#الحلقة_٢٨
#رواية_قلوب_حطمها_العشق
#بقلم_ايمان_جمال
___________________________
كاميليا قضت الليل كله مع زين عاليخت وكانوا فرحانين جداً ومش عاوزين يرجعوا
زين: ماتيجي نكمل بقية اليوم بكرة كله هنا
كاميليا ابتسمت: المفروض ان هشام والبنات بيحضروا لحفلة عيد ميلادي
زين بإستغراب: وانتي عرفتي منين؟
كاميليا ضحكت: كل سنة بيكونوا عاملين نفسهم مش فاكرين وبيفاجئوني وأنا متأكدة انهم هيعملوا حفلة بكرة لأنك احتفلت بيا في نفس المعاد بتاع كل سنة اللي هما بيحتفلوا بيا فيه
زين: دا انا مراتي مركزة بقى
كاميليا بثقة: طبعاً امال انتوا فاكرين انكم هتفاجئوني من غير ما احس ولا ايه
زين ضحك: ماشي ياكوكي
كاميليا: ممكن بقى نرجع
زين: مانفضل هنا لحد الصبح وكدا كدا حفلتهم بالليل
كاميليا بتفكير: اممم ماشي
زين وكاميليا فضلوا سوا لحد الصبح
في الڤيلا عند هشام والبنات
هشام: المفروض اننا ماندخلش كاميليا الڤيلا الوقتي
نور: ماتقلقش زين اكيد هيصرف
ندى: ايوا واحنا هنظبط الڤيلا ذي كل سنة
سهام و عفاف كانوا فوق ونزلوا ليهم
سهام: مش عاوزين مساعدة؟
ندى: بصي ياسوسو انتي وماما عاوزين منكم خدمة صغيرة
عفاف: ايه هي بقى؟
نور: طبعاً ذي كل سنة هتعملوا حلويات
سهام: وكل سنة باردوا هقولكم نشتري
هشام: ياماما احنا كدا كدا بنشتري وكمان حاجزين تورنة كاميليا اللي عليها صورتها بس الحفلة مش بتحلى غير بالحلويات بتاعتك وبتاعة فوفا
وفاء ضحكت: باردوا هتضحك علينا بكلمتين ذي كل سنة
هشام: مانقدرش طبعاً
سهام: ماشي يا اشقية هنعمل اللي انتوا عاوزينه
سهام وعفاف دخلوا المطبخ مع الدادة يشوفوا هيعملوا ايه ومحمود ويذيد دخلوا سوا من الباب
هشام: انتوا جايين مع بعض؟
يذيد: لا اتقابلنا في المدخل بارة
نور: طب يلا تعالوا ساعدونا
محمود قعد: تمام يلا
قعدوا يرتبوا للحفلة وزين طبعاً هيقضي اليوم كله بارة مع كاميليا قبل الحفلة وعشان كاميليا عارفة ايه هيحصل فطبعا وافقت انها تكون بارة طول اليوم
عند صافي وعادل بقى، صافي تعبانة وقاعدة تستفرغ كتيير ودا من الحمل والدكتور طمنها
عادل: صوفي حبيبتي مش هينفع تروحي الحفلة وانتي تعبانة كدا
صافي: ماينفعش ياعادل دا عيد ميلاد كاميليا ولازم احضره
عادل: وبالنسبة لحالتك دي؟
صافي: هاخد الدوا واكون كويسة
عادل لسة هيتكلم بس الجرس رن والبنت راحت تفتح وكان علي وشريف
علي: حفيدتي عاملة ايه؟
صافي: شوية وهكون شبه البلونة
شريف ضحك: المهم في الآخر يكون البيبي كبير مش صغير
عادل ضحك: ايوا دا المهم
صافي بغضب: ماشي والله لأوريكم
عادل: ياشيخة اقعدي هو انتي قادرة حتى تتكلمي
علي قعد جمبها وحضنها: قوليلي ياصوفي الواد دا مزعلك؟
صافي بصت لعادل واتكلمت بحب: لا طبعاً ياجدو والله دا مستحمل هرمونات حملي اللي بادئة من بدري دي
الجرس رن تاني وكانت منى ام صافي
منى: صباح الخير
الكل: صباح النور
منى قعدت جمب عادل: اذيك ياحبيبي
عادل باس ايديها: الحمدلله ياماما
صافي برفع حاجب: وانا مافيش اذيك
منى ضحكت: لا فيه طبعاً بس ياعيني الراجل طالع عينه معاكي
علي: براحتها تعمل اللي هي عاوزاه
صافي بشقاوة: يعيش جدو حبيبي
شريف بص لعادل وضحك: انا بقول انك تقوم تمشي معايا أحسن
عادل غصب عنه ضحك: انا بقول كدا باردوا
شريف وعادل خرجوا الجنينة وسابوا صافي ومامتها مع جدها وشوية وصافي خرجتلهم
شريف: خرجتي ليه؟
صافي: دا على اساس اني مش فاهمة يعني انتوا قومتوا ليه؟
عادل: طب ليه ياناصحة
صافي: عشان ماما وجدو يتكلموا
منى لسة هي وعلي اصلا مش طايقين بعض بسبب زمان والولاد عاوزينهم يتكلموا
علي قاعد ادام منى وهي عاوزة تقوم وقامت فعلاً بس علي قعدها تاني: اظن ان الولاد خرجوا عشان احنا نتكلم
منى قعدت: هنتكلم نقول ايه؟
علي بهدوء: اظن اننا مش صغيرين عشان نفضل في الخصام دا طول العمر
منى: الخصام دا انت اللي عملته
علي: عارف ان كنت السبب زمان بس دا مش معناته اننا نفضل كدا طول العمر
منى: عاوز تقول ايه؟
علي: عاوز اقول ان كفاية خصام لحد كدا وبلاش لما نشوف بعض نكون كارهين بعض
منى: ومين قال اني كارهاك؟
علي: منى انا مش صغير عشان تسأليني سؤال ذي دا انا راجل كبير وعارف بقول ايه وبعدين يامرات ابني انتي نسيتي ان عقلي يوزن بلد ولا فكراني كبرا وخرفت
منى غصب عنها ضحكت: لا انا ماقولتش كدا ولا فكرت في كدا
علي: طلاما ضحكتي يبقى كدا اتصالحنا ولا لسة فيه حاجة؟
منى: لا مافيش وانا مش زعلانة واللي حصل زمان هعتبره كان ماضي وانتهى خلاص
علي: كدا تمام
اليوم بيعدي والكل مشغول في الڤيلا عشان عيد ميلاد كاميليا وطبعاً زين لسة مع كاميليا بارة البيت، شوية وهالة وفرح وشروق وصلوا الڤيلا وخالد وادهم واحمد مع هشام في الجنينة بيظبطوها وعشان كاميليا بتحب الورد البنفسج فهشام ظبط الجنينة بالورد البنفسج، اما يذيد فخرج هو وندى عشان تشتري هدية كاميليا وهو صمم انها ماتدفعش اي حاجة من معاها لأنه جوزها
ندى: يذيد دي هديتي لأختي وعاوزة ادفع تمنها
يذيد: بس انتي مراتي وطول ما انا معاكي مش هخليكي تدفعي حاجة من معاكي
ندى: ياحبيبي اعتبرني خرجت من غيرك وبشتري لوحدي
يذيد بعصبية: قولتلك لا يعني لا اسمعي الكلام بقى
ندى بهدوء: تمام
يذيد عارف ان ندى بتزعل منه لما بيتعصب عليها بس هو مش عاوزها تدفع حاجة وندى اشترت سماعة 🎧 لكاميليا اللي كانت عاجباها وخصوصا بتحب تسمع اغاني وهي بتلعب رياضة، واشترت ليها كمان دريس جميل جدا بجذمة كعب شيك وغالية، اما يذيد كان محتار يشتري ليها ايه بس في الآخر اختار ساعة غالية جداً وماركتها حلوة، يذيد وندى خلصوا وخلاص هيمشوا بس يذيد حابب يصالحها
يذيد: ندى
ندى بهدوء: نعم؟
يذيد: تعالي نتغدا سوا
ندى بهدوء: لا ويلا نرجعلهم
يذيد مسك ايديها وباسها: لا مش هنرجع وانتي زعلانة مني كدا
ندى بصتله: يعني عارف انك زعلتني؟
يذيد: ايوا عارف عشان انا اتعصبت عليكي وانتي مش بتحبي اني اتعصب عليكي
ندى: طب كويس انك عارف
يذيد بيقرب منها وبيتكلم جمب ودانها: يلا نمشي عشان وربنا هبوسك في وسط الشارع وادام الناس وساعتها بقى شوفي ايه هيحصل
ندى غصب عنها ابتسمت: ماشي يلا
يذيد وندى راحوا يتغدوا سوا وهيخلصوا ويرجعوا الڤيلا
نيجي لزين وكاميليا
كاميليا: انا عاوزة ارجع الڤيلا بقى
زين: يعني زهقتي مني؟
كاميليا: لا والله أبدا بس انا من امبارح صاحية ومانمتش وكمان عاوزة اغير هدومي
زين: بسيطة خالص تعالي نروح ڤيلتنا وتنامي في اوضة ليلى ونكلم البنات يجيبوا ليكي لبس من عندك
كاميليا بتفكير: تمام عشان الحق انام ساعة او ساعتين لان بجد مش شايفة ادامي
زين ضحك: ماقولتلك نامي في اليخت
كاميليا بصتله بحب: يعني كنت عاوزني اسيبك وانام
زين: بس انتي كنتي محتاجة تنامي
كاميليا ابتسمت: بس انا كنت محتاجة اكون جمبك اكتر من اني انام
زين مسك ايديها وباسها: ربنا يخليكي ليا يارب
كاميليا بحب: ويخليك ليا يارب
زين اخد كاميليا عندهم ونامت في اوضة ليلى
في المساء الكل متجمع في الڤيلا عند مراد وعزيز وكاميليا لسة بتجهز في ڤيلا صفي
كاميليا خلصت لبس وكانت لابسة دريس افوايت وفي الوسط حزام لونه كافيه وسابت شعرها كالعادة ولبست جزمة كافيه وزين اخدها ونزلوا وراحوا الڤيلا وطبعا الجنينة كلها متزينة بالورود البنفسج والكل واقف مستني كاميليا
كاميليا دخلت وفرحانة طبعاً بالمفاجأة رغم انها عارفة ان دا هيحصل
الكل: كل سنة وانتي طيبة ياكوكي
كاميليا بسعادة: وانتوا طيبين ومعايا يارب دايما
عزيز ومراد قربوا منها وحضنوها
عزيز: يلا عشان تشوفي الهدية
مراد وعزيز اخدوا كاميليا ووقفوا بيها ادام عربية لونها بتفسج
مراد: ها ايه رأيك؟
كاميليا: جميلة جداً بس انا كدا هيكون عندي تلات عربيات
عزيز: ازاي؟
كاميليا بصت لزين: زين جابلي عربية هدية
مراد: بجد؟
كاميليا: ايوا وبكدا عندي تلاتة
زين قرب منها: ان شالله يكونوا عشرة باردوا نش كتير عليكي
كاميليا بسعادة: ربنا يخليكم ليا يارب
وائل وامل وصلوا والشباب سلموا على وائل وكل واحد فيهم قدم لكاميليا هديته ووقفوا جمب بعض عشان يطفوا الشمع وكاميليا طبعاً هتتمنى أمنية وبصت لزين بحب وسعادة واتمنت أمنية وطفت الشمع وكل واحد اخد حبيبته وبيرقصوا سوا
الكل كان فرحان باللمة دي وصفي ومراد وعزيز وكمال فرحانين بصداقتهم اللي عمرها ما اتغيرت
صفي: بقولكم ايه ماتيجوا نطلع سفرية سوا
كمال: والله فكرة حلوة بس خلوها بعد فرح الولاد
مراد: خلاص تمام نسافر احنا الاربعة ونغير جو
عزيز: ياريت لان من زمان ماخرجناش سهام وعفاف
كمال ضحك: والله مش عارف مستحملين ازاي
عزيز ضحك: خليك محضر خير والنبي
الايام بتعدي والشهور بتعدي شهر ورا التاني ووصلنا لآخر عشر ايام في شهر رمضان والشباب قرروا انهم يعتكفوا في الجامع وان دي خطوة جديدة في حياة كل واحد فيهم
زين: طبعاً كل واحد فيكم عارف هيتجوز امتى؟
يذيد: انت عارف ان عيد ميلادي في شهر ٦ يعني المفروض كمان شهر وبعد امتحانات ندى
خالد: وانا فرحي تاني يوم العيد خلاص
هشام: وانا وهاني سوا بعد العيد باسبوع
وائل: وانا وزين بعد خالد بيومين
خالد ضحك: يعني حتى خلتوني أأجل شهر العسل بتاعي اسبوع بسبب افراحكم
زين ضربوا في كتفه: عجبك ولا مش عاجبك
خالد ضحك: لا عاجبني وربنا
وائل: يلا نقوم نتوضى عشان العصر هيأذن
زين: قوموا انتوا انا لسة على وضوئي هقرأ قرآن شوية
يذيد: ماشي
الشباب قاموا يتوضوا عشان يستعدوا لصلاة العصر، وشوية ووقفوا في صفوف عشان الصلاة والشيخ طلب من زين انه يقيم بيهم الصلاة وزين كان فرحان جداً، شوية والصلاة خلصت وباقي ساعتين ونص على المغرب والشيخ جمع الشباب وقعدوا في حلقة قرآن وبيقرأوا سوا وبعد نص ساعة الشباب طلبوا أكل عشان يعملوا مائدة رحمان ادام المسجد ويجمعوا الناس فيها في العشرة الأواخر ودي كانت اول مرة الشباب يعتكفوا في المسجد ومش هتكون آخر مرة ان شآء الله، عادل كان راح مشوار ورجع ليهم تاني وبدأ يجهز معاهم المائدة والفرحة باينة في عنيهم وفي تصرفاتهم كمان ورغم ان البنات وحشوهم إلا انهم فرحانين جداً باللمة دي وكل واحد فيهم مقرر بينه وبين نفسه ان مرات كل واحد فيهم هتلبس الحجاب
البنات في الڤيلا قاعدين سوا وبيقرأوا قرآن وكل واحدة فيهم لابسة طرحة على شعرها احتراما للقرآن
كاميليا صدقت وقفلت المصحف وبصتلهم: بقولكم ايه انا قررت قرار وهعمله ان شآء الله
البنات صدقوا وقفلوا المصحف وبصولها: قرار إيه؟
كاميليا: ان هلبس الحجاب
ندى: وانا كمان ناوية على كدا
نور: انا كنت ناوية اعمل كدا لان هاني طلب مني ان البسه
ليلى: وانا باردوا هشام كان بيلمحلي بالموضوع
هالة: وانا فكرت في كدا
كاميليا: يبقى نفاجئهم بالخبر دا اول مايرجعوا ويشوفونا
ندى: فكرة حلوة جدا وأكيد هيفرحوا
كاميليا: أكيد لأن دا اللي المفروض يتعمل من زمان
ليلى: تمام احنا بعد الفطار ننزل نشتري هدوم تناسب الحجاب
نور: تمام كدا
بعد الفطار البنات نزلوا وراحوا المول وكل واحدة فيهم اشترت كذا لبس يناسب الحجاب وكمان اشتروا حاجات عشان الفرح، الشباب خلصوا طبعاً الفطار وقاعدين يستعدوا لصلاة التراويح ووقفوا في صفوف والشيخ صلى بيهم والمسجد كان فيه ناس كتير، الأجواء كانت جميلة والكل فرحان وخصوصاً ان الشواري حوالين المسجد متزينة بزينة رمضان والأطفال بيلعبوا بعد الفطار ودا كان في حي السيدة زينب، الصلاة خلصت والشباب قعدوا سوا يتكلموا وكل واحد جواه راحة وفرحة بالأيام دي والوقت اللي ببقضوه جوا المسجد ومع الشيخ ونصايحه ليهم وكل واحد فيهم متأكد انه هيخرج من رمضان مرتاح ومتغير كتيير عن الأول
الايام بتعدي والشباب تقريباً مش بيتكلموا خالص مع البنات وشوقهم لبعض بيزيد يوم عن يوم، خلاص وصلنا لآخر يوم في رمضان اللي هو يوم وقفة العيد والشباب قرروا انهم يفضلوا لحد تاني يوم لما يصلوا العيد ويرجعوا
هشام: بقولكم ايه انا عاوز ارجع
زين: بلاش رخامة يا إتش ومعتش غير النهاردة
هشام: ليلى وحشتني بجد
خالد: ماتتلم
هشام ضحك: يا ابني مراااتي ايه اغنيهالك
زين بسرحان: هو احنا لما نشوفهم بعد غياب عشر أيام هنعمل ايه؟
وائل: اكيد هناخدهم في حضننا
عادل ابتسم: انا صافي وحشتني وهرمونات حملها اللي بتطلع عليا دي وحشتني اوي بجد
يذيد ابتسم: بقولكم ايه انا ماسك نفسي بالعافية فاقعدوا ساكتين وخلوا الليلادي تعدي على خير
كل واحد فيهم قاعد يفكر هيعمل ايه لما يشوف حبيبته، الليل بيعدي وجه وقت صلاة العيد والشباب فرحانين وواقفين جمب بعض بيصلوا العيد وبعد ما الصلاة خلصت كل واحد فيهم عيد على الاطفال اللي في الحي وكانوا فرحانين جداً ورجعوا للبنات، عادل رجع لمراته بعد غياب عشر ايام واول ماشافها شالها ولف بيها
عادل: وحشتيني
صافي: وانت كمان وحشتني اوي ياحبيبي
عادل نزلها: عاملة ايه ياقلبي
صافي: الحمدلله ياحبيبي
عادل حط ايده على بطنها: وحبايب قلب بابا
صافي: كويسين بس نازلين فيا ضرب
عادل ضحك: معلش ياقلبي بكرة يجوا ومش ينيمونل
صافي: انا مستنية اليوم دا اوي
(صافي حامل في توأم ولد وبنت)
باقي الشباب رجعوا ووقفوا ادام ڤيلا مراد وعزيز والبنات خرجوا والمفاجأة هنا بقى ان كل بنت فيهم لبست الحجاب
زين بفرحة: انتوا شايفين اللي انا شايفه
هشام بيقفل عنيه وبيفتحها: دا بجد؟
يذيد ابتسم: أيوا بجد
كل بنت وقفت ادام حبيبها وكل واحد فيهم حاسس انه بيحلم وكل واحد فيهم اخد حبيبته في حضنه
زين: ايه الجمال دا؟
كاميليا في حضنه: ايه رأيك في المفاجأة دي
زين: دي احلى مفاجأة في الدنيا
يذيد حاضن ندى: عارفة بقيتي شبه إيه
ندى: ايه؟
يذيد: شبه الملاك
ندى: بحبك
هشام حاضن ليلى: كدا بقى العيد بقى أحلى بالفرحة دي
ليلى بصتله بحب: كان لازم يحصل من زمان
هشام ابتسم وباس دماغها: بحبك
ليلى: وانا بحبك اوي
خالد حاضن هالة: وحشتيني يا أجمل ملاك عالأرض
هالة ابتسمت بحب: وانت كمان
خالد خرجها من حضنه وبصلها: ايه الجمال دا
هالة بإبتسامة خجل: انا دايما جميلة في عيونك
خالد حضنها تاني: بحبك اوووي
هاني حاضن نور: عارفة انتي نور نازل من السما بالحجاب دا
نور ابتسمت بحب: بحبك اوووي
هاني بحب: وانا بحبك اكتر
وائل راح لأمل بيتها وطبعاً هي كمان كانت لابسة الحجاب وكانت على اتفاق مع البنات واتفاجئ
وائل: ايه الجمال دا
أمل جريت على حضنه: وحشتني
وائل بيحضنها اوي: وانتي كمان وحشتيني اوي
وائل خرجها من حضنها وبصلها بحب: ايه الجمال دا
أمل: ايه رأيك
وائل: ذي القمر ياقلبي
كل شاب عيد على حبيبته بالعيدية وكل واحد فرحان واليوم كان جميل بمفاجأة البنات ودي كانت أجمل حاجة حصلت في اليوم دا وطبعاً النهاردة تعتبر يوم حنة هالة عشان خالد وهالة فرحهم تاني يوم العيد اللي هو بكرة وهالة ومامتها محبوش يعملوا حفلة حنة عشان اهلهم قليلين وكفاية حفلة الفرح بس خالد اقسم انه لازم يفرحها ويحتفلوا بيوم حنتهم عشان كدا اتفق مع البنت بتاعة الحنة انها تاجي والبنات تتجمع سوا وهالة فرحت جدا بالمفاجأة دي وبتحمد ربنا على عوض ربنا ليها وهو خالد، البنات قاعدين مع هالة في اوضة كبيرة وحواليها البنات بتوع الحنة وبيرقصوا وبيحتفلوا والشباب قاعدين لوحدهم وبيحتفلوا بطريقتهم مشغلين مهرجانات وبيرقصوا😂 الليلة عدت جميلة عليهم والصبح طلع والبنات صحيت من نومها وبيجهزوا حاجتهم عشان يروحوا مع هالة الفندق عشان تجهز والشباب قاعدين مع خالد والحلاق عنده وبيحلقله
زين: بقولكم ايه انا نازل وهرجع ليكم تاني
خالد: رايح فين؟
زين: اشوف مراتي
هشام: وربنا ما انت نازل ماتبقاش مقعدنا هنا وانت عاوز تروح تشوف مراتك واحنا لا
زين ضحك: ماهو انا عاوز اشوفها
وائل بغضب: والله ماهتطلع من هنا يازين
يذيد ضحك اوي: بيحبوك اوي
محمود دخل عليهم: حبايب قلبي بيعملوا ايه
عادل: تعالى شوف زين باشا عاوز ايه
محمود: في ايه
زين ببرائة: كل دا عشان بقولهم اروح اشوف مراتي
محمود بصوت عالي: نعممم يا اخويا بتقول ايه انت مش كفاية مقعدنا من الصبح هنا مش عارفين نشوف حد فيهم
يذيد ضحك: اسكت بقى يازين واقعد كلها كام ساعة ونشوفهم
زين: يعني نكون في نفس الفندق وجمب بعض ومش نشوفهم
وائل ضحك اوي: ما انت اللي عملت فينا كدا اتنيل بقى
زين فعلاً كان عاوز يشوف كاميليا بس هو اللي عمل في نفسه كدا عشان حكم عليهم ان مافيش حد فيهم هيشوف حد من البنات، الساعات بتعدي وصفي ومراد وعزيز وكمال طلعوا يشوفوا الشباب عملوا ايه
كمال: ها جاهزين؟
زين: ايوا خلاص خلصنا مستنيين البنات يخلصوا
عزيز: خلاص هما جاهزين ومستنيين العريس يروح ياخد عروسته
خالد: أخيراً يلا وسعولي
يذيد ضحك: أخيراً يا ابني والله الواحد كأنه محبوس
زين: طب يلا ياخويا انت وهو
كل واحد فيهم اخد حبيبته ونزلوا مع خالد وهالة عشان يتصوروا سيشن الفرح والشباب والبنات مصممين يبوظوا التصوير😂
خالد بغضب: وربنا ياكلاب لو مابطلته لهوريكم
زين: وريني هتعمل ايه؟
زين غمز للفوتوجرافر عشان ياخد صور على غفلة
خالد بيجري وراهم والشباب كلها بتضحك واتلموا جمب بعض واخدوا صورة كلها ضحك وفرحة وسعادة والبنات وقفت جمب هالة واخدوا صورة جماعية وبعد ماخلصوا تصوير دخلوا قاعة الفندق لانهم كانوا بيتصوروا في حديقة الفندق، خالد وهالة واقفين في نص القاعة والموسيقى شغالة والكل فرحان بيهم ومسك ايديها وقعدوا في مكانهم والشباب واقفة جمب بعض والبنات قعدوا على ترابيزة واحدة
صفي قرب من الشباب: عقبال يومكم ياحبايبي
يذيد ضحك: كلها يومين وزين ووائل يدخلوا القفص
زين ابتسم وبص لكاميليا: دا احلى قفص والله
هشام: خالد بيشاورلنا
وائل: طب يلا نروحله
الشباب اتجمعت عند خالد
خالد: واقفين بعيد ليه
زين: عاوز ايه ياعريس
خالد: يلا نرقص
يذيد ضحك: ومراتك؟
خالد: ماهو كل واحد فيكم هيرقص مع مراته يلا
كل واحد نزل مسك ايدين مراته وطلعوا عالاستديچ يرقصوا رقصة السلو والكل فرحان بيهم وفجأة زين راح للدي چي وطلب اغنية كاچولوه ورقص عليها هو والشباب مع خالد والبنات واقفين كلهم جمب بعض بيتفرجوا عليهم وفرحانين ويذيد طلب اغنية سهر الليالي وكل واحد فيهم رقص مع حبيبته وفيهم اللي شال حبيبته ولف بيها وفيهم اللي اكتفه بحضن والكل كان فرحان (لما دا يكون في فرح واحد فيهم امال في افراحهم هيعملوا ايه)
الحفلة خلصت وخالد وهالة ركبوا مع زين في عربيته وطبعاً كاميليا معاه ووصلوا ادام ڤيلا خالد والعربيات كلها وقفت
محمود: يلا ياعريس عشان نتعشى
خالد: نعم يا اخويا عشى مين
زين: ايوا طبعاً لازم نتعشى معاك
خالد في ثانية اخد هالة ودخل وسابهم بارة
يذيد ضحك: الواد خلع
وائل: وربنا لازم نرخم
زين ضحك: لا بلاش عشان خالد لو رخم علينا مش هنعرف نخلع منه
هشام: طب يلا ياحلوين ننام عشان عندنا فرح كمان يومين
وائل ضحك: ايوا واياك اشوف حد فيكم بيرخم علينا
زين بثقة: اقسم بالله اللي هيعملها هنفخه، وتليفوني من قبل ماندخل القاعة هيكون مقفول وهمشي الخدم من الڤيلا عشان مهما تخبطوا محدش يفتحلكم
يذيد ضحك: عشان كدا حبيت كل واحد فينا يكون في ڤيلا لوحده
زين: ايوا طبعا عشان البنات تكون براحتها وبعدين انا وانت وخالد وهشام الڤلل بتاعتنا كلها ليها بوابة كبيرة بأمن مشترك يعني مافيش اي حاجة تفصلنا عن بعض غير الحيطان وبس
محمود: والله احسن حاجة عملتوها
هشام: طب يلا نمشي عشان اليوم كان طويل وعاوزين نرتاح
الشباب رجعوا وكل واحد فيهم دخل اوضته ونام بهدومه، اما طبعاً البنات فمصدقوا يشوفوا السرير
تاني يوم الصبح عند خالد، صحي من نص ساعة وقاعد مكانه عالسرير بيبص لهالة وهي نايمة وبدأ يصحيها
هالة فتحت عنيها: صباح الخير
خالد بحب: صباح الورد يلا قومي وحشتيني
هالة ابتسمت بخجل: انت صحيت امتى؟
خالد: من نص ساعة
هالة قامت قعدت: طب ومش صحتني ليه بقى
خالد: حبيت اشوفك وانتي نايمة
هالة اتكسفت وخالد خطف منها بوسة: يلا عشان نفطر سوا
هالة دخلت اخدت دش وخالد طلب من الخدم تحت يحضروا الفطار وقعدوا يفطروا سوا وبعد كدا بنص ساعة كان زين ويذيد تحت وخالد نزلهم
خالد بغضب: نعم؟!
زين برخامة: وحشتنا ياعريس
خالد: لا ياشيخ
يذيد ضحك: اه والله وحشتنا
خالد: طب يلا يابابا انت وهو هش من هنا واشوفكم اخر اليوم
زين خبطه في كتفه: شرفتنا ولا
خالد ضحك: وربنا يازين لو ما اخدت يذيد ومشيتوا هخرجكم بطريقتي
زين قعد على اقرب كرسي وحط رجل على رجل واتكلم بكل ثقة: وريني كدا هتخرجني ازاي
خالد مسك يذيد من قفاه😂: بقولك ايه يايذيد خد اخوك وامشوا
يذيد ضحك اوي: يعني سايبه وجاي تتشطر عليا انا
زين غصب عنه ضحك وقام: خلاص ياخالد كفاية عليك كدا، يلا يايذيد
زين اخد يذيد ومشيوا وخالد طلع لهالة وطبعاً مامتها كانت مع ناريمان في الڤيلا التانية لأنها محبتش تكون معاهم من أول يوم كدا
زين ويذيد بعد مامشيوا من عند خالد راحوا يشوفوا كاميليا وندى بس اول ماوصلوا عرفوا ان هشام لسة نايم
زين بص ليذيد وغمزله: هل تفكر فيما أفكر فيه؟
يذيد ضحك: اي نعم ياسيدي
زين: يلا بينا
زين ويذيد طلعوا لأوضة هشام وفتحوا الباب ودخلوا وواقفين بيفكروا هيصحوه ازاي
زين بص ليذيد: عاوز ولاعة
يذيد: ناوي على إيه؟
زين: هقولك بس انزل هاتلي ولاعة من المطبخ
يذيد: ماشي
يذيد نزل وزين بيدور في ورق هشام على ورقة فاضية واخد ورقتين وطبقهم ويذيد طلع ومعاه الولاعة وزين اخدها منه وراح عند رجلين هشام وحط مابين صوابعه الورق وولع فيهم وبعد ثواني هشام قام مفزوع بسبب النار
هشام بصوت عالي: حريقة
يذيد وزين واقفين بيضحكوا عليه وهو قام بيجري وراهم وهما نزلوا جري والبنات خرجت على صوتهم
ندى: في ايه؟
هشام بغضب: انتوا وربنا مجانين ايه اللي انتوا هببتوه دا
كاميليا: في ايه اللي حصل؟
هشام: الاساتذة دول ولعوا فيا وانا نايم
ندى بصدمة: نعم!؟
يذيد وزين بيضحكوا ومش قادرين يتكلموا من كتر الضحك
كاميليا ضحكت على ضحكهم، وهشام بصلها: نعم ياختي انتي بتضحكي
زين: اتكلم معاها عدل
هشام بغضب: ياشيخ اتنيل اقسم بالله يازين مافيه حد هيرخم عليك غيري بس صبرك عليا
هشام طلع وسابهم وهما لسة قاعدين يضحكوا
ندى: بتولعوا في اتش حبيبي
يذيد بغضب: حبيبك مين
ندى بدلع: انت ياحبيبي
زين ضحك: مسيطر انت اوي
زين اخد كاميليا وخرجوا الجنينة ويذيد قعد مع ندى وبيستحلفلها
ندى: ما خلاص يادودو بقى
يذيد بغضب: يعني عاوزاني اسمعك بتقولي عليه حبيبك واسكت ياندى
ندى حست انه زعل فعلاً وقربت منه بتوتر وخطفت بوسة من خدوده: انا اسفة
يذيد: انتي عملتي ايه؟
ندى بخجل: صالحتك
يذيد: ازاي
ندى: والله ماهقول وبطل رخامة
زين قاعد مع كاميليا ومش راضي يشيل عينه من عليها
كاميليا: بطل تبصلي كدا
زين: ليه؟
كاميليا بكسوف: عشان بتكسفني
زين ابتسم: اعمل ايه ما انتي اللي جميلة وبقيتي اجمل بالحجاب
كاميليا: حبيت اسمع كلامك والبسه والحمدلله مقتنعة بيه
زين: وعشان كدا جميل عليكي
كاميليا: ناوي تعمل ايه في اليومين دول
زين: مش عارف بس كدا كدا الشباب ناويين يخدوني منك يوم الحنة
كاميليا ضحكت: ومين قالك أصلا انك كنت هتبقى معايا
زين بإستغراب: يعني ايه؟
كاميليا: يعني انا وأمل متفقين ان لا انت ولا وائل هتشوفونا غير واحنا بالفستان الأبيض والكلام دا هيبدأ من بكرة
زين: نعمم ياختي بتقولي ايه سمعيني كدا تاني
كاميليا ضحكت: اللي سمعته ياحبيبي
زين: لا كدا حرام والله
كاميليا: لا مش حرام دا حاجة كدا تغيير عشان نغيب عنكم شوية
زين قرب منها واتكلم بحب: يعني عاوزة تغيبي عني يومين
كاميليا بخجل: معلش استحمل اعتبرهم ذي العشر أيام اللي كانوا في رمضان
زين: بجد مش هقدر ياكاميليا
كاميليا ابتسمت بحب: لا هتقدر وصدقني هيكون ليها فرحة تانية خالص
زين فعلاً مضايق بس هو متأكد انها لما تغيب يومين عنه هيشتاق ليها أكتر وهو جرب الإحساس دا لما كان في الإعتكاف
زين: ماشي ياكاميليا موافق
نيجي بقى لوائل واقف في نص الڤيلا وحاطت ايده في وسطه: سمعيني كدا بتقولي ايه
أمل ضحكت: اللي سمعته ياحبيبي
وائل: يعني عاوزاني ما اشوفكيش يومين يا أمل
أمل: ايوا ودا اتفاقي مع كاميليا
وائل: دا على اساس ان زين هيوافق أصلا
أمل: اكيد هيوافق
وائل: طب انا هتفق معاكي اتفاق لو هو فعلاً وافق هوافق
أمل: موافقة
وائل طلع تليفونه وكلم زين وانصدم أول ماعرف انه وافق وقفل التليفون وواقف يبص لأمل بغضب
أمل ضحكت على منظره: ايه ياحبيبي انصدمت
وائل جري وراها وهي بتجري ادامه: وربنا يا أمل ماهسيبك
أمل بتجري وبتضحك: اعقل يامجنون
وائل: انتي خليتي فيها عقل قال اقعد يومين ما اشوفكيش قال
أمل وقفت لأنها مش قادرة تجري وهي بتضحك: لا كفاية جري كدا
وائل مسكها: يعني عاجبك الاتفاق دا
أمل اتكلمت بحب: أيوا عاجبني عشان مش هقدر انسى يوم مارجعت من الاعتكاف وشوقك ليا كان له احساس وشعور تاني وانا عاوزة احس الاحساس دا تاني وانت شايفني ادامك بالفستان الأبيض
وائل بصلها بحب: رغم ان دا بجد هيكون صعب عليا لأن انا لسة راجع وملحقتش اشبع منك بس هسمع كلامك وهعملك اللي انتي عاوزاه وبعد كدا مافيش اي اتفاقات تاني
أمل: حاضر
وائل رايح يخطف بوسة بس هي بعدته: لا يوم الفرح ياحبيبي
أمل جريت من ادامه وهو واقف هيولع بسبب التصرفات دي
آخر اليوم الكل متجمع عند خالد وهالة وبيباركوا ليهم
عزيز: مبروك ياعريس عقبال الباقي
خالد ضحك: الله يبارك فيك ياعمو هانت كلها يومين ونفرح فيهم
زين: بس يابابا خليك في حالك
هشام اتكلم بكل خبث: بقولك ايه ياخالد ياحبيبي بعد يومين عاوزك معايا في خطة
يذيد كان بيشرب وشرق وبص لزين وضحك: قابل يامعلم
زين بثقة: ابقى قابلني ياهشام مش هتقدر تعمل حاجة
هشام: هنشوف يازين
صفي: في ايه؟
هشام: يرضيك ياعمي زين ويذيد النهاردة الصبح جايين يصحوني يقوموا يولعوا في صوابع رجلي
مراد بصدمة: نعم؟!
زين ضحك: دا احنا كنا بنهزر معاك يا إتش
هشام: لا ياشيخ وربنا ماهتفلت من تحت ايدي صبرك عليا
زين: ابقى قابلني واراهنك ياهشام انك مش هتقدر تعمل حاجة
هشام بتحدي: ماشي يازين
البنات قاعدة مع هالة فوق وشوية وجاتلهم أمل
أمل: وحشتوني
كاميليا: أهلا بشريكي
ندى ضحكت: انا بجد مش مصدقاكوا ازاي اقنعتوهم يوافقوا عالهبل دا
أمل: لازم فرحتنا تكون ليها شكل مميز كدا
نور: ايوا ياعم انا بفكر اعمل كدا مع هاني
هالة ضحكت: ابقي قابليني لو وافق أصلا وبعدين انتي هتتجنني عليه اكتر ماهو هيتجنن عليه
نور بتوهان: اه والله يابنتي
ندى: طب انا اعمل ايه مع يذيد
كاميليا ابتسمت: محدش يقدر يقولك تعملي ايه شوفي قلبك عاوز ايه واعمليه وخلي يومك مميز بيكي انتي وبتفكيرك
ندى: الله عليكي ياكوكي
نور: انا عاوزة يوم فرحي يوم مميز
أمل: كل واحدة فينا تقدر تخلي يومها يوم مميز
الدادة طلعلتهم وعرفتهم ان زين ووائل عاوزين أمل وكاميليا وهما نزلوا يشوفوا في ايه
كاميليا: في ايه؟
زين: المفروض اننا مش هنشوفكم من بكرة يبقى عله الأقل نقضي اليوم سوا
أمل بهدوء بصت لكاميليا: لا يازين
وائل: نعم ياختي بتقولي ايه
كاميليا بهدوء: اللي سمعتوه
زين بزعل: بس مش دا اللي قولتيه
كاميليا: محبتش اقوله ليك كدا واصدمك
زين بسخرية: تصدميني؟ لا كتر خيرك
زين سابهم ومشي وهي حاسة انها زودتها بس هي عاوزة يومهم يكون مميز، اما وائل فواقف ادام أمل ومضايق
أمل: ماتزعلش
وائل: يعني انتي مبسوطة باللي بتعمليه دا؟
أمل: صدقني هيكون احساس حلو
وائل: ماشي يا أمل انا ماشي
وائل مشي ورا زين وكل واحد جواه مضايق وفي نفس الوقت شوقهم لبعض بيزيد اووي، شوية وكل واحد رجع بيته والبنات قاعدة مع بعضها في اوضة كاميليا
نور: المفروض ان بكرة هيكون فاضي وبعده يوم الحنة
كاميليا: بكرة المفروض نخلص حاجاتنا الشخصية عشان يوم الحنة نرسم الحنة
ندى: طب انتي رتبتي الحاجات في الڤيلا خلاص صح
كاميليا: أيوا ما احنا مظبطين كل حاجة قبل الوقفة بيوم
نور: طب تمام هي أمل هتيجي هنا؟
كاميليا: أيوا هتيجي من بكرة وهتكون معانا هنا
ندى: طب تمام انا هروح اكلم يذيد واقعد اذاكر شوية
ندى خرجت تكلم يذيد شوية عشان تقعد تذاكر وبتحاول على أد ماتقدر انها ماضيعش وقت وكانت رافضة ان ليلى تتجوز قبل الامتحانات وخصوصاً ان ليلى الإمتحانات في الترم الأول كانت صعبة عليها بس ليلى حبت تكون مع هشام قبل الإمتحانات، خلاص اليوم عدا وأمل جات لكاميليا من الصبح وقاعدين لوحدهم بيتكلموا
أمل: على فكرة وائل مش بيرد عليا من امبارح
كاميليا: مش احنا اتفقنا يا أمل اننا مش نرن عليهم
أمل: بصراحة حسيت اننا ذودناها شوية معاهم وحسيت كمان ان وائل زعل فحبيت اصالحه
كاميليا: أمل لو انتي شكة ان اللي بنعمله دا مش هيكون حلو وكويس لينا تقدري ترفضي وانا هكمل
أمل برفض: لا طبعاً انا معاكي لأن فرحة وائل بيا بعد غياب عشر أيام عمري ماهنساها وعاوزة اشوف الفرحة دي تاني يوم فرحنا
كاميليا: يبقى تجمدي كدا بقى وبلاش ضعف وخلينا نشوف ورانا إيه
أمل: ماشي يلا
كاميليا وأمل بدأوا يشوفوا هيعملوا ايه ويخلصوا كل حاجة اما وائل وزين فهما بيحاولوا يصبروا نفسهم شوية وكأنهم في ايام الإعتكاف بس كل واحد فيهم جواه شوق وحنين بحجم العالم كله
نيجي شوية لعادل وصافي بقى، صافي طبعا حامل وفي شهرها الرابع وخلاص داخلة في الخامس وبطنها طبعاً عشان توأم فباينة جداً وواقفة ادام المراية
صافي: بقى انا هلبس الفستان ازاي ببطني دي
عادل ضحك: والله هيكون حلو عليكي
صافي: حلو ايه ياعم انا كدا هكون شكل البطيخة فيه
عادل ضحك اوي: يابنتي والله هتكوني حلوة صدقيني
صافي بصتله بنص عين: لا انت بتضحك عليا
عادل قرب منها ووقف وراها ودور وشها للمرايا: انا اقدر اضحك عليكي دا انتي النور اللي منور حياتي
صافي ابتسمت بحب وسندت ضهرها على صدره: بحبك اوي
عادل باس دماغها: وانا بحبك جداً ويلا عشان ناكل سوا لأني جعان