رواية_قلوب_حطمها_العشق
الفصل الرابع عشر
بقلم_ايمان_جمال
ندى واقفة مستنية رد يذيد وهو واقف ساكت ومش بيرد وفي اللحظة دي دخل زين واتفاجئ بندى
زين: ايه دا ندى هنا
ندى بإبتسامة: اذيك يازين؟
زين: الحمدلله انتي عاملة ايه الوقتي؟
ندى: الحمدلله
زين بص ليذيد وبص لندى: هو في حاجة؟
ندى بإبتسامة حزن: لا ابدا كنت جايا اسأل دكتور يذيد عن حاجة بس خلاص عرفت الرد عن اذنكم
زين مستغرب كلام ندى ومش فاهم في ايه وبص ليذيد: في ايه؟
يذيد: مافيش
يذيد سابه وراح اوضته وزين راح وراه
زين: انت ياعم
يذيد: نعم
زين: ندى كانت جايا ليه؟
يذيد: مافيش جايا تسألني عن حاجة
زين: ايوا حاجة ايه
يذيد بعصبية: ماخلاص يازين
زين بإستغراب: في ايه يايذيد؟
يذيد بعصبية وصوت عالي: انا قولت مافيش في ايه ماتفهم بقى
زين بيزعل من يذيد لما بيتكلم معاه بعصبية وبيعلي صوته، زين بصله: ماشي يايذيد
زين سابه ومشي ويذيد قاعد مضايق انه زعل اخوه الكبير لأنه عارف ان زين بيزعل من كدا
ندى رجعت ڤيلتهم وهشام واقف في المدخل مستنيها
هشام: ها قالك ايه؟
ندى بتوتر: هو مين؟
هشام بغضب: انا مش عيل صغير عشان تقوليلي مين
ندى بصت في الأرض بحزن وسكتت
هشام قرب منها ومسكها من دراعها بغضب: قالك ايه؟
ندى رفعت وشها ودموعها نزلت: ياريته قال
ندى سابت هشام وطلعت اوضتها وقعدت تعيط جامد وهشام واقف مخنوق ومضايق من تصرفت يذيد وقرر بينه وبين نفسه انه مش هيتكلم معاه تاني عشان مش يقلل من ندى
كاميليا قاعدة مع اصحابها ونور قاعدة مع هاني
ادهم: يعني عاوزة تفهمينا انك لسة مش عارفة اذا كنت بتحبيه ولا لا
كاميليا: اه والله لان لسة مش عارفة حقيقة مشاعري
فرح: بس انتي مشدودة له
كاميليا: ايوا بس دا مش كفاية
احمد: تقصدي ايه؟
كاميليا: بصراحة بقى انا حاسة ان زين متردد
شروق: ازاي؟
كاميليا: يعني بلاقي مشاعره شوية كويسة وشوية فيها خوف
أدهم: انتي تعرفي ايه سبب الخوف دا؟
كاميليا: ايوا
احمد: ايه هو؟
كاميليا: ان زين حب قبل كدا
فرح: طب وفيها ايه
كاميليا حكتلهم عن حب زين لكارما وعن خيانتها
شروق: طب ودا يخليه يخاف من ايه؟
كاميليا: يخاف من اللي حصل وانه يفضل فاكر ان كله ذي بعضه
ادهم: بس دا غلط ياكاميليا لأنه المفروض يكون واثق فيكي
كاميليا: اهو دا اللي بفكر فيه وفي نفس الوقت برجع واقول غصب عنه
احمد: انتي على فكرة حبتيه مش مجرد مشاعر وبس
كاميليا بصت في الارض واتكسفت
ادهم ضحك: مش وقته كسوف خالص انطقي
كاميليا: ايوا حبيته بس خايفة
شروق: من ايه؟
كاميليا: انه يجرحني
ادهم: لو ببحبك بجد هيخاف يجرحك وبعدين من كلامك عنه انه بيغيير عليكي اوي
كاميليا: ايوا
فرح: يبقى بس كدا بيحبك اووي وبجد
كاميليا: تفتكروا؟
شروق ضحكت: ايون
كاميليا: طب يعني اقوله؟
ادهم: شوفي قلبك بيقولك ايه
كاميليا: قلبي بيقولي اقوله وعقلي بيقولي اصبري
احمد: يبقى صلي استخارة
كاميليا: انا فكرت فيها فعلا
ادهم: يبقى اعمليها وساعتها تشوفي
كاميليا: تمام
نور وهاني قاعدين سوا في جمب لوحدهم
نور: كدا مش تكلمني خالص النهاردة
هاني: اعمل ايه والله كنت مشغول اوي النهاردة
نور ابتسمت: ولا يهمك ياحبيبي ربنا معاك
هاني مسك ايديها وباسها: امتى بقى نتجمع في بيا واحد
نور بكسوف: هانت ياحبيبي
هاني: هانت ايه واخوكي مصمم نستنى كلنا نتجوز في يوم واحد
نور ضحكت: يا ابني كويس انه قالك كدا ومقلش نستنى كاميليا لما تتخطب
هاني بزعل طفولي: وربنا مايحصل ابدا
ندى قاعدة في اوضتها وسيف رن عليها وهي ردت
سيف: ضايقتك؟
ندى: لا ابدا انا قاعدة فاضية
سيف: عاملة ايه؟
ندى: الحمدلله تمام وانت
سيف: تمام طول ما انتي تمام
ندى سكتت ومش عارفة تقول ايه
سيف: مش هتقوليلي ردك؟
ندى باردوا ساكتة ومش بترد
سيف: ندى
ندى: نعم
سيف: ممكن اسألك سؤال؟
ندى: اتفضل
سيف: انتي بتحبي يذيد صح؟
ندى سكتت ومردتش عليه خالص
سيف: انا بسألك عشان تردي مش عشان تسكتي
ندى: هرد اقولك ايه؟
سيف: تردي تقولي ايوا بحبه
ندى: ومين قالك كدا
سيف ابتسم: عشان اللي بيحب بيحس بأي حد بيحب ياندى، حبك باين في عنيكي رغم انك بتخبيه طول الوقت بس عنيكي فضحاكي
ندى: سيف انا بجد اسفة
سيف: ماتتأسفيش عشان حبنا مش بإيدينا وانا عاذرك وصدقيني بتمنى ليكي السعادة من كل قلبي
ندى: بجد انت انسان طيب اوي
سيف ابتسم: وانتي كمان بس ممكن بقى ماتخبيش حبك
ندى: وأبينه ليه ولمين؟
سيف بعدم فهم: مش فاهم
ندى: ماتشغلش بالك بس كل اللي هقوله ليك اني هفضل مخبية مشاعري جوايا لحد ما اكون متأكدة ان خلاص جه الوقت اللي هظهرها فيه
سيف: محتاجة مساعدة؟
ندى: صدقني لو احتاجت انت اول حد هحتاج مساعدته
سيف: وانا دايما جمبك
ندى: بجد متشكرة اوي ليك
سيف: انا معملتش حاجة، انا هنام بقى عشان ابن عمك هينفخني شغل بكرة
ندى ضحكت: ماشي تصبح على خير
سيف: تلاقي الخير يارب
ندى قفلت مع سيف ونامت رغم حزنها بس قبل ماتنام بعتت رسالة لليلى انها رفضت طلب سيف
ليلى كانت قاعدة في اوضتها لما وصلتلها رسالة ندى وفرحت اوي ان ندى رفضت سيف وحبت تقول ليذيد وراحتله اوضته وخبطت ودخلت
يذيذ: تعالي ياليلى
ليلى دخلت: كنت جايا اقولك حاجة
يذيد: قولي
ليلى: ندى قبلت طلب سيف
يذيد في اللحظة دي كان ماسك مج قهوة وبيشربه وفجأة وقع منه: بتقولي ايه؟
ليلى: ندى قبلت انها تتخطب لسيف خلاص
يذيد وقف وبيحاول يكون كويس وبص لليلى: وجايا تقوليلي ليه؟
ليلى: عادي حبيت اعرفك
يذيد: تمام
ليلى خلاص هتسيبه وتخرج بس لفت وشها واتكلمت: على فكرة يايذيد ندى رفضت سيف بس حبيت اشوف رد فعلك لو كانت قبلت كنت هتعمل ايه، اسمع يا يذيد لآخر مرة بقولهالك الحق ندى قبل ماتخسرها بقسوتك
ليلى قالت كلامها ومشيت وهو قاعد فرحان ان ندى رفضت سيف
تاني يوم الصبح، ندى صحيت وجهزت عشان تروح الجامعة بس النهاردة قررت انها تسوق عربية كاميليا وهشام كان رافض
هشام بغضب: قولت لا
ندى: على فكرة انا بعرف اسوق
هشام: وانا قولت لا ياندى
ندى بعناد: وانا هسوقها ياهشام
هشام وقف ادامها: بتقولي ايه؟
ندى بخوف: قولت هسوقها
هشام بصوت عالي: اقسم بالله ماهتسوقيها
ندى بتخبط في الارض برجلها ذي الاطفال: لا هسوقها
مراد وعزيز نزلوا على صوتهم
مراد: في ايه ياولاد
هشام: تعالى ياعمو شوف ندى عاوزة تسوق عربية كاميليا
عزيز: وفيها ايه ياهشام؟
ندى وقفت جمب عمها: قوله ياعمو
هشام بعصبية: بت انتي اصطبحي وقولي ياصبح
ندى بعناد وتحدي: هسوقها ياهشام
مراد بغضب: ندى
ندى بصت لأبوها وسكتت
مراد: كلمة ذيادة مش عاوز هشام قال لا يعني لا
عزيز: ماتسيبها يامراد تسوقها
مراد: لا ياعزيز عشان هي لسة مش بتعرف تسوق كويس
ندى بدموع: لا بعرف
هشام بهدوء: خلصي السنة دي وانا هجيبلك العربية اللي انتي عاوزاها واهو تكوني عرفتي تسوقي احست
ندى جريت عليه وحضنته: حبيبي يا إتش
في اللحظة دي يذيد دخل الڤيلا وشايف ندى في حضن هشام
مراد شاف يذيد: تعالى يايذيد
ندى بعدت عن هشام وبصت ليذيد وبصت لهشام
يذيد بهدوء: صباح الخير
عزيز: صباح النور ياحبيبي
يذيد: بعد اذنك ياعمو مراد هاخد ندى معايا للكلية
مراد: ماشي ياحبيبي….مراد بص لعزيز: يلا احنا نروح الشركة
مراد وعزيز مشيوا وندى واقفة مستغربة اللي بيحصل وهشام واقف مش فاهم حاجة
هشام: وانت توصلها ليه؟
يذيد بيبص لندى اللي واقفة جمب هشام: انا عاوز اخدها معايا ياهشام
هشام بعناد: لا هي هتروح معايا
يذيد بهدوء: لا ليلى اللي هتروح معاك
هشام بعناد اكبر: لا هاخدها معايا هي وليلى
يذيد بص لندى: طب نشوف هي هتختار مين
هشام بص لندى ومستنيها تختار
ندى: انا هروح لوحدي
هشام: ودا من امتى ان شآء الله
ندى: من دلوقتي
هشام بهدوء: ندى ما تعصبنيش
ندى بصت ليذيد ورجعت بصت لهشام: انا مش بعصبك والله بس انا لا عاوزة اروح معاك ولا معاه
هشام بنفاذ صبر: انا طالع البس
هشام سابهم وطلع ويذيد واقف ادام ندى
يذيد: هتروحي معايا
ندى: لا
يذيد بيقرب منها: لا هتروحي معايا ياندى
ندى: لا مش بمزاجك
يذيد بيقرب اكتر لحد ماقرب منها ومسك ايديها: لا هتيجي معايا
ندى مكسوفة من قربه: لا مش هاجي
يذيد قرب بوشه عند ودانها وهمسلها: اطلعي جيبي شنطتك ويلا نمشي
ندى اتوترت ولسة هترد شافت سيف داخل من باب الڤيلا: لا انا هروح مع سيف
يذيد بصلها بغضب وبص وراه شاف سيف ورجع بصلها: شايفة كدا يعني؟
ندى مش عاوزة تزعله وعاوزة تصلح الامور مابينهم وسكتت
سيف: صباح الخير
يذيد: صباح النور
سيف: اذيك يايذيد
يذيد: الحمدلله اذيك انت
سيف: الحمدلله
هشام نزل وشاف سيف
هشام: كويس انك جيت
سيف: خير؟
هشام: عاوزك تسبقني عالقناة عشان هوصل البنات الجامعة
يذيد: وصل خطيبتك وانا هوصل ندى
هشام بتحدي وقف ادامهم: هي مش قالت هتروح لوحدها؟
يذيد بص لندى ومستنيها تتكلم
ندى بصت في الارض واتكلمت: هروح مع يذيد
يذيد فرح اوي وابتسم بإنتصار وبص لهشام اللي واقف غيران
هشام: بقى كدا ياندى؟
ندى: ماهي ليلى هتروح معاك
هشام: تمام
هشام وسيف خرجوا وندى واقفة مضايقة
يذيد: مالك؟
ندى: انا هخرج اصالحه واجي
ندى خرجت ورا هشام اللي لسة ماركبش عربيته وكأنه مستنيها
ندى: إتش
هشام: نعم
ندى: هات بوسة
هشام ماسك نفسه من الضحك: لا انا زعلان منك
ندى قربت عليه: مش عاوزاك تكون زعلان
هشام: يعني تسبيني وتركبي معاه؟
ندى بحزن: عاوزة اعرف هو عاوز ايه وعاوزة احسن الامور مابنا
هشام بص لسيف اللي واقف متابع الحوار وبص لندى: طب وسيف؟
ندى بصت على سيف وابتسمت: سيف دا احسن صديق في الدنيا
هشام ابتسم واخدها في حضنه: انا مش هعارضك بس عشان خاطري خلي بالك من نفسك
ندى: حاضر ويلا هات بوسة
هشام ضحك وباسها من خدها وفي اللحظة دي يذيد خرج وشافهم وواقف متعصب
هشام ضحك وبيغمز ليذيد ويذيد واقف متعصب
هشام لندى: انا هاخد ليلى وامشي قبل ما الأخ دا يموتني
ندى ضحكت: كدا هتخلع وتسبني
هشام: دا غبي يلا سلام
هشام اخد عربيته واخد ليلى معاه وسيف مشي وراهم، وندى واقفة ادام يذيد
يذيد بغضب: اقسم بالله لو لاقيته بيحضنك تاني هضربه
ندى بهدوء: على فكرة هو اخويا
يذيد بيقرب منها: وانا مش عاوزه يعمل كدا
ندى بتوتر: طب ابعد عشان اطلع اجيب شنطتي
يذيد مسك ايديها: طب ماتيجي نخرج
ندى بصتله: والجامعة؟
يذيد: عادي مش مهم النهاردة
ندى ضحكت: بقى دكتور يذيد بنفسه عاوز يخلع من الكلية
يذيد باس ايديها: دكتور يذيد بيتغير عشانك
ندى مبسوطة من كلامه وبصتله اوي: طب ممكن دكتور يذيد يجاوبني على سؤالي بتاع امبارح
يذيد: يعني بكل تصرفاتي دي مش عرفتي الاجابه؟
ندى بكسوف: لا
يذيد قرب من ودانها وهمس: بحبك ياندى
ندى فرحت اوي انه اعترف ليها بحبه
يذيد: يلا نخرج
ندى: طب استنى اجيب شنطتي وتليفوني
يذيد: لا سبيهم وانا هقفل تليفوني
يذيد اخدها وخرجوا وقضوا اليوم كله سوا
كاميليا حبت تروح لزين المكتب وتفاجئوا
زين قاعد مشغول وهاجر قاعدة تتابعه بنظراتها وقامت وراحت وقفت ادامه
هاجر: احب اعملك قهوة
زين بإرهاق: ياريت والله
هاجر: حالا
هاجر راحت تعمل لزين القهوة وكاميليا دخلت المكتب
كاميليا: صباح الخير
زين اتفاجئ بس فرح انها ادامه: ايه المفاجأة الحلوة دي
كاميليا ابتسمت: بجد حلوة؟
زين وقف: ايوا طبعا حلوة
كاميليا: حبيت اشوفك فقولت اجيلك
زين ابتسم: ايوا بقى
هاجر جات وشايلة القهوة واتفاجأت بكاميليا
هاجر: ايه دا انتي هنا؟
كاميليا: ايوا عاملة ايه ياهاجر؟
هاجر: الحمدلله
زين: هاتي القهوة
زين اخد القهوة: كوكي اقعدي هخلص الورق اللي ادامي دا ونخرج
كاميليا: حاضر
كاميليا قعدت ادام زين وهاجر مضايقة من وجودها وبدأت تستنتج ان زين بيحب كاميليا، عادل دخلهم وشاف كاميليا
عادل: وانا اقول المكتب منور ليه أتاري كاميليا هنا
كاميليا ابتسمت: إزيك ياعادل؟
عادل: الحمدلله انتي عاملة ايه؟
كاميليا: الحمدلله
عادل بص لزين: بقولك ايه هو ايه الحكاية؟
زين: حكاية ايه
عادل: الاستاذ كمال ماله دا مشغل ام كلثوم جوا
زين ضحك: وانت مالك يارخم انت ماتسيبه براحته
عادل: لا ماهو انا عاوز افهم في ايه
زين: روح اسأله
عادل: لا ياشيخ يعني انا مش عارف ادخل اسأله بس انت اكيد عارف في ايه
زين لسة هيتكلم بس الاستاذ كمال دخل عليهم
كمال: ايه دا كاميليا هنا
كاميليا ابتسمت: اذي حضرتك
كمال: الحمدلله انتي عاملة ايه
كاميليا: الحمدلله
كمال بص لزين ولعادل: انا عازمكم على العشا النهاردة
عادل: حضرتك كويس؟
كمال ضحك: اه ليه؟
عادل: اصل حضرتك مشغل ام كلثوم وكمان هنخرج نتعشا سوا
كمال: يعني هي اول مرة؟
عادل: لا بس يعني مش عوايد حضرتك انك تشغل اغاني في المكتب
كمال: مبسوط شوية
زين: يارب دايما يارب
كمال: هستناكم عندي في الڤيلا الليلادي وكلموا هاني وهشام وسيف ويذيد
زين: كمان؟
كمال: ايوا انت عارف اننا اتعرفنا على بعض في الرحلة
عادل: يبقى السهرة للصبح
كمال ضحك: موافق
زين: طب وكمال الصغير؟
عادل ضحك: كمال لسة بيدرس سيبوه يركز في الكلية
في اللحظة دي دخل كمال الصغير
كمال: مين قال اني مش هعرف اركز بقى
الاستاذ كمال: يعني ايه؟
كمال: يعني هسهر معاكم
زين ضحك: كملت
الاستاذ كمال: طب وماما؟
كمال: ماتقلقش ماما اول ماهقولها ان هسهر مع حضرتك مش هتقول حاجة
زين غمز للإستاذ كمال: يبقى كدا كملت السهرة
الاستاذ كمال: تمام وانا دلوقتي همشي اشوفكم بالليل بقى
الاستاذ كمال مشي وسابهم وزين شوية واخد كاميليا وخرجوا اما هاجر فمسكت تليفونها ورنت على كارما
هاجر: ايوا يا كارما انا عرفتلك زين حب مين
نيجي شوية لخالد وهالة، خالد اخد ورد لونه احمر وراح لهالة الجامعة وهي كانت خارجة مع صاحبتها واتفاجأت بخالد واقف ادم الجامعة وراحت عنده
هالة: ايه المفاجأة الحلوة دي
خالد: وحشتيني
هالة بحب: وانت كمان
خالد عطاها الورد: اتفضلي
هالة اخدت الورد ومبسوطة: دا عشاني؟
خالد: طبعاً عشانك ويلا بقى عشان نخرج
هالة: طب وشغل المكتب؟
خالد: لا انا عرفت من زين ان مافيش هناك غير عادل وهاجر وكمال وبس حتى الاستاذ كمال مشي
هالة: بس كدا الاستاذ كمال هيضايق
خالد: لا مش هيضايق يلا بقى
خالد اخد هالة وخرجوا سوا
زين قاعد مع كاميليا في كافيه وهي باين عليها انها عاوزة تقول حاجة
زين: عاوزة تقولي ايه
كاميليا ابتسمت: وعرفت منين اني عاوزة اقول حاجة؟
زين: احساس
كاميليا: امممم ياعم الاحساس
زين ضحك: ها يلا قولي
كاميليا متوترة ومكسوفه واتكلمت: بحبك
زين عامل نفسه مش سامع: ها قولتي ايه؟
كاميليا بكسوف: على فكرة مش هقولها تاني
زين: لا والنبي تقوليها
كاميليا: يعني سمعتها؟
زين: تؤتؤ
كاميليا: ياسلام
زين ضحك ومسك ايديها: قوليها تاني
كاميليا بحب: بحبك
زين باس ايديها: انا اللي بحبك اوي ياكاميليا بجد
كاميليا: يعني مش خايف؟
زين بصلها اوي وكأنها بتقوله انا حاسة بيك: لا ياكاميليا مش خايف عشان ذي ماقولتي ان مش كله ذي بعضه
كاميليا ابتسمت: انا كدا اطمنت يازين
زين: اوعدك ان دايما هخليكي مطمنة
كاميليا حاسة انها مرتاحة ومبسوطة مع زيت
في المساء، هشام بيرن على تليفون ندى ومش بترد خالص وكاميليا نزلت من فوق وفي ايديها تليفون ندى
كاميليا: هي اصلا سايباه هنا
هشام بعصبية: هي اكيد اتجننت ازاي تخرج من غيره
كاميليا: مش انت بتقول انها خرجت مع يذيد وكمان ماراحتش الجامعة يبقى اكيد معاه
هشام بعصبية اكبر: وتكون معاه لحد دلوقتي ليه
كاميليا: ممكن تروح عزومة استاذ كمال وهي اكيد زمانها جايا
هشام متعصب من تصرفات ندى ويذيد
بارة ادام الڤيلا يذيد وندى وصلوا
ندى: بجد اليوم كان جميل اوي
يذيد ابتسم: جميل عشان كنتي معايا
ندى ابتسمت بفرحة: بحبك
يذيد: قولتي ايه؟
ندى ضحكت: انسى مش هقولها تاني
يذيد قفل ببان العربية من جوا: يبقى تنسي انك تنزلي من العربية
ندى: عادي خلينا قاعدين
يذيد بيقرب منها: قولي قولتي ايه ياندى
ندى بترجع لورا: يذيد ماتقربش
يذيد: قولي وانا مش هقرب
ندى بتحدي: لا
يذيد قرب اكتر وهي رجعت خبطت في ازاز شباك العربية وبتزق يذيد بإيديها: ابعد يايذيد
يذيد: لا
ندى: خلاص هقول
يذيد رجع: ها قولي
ندى: بحبك
يذيد فتح قفل الببان وبص لندى: انزلي عشان ما اتهورش
ندى نزلت جري ودخلت الڤيلا وقابلت هشام واقف مستنيها
هشام: حمدلله على السلامة
ندى بخوف: الله يسلمك
هشام بعصبية: ما لسة بدري
ندى خايفة من هشام ولسة هترد بس يذيد دخل
يذيد: انا والله كنت بقولها لسة بدري
هشام بغضب: انت تسكت خالص
يذيد ضحك: ليه بس يا إتش
هشام: ماتعصبنيش يايذيد ازاي تاخدها وتخرجوا وكمان ماترحش الجامعة لا وايه تسيب تليفونها كمان
يذيد بهدوء: انت عارف انها معايا يبقى الموضوع مش مستاهل القلق دا كله
كاميليا وقفت جمب ندى: خلاص ياهشام اهو اطمنا عليها
هشام واقف مضايق ومتعصب ويذيد بيبصله ويضحك
هشام بعصبية: ماتعصبنيش يايذيد
يذيد ضحك اوي: والله انت اللي معصب نفسك
مراد وعزيز كانوا عند صفي وداخلين وشافوهم واقفين
مراد: ايه ياولاد واقفين كدا ليه
يذيد: مافيش ياعمو انا كنت عاوز حضرتك في موضوع
مراد: خير ياحبيبي
يذيد بص لندى واتكلم: انا بطلب من حضرتك ايد ندى
مراد لسة هيرد بس هشام سبقه: وانا بقى مش موافق
ندى بتلقائية: ليه بقى
عزيز ضحك: دا انتي موافقة بقى
ندى اتكسفت وبصت في الارض وسكتت
كاميليا ضحكت: ماتكسفهاش بقى ياعمو
عفاف وسهام كانوا فوق ونزلوا
سهام: متجمعين عند النبي ان شآء الله
مراد: ان شآء الله، تعالوا باركوا لندى يذيد خطبها وانا وافقت
هشام بعصبية مسك ايد ندى ووقف ادام يذيد واتكلم بتحدي: لو عاوزها يبقى لازم موافقتي الاول
يذيد بهدوء: مش هي موافقة يبقى خلاص
هشام بص لندى: ها ياندى قولتي ايه؟
ندى واقفة في النص بين هشام ويذيد ومحتارة مابينهم وبصت لكاميليا عشان تعمل اي حاجة
كاميليا: خلاص ياهشام بقى
هشام بتحدي: لا لازم اعرف رأي ندى
ندى بهدوء: طبعاً لازم موافقتك ياهشام
هشام بص ليذيد وابتسم: ها يايذيد سمعت؟
يذيد اضايق ان ندى قالت كدا بس بيحاول يبان طبيعي: تمام
ندى حست ان يذيد زعل وبعدت عن هشام ووقفت جمب يذيد واتكلمت: بس الاهم موافقتي ولا ايه
هشام من جواه فرحان بتحدي ندى ويذيد وبيحاول يبان كويس عشان يشوف حب يذيد: وانا مش موافق
يذيد بعصبية: في ايه ياهشام انا ساكت عشان باباك وعمك والله ماتخلنيش اتعصب عليك
هشام ببرود: وايه يعني هو انا بقول حاجة غلط
يذيد بعصبية اكبر: اسمع بقى عشان انا على اخري منك، انا بحب ندى وخلاص باباها وافق وانت بقى تقعد ساكت
هشام: وانا كنت مستني منك جملة بحب ندى، انا دلوقتي موافق يايذيد
ندى بزعل طفولي: تصدق بالله اهو انا اللي هتخانق معاك بقى
يذيد ضحك: قابل بقى
هشام ضحك اوي: اهدي ياندوش وربنا كنت عاوز اشوف حب الواد دا ليكي
ندى قربت من هشام ووقفت ادامه: هات بوسة
هشام بص ليذيد وطلعله لسانه وضحك: عيوني
يذيد في ثانية كان في وسطهم: اقسم بالله ماتحصل ابدا
هشام ضحك اوي ومش قادر يتكلم من الضحك ومراد وعزيز واقفين بيضحكوا على غيرة يذيد
يذيد لندى: وربنا ان حصلت تاني انتي حرة
ندى طلعت جري على فوق وخبطت في نور وهي بتجري
نور: مش تحاسبي يابنتي
ندى دخلت الاوضة وكاميليا طلعت وراها واتقابلت في نور
نور: في ايه البت دي بتجري كدا ليه
كاميليا: خليكي انتي ياختي قاعدة تحبي في هاني وماتعرفيش اللي حصل
نور دخلت وراهم: في ايه فهموني
كاميليا حكتلها اللي حصل ونور واقفة تضحك
نور: يالهوي كل دا حصل من غيري
ندى: خليكي ياختي في هاني بتاعك
نور ضحكت: لا هاني مين الوقتي، دا احنا عندنا عروسة
كاميليا: ومش أي عروسة
ندى لسة هتتكلم بس هشام دخل
كاميليا: هو انت لسة هنا
هشام: اه هسهر معاكم ومش هروح
ندى بحماس: ايوا بقى كدا السهرة هتحلو
نور: طب يلا نختار فيلم نتفرج عليه
ندى: ماتكلم ليلى ياهشام وخليها تيجي تسهر معانا
هشام: حاضر
كاميليا: وقولي ليذيد
هشام: كوكي بلاش تعصبيني
نور ضحكت: ابتدينا بقى
كاميليا: خلاص كفاية ليلى عشان السهرة تكون هادية
هشام كلم ليلى وطلب منها تيجي اما يذيد فرن على ندى وهي سابت الكل وقعدت تكلمه
اما زين وخالد فراحوا عند استاذ كمال ومتجمعين هناك واتعشوا سوا وكانوا فرحانين بلمتهم سوا
وبعد ما السهرة خلصت زين اخد خالد ورجعوا الڤيلا وكان الكل نايم وليلى لسة عند ندى ويذيد قاعد في اوضته بيكلم ندى
خالد: بقولك ايه ماتيجي نرخم عليه؟
زين ضحك: يا ابني سيبه يحب
خالد: لا والله أبدا لازم ارخم
خالد فتح باب اوضة يذيد بشويش ويذيد منسجم جدا في المكالمة لدرجة انه ماحسش بدخولهم
خالد وقف جمل يذيد وبشويش قرب من ودانه واتكلم: اجيب اتنين ليمون
يذيد اتخض وبصله بغضب: الله يحرقك ياشيخ خضتني
زين واقف بيضحك عليهم
خالد: ها ماقولتليش اجيب اتنين ليمون
يذيد بغضب: خالد يا ابن عمي ماتخلنيش اتجنن عليك وانت عارفني
خالد برخامة: وريني هتعمل ايه
يذيد بيكلم ندى: اقفلي ياندى الوقتي
يذيد قفل معاها وبيبص لخالد اللي في ثانية كان واقف ورا زين
يذيد: دلوقتي بتستخبى
خالد ضحك: ما انت بصراحة غبي
زين بيضحك اوووي وبيحاول يتكلم: اهدى يايذيد
يذيد ضحك غصب عنه: وربنا رخمين
خالد: ها نقول مبروك
يذيد بثقة: ايوا طبعاً انا طلبتها من عمو مراد ووافق
زين بفرحة: مبروك ياحبيبي
خالد: ايوا بقى يذيد عريس
يذيد ضحك: فرحان فيا انت
خالد ضحك: اوي
زين: طب ايه رأيكم لما اتقدم لكاميليا انا كمان
خالد: ياريت يازين وساعتها نعمل فرحنا في يوم واحد
يذيد: لا مع نفسكم انا فرحي هيكون لوحده
خالد: دا انت رخم اوي
زين ضحك: سيبه براحته
يذيد: ايوا كدا قوله
خالد: طيب يايذيد، ها يازين هتتقدملها امتى؟
زين: هقولها الأول وبعد كدا نروح انا ويذيد نتقدم ليهم
يذيد: انا رايح بكرة على فكرة
زين: دا انت مستعجل اوي بقى
يذيد بتوهان: جدااااا
خالد ضحك: أخيراً جات فرصتي ان ارخم عليك يايذيد
يذيد خبطه بالمخدة: يلا على اوضتك عاوز انام
خالد اخد زين وخرجوا ويذيد كان لأول مرة من فترة طويلة ينام مرتاح ومبسوط
تاني يوم الصبح في قصر علي المصري(جد صافي)
شريف نازل عشان يفطر بس جده كان قاعد بارة في الجنينة وخرجله
شريف: صباح الخير ياجدو
علي: صباح الخير ياحبيبي
شريف باس ايد جده وقعد جمبه: ايه مش هتفطر؟
علي: ماليش نفس
شريف: ازاي بس ياجدو لازم تاكل عشان تاخد الدوا
علي: شوية وهاكل
شريف: مالك ياجدو حاسس انك مضايق او في حاجة شغلاك
علي: بنت عمك ياشريف
شريف: مالها؟
علي: عاوز اعوضها عن السنين اللي فاتت كلها
شريف: ماهو حضرتك بتعمل كدا الوقتي
علي: عارف، بس هي رغم انها بتيجي هنا وبنقعد سوا بس بحسها بعيدة عني باردوا
شريف: عادي ياجدو دا احساسك عشان هي كانت بعيدة عننا لسنين طويلة
علي: يعني انت شايف اني بتصرف صح؟
شريف: ايوا ياجدو
علي براحة: اهو انت الوحيد اللي بطمني
شريف ضحك: حبيبي ياجدو
ندى صحيت على رنة تليفونها وطبعاً يذيد اللي بيرن وهي ردت بصوت كله نوم
ندى بنوم: الو
يذيد: صباح الورد
ندى: صباح الخير
يذيد: يلا قومي وحشتيني
ندى بنوم: ماشي
يذيد ضحك: قومي ياندى اصحي
ندى بدأت تفوق: ايه دا يذيد؟
يذيد ضحك اوي: ايوا يذيد يلا قومي اصحي
ندى: حاضر
يذيد: واجهزي وانا هاجي اخدك
ندى برخامة: هروح مع ليلى وهشام
يذيد عارف انها بترخم عليه: ماشي وانا هروح اخد مي
ندى بعصبية: مي مين يا ابو مي
يذيد ضحك اوي: ايوا كدا قومي اجهزي
يذيد قفل معاها وهي قامت تلبس عشان تروح معاه الجامعة وكانت فرحانة انها هتروح معاه، كاميليا صحيت بس مالهاش مزاج تروح الشركة النهاردة حاسة انها مرهقة شوية فقررت تقعد النهاردة في البيت وشوية ونور صحيت وبدأت تلبس عشان هاني تحت وجاي يفطر معاها، كاميليا واقفة في بلكونة اوضتها بتشرب النسكافيه وبتبص عالجنينة شايفة هاني قاعد مع نور وبيفطروا سوا، وبيتص ادامها شافت يذيد وندى راكبين العربية وخلاص هيمشوا
كاميليا ابتسمت عالحب اللي حواليها وبتدعي من قلبها انها تفضل مرتاحة مع زين ومايحصلش حاجة تزعلها او تزعله، كاميليا جواها احساس بالخوف من اللي جاي وبتدعي ان كل حاجة تكون كويسة وبس