#الحلقة_15
#رواية_قلوب_حطمها_العشق
#بقلم_ايمان_جمال
__________________________
يذيد بيسوق العربية وندى جمبه وشايف انها لابسة الخاتم اللي جابه ليها هدية في عيد ميلادها
يذيد: انتي على طول لابسة الخاتم؟
ندى بصت على ايديها وابتسمت: ايوا ومش هيتقلع غير لما يكون مكانه دبلتك
يذيد ابتسم ومسك ايديها وباسها: بحبك
ندى: وانا كمان
يذيد كان فرحان بيها اوي وطول الطريق ماسك ايديها وكأنها هتهرب منه وشوية ووصلوا ادام الجامعة ودخلوا سوا وايديهم في ايدين بعض
ندى: على فكرة محدش يعرف انك اتقدمتلي فسيب ايدي
يذيد بتملك: لا مش هسيبها وبعدين الكل هيعرف النهاردة
ندى بإستغراب: ازاي؟!
يذيد: تعالي وانا هقولك
يذيد اخدها ودخلوا المدرج ووقفها جمبه مكان وقوفه وقت الشرح وطبعا الكل متسغرب، يذيد استنى شوية على ما الكل اتجمع وليلى كمان جات ومسك المايك واتكلم: أحب اعرفكم اني خطبت ندى
فيهم اللي بيباركلهم وفيهم اللي مستغربين وفيهم اللي غيرانين من ندى وليلى طبعا جريت على ندى حضنتها وباركتلها، يذيد اصلا مكانش عليه محاضرة ليهم النهاردة بس هو حب يقولهم الخبر وبعد كددا طلع مكتبه
ندى طول المحاضرات مركزة كويس اوي وكأنها بتبثبت للكل انها شاطرة ومجتهدة، شوية والمحاضرات خلصت وفيه بنت اسمها ميرنا قربت على ندى وليلى
ميرنا: مبروك ياندى
ندى بإبتسامة: الله يبارك فيكي ياحبيبتي عقبالك
ميرنا بإبتسامة صفرا: تسلمي، كدا بقى ضمنتي النجاح
ندى بعدم فهم: قصدك ايه؟
ميرنا: اقصد ان دلوقتي انتي خطيبة دكتور يذيد يعني هتكون الامتحانات في ايدك
ندى مش عاوزة تتعصب وبتحاول تبان طبيعي: لو انتي شايفة كدا يبقى خلاص، بس احب اقولك الشاطر مش بيفرق معاه حاجة عن اذنك
ندى اخدت ليلى وخرجوا من المدرج، وليلى فضلت تضحك
ندى: ايه يابنتي اهدي بقى
ليلى: انتي طيرتي جبهتها خالص
ندى بتحدي: عشان تبقى تتراخم تاني
جه عليهم محمد زميلهم في القسم
محمد: اذيكم يابنات
ندى: اذيك يامحمد
ليلى: عامل ايه؟
محمد: الحمدلله، مبروك ياندى
ندى بإبتسامة: الله يبارك فيك عقبالك
ليلى ضحكت: ها يامحمد هتقول ايه انت كمان؟
محمد بعدم فهم: مش فاهم!
ندى ضحكت وحكتله اللي حصل من ميرنا
محمد ضحك: لا فكك منها خالص دي بنت شايفة نفسها اوي
ليلى: لا ماتقلقش ندى قامت بالواجب
البنات فضلت واقفة مع محمد ويضحكوا ويهزروا ويذيد شافهم من بعيد وغيران من محمد وقرب عليهم
يذيد: يلا نمشي
ندى بصت لمحمد: نشوفك بكرة ان شآء الله
محمد: ان شآء الله……..محمد بص ليذيد: مبروك يادكتور
يذيد بهدوء: الله يبارك فيك عقبالك
يذيد اخد البنات ومشيوا وكان باين عليه انه متعصب اوي
ندى: يذيد
يذيد سامعها ومش بيرد، وندى بتبص على ليلى اللي راكبة ورا ومستغربة سكوت يذيد
ندى: على فكرة انا بتكلم معاك
يذيد بعصبية: وانا مش عاوز ارد
ندى: ليه؟
يذيد بغضب: ندى الاحسن ليكي ماتتكلميش معايا الوقتي
ندى سكتت وفضلوا طول الطريق ساكتين خالص ومش بيتكلموا نهائي وشوية ووصلوا وليلى نزلت ودخلت وسابتهم اما ندى صممت تفضل قاعدة
يذيد: انزلي
ندى: لا مش هنزل غير لما اعرف مالك
يذيد بغضب: انزلي ياندى
ندى دموعها اتجمعت في عنيها: عاوزة اعرف مالك
يذيد بعصبية وبصوت عالي: قولتلك انزلي
ندى نزلت بسرعة ودموعها نزلت ويذيد مضايق انه اتعصب عليها بس هو مش بيعرف يتحكم في غيرته
كاميليا قاعدة في الجنينة وشافت ندى داخلة وراحت قعدت معاها
كاميليا: في ايه مالك؟
ندى بدموع: مافيش
كاميليا: مافيش ازاي وانتي معيطة كدا
ندى حكتلها عن عصبية يذيد
كاميليا: يعني مش عارفة هو اتعصب ليه؟
ندى: لا
كاميليا ابتسمت: يذيد غيران عليكي ياندى ودا رد فعله لما شاف محمد واقف معاكم
ندى بعصبية: وهو انا يعني اعرف منين انه غيران
كاميليا ضحكت: يابنتي لازم تعرفي
ندى قامت: مش عاوزة اعرف، انا طالعة
ندى سابتها ومشيت وكاميليا رنت على يذيد
كاميليا: الو يايذيد
يذيد: عاملة ايه؟
كاميليا: الحمدلله، كدا تزعلها؟
يذيد: هي حكتلك؟
كاميليا: ايوا وانا عرفت من كلامها انك غيران عليها بس هي مافهمتش دا يايذيد
يذيد: اعمل ايه انا مش بعرف اتحكم في غيرتي
كاميليا ابتسمت: معلش يايذيد طول بالك شوية
يذيد: ماشي انا هصالحها بس لما اجي بالليل انا وبابا
كاميليا: ماشي ياسيدي
زين قرر انه يتقدم لكاميليا النهاردة وحب يفاجئها وقرر انه مايعرفهاش، زين رن على محل الورد وطلب بوكيه ورد وانه يروح لكاميليا قبل المعاد، اما يذيد فمتكلمش مع ندى خالص طول اليوم وكانت مضايقة من كدا اوي، هشام وصل الڤيلا وطلع اخد دش وغير هدومه وراح للبنات
هشام: جاهزين؟
ندى: لإيه؟
هشام ضحك: انتي نسيتي ولا ايه مش المفروض يذيد جاي يتقدملك النهاردة
ندى ببرود: لا فاكرة
هشام بإستغراب: مالك؟!
كاميليا اللي ردت: زعلانة من يذيد
هشام: ابتدينا بقى
نور ضحكت: ياعم اهدى واقعد ساكت
هشام قعد جمب ندى واتكلم بهدوء: حصل ايه؟
ندى حكتله اللي حصل وهو بيسمعها بإهتمام
هشام: هو غيران ياندى
ندى: انت كمان هتقولي غيران
هشام: ايوا ودا اللي واضح من كلامك
ندى: طب ومايعرفنيش ليه
هشام: المفروض تعرفي من نفسك
ندى بعصبية: ازاااي
هشام ضحك: اهدي يامجنونة وقومي اجهزي
ندى: لا
هشام: يعني هتقابليهم بالبيچامة
ندى: اها
كاميليا ضحكت: ابوس ايدك بلاش تهور الليلادي وقومي اجهزي
ندى فضلت مصممة انها تقابلهم بالبيچامة😂 بس هشام اقنعها انها تغير هدومها لان دا عيب وماينفعش، شوية وصفي وصل ومعاه ناريمان وخالد وزين ويذيد وليلى ومي كمان ودخلوا قعدوا والكل رحب بيهم ومي قاعدة جمب يذيد وشوية وندى نزلت ومش بتبص ليذيد وهو بيحاول مايتعصبش
هشام قاعد جمب ليلى وبيتكلم بصوت واطي: صاحبتك هتجنني
ليلى ضحكت: ربنا يستر
يذيد قاعد يبصلها وهي مش بتبصله بس مضايقة من قرب مي منه
صفي اتكلم: طبعا يامراد انت عارف احنا جايين النهاردة ليه
هشام هو اللي رد وبيحب يرخم على يذيد: لا ياعمو مش عارفين
يذيد بغضب: عدي الليلة ياهشام
هشام ضحك: بعينك
زين ضحك: بقولكم ايه اهدوا بقى واقعدوا
مراد: انا موافق ياصفي لان مش هلاقي احسن من يذيد لندى
صفي: طب فيه حاجة كمان
عزيز: ايه هي؟!
صفي: زين عاوز يتقدم لكاميليا
كاميليا اتفاجأت بطلب زين وبصتله وهو ابتسم وهي اتكسفت وبصت في الأرض
صفي: ها قولت ايه يامراد
مراد بيبص على بنته: انا عن نفسي موافق بس المهم رأيها هي
الكل قاعد مستني رأي كاميليا وهي مكسوفة ومش عارفة تتكلم
ناريمان: السكوت علامة الرضا
عفاف وسهام زرغدوا والكل فرحان بيهم، يذيد قاعد يبص لندى وهي زعلانة
يذيد: بعد اذنك ياعمو عاوز اقعد مع ندى
مراد: ماشي ياحبيبي، وانت يازين تقدر تقعد مع كاميليا
يذيد اخد ندى وخرجوا الجنينه، وزين اخد كاميليا باردوا وخرجوا الجنينة
يذيد: ندى
ندى بحزن: نعم
يذيد: بحبك
ندى غصب عنها ابتسمت: باردوا زعلانة منك
يذيد بحب: كنت غيران عليكي
ندى: وانا يعني كنت اعرف منين
يذيد: مش انتي عارفة اني بحبك يعني تعرفي ان لازم اغيير عليكي
ندى بعصبية: طب سيبنا مني الوقتي، مي كانت قاعدة جمبك ليه
يذيد ضحك: دا احنا بنغيير بقى
ندى قربت منه ومسكته من چاكيت البدلة: اه عندك مانع
يذيد فرحان بغيرتها وقربها: لا معنديش
ندى: ايوا كدا
يذيد مسك ايديها وخرج من جيبه علبة قطيفة فيها خاتم دهب جميل اوي ولبسهولها
ندى: الله حلو اوي
يذيد باس ايديها: حلو عشان ليكي انتي
ندى بتبصله بحب وفرحة: بحبك
يذيد: وانا بحبك اوي
نيجي لكاميليا وزين
كاميليا: كدا تفاجئني
زين ابتسم: بس ايه رأيك؟
كاميليا: مفاجأة حلوة
زين خرج من جيبه خاتم دهب على شكل تاج ولبسهولها
كاميليا بفرحة: حلو اوي
زين: الحلو للحلو ياقلبي
كاميليا بحب: بحبك
زين باس ايديها: انا بحبك اكتر
زين ويذيد اتفقوا مع البنات انهم هياخدوهم بكرة ويروحوا يجيبه الشبكة، وكاميليا كلمت صافي وحكتلها عن اللي حصل وفرحتلها جدا
الاستاذ كمال قاعد في ڤيلته وادامه صورة لحياة متعلقة على الحيطة ومشغل ام كلثوم وتليفونه رن وكانت حياة، كمال فتح المكالمة بس ما اتكلمش وقرب التليفون من صوت الاغاني وكانت اغنية إنت عمري
رجعوني عنيك لأيامي اللي راحوا
علموني أندم على الماضي وجراحه
اللي شفته قبل ما تشوفك عنيه
عمر ضايع يحسبوه إزاي عليّ
انت عمري اللي ابتدي بنورك صباحه
قد ايه من عمري قبلك راح وعدّى
يا حبيبي قد ايه من عمري راح
ولا شاف القلب قبلك فرحة واحدة
ولا داق في الدنيا غير طعم الجراح
ابتديت دلوقت بس أحب عمري
ابتديت دلوقت اخاف لا العمر يجري
كل فرحه اشتاقها من قبلك خيالي
التقاها في نور عنيك قلبي وفكري
يا حياة قلبي يا أغلى من حياتي
ليه ما قابلتش هواك يا حبيبي بدري
اللي شفته قبل ما تشوفك عنيه
عمر ضايع يحسبوه إزاي عليّ
حياة فضلت تسمع الاغنية لحد ما كمال وطى الصوت واتكلم
كمال: حلوة الأغنية؟
حياة: لسة باردوا ذي ما انت
كمال: عمري ما أتغير
حياة: وانا مش عاوزاك تتغير
كمال سكت ثواني واتكلم: وحشتيني
حياة اتفاجأت بالكلمة وسكتت ومعرفتش ترد عليه
كمال: ضايقتك؟
حياة ردت بسرعة: لا ابدا
كمال ابتسم: امال سكتي ليه؟
حياة: اظن اننا كبرنا على كدا
كمال ضحك: انا شايف نفسي لسة شاب في الجامعة وبيكلم حبيبته
حياة باردوا سكتت ومعرفتش ترد
كمال: باردوا هتسكتي؟
حياة: انا هقفل
كمال زعل بس بان طبيعي: براحتك
حياة حست انه زعل لان صوته اتغير ومش عاوزة تزعله: كمال
كمال بهدوء: نعم
حياة: تصبح على خير
كمال ابتسم: وانتي من اهل الخير
حياة قفلت وفضل سرحانة في كلام كمال ووقفت ادام مرايتها وكأنها بتكلم روحها: معقول نعيد اللي فات طب وولادي؟ طب والناس؟
حياة فضلت تفكر كتير وفي الآخر ماوصلتش لحل ونامت، اما كمال كان زعلان انها رافضة تتكلم معاه ذي زمان وافتكر الحوار اللي حصل مابينهم من يومين لما خرجوا سوا
*فلاش باك*
كمال وحياة قاعدين في مكانهم بتاع زمان
كمال: جيتي هنا من اخر مرة؟
حياة: اها كنت باجي انا وكمال ومريم
كمال: طب وهو؟
حياة عارفة ان كمال يقصد جوزها: مكانش فاضي يخرج معايا
كمال مسك إيديها: تيجي نعوض اللي فاتنا
حياة سحبت ايديها بهدوء: تفتكر هينفع؟
كمال: اكيد ينفع
حياة: وولادي والناس اللي حوالينا؟
كمال استغرب ردها: ومن امتى واحنا بيهمنا الناس؟
حياة: لازم يهمونا عشان كلامهم
كمال بعصبية: طظ في كلامهم انا ماصدقت اشوفك تاني
حياة بهدوء: بس احنا مش صغيرين عشان نحط نفسنا في موقف محرج
كمال: انتي شايفة كدا؟
حياة بهدوء: مش انا اللي شايفة كدا ياكمال المجتمع اللي احنا فيه هو اللي بيقول كدا
كمال: اتغيرتي اوي
حياة: محدش بيفضل على حاله
كمال: لا انا ما اتغيرتش ولا عمري هتغير ياحياة
حياة: ممكن بلاش كلام في اللي فات
كمال بحزن: تمام
*عودة من الفلاش باك*
كمال بعد ما كان فرحان زعل من كلام حياة وانها رافضة اي كلام عن اللي فات
الليلة عدت على أبطالنا فيهم اللي فرحان ومبسوط وفيهم اللي قلبه حزين
تاني يوم الصبح يذيد وزين صحيوا من نومهم مستعديين ليوم جديد مع ندى وكاميليا، اما البنات فصاحيين من بدري على غير عادتهم ومستعديين للخروج وطبعا هشام باردوا مصمم يرخم عليهم
هشام: صاحيين بدري يعني
ندى بغضب: بلاش رخامة يا إتش
هشام ضحك: هو انا ورايا حاجة غير اني ارخم عليكم
كاميليا ضحكت: خف علينا شوية يا إتش
هشام: لا انا ماليش دعوة بيكم انا ليا حد تاني ارخم عليه
ندى فاهمة ان هشام يقصد يذيد: طب يا هشام ياحبيبي عدي اليوم على خير عشان وربنا هتشوف جناني
هشام ضحك: ازاي بس ياندوش دا انا حتى رايح معاكم
ندى بصدمة: بتقول ايه؟
هشام ضحك اوي ومش قادر يتكلم وندى بتقرب منه بغضب
ندى: سمعني قولت ايه
هشام بصعوبة: رايح معاكم
ندى غمضت عنيها بغضب: لو فتحت عيني ولاقيتك لسة واقف وربنا لهعضك
هشام في ثانية كان تحت
كاميليا ضحكت: جبان
ندى: هو عارف ان لما اقول حاجة هنفذها
كاميليا: اه ياختي دا انتي عليكي عضة
نور كانت نايمة وهما صحوها بحركاتهم وصوتهم
نور بغضب: كانت شورة مهببة يوم ماقولنا نكون في اوضة واحدة
ندى ضحكت: استحملي بقى
نور بتغطي وشها بالمخدة: اخرجوا واقفلوا النور والستاير
كاميليا: انتي مش هتيجي معانا ولا ايه
نور: لا انسوا انا نايمة من ساعتين
ندى: اه البركة في هاني
نور بصتلها بغضب: خليكي في يذيد يارخمة
ندى طلعتلها لسانها واخدت كاميليا ونزلوا تحت وهشام قاعد عالسفرة بيفطر وندى قعدت جمبه وكاميليا قصادهم
كاميليا: هما لسة نايمين ولا ايه؟
هشام: اه، انا لما نزلت طلبت من الدادة يحضروا الفطار
ندى وهي بتاكل: خير ماعملت والله عشان انا جعانة
هشام: يامفجوعة
ندى والأكل في بوقها: اصطبح يا إتش
شوية وجرس الڤيلا رن والخدامة راحت تفتح وكان يذيد ودخل وشايفهم قاعدين عالسفرة
يذيد: صباح الخير
الكل: صباح النور
هشام برخامة: حماتك مش بتحبك خالص
ندى ضربته في كتفه: اللهم طولك ياروح
يذيد قعد جمب كاميليا وبيعاند في هشام: ومين قالك ان حماتي مش بتحبني
هشام: انا اللي بقول
كاميليا ضحكت: معلش يايذيد هو صاحي النهاردة وحالف ليرخم عليك انت وندى
يذيد ضحك وبص لندى اللي بتاكل بجوع وضحك اوي: ايه ياندى انتي جعانة ولا ايه
ندى بغضب طفولي: صبرني يارب واحد يقولي يامفجوعة والتاني بيتريق عليا
هشام ضحك: الحمدلله يارب ماطلعتش لوحدي بيتريق عليكي
يذيد بيضحك اوي ومش قادر يتكلم وكاميليا ضحكت على منظر ندى لأن ندى كانت عاملة ساندوتش نيوتيلا والشوكلت كلها على بوقها ذي الطفل الصغير
ندى بزعل: انتوا اصلا رخمين اوي
هشام قام من جمبها وطلع يغير هدومه ويذيد قعد جمبها: احنا بنهز معاكي
ندى بزعل طفولي: لا انا زعلت
يذيد خرج منديل من جيبه ومسك وشها وثبته وبدأ يمسح اثار الشوكلاته اللي على وشها وكاميليا سابتهم لوحدهم وخرجت الجنينة
ندى: هو انا وسخت نفسي؟
يذيد ضحك: طفلة بتاكل والله
ندى ضحكت: اعمل ايه بحب الشوكلت
يذيد بحب: يابختها
ندى: هي ايه؟
يذيد: الشوكلت عشان بتحبيها
ندى ابتسمت ويذيد سرحان في ملامحها وبيمسح ليها وشها
ندى: انت ماصدقت ولا إيه
يذيد ابتسم: تقريباً
ندى ضحكت: طب يلا سبني بقى
يذيد: لا انا مرتاح كدا
ندى بصتله اوي بغضب وهي بعد ايده وقعد يضحك وشوية وهشام نزل وشايفهم لسة قاعدين
هشام: ايه يامفاجيع
ندى هنا جريت وراه وهشام بيجري وخرجوا الجنينة وندى مسكته
ندى: مش انا قولت اصطبح
هشام بيضحك اوي: خلاص اوعي يامجنونة
يذيد بيبعد ندى عن هشام: خلاص ياندى
هشام: ابعدها يايذيذ قبل ماتعضني
يذيد بصدمة: تعضك؟!
كاميليا قعدت تضحك على صدمة يذيد
هشام: دا بتعض وبتضرب حضرتك دا انت لسة هتكتشف المواهب
ندى ببرائة: دا انا طيبة اوي
هشام ضحك: اووي انتي هتقوليلي
كاميليا بتحاول تتكلم: هي مين دي اللي طيبة
ندى بتبص ليذيد اللي واقف مش بيتكلم ومصدوم: ياعيني دا انصدم
هشام وقع عالأرض من كتر الضحك وكاميليا معدتش قادرة تتكلم وندى قربت من يذيد وهو بيرجع لورا
يذيد: بلاش جنان ياندى
ندى زعلت انه خايف منها ووقفت مكانها: انا كنت بهزر معاكم
ندى سابتهم ودخلت ويذيد زعل انه زعلها
هشام: قابل يامعلم
يذيد: انا مكانش قصدي ازعلها انا كنت والله بهزر
كاميليا: ماتقلقش هتعرف تصالحها بس استحملها يايذيذ هو دا طبعها
يذيد ابتسم: وانا راضي
يذيد دخل ورا ندى لقاها قعدت تاني عالسفرة وبتاكل😂 يذيد وقف مكانه وقعد يضحك وهي بتاكل ومش بتبصله
يذيد قرب منها: ندى
ندى: نعم
يذيد بيحاول مايضحكش: ايه ياحبيبتي هو انتي لسة جعانة
ندى بغضب: على فكرة بقى انا لما بزعل بحط همي في الأكل
يذيد: طب ولو فرحانة؟
ندى بهدوء: باكل باردوا
يذيد هنا مقدرش يسكت وقعد يضحك وهشام دخل شاف ندى قاعدة بتاكل وقعد يضحك
ندى بغضب: سديتوا نفسي
يذيد بصدمة مسك الطبق وبيبص فيه اللي تقريباً فاضي: انتي متأكدة ان نفسك اتسدت؟
ندى قامت من عالسفرة: ايوا
يذيد بيبص على هشام اللي تقريباً عالأرض من كتر الضحك: هو انت شايف اللي انا شايفه؟
هشام بصوت كله ضحك: انا من رأيي تخلع
يذيد غصب عنه ضحك وندى باردوا زعلانة منه وطلعت تقعد مع كاميليا
كاميليا بهدوء: ندوش
ندى: نعم
كاميليا: يذيد مكانش يقصد يزعلك
ندى: ياسلام يعني اشوفه بيبعد عشان خايف مني وتقوليلي مكانش يقصد؟
كاميليا: ايوا عشان احنا كلنا كنا بنهزر
ندى لسة هتتكلم بس يذيد قرب عليهم وكاميليا لسة هتقوم بس يذيد قعدها
يذيد: خليكي قاعدة ياكاميليا عشان تخليها تصالحني
ندى: هو مين يصالح مين؟
يذيد ضحك: انا ياستي المفروض اصالحك رغم اني كنت بهزر
ندى: ولو باردوا
يذيد: ماشي حقك عليا
ندى بتفكير: اممم افكر
يذيد بص لكاميليا: مش كنتي هتقومي؟
كاميليا ضحكت: بتوزعني ماااشي
كاميليا دخلت جوا ويذيد قعد جمب ندى بيحاول يصالحها
يذيد: خلاص بقى
ندى: لا زحلانة منك
يذيد بيبص حواليه يشوف حد جاي ولا لا وفجأة باسها برقة من خدودها وهي اتفاجأت، يذيد خاف انها تضربه ذي كل مرة وحط ايده على وشه وندى بتبصله وغصب عنها ابتسمت
يذيد: بلاش جنان ذي كل مرة
ندى بصت في الأرض واتكلمت بكسوف: انا مش هكررها تاني لان دا فعلاً جنان
يذيد مسك ايديها بحب: ها لسة زعلانة؟
ندى ابتسمت: لا
يذيد: طب يلا نخرج
ندى: طب مش المفروض اننا هنخرج مع كاميليا وزين
يذيد: لا هما يخرجوا لوحدهم وانا هاخدك ونجيب الشبكة ونقضي اليوم سوا
ندى بحماس: ماشي يلا
يذيد اخد ندى وخرجوا وشوية وزين جه لكاميليا عشان يخرجوا
زين بحب: صباح الورد
كاميليا بإبتسامة خجل: صباح الخير
زين: وحشتيني
كاميليا بخجل: وانت كمان
زين: يلا نخرج ونبدأ اليوم من أوله
زين اخدها وخرجوا سوا
نيجي شوية لهاجر قاعدة في كافيه مستنية كارما واتأخرت عليها وهاجر لسة هتقوم شافت كارما داخلة هليها
هاجر بضيق: كل دا تأخير
كارما قعدت: يعني وراكي ايه
هاجر: ورايا شغلي
كارما: اهدي بس كدا واحكيلي
هاجر: احب افاجئك ان زين قرأ فاتحته امبارح على كاميليا
كارما انصدمت: نعم؟!
هاجر: اه والله دا اللي حصل
كارما: يعني هو بيحبها اوي كدا؟
هاجر: جدا فوق ماتتصوري
كارما بعصبية: انتي عاوزة تعصبيني ليه؟
هاجر: واعصبك ليه انا بقولك اللي انا شايفاه ادامي
كارما: ماتعرفيش الخطوبة امتى؟
هاجر: لا لسة محددوش
كارما: تمام تقدري تمشي ولما تعرفي معادها عرفيني
هاجر: انتي ناوية على إيه؟
كارما بخبة: كل خير ان شآء الله
هاجر خايفة من كارما لأنها عارفة انها مش سهلة وانها مش هتعدي الخطوبة دي على خير
يذيد وصل بندى عند محل مجوهرات بيتعاملوا معاه ونزلوا سوا
الجواهرجي: المحل نور يامستر يذيذ
يذيد ابتسم: منور بيك ياعمو وقولنا بلاش مستر دي بقى
الجواهرجي: ماشي ياحبيبي مبروك ليكم
يذيد: الله يبارك فيك، عاوزين بقى تشكيلة حلوة على ذوقك
الجواهرجي: لما كلمتني امبارح حضرتلك تشكيلة حلوة جدا ويارب تعجبكم
يذيد اخد منه العلبة وندى واقفة جمبه وبدأوا يختاروا سوا، اختاروا طقم جميييل اووي كان عبارة عن دبلة دهب سادة عريضة وأنسيال رقيق وخاتم شكل الأنسيال دا كان إختيار ندى اما يذيد إختار ليها باردوا إسويرة جميلة جداا ورقيقة وخاتم بنفس الشكل(بس كانوا سلوتير) وإختار سلسلة دهب وكانت المفاجأة انها كانت بإسمهم الإتنين
ندى: إيه كل دا
يذيد بحب: مافيش حاجة تكتر عليكي ياقلبي
ندى فرحانة بحب يذيد واهتمامه بيها: بس انا مشش هلبس كل دا
يذيد: وإيه يعني مش مهم
الجواهرجي خرج علبة فيها دبلة فضة وكان مجهزها: جهزتها لحضرتك
يذيد اخد العلبة وفتحها وبص لندى: إيه رأيك؟
ندى: جميلة بس مش كنت تستنى نختارها سوا
يذيد ابتسم: حبيت افاجئك بيها عشان كاتب عليها أسامينا
ندى مسكت الدبلة وشايفة اسمها واسم يذيد مكتوب عليها، الدبلة سودا ومكتوب عليها من جوا أساميهم
(Yazeed♡Nada) باللون الأبيض
ندى: جميلة اوي بجد
الجواهرجي: يذيد جه إختارها امبارح وطلب انها تتكتب عليها اساميكم وكمان السلسلة اللي إختارها هو اللي طالب انه يكون عليها اسمائكم
ندى بصت ليذيد بحب: تعرف ان بحب المفاجآت أوي
يذيد: وانا عيوني ليكي
يذيد دفع حساب الشبكة بالفيزا واخد ندى وخرجوا من المحل
يذيد: تحبي تروحي فين؟
ندى: أي مكان
يذيد: إختاري
ندى بتفكير وبتبص ليذيد وكأنها عاوزة تروح مكان ومترددة
يذيد: عاوزة تروحي فين؟
ندى بتردد: الملاهي
يذيد ضحك: والله حسيت
ندى: طب هتوديني ولا لا؟
يذيد: طبعاً هوديكي
ندى فرحانة وركبوا العربية واتحركوا للملاهي
اما كاميليا وزين فوصلوا لنفس المحل اللي كان فيه يذيد وندى ودخلوا
الجواهرجي: يذيد لسة ماشي حالا
زين ابتسم: عامل ايه يا راجل ياطيب
الجواهرجي: الحمدلله ياحبيبي مبروك
زين: الله يبارك فيك، ها يلا مش هوصيك
الجواهرجي: ماتقلقش كل حاجة جاهزة
الجواهرجي جابلهم العلبة وكاميليا واقفة تختار وإختارت نفس شكل دبلة ندى وأنسيال وخاتم بنفس الشكل وطبعا زين باردوا إختار ليها طقم سلوتير مكون من خاتم وأنسيال وكوليه(عقد او سلسلة)
كاميليا: كفاية اللي أنا اختارته يازين
زين: لا انا عاوز كدا
وباردوا الجواهرجي خرج علبة فيها الدبلة الفضة وزين اخدها منه
زين: انا كنت عاوز استنى نختارها سوا بس حبيت افاجئك بأسامينا اللي عليها، الدبلة لونها اسود ومكتوب عليها(Zein♡Kamilia) باللون الأبيض
كاميليا: الله جميلة أوي
زين بحب: جميلة عشان ليكي
كاميليا اتكسفت وخصوصا بوجود صاحب المحل، زين دفع حساب الشبكة بالفيزا بتاعته واخدها وخرجوا
زين: هنروح فين؟
كاميليا: ذي ماتحب
زين: لا انتي عاوزة تروحي فين؟
كاميليا: امم مش عارفة
زين: تيجي نروح اسكندرية؟
كاميليا: بجد؟
زين: ايوا بجد وهكلم عمو مراد وهقوله ونروح نتغدى هناك سوا ونقضي اليوم كله فسحة
كاميليا: ماشي
زين اخدها وركبوا العربية وكلم مراد واستأذن منه ووافق لأنه واثق في بنته قبل مايكون واثق في زين
زين اخد كاميليا وسافروا اسكندرية يقضوا اليوم كله هناك
نيجي شوية لصافي قاعدة في بيتها وعادل رن عليها
عادل: اطلعي البلكونة
صافي بإستغراب: ليه؟!
عادل: اطلعي بس
صافي خرجت واتفاجأت بعادل تحت البيت وماسك دبدوب باندا كبييير وبوكيه ورد
صافي ضحكت: ايه دا
عادل: ايه رأيك
صافي: ايه المفاجأة الحلوة دي
عادل: وحشتيني وكنت عاوز اشوفك فحبيت المرادي تكون مختلفة
صافي بحب: بحبك اوي
عادل: طب ايه مش هطلع
صافي ضحكت: لا ياحبيبي ماما مش هنا
عادل: طب تحبي نخرج واكلمها استأذن منها؟
صافي: طب كلمها على ما أغير هدومي
عادل: ماشي
عادل رن على منى ام صافي ووافقت لأنها هتتأخر وصافي لبست ونزلت وكانت فرحانة
صافي بحماس: هتخرجني فين بقى
عادل: عاوزة تروحي فين؟
صافي بتفكير: عاوزة ادخل سينما
عادل: بس كدا عيوني يلا
عادل اخد صافي وركبوا العربية وفي طريقهم للسينما
هشام قاعد في الشركة بتاعته والسكرتيرة دخلت
السكرتيرة: انسة ليلى بارة
هشام: دخليها بسرعة وتاني مرة تدخل من غير استئذان
السكرتيرة: حاضر
السكرتيرة خرجت وسمحت لليلى تدخل وهشام وقف يرحب بيها
هشام: ايه المفاجأة الحلوة دي
ليلى بكسوف: حبيت اشوفك
هشام بحب: وانتي كنتي وحشاني اوي وكنت هكلمك بس قولت اخلص الشغل الاول
ليلى: انا جيت عطلتك؟
هشام مسك ايديها وباسها: لا وبعدين انتي تعطليني براحتك
ليلى ابتسمت وهشام لغى كل مواعيده وصمم يخرجها (ايه اليوم اللي كله خروجات دا😂)
هالة قاعدة في المكتب وبتخلص شوية اوراق ادامها واتفاجأت بخالد واقف ساند عالباب ادامها
هالة ابتسمت: ايه المفاجأة الحلوة دي
خالد قرب منها: وحشتيني وجيت اشوفك
هالة ابتسمت بحب: وانت كمان وحشتني
خالد: طب يلا نخرج
هالة: لا فيه شغل يا استاذ
خالد ضحك: عادي هستأذن من استاذ كمال
هالة: لا انت تقعد ربع ساعة على ما اخلص شغل ونخرج براحتنا
خالد قعد وشوية ودخل كمال(الصغير) وماسك ملفات في ايده
كمال: بقولك ايه ياهالة ممكن تساعديني في الملفات دي
هالة: طبعاً
كمال شاف خالد: اذيك يا استاذ خالد
خالد: الحمدلله وبعدين مش اتفقنا بلاش استاذ دي
كمال ابتسم: ماشي ياخالد
هالة: وريني الملفات
كمال قعد جمب هالة وبيشوفوا الملفات سوا وخالد قاعد غيران عليها وهالة لاحظت دا، خالد طلع بلكونة المكتب وواقف مخنوق وشوية وكمال خلص وراح مكانه وهالة طلعت البلكونة لخالد
هالة: قعدت لوحدك ليه
خالد ببرود: لما تبقي تخلصي شغلك
هالة ابتسمت: غيران؟
خالد بصلها وسكت ورجع دور وشه بعيد عنها
هالة مسكت ايده ولفته ليها: خالد
خالد: نعم
هالة: بحبك
خالد قرب منها وباسها برقة وبعد عنها: وانا بحبك اوي
هالة اتكسفت وبصت بعيد عنه وخالد ابتسم
خالد: يلا ولا لسة
هالة: يلا
خالد اخدها وخرجوا سوا (يلا اشمعنا هما😂)
يذيد مع ندى في الملاهي وكان لأول مرة يتجنن كدا
يذيد: بقى تدخليني الملاهي ياندى
ندى: وايه يعني
يذيد: ماشي ياستي يلا نمشي
ندى: هنمشي نروح فين؟
يذيد بحب: يلا ناكل عشان انا جعت وبعدها نشوف هنروح فين تاني
يذيد ماسك ايديها وخرجوا يتغدوا سوا بعد كل اللعب دا
نيجي لكارما قاعدة في بيتها وباين عليها بتخطط لمصيبة بس ايه هي بقى هنعرفها في الحلقات اللي جايا