CMP: AIE: رواية عشقت حسناء الصعيد الفصل السادس والسابع والثامن بقلم هبة الله عوض
أخر الاخبار

رواية عشقت حسناء الصعيد الفصل السادس والسابع والثامن بقلم هبة الله عوض


 رواية عشقت حسناء الصعيد 

الفصل السادس والسابع والثامن 

بقلم هبة الله عوض 


البارت السادس:-


انتهت من حمامها ولفت المنشفه حول جسدها قائله:يوه انى نسيت البيچامه ع السرير وخرجت من الحمام لتجده امامها تسمرت قدماها ونظرت اليه بصدمه تحركت الى الفراش بهدوء لتاخذ ملابسه واتجهت إلى الحمام مره اخرى مغلقه الباب بوجهه


نظر إليها بصدمه وهى تعود للحمام مره اخرى فهو توقع انها ستصرخ وتركض من امامه ولكنها تحركت بهدوء وكأنها لم تراه


دخلت الى الحمام مره اخرى واغلقت الباب واستندت عليه وقلبها ينبض بقوه قائله:ايه اللى چابوه اهنه ده انى كنت جافله الباب دخل كيف


)


تجلس على فراشها تتوقع مجيئه اليها تشعر بالتوتر بداخلها يحترق


نبيله بداخلها:مفكراه هياچي تانى ويسيبها  طلعتى غلطانه يا نبيله اهو راحلها زمانه مبسوط معاها دلوجت وهى هتطاوعو فى اى حاچه يجولها مش انتى اللى قاعده تقربيهم لبعض زعلانه ليه دلوجت مجهوره ليه


نبيله وهى تمسح دموعها:ربنا يسعد يا سليم ويرزجك بالذريه الصالحه


خرجت من الحمام وهى ترتدى بيجامتها القصيره وجدته يجلس على الفراش فاتجهت الى احدى المقاعد وجلست عليه


الجو متوتر للغايه لا يجد ايا منهما اى حديث ليتحدث به


ظل ينظر إليها قليلا ثم تحدث قائلا:انتى بتعملى ايه


جفلت للحظه واتضطربت قائله:انت بببتكلمنى


سليم وهو ينهض من الفراش ويتجه اليها :هو فى حد هنا غيرك


نهضت من مقعدها سريعا وابتعدت عنه قائله :انى مش هصرخ اااا انى مش هصرخ بس بس ارچع مكانك


سليم ضاحكا :وانتى خايفه كده ليه انى مهاكلش بنى ادمين


حسناء بخوف:بس انى مش خايفه اااااا انى بس يعنى اااا


سليم ضاحكا  :واضح انك مش خايفه


حسناء بتلقائية:اااا انت چاى اهنه ليه روح روح نام عند نبيله متسبهاش تنام لواحدها


سليم وهو يجلس على احدى المقاعد:انى هنام اهنه


حسناء بفزع :ليييييييه ؟


سليم:هو ايه اللي ليه انى هنام فى قوضتى عندك مانع


حسناء وهى تبتلع ريقها قائله:لاه وانى همانع ليه دا بيتك انى هدخل الحمام


اعطته ظهرها متجهه الى الحمام ولكن فجأة شعرت بيد تحاوط خصرها وتحملها وتتجه بها الى الفراش


ركض من خلفها وحملها بين يديه ووضعها على الفراش وهو يعتليها


حسناء بفزع:حاسب يدك عنى بعد عنى


نظر لعينيها ووضع يده على فمها قائلا: اسكتى دلوجت خايفه والصبح لسانك كد اكده وتتمهزئى عليا


حسناء لم تستطيع التحدث ولكنها جحظت عينيها وحركت راسها بمعنى لا


يبعد يده عن فمها ناظرا لعينيها الفيروزيه ويبتلع ريقه وينظر لشفتيها ويقترب مقبلا اياها بعنف


اغمضت عينيها وحاولت ان تبتعد عنه ولكنها لم تستطيع


ابتعد عن شفتيها ونظر لعينيها وجدها مغمضة العينين


ابتعد عنها وتمدد بجانبها ينظر اليها وجدها تفتح عينيها ببطئ وتبحث بعينيها عنه


شعرت به يبتعد عنها ففتحت عينيها ببطئ تبحث عنه وجدته نائم بجانبها وينظر اليها فنهضت من جانبه وركضت الى الحمام


نظر اليها وهى تركض امامه ونهض من الفراش متجها لخارج الحجره


شعرت به يدخل الى الحجره فنهضت تنظر اليه بسعاده قائله:اتاخرت ليه ؟


سليم متعجبا من سعادتها :انتى مش جولتى اروح انام عندها ؟


نبيله وهى تحتضنه:ايوه بس فكرتك هتاجى تنام اهنه


سليم وهو يربط على ظهرها قائلا:مانى چاتلك اهو


نبيله وهي تحتضنه بقوه: ربنا يخليك ليا يا سليم


نظر لعينيها قائلا:انتى كنتى هتبكى يا نبيله ؟


نبيله بصوت مختنق:لاه انى بس كنت هنام


سليم :معلش جاجتك كملى نومك


نبيله وهى تنظر اليه بتوتر قائله:عملت ايه؟


تذكر رغبته الملحه لتقبيلها تذكر عينيها  ونظراتها تذكر سكونها بين يديه شعور لم يشعر به من قبل اراد ان يكمل ما بدائه ولكن بداخله شعور اخر يأمره بالابتعاد


نبيله وهى تنظر اليه قائله:سليم انى هكلمك عملت ايه ؟


نظر اليها قائلا:مجدرتش يا نبيله مجدرتش


نبيله بسعاده :والا يهمك الايام چايه كتير


سليم بتعجب:وانتى مبسوطه كده ليه ؟


نبيله وهى تحتضنه بقوه قائله:انى مبسوطه انى شوفتك


احتضنها وهو يربط على ظهرها قائلا بداخله:انتى اللى خلتينى ابعد يا نبيله مجدرتش اظلمك وانى عارف انى هظلمك لو جربت


خرجت من الحمام وهى تنظر على الفراش ولكنها لم تجده تنفست الصعداء وركضت الى الباب تغلقه وذهبت إلى الفراش


جلست على الفراش تتذكر ما حدث منذ قليل ووضعت يدها على فمها تتحسسه قائله:راحلها هو هيحبها بس لما هو هيروحلها عمل اكده ليه


وضعت رأسها على الفراش قائله:نامى يا حسناء متفكريش كتير


ظلت تفكر قليلا وذهب فى سبات عميق


(


فى الصباح استيقظت وهى تشعر بالغسيان والقئ والتعب


سليم وهو ينظر اليها قائلا:مالك يا نبيله صاحيه على الصبح بترچعى ليه ؟


نبيله وهى تمسك معدتها قائله:شكله برد من المكيف


سليم:مانى چولتلك مية مره نزالى الحراره شويه


نبيله:انى هعملى كوباية اعشاب تهدى معدتى هتنزل تفطر معايا والا اسبجك


سليم:اسبجينى انتى وانى هاچى وراكى


نبيله تخرج من الحجره :ماشي بس انت متعوچش


خرجت من الحجره وتركته يكمل ارتداء ملابسه وخرج من الحجره وجدها تغلق الباب تلاقت عينيهم للحظات ولكنها اشاحت عينيها وتركته وهبطت السلم سريعا


نظر إليها يعلم وهى تتحرك امامه وهبط حخلفها متجها إلى حجرة الطعام وجدها تجلس بين شقيقاته


سليم: السلام عليكم ورحمه الله وبركاته


الجميع: وعليكم السلام ورحمه الله وبركاته


كريمه وهى تنظر اليه قائله:صباحك جشطه يا ولدى


سليم وهو يجلس بجوار زوجته : يسعد صباحك يامه


جلس يتاول فطوره وينظر إليها بين الحين والآخر


تنهض من مقعدها وتركض الخارج الغرفه وهى تمسك معدتها


كريمه وهى تنظر لسليم:هيه مرتك ماله يا ولدى ؟


سليم وهو ينهض من مقعده قائلا:عندها دور برد من الصبه هترجع


كريمه :ربنا يشفيها يا ولدى


سليم:امين يامه انى هطمن عليها واخرچ عايزه حاچه منى


كريمه:لاه يا ولدى


التف لينظر اليها قائلا:حسناء معايزاش حاچه ؟


نظرت اليه فهى لاول مره تستمع لاسمها من بين شفتيه


حسناء بتلقائيه:ربنا يسلمك من كل سوء


نظر الي شفتيها للحظه شعرت بنظرته فوضعت يدها على فمها بتوتر واشاحت بعنيه بعيدا وبدات فى تناول طعامها مره اخرى لكى تقلل من توترها


خرج من الحجره واتجه يبحث عنها وجدها نائمه على الفراش اقترب منها قائلا:لساكى تعبانه


نبيله: شويه وهبچى زينه


سليم:تعالى نروح نكشف ونطمن على الاجل متاخديش دوه اكده منك لنفسك


نبيله:انى زينه يا سليم صدجنى


سليم:معايزش حديت ماسخ كتير جومى البسي يعنى چومى البسى


نبيله: حاضر يا سليم


نهضت لترتدى ملابسها وهبطا السلم معا


تخرج من حجرة الطعام وجدتهم امامها فنظرت اليهم قائله:عامله ايه يا نبيله دلوجت ؟يا رب تكونى زينه


نبيله:انى زينه الحمد لله بس سليم مش مصدجنى وبيجول لازمن اروح اكشف


حسناء وهى تنظر اليه قائله:عندو حج اطمنى واهو الدكتور يكتبلك على علاچ ربنا يشفيكى يا حبيبتي انى هسيبكو بچى عشان متتاخروش


نبيله باسمه:تسلمى يا ضرتى


تركتهم وصعدت الى حجرتها وهو اتجه وهى معه ذاهبين للطبيب




تجلس على فراشها لم تدرى لما تشعر وكان هناك حريق ينهش قلبها لم تدرى لما تشعر بأنها تريد الصراخ لم تعلم حتى سبب كل تلك الدموع


حسناء بغضب:لما هو بيحبها اتچوزنى ليه مرضاش بنصيبه واتچوزنى ليه عمل اكده ليه جربلى ليه لما هو هيبعد ويروحلها


تجلس امام الطبيبه بعد الفحص ليهتف هو قائلا :خير يا دكتوره


الطبيبه:هى بخير الحمد لله مفيش عندها اى حاجه بس انا كتبتلها على تحليل تعمله نتأكد ان مفيش حمل


سليم وهو ينظر اليها قائلا:هو ممكن يكون فى حمل ؟


الطبيب:ليه لا هو انو عاملين احتياطاتكو


سليم:لا بس احنا حاولنا كتير بس ربنا مردش


الطبيبه:هى بس تعمل التحليل ده ونتأكد


خرج من الحجره وهى بجانبه يشعرون بالتوتر


نبيله وهى تنظر اليه قائله:انى عارفه انى منيش حامل ملوش لازمه التحليل ده


سليم:مش هنخسرو حاچه اهو نطمن ونتأكد زى مجالت الدكتوره


نبيله:اللى تشوفه يا سليم بس انى معايزاش نرچع من الاول


سليم:معلشى اهى نجتتين دم


تجلس على فراشها وتتحدث بهاتفها قائله:اهو كلها شهر واخلص امتحاناتى وابجى خلصت دراسه ونتچوز بجى


****: والله ما مصدج انك اخيرا هتبجى مراتى يا سها


سها ضاحكه:لاه يا محمد صدج هو احنا مخطوبين من يومين دا احنا بجالنا سنتين وزياده


محمد بهيام:مهيهمنيش بجالنا اد ايه المهم اننا نبجى سوا فى الاخر


سها: الله يا محمد على كلامك الحلو هتبجى تجولى حديتك ده بعد منتچوز ؟


محمد بحب: الكلام الحلو كله مهيجدش يوصف عشجى ليكى يا سها


تجلس وهو بجانبها تنتظر ظهور النتيجه يستمعون لصوت احدى الممرضات تهتف باسمها يتجه اليها وياخذ من يدها المظروف الموجود به نتيجة التحاليل ويتجهون الى الطبيبه مره اخرى


الطبيبه وهى تاخذ المظروف من بين يديه وتتفحصه قائله:زى مكنت متوقعه


نبيله بعدم فهم:متوجعه ايه يا دكتوره


الطبيبه باسمه:مبروك انتى حامل


نظرت اليها بصدمه قائله:انى ايه ؟



تجلس معها بالغرفة يضحكون معا فتنهض من الفراش قائله :انى هشغل اغنيه نرجصو عليها


حسناء :انى من زمان جوى مرجصتش يا بدور خالى كان محرم علينا الرجص


بدور وهى تذهب وتاخذ يدها قائله:ارجصى ياختى ارجصى


تقف الفتاتين يتمايلان على صوت الموسيقى وتضحكان بشده


بدور وهى تنظر إليها قائله:دا انتى رجصك حلو علمين


حسناء:فاتن اللى علمتنى الرجص مرات خالى كانت هتخلينا نرجص وخالى مش موچود


بدور وهى تجلس على الفراش قائله:انى هجعد اتفرج وانتى كملى


ظلت تتمايل ولم يشرا بصوت المسجل الذى بداء يعلو


دخل الى البيت وهى معه مازالو يشعرون بعدم التصديق يجدون كريمه تجلس بحجرة المعيشه يتجهون اليها ويجلسون بجانبها


كريمه وهى تنظر اليها قائله:خير يا بتى عامله ايه دلوجت


نبيله بسعاده :انى مبسوطه جوى جوى يامه


كريمه بعدم فهم قائله:ربنا يبسطك يا بتى طمنينى الدكتوره جالتلك ايه


نبيله بسعاده:انى حامل يامه


كريمه بسعاده:بچد يا بنتى ؟


نبيله بسعاده:ايوه يامه انى عملت تحاليل والدكتوره اتأكدت


كريمه بسعاده:طيب يا بتى اطلعى نامى فى حچرتك وارتاحى أكده ربنا يثبت حملك ويجومك بالسلامه


نبيله وهى تنهض:حاضر يامه


كريمه:جوم يا ولدى وصل مرتك


نهض معها ليذهبا سويا الى حجرتهم ولكنه يستمعون صوت الموسيقى قادم من حجرة بدور


نبيله وهى تنظر الى الحجره:بدور وسها شكلهم جاعدين مع بعض انى هدخل افرحهم


وذهبت لتطرق على الباب ولكن صوت الموسيقى عاليا


اتجه ناحيتها ليطرق على الباب ولكن لا يوجد رد


فتح الباب بقوه ليجد شقيقته تجلس على الفراش والاخرى تتمايل ولم تشعر بشيء


اصابها الفزع حينما وجدته يقف على باب الحجرة وركضت الى المسجل لتغلقه


نظرت اليها بتعجب قائله:جفلتيه ليه انى بحب الاغنيه دي


استمعت لصوته قائلا:احنا معندناش المرجعه دى


نظرت اليه بصدمه فهى لم تشعر بوجوده قائله:انت دخلت اهنه كيف


نظر اليها بسخريه قائلا:مانتى هتسمحى الخبط كيف وصوت الزفت عالى اكده


بدور بخوف من شقيقها قائله:احنا اسفين يا سليم والله محسيت بصوت التسجيل


سليم:اخر مره وال مره انك تعملى اكده فهمه والا لا (ووجه حديثه للاخرى قائلا):انتى يا بت انتى احنا معندناش الرقص والمسخره دى انتى فاهمه


حسناء بغضب:انى مسميش بت انى اسمى حسنااااااااء عرفتها دى والا اجولها كمان


نظر اليها بغضب لوقاحتها قائلا:انى هجول اللى اجوله وانتى مش هتعدلى علي حديتى


حسناء بغضب:يبجى متوجهليش كلام وانى مهعدلش عليك لو هتكلمنى تجولى يا حسناااااء غير اكده يبجى متحددنيش


شعر بالغضب منها ولم يشعر بنفسه الا وهو يمسكها من شعرها قائلا:لما تتحدتى معايا تتحددتى  بحساب


صرخت به وشعرها بين يديه قائله:لما تجولى باسمى يبجى ساعتها اعملك احساب


دفعها بعيدا لتقع على الارض وتمسك شعرها قائله بخفوت:يجيك شلل فى يدك


استمع لتمتمتها ورمقها بنظره غاضبه قائله:انتى ناجصه ربايه وانى هربيكى على يدى


صرخت بوجهه قائله:لما انى ناجصه ربايه سيبنى فى بيتك ليه طلجنى وخلينى امشى من اهنه


نبيله وهى تمسك معصمها قائله:اجصدى الشر يا حسناء وتعالى معايا


نظر اليها بسخريه قائلا:انى اصلا هطلجك معدلكيش عازه فى البيت ده


نظرت اليه بصدمه قائله:ولما انى مليش عازه اتجوزتنى ليه


سليم :كنت مفكرك تنفعى تبجى ام ولادى بس اكتشفت انك والا تنفعى تبجى ام والا حتى تبجى زوچه


نبيله وهى تنظر إليه قائله:تعالى يا سليم كفاياك أكده


ابتلعت غصتها قائله:طلجنى انى اصلا مرايداكش ومغصوبه عليك كمان


نظر اليها بصدمه وجذبها من شعرها قائلا:انى هعلمك تتحددى معايا كيف دلوجت وجرها خلفه الى حجرتها


حسناء بصراخ:بعد يدك عنى


نبيله وهى تحاول ان تخلصها من بين يديه قائله: خلاص يا سليم بعد عنها دلوجت


نظره واحده منه جعلتها تبتعد عنه قائله:الله يخليك يا سلم بعد عنيها


حسناء بغضب : والله العظيم مانى جاعده فى البيت ده


صعدت اليهم بعدما استمعت لصراخهم قائله:فى ايه يا سليم (ونظرت ليده الممسكه بشعرها قائله):بعد يدك عنها يا ولدى


سليم وهو يدفعها بحجرتها قائلا:دى جليله ربايه ولازمن تتربى


ركضت اليها قائله برجاء:الله يخليكى يا حاچه طلجينى منه انى مرايدهوش


كريمه:ايه يا بتى اللى هتجوليه ده


سليم وهو ينظر لوالدته قائلا:سبينا لحالنا يامه


حسناء بصراخ:بجولك خليك راچل وطلجنى


نظر اليها بغضب فكلماتها تزيد من غضبه كلما رددت انها لا تريده وانها تريد الطلاق منه يشعر بشيء يهين كرامته فاغلق الباب بوجههم قائلا:انى بجى هعرفك تجول مرايدنيش كيف


نظرت اليه بفزع قائله:بعد عنى متجربليش


حملها بين يديه ووضعها على الفراش حاولت الهروب ولكنه قيدها ومزق ملابسها قائلا:مش حتة بت زايك تجولى مغصوبه عليك انى بجى هعرفك انى راچل كيف


هجم عليها لينتقم لكرامته على رفضها له وووقاحتها اراد ان يثبت انها ليست لديها مكانه عنده اراد ان يطفئ تلك النيران التى تشتعل بداخله حينا ينظر لعينيها


نبيله من الخارج بصراخ:سليم متعملش اكده خلاص بعد عنها سليم بعد عنها سليم هچولك بعد عنها


لم تجد منه رد فجلست على الارض تبكى وتهتف بخفوت: سليم انى حامل يا سليم متعملش اكده


نظرت اليها بحزن وهى جلسه على الارض تعلم بان كلماتها اثارت الغضب بداخله فنظرت لابنتها قائله:بدور خدى نبيله على قوضتها


نبيله :انى جاعده اهنه


كريمه:جعدتك اهنه ملهاش لازمه يا بتى


ساعدتها على النهوض واتجت الى حجرتها فى صمت مميت


البارت السابع:-

لم تجد منه رد فجلست على الارض تبكى وتهتف بخفوت: سليم انى حامل يا سليم متعملش اكده

نظرت اليها بحزن وهى جلسه على الارض تعلم بان كلماتها اثارت الغضب بداخله فنظرت لابنتها قائله:بدور خدى نبيله على قوضتها

نبيله :انى جاعده اهنه

كريمه:جعدتك اهنه ملهاش لازمه يا بتى

ساعدتها على النهوض واتجت الى حجرتها فى صمت مميت

جلست على فراشها تبكى قائله:ليه تعمل اكده يا سالم انى عارفه انك مش بتنتجم منيها انى عارفه انك عشجتها

عادت بذاكرتها لساعات قليله

نبيله وهى تنظر اليه بسعاده قائله:انى مش مصدجه نفسي يا سليم انى حامل

سليم بسعاده :الحمد والشكر لله

نبيله :يعنى انت فرحان يا سليم ؟

سليم:دا انى هاين عليا ازرغط

نبيله ضاحكه:ههههههه فينك يا مرات عمى تاچى تشوفى ولدك الوحيد

سليم ضاحكا:ههههههه واه دا مرات عمك نفسها لم تعرف هترجص

نبيله وهى تنظر لنتيجه التحاليل قائله:غريبه كتبين انى عندى٢٢سنه

سليم ضاحكا :هههههه هياكلو من عمرك ٥سنين

نبيه :هما شايفينى صغيره متغاظ ليه ها

سليم :وانى اكره انك تكونى صغيره دا احب شئ لجلبى

نبيله وهى تنظر اليه قائله بتردد:وهتعمل ايه مع حسناء دلوجت ؟

سليم بعد فهم:هعمل معاها ايه فى ايه منيش فاهم

نبيله:هطلجها يعنى والا ايه؟

سليم بدهشه:واطلجها ليه؟

نبيله:مانت مجربتلهاش وانى بجيت حامل ومنتش رايدها هتسيبها على زمتك ليه

سليم بدهشه:يعنى خلاص معدلهاش عازه عندك ؟وبجيت عايزانى اطلجها دلوجت؟

نبيله:وهتسيبها على زمتك ليه ابعتها على بيت خالها وخليها تمشي وبكره هتتچوز هى حلوه وصغيره

سليم وهو يوقف السياره مره واحده وينظر اليها بغضب قائلا:هيه لسه مراتى وانتى طلجتيها وچوزتيها كمان

نبيله وهى تنظر اليه بعضب وتضع يدها على معدتها قائله:انت اتجنيت يا سليم عايز تسجتنى وايه يعنى لما تطلجها العيل وربنا هيكرمنا بيه والا انت رچعت فى كلامك وبجيت رايدها دلوجت ؟اه صوح مانى نسيت اللى عملته وكدبت نفسي وچولت هيحاول وصدجت انك مجربتلهاش

سليم وهو ينظر من الشباك المجاور له ولم يرد

نبيله وهى تهز كتفه قائله:سليم رد عليا انت جربتلها والا لاه ؟

سليم:انى مجربتلهاش ولو رايدها مهتجدريش تمنعينى

نبيله :طمنت جلبى اكده لما تطلجها متبجاش ظلمتها

سليم وهو ينظر اليها قائلا:وانتى خلاص جررتى انى اطلجها ؟افرضى كنت جربتله من الاول كنتى هتعملى ايه؟

نبيله :معرفاش كنا هنعملو ايه بس اللى اعرفه دلوجت انك مجربتلهاش

(

ابتعد عنها ونظر اليها وجدها مغمضه العينين والدموع تسقط منها

سليم بصوت جاف:دلوجت لو عايزه تمسى امشى معدلكيش عازه

فتحت عينيها ببطئ وجلس على الفراش لتوازى جلسته وهى تغطى جسدها بغطاء الفراش قائله:دلوجت اتاكدت انك مش راچل وهجولهالك باعلى صوتى منتش راجل يا ابن العاصى الرچوله مش اكده لما تاچى تتمرچل اتمرچل على راچل مش على مره وتكتفها كمان

لم يعلم لما شعر بالندم بتلك اللحظه ولكن ما حدث لا يمكن الرجوع عنه

اكملت حديثها قائلة :مفكر اكده انك كسرت عينى او لويت دراعى تبجى غلطان يا سليم يا ولد الأكابر انى حسناء عارف يعنى ايه حسنااااااااء وايوه انت عمرك مهتبجى في عينى راچل ومهتلزمنيش كمان واللى حصول ده مهيفرجش معايا

نهض من الفراش وذهب الى الخارج بدون ان يضيف اي كلمه

بعد خروجه انفجرت فى البكاء فما فعله ذلك الغبى كسر اى ذكرى كانت تحتفظ بها من قبلته الاولى

ظلت تبكى الى ان شعرت انها لم تعد تستطيع البكاء ونهضت من الفراش واتجهت إلى الحمام لتتحمم


خرج من حجرتها واتجهه للحجره الاخرى ليجدها تجلس على الفراش

بمجرد دخوله صرخت به قائله:جاى ليه دلوجت معجبتكش العروسه والا طلعت معيوبه

سليم وهو يصفعها قائلا:اخرسى

نبيله وهى تضع يدها على وجهها قائله:هتضربنى يا سليم هتضرب بنت عمك عشان حتة عيله

سليم بغضب قائلا:حتة العيله دى مراتى زيها زايك

وتركها وذهب الى الدولاب ليخرج ملابسه ويتجه إلى الحمام

تركض خلفه وتجذبه قائله:يا بچاحتك جاى تستحمى اهنه

سليم بغضب قائلا:نبيله بعدى عنى دلوجت وخافى على اللى فى بطنك

نبيله بصراخ:مبجتش رايد ذريه منى دلوجت وبجى عند اللى تخلفلك

سليم وهو يدفعها قائلا:هجولك بعدى عنى دلوجت

دخل الى الحمام وكلماتها ما ذالت تتكرر على مسامعه

وايوه انت عمرك مهتبجى في عينى راچل

منتش راجل يا ابن العاصى

مهتلزمنيش كمان واللى حصول ده مهيفرجش معايا

سليم بغضب:غبى عملت اكده ليه مفكرها هتجعد مفكر هتبطل تجولك طلچنى مفكر انها مهتبعدش اهى ضاعت من يدك

خرج من الحمام ليجدها جالسه على الفراش تبكى فنظر اليها وبدون ان يتحدث ذهب الى الخارج

)

يجلس فى مدخل البيت والظلام من حوله يجدها تهبط على السلم وبيدها حقيبه نهض من مقعده واتجهه ناحيتها قائلا:واخده الشنطه دى وراحه على فين

حسناء وهى تكمل طريقها:ملكش صالح بيا

امسكها من معصمها وتحدث بغضب قائلا:يعنى ايه الحديت ده ؟

حسناء بصراخ:هجولك بعد عنى واوعاك تفكر تجربلى مره تانيه

سليم بغضب:اطلعلى على فوج دلوجت

حسناء بغضب:مش عملت اللى انت عايزو عايز منى ايه دلوجت سيبنى اروح لحالى

سليم بغضب:اسيبك لحالك كيف انتى مراتى

حسناء بصراخ:هجولك بعد عنى بعد عنى عايزه امشى من اهنه انى معايزاش اجعد معاك فى بيت واحد

استيقظ الجميع على صوتهم وهبطو على السلالم

كريمه وهى تنظر اليهم بدهشة قائله:ايه يا ولدى فى ايه تانى ؟

سليم وهو ينظر اليها قائلا:الهانم عايزه تمشى وهتجول ملكش صالح بيا

كريمه وهى تنظر اليه قائله:ايه الى هتجوليه ده يا بتى وعايزه تروحى على فين؟

حسناء:يا حاچه خلينى امشي من اهنه وطلجينى منيه احب على يدك

واقتربت لتقبل يدها ولكنها جذبها اليه قائلا:الطلاج ده تشيليه من راسك طلاج مش هطلج ومنتيش ماشيه من اهنه

محمد وهو ينظر اليها قائلا:ايه اللى حوصل يا بتى ولو ليكى حج هوصلك لبيت خالك وكمان هطلجك منيه

حسناء:اللى حوصل انو انو

لم تستطيع ان تكمل بماذا ستجيبه

محمود:ايوه يا بتى انى سامعك ايه اللى حوصل ؟

حسناء:مانى هچولك اها

ولكنها عادت للصمت من جديد

محمود:يا بتى انطجى يعنى انتى جلجانه من نومنه وعايزه تمشي دلوجت وتفوتى البيت من غير سبب اطلعى يا بتى ونامى ربنا يهديكى

حسناء:جوليلو يا حاچه على اللى عملو وبهدلته ليا

كريمه وهى تنظر اليها :اطلعى يا بتى والصباح رباح

حسناء:انت وعدتنى يا حاچ انك هتطلجنى منيه

امسك معصمها بالقوه وصرخ بوجهها قائلا:لو حصل ايه مش هطلجك حطيها حلجه فى ودنك

محمود :يالا بينا يا كريمه مرات ابنك عايزه تنام وهتخرف

صعدا على السلم نظرت اليهم واتجهت لتخرج من الباب مره اخرى ولكنه بحركه واحده كان يحملها بين يديه ويصعد بها السلم وهى تهتف بغضب:نزلنى هجولك نزلنى

وصل الى الحجره وفتح الباب ودخل اليها ووضعها على الارض واغلق الباب بالمفتاح خلفه

نظرت اليه وهو يغلق الباب وتراجعت للخلف وهتفت قائله: والله العظيم لو جربتلى لاولع فى روحى

نظر اليها بصدمه قائلا:مهجربلكيش بس متسبيش البيت ده وانى هبعد عنيكى

حسناء :انت جولتلى لو عايزه تمشى امشى سيبنى امشي الله يخليك عايز منى ايه تانى

نظر اليها ولكنه لا يستطيع الرد يشعر بداخله بالكثير من الأحاديث ولكنه لم يقدر على التعبير عنها

تنهد سليم قائلا:مهتمشيش من اهنه وخلاص

نظرت اليه بغضب قائله:انى همشي من اهنه مهتجدرش تحبسنى

فتح الباب وخرج بدون ان يتحدث واغلق الباب بالمفتاح مره اخرى

طرقت على الباب بقوه قائله:طلعنى من اهنه انت مهتجدرش تحبسنى انت عايز منى ايه افتح الباب دى خرچونى من اهنه

جلست على الارض تبكى قائله: يا رب انا اللى عالم بحالى يا رب جوينى

ظلت تبكى الى ان خطرت ببالها خطه خطه فنهضت من  الارض واتجهت لتنفيذها


استيقظت من نومها بتعب لتجده لم يعد الى الحجره فركضت الي الحمام لتستفرغ فهى لم تنم من الم معدتها والاستفراغ طوال الليل

خرجت من الحمام وهى تضع يدها على فمها قائله:هو الحمل صعب اكده معدتى هتموتنى

خرجت من حجرتها ووقفت امام باب حجرتها تنظر اليه قليلا ومن ثم هبطت السلم واتجهت إلى المطبخ لتجد زوجه عمها تشرف على تحضير الطعام

نبيله وهى تدخلى المطبخ قائله: صباح الخير يا مه

كريمه:صباح الخير يا بتى ايه اللى جومك ارتاحى وانى هخلي زهره تطلعلك الوكل

نبيله وهى تمسك معدتها قائله:لاه يا مه انى هاكل وياكو

كريمه وهى تنظر لمعدتها قائله:مالك يا بتى ؟

نبيله:معدتى كانى فيها نار يامه

كريمه:معلشي يا بتى هو الحمل صعب اكده

نبيله وهى تنظر اليها قائله:طول الليل معرفتش انام من الاستفراغ

كريمه ضاحكه:انتى لسه شوفتى حاچه شدى حيلك شويه

نبيله :حاضر يامه

كريمه وهى تنظر الى زهره قائله:بت يا زهره روحى فيجى حسناء عشان تفطر معانا

زهره :حاضر يا ست الحاچه

نبيله وهى تنظر الى زوجه عمها قائله:هى لساتها نايمه لحد دلوجت ؟

كريمه:معرفاش اذا كانت نايمه والا لاه بس منزلتش تفطر معانا

نبيله  بتوتر:وسليم منزلش مشفتهوش ؟

كريمه :معرفاش يا بتى ربنا يسامحهم هما التنين جلجونا على صراخهم فى الليل

نبيله بتعجب :ليه ايه اللى حوصل؟

كريمه:البنيه فى ايدها شنطه وراسها والف سيف تروح بيت خالها

نبيله بلهفه:ومشت ؟

كريمه:لاه يا بتى تمشى كيف

نبيله:مهو مرايدهاش وانى بجيت حامل يخليها تروح لحالها

كريمه وهى تنظر اليها بتعجب قائله:ايه اللى هتجوليه دا يا بتى؟

نبيله:ايوه يامه هى مهتريحهوش وهنجر فيه ومهتسمعش الحديت

كريمه:بكره تتعلم عوايدنا وتعجل لساتها صغيره

نبيله بغضب :يعنى أيه هتخليها اهنه بعد معرفتى انى حامل؟

كريمه:لا هكرشها من بيتها وهرميها فى الشارع

نبيله:انى مجولتش اكده بس خليها تروح لبيت خالها

كريمه بهدوء:استعيزى بالله من الشيطان يا بتى واعجلى دى بت ناس محناش جيبينها من الشارع  ومرات ابننا على سنة الله ورسوله

تدخل عليهم زهره المطبخ مره اخرى وهى تهتف:الست حسناء مهتردش عليا والباب مجفول بالمفتاح

كريمه :كيف يعنى وسليم فين؟

زهره: معرفاش يا حاچه يمكن مع الست حسناء وجافلين الباب من چوه

كريمه وهى تنظر :خلاص كملى الفطور يا زهره  يالا يا بتى نخرج احنه نجعد مع عمك

خرجت معها من المطبخ لتجدها واتجهو الى حجره الطعام لتقبل يد عمها قائله: صباح الخير يا عمى

محمود بحنان:ربنا يسعد صباحك يا بتى ويجومك بالسلامه

نبيله وهى تضع يدها على بطنها بسعاده قائله:ربنا يخليك ليا يا عمى

يقطع حديثهم دخوله إلى الحجره قائلا: السلام عليكم

الجميع:وعليكم السلام ورحمه الله وبركاته

محمود: اجعد يا ولدي افطر

كريمه:امال حسناء فين ؟

سليم وهو يتذكر بانه اغلق الباب عليها ليلة امس :هروح اچيبها واچى

نبيله بخفوت:مجدرش تبعد عنيها يا سليم ضيعت عچلك

خرج من الحجره وذهب إلى حجرتها فتح الباب ونظر بالغرفه ولكنه لم يجدها اتجه الى الحمام يبحث عنها ولكنها ليست بالداخل ايضا لفت نظره ان باب الڤرانده مفتوحا فدخل اليها ليفاجئ بشئ لم يتوقعه


البارت الثامن:-


سليم وهو يتذكر بانه اغلق الباب عليها ليلة امس :هروح اچيبها واچى


نبيله بخفوت:مجدرش تبعد عنيها يا سليم ضيعت عچلك


خرج من حجرة الطعام وذهب إلى حجرتها فتح الباب ونظر بالغرفه ولكنه لم يجدها اتجه الى الحمام يبحث عنها ولكنها ليست بالداخل ايضا لفت نظره ان باب الڤرانده مفتوحا فدخل اليها ليفاجئ بشئ لم يتوقع


سليم وهو ينظر لمفرش السرير وهو معقود وويتدلى من الڤرانده قائلا:هربتى يا حسناء


شعر بالاختناق وخرج من الحجره متجها لخارج البيت رأته والدته وهتفت قائله:رايح على فين يا ولدى مش هتكمل فطورك ؟


سليم وهو متجه الى الخارج:لاه انى شبعت ورايا مشوار مهم


لم يستمع لباقى حديثها وخرج من المنزل مسرعا وانطلق بالسيارة لمنزل خالها


بعد قليل وصل لمنزل خالها وطرق الباب ليفتح له الباب ويهتف:يا مرحب يا ولدى دا البيت نور اتفضل اتفضل


دخل معه الى حجره الضيوف ليهتف قائلا:الشاى يا ام وداد


فهيمه وهى خارج الحجره :دجايج ويكون چاهز


سليم وهو ينظر اليه قائلا:انى منيش جاى اتضايف يا عم رچب انى چاى اخد مراتى من اهنه


رجب: سيبها اهنه شويه يا ولدى


نظر اليه بصدمه قائلا:يعنى ايه ؟هيه فين دى ؟


رجب :يا ولدى هيه جوه في چوضتها


سليم:چولها ان انى اهنه وخليها تاچى


رجب وهو ينهض من مقعده:عن اذنك يا ولدى


تركه وذهب إلى حجرتها ليخبرها بان زوجها بالخارج يريد رؤيتها


رجب:يعنى ايه يا بتى الراچل فى بيتنا وچاى لحد اهنه


حسناء:انى منيش عايزه اشوفه


رجب:جومى يا بت وكفاياكى دلع عاد


حسناء وهى تصرخ:والله لو غصبتنى ارچع معاه لاجتل نفسي واريحكو منى


فهيمه وهى تحتضنها: خلاص يا رچب جوله خليه تجعد يومين تريح اعصابها


حسناء :لاه چوله يطلجنى لانى رايدها والا هو رايدنى خليه يطلجنى وكل واحد يشوف طريجه


فهيمه وهى تضرب يدها على صدرها قائله:طلاج ايه يا بتى دا انتى لسه مكملتيش حاچه


حسناء:انى مستعده اتجوز الحاچ ابراهيم يا رتنى كنت اتچوزته من الاول


فهيمه وهى تربط على كتفها قائله: يا بتى بس لو تفهمينى ايه حوصل لدا كله


حسناء ببكاء: ورحمه امى يا حالى متخلنيش ارچع ابوس يدك متظلمنيش تانى كفايه اللى حوصل


خرج من الحجره واتجه إلى الحجره التى يجلس بها سليم


سليم وهو ينظر خلفه قائلا:هيه مجتش ليه


رجب:هى مرضيتش يا ولدى هتجول انها رايده تطلچ


نظر اليه بدهشة قائلا:وانت معارفش تخليها تطلع چولها مفيش طلاج وخليها جاعده اكده وعرفها انى اللى هتعمله ده مهعدهولهاش اكده


ونهض من مقعده مكما حديثه :انى ماشي


رجب:اجعد يا ولدى دا انت منورنا


سليم:منور باصحابه يا حاچ


خرج من المنزل يشعر بالغضب يقسم بانه اذا رأى وجهها سيلكمها بقوى لتعلم كيف لها ان تمنع عن الخروج لرؤيته


تتجه لوالدتها قائله:حسناء فين يامه ؟


كريمه:فى جوضتها يا بتى


بدور :لاه يامه مهش فى جوضتها الجوضه الباب مفتوح ومفيش حد چوه


كريمه:ايه اللى هتچوليه دا دورى عليها اهنه والا اهنه


بدور:مش لجياها يامه


كريمه:دورى عليها يا بتى الله يوافجك اخوكى لو چه وملجهاش هيچلب الدنيا


لم تنهى حديثها وجدته يدخل عليهم وملامح الغضب مسيطره عليه


كريمه وهى تنظر اليه قائله:كنت فين يا ولدى ومراتك فين


سليم وهو ينظر للجهه الاخرى قائلا:رجعتها عند اهلها


كريمه وهى تضرب يدها على صدرها قائله:ايه اللى هتچوله ده يا ولدى


سليم وهو يتجه إلى الاعلى قائلا:اكده احسن هيه مهتنفعنيش بت مايعه وچليله الحيه


صعد الى حجرتها وجلس على احدى المقاعد يتذكر كل ما حدث يتذكر ليله زفافهم حينما دفعها بعيدا عن الباب كادت ان تقع اثر دفعته فصرخت به قائله:لما انت عامل عليا راجل دلوجت مكنتش راجل ورفضت الچواژه ديه ليه والا مهتجدرش غير عليا انى


صفعه قويه وقعت على وجنتها فصرخت به قائله:دلوجت اتاكدت انك مش راچل يا ابن العاصى


نظر اليها بغضب وفتح الباب وخرج من الحجره صافقا الباب من خلفه


نظر الى الفراش وتذكر حينما خرجت والدته من الحجره وتركتهم  وقف ينظر إليها قليلا ولكنه استمع لصوتها الغاضب قائله:واچف عندك ليه اخرچ واچفل النور وراك واچف تتشمت فيا اخرچ


سليم:انى ..


قطعت حديثه بصراخ قائله:هچولك اطلع بره معايزاش اسمع منك والا كلمه


تذكر تلك القبله حينما ركض من خلفها وحملها بين يديه ووضعها على الفراش وهو يعتليها


حسناء بفزع:حاسب يدك عنى بعد عنى


نظر لعينيها ووضع يده على فمها قائلا: اسكتى دلوجت خايفه والصبح لسانك كد اكده وتتمهزئى عليا


حسناء لم تستطيع التحدث ولكنها جحظت عينيها وحركت راسها بمعنى لا


يبعد يده عن فمها ناظرا لعينيها الفيروزيه ويبتلع ريقه وينظر لشفتيها ويقترب مقبلا اياها بعنف


اغمضت عينيها وحاولت ان تبتعد عنه ولكنها لم تستطيع


ابتعد عن شفتيها ونظر لعينيها وجدها مغمضة العينين


ابتعد عنها وتمدد بجانبها ينظر اليها وجدها تفتح عينيها ببطئ وتبحث بعينيها عنه وجدته نائم بجانبها وينظر اليها فنهضت من جانبه وركضت الى الحمام


تذكر كلماتها بعدما حدث ليله امس حينما اخبرته بانها لاتريده كلماتها ما ذالت تتكرر على مسامعه نهض من مقعده وغلق الانوار واتجه إلى خارج الحجره مغلقا الباب خلفه على كل تلك الذكريات


تفاجأ بوجودها امامه تنظر اليه قائله:سليم


سليم:ايوه يا نبيله


نبيله بحب :لساك زعلان منى ؟


سليم وهو يربط على كتفها قائلا:لاه يا نبيله انتى خابره انى مهزعلش منك يا بت عمى


نبيله وهى تحتضنه بسعاده قائله: ربنا يخليك ليا يا سليم


سليم وهو يربط على ظهرها قائلا: مينفعش وچفتنا دى افرضى حد من اخواتى طلع


نبيله وهى تجذبه من يده وتتجه إلى حجرتهم قائله:تعالى اهنه محدش هيشوفنا


دخلت الى الحجره وأغلقت الباب ونظرت اليه قائله:وحشتنى چوى يا سليم كانى مشفتكش من زمان انى موحشتكش


سليم وهو ينظر اليها قائلا بارتباك :لاه كيف اتوحشتك طبعا


نبيله وهى تلف يدها حول رقبته وتقترب من وتقبله برقه


وبعد لحظات ابتعدت عنه فهو بالرغم من محاولاته لمبادلاتها قبلتها الا انها تشعر بان هناك شئ مختلف


نبيله وهى تنظر اليه قائله:مالك يا سليم فى حاچه مضيچاك


سليم وهو يضع يديه على وجنتيها قائلا:هضايج من ايه وانتى چارى يا ام محمود


ابتسمت له قائله: ربنا يخليك ليا يا ابو محمود ومنتحرمش منك ابدا


اخذت يده واتجهت به الى الفراش قائله:تعالى اجعد وياى شويه


سليم وهو يجلس بجوارها على طرف الفراش قائلا:انى اكده هتاخر


وضعت يدها على وجهه قائله:متروحش انهارده وخليك امعانا


سليم وهو ينظر اليها بخبث قائلا:واه دا ام محمود ناويه على نيه


عضت عل شفتيها قائله:واه اكده هتكسفنى


اقترب منها يحملها بين يديه ويضعها على الفراش قائلا:هو انى اجدر اكسف ام محمور بردك بلاها شغل


تجلس على فراشها شارده فتقترب منها شقيقتها قائله:لساتك مش رايده تتحددى معايا بجالك اسبوع اكده ساكته


حسناء:هجولك ايه يا فاتن


فاتن:حكى معايا يمكن ترتاحى


حسناء:انى ارتحت لما خرچت من البيت ده كنت مفكره انى اما هطلع من بيت خالك هرتاح اترينى مشيت للشجا برچلى


فاتن وهى تربط على كتفها قائله: معلشى احنا مكتوب علينا الشجا بس براجيك سليم هيسيبك تجعدى اهنه


حسناء:هو مكنش متچوزنى حبا فيا ودلوجت مراته حامل


فاتن وهى تضرب يدها على صدرها قائله:يالهوتى حامل


حسناء:ايوه ربنا يكملها بالخير


فاتن:هتدعى لضرتك تجوم بالسلامه


حسناء:ومدعيلهاش ليه بصى يا فاتن سليم كان متچوزى احتياطى وهو اصلا مغصوب ولما مراته بجت حامل جالى معدلكيش عازه


فاتن:ولما هو جالك ملكيش عازه جه لحد اهنه عشان يرچعك ليه ؟


حسناء:تلاجيه ملاجاش حد يبهدله فى الراحه والچايه


فاتن وهى تنظر لشقيقتها بحزن قائله :بكره ربنا يعوضك بالخير


حسناء:انى اكده مرتاحه


دخلت عليهم زوجه خالهم قائله:جومى يا بتى شوفى چوزك باعتلك ايه


نظرت اليها بتعجب قائله:چوز مين ؟


فاتن ضاحكه:چوزك انتى انى متچوزتش لسه


حسناء وهى تنهض:باعتلى ورچتى طلچنى ؟


فهيمه:لاه جومى اكده باعتلك سابت فيه شئ وشويات


حسناء وهى تجلس مرن اخرى:منيش عايزه منيه حاچه


فاتن وهى تحمله هى وابنه خالها قائله:دا تجيل جوى


هدى(ابنه خالها وتبلغ من العمر١٤عاما):دا السبت فيه فلوس كمان


حسناء :محدش ياچى چمب حاچه الحاچات دى هترچع لصحابها


امسكت بهاتفها وضغطت على بعد الازارر ووضعت الهاتف على اذنها تنتظر الرد


كان فى عمله وجد رقم غريب يتصل به فرد عليه قائلا:الو


اسمع لصوتها قائلا:انى حسناء


سليم ارتسمت على وجهه ابتسامه صغيره:ايوه يا حسناء


حسناء بصوت جاف:الحاچاتةاللى بعتها دى ابعت حد ياچى ياخدها احنا مهناخدش صدجه من حد


سليم:صدجه ايه اللى هتتحدتى عليها


حسناء:انت فاهم اللى هجوله الى جاب الحاچات دى ياچى ياخدها


سليم:الحاچات ديه عشان انتى جعده عند اهلك والا عايزه الناس تاكلو وشي


حسناء :انى معايزاش منك حاچه طلچنى وخد حاچتك


سليم بغضب:انى سايبك غلى على راحتك مش معنى اكده انك تسوجى فيها وتركبى دماغك


حسناء:انى چولتهالك وهفضل اچولها طلچنى


سليم:وانى جولتها كلمه ومهعدهاش تانى طلاچ منيش مطلچ وهترجعى البيت غصبا عنك وهتتأسفى كمان


حسناء بسخريه:تبچى غلطانه انى على چثتى ارجع البيت ده تانى


سليم:بكره هنشوف كلام مين اللى هيمشي انا هجفل منيش فاضى للمناجره دلوجت


اغلقت الخط وهى بقمه غضبها واتجهت إلى الدولاب لتخرج ملابسها وتبدا بارتدائها ملابسها


فهيمه:رايحه فين يا بتى ؟


حسناء:رايحه ارچع الحاچات دى محنش محتاچين حاچه من حد


فهيمه :يا بتى متعمليش مشاكل


حسناء وهى تلف طرحتها قائله:لاه انى معملتش مشاكل انى هرچع الحاچات دي


(واكملت حديثها قائلة):عينى عليا يا فاتن


حملتهم واتجهت به لخارج المنزل متجهه لمنزله فهى تعلم انه ليس موجود بالمنزل الان


وصلت الى البيت واستقبلتها كريمه بالترحاب


كريمه وهى تحتضنها قائله:يا مرحب يا بتى نورتى 


حسناء:البيت منور باصحابه يا حاچه


كريمه:چدعه يا بتى اللى عملتيه دا زين العچل الواحده ملهاش غير بيت چوزها متخرچيش من اهنه مره تانيه


حسناء:دا مش بيتى يا حاچه


حسناء وهى تنده للخادمه:زهره زهره


زهره:ايوه يا ست حسناء؟


حسناء:خدى الحاچات ديه وديها ع المطبخ


كريمه وهى تنظر اليه بتعجب قائله:حاچات ايه دى يا بتى ؟


حسناء:الحاچات دى بعتها سليم الفلوس ديه كمان انى همشى دلوچت


كريمه :عيب اكده يا بتى لازمن تجعدى وتسلمى على البنات (ونظرت لزهره قائله):ندمى ع البنات ياچو يسلمو على مرات اخوهم


حسناء وهى تنظر للباب قائله بتوتر:ااانى معايزاش اتاخر


كريمه :لاه يا بتى ميصحش تمشى اكده من غير متسلمى على البنات


حسناء وهى تتجه خلفها لحجرة الضيوف قائله: حاضر يا حاچه


كريمه وهى تنظر لها قائله:اجعدى يا بتى وانى هجولها يعملولك كوبايه عصير تروجى بيها دمك الچو حر جوى انهارده


حسناء وهى تجلس قائله بقلق:يا حاچه انى معايزاش حاچه انى عايزه امشي اكده هتاخر


كريمه:يا عيب الشوم عليكى عايزه تاچى لحد اهنه ومتشربيش حاچه تبلى بيها ريجك


حسناء:ماشى يا حاچه


خرجت من الحجره واتجهت إلى المطبخ لتخبرهم بصنع عصير واحضاره لحجره الضيوف واتجهت الى الهاتف وضغطت على احدى الازرار ووضعته على اذنها تنتظر الرد


اتاها صوته يهتف قائلا:الو


كريمه:ايوه يا ولدى مراتك اهنه وچايبه سابت وفلوس وهتچول انت اللى باعتهم


سليم:وهيه فين دلوجت؟


كريمه:هى فى جوضه الضيوف ومعايزاش تجعد


سليم:خليها جاعده وانى چاى دلوچت


كريمه:انى مفهماش حاچه يا ولدى


سليم:خليها عندك وانا هاچى افهمك


كريمه:ماشي يا ولدى


اغلقت معه الخط واتجهت الى حجره الضيوق لتجد بناتها يجلسون معها


كريمه وهى تنظر اليها قائله:يا مرحب يا بتى


حسناء وهى تنظر إلى الباب بقلق قائله:تسلمى يا حاچه


بدور :انتى هترجعى اهنه امتى يا حسناء مهلجيش حد يجعد امعاي ونرجصو سو


حسناء:ربك يسهل انى لازم امشي بجى


دخلت عليهم الحجره ونظرت اليها بتعجب قائله:ضرتى اهنه يا مرحب يا مرحب


نهضت لتصافحه قائله:ربى يخليكى يا حبيبتي


نبيله:انتى كنتى فين كل ده. ؟


حسناء:انى كنت فى بيت خالى وجيت فى موضوع اكده وراچعه


نبيله بارتياح:ليه اكده يا ضرتى فوتينا كنا اتعودنا عليكى


حسناء وهى تربط على كتفها قائله:نصيب بجى


قطع حديثها دخوله من باب الحجرة فنظرت له بصدمه


سليم وهو يتجه للمقعد المجاور لها ويجلس عليه قائلا:يا مرحب يا مرحب


نظرت له وعينيها ترتعش من الصدمه ولم تستطيع الحديث


سليم وهو يتشفى بها قائلا:خالك عارف انك رچعتى والا اتصل بيه عشان ميجلكش


اخذ صدرها يعلو ويهبط بقوه من شده الغضب وتحدثت :انى مرچعتش انى جيت فى حاچه وماشيه


سليم وهو ينظر اليها ويبتسم:الحديت ده مش على كيفك انتى جيتى فى حاچه رچعتى مفيش خروچ من اهنه


حسناء بغضب:يعنى ايه هتحبسنى ريحنى وريح روحك وطلجنى


سليم:چولتلك مليون مره تشيلى الطلاج من راسك


نبيله بضيق:هى مهش رايداك وانت مرايدهاش وكنت متچوزها عشان الخلفه وربنا كرمك طلجها وخلصنا بجى


سليم وهو ينظر اليها بغضب قائلا:انى مطلبتش رجيك فى حاچه انى هجدر اعرف انى رايد ايه ومرايدش ايه


نهضت من مقعدها قائله:جول اكده بجى انت رايدها ورايد تكمل معاها يا واد عمى دلوجت فهمت ليه كنت هتتحجج عشان تجربلها وعامل انك هتعجبها اتاريك عشجتها


سليم وهو ينظر اليها بغضب قائلا:جصرى لسانك يا نبيله واطلعى على جوضتك


نبيله وهى تنظر اليه بصدمه قائله: ماشي يا سليم هيه بجت اكده


وخرجت من الحجره بدون ان تتحدث بكلمه اخرى


تنفست بهدوء تحاول تهدئه نفسها وتحدثت قائله:يا حاچه كريمه بعد اذنك يعنى انى ماشيه نهض من مقعده وجذبها من معصمها بالقوه قائلا:چولتلك مفيش خروچ من اهنه


جذبها خلفه واتجه الى احدى الحجر وفتحها ودخل وما زال ممسك بيدها قائلا:مفيش خروچ من اهنه


حسناء وهى تنظر الى الحجره قائله:بس دى مش جوضتى


نظر اليها وانفجر ضاحكا بقوه قائلا:لاه عشان اهنه مفيش بلاكونه تنطى منيها 😜


تنفست بهدوء قائله بنبره هادئه:سليم


نظر اليها بصدمه قائلا:ايوه


حسنا بنبره هادئه:صدچنى اللى هتعمله ده مهينفعش سيبنى لحالى وارجع لحياتك ومراتك حامل وكل حاچه ترچع زى الاول


سليم وهو ينظر اليها قائلا:مفيش حاچه هترچع زى الاول لحياتى هترچع زى جبل سابج والا انى هبچى زى الاول


نظر اليه بعدم فهم قائله:وليه بجى طلجنى وكل حاچه هترجع زى الاول وربنا كرمك بحته العيل اللى بتتمناه


سليم وهو يقترب منها قائلا:ورزجنى بحاچه تانيه مهجدرش اعيش من غيرها


حسناء وهى تنظر اليه وهو يقترب منه وتبتلع ريقها بتوتر قائله:وايه هيه الحاچه دى 


جذبها اليه واحاط خصرها بيديه واقترب منها ليقبلها ولكنه وجد عينيها مغلقه وانفاسها مضطربه فابتعد عنها واتجه إلى باب الحجره قائلا:انى مش


 هجفل عليكى ولو عايزه تمشى امشي بس اعرفى ان دى جرارك وانهى مغصبكيش حتى لو عكس اللى رايده


فتحت عينيها ونظرت اليه بصدمه قائله:يعنى امشي وانت مهتمنعنيش


سليم وهو ينظر للجهه الاخرى قائلا:ولو عايزه تطلجى هطلجك كمان


نظرت اليه بصدمه قائله:هتتكلم جد؟


سليم:ايوه مش انى اللى اغصب على مره تعيش معاى

            الفصل التاسع من هنا 


لقراة باقي الفصول من هنا



تعليقات



حجم الخط
+
16
-
تباعد السطور
+
2
-