فى احدى القرى الصعيديه يوجد دوار كبير مزين بالأنوار والزينه الملونه ويوجد
قصاده شادر بي بعد الناس الذين جاءو للمباركه ومشاركة العائله الافراح وإطلاق بعد
الاطلقه الناريه دليل على الفرحه
داخل الدوار يوجد النساء منهم من يعد الطعام فى المطبخ للعرسان ومنهم من يطلق
الزراغيط وبعد الاغانى المصريه الشعبيه المشهوره ومنهم
من يقوم بالرقص على الطبل والاغانى وفى إحدى الغرف
بالدوار يوجد العروس ومعها الكوافيره ومعها ولدتها واختها وبعد الاصدقاء
نصره :- عقبال عندكم يا بنات
الكل :- مبروك يا خالتي ربنا يتمم ليها على خير يارب
ايه :- جرى ايه يا عروسه قعده ساكته بتفكرى في العريس من دلوقتى ولا ايه
ورد :- ايه الله يرضه عنك سبينى فى حالى
نصره :- معلش يابنات ممكن تطلعوه بره الاوضه شويه
البنات :- طبعآ يا خالتي
وطلعو البنات وقفلو الباب وراهم
نصره :- جرى ايه يا بنتى مالك مش مبسوطه والحزن مالى قلبك
ورد :- يااما بلاش الجوازه دى ماانش عايزه مش بحبه
نصره :- يا بنتى اعقلى احنا منقدرش نعمل حاجه جدك الأنصارى هو اللى أمر بكده
ورد :- ليه هو جدى اللى هيتجوز ولا انا انا مستحيل اتجوز البنأدم ده ده انا لما بشوفه
بس قدامى بخاف وقلبى بيقع فى رجليه
نصره :- استعيذى بالله من الشيطان الرجيم وشيلى الخرفات اللى فى دماغك دى صقر مفهوش حاجه تتعيب ومعاه شهادة يعنى متعلم زيك
ورد :- وانتى بتسمى كلية زراعه دى شهاده دى بتاعة الفاشله وبعدين انا لما اصحابى يشوفه هيقولو ايه
نصره :- جرى ايه يا دكتوره يا بنت بطنى هتستعرى من أهلك ولا ايه شكل التعليم وعشتك
فى البندر نساكى اصلك وحتى طريقة كلامك اكتر الاوقات بتتكلمى زى بنات البندر بتتكسفى خلاص مننا
ورد :- لا يا اما مش قصدى انتو على راسى من فوق مقدرش اقول حاجه لكن جوازى من صقر صعب
نصره :- قفلى على الموضوع ده يا ورد وجهزى حالك علشان تروحى مع جوزك اوضه
واياكى اسمع شكوه منك هقطع خبرك واعملى حسابك جدك
الأنصارى مايعرفش انك مش عايزه تتجوزى صقر ولو عرف هيقطع
خبرك انا قولت ليكى وانتى حره ويلا زمان البنات تحت
منتظراكى علشان يهيصو ليكى شويه
ورد :- بدموع يعنى انا اتكتب عليا العمر كله اعيش مع واحد مش بحبه وبخاف منه وده كله علشان العادات والتقاليد حرام والله
نصره :- ورد قولنا ايه امشى قدامى
ورد :- خرجت مع امها من الاوضه ودموعها على خدها وغطت وشها بالطرحه ونزلت وقعدت وهى ولا حاسه بالدنيا وكان الكل سعيد ومبسوط الا هى
.................................................
فى الشادر
كانت الرجاله مستمره فى ضرب الاعاريه الناريه فى الهوا
الأنصارى :- صقر يا ولدى تعال عندى عايزك فى المكتب
صقر :- جاى وراك يا جدى
ومشى الأنصارى على المكتب وشويه ودخل ليه صقر
صقر :- خير يا جدى كنت عايز حاجه
الأنصارى :- اه كنت عايز اقولك كلمتين
صقر :- قول
الأنصارى :- انت مش عايز تعرف سبب تصميمى على الجوازه دى انها تتم
صقر :- ما انت قولت ان انا هتجوز ورد ومحمد هيتجوز ايه علشان مفيش حد بيتجوز من بره العيله
الأنصارى :- مش هو ده السبب يا ابنى
صقر :- مش هو امال ايه السبب
الأنصارى:- السبب انت يا صقر
صقر :- انا مش فاهم انا ازاى
الأنصارى :- يا صقر انت بتحب ورد حتى لو حاولت تدارى ده وراه قسوتك وصلابتك
انا أقدر اشوف ده فى عينك بسهولا والمشكلة أن ورد مش
حاسه بيك وبحس انها بتخاف منك ومن قسوتك علشان كده
اصريت انك تتجوز ورد انت هتقدر تخليها تحبك وهتقدر
تشيل الخوف اللى فى قلبها منك خليك حنين معاها ورد رقيقه اوى
وحساسه وليها غلاوه فى قلبى خاصه علشان كده ملاقتش حد هيحافظ عليها غيرك انت
صقر :- وهو بيحاول يدارى ايه اللى بتقوله ده ورد واحده زى اى واحده بالنسبه ليا
الأنصارى :- انا عارف انك عندى ومش هتعترف بسهولا المهم
تخلى بالك على ورد واياك تزعلها اتفضل روح خد مراتك واطلع اوضك
صقر :- دلوقتى مش لسه بدرى
الأنصارى :- لا اطلع انت واحنا هنكمل الفرح
صقر :- ماشى وخرج من المكتب وراح عند الدوار
ونده على نصره
نصره :- ايوه يا عريس
صقر :- نادى على ورد
نصره :- لولولولولولوى يلا يا بنات زفو ورد علشان رايحه مع جوزها
ايه :- ايه ده يا اما لسه بدرى هو ماله مستعجل كده
نصره :- يابت ملكيش دعوه راجل وعايز مراته وبصت وقالت يلا ياورد روحى لجوزك
ورد :- قعده ومتحركتش ودموعها نزله من عنيها من تحت الطرحه
صقر :- من بره يلا يا مرات عمى مش هستنى ساعه على ما تيجى
نصره :- ا.ا ايوه يا ابنى جايه اهو وشدة ورد وقفتها وقالت ليها
فى ودنها اخلصى وروحى بدل ما جدك يحس بحاجه
ورد :- شهقتها زادت
نصره :- يابت اكتمى الناس تقول عليكى ايه معيوبه ولا ايه امشى بلاش فضايح
ومشيت نصره ومعاها ورد وراحت عند صقر
نصره:- مراتك ايه يا اخويه ربنا يهنيكم ويسعدكم يارب
لولولولولولوى وبدء ضرب الاعاريه الناريه واخد صقر ورد وطلع اوضه
وقفل الباب وراه
ورد :- انتفضت فى مكانها من الخوف
صقر :- دخل وقعد على الكرسى وقلع الجزمه وبص على ورد وقال انتى هتفضلى واقفه
كده كتير ما تدخلى واقعدى
ورد :- فضلت وقفه مكانها ومردتش عليه
صقر :- استغفر الله العظيم مش بكلمك انا ما تردى وقام وقف وراح عندها ومد أيده علشان يشيل الطرحه من على وشها
ورد :- بعدت عنه
صقر :- يعنى هتقعدى كتير بالبتاعه اللى على وشك دى ما تشليها
ورد :- مدت ايديها وشالت الطرحه من على وشها
صقر :- سرح فى جمالها وقعد يبص ليها مده طويله
ورد :- ا.ا.انت بتبصلى كده ليه
صقر :- احم ولا حاجه انا هدخل الحمام اغير وهسيبك هنا براحتك وسبها ودخل الحمام
ورد :- بصت على القميص اللى محطوط على السرير رمته على الأرض وقعدت على السرير ودموعها نزلت منها
وبعد وقت طلع صقر من الحمام وكانت ورد لسه بالفستان
ورد :- اول ما سمعت صوت رجل صقر مسحت دموعها
صقر :- انتى لسه بالفستان ليه
ورد :- سكتت ومردتش عليه
صقر :- اللهم يطولك يا روح لما اكلمك ردى عليا علشان متعصبش
ورد :- ه.ه.هدخل الحمام ا.ا اغير
صقر :- ما انا سبت ليكى الاوضه ودخلت الحمام علشان تبقى براحتك
ورد :- لا ا.ا.انا هدخل الحمام وفتحت الدولاب وطلعت ترنج واخدته ودخلت الحمام
صقر :- بص عليها وبعدين بص على الأرض لاق القميص واقع على الأرض واطه وجابه
ومسكه وبص ليه كتير وبعدين اتنهد وحدفه على السرير غابت
ورد فى الحمام قلق عليها صقر راح عند الباب وخبط على الباب وقال
صقر :- ورد انتى بتعملى ايه كل ده
ورد :- مردتش عليه
صقر :- ورد ورد ردى بدل ما اكسر الباب
ورد :- لا اوعا
صقر :- اخد نفسه وبعدين قال بتعملى ايه كل ده
ورد :- ش.ش.شويه وطالعه
صقر :- بص للباب ومشى وقعد على الكرسى وانتظر خروجها بس برضه اتأخرت
راح عند الباب تانى وخبط وقال هو فى ايه كل ده بتعملى ايه
ورد :- مردتش عليه
صقر :- بعصبيه يا دين النبى كام مره اقولك ردى عليا انتى ايه مش بتفهمى
ورد :- فتحت الباب ودموعها على خدها
صقر :- اتصدم لما لاقها طالعه بالفستان تانى وقال ايه ده
ورد :- بدموع ايه
صقر :- هو ايه اللى ايه بقالك ساعتين فى الحمام وبعد كل ده طالعه بالفستان امال كنتى بتعملى ايه جوه
ورد :- ا.ا.انا هنام كده فيها حاجه
صقر :- نعم يا اختى تنامى بأيه
ورد :- بالفستان
صقر :- يا سلام ولما تنامى بالفستان انام أنا فين ده الفستان يدوب على قد السرير
ورد :- خلاص نام انت على السرير وانا هنام هنا وانا قعده على الكرسى
صقر :- بعصبيه بت انتى متعصبنيش فيكى ايه بالظبط وليه عايزه تنامى بالفستان
ورد :- انتفضت وقالت ا.ا.اصل السوسته معلقه ومش عارفه افتحها وكنت هستنا الصبح لما ماما تيجى تفتحها ليا
صقر :- تعالى افتحها ليكى
ورد :- بعدت عنه ومسكت الفستان وقالت لالالا ا.ا.انا هستنا ماما
صقر :- قرب ليها
ورد :- ا.ا.اوعى تقرب ليا
صقر :- قرب ليها ووقف وراها
ورد :- بعدت عنه وقالت ا.ا.ابعد عنى ملكش دعوه بيا
صقر :- شدها ليه وأخدها فى حضنه ومد أيده على السوسته وفتحها وقرب على ودنها
وقال متعودش اخد حاجه من حد غصب عنه وبعد عنها وسبها وطلع من الاوضه
ورد :- قعدت فى الارض وعيطت وقالت يارب انا مش طايقه قربه منى ومش قادره
استحمل خوفى منه يارب هونها عليا ومسحت دموعها وقامت وقفت لبست الترنج
ووقفت قدام المرايا قلعت الاكسسوار ودخلت الحمام غسلت وشها وخرجت من الحمام لاقت صقر بيفتح الباب
صقر :- بص ليها وراح على السرير ونام من غير ما ينطق ولا كلمه
ورد :- اطمنت لما لاقته مكلمهاش وراحت قعدت على الكرسى وضمت رجليها لصدرها
وحطت راسها على رجليها ونامت
صقر :- بص عليها لاقها نامت على الكرسى قام من على السرير وشلها ونيمها على السرير
وغطاها وراح هو قعد على الكرسى وقعد يبص عليها لحد ما عينه راحت فى النوم
الفصل_الثانى
بقلم دودو محمد
اشرقت شمس يوم جديد لتعلن عن بدايتها لتبدء ورد بفتح عيونها
ورد :- فتحت عينيها وبصت حواليها واستغربت المكان لحد ما جت عينيها على صقر وهو
نايم على الكرسى افتكرت إن كان فرحها امبارح بس استغربت لما لاقت نفسها نايمه على
السرير وهو نايم على الكرسى قالت
ورد :- ايه ده غريبه انا ايه جبنى على السرير هنا انا اخر حاجه فكرها إن كنت نايمه على
الكرسى مكانه وهو نايم على السرير قامت دخلت الحمام غسلت وشها واتوضت وخرجت أدت فرضها
صقر :- فتح عنيه ملاقاش ورد نايمه على السرير اتخض وفكر انها خرجت من الاوضه بس اطمن لما سمع صوت رجليها عمل نفسه نايم
ورد :- بعد ما خلصت صلاه راحت وقفت قصاده وقالت ا.ا.انت ا.ا.اصحه يلا
صقر :- مردش عليها
ورد :- قربت منه وخبطت على كتفه وقالت ا.ا.اصحه
صقر :- حس برعشه فى جسمه من لمست ورد ليه فتح عنيه وبصلها وقال صباح الخير
ورد :- ص.ص.صباح النور
صقر :- قام من على الكرسى وحط أيده على رقبته ودلكها من الوجع
ورد :- ه.ه.هو انا نمت ازاى على الكرسى
صقر :- انا حطيتك عليه لما لاقيتك مش عارفه تنامى على الكرسى
ورد :- بكسوف ش.ش.شكرآ
صقر :- بصلها وسابها ودخل الحمام
ورد :- بصت عليه وهو ماشى لحد ما دخل الحمام
اخدت نفس خرجت بيه الخوف اللى فى قلبها وبعدين راحت ترتب الاوضه
وبعد شويه خرج صقر من الحمام وشاف الاوضه مترتبه
صقر :- مكنتيش تعبتى نفسك كان اى واحده من اللى شغالين فى الدوار طلع ورتبها
ورد :- مفيش مشكله انا متعبتش وبعدين واخده على أن أول ما اصحه من النوم ارتبها علطول
صقر :- فى السكن اللى فى مصر
ورد :- ايوه وفى الوقت ده الباب خبط كانت لسه هتروح تفتح
صقر :- مسكها من درعها وقال اصبرى هنا رايحه فين كده
ورد :- ه.ه.هفتح الباب
صقر :- كده وبص على هدومها
ورد :- م.م.مفهاش حاجه دول ستات
صقر:- انتى عارفه معنى انك تقعدى فى الاوضه يوم صباحيتك بالبيجامه دى ايه
ورد :- بتلقائية عادى ما انا كنت بقعد فى اوضى كده ايه المشكله
صقر :- المشكله يا هانم انك دلوقتى متجوزه ومعنى لبسك ده أن محصلش ما بنا حاجه وستات الدوار هيتكلمو عليكى فهمتى
ورد :- اتكسفت ووشها احمر وبصت فى الارض
صقر :- البسى اى عبايه فوق البتاعه دى ولما حد يسالك لبسه كده ليه قوليلهم
لبستيها لما الباب خبط علشان انا مزعقش ليكى وسبها ودخل الحمام
ورد :- ح.ح.حاضر فتحت الدولاب وطلعت عبايه ولبستها وراحت فتحت الباب
نصره :- لولولولولولوى مبروك يا عرسان صباحيه مباركه خدى مننا الصوانى
ورد :- اخدت الصوانى منهم وحطتهم ودخلت الستات فى الاوضه
ايه :- مبروك يا رورو
ورد :- الله يبارك فيكى عقبالك انتى ومحمد
ايه :- يارب يا اختى يارب احسن هتجوز على نفسى
نصره :- يابت اختشى على دمك عيب اللى انتى بتقوليه ده والله التعليم فتح عيونكم على كل حاجه
ايه :- احنا فى عصر الانترنت احنا الجيل الرابع يا حاجه وجايه تقولى اختشى
نصره :- الله يرحم ايام زمان كانت الواحده بتدخل بيت جوزها قطه مغمضه مش فاهمه يعنى ايه جواز ومكناش بنشوف الراجل غير يوم الدخله
ايه :- دى كانت ايام دلوقتى هاتى طفله عندها 4 سنين وأسأليها يعنى ايه جواز تقولك يعنى الراجل يبوس الست ولا ايه يا خالتي
ام صقر شاديه :- الله يكون فى عون محمد منك ولدى قطه مغمضه
وفى الوقت ده خرج صقر من الحمام
صقر :- احم احم
نصره :- تعال يا ابنى صباحيه مباركه
صقر :- الله يبارك فى عمرك يا مرات عمى
ايه :- مبروك يا ابيه صقر
صقر :- الله يبارك فيكى عقبالك انتى ومحمد
شاديه :- تعال يا ابنى اقعد جنبى
صقر :- احم لا انا هخرج من الاوضه شويه وسبهم ومشى
نصره :- ها يا حبيبتى كله تمام
ورد :- هزت راسها بمعنى اه
شاديه :- وانتى لابسه كده ليه فى عروسه فى الصباحيه تلبس كده
ورد :- ا.ا اصل لما الباب خبط خفت افتح بهدوم عادى صقر يزعق لبست العبايه دى فوقيها
واحده من ستات العيله :- فين المنديل يا حبيبتى
ورد :- بعدم فهم منديل ايه
الست :- منديل شرفك علشان نوريه للناس ونرفع راسنا ده سلو عندنا
ورد :- اتكسفت وقالت ايه اللى حضرتك بتقولي عليه ده ده كان زمان الكلام ده لكن
دلوقتى الناس اتعلمت وفهمت والحاجه دى تخصنى انا وجوزى بس محدش ليا حق فيها
نصره :- عيب يا ورد متتكلميش معاها كده وبعدين هى مغلطيتش احنا عندنا كده
فى العيله نوريهم المنديل علشان يعرفوا أن بنتنا كانت بنت
بنوت وشريفه ومجرد ما ينضرب الاعيره الناريه فى الجو
الناس بتعرف كلها فى البلد
ايه :- لا يا ماما غلط الفكره دى من اسوأ العادات الموجوده فى البلد وفى بلاد تانيه كتير صعايده بطلو الفكره المتخلفه دى علشان دى حاجه خاصه ما بين الراجل والست
نصره :- بس انتى عيب متتكلميش فى حاجه زى كده انتى لسه صغيره
ايه :- صغيره ازاى انا فى 3 ثانوى وكمان كام سنه هتجوز ازاى صغيره
شاديه :- يا حبيبتى خلينا فى المهم وبصت لورد وقالت طيب هاتى لينا المنديل نشوفه احنا
ورد :- اتوترت ومعرفتش تقول ايه وفى الوقت ده الباب خبط وقامت ورد فتحت الباب واتنهدت براحه لما جه صقر فى الوقت ده أنقذها من كلامهم
نصره :- احم طب يلا يا نسوان نسيب العرسان براحتهم وخرجوا كلهم وورد قفلت الباب وراهم
صقر :- بص لورد بأستغراب وقال انتى مال وشك احمر كده ومتوتره
ورد :- ها م.م.مفيش
صقر :- طب يلا علشان ناكل
ورد :- ا.ا انا مش عايزه
صقر :- ورد كلمه واحده تقعدى تاكلى
ورد :- خافت وقعدت تاكل
صقر :- بصلها وكتم ضحكته عليها وهى بتاكل وهى خايفه زى الاطفال
ورد :- م.م.ممكن ا.ا اسالك سؤال
صقر :- امممم قولى
ورد :- ه.ه.هو انا م.م.ممكن اكمل تعليمى
صقر :- سكت
ورد :- بصت ليه بتوتر وقالت ا.ا اصل ا.ا.انا فاضل سنتين وه.ه.هتخرج حرام لما اضيع السنين اللى فاتو على الفاضى
صقر :- اممم ممكن تكملى
ورد :- فرحت اوى
صقر :- بس انا هوصلك كل يوم واجيبك
ورد :- اتصدمت وقالت ط.ط.طب ازاى السكه هتبقى طويله ا.ا انا ممكن اقعد فى السكن اللى كنت قاعده فيه
صقر :- لا قبل الجواز حاجه وبعد الجواز حاجه يعنى ما ينفعش تسيبى جوزك وتقعدى فى مكان تانى
ورد :- بس يعنى
صقر :- قطعها بحزم وقال هو ده اللى عندى يا اما كده مفيش تعليم
ورد :- بقلت حيله ماشى
صقر :- كلى بقى
ورد :- اكلت وبعد كده قامت قعدت على الكرسى
صقر :- تحبى تنزلى تقعدى تحت شويه
ورد :- ماما قالت مينفعش لازم بعد 3 ايام
صقر :- مليش دعوه بحد عايزه
ورد :- لا
صقر :- براحتك
ورد :- بصت شافت مكتبة كتب صغيره قالت هو انا ممكن اخد كتاب من هنا
صقر :- عندك المكتبه خدى اللى عايزه تخديه
ورد :- وقفت قصاد المكتب وقالت انت بتعمل ايه بالكتب دى كلها
صقر :- بقراهم انا خلصتهم كلهم
ورد :- بأعجاب واو بجد انت بتحب القراه
صقر :- اممم
ورد :- انا برضه بحبها
صقر :- خلاص عندك الكتب كلها اقرى اللى انتى عايزاه
ورد :- مسكت كتاب وقالت هاخد ده
صقر :- بص بأستغراب وقال ده اكتر كتاب بفضله واحب اقراه
ورد :- وانا كمان بعشقه
صقر :- يعنى انتى قراتى فيه قبل كده
ورد :- ايوه ده انا اكتر من 4 مرات اقراه ومش بزهق منه
صقر :- تقريبآ عدد المرات اللى قراته الكتاب ده
ورد :- على فكره احنا فينا حاجات كتير مشتركه بكتشفها
صقر :- بص ليها ومنطقش
ورد :- حست انها اندفعت وقالت احم ا.ا.انا ه.ه هقراه وفتحت الكتاب وقعدت تقراه فيه
لحد ما عينيها راحت فى النوم
صقر :- بصلها وهى نايمه وقام اخد من ايديها الكتاب وشالها وحطها على السرير وغطها
وكان فى خصله من شعرها نزله على وشها مد أيده رفعها
ولسه هيمشى أيده على وشها الباب خبط
قام فتح الباب وقال نعم
الشغاله :- ع.ع.عايزه الصوانى اللى ع.عند حضرتك هنزلها انا والبنات
صقر :- اقفى هنا على ما اجبهم دخل جاب الصوانى واداها للبنات وقفل الباب ورجع
بص على ورد وهى نايمه قعد على الكرسى ومسك الكتاب
وقعد يقراه فيه وبعد وقت حس بورد بتتحرك
ورد :- فتحت عينيها لاقت نفسها نايمه على السرير قامت قعدت وقالت انا نمت ازاى
صقر :- عينك راحت فى النوم شلتك وحطيتك على السرير
ورد :- احم ل.ل.لما تلاقينى ن.ن نايمه على الكرسى متتعبش نفسك خلينى نايمه
صقر :- انتى بعد كده لما تحسى بالنوم نامى على السرير
ورد :- حاضر وقامت من على السرير ومشيت رجليها اتكعبلت فى السجاده
صقر :- جرى عليها ومسكها فى حضنه وبص فى عينيها
ورد :- بصت فى عينه شافت نظره غير اللى بتشوفها من بعيد فى عين صقر
صقر :- بص على شفايفها ولسه هيقرب منها يبوسها
ورد :- اخدت بالها من الوضع اللى هى فيه واتوترت لما شافت صقر بيبص على شفايفها
وبيقرب منها بعدت عنه وقالت ش.ش.شكرآ اتكعبلت غصب عنى فى السجاده
صقر :- فاق لنفسه وقال احم خلى بالك بعد كده
ورد :- ح.ح.حاضر ودخلت الحمام وقفلت الباب وراها وبصت لنفسها فى المرايا لاقت
خدودها حمرا من الكسوف قالت كنت هروح فيها بس اول مره اكون
قريبه اوى منه كده ومش خايفه وحسيت بأحساس غريب
وهو عنيه كان فيها نظره غريبه انا مش فاهمه حاجه وغسلت وشها وخرجت كان صقر خرج من الاوضه
ورد :- بصت على صقر فى الاوضه ملاقتهوش قعدت على المكتب ومسكت الكتاب
وقعدت علشان تقرأه فيه بس لفت انتباها حرف صوره خرجه
من درج المكتب فتحت الدرج لاقت صورتها محطوطه فيه
ورد :- بأستغراب صورتى بتعمل ايه فى اوضت صقر مسكتها كان تحتها مذكرات صقر
مدت ايديها وهى متوتره بس فاجئه حست أن الباب بيتفتح
قفلت الدرج بسرعه ومسكت الكتاب وقعدت كأنها كانت بتقراه فيه