رواية 💝جواز علي ورق💝
💝الفصل السابع💝والثامن 💝
وليد :بصي يا مريم انتوا دلوقتي بقتوا لوحدكم ومينفعش كده
ولازم يبقا معاكم راجل بعد اما ست فتحيه ماتت الله يرحمها
والناس ما بترحمش واديكي شايفه الحته اللي احنا فيها كلها
عيال زباله وانا خايف عليكم
مريم :ربنا يتولانا
وليد :اكيد طبعا ،بس لازم يكون معاكم راجل وانا جاي اقولك
اني اطلب ايدك يا مريم واكون ليكي الزوج والسند واخنك
هتبقا اختي بردو وماتقلقوش من اي حاجه
مريم :نعم ، انت جاي دلوقتي وفي الوقت ده عاوزنا نتجوز
وامي لسه ميته ، ده عضمها ليه مابردش ، وبعدين اتجوز اي انا
انا طول عمري شايفاك اخويا الكبير وعمري ما بصتلك غير كده ، وانا هعيش عشان اربي اختي وبس
وليد :مالك يا مريم في اي هو انا بقولك هنتجوز دلوقت ده انا
بقولك عشان بعد كده هنتجوز ، انا من زمان بحبك يا مريم وكنت مستني الوقت المناسب عشان اتقدملك
مريم :وانت شايف ان ده وقت مناسب
وليد :انا اسف والله بس بجد انا خايف عليكم
مريم :لا يا دكتور ماتخافش احنا ولاد منصور مايتخافش علينا ومتشكرين علي تعبك معانا
وليد :ليه كده يا مريم بتبعدي المسافات
مريم :عشان ده الصح، انت اخونا الكبير وبس وشكرا اوي علي وقفتك جنبنا ، نردهالك في فرحك ان شاء الله
وليد :يعني انتي شايفه كده يا مريم
مريم :ده الصح دكتور وليد ، وياريت تقدر موقفي
وليد :مقدر يا مريم عن اءذنك
مريم :😭😭😭وحشتني اوي يا ماما اااااااااه
. بقلمي منه وائل
♥️♥️♥️♥️♥️♥️♥️♥️
في منزل عيله الجارحي
سوزي:ام احمد، هو فين عدي وجميله
ام احمد :راحوا مع سي مراد الشركه
سوزي :نزلوا من بدري يعني
ام احمد :يعني علي تسعه كده
سوزي :طيب روحي انتي ، احمد يا احمد
احمد :ايوا يا ماما
سوزي :عاوزاك تيجي معايا مشوار كده
احمد :هنروح فين ياماما
سوزي:مفيش عاوزه اعمل فجاءه لعدي وجميله
احمد :انتي مبسوطه اوي بوجودهم كده يا ماما
سوزي:الوقت ده كنت مستنياه اوي من زمان ، اول مااتولدوا انا اللي شيلتهم ، اصل امهم
من اصول تركي ملهاش في تربيه الاطفال وكده ، فضلوا
معايا لحد اما كملوا سنتين ، حتي انت كان عندك ساعتها تلات سنين وكنت بتعيط لما مشيوا ، بس انت اكيد مش فاكر
احمد :بصراحه مش فاكر ، بس مراد فاكر كويس ، مراد كان عنده 8سنين وبقا يقولي هما كده مش هيرجعوا تاني يا ماما قولتله ساعتها انهم هيرجعوا قلبي كان حاسس
احمد :طيب يلا بينا
سوزي :يلا يا حبيبي
. بقلمي منه وائل
♥️♥️♥️♥️♥️♥️♥️♥️
في شركه الجارحي
يامن :الا صحيح هي مريم ماجاتش ليه النهارده
مراد :معرفش بس مسيرها هتيجي كده كده انا عارف بيتها
يامن :ماتسبها في حالها بقا يا اخي اكيد وراها مشاكل
مراد :مايخصنيش ده اتفاق بينا
يامن :انا مش عارف جايب القسوه دي كلها منين
مراد :بص يا يامن انا اكتر حاجه تجنني ان حد في الكون ده كل يتحدني وتيجي حته بت
ولا تسوي تطول لسانها عليا ، ده حتي وهي واقفه قدامي
وبتعيط بتاكبر وعندها كبرياء فظيع مش فاهم انا جايبه منين الجرئه دي
يامن : ههههههههههه ، قول بقا انك متغاظ انها مش بتخاف منك زي اي حد بيشوفك لا واي بتتحداك
مراد :انت هتسكت والا اقوملك
يامن :ياعم انا كده كده سيبهالك اما اروح اشوف شغلي
مراد :يبقا احسن بردو
بقلمي منه وائل
♥️♥️♥️♥️♥️♥️♥️♥️
في منزل مريم
تن تن تن تن
مريم :ايوا حاضر
صافي:مريم وحشتني اوي
مريم :صافي 😭😭😭😭
صافي :اهدي يا حبيبتي اهدي البقاء لله ربنا رحمها دي كانت بتتعذب يا مريم
مريم :وحشتني اوي يا صافي ودينا من امبارح تعبانه ومش بتقوم
سهي:ماتخافيش يا مريم كلنا جنبك يا حبيبتي
مريم :ربنا يخليكم ليا
ندي :انتوا دلوقتي عايشين ازاي يا مريم وانتي قاعده من الشغل
مريم :معاش بابا معايا ، وانا ماقعدتش من الشغل يومين وهرجع بس اخلص من اللي انا فيه
صافي:طيب هو انا يعني ممكن اقول لابيه عشان يعرف انك في ظروف ولو اني مكنتش عاوزه اقوله اني انا اللي بعتك للشغل اصله مش بيحب الوسايط ، بس اتهزق بقا وخلاص
مريم :لا لا ماتقوليش حاجه انا هعرف اتصرف
سهي:ازاي بس يا بنتي سيبيها تقوله
مريم :لا انا هتصرف ، المهم تشربوا اي
صافي:ولا اي حاجه احنا جينا نطمن عليكي انتي ودينا ونعزيكي ، وبعدين ماانتي عارفه لازم اروح عشان مااتاخرش معلش ماتزعليش مني
مريم :لا يا حبيبتي مفيش حاجه خالي بالكم من نفسيكم
سعي:حاضر يا حبيبتي
صافي:تعالي يا مريم عاوزاكي
مريم:خير يا صافي
صافي :مش انا اختك
مريم :واكتر كمان انتي بتقولي اي بس يا صافي
صافي: حبيبتي ، خدي دول من اختك حبيبتك عشان المصاريف وكده علي ماتنزلي
الشغل والا دول مش هيكفوا خدي دول كمان
مريم :عارفه يا صافي لولا اني بعتبرك اختي كنت زعلت منك اوي ، شيلي فلوسك في جيبك يا صافي مسطوره والحمدلله ربنا ساترها معايا
صافي :ايوا بس
مريم :مابسش يا صافي نورتيني
صافي :انا اسفه والله مقصدتش حاجه انتي عرفاني كويس
مريم :ماهو عشان انا عرفاكي عمري ما هزعل منك ابدا يا صافي
صافي :ربنا يخليكي ليا يا رب عاوزه حاجه
مريم:سلامتك يا حبيبتي مع السلامه
بقلمي منه وائل.
♥️♥️♥️♥️♥️♥️♥️♥️
في محل الهدايا
سوزي :ايوا ودي اكتبلي عليها جميله ، لفهم بقا لافه كده شيك
الراجل :تحت امرك يا هانم
احمد :حلوين الهدايا دي ذوقك حلو اوي
سوزي :اهو ابوك طول عمره كان بياخد راي في اي هديه لاي مناسبه عشان عارف اني
بحب الحاجات دي اوي وبفهم فيها
احمد:طب ماما هو بابا مكنش بيحب مراته القديمه
سوزي :مين قالك كده ده كان بيعشقها عشق ، بس هي ماتت وهي بتولد مراد ، عشان
كده مراد عمره ما قالي غير يا ماما ، انا قعدت فتره مش بخلف
بعد الجواز ، هو ابوك كان بالنسبه له عادي لو مش بخلف اصل هو اول ما اتجوز كان عاوز ام لمراد عشان مايحسش انه مالوش ام ،
بس مع الوقت ابوك حبني وشاف اني طيبه اوي واني كنت متعلقه بمراد جدا ، ولما مراد تم ست سنين ودخل المدرسه
حملت فيك بس بردو ما قللتش اهتمامي بيه عشان مايحسش اني اتغيرت عليه بعد اما حملت ، بس هو ماشاء الله عليه
كان ذكي اوي ومكنش في لا حقد ولا اي حاجه من ناحيته ليك انت واختك
احمد :عارفه انا كنت بغير من مراد عشان كنت بحسك بتحبي اكتر مننا ، بس دلوقتي عرفت ، انتي احسن ام في الدنيا
سوزي :حبيبي ربنا يخليك ليا
الراجل:اتفضلي يا هانم
سوزي:اشكرك ، حسابهم كام دول
الراجل:الحساب خالص يا فندم
سوزي:خالص ازاي يعني
الراجل:يعني مدفوع يافندم
سوزي:اي مدفوع ازاي بس ومين دفعه
الراجل:الاستاذ جمال صاحب المحل
سوزي:استاذ جمال ؟
جمال :سوزي
سوزي :جمال!!!!!
. بقلمي منه وائل
♥️♥️♥️♥️♥️♥️♥️♥️
في شركه الجارحي
يامن :بس غريبه يعني المفروض ان تركيا الفاشون والديزاين
فيها عالي يعني المفروض احنا اللي نستعين بيكم مش انتوا
جميله :لا ماهو شركات الجارحي ليها شهره كبيره اوي في مجال الفاشون وبذات عندنا
، صوره مراد والمؤتمرات اللي بيحضرها و النجاحات اللي
عملها خالتوا بقا امهر من ميت شركه اجنبيه تانيه حتي
في اوروبا كلهم بيتكلموا عن النجاحات اللي حققتها شركات الجارحي في وقت بسيط
يامن :بصي بصراحه من ساعه ما مراد مسك الشركه والشركه بتزداد نجاح عن اللي قبله ، مراد عليه دماغ ، ولا اجدعها دماغ شاطر جدا
جميله :فعلا عدي كان بيتابع نجاحاته كل يوم وبقا يقولي بقا ابن عمنا وبنسمع عنه زي اي حد بدل ما نكون جنبه
يامن :بصي ساعات النصيب والزمن بيعملوا حاجات بتتعبنا بس بيكون ليهم مساحه كبيره في ان حصل معانا كده عشان حاجه عظيمه هتحصل بعد كده فهماني
جميله :اه اكيد فهماك
يامن :بس الغريب بقا ان بقالكم 22سنه في تركيا ومع ذلك بتتكلموا عربي احسن مننا
جميله :اصل ماما بردو كان. بتخلينا طول الوقت نتكلم بلغتنا ، وانا وعدي كمان كنا بنمي لغتنا في الكورسات وكده
يامن :اه فهمت
🛎️🛎️ترررر ترررر
جميله :اي الصوت ده
يامن :ده معاد الاستراحة وقت الغدا يعني
جميله :اه
يامن :يلا بينا نتغدي
جميله :طب وعدي ومراد
يامن :هنشوفهم كده يجوا يتغدوا معانا
جميله :اوكي يلا
. بقلمي منه وائل
♥️♥️♥️♥️♥️♥️♥️♥️
. في النادي
صافي :بس مريم صعبت عليا اوي ، ماتخيلتش انها في يوم هتكون بالضعف ده دي طول عمرها قويه ومش بتخاف من حاجه
سهي:يا بنتي مش اي حد اللي ماتلها ، دي امها. يعني اكتر حد في الدنيا ماتعرفيش تعيشي من غيره
ندي :اه والله ربنا يصبرها
مني :هااااي يا بنات
سهي:هاي يا مني اي يعني مابقتيش ظاهره وعلي طول لازقه في سي كريم ده
مني :في اي يا سهي ده مهما كان صاحبنا بردو ، والا اي يا صافي
صافي :والله انتوا حرين مع بعض شئ مايخصنيش
مني :مايخصكيش ازاي بقا ، ده يخصك ويخصك كمان ، مش كريم ده حبيبك
صافي :بقولك اي يا مني الكلام ده كان زمان دلوقتي احنا مالناش علاقه ببعض يعني يعمل اللي يعمله ويكلم اللي يكلمه ولو هتقعدي معانا يبقا ماتجبيش سيره الموضوع ده تاني
مني :ايوا يا صافي بس هو لسه بيحبك
صافي :يوووو انا ماشيه
ندي :يا صافي استني بس
سهي:صاافي ، يا شيخه اتنيلي بقا ماقالتلك اسكتي لازم الرغي
مني :هي اللي حماره
ندي :ياستي اتلهي بقا
. بقلمي منه وائل
♥️♥️♥️♥️♥️♥️♥️♥️
في محل الهدايا
سوزي :جمال!!!!!!.
جمال:اذيك يا سوزي عامله اي لسه فاكراني والا
سوزي:يخرب عقلك مش معقول يا جمال ماتغيرتش لسه زي ماانت
جمال :هههههه يا بكاشه ده انا عجزت
سوزي:لا ماتقولش كده انت لسه شباب
جمال:وانتي كمان مااتغيرتش بالعكس انتي احلوتي اكتر
سوزي:ههههه ميرسي جدا بس انت اي اللي بتعمله هنا في المول ، مش انت باين كنت مسافر ايطاليا
جمال :منا فعلا كنت مسافر بس تعبت من الغربه بقا ورجعت وفتحت محل الهدايا في المول هنا اهو بسلي نفسي بدل قاعده البيت
سوزي :ههههههه ولسه عارف اني بحب الهدايا
جمال :هههههه ودي حاجه تتنسي ده انا حتي عارف ذوقك لاختيار الهدايا
احمد :ماما انا مش فاهم حاجه
جمال :ماشاء الله مين الشاب العسل ده يا سوزي
سوزي :اه صح نسيت اعرفكم ببعض ، ده احمد ابني يا جمال
جمال :ماشاء الله شبهك خالص ياسوزي ،
سوزي:طبعا مش ابني هههههه
جمال:هههههههه ، اذيك يا احمد
احمد :الحمدلله يا اونكل بخير والله
سوزي :ولسه فيه اخته صافي الصغيره في رابعه تجاره
جمال :ماشاء الله
سوزي :والكبير مراد، بس ده بقا يبقا ابن جوزي بس بالنسبه ليا اكتر من ابني
جمال :ابن جوزك
سوزي :هفهمك كل حاجه بعدين
جمال :انا كمان اتجوزت وخلفت بنتي ميريهان بس حصل خلاف بيني وبين امها ، وهي اخترت تعيش مع امها هناك وانا نزلت مصر ، وساعات بروح اقضي معاها الاجازه
سوزي :ربنا يخليهالك يارب ، لا انت كده بقا معزوم عندنا بكره ، مش كده يااحمد
احمد :ينور طبعا
جمال :مالوش لزوم والله
سوزي :لا ازاي ده انا ما شوفتاكش من زمان
جمال :اخر مره شوفتك لما كنت جاي اتقدملك واخواتك رفضوني
سوزي :احم خلاص بكره علي معادنا هنستناك
جمال :طب هاتي رقم تليفونك
سوزي :اه اكيد عشان ابعتلك العنوان
جمال :تمم كده اوقفلكم تاكسي
سوزي :لا معانا عربيه احمد
جمال :ماشي توصلوا بالسلامة
..............في العربيه
احمد :بقولك اي من غير لف ودوران مين ده واتقدم اي ورفضوا مين وعمال يعاكس فيكي كل حاجه بالتفصيل تتحكي سامعه
سوزي :هههههههه طيب طيب اهدي هحكيلك كل حاجه بس اطلع
احمد:حاضر اما نشوف
. بقلمي منه وائل
♥️♥️♥️♥️♥️♥️♥️♥️
في المطعم
جميله :هو مراد ليه مرضاش يجي يتغدي معانا
يامن :اصل وراه شغل كتير اوي هيخلصوا وهيطلع علي مشوار
عدي:بس مراد دماغه في الشغل ماشاء الله
يامن :يابني مراد ده في الشغل معندهوش يااما ارحمني ، ده مره عشان غلطت غلطه في الشغل نسي اننا صحاب وبهدلني زي اي موظف
جميله :واو ، بحب الناس اللي مهتميه بشغلها دي
عدي:عشان كده ربنا وفقوا وقدر يوصل للنجاحات دي
يامن :المهم عاوزين نشوف هناكل اي ، جرسون
الجرسون :ايوا حضرتك تؤمر بايه
عدي:انا عاوز مكرونه اسباجتي واسكلوب وعصير اورانج
يامن وجميله:وانا عاوز/ه لازانيه
يامن :اي ده
جميله:مش معقول
يامن :اخيرا لاقيت حد في مصر بياكل لازانيه
عدي :جميله مدمنه لازانيه
يامن :انا بعشقها عشق ، خلاص يبقا هات اتنين لازانيه ، واسكلوب وعصير بس انا عاوز عصير جزر
جميله :انا كنت هقولك كده بردو
يامن :ههههههههه يا خرابي حتي العصير ده مراد بيقعد يقولي انت بتاكل وتشرب اكل وشرب عجيب
جميله :ههههههههههه
يامن :يبقا اتنين عصير جزر بردو
الجرسون :حاجه تاني يافندم
يامن:لا خلاص كده تمم
جميله :غريب ان الاقي حد بيحب نفس الاكل اللي باكله
يامن :صدف
بقلمي منه وائل
♥️♥️♥️♥️♥️♥️♥️♥️
في منزل مريم
تن تن تن تن
مريم :حاضر حاضر
مراد :اي يا مريوم انتي نسيتني والا اي
مريم :استاذ مراد!!!!!!😳
♥️♥️♥️♥️♥️♥️♥️♥️
💝جواز علي ورق💝
💝الفصل الثامن💝
تن تن تن تن
مريم :حاضر حاضر
مراد :اي يا مريوم انتي نسيتني والا اي
مريم :استاذ مراد!!!!!!!😳
مراد:اي مش هتقوليلي اتفضل
مريم :ها؟ اتفضل
مراد :اذيك عامله اي
مريم :انا انا الحمدلله كويسه
مراد:كنتي فين من ساعه مامشيتي اخر مره وانا معرفش عنك حاجه
مريم :ها اصل اصل كان عندي شويه ظروف
مراد:واتحلت
مريم :اه الحمدلله
دينا :مريم..... السلام عليكم
مراد:عليكم السلام، اختك ؟
مريم :اه دينا اختي
مراد:اذيك يا دينا
دينا :الحمدلله ، مين يا مريم
مراد:انا ابقا مديرها في الشغل
دينا :اه اهلا وسهلا حضرتك تحب تشرب اي
مراد:لو ينفع فنجان قهوه
دينا :حاضر من عينيا
مراد:اختك شكلها طيب اوي مش ذيك لسانك طويل
مريم :حضرتك عاوز اي يا استاذ مراد
مراد:عايز اي!!! اولا بقالك يومين مش بتيجي الشغل ، ونسيتي اتفقنا ، وبعدين اي الاسود اللي انتي لابساه ده مش لايق عليكي علي فكره
مريم :مانستش حاجه ، بس كلها مساله وقت هشوف بس اختي اوديها فين واظبط حياتي
مراد:توديها فين يعني اي ماتسيبيها مع اهلك
مريم:اهلي ميتين
مراد:اومال قولتلي ازاي اني هطلب ايدك من اهلك
مريم :لما كانوا موجودين
مراد:بصي انا مش بحب الالغاز اختك وهتيجي معانا ، اكيد مش هنسبها يعني
مريم :ليه عاوز تتجوزني
مراد :كده انا عاوزك انتي ، انا بعتبرها حاجه تانيه غير مقابل الفلوس خالص ، ولو انتي
كرهاني اوي كده يبقا اعتبري عقاب عن اللي عملتي
مريم :عملت اي انا معملتش حاجه
مراد :كل ده وما عملتيش حاجه انا مراد الجارحي اللي عمري ماحد قدر يطول لسانه
عليا تيجي واحده ذيك وتتحداني وتقل مني ليه يعني مين انتي
مريم :مين انا هقولك مين انا ، انا مريم منصور اكتر واحده متفوقه في حياتها صحيح
الظروف مش مسعياني بس انا اقوي من اي حد انا الكل كان
عارف عني اني مش بخاف من حد ومازلت مش بخاف ولو انا وافقت علي اتفاقك مش خوف منك لا ده عشان ليا دين ولازم اسده
مراد :والله لسانك بدء يطول تاني
مريم :طب لو سمحت بقا لحد اما يجي وقت الجواز ماتجيش هنا تاني
مراد :ده اللي هو ليه ان شاء الله
مريم :كلام الناس كلام الناس يا استاذ مراد اللي انت مش بيهمك لكن يهم الغلابه اللي زينا
مراد :انتي بيهمك حد بلسانك ده
مريم :استغفر الله العظيم يارب ، ممكن تتفضل بقا
مراد :وان قولت لا
مريم :هصوت والم عليك الناس
مراد :هههههه طب صوتي عشان هيدخلوا يشوفوا منظر انتي نفسك مش هتقدري تخبي وشك بعدها
مريم :انت حيوان
مراد:👋🏻لمي نفسك بقا
مريم :اااااه ، انت اي ازاي تدي لنفسك حق مش ليك
مراد :انتي اللي وصلتي نفسك لكده
دينا :في اي يا مريم
مريم :مفيش حاجه يا حبيبتي
دينا :اتفضل القهوة
مراد :شكرا يا حبيبتي الله القهوه ريحتها حلو اوي ، شكلك شاطره
دينا :اه اصل ماما الله يرحمها كانت بتعملني ديما
مراد :حاجه كويسه مش فاشله زي ناس
مريم :نورتنا يا استاذ مراد
مراد :اه تمم تسلم ايدك يا دينا
دينا :الف هنا
مراد :حسابك تقل يا مريم واه اخر الاسبوع هاجي وهجيب الماءذون ومفيش اعذار تاني سامعه ، يلا سلام عليكم
دينا :وعليكم السلام ورحمة الله وبركاته
مريم :انا هدخل اوضتي
دينا :وانا هروح لخالتي سيده اصلها قاعده لوحدها و محتاجه حد معاها
مريم :ماشي
............في غرفه مريم
مريم :عااااااااااااااااا بكرهوا بكرهوا بني ادم وسخ وحقير احقر بني ادم في الكون ربنا ياخده
هئ هئ هئ ليه بس يا ماما ليه سبتني لوحدي كان زماني في
حضنك دلوقتي ، يارب خدني عند ماما بقا ياارب هئ هئ هئ هئ هئ
. بقلمي منه وائل
♥️♥️♥️♥️♥️♥️♥️♥️
في عربيه احمد
احمد :طب هتحكي والا هتفضلي قاعده كده
سوزي :ههههههه يا واد حاضر الله
احمد :طب يلا
سوزي :ده يبقا جمال كان اقرب صديق ليا ، ومش بس كده كان اول حب ليا كنا صحاب في
الجامعه ، وحبينا بعض بس هو لسه كان علي قد حاله وانا طبعا من عيله كبيره بس هو جه واتقدملي ، بس اخواتي
الكبار رفضوا رغم اني كنت مسره اني ما اتجوزشي غيره ، بس
اخواتي كانوا اقوي مني وجوزوني ابوك ، ويوم فرحي عرفت ان جمال سافر ايطاليا ومش راجع تاني ومعرفتش عنه اي حاجه
واتقطع بيني وبينه التواصل ، بس ابوك بصراحه مكنش بيخليني محتاجه حاجه كنت مش بحبه في الاول بس حبيت حبه ليا
احمد :يااا يا ماما ده انتي بظبط زي الحكايات اللي بنسمع عنها في الافلام
سوزي:هههههههه شوفت بقا
احمد:طب انتي بتعيطي ليه دلوقتي
سوزي:افتكرت زمان وبصت جمال ليا اصل هو مكنش قادر يقولي اهرب انا وهو ولا كان قادر يبعد عني وجرب ينساني بس مقدرش هو اتجوز اه ، بس نظرته ليا النهارده بينت انه فعلا عمره ما نسيني ، بس النصيب بقا
احمد :طب ما النصيب بيلعب معاكي اهو يا مامي
سوزي :قصدك اي يا واد انت
احمد :ما عمو جيمي جه اهو وانتي سنجل وهو سنجل نسنجلكم مع بعض بقا
سوزي :ههههههههه بس يا واد يا عبيط انت هو مجرد صديق وبس
احمد :يا ماما
سوزي:انت هتسكت والا انط من العربيه
احمد:يالهوي خلاص
. بقلمي منه وائل
♥️♥️♥️♥️♥️♥️♥️♥️
في شركه الجارحي
جميله :لا بس الاكل تحفه اوي في المطعم ده
يامن :الف هنا ،عاوز بقا ابقا اخليكم تجربوا من عند المطعم اللي ورا الشركه ده بيعمل شويه كوارع اي عنب
عدي :انا سمعت عنها ااكوارع دي بيقولوا انها بتعمل باور مش كده
يامن :ههههههههههههه انت متاكد انك كنت في تركيا
عدي :هههههههههه مش معني اني كنت في تركيا يبقا معرفش حاجه عن هنا كل يوم الصبح اخبار مصر كانت بتجيلي بكل الاخبار المختلفه ، عشان ماانساش انا اصلي اي
يامن :والله كويس ولاد اصول
جميله :المهم ينفع بعد الشغل تبقا تاخدنا لشارع هنا اسمه، اسمه اي يا عدي
عدي :اسمه المعز
جميله :ايوا هو ده
يامن :يا سلام بس كده من عينيا انتوا تؤمروا
جميله :ميرسي
بقلمي منه وائل
♥️♥️♥️♥️♥️♥️♥️♥️
في منزل عيله الجارحي
صافي :اي يا مامي كنتي فين انتي واحمد
سوزي:مفيش كنا بنشتري هدايا لجميله وعدي بمناسبه انهم جم مصر
صافي :اه تمم
سوزي:اومال انتي كنتي فين
صافي :مفيش روحت الجامعه الصبح وبعدين عرفت اني واحده صاحبتي غاليه عليا مامتها ماتت فاروحت عزتها ، وبعدين روحت النادي
سوزي:بس غريبه جيتي يعني من النادي بدري ده انتي ما بتصدقي تروحي
صافي :اه اصل مني قعدت تغلس فزهقت ومشيت
سوزي:تغلس ليه يعني
صافي :كل شويه تفتح في حوار كريم
احمد :هو عايز اي بقا ان شاء الله هو مش خلاص كل واحد وراح لحاله المعفن بتاع البنات ده
سوزي :ما اهي مامته كلمتني قولتلها اخد رايك
صافي :ماما مفيش نقاش لا يعني لا انا مش الاستبن بتاعه
احمد :جدعه يا بت
سوزي:احمد اي بت دي انا قولت ميت مره مفيش الفاظ او كلمه بت دي تتقال هنا
احمد :انا اسف يا ماما
سوزي:ماشي انا طالعه اريح شويه ، واه ابقوا كلموا مراد يجي يتغدي معانا النهارده
صافي :حاضر يا مامي
احمد :تعالي تعالي امك طلع ليها حكاوي
صافي :اي ده بجد
احمد :اومال اي يلا ده انا هسليكي
صافي :ماشي
تصدق انك عيل ياض امك غلطانه اصلا يا فضيحه😂😂
. بقلمي منه وائل
♥️♥️♥️♥️♥️♥️♥️♥️
. في منزل وليد
ام وليد :انت هتفضل حاطط ايدك علي خدك كده ، اي واحده ورافضتك خلاص مش نهايه العالم
وليد :ايوا يا ماما بس اي السبب هو انا فيا عيب
ام وليد :وليه ماتقولش ان في سبب تاني غير ان فيك عيب
وليد :سبب اللي هو اي يعني بتحب مثلا
ام وليد :وليه لا
وليد :لا لا يا ماما مريم انا عارفها كويس عمرها ما دخلت في قصص حب ولا كلام من ده
ام وليد :انت اش عرفك وانت كنت معاها طول الوقت ، البنات يابني بقوا الايام دي ما بيصدقوا يحبوا يتحبوا فااكيد هي شايفالها شوفه عليوي شويه
وليد :لا يا ماما مريم مش كده
ام وليد :طيب خليك معتقد كده لحد اما هتشوف بنفسك ان كلامي صح
وليد :لا مريم مش كده
بقلمي منه وائل
♥️♥️♥️♥️♥️♥️♥️♥️
في منزل الست سيده
سيده :الا قوليلي يا دينا
دينا :نعم يا خالتي
سيده:مين الجدع الاوبهه اللي كان عندكم ده
دينا :جدع مين يا خالتي
سيده :الجدع اللي اول ما دخل البيت ريحته بقت حلوه
دينا :اه قصدك علي استاذ مراد
سيده :لا واسمه كمان يفرح
دينا :ده يبقا مدير مريم في الشغل
سيده :هو متجوز يا بت
دينا:لا معرفش يا خالتي بس ليه
سيده:اصله شكله حليوه كده لو مش متجوز خالي البت مريم تلف عليه يا بت ده تلاقي معاه شئ وشويات
دينا :اي يا خالتي ده احنا مش كده الجدع جه يعزينا ومشي وبعدين شكله متجوز او خاطب ، اي تلف دي بقا مينفعش
دينا :ونبي انك خايبه انتي واختك غوري
. بقلمي منه وائل
♥️♥️♥️♥️♥️♥️♥️♥️
في عربيه مراد
مراد :لسانها طويل وقليله الادب بس انا عارف انا هربيها ازاي ، يوووووو واديني نسيت التليفون عندها اهو حاجه نيله ، اما ارجع اجيبه
بقلمي منه وائل
♥️♥️♥️♥️♥️♥️♥️♥️
. في منزل مريم
مريم :اي ده هو نسي تليفونه هنا يووو بقا يعني هينطلي هنا تاني
تن تن تن تن
مريم :اهو جبنا في سيره القط، اتفضل ، اي ده محسن خير يا محسن عاوز اي
محسن :اي يا موزه شدي حيلك
مريم : الشده علي الله خير يا محسن بتخبط عليا الساعه دي لي
محسن:والله يا قمر عرفت انك لوحدك في البيت قولت اجي اقعد معاكي قعده انس كده
مريم :لا انس ولا غيره يا محسن ويلا اتكل علي الله من هنا
محسن :ليه بس الدخله الناشفه دي ما تطريها كده
مريم :بقولك اي وديني لو ما مشيت لكون راقعه بالصوت اخلي كل اللي في الحاره يجوا هنا
محسن :لا وعلي اي خلاص ليكي يوم وهتيجي تحت درسي سلام يا برنسيسه الحاره
مريم:ربنا يرحمني من الاشكال الزباله دي بقا
.............في الخارج
مراد :اي ده مين اللي خارج من عندها ده ، يا بنت ال اه ماانتي متعوده وديني لموريكي
تن تن
مريم :يووو بقا مش هنخلص ، عايز اي يا زفت الط...... اي ده
مراد :اي يا حلوه كنتي فكراني الزبون اللي لسه خارج
مريم :زبون اي انت اتجننت
مراد :الزبون اللي لسه خارج يا روح امك
مريم :.......