رواية قاسي امتلك قلبي
الفصل لاول والثاني
بقلم نرمين قدري
اثار الحب الاول تبقي محفورة في ذاكرة الإنسان وكتيرا ما تكون هذه بصمات كاجمر تحت التراب
لم يكن هناك نسيان كان الجرح لا يحتمل
منزل متواضع يعم الفرح والزينه معلنين عن وجود مراسم فرح
وفي حجرة صغيرة تنام بطلنتا مستغرقه في النوم
تدخل عليها صديقتها المقربة نسرين
نسرين /تغني متزوقيني يا ماما اقوام ياما ما ده عريسي حياخدني بسلامة ياما
مليكه تضع يداها علي أذنها /بااااس صوتك وحش عالصبح في حد يصحي حد كده وفي يوم مفترج زي ده
نسرين. // وانتي بزمتك في عروسة بتنام لحد دلوقتي
مليكه /. منمتش طول الليل عماله افكر في احمد واخيرا حيتقففل علينا باب انا مش مصدقة اني خلاص كلها كام ساعة بس وحكون مع حبيبي لوحدينا من غير عزول
عارفه يابت يا نسرين انا كل ما افتكر ازاي قبلت احمد وازاي حبيته
احمد ده اجمل حاجه حصلت في حياتي
فلاش باااك
من تلات سنوات
مليكة خارجة من باب الكلية مستعجلة
مليكة / الو يا نسرين انا جاية اهو معلش اتاخرت المحضرة لسة خالصه انتم فين
نسرين / اخلصي يا مليكة امك مفرجة الدنيا عليا كل خمس دقايق تسءلني عليكي
العريس اللي جايلك قرب يوصل
مليكه / بقولك ايه يا نسرين كبري دماغك امي مش حترتاح غير لما تجوزني وانا مستحيل اتجوزز بطريقه دي سبيها تحلم شويه
نسرين / يعني انتي جاية ولا مش جاية علشان ابقي عارفه ارد عليها
بقلم نرمين قدري
مليكه / بصراحة جاية ومش جايه
نسرين /اللي هو ازاي ده يعني افهم بقي
مليكة / انا حاجي بس مش دلوقتي انا...
ااه مش تفتح وتشوف قدامك انت ماشي في شارع لوحدك
احمد / يا آنسة انتي اللي خبطيني مش انا
ملكيه / مش مهم مين خبط مين المهم انك خبط فيا
احمد / حصل خير وقبلت اعتذارك
مليكه / وقد رفعت حاجبها بس انا معتذىتش علي فكرة
احمد / علي فكرة انتي قليلة زوق
مليكه / تشكر ياباشا في حاجة تاني ولا ايه
نسرين على التليفون مليكه ايو يابنتي بطلي خناق وردي عليا اقول ايه ل سميرة امك حتلم علينا الناس انتي يازفته يخربيت قرفك امك حتولع فيا
انا كان مالي ومال الصحبه الهباب دي
مليكة / نسرين اقفلي دلوقتي علشان شكلي حرتكب جريمة دلوقتي
أحمد / يا آنسة يعني انتي خبطيي فيا ووقعتي نظارتي و الموبايل و في الاخر انتي اللي زعلانه
مليكه / علشان انت ماشي مش مركز قدامك
احمد / اللي هو انا اللي كنت ماشي يتكلم في موبايل بصي انا متأخر خلاصت الكلام حضرتك عاوزة ايه دلوقتي
مليكه / نروح القسم نعمل محضر
احمد / باستغراب نعم حضرتك حتروحي القسم علشان خبط فيكي استغفر الله العظيم ربنا وعدني بلهبل
مليكه / احفظ لسانك اهيه اهيه شوفت قضيه تانية سب علني
احمد / اهدي يابنتي انتي مجنونه انا مش فاهم بقولك ايه انتي شكلك فاضيه وعاوزة تضيعي وقت
مليكة / الصراحة اه مش عاوز اروح دلوقتي حروح القسم
احمد / خلاص سهلة بلاش قسم تعالي نتعرف احسن
انا احمد خالد بكالوريوس تجاره بشتغل في شركة خاصة
مليكه / وقد اعجبت بيه انا مليكة عمار طب بيطري
احمد / قولي كده بقي علشان كده مش بتعرفي تتعاملي مع بني ادمين
مليكة / أتصدق ان انا اللي غلطانه أن وقفت اتكلم معاك و حوريك ازاي بيكون التعامل مع الحيوانات
احمد / خلاص خلاص بهزر معاكي انتي قفوشه كده ليه
عمتا انا اتشرفت بمعرفتك يا مليكه
مليكة وقد احمر وجهها في أول مرة تشعر بخغقان قلبها فور نطق اسمها
مليكه / انا اتاخرت لازم امشي
احمد / حشوفك تاني
مليكه / معرفش سبها الظروف سلام بقي
أحمد في نفسة بعد ما مشت .مجنونه بس ايه مزه صح مش لازم اضيعها مني
روحت مليكة لقت مامتها قاعده في الصالون ورفعه حاحبها وجمبها نسرين شبه الكتكوت المبلول
سميرة / ممكن جناب البرنسيسه تقولي اتاخرت ليه
ملكيه /وهي تنظر لنسربن علشان تعرف نسرين قالتها ايه
سميرة / انطقي بدل ما اقوملك اتاخرني وانتي عارفه أن في زفت عريس جاي علشان يتههبب ويشوفك
مليكة /اصل اصل اه انتي متعرفيش اللي حصل يا سوسو مش انا كنت حروح القسم اه واللهي كنت حروح
سميرة / بخصه بالهوي ايه اللي حصل يا لوكا ..وقد نست أنها متغاظه منها
مليكه / اصل خبط في واحد وانا ماشيه و حصل تصادم
سميرة / ياحولا الله يارب وخبطي في وانتي سايقه التريلا ولا كنتي سايقة الجرار اصلها تفرق يا عين امك
راحت سميرة مسكها من شعرها انتي فاكرة امك هبله يابت ماشي ماشي يا مليكه هانم تفضلي ادلعي كده علي العرسان لحد متعنسي جانبي
مليكه /شعري يا سوسو كفايا وجعني
سميرة
سوسو في عينك بت قليلة الادب غوري علي قوطتك
تنفست مليكة و سحبت نسرين من أيدها وجرت علي قوضتها
نسرين /الشويتين اللي عملتهم علي سوسو برا دول ميخلوش عليا فيكي مغيىرك ومحمر خدودك
مليك/ة لقيته لقيته لقيتوواااا
نسرين/ بااس هو ايه اللي لفتيه هو جنية وقع منك مش فاهمة.
مليكه/ بقولك لقيته حب عمري
نسرين /حب عمرك مرة واحدة ليه لقيتي مهند وانا مش واخده بالي
مليكه/ مهند مين ياماما ده ميكس غريب كده من مهند علي كريم علي مراد وحطيهم كده في خلاط يطلع احمد
نسرين/ يا سلام ياسلام علي الهبل و ده شوفتي فين أن شاء اللي نازل من السما ده ولا اخترق الأرض وطلع
مليكه./ في خناقة
نسرين/ نعم ياختي في خناقه ونعمة المعرفة بيشتغل ايه سي رميو ده
مليكه /بيشتغل محاسب في شركه خاصة
نسرين/ متتصرعيش يا مليكة لازم نسال عنه الاول
مليكة /مش بايدي قلبي دق وخلاص
نسرين / صباح الهبل
ومرت الايام و بداء يتقرب احمد من مليكة. اكتر و اكتر حتي أصبحت تدمن وجوده و بقت هي تقوم بأي حاجة المفروض هو يقوم بيها
تقدم احمد لخطبه مليكة مع اعتراض امها ولكن تحت إصرار مليكة وافقت الام
مليكه كانت مرايه الحب عمياها عن كل تصرف من احمد
مع تحذير نسرين المستمر
بااااك
نسرين /خلاص ياختي كفايا شعر في سي احمد بتاعك واالهي مايستاهل ضفرك بس حنقول ايه يدي الحلق للي بلا ودان
دا متعبش في حاجة اعتبري انتي يا بنتي اللي جبتي كل حاجة حتي شقة انتي اللي دفعتي الأقساط بصراحة مشفتش كده
مليكه / هوس بقي وطي صوتك احسن ماما تسمعك
هي عارفه أن احمد هو لللي جايب كل ده
نسرين / طايب يلا يا اختي حتتاخر علي كوافير.
الكلام معاكي مافيش منه فايده كلام معرفش عملك غسيل مخ انتي
يابنتي لغية مخك خالص مش عاوزة تفكري.
بصت مليكه في ساعه وشهقت بالهوي انا اتاخرت قوي لسه عاوزة اعدي علي البيت عندي
نسرين / وايه لزوم نعدي علي بيت عندك محنا خلصنا فرش البيت كله حتتاخر كده علي الكوافير يابنتي انتي عروسه و حتاخدي وقت في كوافير
مليمكة / لا مش حتتاخر ولا حاجة علي السريع
بس لا زم اروح عاوزة اعمل كام حاجة في قوضة النوم عاوزة اعمل جو رومانسي. عاوزة اخلي احمد يتفاجء اول ما يدخل الاوضة ده اجمل يوم في حياتنا انا بعدي الساعات علشان الوقت يجري بحلم بلساعة اللي حنكون فيها لوحدينا ..
نسرين/ طايب ياختي اخلصي بسرعة يلا. الوقت ببجري مع أن المفروض هو اللي يفجاءك مش انتي بس حنقول ايه ما علينا
اوعي تنسي الفستان بتاعك
مليكه / حاضر انا حضرت كل حاجة من امبارح وخلصت لبس اهو يلا بقي بينا بسرعة قبل ماما ما تفتح مرشح
نسرين /خير مرشح ايه تاني دي جوازة جملي مش بتخلص
مليكه /مسكاني من امبارح المفروض كان أحمد جه اخدني عند الكوافير والمفروض مرحش لوحدي
نسرين / بس بصراحة مامتك عندها حق عمرك شوفتي عروسة يوم فرحها بتروح الكوافير لوحدها
مليكه / انتي تخرصي خالص قدام ماما . احسن انا مسكتها بالعافيه
خرجت نسرين ومليكه من غرفه مليكة
مليكة ماما ماما انا نزلة راحة الكوافير
سميرة/ ولده مليكة بسلامة ياحببتي ربنا يكملك علي خير و يخيب ظني الف مبروك يا قلب امك
مليكه / ربنا يخليكي ليا يا ست الكل
سميرة / بردو احمد مش حيجي ياخدك يا لوكا
مليكه / مامتي علشان خاطري احنا متفقين انا وهو خلاص بقي
سميرة / براحتك يا قلبي الف مبروك واطلقت سميرة زغروطة جميله واتبعتها نسرين
سميرة / عقبالك يا نسرو يارب
نسرين/ ادعي من قلبك يا انطي وانبي احسن اتعمو في عنيهم كلهم دانا قمر اربعتاشر
سحبتها مليكة يلا ياختي حتتاخر
ركبت نسرين ومليكه عربية مليكة
مليكة /نسرين تعالي سوقي انتي معنديش اعصاب السواقة خالص
نسرين/ حاضر ياختي هاتي مفتاح
نزلت مليكة ونسرين عند شقة مليكة طلعت مليكة شنط من العربية
نسرين
اده كله يا لوكا انتي شاريه ايه
مليكة /دي حاجات علشان التلاجة وشوية حاجات لزوم السهره
نسرين /يلا ياختي اطلعي كتك خيبه في خبتك ياهبله حتي حجات التلاجه
طلعت مليكة ونسرين
فتحت مليكة الباب
مليكة / نسرين رصي انتي الحاجة في تلاجة واناةحخش حجرة قوضة النوم اخلص اللي عاوزة اعمله علشان نلحق الكوافير
نسرين اخلصي بسرعة.
مليكه هوا حخش انا عش البلبل بتاعنا
نسرين ا/ جري ياختي اجري بكره تندمي ربنا يسترها معاكي
ذهبت مليكه لغرفة النوم و بتفتحها . وفجاءة وقفت مكانها مصدومه مش مصدقه عينيها
احمد كان علي سريرها معاه واحده تانية وفي وضع مخل جدااا
الفصل الثاني
بقلم نرمين قدري
. ذهبت مليكه لغرفة النوم و بتفتحها . وفجاءة وقفت مكانها مصدومه مش مصدقه عينيها
احمد كان علي سريرها معاه واحده تانية وفي وضع مخل جدااا
وقفت مليكة متملكها. الصدمة لمده دقايق فاقت علي صوت نسرين
نسرين انا خلصت يا لوكا انتي واقفة متنحة كده ......
وشهقت نسرين ثم سكتت فجاءة
وقف احمد بسرعة يرتدي هدمه
خرجت مليكة تجري بدون هدف
احمد / مليكة استني بس حفهمك اصبري يا لوكا
مسكته نسرين من أيده
نسرين/ أقف هنا مترحش وراها انت بني ادم معدوم الإحساس ايه يا اخي هي قلت الأصل لدراجاتي قصرت في ايه مليكة علشان نعمل معاها كده دي كان ناقص تشيلك من علي الارض
بس حنقول ايه طول عمرك قليل الاصل
استحملتك ,تلات سنين عمرك مدخلت عليها بورد بلاستك حتي و هي لا اتكلمت ولا طلبت
كانت بتجيب هدايا وتدهالك علشان تدهلها ادام امها علشان تكبر فيك قدمها
بس حنقول ايه مافيش عندك لادم ولا كرامه
احمد / افهمي بس يانسرين انا كنت بس ..
نسرين/ لأ والبجاحة علي سريرها اللي هي لسة منمتش عليه انا مشفتش كده
اتفضل خد الزباله اللي معاك واطلع برا
احمد /ايه يا ماما انتي ناسية أن دي شقتي
نسرين / شقت مين يا ابو شقة هو انت كنت جبت ايه اوعو تكون فاكر نفسك راجل انت لمؤاخده بس تربيتي متسمحش انطقها
عمرك شفت راجل يبقل علي نفسه أن واحده تصرف عليه يا راجل عمرك شفت راجل مبيدفعش حتي تمن البدله اللي يحضر بيها فرحه
لما انت بتسمي نفسك راجل امال الرجال الحقيقيه تسمي نفسها ايه
انت اندل و اقذر حد شفته في حياتي و اتفضل برا انت وزباله اللي معاك الحمد الله أن مليكة سمعت كلامي ومكتبتش شقه باسمك برا يا زباله برا
احمد / انت مليكش دعوة دي حاجة خاصة بيني و بين خطبتي
نسرين / حاضر انت شايف كده وماله
يالهوي حرامي وفتحت الشباك تصرخ ااحقوني اطلبوا الشرطة لقيت حرامي في بيتي
احمد بداء يشدها بس يا مجنونه حتلمي علينا العماره كلها اهدي خلاص نازل
نزل احمد واللي معاه
نسرين تنده علي البواب
نسرين /عم عوض عوض اطلعي بسرعة
عوض/ خير يا انسة نسرين
نسرين / عم عوض عاوزة نجار بسرعة يجي يغيرلي كلون الباب
ومحدش يهوب نواحي شقه غير انا أو الانسة مليكة غير كده لاء فاهم يا عمو عوض
عوض/ فاهم يا انسة
نزلت نسرين تبحث عن مليكة تليفونها مقفول والعربية تحت راحت بي فين دي يا ربي
اتصلت نسرين بمامت مليكه
نسرين/. الو ايو يا أنطي بقولك هي مليكه جت
سميرة /مليكه جت منين مش كتم مع بعض رايحين الكوافير في ايه حصل يا نسرين مليكه مالها
نسرين/ اصل انا. بصراحة الفرح اتلغي
سميرة /يالهوي اتلغي ازاي اوعي يكون بنتي حصلها حاجة انطقي يا نسرين بسرعة مليكه فيها ايه بنتي مالها
نسرين /انا جاية و ححكيلك علي كل حاجة
سميرة/ وانا لسة حصبر لحد ما تيجي انطقي في ايه
نسرين /اصل احنا عدينا علي شقة مليكه قبل ما نروح للكوافير مليكه كانت جايبة حاجات وعاوزة تحطها
سميرة/ اخلصي ايه اللي حصل
نسرين/ لما دخلنا قوصة النوم لقينا احمد هناك
سميرة/ ها و بعضين اخلصي
نسرين/ أصله. كان يعني ..بصي هو كان معاه واحده وافهمي الباقي انتي
سميرة/ نهار ابوة اسود مطلعتلوش شمس ومليكه شافته كده يا عيني عليكي يا بنتي .. هو صحيح ميستهلش يتزعل عليه بس البت متعلقه بيه بس حنقول ايه قدر الله وماشاء الله والحمد لله اننا لسه علي البر
ومليكه فين دلوقتي
نسرين/ معرفش انا مرضتش امشي من شقه غير لما زباله ده ينزل و غيرت كالون الباب
سميرة/ شاطرة يا نسر تربيتي و حيات امه لما اشوفه انا مش حسكتله يصبر عليا ابن الكلب ده
وفجاه فتح الباب ودخلت مليكه
سميرة/ نسرين لوكا وصلت تعالي بسرعة
مليكه/ ماما انا جعانه عندك اكل ايه
سميرة /ومستغربه حاله مليكه كأنه مافيش حاجة أو أن فرحها هو اللي اتلغي
سميرة/ انتي كويسة يا لوكا
مليكه /اه الحمدلله مالي زي الفل جعانه بس وعاوزة نسكافيه ومسكت موبايلها تلعب بي
سمير/ استرها يارب البت مش طبيعية
دخلت نسرين انا جيت ياقوم
سميرة /شوفيها شكلها مش طبيعي خالص دي حتي مبتعيطش وطلبت اكل
نسرين /طنط سيبيها تعبر عن غضبها باي طريقة هي عاوزاها ،
ومتسءلهاش مالك .. مليكه جواها كمية غضب تحرق العالم كله سبيها تنفس عنه ا حسن ما يحصلها حاجة
روحي انتي أعمللها الاكل وانا ريحلها
نسرين /لوكا القمر بتعملي ايه
مليكه /بمنتهي الهدوء بدور على شغل في أي مزرعة بعيده
مش ده كان حلمي من ايام الكليه اني امسك مزرعة كبيرة بس أجلت حلمي كتير وهو جيه الوقت اللي احقق في حلمي
نسرين /و تسبيني يالوكا
مليكة/ انا حسيب الدنيا كلها.
وفجاءة شوفي الاعلان ده طالبين دكتور بيطري في مزرعة علي طريق مصر اسكندريه الصحراوي بس ايه الشرط الغبي ده
نسرين,/ شرط ايه يالوكا
مليكه /شرط يكون راجل ايه هو في ناس لسة متخلفه لدرجاتي لسة بتفكر بنت ولا راجل راجعيه
نسرين / وحتعملي ايه شوفي غيرة
مليكه / بتحدي لأ حشتغل هناك
نسرين /, ازاي يعني بقولك شرط قبول الوظيفه يكون راجل حتركبي شنب
مليكه/ ودقن كمان لو طلبت
جاء ت سميرة بالاكل كل ده ومليكه ملتزمة الصمت تام وفجاءة وقعت عنيها علي صورة لهم على موبايل
تحولت مليكة من. شخص هادي لشخص قمة في الغضب
مليكه / ااااه اااه موجوعة موجوعة ااه قلبي حيقف من الوجع مش قادر اااه انا عاوزة اشيل قلبي من مكانه قوليلي يا امي انا غلط في ايه..
انا حبيته يعمل كده ليه قلبي يا امي قلبي واجعني حموت من وجعه مش راضي يسكت اااه
وفجاه الباب خبط فتحت نسرين
نسرين/ انت يابني معندكش دم مبتحسش جيت ليه
احمد ملكيش دعوة يانسربن انا جاي علشان خاطر لوكة قلبي من جوا وهي حتسامحني صح يالوكا غلطة كانت نزوة سامحيني يا حبي مش حغلط تاني
نسرين انت بني ادم بارد
مليكه ومسحت دموعها و رسمت القوة. نسرين بس خلصنا. وابتسمت
طبعا حسمحك يا حبيبي تعالي نتفاهم وفجاءة سحبت السكينة من صنية الاكل و حطتها علي رقبته
بقلم نرمين قدري
سميرة /. مليكة انتي اتجننتي حضيعي نفسك علي كلب
احمد ل بفزع لوكا انا حماده حبيبك اهدي بس ياروحي
مليكه / طلعت روحة يا ندل انت اللي جيت لقضاك انا حندمك علي اليوم اللي طلعت في صدفه قدامي
اتشاهد علي نفسك اوعي تكون فاكرني البت الضعيفة اللي حتقعد تندب حظها أنها خسره حبيبها
لا فوق دا انا مليكه انا اللي بصنع الوجع وانا اللي بكسرة اقلع يلا ه
ا
حمد /اقلع ايه انتي انعبطي
مليكه/. وتقرب سكينه اكتر بقولك اقلع هدومك مش انا اللي جيباها اقلع
احمد / اعقلي حقلع كده قدام امك ونسرين عيب ميصحش تعالي طايب جوا في الاوضه ماهي دخلتنا كانت انهاردة بردو
مليكه/ انت حتسظرف يا روح ولدتك اقلع لاقسما بالله اشوهك وانا دكتورة حيوانات حخليك شبه الخنزير لو مقلعتش
مش كان نفسك تشوفني وانا بتعامل مع الحيوانات حوريك الحيوانات بتتعامل ازاي
اقلع بسرعة
قلع احمد التي شيرت اتفضلي
مليكه / كله كل حاجة انا جبتهالك تقلعها اظن كلامي مفهوم واخلص يلاه
قلع احمد الجزمة وساعة وشراب خلاص بقي كفايا كده
مليكة / ما انا بردو اللي جايبه بنطلون
احمد / مليكه متستعبطيش بنطلون ايه اللي حقلعه
قربت منه سكينه وجرحته جرح طفيف
احمد / ابعدي الزفته دي حتعوريني يا بني ادمه انتي
مليكه /وايه ياعني لما تتعور طظ في داهيه كلب وراح
احمد / وبعضين بقي في اليوم الاسود ده
مليكة / اليوم الاسود اللي عرفتك فيه ده انا بعد متغور من هنا ححتفل مش في شربات عندنا ياسوسو
سميرة / ابو يابنتي
.
مليكه / خلاص خشي اعمليه علشان حنزل اشرب شارع كله
وحصلي ركعتين شكر لربنا أنه خلصني منه
مليكه / ب زعيق اخلص يلا مش فاضيلك اخلع البنطلون بدل ما اخليك تزل من هنا زي مولدتك امك اخلص
قلع احمد البطلون وفضل باسروال الداخلي فقط
بعدت مليكه السكينه
ودلوقتي برا اطلع برا مش عاوز ك في حياتي برااا
وسط ضحكات نسرين
نسرين /باطني مش قادرة واامفجاءة أنها كانت بصور من الاول
مليكة / برا قلت اطلع برا بيتي
احمد / حنزل ازاي كده مش معقول
مليكه دي مش مشكلتي دي مشكلتك حلها مع نفسك
انا لما عرفتك كنت كده وانا اللي عملتلك قيمه برااا برا زقته مليكه برا الشقة وقفلت باب وقفت ورا الباب و انهارت في البكاء
سحبتها سميرة لحضنها معلش يا حببتي بس الضربه اللي متوتش تقوي وانتي غلطي يا حبيبتي
رفعت مليكه رأسها غلط علشان حبيت
سميرة / لا الحب عمره ما كان غلط بس انتي فهمتي الحب غلط انتي رخصتي نفسك قوي يا مليكة اوعي تكوني فكراني غبية و مصدقه أن احمد هو اللي جاب الحاجات دي كلها لاء ياقلبي انا كنت عارفه كل حاجة كل مرة بتطلبي مني فلوس باي حجه يبقي عارفه بس كنت بقول عديها رايحين بين بنتي
لكن انتي رخصتي نفسك قدامه متعبش علشانك انتي اللي كنتي بضحي بكل حاجة علشانه خلتيه يفتكر أن اللي بتقدمهولو حق مكتسب ولو قصرتي انتي غلطانه الدرس ده يعلمك تعززي نفسك كويس انتي غاليا قوي
يا قلب امك محتاجة حد يصونك ويعززك
مليكه / بدموع انا عمري ما ححب تاني خلاص
سميرة/ العيب مش في الحب ياقلبي
الفكرة هو ازاي نعرف نحب مينفعش الحب و العطاء لازم يكون من الطرفين مينفعش طرف واحدة بس هو اللي يدي و يحاول يثبت حبه
والتاني اناني تتعود باخد بس من غير ما يدي ده ما سمهوش حب أسمه أنانية
لازم يا حببتي العطاء يكون بحدود لكن انتي لغيتي حدود عواطفك ومشاعرك غلبت عليكي وبقيت هي متحكمة فيكي
مليكه /خلاص يا ماما اتعلمت الدرس كويس بس دفعت تمن العلام ده غالي قوي
انا داخلة انام
دخلت مليكة غرفتها ودخلت نسرين وراها
نسرين/ علشان خاطري يا لوكا متزعليش نفسك بكره ربنا يعوضك خير ان شاء الله وتلاقي اللي يستاهل حبك
مليكة / انا قفلت قلبي خلاص موضوع الحب ده خلاص
انا حبص لمستقبلي وخلاص كل هدفي دلوقتي
انا عاوزة اشتغل في مزرعة اللي منزله الإعلان فرصة حياتي بجد مزرعة كبيرة وحلم اي بيطاري يشتغل فيها
نسرين / بس هما حاطين شرط مستحيل
مليكة. /وانتي تعرفي عني اني بعرف المستحيل