رواية جحيم الجاسر الفصل الثامن التاسع
جاسر دخل لفريدة الأوضة وكانت نايمة على السرير وباصة للسقف ودموعها بتنزل في صمت لما دخل جاسر بصتله ورجعت بصت الأسقف تاني
جاسر بوجع : فر فريدة انا اسف سامحيني مكنش قصدي اعمل كدا بس انتي اللي عصبتيني
فريدة :........
جاسر : فريدة بصيلي ارجوكي متعمليش فيا كدا
فريدة بهدوء : اطلع برة ياجاسر
جاسر : ابوس ايدكي تبصيلي يافريدة انا فعلا ندمان
فريدة بصتله وقالت بسخريه : هه ندمان ندمان على ايه ولاايه ندمان انك خليت أجمل يوم في حياة اي بنت يوم اسود بالنسبالي ولا ندمان انك شككت في شرفي ولا ندمان انك ضربتني من غير رحمة وكنت حموت في ايديك رد ساكت ليه هااا... قالت كلماتها الأخيرة بعياط وصريخ
جاسر غمض عينيه بوجع من كلامها للدرجاتي هو اذاها َن غير مايحس هو فعلا يستاهل الموت
جاسر : فريدة انا عارف اني غلطت وانتي ليكي الحق انك تعاقبني زي ماتبي حتى لو عايزة تتطلقي انا حطلقك
فريدة بعياط : انا فعلا حطلق ياجاسر بس قبل مااطلق لازم تجاوبني على سؤالي ليه قولت عني خاينة وشككت في شوفي بالشكل دا
جاسر : لأنك فعلا خاينة يافريدة انا شوفتك في حضن واحد كان ممكن تقوليلي انك بتحبي واحد غيري وكنا نسيب بعض بس انتي مقولتش انتي خدعتني
فريدة ماكنتش فاهمة هو بيتكلم عن مين هى مستحيل تكلم ولد اصلا وهو بيقول حاضنة واحد لسه حترد أهلهم دخلو
سلوى جريت عليها وحضنتها : فريدة مالك ياحببتي وايه اللي عمل فيكي كدا
جاسر شاف مصطفى دخل معاهم جري عليه ومسكه من تلابيب قميصه
جاسر بغضب : وكمان ليك عين تيجي هنا يازبالة طب راعي انها متجوزة وان جوزها ممكن يشوفكو مع بعض
فريدة فهمت جاسر قصده ايه وعرفت انه هو الشاب اللي شافه بحضنها ومفكرها بتخونه معاه
محمد : فيه ايه جاسر انت ازاي تكلمه كدا انت اتجننت
جاسر مفهمش ازاي ابوها بيدافع عنه لحد ماسمع فريدة
فريدة بسخريه : احب اعرفك ياحضرة الظابط مصطفى ابن خالتي واخويا في الرضاعة
جاسر بصدمة : ان انتي بتقولي ايه ازاي ابن خالتك وانا عمري ماشفته ومعروف ان مامتك ملهاش اخوات
فريدة بدموع : امي بعد مآ ولدتني خالتي كانت حامل وتعبانة جدا في حملها خلفت مصطفى ومقدرتش تكمل رضاعته امي تكلفت برعايته ورضاعته وبعد ميلاد مصطفى بشهرين خالتي توفت وامي هى اللى ربت مصطفى ولما كمل السنتين والده خده وسافرو أمريكا ومبيجيش غير زيارات كل مدة كبيرة ولما حضرتك شوفتني معاه كان راجع علشان شغل مهم في مصر والمفروض يرجع أمريكا في نفس اليوم علشان كدا مجاش البيت عندنا لانه كان مستعجل
مصطفى باستغراب : مين دا يافريي وليه بتقوليه كل دا وايه اللي عمل فيكي كدا
جاسر كان في عالم تاني يعني ايه يعني هو ظلمها غيرته عمته ومفكرش للحظة انه يسالها لا وكمان ضربها دي استحاله تسامحه ازاي حتسامحه اصلا اذا كان هو ميقدرش يسامح نفسه اكيد هى دلوقتي مش طليقة تشوف وشه فاق ع صوتها
فريدة بسخرية : اعرفك دا يبقا جوزي المحترم الرائد جاسر الرفاعي اللي بيمد ايده على مراته ويشكك في شرفها
زينب : الكلام اللي فريدة بتقوله دا صحيح ياجاسر
محمد بزعيق : انت اللي ضربتها وعملت فيها كدا .... انطق
سلوى بعياط : فريدة ياروحي احكيلنا ايه اللي حصل وفهمنا ايه الكلام اللي بتقوليه دا
فريدة حكت ليهم كل حاجة ومحدش كان قادر يستوعب ازاي جاسر أداها وشك فيها كدا كلهم عارفين انه بيحبها بس مكان ش يتوقعو انه يضربها وياذيها كدا...... مصطفى مستحمل انه يشوف فريدة بالشكل دا واللي ضاربها واقف قدامه هجم عليه وفضل يضرب فيه وجاسر مرضيش يدافع عن نفسه لانه يستحق كل دا واكتر وشه كله كان بينزف فريدة قلقت عليه مهما كان هيا بتحبه جريت عليه وفضلت تشد في مصطفى وتعيط
مصطفى بغل : بتمد ايدك على اختي ياض وتضربها بالشكل دا انا حقتلك وادفنك في أرضك
فريدة بعياط : خلاص يامصطفى ابوس ايدك حيموت في ايديك كفايه
مصطفى بعد عنه اخيرا وجاسر قام وقف بتعب
جاسر بألم : حتى بعد مااذيتك بتدافعي عني
فريدة ببكاء : انا.. انا مبدافعش عنك انا بس خايفة على مصطفى علشان ميضيعش مستقبله علشانك
جاسر بدموع : فريدة انا عارف اني غلطت انا حتى مكسوف اقول اني اسف لاني مستحقش اني اسامحك لو عايزة تقتليني دلوقتي انا معنديش مانع
بس والنبي ماتسبيني متسبينيش يافريدة فراقك صعب عليا اوي ياحببتي الموت ارحملي من بعدك اوعدك حصلح كل حاجة بس خليكي جنبي
فريدة :...........
(الفصل 9)
فريدة خدت نفس طويل وبعدين حبست دموعها وتكلمت بجمود ومن غير ما تبص في عينيه
فريدة : جاسر.....طلقني
جاسر بانهيار : لا لايافريدة والنبي ماتعملي فيا كدا حرضي باي حكم تحكميه عليا بس متبعديش عني ارجوكي
فريدة بدموع : طلقني ياجاسر طلقني وارحمني انت اذيتني وجعتني وانا مستحيل اقدر اكمل معاك كل ما ابص في وشك حفتكر كلامك ليا وضربك مقدرش اعيش معاك
جاسر : وانا مش حطلقك يافريدة.... مقدرش
فريدة : تمام وانا مستحيل اعيش معاك واتفضل أمشي عايزة ارتاح علشان تعبانة
جاسر : ماشي يافريدة انا حسيبك دلوقتي بس حجيلك تاني وخليكي فاكرة انا مش حطلقك...... ومشي
زينب بدموع : انا مش عارفة اقولك ايه يافريدة يابنتى انا اسفة ع اللي جاسر عمله فيكي
فريدة مسكت ايديها : متقوليش كدا ياماما هو اللي غلطان انتي ملكيش زنب في حاجة متعتزريش وحتى لو انا حطلق منه انتي حتفضلي امي اللي بحبها
زينب : ربنا يباركلك يابنتى اسيبك انا بقى ترتاحي شويه وحجيلك بكرة الصبح ان شاء الله
زينب مشيت وفضل سلوى ومحمد وفريدة ومصطفى في اوضة فريدة في المستشفى
فريدة : بابا لوسمحت انا عاوزة اخرج من المستشفى دلوقتي
سلوى : تخرجي تروحي فين يافريدة انتي لسه تعبانة
فريدة : ماما لوسمحت انا مش حقدر اقعد هنا كتير وكمان انا مش حروح بيت جاسر انا مقدرش اعيش معاه لحظة كمان
محمد : اللي يريحك يافريدة تعالي اقعدي عندنا في البيت لحد ماتشوف حتعملي ايه
فريدة : لا يابابا انا كمان مقدرش اعيش في بيتك لاني برضو حشوف جاسر كتير
محمد : اومال حتروحي فين يافريدة
فريدة : انا عاوزة اسافر يابابا عاوزة اكمل دراستي باقي ليا سنتين لازم اكملهم واتخرج علشان اشتغل واعتمد على نفسي
سلوى : لا يافريدة انا مش حسمحلك تبعدي عني وكمان انتي تعبانة ومحتاجة رعاية المكان اللي حتروحيه انا معاكي
محمد بتنهيدة : وانتي ناويه تروحي فين يافريدة
فريدة : معرفش يابابا المهم اني حبعد وانا عارفة ان جاسر مستحيل يطلقني فحسافر من غير مايعرف
مصطفى : انا عندي فكرة انا ليا فرع جديد من شركاتي هنا في مصر في الاسكندرية وأنا اصلا كنت نازل علشان لازم اطور كتير في الفرع دا واشتريت بيت جديد في الإسكندرية لاني حقعد فترة كبيرة هناك تقدرو تيجو تعيشو معايا
محمد : مش عاوزين نتقل عليك يامصطفى
مصطفى : ايه الكلام دا ياحمادة دا كفاية فضلكو عليا
فريدة : تمام يامصطفى حنروح اسكندرية امتا
مصطفى : وقت ماتحبي يافري البيت جاهز وانا موضبه من قبل مانزل مصر
فريدة : اوك نمشي بكرة الصبح وحول ليا ورق الجامعة بتاعتي هناك ومش عاوزة جاسر يعرف حاجة يلا نروح نجهز الشنط
سلوى : فريدة انتي لسه تعبانة مينفعش تمشي بحالتك دي
فريدة : لا ياماما انا كدا حكون مرتاحة اكتر يلا
سلوى بتنهيدة : اللي تحبيه يابنتي
استأذن محمد الدكتور بخروج فريدة و خرجو من المستشفي وروحو وبدؤا في تجهيز حاجاتهم وفريدة دخلت اوضتها وفضلت تفكر ازاي حتسيبه وتبعد هي متقدرش تعيش لحظة من غيرة بالرغم من انه ازاها اوي بس هيا لسه بتحبه لسه قلبها متعلق بيه بس دا اهانها كتير وهي متقدرش تعيش معاه متقدرش تسامحه وتنسى كلامه وأفعاله اللي متتغفرش فضلت تفكر لحد ما تعبت ونامت وهي بتعيط
______في بيت جاسر _______
زينب بتضرب جاسر بالقلم وهو واقف مصدوم
زينب : يمكن كان المفروض اني اعمل كدا من زمان انت ازاي تسمح لنفسك تعمل كدا ياجاسر انت مديت ايدك عليها دي فريدة ياجاسر فريدة اللي كنت بتعشقها اللي كنت بتدعي ربنا في كل فرض انها تكون من نصيبك وحلالك ويوم مايحصل دا تبدلها وتضربها بالشكل دا انت كسرت ثقتي فيك ياجاسر مش الرجولة انك تمد ايدك على مراتك
جاسر بدموع : غصب عني ياأمي والله الغيرة عمتني سامحيني ياأمي انا حقيقي ندمان
زينب : مش قبل مافريدة تسامحك ياجاسر... وسابته ودخلت اوضتها وجاسر طلع شقته ودخل اوضة فريدة وطلع ألبوم الصور بتاع فرحهم وفضل يتفرج على الصور قد ايه هيا كانت فرحانة وسعادتها على وشها معقول غيرتي عمتني للدرجادي محستش بفرحها وقلبها اللي بيصرخ ويقول بحبك ودموعه كانت نازلة ع خده بشدة قام وتوضا وصلي ودعا ربنا في السجود ويبكي : يارب انا عارف اني غلطت في حقها اوي انا مش طالب غير انها تسامحني يارب متحرمنيش من اني اشوفها قدامي يارب متخليهاش تكرهني انا مستحملش كرهها ليا انا دعيت كتير انها تكون من نصيبي ويوم ما ده يحصل اضيعها بغبائي يارب رجعهالي وانا حعوضها عن كل حاجة
خلص صلاته شاف امه واقفة وكانت سامعاه
زينب ببكاء : للدرجاتي بتحبها ياجاسر
جاسر بانهيار وعياط : واكتر ياأمي هيا حياتي كلها لو راحت مني انا حموت
زينب : خليها تسامحك ياجاسر حاول معاها يابني متسيبهاش غير لما ترجعها وتخليها تحبك تاني
جاسر نام على رجل امه وفضل يبكي : تعبان تعبان اوي ياأمي مش حقدر اعيش من غيرها هي روحى لو بعدت عني انا مش حعيش خليها تسامحني ياماما ارجوكي
زينب هداته لحد ما نام : حتسامحك ياجاسر حتسامحك يابني انا متاكدة
________تاني يوم الصبح_______
جاسر قام لبس وراح لفريدة ع المستشفي ملقهاش في اوضتها سأل الممرضة
جاسر بقلق : المريضة اللي كانت في الاوضة دي فين
الممرضة : مشيت وسابت المستشفى من امبارح يافندم
جاسر بصدمة وخوف : ايييه مشيت.....