رواية_قلوب_حطمها_العشق
الفصل التاسع والعشرون الاخير
بقلم_ايمان_جمال
_________________________
اليومين عدوا وكاميليا وأمل لسة عند اتفاقهم ومحدش فيهم شاف لا زين ولا وائل والشباب
هتولع بسبب اتفاقهم دا وبقية
الشباب فرحانين فيهم، البنات نزلت من بدري وراحوا الفندق اللي هيكون فيه الحفلة
وزين لسة نايم وهشام راح يصحيه
هشام بيهزه: اصحى يازين
زين بنوم: في ايه؟
هشام بيفتح الستاير: يا ابني النهاردة فرحك يالا قوم
زين بيفتح عنيه وبيبص في الساعة: الساعة لسة ١٠ سبني نايم شوية
يذيد دخلهم: تنام شوية مين دا البنات من بدري في الفندق
زين بضيق: أكيد راحوا بدري عشان محدش فينل يشوف التاني
هشام ضحك: فرحان فيك اوي
زين مسك المخدة وخبطها في هشام: طب اطلع بارة بقى يخربيت ابو رخامتك
هشام ضحك اوي: هو انت لسة رخامة دا لسة التقيل جاي
زين بتحدي: قولتلك اراهنك انك مش هتعرف تعمل حاجة ويلا انزلوا على ما أغير هدومي
هشام ويذيد نزلوا وزين مسك تليفونه ورن على ليلى
زين: اللي اتفقنا عليه يحصل بعد ما الفرح يخلص يالولا
ليلى ضحكت: حاضر يازين
زين قام اخد دش وغير هدومه وصلى ركعتين وتزل لبقية الشباب تحت وكان محمود وعادل وخالد تحت
زين: ايه ياعريس سايب مراتك وجاي ليه
خالد ضحك: مراتي مع البنات من بدري ياحبيبي
زين قعد: وربنا انا ماعارف هما ناويين عل إيه تاني
يذيد ضحك: خلاص تقريباً كدا معتش فيه أي اتفاقات تاني
محمود: اوعى ندى تعمل معاك كدا
يذيد: لا ندوش دي حبيبتي هي اه ممكن تعملها بس ما اهونش عليها أبداً
هشام ضحك: كلها شهر ونشوف
زين: حد فيكم كلم وائل؟
خالد: اه وهو جاي ومعاه تامر دلوقتي
شوية ووائل وتامر وصلوا وقعدوا معاهم
تامر: ناويين على إيه؟
زين: هنمشي من هنا على بعد الضهر كدا ونوصل الفندق ونبدأ نجهز
وائل: تمام
زين قام: انا هروح الڤيلا واجي
زين سابهم وراح ڤيلته وطلع اوضة النوم وواقف يفكر يعمل إيه وفتح الدولاب اللي فيه هدومه (المفروض العريس ملوش دولاب دا يدوبك رف😂)
وخرج منه شنطة سودا وحطها عالسرير وفتحها وخرج منها ورد أحمر وشموع كتير بألوان مختلفة ، زين نزل الشنطة على الأرض وبدأ يعمل بالورد قلب كبير على السرير ووزع الشمع حوالين السرير وعند باب الاوضة وقفل الستاير وضلم الاوضة وقفل الباب ونزل، وبعد ساعتين اخد الشباب وراحوا الفندق
البنات في الاوضة الخاصة بيهم
نور بتبص لكاميليا: إيه الجمال دا ماشاء الله
كاميليا: بجد حلوة؟
ندى: طبعاً ذي القمر
البنت بتاعة الميك أب: ماشاء الله عليكي انتي بجد جميلة اوي والحجاب تحفة انا اول مرة احس ان طلع عرايس قمرات ذي حضرتك وذي آنسة أمل
أمل: انتي الأجمل بجد تسلم إيدك
صافي كانت بتلبس الفستان في اوضة جمبهم وجاتلهم: ايه رأيكم؟
ندى: والله ياصوفي حلو عليكي
صافي: بزمتك حلو ايه ببطني اللي عاملة ذي البطيخة دي
كاميليا ضحكت: يابنتي والله مافي حد شايف كدا غيرك
صافي: ماااااشي هسمع كلامكم وهصدق انه حلو
أمل ابتسمت: والله جميل
فرح وشروق وهاجر وليلى كانوا تحت وطلعوا وكل واحدة فيهم بدأت تجهز
الشباب بدأوا يخلصوا وصفي ومراد وعزيز وصلوا الفندق وطلعوا للشباب اما سهام وعفاف وناريمان طلعوا للبنات
صفي: ها ياشباب خلصتوا؟
هشام: ايوا ياعمو خلاص بنخلص
مراد وقف جمب زين: ها ياعريس لسة ماشفتهاش
زين ابتسم: لسة ياعمو
عزيز ضحك وبص لوائل: وانت كمان؟
وائل: للأسف اه
ادهم واحمد كانوا واقفين في بلكونة الاوضة بيتصوروا بعد مالبسوا البدل
عادل: بقولكم ايه انا رايح اشوف مراتي
زين بغضب: وربنا ماهتطلع من هنا غير معانا
صفي ضحك اوي: ماتسيبه يازين
زين: لا طلاما احنا لسة قاعدين يقعد معانا لحد مانطلع كلنا من هنا
مراد بيرخم على زين: يلا يازيزو نروح نشوف كوكي
زين ضحك: ماشي ياعمي
مراد اخد عزيز وصفي وخرجوا بس مادخلوش عند البنات نزلوا لكمال تحت لأنه وصل هو وحياة والولاد
في اوضة البنات خلاص كل بنت فيهم جهزت وباقت تمام وكل ام واقفة جمب بنتها
كاميليا: كلمي بابا ياماما يطلع ياخدني ويعرف بابا أمل
هالة: يابنتي ماتخليهم يطلعوا ياخدوكم ما انتوا كدا كدا لسة هتتصوروا وبعد كدا تدخلوا القاعة
أمل: لا هما هيستنوا تحت لحد ماننزلهم
ندى ضحكت: دا انتوا مش طبيعيين والله انا هنزل اقول لبابا
ندى خرجت ونزلت عرفت باباها وبابا امل وطلعوا عشان ياخدوا البنات اما ندى فراحت تبلغ الشباب انهم ينزلوا تحت
زين بعصبية: نعم ياختي بتقولي ايه؟
يذيد بيحاول مايضحكش: كلمها عدل
زين: ياشيخ اتنيل
ندى ضحكت: انتوا هتسبقوهم على تحت وهما هينزلوا وراكم
خالد ضحك: دا انا اروح ابوس مراتي واجي بقى بدل المرمطة اللي انتوا فيها دي
وائل بغضب: حد يسكت الواد دا بدل وربنا ما اقتله
هشام ومحمود وبقية الشباب واقفين بيضحكوا واخدوا خالد ونزلوا تحت
يذيد: يلا يازين انت ووائل انزلوا
زين بضيق: ماشي اما اشوف اخرتها
زين ووائل نزلوا مع يذيد والبنات جاهزة عشان تنزل وكل اب طلع اخد بنته والشباب مستنيين تحت
كل واحد فيهم مستني حبيبته تنزله بالفستان الأبيض وشوقهم بيذيد، البنات نازلة في ايدين كل أب فيهم والعرسان تحت واقفين والبسمة على وشوشهم وفعلاً البنات كان عندها حق لأن فرحتهم ببعض مختلفة
مراد سلم كاميليا لزين ووصاها عليها وزين مسك ايديها وباسها: ايه الجمال دا
كاميليا ابتسمت بخجل
ابو أمل سلمها لوائل، وائل مسك ايديها وباس دماغها: ايه القمر دا
امل بحب: بحبك
الشباب اتجمعت عشان يتصوروا وكل شاب بيرخم على زين ووائل واخدوا صور تغفيلات كتير مع بعض وهما بيضحكوا والبنات فرحانة خلاص خلصوا تصوير ودخلوا القاعة بس كل عروسة في ايدين ابوها والشباب واقفين في نص القاعة جوا والاغاني اشتغلت والاغنية اللي البنات بتحبها ( طلي بالأبيض يازهرة نيسان)
العرسان قعدوا والموسيقى اشتغلت والكل فرحان وبيبارك ليهم
👈🏿عند الشباب بقى
هشام: بقولكم ايه تعالوا معايا
يذيد: ناوي على إيه
هشام ضحك: ماتخافوش والله تعالوا
هشام جمع السباب وخرجوا من باب القاعة ودخلوا اوضة خاصة بلبس فرقة العرض
خالد: انت عاوزنا نعمل ايه يا إتش
هشام: اللبس دا لبس صعيدي وهنلبس عبايات وهنمسك عصيان
يذيد ضحك: يخربيت شيطانك
هشام: يلا
كل واحد لبس عبايا ومسك عصايا وكمان لبسوا عمة رغم ان شعرهم عاملينه استشوار وخرجوا وهما داخلين من الباب هشام شاور لبتاع الدي چي انه يقفل الموسيقى وكمان النور ينطفي وفعلاً دا اللي حصل
شاب الدي چي: فيه مفاجأة للعرسان
زين ووائل مستغربين: هو في ايه
النور اشتغل تاني والكل انصدم بالشباب وباللبس بتاعهم
هشام ماسك المايك: ماينفعش فرح زين ووائل يعدي من غير حبة جنان
زين ووائل واقفين بيضحكوا ووقفوا مع الشباب
يذيد اخد المايك وبص للدي چي: شغل الاغنية
الشاب بتاع الدي چي شغل اغنية (الصعايدة) والكل بدأ يرقص والبنات وقفت تصقف وكل شاب شد عروسته ورقص معاها والكل فرحان ليهم، جات فترة التورتة بقى
زين واقف وماسك ايدين كاميليا والولد واقف وماسك الشوكة وفيها قطعة صغيرة من الجاتوه وبيقربها من بوقهم ويرجع يبعدها زين ضحك ومسك الشوكة هو وقربها من بوق كاميليا وهي اكلتها وزين اخد الشوكة تاني بس المرادي قربها منهم هما الاتنين وزين خطف بوسة من كاميليا وهي اتكسفت وحضنها ادام الكل
اما وائل وأمل بقى فوائل مستناش أصلا امل تاخد حتة وقربها منه واخد بوسة وحضنها ولف بيها، كل واحد رقص مع عروسته حتى صافي ببطنها دي😂🤰🏻
الكل اتجمعوا عشان يرجعوا بقى وزين غمز لليلى وهي ضحكت ووقفت جمب هشام والكل ركب عربياته واتحركوا وائل وامل في طريقهم لڤيلتهم والباقيين في طريقهم لڤيلا كاميليا وزين
شوية ووصلوا وزين بص ليذيد اللي دخل جوا وبعد شوية نزل تاني، وزين اخد كاميليا ودخل وقفل الباب في وش الكل😂
هشام ضحك: وربنا باردوا هرخم عليه
ليلى بدلع: اتش
هشام: ها
ليلى: عاوزاك في حاجة مهمة
هشام: حاجة ايه بس الوقتي دا انا لازم ارخم على زين
ليلى بزعل: يعني تسيب الحاجة المهمة اللي عاوزاك فيها وتقولي ارخم على زين
هشام: خلاص ياستي تعالي نشوف ايه المهم
ليلى ابتسمت واخدت هشام ومشيوا
زين وكاميليا طالعين اوضتهم وقفها عند الباب
كاميليا بإستغراب: في ايه؟
زين: في مفاجأة
كاميليا: مفاجأة إيه
زين: غمضي عنيكي
كاميليا ابتسمت وغمضت عنيها وزين مسك ايديها وفتح الباب وطبعاً يذيد لما طلع ولع الشموع وخلى الجو رومانسي جداً
زين: فتحي
كاميليا فتحت عنيها وبتبص حواليها وفرحانة: ايه دا
زين: ايه رأي؟
كاميليا: جميل اوي انت عملت كل دا امتى
زين: النهاردة الصبح ويذيد طلع ولع الشموع
كاميليا ابتسمت: بجد مفاجأه حلوة اوي
زين مسك ايديها وباسها: بحبك ووحشتيني
كاميليا ابتسمت بخجل: وانت كمان
زين: أول حاجة هنعملها في أول ليلة لينا في بيتنا هنصلي سوا وأكون الإمام بتاعك
كاميليا ابتسمت: ماشي يلا
نيجي لوائل وأمل دخلوا ڤيلتهم ووائل باردوا كان عامل الاوضة بالورود والشمع
أمل بفرحة: ايه الجمال دا
وائل: الجمال دا عشانك انتي وبس
أمل ابتسمت بفرحة: بحبك اوي
وائل: وانا بحبك جداً، يلا نصلي
هشام وليلى قاعدين يتكلموا في جنينة الڤيلا عند ليلى
هشام: ياليلى انتي مقعداني قصادك بقالي نص ساعة ومش عارف في ايه
ليلى: يعني انا غلطانة ان عاوزة اقعد معاك عشان وحشتني
هشام بصلها بشك: يعني انتي عاوزاني اقعد معاكي مش عاوزاني في حاجة مهمة ذي ماقولتي
ليلى بتوتر: يعني هي دي مش حاجة مهمة
هشام بغضب: انتي عملتي كدا عشان ما ارخمش على زين صح
ليلى غصب عنها ضحكت: اعملك ايه ما انت مصمم ترخم عليهم
هشام كان هيمشي بس هي وقفته: رايح فين؟
هشام: هروح ارخم عليهم
ليلى ضحكت بصوت عالي: يا ابني بقى سيبهم براحتهم عشان يسيبونا براحتنا
هشام قربها منه أوي: ازاي
ليلى: ازاي ايه؟
هشام قرب منها اوي: يسيبونا براحتنا ازاي
ليلى اتكسفت وبصت للأرض: انت رخم اوي
هشام ضحك ورفع وشها وباسها بوسة طويلة وبعد عنها: يلا عشان تطلعي تنامي وانا هروح انام
ليلى بشك: يعني مش هتروح ليهم؟
هشام: لا خلاص والله يلا
ليلى طلعت تنام وهشام رجع ڤيلتهم ونام على طول هو أصلا مش قادر يرخم على زين واقتنع بكلام ليلى عشان زين لو رخم عليه مش بعيد ينيم ليلى في حضن اخوها😂
تاني يوم الصبح في ڤيلا زين ، هشام ويذيد تحت والساعة كانت ١٢ الضهر
هشام: هما كل دا ولسة نايمين
يذيد: ماتنساش انهم عرسان جداد انا مش عارف ايه اللي جابني معاك
هشام ضحك: ياعم اتنيل مش لما نشوف اخوك هيفتح ولا لأ
وهما واقفين يتكلموا خالد خرج في بلكونة ڤيلته وشايفهم واقفين وضحك: انت يا اخ انت وهو
يذيد بصله وضحك: نعم
خالد: بتعملوا ايه عندكم
هشام: عاوزين نصحيه
خالد ضحك اوي: ماتحاولش لأنهم لسة نايمين عشان ستاير الأوضة لسة مقفولة
يذيد ضحك اوي: دا انت متابع من عندك بقى
خالد: اه امال ايه ماهي الأوضة في وش الأوضة يا اخويا
هشام: طب شفولي حل
زين كان فعلاً نايم وسمع صوت الشباب بيتكلموا وضحك غصب عنه وقام من جمب كاميليا براحة عشان مش يصحيها وطلع البلكونة ونسي أصلا انه مش لابس التيشرت
زين بص عاللي واقفين تحت واللي واقف قصاده وبيحاول يفتح عينه عشان النور: عاوزين ايه عالصبح
هشام ضحك: ها ياعريس ايه الأخبار
خالد اللي رد: انت مش شايفه طالع من غير التيشرت ازاي
يذيد ضحك اوي: ايه يازين ساكت ليه
زين أصلا لسة نايم😂: بقولكم ايه عالصبح انا مش فايقلكم يلا امشوا
زين سابهم ودخل وكاميليا أصلا كانت صحيت بسبب صوتهم
زين ابتسم: صباح الورد
كاميليا بكسوف: صباح الخير
زين: ايه صحوكي؟
كاميليا ابتسمت: انا سامعة صوتهم من اول ماوصلوا بس قولت هيمشوا بس لاقيتك قومت
زين رجع قعد جمبها واخدها في حضنه: عيال معندهاش دم والله
كاميليا ضحكت: المفروض أصلا يخافوا يعملوا معاك حاجة عشان هما ليهم يوم
زين بيستحلف ليهم: والله لهيشوفوا واولهم الاستاذ اخويا
كاميليا ضحكت اوي: هتعمل ايه
زين سرحان في ضحكتها وخطف بوسة: هعمل كدا
كاميليا خبت وشها في حضنه وهو حضنها اوي وباردوا بيفكر هيعمل ايه فيهم
نيجي لوائل وأمل، وائل صاحي من ساعة وتحت في المطبخ بيجهز الفطار وطلع بالفطار فوق لأوضة النوم وفتح الستاير وبيصحي أمل
وائل: مولتي
أمل فتحت عنيها وابتسمت بخجل: صباح الخير
وائل: صباح الورد يا أحلى عروسة يلا قومي وحشتيني
أمل قامت عدت وبتبص شافت الفطار: انت عملت الفطار؟
وائل: أيوا
أمل: طب كنت استناني وانا اعمله انا
وائل ابتسم: انا عاوز اعمله لأحلى زوجة في الدنيا
أمل أبتسمت: بحبك اوي
وائل اخدها في حضنه: وانا بحبك أكتر
شوية وتامر رن عليه وعرفه انه هيروحله آخر اليوم وذي ما تامر كلم وائل باردوا كلم زين وقاله هيروحله
هاجر ومحمود في محل فضة بيشتروا هدية لكاميليا بمناسبة الجواز
هاجر: ياحبيبي
محمود واقف بيتفرج على كذا شكل وسرحان
هاجر: محمود
محمود: ها في ايه؟
هاجر: انا بكلمك على فكرة سرحان في ايه؟
محمود مسك ايديها: بصي كدا عالطقم الكامل دا
هاجر بإعجاب: واااو جميل اوي اكيد هيعجبها
محمود: مين؟
هاجر: كاميليا
محمود: لا انا مش بختاره لكاميليا انا بختاره ليكي انتي
هاجر بفرحة: ليا انا؟
محمود: ايوا ياقلبي
محمود طلب من صاحب المحل انه يجيبله الطقم واشتراه لهاجر وكانت فرحانة جداً بيه واشتروا هدية لكاميليا ومشيوا
يذيد راح لندى وهي كانت لسة نايمة واول ماعرفت انه تحت صحيت على طول ونزلت
يذيد باسها من دماغها: صباح الخير
ندى: صباخ الخير ياحبيبي
يذيد قعد وقعدها جمبه: يلا اجهزي ونروح لكاميليا وزين
ندى ابتسمت: ماشي بس انا لسة صاحية ممكن بقى نفطر سوا ونروح ليهم
يذيد: حاضر
ندى طلبت من الدادة تعمل الفطار وقعدت هي ويذيد ياكلوا سوا وهو قاعد بيأكلها بإيده
ندى ضحكت: حبيبي كل انت
يذيد بحب: انا باكل وباردوا هأكلك بإيدي
ندى: دا انت على كدا بقى ناقص تقولي هحضرلك الفطار لما نتجوز
يذيد: انا فعلاً هعمل كدا
ندى بفرحة: بجد؟
يذيد باس دماغها: طبعاً ويلا اطلعي غيري هدومك
ندى: ماشي
نرجع لكاميليا وزين، زين واقف في الحمام بياخد دش وكاميليا واقفة بارة مش راضية تطلعه
زين: ياكاميليا بقى
كاميليا: لا عشان انا قولتلك خد هدومك وانت داخل
زين ضحك: يابنتي وربنا انا جوزك مش حد غريب
كاميليا بصوت واطي: قليل الأدب اوي
زين: على فكرة سمعتك ماشي
كاميليا ضحكت ونزلت وسابت الأوضة وهو طلع ومش لاقيها غير هدومه ونزلها تحت وهي في المطبخ
زين واقف على باب المطبخ ومربع ايده: بتهربي وتسبيني
كاميليا ضحكت: عشان تبقى تحرم بقى
زين قرب منها وحضنها من ضهرها: انا مش مصدق انك بجد معايا
كاميليا دورت وشها له: بحبك اوي يازين
زين خطف بوسة: طب ماتسيبك من الفطار
كاميليا ابتسمت بخجل: بس انا جعانة
زين وقف جمبها وبدأ يعمل معاها الفطار: ماشي يلا نحضره سوا
كاميليا: ونطلع ناكل في الجنينة
زين ضحك: يبقى خالد مش هيسيبنا
كاميليا ضحكت: عارف انا فرحانة اوي بجد ان كلنا مع بعض وان كل جنيينة واحد فينا متفوحة عالتانية مافيش بس غير حيطان الڤيلا اللي بيفصلنا عن بعض
زين: انا حبيت ان كلنا نكون كدا وجمب بعض
زين وكاميليا خرجوا الأكل الجنينة وقاعدين يفطروا وطبعاً خالد لما طلع في البلكونة بتاعته شافهم
خالد: هو مش المفروض انتوا عرسان جداد بتفطروا في الجنينة ليه
زين ضحك: يا ابني بقى سيبني في حالي
هالة جات من ورا خالد: صباح الخير ياكوكي
كاميليا: صباح الخير يالولو
خالد: طب مش تعزموا حتى
زين: خالد ياحبيبي ادخل جوا بدل ما اجيلك
خالد: دا انا بحبك
كاميليا ضحكت: خلاص يازين سيبه واقف
خالد: شفت الناس العاقلة
زين بغضب: صبرني يارب يعني انت بترخم عليا من دلوقتي امال هشام ويذيد هيعملوا ايه
كاميليا اللي ردت: دول اساس الرخامة نفسها ياحبيبي
شوية والكل اتجمع عند زين في الڤيلا
هشام: زين انا عاوز جاتوه
زين ضحك: يا ابني هو انت ابن اختي وانا معرفش
يذيد: هشام أصلا شكله مش ناوي يجيبها لبر
زين: سيبه عشان لما اجي ارخم عليه في فرحه مايزعلش
هشام: لا والنبي ابوس ايدك
زين ضحك: يبقى اتلم
شوية وتامر جه وبارك لزين واستأذن عشان يروح لوائل يباركله هو كمان
والبنات قاعدة مع كاميليا بيباركوا ليها
ندى: انتم السابقون ونحن اللاحقون ياكوكي
كاميليا خبطتها بالمخدة: هو موت يارخمة
نور ضحكت: سيبك منها
ليلى: ها يانور جاهزة
نور ضحكت: والله يالولا ما انا عارفة
كاميليا: هتروحي شقتك؟
نور: لا طبعاً مع نفسكم انتوا
ندى: نعم ياختي يعني احنا هنروح نرتب من غيرك
نور: ايوا انا عروسة
كاميليا بغضب: دا على اساس ان عروسة بلاستيك ما انا لسة فرحي كان امبارح وكمان هروح معاهم
نور: انسوا اني اروح
كاميليا خبطتها بالمخدة: طب امشي بقى
نور قعدت تضحك ونزلت تحت وشوية وليلى نزلت وراها وندى فضلت قاعدة مع كاميليا
كاميليا: على اتفاقنا ياندوش؟
ندى: أكيد بس احنا عاوزينهم يساعدونا
كاميليا: ماتقلقيش كدا كدا الأغنية انا وانتي اللي هنغنيها يعني الشباب مش هيعملوا حاجة
ندى: لا بس لازم هشام يشارك معانا
كاميليا: خلاص تمام عرفيه
ندى: ماشي
شوية والكل مشي وزين قعد مع كاميليا
كاميليا: زين
زين: قلب زين
كاميليا ابتسمت: طبعا انا هروح معاهم لشقة نور
زين: نعم؟!
كاميليا: ايه؟
زين: هو ايه اللي ايه انتي مش عروسة جديدة تروحي تعملي ايه
كاميليا: فيها ايه ياحبيبي ماهنروح عشان نرتبلها حاجاتها
زين: وبالنسبة ليها بقى هي هتعمل ايه؟
كاميليا بتوتر: ماهي مش هتروح
زين: نعم ليه؟!
كاميليا: اصلها عروسة
زين ضحك: والله بجد مستغربك يعني هي عروسة وانتي لا ياكاميليا
كاميليا بدلع: خلاص بقى يازيزو
زين قرب منها: قولتي ايه؟
كاميليا بكسوف: يازيزو
زين شالها وطالع بيها فوق: امممم أفكر
كاميليا ضحكت: والله مجنون
الأيام بتعدي والبنات مشغولة في ترتيبات فرح نور وليلى، ونور شايلة ايديها من كل حاجة لحد ما البنات هتولع منها، خلاص جه يوم الفرح والكل في الفندق والبنات قررت انهم يخلعوا من نور ومش يعملوا معاها حاجة😂 وكاميليا ونور لبسوا في اوضة لوحدهم، كاميليا لبست دريس لونه دهبي جميييل وحجاب بنفس اللون وشوز دهبي وميك اب خفيف، وندى لبست دريس لونه بيبي بلو(السماوي) وبحجاب ابيض وشوز ابيض وميك اب هادي وجميل وكل شاب من الشباب لبس بدلة كحلي الا العرسان لابسين اسود ، شوية وعزيز ومراد طلعوا اخدوا نور عشان يسلموها لهاني وصفي طلع اخد ليلى وسلمها لهشام، نزلوا واتصوروا الصور الجماعية وصور العريس والعروسة ودخلوا القاعة والعرسان رقصوا اول رقصة والدي چي طلب من هاني يقعد ونور تفضل واقفة وطبعاً ليلى قعدت جمب هشام، كاميليا وندى طلعوا وماسكين المايكات والموسيقى ابتدت تشتعل، كاميليا وندى بيغنوا في صوت واحد
-احنا النهاردة خلصنا من الهانم بكيزة
-هاني اخدها وياعيني اتدبس تدبيسة
-عفش وشبكة وشقة صرفتلها كام بريزة
-طلعت عنينا معاها في مشاويرها وجهازها
-عايشة الدور ادي اللي احنا اخدناه من جوازها
-وفي فرش الشقة مافيش ولا حد فينا شافها
نور واقفة بتضحك ومصدمة من اللي بيحصل وهشام قام من مكانه ووقف مع البنات ومسك المايك
-هاني ياعيني في التوضيب وفي النقاشة
-اتبهدل بهدلة واتعملت معاه الجلاشة
-خس النص الغلبان دا كان عايشها باشا
-بكيزة هانم طول اليوم مأنتخالنا تاكل وتنام
-ومفيش ولا حاجة بتعملهالنا
-والله ياهاني انت ليك معاها الجنة
_وفي المطبخ ميح ودماغها على طول في التراوة
-لما بتعمل حبة مكرونة تقول براوة
-تتفشخر وتقول أكلي طعم وآخر حلاوة
-يلا تروح يلا بيتها
-شوفنا كتير من جنانها
-هاني أوام ياخدها
-مش ناقصين كمان عواجانها
-دا كل يوم هتقشط جيبه
_ويجيب حاجات عشانها
-شوبنج في كل خروجة معاها فلستنا
-مبقاش متبقي خلاص ولا حاجة ياناس حيلتنا
زين ضحك: ايه الجنان دا
يذيد بيضحك اوي وعنيه دمعت: يالهوي
محمود: يا ابني انتوا لسة شفتوا حاجة
نور جريت عالبنات وعلى هشام وحضنتهم وبيرقصوا سوا، هشام راح مسك ايدين ليلى وقوم هاني كمان وبدأوا يرقصوا كلهم والبنات حوالين بعض والشباب مع بعض، بعد ساعتين والفرح خلص وهشام اخد عربيته وليلى وفي طريقه للڤيلا وهاني اخد نور وفي طريقهم لبيتهم ومعاهم عزيز ومراد وكاميليا وندى وسهام وعفاف اما زين فأقسم انه هيروح مع هشام😂
زين ساق بسرعة ووصل قبله ويذيد وراه وشوية وهشام وصل
هشام: بتعملوا ايه هنا؟
زين: واقف في مكان ڤيلتي
هشام: ڤيلتك هناك اهي وسع بقى عشان ادخل ڤيلتي
يذيد ضحك: خلاص يازين
زين: لا انا عاوز اتعشى مع هشام
هشام بص لليلى اللي واقفة تضحك: ماتقولي حاجة بدل ما انتي واقفة تضحكي كدا
ليلى: انت اللي ابتديت
صفي وناريمان وصلوا ومستغربين انهم واقفين
صفي: في ايه؟
هشام: شوف ابنك ياعمو مش راضي يخلينا ندخل
صفي ضحك: خلاص يازين بفى وعفى الله عما سلف
زين بعناد: لا
ليلى: خلاص يازين بقى
زين ضحك: ماشي يالولا كفاية كدا رخامة تقدروا تدخلوا
هشام: لا ياشيخ كتر خيرك والله
زين: مابلاش عشان اقسم بالله اخليها تنام في حضن امها الليلادي
هشام بسرعة اخد ليلى ودخل
يذيد بيضحك اوي: يخربيت كدا
زين: ايوا وخلي بالك عشان الدور عليك
يذيد جري من ادامه وبيضحك
فوق عند هشام وليلى
هشام: يلا يالولا عشان نصلي سوا
ليلى: حاضر ياحبيبي
ليلى وهشام غيروا وصلوا سوا، وقعدوا ياكلوا سوا لأول مرة في بيتهم
هشام بحب: لولا
ليلى بخجل: ها
هشام: ايه
ليلى ضحكت: عاوز ايه
هشام شالها: كل خير ياقلبي
ليلى بتضحك وهشام فرحان بيها
الأيام بتعدي وكل واحد فيهم علاقتهم ببعض كويسة جداً وفرحانين ببعض وجه يوم فرح محمود وهاجر والكل فرحان بيهم والشباب طبعاً متجمعين ومحدش فيهم ساب محمود لوحده
في القاعة، محمود بيرقص مع هاجر اول رقصة وبيغني ليها مع الاغنية، وشوية والشباب والبنات اتجمعوا حواليهم وبدأوا يرقصوا خلاص الحفلة خلصت ومحمود اخد هاجر وفي طريقهم لبيتهم، الشباب قرروا انهم هيحتفلوا بشهر العسل بس مع يذيد وندى في الصيف
في ڤيلا محمود، دخل شايل هاجر وطلع بيها لحد فوق وهي فرحانة انها لاقت الانسان اللي يحبها اوي كدا، محمود دخل بيها اوضتهم ونزلها
محمود: نورتي بيتك ياعروسة
هاجر ابتسمت: منور بينا احنا الاتنين ياحبيبي
محمود خطف بوسة: طب يلا عشان نصلي سوا
غيروا هدومهم وصلوا سوا وكل واحد فيهم بيدعي ان سعادتهم تدوم على طول
ليلى وندى النهاردة اول يوم امتحان ليهم
ندى: ها يالولا مذاكرة
ليلى بغضب: نص نص عشان الاستاذ هشام قعد يرخم عليا امبارح
ندى ضحكت: انا قولتلك بلاش جواز غير لما نخلص امتحانات ماسمعتيش كلامي
ليلى: والله لازم لما اجي اذاكر اقفل على نفسي من جوا
ندى ضحكت اوي: جدعة😂
يذيد جالهم ووقف معاهم شوية وجه وقت الامتحان ودخلوا يمتحنوا والاتنين حلوا كويس وخارجين كويسييين، الايام عدت والامتحانات خلصت وندى بترتب حاجاتها عشان جوازها وفي يوم اتفقت مع ليلى وخرجوا سوا
ليلى: راحين فين؟
ندى: عاوزة اروح القاعة اللي هيكون فيها الفرح
ليلى بإستغراب: اشمعنا؟!
ندى: هتعرفي لما نروح
شوية ووصلوا القاعة وندى اتفقت مع المسئولين عن الحفلة انها هتفاجئ يذيد بتورتة وعليها صورته وادتلهم صورة ليذيد عشان هما هيعملوا كل دا، ندى اتفقت على كل حاجة وكانت فرحانة جداً، يذيد في الڤيلا بيشوف ايه ناقص يعمله والشباب معاه
هاني: ها يايذيد فيه حاجة تاني؟
يذيد: ايوا حد فيكم يعلق الستاير بقى
زين: مع نفسكم انا مش كل شوية اعلق لحد فيكم الستاير
هشام ضحك: اهو دا دورك بقى
زين خبطه في كتفه: طب خليك في حالك بقى
الايام عدت وجه يوم الفرح وندى بتجهز والبنات حواليها وخلاص خلصت ومراد وعزيز طلعوا اخدوها وسلموها ليذيد واتصوروا وخلصوا كل دا ودخلوا القاعة ورقصوا اول رقصة والدي چي طلب من ندى تقف في النص ونور وكاميليا وهشام وعزيز ومراد وسهام وعفاف كل واحد فيهم ماسك مايك والموسيقى اشتغلت
-فرح العروسة ندى
-العروسة ندى ندى
-السكر الزيادة، الزيادة ذادة ذادة
-خلاص هتسيبي البيت وهتمشي وانا هلطم بعدك على وشي
-مين بعدك هيسرح شعري ويجيبلي كريب وشيبسي
هشام اتكلم: والأكل اللي بتطبخوهلي مين ذيك هيظبطهولي والنعمة هتوحشني غلاستك اللي يفوح دايماً قلبك
-ندى حبيبة قلبنا ذي الملايكة وحنينة انا بدعي ربنا ليل نهار تعيشي في حب وهنا
كاميليا: اختي اللي مغلباها مجنناها ناها ناها، دايما بشبط معاها معصباها معكنناها
نور: من الليلادي مفيش ندى ولا في تنضيف ولا مواعين ولا هتخانق كل يوم، هرمي براحتي انا الهدوم
هشام: وانا هخرج وارجع متأخر ولنص الليل برة انا هسهر يلا اشوف وشك بخير، باي باي ندوش بقى تك كيير
سهام وعفاف: ياندى هتوحشينا صدقيني هتوحشينا، هاتي بوسة ياضي عنينا احضنينا احضنينا، ندوش اجمل بنوتة طعمة نيوتيلا ياناس بسكوتة احلى عروسة دي ولا ايه خمسة مواه يامارون جلاسيه
مراد وعزيز: وانت يابختك يايذيد بيها شيلها في عينك دلع فيها بكرة هتملى الييت بعيالك، بختك ماهي مامتك دعيالك
ندى عيطت من الفرحة وواقفة في نص أهلها وفرحانة بيهم وبحبهم ليها وشوية والدي چي وقف يذيد وندى في النص ويذيد اتفاجئ بالتورتة اللي عليها صورته
ندى مسكت المايك: كل سنة وانت طيب يا حب عمري كله، بحبك اوي وبقولك ادام الناس كلها كل سنة وانت معايا ودايما جمبي وبتقويني
يذيد شالها ولف بيها وفرحان بيها وبيدعي من قلبه ان ربنا يسعدهم دايماً، جه وقت الرقصة الأخيرة وكانت على أغنية سهر الليالي وكل واحد بيرقص مع مراته
شو كانت حلوة الليالي
والهوى يبقى ناطرنا
وتيجي تلاقيني
وياخدنا بعيد
هدير المي والليل
كان عنا طاحون عنبع المي
قدامه ساحات مزروعة في
وجدي كان يطحن للحي
قمح وسهريات
ويبقوا الناس بهالساحات
شي معهن كياس شي عربيات
رايحين جايين
وعطول الطريق تهدر غنيات
آه يا سهر الليالي
آه يا حلو على بالي
نغني آه نغني آه
نغني على الطرقات
ياي ياي ياي
يا سهر الليالي
ياي ياي ياي
يا حلو على بالي
نغني آه نغني آه
نغني على الطرقات
وراحت الأيام وشوي شوي
سكت الطاحون عكتف المي
وجدي صار طاحون الذكريات
يطحن شمس وفي
آه يا سهر الليالي
آه يا حلو على بالي
نغني آه نغني آه
نغني على الطرقات
ياي ياي ياي
يا سهر الليالي
ياي ياي ياي
يا حلو على بالي
نغني آه نغني آه
نغني على الطرقات
الحفلة خلصت واتصوروا صورة جماعية سوا كل واحد واقف وفي ايده مراته وكل
واحد بيبص لنصه التاني وفرحان من قلبه وبيحمد ربنا عالسعادة اللي هو فيها
النهاية