رواية_قلوب_حطمها_العشق
الفصل الخامس والعشرون
بقلم_ايمان_جمال
الكل انصدم لما شافوا اللي حصل، علي جد صافي واقف في النص والشباب حواليه بس اللي صدم الكل ان كل واحد فيهم لبس عبايا صعيدي فوق البدلة
عادل ضحك اوي: كدا بقى ولع الفرح
الدي چي اشتغل والكل بدأ يرقص وجد صافي شدها ترقص معاه وكل شاب بيرقص مع حبيبته طبعاً ماعدا زين، زين انسحب من الحفلة وخرج بارة في ريسيبشن الفندق وكاميليا واخدة بالها من كل دا وكانت هتخرج وراه بس هاجر سبقتها وخرجت وراه
هاجر: مالك يازين؟
زين: مافيش ياهاجر ادخلي انتي
هاجر قعدت جمبه: لا هقعد معاك
زين وقف: معلش ياهاجر انا عاوز اقعد لوحدي
هاجر سابته على راحته ودخلت وهو اخد عربيته ومشي وكاميليا خرجت تشوفه بس كان مشي خلاص، زين بعت رسالة ليذيد انه يوصل وائل وأمل وانه رجع البيت
يذيد بإستغراب: زين مشي ليه؟
ندى: حصل ايه؟
يذيد: مش عارف في ايه
هشام جه عليهم: في ايه؟
يذيد: زين مشي
هشام: ليه؟
يذيد: مش عارف، معلش ياهشام وصل ندى معاك
هشام ابتسم: معلش ايه يايذيد دي اختي قبل ماتكون مراتك
يذيد ابتسم وأخد وائل وأمل ومشيوا، طول الطريق وائل بيحاول يوصل لزين بس مافيش فايدة
وائل: ايه اللي مشاه؟
يذيد: مش عارف والله ياوائل
وائل: تفتكر اتكلموا؟
يذيد: لا ما افتكرش لأن كاميليا كانت واقفة مع صافي وزين مشي تقريباً في رقصتنا الأخيرة مع جد صافي
أمل بهدوء: أقولكم هو مشي ليه؟
وائل: قولي
أمل: اللي انا حسيته ان زين انسحب لما شاف كل واحد فيكم واقف وفي ايده حبيتبه وبيرقصوا سوا وهو حزين عاللي وصله
يذيد: انا بجد مش عارف أعمله ايه
وائل: احنا المفروض هنروح آسوان بعد بكرة صح؟
يذيد: ايوا
وائل: تمام يبقى مانرجعش من هناك غير لما نصالحهم على بعض يايذيد
يذيد: ياريت ياوائل بجد
زين لما وصل غير هدومه ولبس قميص بحمالات وشورت رياضي ودخل اوضة الرياضة بيطلع فيها حزنه وخنقته وفضل يتمرن كتير لحد ماتعب وقعد ينشف عرقه شوية يذيد وخالد كانوا وصلوا وعرفوا انه في اوضة الرياضة ودخلوله
خالد: مشيت ليه يازين؟
زين: مافيش
يذيد بهدوء: انت زعلت انها مش معاك
زين وقف بعصبية: مش عاوز كلام في الموضوع دا وياريت كل واحد فيكم يخليه في حياته
زين سابهم ومشي ويذيد وخالد زعلانين عليه اوي ومش عارفين يعملوا ايه
تاني يوم الصبح، البنات قرروا يخرجوا يشتروا شوية حاجات عشان السفر بكرة وطبعاً كلموا صافي واتفقوا انهم مش هيروحوا ليها وهي كدا كدا هتكون معاهم بكرة، كل بنت كلمت حبيبها وعرفوهم انهم خارجين حتى شروق وفرح وأمل كمان هيكونوا مع كاميليا وندى ونور وليلى وهالة، اما الشباب فطبعا كل واحد فيهم هيخلص اللي وراه وهيروحوا للبنات، يذيد قاعد جمب زين في الڤيلا ومش عارف يتكلم معاه
يذيد: تعالى اخرج معانا
زين: لا يايذيد اخرجوا انتوا
يذيد: عشان خاطري يازين
زين: معلش يايذيد مش هقدر اشوفها ادامي وهي مش معايا ومش هقدر ابقى واقف لوحدي ومحمود معاها
يذيد: هو انت مش قولت ان محمود عارف انك بتحبها وعاوز ترجعلها!
زين: ايوا بس دا مايمنعش انه بيحبها
يذيد: بس هي بتحبك
زين: يذيد لو سمحت اخرج ومالكش دعوة بيا
يذيد بعد محاولات كتير مع زين اللي انتهت بالفشل سابه ومشي وفي طريقه للمول
البنات واقفين بيختاروا اللبس وكل واحدة فيهم اشترت مايو اسلامي لأن الفندق اللي حاجزين فيه موجود فيه حمام سباحة
ندى: بقولكم ايه انا جعانة
نور ضحكت: وانا كمان
كاميليا: طب يلا نحاسب وننزل المطعم اللي تحت
هالة: طب نعرف الشباب عشان يعرفوا اننا تحت
أمل: نخلص بس وننزل ونعرفهم
البنات دفعوا فلوس الحاجات اللي اشتروها ونزلوا وكل واحدة فيهم عرفت خطيبها انهم تحت، وشوية والشباب وصلوا ليهم وقعدوا معاهم
هشام: خلصتوا كل حاجة؟
نور: ايوا
يذيد مسك ايد ندى وقام: طب عن اذنكم بقى هاخد مراتي تختار معايا
يذيد اخد ندى وطلعوا فوق لمحل لبس الشباب وصيفي كمان ويذيد عاوز يشتري شورت چينز وعليه تيشرت صيفي وندى مش موافقة
يذيد: ممكن افهم انتي مش موافقة ليه؟
ندى: كدا عشان مش هتلبس شورت
يذيد ضحك بصوته كله لدرجة ان البنات اللي شغالة في المحل اخدت بالها منه ومن ضحكته: ندوش انا راجل مش بنت
ندى بغيرة: مش هتلبس شورت يايذيد
يذيد قرب منها ومسك ايديها وباسها: ليه ياقلب يذيد
ندى بحب: عشان بغيير عليك
يذيد: ياحبيبة قلبي دي رحلة وهنكون كلنا سوا امال هتعملي فيا ايه في شهر العسل دا انا بس لسة بقولك هشتري شورت امال لو قولتلك ان مش هلبس التيشرت في الماية هتعملي ايه
ندى بصتله من فوق لتحت: دا كان زمان يابابا الوقتي فيه حاجة تانية
يذيد ضحك: طب عشان خاطري عديها لأن بجد في الصيف برتاح في الاستايل دا
ندى: طيب
يذيد اشترى كذا لبس بس بنفس الاستايل مع اختلاف الألوان واخد ندى ورجعوا للشباب تاني وكل واحد فيهم اشترى اللي هو عاوزه وكاميليا كانت مضايقة ان زين مكانش موجود ومحمود ملاحظ كل دا
محمود بص ليذيد: امال زين فين؟
يذيد بص لكاميليا اللي مستنية رده: حب يقعد في البيت
هشام: ليه هو مش هيشتري حاجة؟
وائل اللي اتكلم وهو باصص على كاميليا: لا مالوش مزاج، وكمان قالنا اننا كابلز مع بعض وهو لوحده
كاميليا زعلت اوي ان زين معتش بيحب يكون موجود لانه لوحده، شوية وكلهم رجعوا وبدأوا يجهزوا الشنط وطبعاً كل دا وزين قاعد لوحده حتى رافض الكلام مع يذيد وخالد وشوية والاستاذ كمال بيرن عليه وهو رد
كمال: ايه يازين بكلمك من الصبح مش بترد ليه؟
زين: معلش ياعمو انا بس كنت بعيد عن التليفون
كمال: طب بكرة هنسافر بالعربيات ولا الاتوبيسات مع الجامعة؟
زين: البنات حابين يكونوا في الاتوبيسات عشان جو الرحلة وكدا بس انا هروح بعربيتي
كمال: ليه؟
زين: ماليش مكان بينهم
كمال زعل عشانه: بلاش الكلام يازين
زين: لا هي دي الحقيقة والله انا فعلاً ماليش مكان بينهم يبقى اروح بعربيتي أحسن
كمال: طب حياة والولاد عاوزين يروحوا في الاتوبيس تعالى ونكون كلنا سوا
زين: عشان خاطري سيبني على راحتي، وانا هكون معاكم وهتحرك معاكم بس بعربيتي
كمال: ماشي يازين
كمال خلص مع زين المكالمة وزعلان عشانه
حياة: مالك؟
كمال: زعلان اوي على زين
حياة: طب ايه رأيك نساعدهم يرجعوا لبعض واحنا في الرحلة
كمال: موافق بس ازاي
حياة بتفكير: لما نروح هناك هقولك ازاي
في المساء، الكل متجمع في بيت كاميليا البنات قرروا يقعدوا معاها لحد الصبح ويخرجوا من عندها عالاتوبيس على طول وسهروا سوا وصحيوا من بدري وبدأوا يلبسوا عشان بستعدوا ليومهم
كاميليا: كل واحدة فيكم تتأكد ان شنطتها جاهزة
ندى: انا جهزت كل حاجتي خلاص
شروق: وانا كمان
نور وفرح لسة بيجهزوا…..كاميليا: لو كنتوا سمعتوا كلامي من امبارح كنت خلطتوا
هالة ضحكت: دول كسلانين اوي سيبك منهم
ليلى جاتلهم: صباحوا يابنات
البنات: صباحو
كاميليا: ها جاهزين؟
نور: ايوا يلا
البنات نزلوا والشباب تحت بعربياتهم هيوصلوهم لحد الاوتبيسات والعربيات هترجع مع الحراس، ندى مع يذيد وليلى مع هشام وكاميليا مع محمود وفرح مع ادهم وشروق مع احمد وهالة مع خالد وزين لوحده💔 شوية ووصلوا عند الاتوبيسات وكل واحد فيهم بيطلع حاجته في الاتوبيس
استاذ كمال وقف جمب زين: باردوا مصمم انك تسافر بالعربية؟
زين بحزن: لا لأني مش قادر اسوق
كمال: كل حاجة هتكون تمام يازين
زين بص على كاميليا اللي واقفة بتضحك مع محمود: معتقدش
كمال: تفائل يازين واللي بيحب بيسامح وانا متأكد انكم هترجعوا من الرحلة مع بعض
هاجر وصلت وطلعت حاجتها في الاتوبيس والكل بدأ يقعد مكانه
المشرف: كل واحد يتأكد انه مش ناسي اي حاجة
الكل: متأكدين
المشرف: تمام اتمنى ليكم رحلة سعيدة
المشرف طلب من سواقين الاتوبيسات يتحركوا والكل متحمس للرحلة، كل واحد قاعد جمب حبيبته رغم ان هاجر جمب زين بس مش بيتكلم معاها ولابس الايربودز(السماعات) وبيسمع أغاني وسرحان مع نفسه ، الساعات بتعدي والأغاني شغالة في الاتوبيس وطلبوا من يذيد يعزف عالجيتار اللي طبعاً جايبه معاه والكل مستمتع بالعزف
حياة جمب كمال وماسكين ايدين بعض
كمال: عارفة انا فرحان اوووي بجد
حياة: اشمعنا بقى
كمال: عشان انتي معايا والولاد كمان
حياة بحب: عمري مانسيتك ولا حتى فكرت ان احب حد غيرك
كمال باس دماغها: ربنا يخليكي ليا يارب
زين نايم والاتوبيس وقف عشان الاستراحة ونزلوا وكاميليا فضلت آخر واحدة وراحت تصحيه
كاميليا بتهزه براحة: زين
زين بنوم: في ايه؟
كاميليا: احنا وقفنا في الاستراحة يلا قوم
زين فتح عينه وبيبصلها وبيبص حواليه ومستغرب ازاي كاميليا هي اللي بتصحيه: كاميليا؟!
كاميليا: في ايه؟
زين: هو انتي بجد اللي بتصحيني؟
كاميليا: ايوا
زين مسك ايديها وقعدها جمبه: يعني افهم من كدا انك مسامحاني؟
كاميليا ابتسمت: أيوا يازين عشان انا بحبك
زين ابتسم وباس ايديها وبيقرب عشان يخطف بوسة بس هي قامت
(زين أصلا كان بيحلم😂)
يذيد بيصحي زين: انت يا ابني
زين قام وبيبص حواليه: هي فين؟
يذيد بإستغراب: هي مين؟
زين شايف يذيد ادامه و تقريباً كله نزل في الاستراحة
يذيد: مالك يازين انت كنت بتحلم؟
زين بحزن: اه
يذيد: طب يلا ننزل
زين نزل مع يذيد وبيدور بعينه على كاميليا وشافها واقفة مع البنات
نور لكاميليا: كوكي
كاميليا: نعم
نور: كفاية كدا
كاميليا بصت على زين اللي اصلا بيبص عليها وهي دورت وشها بسرعة: مش قادرة يانور
نور بهدوء: بلاش تكابري انتي كدا بتتعبي نفسك وقلبك وكفاية تعب ووجع، زين بيحبك ودا اللي كلنا عارفينه ومتأكدين منه
كاميليا: مش قادرة انسى وهو واقف ادامها ضعيف
نور: بس هو بيحبك انتي وعاوزك انتي مش هي وصدقيني لو زين فعلاً بيحبها كان هيحارب عشانها بس هو عارف ومتأكد انها ماتنفعوش حتى لو لسة في قلبه مشاعر ليها، كاميليا الحب الاول مش بيتنسي بس بيكون ماضي وانتهى
كاميليا: بقولك ايه بلاش كلام الوقتي
هاجر جات عليهم ووقفت جمبهم: اذيك ياكاميليا
كاميليا ابتسمت: الحمدلله عاملة ايه ياهاجر؟
هاجر: الحمدلله كنت عاوزة اتكلم معاكي شوية ممكن؟
كاميليار: اكيد
هاجر اخدت كاميليا وبعدوا شوية عن اللي واقفين
هاجر: مش كفاية كدا؟
كاميليا: كفاية ايه؟
هاجر: كفاية بعدك عن زين
كاميليا سكتت ومعرفتش ترد عليها
هاجر: زين بيحبك ياكاميليا صدقيني محبش غيرك ولا حتى حب كارما والدليل على كدا السلسلة اللي لابسها في رقبته ياكاميليا
كاميليا: محدش فيكم حاسس بيا ولا حاسس باللي جوايا انا مخنوقة، انا موجوعة، انا بجد مش قادرة انسى يوم ماشفته واقف معاها وكمان يقولها بحبك طب وانا ايه
زين جه من وراهم وسمع كلام كاميليا: انتي الحاجة الوحيدة اللي حلوة في حياتي، انا حبيتك بجد وحسيت معاكي ان عمري ماحبيت غيرك ولا حسيت بالحب غير معاكي انتي وبس حتى لو انا ضعفت بس انا بجد بحبك وانا مش مضطر ان اقولك كدا او إن أكدب في مشاعري عشان انا واحد عارف يعني ايه احساس الخداع والكدب والخيانة
زين سابهم ومشي وكاميليا دموعها نزلت وهاجر واقفة تهديها
هاجر: فكري ياكاميليا وبلاش تخسري زين صدقيني يابختها اللي تفود بقلبه
كاميليا مسحت دموعها وبصتلها: انتي بتحبيه صح؟
هاجر بحزن: يمكن انا فعلاً حبيته بس ممكن عشان طول الوقت قريب مني وبيتعامل معايا كويس بس صدقيني يابخت اللي يفوز بقلب زين وحبه وحنيته
هاجر سابتها ومشيت وكاميليا دخلت الحمام وبدأت تفكر في كل كلمة اتقالت من زين وهاجر
ركبوا الاتوبيسات تاني واتحركوا للفندق، بعد ساعات وصلوا الفندق وكانوا في آخر اليوم خلاص
المشرف ظبط الاوض وكل واحد عرف مكانه واخده المفاتيح وطلعه الاوض، طبعا البنات اخدوا جناح لوحدهم والجناح عبارة عن اوضتين كبار ووزعوا بعضهم في الأوضتين، والشباب كانوا لأول مرة يقعدوا مع زين و تقريباً هو محتاج ليهم ومش عاوز يكون لوحده
*عند البنات*
كل واحدة فيهم رتبت هدومها في الدولاب
أمل: بقولكم ايه انتوا هتناموا؟
كاميليا: بالنسبة ليا انا لا هنزل اقعد تحت شوية لأن لسة بدري عالنوم
نور: وانا كمان هنزل معاكي
امل: خلاص وانا معاكم
ندى وهالة وهاجر وليلى وفرح وشروق هيناموا والباقي هينزل
*في جناح كمال وحياة*
كمال: هتناموا ولا؟
كمال(الصغير): لا هننزل
حياة: ياحبيبي ناموا والصبح براحتكم
كمال(الصغير): لا انا عاوز انزل تحت وكمان هاكل
مريم: وانا هنزل معاك
كمال:خلوا بالكم من نفسكم وماتبعدش عن اختك ياكمال
كمال(الصغير): حاضر يابابا
كمال اخد اخته ونزلوا
*في جناح الشباب*
يذيد: انا عاوز انزل
خالد: كلم ندى وانزله
يذيد ضحك: ندى مين دي نامت هي واختك ومراتك يا اخويا وبقية البنات نزلوا
وائل: يعني امل تحت؟
يذيد: ايوا من شوية كمان
محمود: وكاميليا كمان؟
يذيد: ايوا كاميليا ونور وأمل نزلوا سوا تحت وكمان كمال ومريم
زين قاعد في البلكونة بس سامع كلامهم كويس
هشام بصوت عالي: طب بما انهم تحت ماتيجوا ننزل
يذيد: تنزل تعمل ايه ماهي مراتك نايمة هي والهانم بتاعتي مافيش غير امل وكاميليا ونور بس
هاني: طب انا نازل بقى
يذيد ضحك: يابختك
هاني ضحك: الله اكبر ياشيخ
هاني سابهم ونزل ومحمود طلع البلكونة ووقف جمب زين: مش هتنزل؟
زين: لا
محمود: ليه؟
زين: عادي
محمود: هاني هينزل ياخد نور ويتمشوا ووائل طلب من هشام ينزله عشان يروح لأمل
زين: ايوا وبعدين؟
محمود بعصبية: كاميليا هتكون لوحدها
زين: وحتى لو نزلت باردوا هتفضل لوحدها
محمود: تصدق يازين الكلام حرام فيك انا نازل
محمود ساعد وائل انه ينزل عالكرسي المتحرك ونزلوا للبنات
*تاني يوم الصبح*
طبعاً عادل وصافي عرسان جداد، ونايمين لسة في الجناح بتاعهم بس زين وخالد ويذيد قرروا يرخموا عليهم وقعدوا يخبطوا عالباب بس بيطبلوا😂
عادل صحي وعارف انهم بسبب الخبط دا وخرجلهم متعصب: عاوزين ايه عالصبح
زين: اصلك وحشتنا يادولا
عادل ضحك: وحياة ابوك ماترخمش كفاية يوم كتب الكتاب واللي عملتوه فيا
يذيد: كل دا عشان خلناك تطبخ
عادل: ودي حاجة سهلة يا اخويا
خالد: يلا يابابا اصحى كدا وفوق عشان ننزل
عادل بغضب: هو البعيد معندوش دم لاحظ ان النهاردة تالت يوم جوازي يامفتريين
زين: ان شالله يكون اول يوم اخلص وانزل ورانا
الشباب سابوه وهو دخل متعصب وكانت صافي صحيت وقاعدة تضحك
عادل: بتضحكي ياختي
صافي ضحكت اوي: يلا ننزل عشان دول مجانين
الشباب بعد مامشيوا من عند عادل راحوا لجناح كمال😂 وهو كأنه مستنيهم اصلا وخرجلهم
كمال: نعم؟!
زين: يلا ياعمو اصحى
كمال ضحك: انا صاحي ومستنيكم اصلا
يذيد ضحك: يعني حضرتك عارف ان احنا هنيجي؟
كمال بص لزين وضحك: طبعاً
خالد: طب يلا ورانا
الشباب نزلوا وكمال دخل عشان يصحي حياة والولاد
البنات متجمعين تحت عالفطار ولابسين مايوهات اسلامية والشباب قاعدين وزين وخالد ويذيد قعدوا معاهم
هشام: ناويين على ايه؟
كاميليا: هننزل حمام السباحة
ندى: ايون
يذيد: ايون ايه؟
ندى بصتله: لا بص عشان نكون حلوين مع بعض هننزل يعني هننزل
يذيد ضحك: بس بشرط هنزل معاكي
ندى: ماشي بس التيشرت هيتلبس
يذيد: انسي ياندى
ندى بعصبية: عاااااااا
هشام بخضة: ايه يابنت المجنونة
يذيد ضحك اوي: سكتها
ندى بغضب: بلاش انت يا اتش
المشرف جالهم: حد فيكم محتاج حاجة؟
يذيد: متشكر اوي لحضرتك
المشرف: اي حاجة تحتاجوها بلغني بيها يادكتور يذيد
يذيد: ماتقلقش يا اشرف انا معاهم
اشرف: طبعاً ماحضرتك مشرف
يذيد ضحك: مابلاش حكاية المشرف دي والنبي
اشرف ضحك: ماشي يادكتور
اشرف مشي وراح لبقية المجموعة ويطمن عليهم شوية وعادل وصافي نزلوا
هشام: انتوا ايه اللي منزلكم؟
عادل بغضب: البركة في الرخمين اللي قاعدين جمبك
يذيد: الله مش لازم تنزلوا معانا
عادل بغضب: والله يايذيد لهردهالك
يذيد ضحك اوي: لا انسوا لان مش ناوي اعرف حد مكان شهر العسل
زين بصلوا اوي: متأكد؟
يذيد ضحك: معاك انت لا
ندى ضحكت اوي: ربنا يستر علينا
ليلى: ماتقلقيش ياندوش هيحصل كل خير
وشوية وكمال وحياة والولاد نزلوا
هشام ضحك: اوعوا تكونوا صحتوهم هما كمان
خالد ضحك: حصل
محمود: اه يامجانين
كمال وحياة والولاد قعدوا والكل قاعد يضحك
زين غصب عنه ضحك: في ايه ياجماعة
كمال بص لعادل: ايه ياعريس ايه مصحيك الوقتي
عادل ضحك: اللي صحاني هو اللي صحى حضرتك
كمال بص لزين ويذيد وخالد: طب انا وقولت ماشي لكن عادل دا النهاردة تالت يوم
صافي ضحكت: لا هما عملوا الصح عشان انا كنت عاوزة انزل أصلا
عادل: لا ياشيخة
كمال: يلا نروح الحمام السباحة
الكل راح عند حمام السباحة ويذيد باروا قلع التيشرت بس اللي اكتشفوا بقى ان ندى مكسوفة أصلا تلمس جسمه وهما في الماية
يذيد بيضحك: يعني الموضوع مش موضوع غيرة بقى
ندى بصتله بغضب: بلاش رخامة
يذيد بحب: حد يتكسف من جوزه حبيبه
ندى بكسوف: اه انا ها
يذيد بيرفعها على رجله عشان مستوى الماية: اثبتي بقى وانتي اوزعة كدا
ندى ضحكت بصوتها كله: اوزعة بس بحبك
يذيد: وانا بحبك اوي ياندوش
كاميليا لسة قاعدة ومانزلتش الماية وزين قاعد جمبها بشوية وهاجر بتحاول تخليه ينزل
هاجر: يلا يازين
زين: مش هنزل ياهاجر
هاجر سابته وقامت: ماشي يازين براحتك
هاجر نزلت حمام السباحة وزين قاعد وزهقان وقرر انه ينزل أخيراً وقلع التيشرت بتاعه ونزل وكاميليا مضايقة اوي انه قلع التيشرت والغيرة ظهرت، محمود في الماية وقرب منها وهي ادامه: مضايقة ليه؟
كاميليا: مش مضايقة
محمود: ياكدابة دا انتي عينك ماتشلتش من عليه
كاميليا بغضب: والله هقوم واسيبكم
محمود ضحك: يابنتي انتي لابسة لبس السباحن فيلا انزلي
كاميليا بتبص على زين اللي بيعوم لوحده وبتبص على ندى ويذيد وحبهم لبعض وانها كانت ممكن تكون بين ايدين زين دلوقتي بس لولا اللي حصل
كاميليا بحزن: لا يامحمود مش هنزل
محمود مصمم ينزلها وطلع من الماية وراح قومها من مكانها بحجة انها تصوره بس زقها في الماية والكل اتفاجئ بكدا وهي عشان مكانتش لسة ادربت كويس عالسباحة فتقريبا كانت بتغرق وزين اللي انقذها وشالها طلعها بارة الماية
زين بعصبية: ايه اللي انت عملتوا دا يامحمود
محمود بأسف: والله ماكنت اقصد انا كنت عاوزها تنزل وخلاص
هشام بهدوء: خلاص يامحمود حصل خير
كاميليا بتكح جامد وعيطت
محمود: انا اسف ياكاميليا والله
كاميليا بتعب: ولا يهمك يامحمود
كاميليا اخدت بالها ان زين لسة واخدها في حضنه وبصت لهشام وهو فهم واخدها سندها عشان يطلعها لأوضتها والبنات طلعوا وراها وهشام نزل تاني
زين بغضب: وربنا ياهشام ان لمستها تاني لهخنقك
هشام بعند: لاحظ انها اختي يازين والمفروض ان انا اقولك الكلام دا
زين بعصبية: يعني كنت اسيبها تغرق
هشام: لا بس انت طلعتها يبقى خلاص تبعد عنها
خالد: انتوا بتتكلموا في ايه ماتبطلوا بقى ونطلع ناخد دش عشان نشوف هنروح فين مع المشرف
يذيد: المفروض اننا النهاردة مع نفسنا وبرنامج الرحلة هيبدأ من بكرة
عادل: حلو اوي اياك اشوف واحد فيكم عند اوضتي فوق ياكلاب
عادل سابهم وطلع وهما قاعدين يضحكوا عليه وطلع اخد صافي من البنات وراح الجناح بتاعهم، اما الشباب فطلعوا ياخدوا كل واحد دش وبيتخانقوا عالحمام لأن زين جوا
يذيد واقف عالباب: يلا يازين بقالك نص ساعة جوا
زين لابس اصلا هدومه وواقف ورا الباب: لسة ماخلصشتش
خالد بعصبية: يلا يارخم انا على أخري
زين ماسك نفسه من الضحك: اعملها على روحك
وائل قاعد عالكرسي متعصب منه: زييييين
زين خرج وبصلهم وضحك وخالد دخل بسرعة
يذيد: ماتتأخرش ياخالد والنبي
شوية وتامر جالهم واتفاجئوا بيه لانه مكانش راضي يجي معاهم
زين: حبيب قلبي
تامر سلم عليهم وقعد: انا لاقيت نفسي زهقان قولت اجي ارخم عليكم
وائل ضحك: انت اللي هترخم علينا باردوا
تامر ضحك: انا اصلا غلطان ان ماجيتش معاكم من امبارح
خالد طلع ويذيد دخل جري وتامر بيضحك عليه
تامر: هو للدرجادي مش قادرين تستحملوا
خالد بغضب: زين باشا كان جوا ولابس وقاعد يرخم علينا
تامر ضحك: يالهوي عليك يازين انت لسة فيك الحتة دي
زين: طبعاً
خالد خرج البلكونة وشاف كاميليا بتتمشى تحت ورجع دخل: اعتقد يازين ان دا افضل وقت تتكلم معاها
زين: مع مين!
خالد: كاميليا بتتمشى تحت لوحدها انزلها
زين: لا
تامر: قوم يازين وبلاش عناد
زين: لا ياتامر
تامر: ليه؟
زين حكاله عن اللي قاله ليها في الاستراحة: هي المفروض اللي تتصرف بعد كدا مش انا
وائل: بس هي تستاهل انك تحاول عشانها تاني
زين: عارف بس انا حقيقي خايف
خالد خرج البلكونة تاني وتقريبا في حد بيضايقها وزين اول ماعرف نزل جري
كاميليا بتتمشى وجه حد اجنبي قرب عليها
كارلو:?What's your name (ما إسمك؟)
كاميليا:?Why (لماذا؟)
كارلو:I want to know your name, please
(انا اريد انا اعرف اسمك من فضلك)
كاميليا: I don't want it
(انا لا اريد ذلك)
زين جه من وراهم واتكلم بغضب: عاوز ايه؟
كارلو:?What (ماذا؟)
زين بص لكاميليا: اه دا اجبني تمام
زين بص لكارلو:?What do you want
(ماذا تريد؟)
كارلو: Something doesn't mean you
(شئ لا يعنيك)
زين بص لكاميليا: اطلعي فوق
كاميليا طلعت فوق وزين واقف مع كارلو
زين مسكوا من هدومه واتكلم بغضب:
Don't speak with my wife again
(لا تتكلم مع زوجتي مرة ثانية)
زين سابه وطلع ومش عاوز يعمل مشاكل في الفندق وطلع للشباب وخالد ضحك عليه
زين: بس يالا انت
خالد: الله عليك يافضل يابتاع الفرنساوي
(بصوت ماجد الجدواني في فيلم صعيدي رايح جاي)
وائل ضحك: مين بيتحفل عليه ناو
تامر: طبعاً زين
زين بغضب مسك المخدات وحدفها فيهم: وربنا لهوريكم ياكلاب…...وبص لوائل: وانت والله اول ماتقوم بالسلامة لهلاعبك ماتش بوكس
وائل ضحك: هكون عريس جديد ومش فاضيلك
زين: وربنا ان شالله ايه باردوا هلاعبك
كاميليا لما طلعت اوضتها كانت فرحانة بغييرة زين اللي بتظهر في تصرفاته وفرح شافتها قاعدة في البلكونة فقعدت جمبها
فرح: سرحانة في ايه؟
كاميليا: في زين
فرح: كفاية ياكوكي واتصالحوا بقى
كاميليا: عارفة انا فرحانة اوي بحبه ليا وغيرته عليا اللي بتبان واي حد قريب مني
فرح: يابنتي والله ببحبك وانجزي عاوزين نفرح
كاميليا: يعني انا اللي مش عاوزة افرح يافرح بس انا م قادرة انسى انه كان ضعيف وانها اول ما اتكلمت معاه قالها لسة بحبك
فرح: احنا بشر ياكاميليا مش ملاك وبنغلط
كاميليا: بقولك ايه انا زهقانة تعالي ننزل وقولي للهوانم اللي قاعدين دول عشان احنا جايين نتفسح مش ننام
البنات اخدوا بعض ونزلوا يقعدوا عند حمام السباحة تاني بس المرادي قاعدين وبس مش هينزلوا الماية
في اوضة في الاوتيل دخل شاب وشايل شنطة سفره وخرج البلكونة ومسك تليفونه وعمل مكالمة: أيوا ياهانم انا لسة واصل وهي ادامي اهي لما تكون لوحدها هنفذ