الحاله دي
والدتها بقلق : منه انتي كويسه
منه دخلت خطوتين لجوه ومقدرتش تمسك نفسها ونزلت ع الأرض بركبتها وفضلت تعيط
اسلام بلهفه : منه انطقي في اي مالك
والدتها برعب : والدك زعقلك
منه فضلت تعيط
والدتها بلهفه وقلق : الحربايه مراته قالتلك حاجه عرفيني انتي بس وانا هروح امسح بيهم الشارع هما الأتنين وهجيبك تعيشي معايا تاني هنا متخفيش
منه ببكاء : انا بكرهك
اسلام بعصبيه قالها : اي الكلام ال بتقوليه داه دي امك انتي اتجننتي
والدتها الكلمه ردت ف قلبها كأنها سكينه
قالتلها بحزن وعيونها مليانه دموع : بتكرهيني ليه يابنتي انا عملتلك اي وحش
منه ببكاء : ليه مخلتيش بابا بيحبك ليه مهتمتيش بيه ومخلتيهوش يفكر ف الخيانه انتي السبب ف كل حاجه
اسلام : منه انتي اتجننتي اي ال بتقوليه داه
والدتها بحزن : بس يااسلام سيبها تتكلم براحتها
وبعدين ردت عليها وقالتلها
: انتي عندك حق يابنتي انا السبب ف خيانته ليا بس تعرفي ليه لأني كنت بشتغل علشان اساعده ف مصاريفكوا مكنتش عايزه اتقل عليه كنت برجع من الشغل اشوف شغل البيت ع طول علشان لما يرجع يلاقي لقمه حلوه ياكلها كنت ناسيه نفسي لدرجة انه ف مره جه يمسك ايدي قالي ايدك خشنه كدا ليه وقتها بس عرفت ان كل ال عملته كان غلط
منه كانت عماله تعيط
والدتها : انا غلطت فعلا يابنتي وحقك عليا انا لو مقعدتش وحطيت رجل على رجل مكنش عمل فيا كدا بس تعرفي زي مانا غلطت هو غلطه كان اكبر لأن انا ع الأقل استحملت وعشيت معاه ع الحلوه وع المره انما هو خان والخيانه مبتتغفرش ابدا
منه اترمت ف حضنها وقالت
: انا قلبي وجعني اوي ياماما منه الساذجه الغبيه ال عايشه الحياه مش فاهمه حاجه زعلانه اوي ياماما زعلانه علشان فهمت
والدتها خدتها ف حضنتها وفضلت تهدي فيها
منه حكتلها ع نادر وانه سابها علشان عرف ان هدى مرات ابوها تبقى امه
والدتها بحب وهي حاضناها: لو بيحبك هيعرف ان ملكيش ذنب ف اي حاجه وهيرجعلك اطمني
منه ببكاء : هيرجع ازاي ياماما وهو كل اما يبص ف وشي هيشوف الراجل ال والدته خانت والده معاه انا متأكده انه هيكرهني
اسلام بعصبيه : وانتي مفكرتيش بإحساس امك لما تترتبطي بابن الست ال دمرتلها حياتها مفكرتيش لما تيجي تزوريها وتبص ف وشه هتحس بقهره ازاي هي ماما علشان مبتشتكيش تفتكريها مبتحسش ومعندهاش قلب
والدتها بحزن وهي بتداري وجع قلبها قالتله : اسلام ملكش دعوه بيا ومتجبش سيرتي تاني منه لو بتحبه انا مش هعارض جوازهم ابدا الشاب ملوش ذنب ف كل ال حصل انا اه بكره امه بس هو اتظلم زيو زينا
منه حست انها تايهه مش عارفه تتصرف ازاي كل الدنيا اتلعبكت ف وشها واليوم ال قلبها دق فيه ولقت الإنسان ال يحبها بكل لخبطتها وهي كمان حبته طلع كله وهم واكتشفت ان هي وهو لازم يدفعوا تمن غلطة ملهمش ذنب فيها
_________
نادر ف اوضته كل حاجه حواليه متكسره وايده مجروحه وبتنزل دم وهو قاعد ع الأرض بيعيط
مسك موبايله وشال رقم والدته من الحظر واتصل بيها
والدته لما شافت رقمه بيرن اتفاجئت لأنها بتحاول توصله من فتره وهو مش عايز يرد عليها ولا عايزها تعرف حاجه عنه
مسكت الموبايل وردت عليه وأيدها بتترعش
هدى بخوف: نادر دا انت ياحبيبي
نادر ببكاء : لي بتعملي فيا كدا
هدى بخوف وتوتر: انت بتعيط يانادر
نادر ببكاء : انا مش عايز اسمع صوتك انا في كلام عايز اقوله اسمعيني وانتي ساكته
هدى سكتت خالص والدموع فضلت تنزل من عنيها
نادر ببكاء : انتي ليه مُصره تبقى السبب ف تعاستي مدى الحياه ليه لما فكرت افتح قلبي لبنت واحبها وقولت هبدأ حياه جديده وانساكي نهائيا رجعتي تلاحقيني زي الكابوس ال مش عايز ينتهي
والدته كانت بتعيط وساكته
نادر ببكاء: معقوله حبتيه اكتر مني معقوله بتدخلي تعمليله اكل وتقعدي تضحكي معاه وابنك متعرفيش اكل ولا لا قاعد لوحده ولا في حد معاه
والدته ببكاء: لا يابني انا حاولت اوصلك
نادر بغضب : قولتلك مش عايز اسمع صوتك انتي واحده كدابه لو حتى مبتحبيش بابا كنتي خوفتي عليا كنتي خوفتي ع ابنك معقوله انتي تكوني ام اكيد لا حتى مكتفتيش بتدمير حيات بابا بس لا دانتي دمرتي حياتي انا كمان
والدته فضلت تعيط
نادر ببكاء : أنا اتصلت بيكي علشان اقولك اني بكرهك بكرهك اوي وهتفضلي ف نظري واحده خاينه والكره دا ذاد جداً لما عرفت انك خنتي بابا مع الراجل ال حبيت بنته
بين كل الرجاله ملقتيش الا داه انتي حقيقي مش ممكن تكوني انسانه
وقفل تلفونه
هدى عرفت ان نادر حب منه انهارت جدا وفضلت تعيط حست بدوخه فوقعت ع الأرض مغمى عليها
______________
الوقت كان متأخر
منه رجعت البيت تاني والدها قابلها عن بوابة البيت وهو راجع من شغله
ايمن بتعجب : كنتي فين يامنه لحد دلوقتي
منه بإحباط : هيفرق معاك كنت فين ادخل روح لمراتك اطمن عليها وع البيبي زي كل يوم انا مش مهم
والدها وقف وقالها : يعني اي انتي مش مهم انتي ناسيه انك بنتي
منه انفجرت بالعياط وقالتله : ويارتني ماكنت بنتك ياريت ابويا كان ميت
الكلمه وجعت قلبه اوي قالها
: بتقولي كدا ليه يامنه انتي ورثتي القساوه من امك
منه ببكاء: ماما عمرها ماكانت قاسيه ماما ست عظيمه وهتفضل ف نظري حاجه كبيره وانا مش زعلانه انك طلقتها انا دلوقتي عرفت انك متستهلهاش انت تستاهل واحده خاينه زي ال جوه
والدها مقدرش يستحمل كلامها وضربها بالقلم وقلها : اخرسي اياكي تتكلمي عنها بالطريقه دي
منه مسكت خدها وقالت ببكاء : انا بكرهك اوي يابابا بكرهك انت كنت السبب ف تعاسة والدتي والزمن بيعيد نفسه وبقيت السبب ف تعاسة بنتك
والدها زعل من نفسه جدا لما ضربها بالقلم قالها بلهفه وحزن : انا اسف صدقيني مش عارف انا عملت كدا ازاي
منه طلعت تجري ودخلت البيت وهي بتعيط
والدها طلع وراها
دخلت اوضتها وقفلت ع نفسها الباب
فضل يخبط عليها مردتش عليه
دخل أوضته بغضب اتفاجئ بهدى مرميه ع الأرض
اتصل بعربية الأسعاف بسرعه
ف المستشفى
ايمن ببكاء : ارجوك يادكتور طمني عليها
الدكتور بآسف : للأسف اشتباه ف جلطه ف القلب وهنكمل الفحوصات علشان نتأكد
ايمن ببكاء : طب والجنين هيحصله اي
الدكتور بتعجب : جنين اي يافندم المدام مش حامل
ايمن بصدمه : انت بتقول اي مراتي حامل انت بتكدب
الدكتور بغضب : انت كدا بتتهمني باطل وانا ممكن اقاضيك ع كدا
وسابه ومشي
ايمن شاف الممرضه جايه ناحيته جري عليها وقالها بهلع: مراتي حامل مش كدا الدكتور دا بيكدب صح
الممرضه بدهشه: مراتك مين يافندم
ايمن : الممرضه ال ف الغرفه جوا
الممرضه : لا مش حامل ولا حاجه يمكن حضرتك تقصد حد تاني
وسابته ومشيت