رواية ليالي الزين
الفصل التاسع والعاشر والحادى عشر والثانى عشر
بقلم رباب احمد
الفصل التاسع
قعد زين وبياخد نفس طويل
نادر باستغراب من حاله زين
مالك يا زين فى ايه
زين
انت رجعت امتى من السفر
نادر
امبارح بليل
زين والاخبار ايه فى المعدات الجديده
نادر بثقه
ماتقلقش هتوصل فى معادها ومحدش هيعرف بوصلها
زين
نادر خلى بالك مش عاوز حد يعرف خالص بالموضوع ده لحد ما اعرف مين الخاين ال فى المجموعه
نادر
ماتقلقش محدش يعرف انا كنت فين والكل فاهم انى كنت واخد اجازه عشان بنتى
زين تمام اوى
صحيح مريم بنتك عامله ايه
نادر
بحاول ابقى ليها الاب والام
زين بعمليه
طب ما تتجوز وتجى واحده تاخد بالها منها
نادر بحزن
صعب الاقى ال تعوضنى مريم الله يرحمها دى كانت حب عمرى وحياتى كلها
وصممت ان الحمل يكمل ومن ورايا عشان تفرحنى مع ان قلبها كان تعبان جدا
زين
يعنى مش هتجوز تانى
نادر
زين انت صعب تحس بيا متزعلش منى يا صاحبى بس انت قلبك قاسى وعندك برود فى المشاعر مش هتحس انو صعب واحده تانيه تخش حياتى وكمان تتقبل مريم بنتى فيها
زين بصله وساكت
نادر حس انو ادايق
زين متزعلش منى انا مقصدش
زين بتفكير وبلهجه غريبه استغربها نادر
هو انا بارد فى المشاعر بجد
نادر شك فى طريقه كلامه
مالك يا زين فى حاجه مخبيها عليا
زين بتنهيده اه
نادر بقلق فى ايه
زين
انا كتبت كتابى على بنت عمى
نادر بزعل
نعم ومن غير ما اعرف لدرجه دى معتبرنى غريب انا فكرت انى اخوك ماشى يا زين سلام
زين بسرعه
اهدى واقعد واسمعنى بدل ما اقوم اديك بوكس فى وشك اشلفطه
نادر بخوف مصطنع ماشى يا كبير احكى
زين اخد نفس طويل
وحكى ل نادر كل حاجه سبب الجوازه وال قاله ل ليالى وال حس بيه لحد ال حصل النهارده الصبح
وزين مش بيقدر يحكى ويتكلم غير قدام نادر لانه بيعتبره اخوه ونصه التانى
نادر بضحكه عاليه
شكلنا وقعنا والبارد هيحب
زين بغضب ما تلم نفسك ايه بارد ال الكل مسكهالى دى
نادر بابتسامه وبغمزه ليه حد قلك كده غيرى
زين
اه هيا استريحت
نادر
مهو فعلا انت بارد فى مشاعرك يا زين ومش بتحس بحد خالص قفلت على نفسك اوى
وبقيت زى الاجانب اه كلنا سافرنا وعشنا بره فتره بس متاثرناش اوى زيك انت بقيت عملى اوى زيهم وسحبتك دوامتهم يا زين متزعلش من كلامى انت عارف انت عندى ايه وزعلان على حالتك ومش انا لوحدى وبباك وممامتك وبباك اشتكالى كتير
زين بتنهيده
شكل البارد هيبقى نار مولعه بسبب ليالى
نادر بابتسامه
يارب اشوفك كده
زين
بقى عاوز تشمت فيا
نادر
لا يا صحبى بالعكس ده انا هفرح اوى كمان النار دى هتجى لما قلبك يدفى من الحب ويشعلل فيه وينور جواك وحواليك
فى الوقت ده تلفون زين رن
الو
--------
زين بتقول ايه طب انا جاى خلى بالك منهم انت والبقر ال معاك
وقام بسرعه من على مكتبه
نادر بخضه فى ايه يا زين
زين
شويت كلاب اتعرضوا ل مى وليالى فى الجامعه واشتبكوا مع الحرس
نادر
طب انا جى معاك وهكلم الحرس يحصلنا
ونزل زين ونادر راحوا الجامعه
كان لسه الاشتباك شغال وامن الجامعه مش قادر يفك الاشتباك ده
نزل زين ونادر بكل ثقه من العربيه والحرس وراهم ال قدروا يخلصوا الموضوع
وبعديها طلع زين ونادر اوضه العميد عشان يعرفوا الموضوع
فى اوضه العميد
واقفه مى ونهى صحبتها وليالى
وشويت الشباب ال عكسوا ليالى ومى ونهى
زين
ايه ال حصل لو سمحت
العميد
اولا نورتنا يا زين بيه
زين بثقه شكرا بس ايه حصل
دكتور احمد كان واقف جمب العميد وهو ابنه
احمد
انا هفهمك يا زين بيه
انا كنت داخل ادى المحاضره لقيت الشباب ده بيعاكس ليالى ومى ونهى
زين رفع وشه ل ليالى ال لقى دموعها نازله وحس بنغزه فى صدره
ونادر بصلهم بس لفت انتباهه ملاك فى وسطيهم نهى وجذبته برقتها
زين
وبعدين ايه حصل
احمد
بعدين بداو يطولوا بالايد ويحاولوا يتحرشوا بيهم
والحرس ال معاهم ادخل وحصل اشتباك
زين اول مره يحس بغيره وغضب وقام من مكانه
وبص للشباب نظره ارعبتهم
انا هعرفكم هيحصل ايه فى ال يقرب من حد يخص زين الفيومى
وبص للعميد عاوز اساميهم بالكامل
احمد
حاضر وعموما هما هيتمنعوا من الامتحانات السنه دى
زين تمام نادر اتصرف معاهم
نادر
قام بثقه وبص ل زين
اعتبر الموضوع انتهى وكله تحت السيطره
فى الوقت ده نهى رفعت عنيها تشوف ال بيتكلم بثقه زى زين ولا يقل عنه هيبه
واتلاقت عيون نادر ونهى ل ثوانى
ونهى اتكسفت ونزلت عنيها بسرعه
وابتسم نادر ابتسامه هاديه على كسوفها
اما احمد عنييه كانت على ليالى ومش بنزلها وزين اخد باله وبعصبيه يلا قدامى على البيت
والبنات سمعوا الكلام وخرجوا فى هدوء
وهما ماشين احمد نادى على ليالى
احمد
ليالى لفت ليالى ليه
نعم يا دكتور
بصلها بصه كله شغف لو احتاجتى اى حاجه فى اى وقتى تعالى المكتب ومتخافيش العيال دى انا هربيها
ليالى بهدوء
شكرا يا دكتور
زين ادايق جدا وبصله بصه ارعبته
زين شكرا يا دكتور واتكى على ايه جامد وهو بيسلم عليه \
طلعوا من باب الجامعه اتخضت مى وليالى ونهى من كميه الحرس ال بره
مى باستغرب ا
ايه كميه الحرس دى كلها
نهى بابتسامه هاديه
دول قفلوا الجامعه واحنا كنا بنحارب
زين ونادر كانوا وراهم وسمعوهم
ونادر ابتسم على كلمه نهى
زين بغضب اتفضلوا على العربيه
نهى
طب سلام هبقى اكلمك اطمن عليكى
مى
طب تعالى اركبى معانى هنوصل
نهى
لا معايا عربيتى متقلقيش
زين
يلا يا نهى اركبى معاهم هوصلك
نهى بخوف وارتباك منه
لا شكرا مش عوزه اتعبك معايا
تدخل نادر فى الحوار
امشى انت مع مى وانا هوصل نهى متقلقش
زين تمام خلى شويه من الحرس يمشوا وراك احسن ولاد الكلب دول يعملوا حاجه لحد ما اتصرف معاهم
نادر تمام
وميل على زين وشاوشه بس تصدق تستاهل قمر
زين بصله بغضب
لم عنيك احسن ما اقلعهم من مكانهم
نادر بضحكه وربنا شكلنا وقعنا
زين خبطه فى كتفه وضحك
واول مره ليالى تاخد بالها من ضحكه زين وتشوفه بيضحك اصلا
واخد نادر نهى معاه فى العربيه وخلى حد من الحرس يسوق عربيتها \
نهى بكسوف
اسفه لو عطلت حصرتك
نادر بابتسامه هاديه زادته وسامه
مفيش تعب احم هو انتى صحبت مى من زمان
نهى
ايوه من ايام الثانويه
نادر
غريبه عمرى ما شفتك عندها
نهى بحزن
اصل مكنتش بخرج كتير لان ماما تعبانه وانا ال بقعد بيها ومى هيا ال كانت بتجيلى
نادر
الف سلامه عليها ربنا يشفيها
نهى
يارب مليش غيرها بعد وفاه بابا
نادر
انتى بباكى متوفى \
نهى
ايوه مات وسبنى انا وماما ل وحدنا
نادر باسف
ربنا يرحمه
نهى خلاص وصلنا
نادر انتى عايشه هنا
نهى
ايوه انا وماما فى الدور الثالت وعمى فى التانى
اصل ده بيت العيله
نادر بابتسامه
فرصه سعيده يا نهى
نهى بخجل
انا اسعد
ونزلت طلعت الشقه
اما زين وصل ب مى وليالى الفيلا ودخل وعفاريت الدنيا بتتنطط فى وشه
زين
ادخلى يا هنام انتى وهيا
مهاب كان قاعد بيقرا كتاب واتخض من صوت زين
فى ايه يا زين صوتك عالى ليه
زين بغضب
الهوانم اتعكسوا فى الجامعه وكانت مجزره هناك
مى
واحنا مالنا يا زين احنا ال قولنالهم عكسونا
كل ده ليالى ساكته ومش بتتكلم
زين مهو لو الهانم لبسه لبس عدل مكانش حد كلمها
ليالى رفعت عنيها وبصتله انت تقصدنى انا
زين بعصبيه
ايوه انتى ايه ال لبساه ده
ليالى بعصبيه
ماله لبسى بنطلون جينس وشميز طويل عليه كمان مش قصير
الفصل العاشر
ليالى بعصبيه
ماله لبسى مهو بنطلون جينس وشميز طويل عليه وبعدين مهى مى لبسه زى متكلمتش
زين بتوتر فى كلامه وحاول يدريه باوامره وصوته العالى
مفيش مرواح كليه تانى مفهوم
ليالى ازدادت عصبيتها
انت ملكش حكم عليا ولا اى كلمه يا ابن عمى وال يؤمرنى دلوقتى عمى وجدى وبس
وبتلف عشان تروح اوضتها
رجعتله تانى وبكل ثقه بصتله
انا هروح الجامعه واخرج زى ما انا عوزه ولو حصلى حاجه بعد كده ومستعر من ال جايه من الفلاحين ومتشرفكش تبقى قول معرفهاش
وبعدين انت جيت ليه دكتور احمد كان هيخلص الموضوع
وسبته وطالعه
زين اتنرفز لما سمع اسم احمد وادايق جدا
وقالها بصوت عالى
قولى كده عجبك سهوكته معاكى ماشى يا ليالى
ابتسمت ليالى وهيا طالعه لانها حست انو غار عليها من احمد وقالت فى نفسها
والله لجننك يا زين واخد حقى منك
كل ده تحت انظار مى و مهاب ال مستغربين ردت فعل زين
زين بصلهم
انتم بتبصولى كده ليه
مى باستغراب
اصلى مستغرباك بتزعقلها هيا وسبنى انا مع انى لبسى اديق من لبسها كمان ومش طويل زيها
واول مره اشوفك مدايق كده حتى لما كنت بتعاكس كنت بتخلى الحرس يخلص الموضوع او تبعتلى نادر اول مره تجى فى مشكله ليا يعنى
كلام مى فوق زين وحس انو هيتكشف قدامهم
زين بعصبيه
مى اطلعى واضتك دلوقتى مفهوم
طلعت مى والابتسامه على وشها وحست ان اخوها وقع فى لى لى
مهاب فاضل باصص ل ابنه وساكت
زين
بتبصلى كده ليه يا بابا
مهاب
مستغربك يا زين عمرك ما عملت كده مع مى اشمعنا دلوقتى بتعمل كده
زين بتوتر
عادى يا بابا خفت عليهم
مهاب
لا والله من اميتا بتخاف على حد طول عمرك قلبك جامد ومش بدور على اختك اصلا وحتى دلوقتى مكلمتش اختك وزعقت ل بنت عمك
زين من غير ما يوعى
قصدك مراتى
مهاب بفرحه حاول يدريها ويرسم دور الجديه
لا مش مراتك وانت ال قولت كده وقلت انها متنفعكش ومش هتتشرف بيها صح ولا
زين
يا بابا 00
مهاب مقاطعا له
سبنى اكمل كلامى انسى خالص ليالى يا زين انت ال اخترت وهنتها ودى امانت اخويا احمد وجدك وعيش انت حياتك زى ما انت عيشها وليالى ربنا يرزقها براجل يعرف قيمتها
زين ضغط على سنانه وكور ايده لحد ما ايده ابيضت من الضغط عليها
وساب بباه من غير ما ينطق وطلع على اوضته
مهاب ضحك بعد ما ابنه طلع وقال شكلك وقعت يا زين
شويه وتلفونه رن وكان والده
مهاب
ايوه يا حاج اخبارك ايه واخبار صحتك
ايمن
انا تمام يا مهاب ايه الاخبار عندك ليالى لسه عوزه ترجع المنصوره
مهاب
لا احنا اقنعناها وكله تمام متقلقش نفسك
ايمن بحزن
وابنك لسه بيعملها وحش
مهاب بضحك
حفيدك وقع ولا حد سمى عليه والجبل اتحرك وقريب هينطق
ايمن بفرحه
بجد يا مهاب طب ايه ال حصل
مهاب
بيغير عليها بجنون
ايمن
يعنى ابتدى يجبها
مهاب
لا اكيد حبها ليالى تتحب من اول نظره
ايمن
طب الحمد الله انا احتمال ارجع الاسبوع الجاى
مهاب
طب والعمليه مش هتعملها
ايمن
لا الدكاتره قالوا الموضوع لسه فى اوله وهيبتدوا بالعلاج الاول ويشوفوا هيجيب نتيجه ولا لا
مهابطب كويس يا بابا ربنا يخليك لينا انا كنت جيلك قبل العمليه بيوم وهقعد معاك
ايمن
لا خليك انا ال هاجى
مهاب
بس كده هيبقى فى مشكله لو رجعت دلوقتى ليالى هتصمم انها ترجع معاك المنصوره وتطلق من زين زى ما كنت قيلك وكل ال بنعمله هيتهد
ايمن بتفكير
طب خلاص انا هقعد هنا فتره مع خال ليالى هنا على ميخلص تصفيت شغله وانزل معاه وسيف هيناقش الرساله بتاعته كمان 10 ايام وهينزل انا كنت مفروض هنزل معاه
مهاب
طب مهمو سيف ممكن يجى يقول ل ليالى انك كويس ومش هتعمل العمليه
ايمن
ماتقلقش سيف راجل وانا هفهمه كل حاجه هنا وهو بيسمع كلامى
مهاب
تمام يا بابا وانا هبلغك باى حاجه جديده متقلقش
ايمن
مهاب بنت اخوك امانه فى رقابتك مفهوم اوعى حد يجى عليها
مهاب
دى فى عنيا دى حته من احمد وانا معاها مهما حصل حتى لو هاجى على ابنى هيا عندى اهم متقلقش
ايمن براحه
تسلم يا بنى ربنا يبارك فيك سلام وتبقى سلملى على الولاد
مهاب
سلام يا بابا
وهو بيقفل مع بباه ناديه مراته جات من برا كنت بتعمل شوبنج وبتشترى حاجات ل لى لى كهديه ليها عشان تحسسها انها زى مى عندها
مهاب
حمدالله على السلامه ايه كل ده
ناديه
الله يسلمك دى حاجات ل لى لى ومى
مهاب
ربنا يبركلى فيكى على ال انتى بتعمليه مع لى لى بنت اخويا
ناديه
قولتلك ميت مره انا اعتبرتها بنتى زى مى بظبط
مهاب
باس ايدها ماش يا قلبى تعالى احكيلك ال حصل
ناديه
هو فى حاجه حصلت وانا مش هنا
مهاب بابتسامه نصر
اه الجبل اتحرك والبرود بقا نار
نادريه بتحاول تجمع معنى الكلام وفجاه انت تقصد زين ايه ال حصل
حكالها مهاب كل ال حصل وال زين عمله مع ليالى ومكلمته مع والده والاتفاق ال حصل
ناديه بفرحه
مش قلتلك مش هنتعب ولسه ابن بطنى هيشوف ده انا هخلى لى لى تجننه
هخلى زين يمشى فى الشارع يقول بعشقها
مهاب بضحكه عاليه
شريره يا ناديه
على الجانب الاخر
عزت
نسرين ماشفتيش زين النهارده
نسرين ببرود
لا شفته بس بعد كده طلع هو ونادر
عزت
نادر ده مش بطيقه خالص
نسرين
ده يعرف كل اسرار زين ال بباه ومامته ميعرفوهاش
عزت
طب متعرفيش ال اسمه نادر ده كان مختفى فين الفتره ال فاتت
نسرين
ال عرفته من زين ان بنته كانت تعبانه وكان واخد جازه عشانها
عزت بغل
ربنا يخلصنا منه هو وزين فى ضربه واحده الاتنين نسخه من بعض فى الذكاء
نسرين بكره
عندك حق يا بابا وزين ما يقدرش يعتمد على حد فى المجموعه غير نادر وبس بيعتبر الراجل التانى بعده غير انه شريك فى المجموعه وليه اسهم فيها
عزت
كلمتى جاسر واتفقتى معاه
نسرين
ايوه هيوصل بكرا
عزت
تمام اوى عشان نخلص منهم قريب اوى ونفضى ل شغلنا
عدى اليوم وجه معاد العشا
الكل متجمع على السفره
ونزلت لى لى بثقه لبسه سولبت جينز وعامله شعرها وقطتين على شكل كحكه وبعد الخصلات المتمرده ونازله على وشها
كانت عامله زى الطفله الشقيه بس فى نفس الوقت تسحر وريحه البرفان بتعها يجنن
ليالى
مساء الخير
زين رفع عنيه ليه وهو بياكل وشرق
ناديه ضحكت
ناولى اخوكى المايه يا ليالى
زين بص ل امه بغيظ
ليالى
حاضر يا ماما
اتفضل
وهو بياخد منها الكبايه اديه لمست ايدها حس بكهربا ماشيه فى جسمه
وقعدت ليالى تاكل
مى بضحك
ايه الوك الجامد ده
ليالى تغير يا ميمو
مى بضحك
عاوزه مصاصه ونشغل اغنيه العب العب بتاعت ماريا
ليالى
انتى بتقولى فيها انا جايبه مصاصه فوق هنطلع ناكلها سوا
مهاب وناديه ضحكوا عليهم
كل ده وزين بيسرق النظرات ليها وبيقول ل نفسه يخربيت جمالك فى اى حاجه تلبسيها او تعمليها تهوسى
واثناء ما ناديه ومهاب بيضحكوا
ليالى
على فكره انا عامله حسابك يا ماما انتى وعمى
الكل فطس من كتر الضحك حتى زين ابتسم بس محدش اخد باله غير ناديه
ناديه بخبث طب ما عملتيش ليه حساب اخوكى زين
زين مدايق من امه بسبب كلمت اخوكى واناديه بتقولها عشان تضغط عليه ويتكلم
ليالى بصت ل زين وقالت
لا ماينفعش يا ماما هيعتبر ده شغل فلاحين مش هيليق بيه
زين ادايق من كلمتها وانها مش قادره تنساها وتسامحه
وقام من على السفره
وهو ماشى لف ليهم
بابا ماما اعملوا حسابكم فى حفله هنا بعد يومين يا ريت يا ماما تجهزى كل حاجه
ناديه ما تقلقش
مهاب
دى بمناسبه الصفقه الجديده
زين
ايوه وفى مستثمرين مهمين جاين الحفله
وبص على ليالى بنظره خاطفه ومشى
وهيا كانت عامله نفسها مش واخده بالها و0000
الفصل الحادى عشر
العشا خلص وقعد مهاب وناديه والبنات بيتكلموا ويضجكوا
وبعدين مهاب وناديه طلعوا يناموا
وخرجت ليالى ومى الجنينه يسهروا شويه
وقاعدين يهزروا ويضحكوا
فى الوقت ده كان زين وصل من برا وطلع على اوضته وبيقلع هدومه ودخل اخد شور وطلع لبس بنطلون بيتى مريح وكان لسه ملبسش التشيرت وسمع صوتهم تحت طلع التراس يشوفهم بيعملوا ايه
لقى مى ولى لى بيرشوا مايه على بعض وبيجروا وبيضحكوا
فضل واقف سرحان فى جمال لى لى ورقتها وكان شكلها مغرى والمايه نازله من على وشها وشعرها وخلت الهدوم مقسمه عليها ابرزت تفصيلها
زين اخد نفس طويل وقال غى نفسه هتعملى فيا ايه يا ليالى انتى ضيعتى زين الفيومى خالص شكلى كده هحبها
ومره واحده فاق واخاف ان حد من الحرس يشوفها وهيا كده وبالمنظر ده
حس ان الدم غلى فى عروقه ونزل جرى ليهم من غير ما يلبس التشيرت بتاعه
وبصوت مخيف يسبب الرهبه نادى عليهم
مى ليالى بتعملوا ايه ولما حد يشوفكم كده
مى اتخضتت من شكله وعصبيته وهو عارى الصدر يبرز عضلاته المخيفه
مى بتوتر ماكر
انا اسفه وطلعت تجرى وسابت ليالى قصاده وهيا ماشيه فتحت رشاشات المايه ال بترش الجنينه عليهم
وقف زين عارى الصدر قصاد ليالى وهيا مكسوفه من منظره والمايه ال فتاحتها مى غرقتهم وكانهم وقفين وسط مطر
فضلوا باصين ل بعض شويه وكان العيون بتتكلم عيون بتلوم وعيون بتعتذر
طلعت مى اوضه ليالى وباصت عليهم من التراس وحبت تغلس وتفصلهم من الحظ دى وبضوت على يلا يا لى لى عشان تغيرى
ليالى فاقت من النظرات وبصت ل مى وطلعت تجرى على فوق حصلها زين وطلع ورها على السلم
وبصوت هادى كله شجن استغربته ليالى
زين
ليالى
لفت وبصتله
قرب هو منها وصوت هامس متعمليش كده تانى فى الجنيه ممكن اى حد من الحرس يشوفك بمنظرك ده وساعتها انا ممكن اقتله
هيا كانت بتحاول تسيطر على نفسها من قربه المهلكه ومش قادره ترده عليه هزت دماغها بالموافقه وطلعت تجرى على اوضتها
اما هو صوت انفاسه العاليه التى تدل كانه كان يجرى اميال طويله
لمجرد قربه منها
وباعدين يا زين تروح تاخدها غصب عنها وتنيمها فى حضنك
شكل جنانى هيكون على ايدك يا بنت عمى
وطلع على اوضته وغير هدومه تانى واترمى على السير يفكر فى فاتنته
اما لى لى كانت سرحانه فيه وحست لاول مره انها بدات تحبه وانه ايضا ينظر لها بطريقه رومانسيه عاشقه احسن انهو بدا يحبها
هيا كانت مشدوده ليه ولشخصيته وقوته لكن لما خذلها بكلامه ارادت اخراجه من حياتها اما ما حدث الان يدل انها ضعيفه فى قربه وانه سيسيطر عليها ولكن مهلا لابدا ان تاثر لكرمتها وتجعله يتالم من حبها \
مى بابتسامه ا
الجميل سرحان فى ايه
ليالى
ايه مافيش عادى
مى بجديه
حبتيه يا لى لى
ليالى بصتلها وسكتت
مى
لى لى قولى ال جواكى
ليالى بنفس طويل
مش عارفه يا مى بس طول عمرى كنت بشوف زين راجل من وانا صغيره حتى المرات المعدوده ال جه فيها المنصوره لجدى وانا كنت لسه صغيره وكنت برفض ادخله لانه كان ليه هيبه زى جدى بس هو اشرس شويه كنت بشوفه جان وشخصيه رغم خوفى منه
ولما كنت بشوف صوره فى الجرايد او على النت وبيتكلموا فيها على انجازاته كنت بجس انى فرحانه وفخوره بيه غير انى كنت بشوفه وسيم وشيك جدا انا كنت عارفه ان طبعه صعب زى ما كنتى بتحكيلى وانو بارد فى مشاعره ولما جدى طلب منى اتجوزه انا مكنش عندى اعتراض لانى كنت بحس نفسى مشدوداله حتى من غير ما شوفه بس مكنتش اتصور انو ممكن اذيته توصل انو يجرخ ويهين حتى لو اقرب الناس ليه لما دخل الاوضه عليا وسمعنى الكلام ال عمرى مكنت اتخيل انى اسمعه ومن مين ابن عمى قبل ما يكون جوزى المفروض حسيت انى غلطت لما وثقت انى ممكن اغيره وقبلت اتجوزه وكنت واخده عهد على نفسى ان زين ده لو اخر راجل فى العالم مش هكم لمعاه
بس معرفش يا مى بحس انى ضعيفه قدامه وقلبى بيدق حتى لو ببين انى قويه قدامه
مى بابتسامه
ياه كل ده فى قلبك انا هقولك على حاجه وصدقينى زين بدا يتغير خالص انى شوفتيه كان غيران عليكى ازاى ده كان هيتجنن زين عمره ما غار عليا اصلا ولما زعق كلمك انتى وسابنى
لى لى بامل
تفتكرى كان غيران
مى
طبعا وصدقينى الايام الجايه هتثبت كلامى بس احنا نزولد العيار شويه ونخليه يشعلل ويمشى زى المجنون يقول بحبك يا لى لى وناديه هتساعدنا
ليالى بضحك
ماما ناديه دى سكر ربنا عوضنى بيها
مى
صحيح عوزين ننزل نختار فساتين للحفله عوزاكى جامده طحن عشان نجنن زين
ليالى
مافيش كليه تعالى نروح الشركه
مى بمكر
والله فكره لوز العنب تمام نروح وبعديها نخرج نشترى الفساتين
تانى يوم الصبح طلع زين بدرى قبل ما حد يشوفه عشان كان عنده اجتماع مهم مع مستثمرين وكان لازم يجهز
الكل متجمع على الفطار
مهاب امال زين فين
ناديه نزل بدرى قال عنده اجتماع مهم
لي لى
عمو ممكن اروح اشوف الشركه النهارده
ناديه بمكر وغمزت ل مهاب خدها يا مهاب معاك
مهاب فهم مراته
طيب يا لى لى اجهزى انتى ومى
ناديه بسرعه لا خلى مى محتاجها ترتب معايا للحفله ومنظم الحفلات جاى وهتقبله معايا
مى فهمت امها ان عاوزه لى لى تروح ل وحدها عشان تشوف رد فعل زين
مى بدهاء
ماشى يا ماما
لى لى موجهه الكلام ل مى
مش قولتى هتجى معايا ونروح نشترى الفستان
مى هخلص مع ماما وهسبقك على الاتليه ال بنشترى منه للعيله بابا عارفه يبقى يجيب حتى اروح واخد فكره قبل ما تجى
ناديه
روحى مع عمك انتى النهارده مى راحت الشركه كتير
ولما تبتدوا تدربوا اكيد هتروحوا سوا
لى لى
ماشى يا ماما انا هطلع البس يا عمو
لما لى لى طلعت ناديه قربت من مهاب
مهاب بضحك
بتخططى ل ايه تانى
نادىه
اسمع ونفذ ال هقولك عليه
انت لما توصلوا الشركه وتتفرج عليها اعمل اى حجه وسبهم مع بعض شويه فاهم
مهاب بابتسامه خبث
ما انتى مش سهله بس حلو تفكير هنقذ متقلقيش
وبعدين بصت ل مى
بت يا مى وانو بتشتروا الفساتين اختارى فستانى ل لى لى يكون جذاب كده ومثير عوزه اخوكى لما يشوفه يتجنن
مى بضحك
اموت انا فى الشر متقلقش يا كبير هخلى ابنك يشد فى شعره
بعد شويه نزلت لى لى لابسه جيب بعد الركبه لونها ابيض اظهرت بياض ساقيها وجمالهم وبلوزه عليها بيبى بلو لون عنيها تقريبا وكعب عالى ولمه شعرها كحكه فيضويه ونازل منها خصلات وحاطه ملمع شافيف خلى منظره شفايفها جذاب جدا وكل بسيط رسم عنيها
مهاب لما شافها اتخض من جمالها وقال فى نفسه ده زين هيقلب الدنيا النهارده
مى بصفير
ايه الجمال ده سيده اعمال بحق
لى لى بكسوف
ده طنط ناديه ال جبتهوملى امبارح
مهاب بص ل ناديه
ناديه ببراءه
مهو ده البس ال هينفع هتروح بيه الشغل مش البس التانى وغمزت ال مهاب
مهاب فى نفسه ربنا يستر
لا يا لى لى
ووصلوا الشركه وكل ال يشوف لى لى يتنح وميتحركش من مكانه بشكلها الجذاب المغرى
مهاب فى نفسه ياترى يا زين هتعمل ايه لما تشوفها كده
سال مهاب على زين قالوا لسه فى الاجتماع
اخد لى لى وفرجها على الشركه وكل الموظفين سهموا لما بيشوفوا لى لى
وخلص مهاب وراح على مكتبه هو ولى لى يستنوا زين يخلص
زين خلص الاجتماع وراح قعد على مكتبه
شويه ودخل نادر عليه تانى وبابتسامه ماكره
الموظفين بيقولوا بباك هنا ومعاه صاروخ ارض جو
زين باستغراب
قصدك مين
نادر
شكلها بنت عمك لما الموظفين قاعدين يتكلموا على جمالها ومواصفتها حسيت انها هيا
زين بعصبيه وخبط على المكتب بتقول ايه وطلع يجرى على مكتب بباه و00000
الفصل الثانى عشر
طلع زين يجرى على مكتب بباه وفتحه من غير ما يستئذن
لقى لى لى واقفه جمب بباه وهو بيشرحلها الشغل
اول ما قرب منها وشاف شكلها ولبسها نسى ان بباه موجود وغضبه عماه والغيره نهشت فيه وتخيل كام واحد شافها بمظهرها الفتان ده كام واحد اتمناها كام واحد بص لعنيها التسحر وشفايفها الكريزيه
زين وبانفعال
انتى ايه ال جابك هنا وايه ال انتى لبسه ده وازاى تخرجى كده
مهاب
زين صوتك عالى ليه وبعدين كلمنى انا لى لى جايه معايا
زين بنفس الغضب
يعنى انت سايبها تطلع كده عادى بالمنظر ده
مهاب بمكر
وفيها ايه ماله لبسها اختك بتلبس زيه ومش بتتكلم
زين بعصبيه وخبط على المكتب
لا مينفعش تجى كده الشركه وبعدين هيا جايه ليه اصلا
لى لى ببرود
نعم جايه ليه جايه عشان اشوف شركتى واتعلم وامسك الشركه معاك مش ده حقى انا حفيده الفيومى ولا ايه
زين بصلها وساكت وهيا فضلت بصاله بصت تحدى
ومهاب بيراقبهم
حب مهاب يسبهم سوا
زين انا ماشى ورايا مشوار مهم كمل انت مع بنت عمك وبعدين وصلها على الاتليه ال بنشترى منه مى هتستناها هناك
لى لى بتوتر
لا هاجى معاك وكفايه كده النهارده
مهاب بسرعه مصطنعه
مش هينفع ده معاد مهم زين معاكى متخافيش واشرحلها الشغل براحه يا زين ولى لى هتستوعب بسرعه
وطلع مهاب من الاوضه بسرعه
لى لى بتوتر فركت اديها وراحت ورا المكتب وبتبص من الوح الزجاج على الطريق
زين قرب منها وبيحاول يبقى هادى
ايه ال جابك الشغل
لى لى بتحاول تسيطر على اعصابها وببرود
اتهيالى انا رديت جايه امسك الشركه معاك ده حقى
زين بغيره ظاهره عليه
وايه الهباب ال لبساه ده
لى لى بمكر
وبتبص لى نفسها من فوق ل تحت ماله لبسى ده ماما ناديه الجيبهولى
وبعدين البس كويس عشان يبان انى سيده مجتمع مش فلاحه جايه من ورا الجاموسه عشان اشرفك يا زين باشا ومتستعرش انى بنت عمك
زين محسش غير وهو بيشدها من خصرها لحضنه
ليالى اتخضت وغمضت عنيها من قربه المهلك وهو ميل عليها شم عبيرها
وصوت هامس مش هتنسى بقا انا اتاسفتلك
شويه والباب خبط فاقت لى لى وزقته بعيد عنها
حاولت تهدى من ضربات قلبها ال كان مسموعه
وزين اخد نفس طويل وهو بيحاول يكتم غيظه عشان بعد عنها فى اجمل لحظه
وصوت كله غضب
ادخل
السكرتيره
زين بيه نادر بيه بيقول ل حضرتك انو خارج للجتماع بره المجموعه ومش هيرجع الشركه تانى
زين بغضب طب يلا اتفضلى
فى الوقت ده تلفون لى لى ضرب وكانت مى
لى لى
ايوه يا مى
مى
يلا تعالى لقتلك فستان حكايه متتاخريش
لى لى
طيب خلاص انا جايه على طول
زين بيبصلها وهيا بتلم حاجتها وسرحان فى جمالها ال هوسه
ليالى رفعت وشها لقته بيبصلها
لى لى
احم انت هتوصلنى ولا اطلب اوبر عشان انا جيت مع عمى فى عربيته ما جتش بعربيتى
زين بعصبيه
نعم تطلبى ايه سمعينى كده
ليالى
اوبر يعنى لو مش فاضى توصلنى
زين وبغضب اكبر وحتى لو مش فاضى عمرى ما اسبك تخرجى كده كنت هخلى اى عربيه توصلك ولازم يكون معاكى حراسه
لى لى بفرحه داخليه
طب يلا عشان مى مستنيانى ومستعجله
وهيا ماشيه طالعه من الباب ندا عليه زين
ليالى استنى
وقفت وغمضت عنيها وحست قد ايه ان اسمها حلو لما نطقه ولفت ليه بعديها وببراءه وبدلع فى ايه
زين لما لفتله واتكلمت كده كان هياين عليه يروح يكولها غمض عنيه واخد نفس طويل وبيقول ل نفسه يا رب صبرنى عليها
وفتح عنيه وبصوت هادى لا استنى مش هينفع تخرجى قدام الموظفين كده
وراح عند المكتب ورفع سماعت التلفون وكلم السكرتيره
مدام امل خلى كل الموظفين يمشوا حالا النهارده نص يوم وقفل معاها
لى لى الديقت وحست انو شايفها مش قد المقام
لى لى وبعصبيه
ايه يا زين باشا شايفنى مش قد المقام انك تمشى معايا ولا لبسى هيعرك بس مامتك ال جيبهولى مش انا
حس زين انها فهمته غلط وانو هيرجع من نقطه الصفر تانى
قرب منها وشدها ل حضنه ولى لى بتحاول تبعد عنه ودموعها نازله
لى لى
ابعد انت اتجننت متقربش كده منى تانى المره الاولى عدتها
زين
هوس اثبتى
اولا انا اتاسفتلك مليون مره على ال قولته قبل كده
لى لى وبتحاول تبقى قويه
ولا مش قابله اسفك ده انت لسه دلوقتى مش عاوز تطلع معايا مشرفكش
زين بابتسامه جذابه وبصوت هامس
ده انتى تشرفى بلد بس مش ده ال القصده
انتى شايفه نفسك عامله ازاى يا لى لى انتى فتنه بلبسك وشكلك ده انتى اصلا فى كل اوضاعك وفى اى وقت فتنه وانا لو حد بصلك ممكن اقتله شوفى كام واحد هقتله فى الشركه وانتى معايا مش بعيد اقتل الشركه بحالها
كل ده ولى لى بصاله ومصدومه من كلامه
زين مكملا حديثه
وبعدين العيون ال بتنزل لولى ده متعيطش وباسها من عنيها وبصلها فى عيونها انا اسف على كلام غبى طلعته لى لى انا
الباب خبط
لى لى بعدت عنه بسرعه وهيا مكسوفه وهو بيلعن فى نفسه ال على الباب ال بعدها عن حضنه تانى
اخد نفس وصوت حاول يظهره عادى ادخل
السكرتيره
الكل مشى يا فندم وانا ماشيه تؤمر بحاجه تانيه
زين
لا امشى انتى
زين بعد ما مشيت زين قرب من ليالى ولسه هياخدها فى حضنه كنا بنقول ايه
بعدت عنه لى لى وبتوتر كنا بنقول اننا اتاخرنا على مى وكل شويه بترن واخدت شنطتها وخرجت من المكتب
ابتسم زين وحصلها
وركبت ليالى معاه وهيا باصه من الشباك ومش قادره تتكلم
وزين كل شويه يبصلها بطرف عنيه ويبتسم ومسك تلفونه واتصل على الاتليه
زين
الو يا مدام جيهان مى اختى عندك وعاوزك تفضيلى الاتليه خالص مش عاوز اى مخلوق فيه وممنوع وجود اى راجل انا جاى فى السكه سلام
لى لى باستغراب
انت عملت كده ليه خايف ان حد يشوفنى وانا بختار ويكون زوقى وحش واكسفك
زين
تانى يا ليالى نفس الكلام انسى
لى لى
امال عملت كده ليه
زين بنفاذ صبر
عشان محدش يبصلك وانتى بتقيسى ويشوفك لانى متاكد اى حاجه هتلبسيها هتبقى جميله عليكى وعشان تبقى براحتك فى المكان فهمتى
واه وانتى بتختارى الفستان اياكى يكون كت او حمالات الفستان يكون بكم وواسع مفهوم
لى لى
بصتله بصت اعجاب ولفت وشها لشباك تانى ومتكلمتش
وصلوا الاتليه
ومى استغربت ان اخوها هو ال جاى مع لى لى
وغمزتلها ايه الحكايه بقا زين باشا بنفسه هو ال جايبك
لى لى بتخبطها فى دراعها اسكتى دلوقتى ولما نروح هقولك على كل حاجه
ماشى شكلها ماشه معاكى زى السكينه فى الحلاوه
مى ولى لى اختاروا فساتين روعه
فستان لى لى بيبى بلو لانها بتعشق الون ده
وفستان مى احمر نارى واختارت ل نهى صحبتهم فستان موف هادى وجميل زيها لانهم تقريبا فى نفس الجسم
وعشان مى ولى لى صمموا انها تجى الحفله لان حالتها النفسيه مش كويسه بسبب مرض والدتها وعمها ال بيعملها وحش وخلصوا
واصروا انهم مش مورين الفساتين ل زين
وزين ادايق جدا وخاف ان يكون فستان لى لى عريان
او ملفت لنظر
وليته يعلم انها ستقلب الحفله راسا على عقب
وخلصوا وروحوا
اما عند نسرين
ازيك يا جاسر ليك وحشه
جاسر بغمزه وقحه
انتى اكتر يا بيبى وحشنى حضنك
نسرين وبتتلفت حوالين نفسها
انت اتجننت ايه ال بتقوله ده بابا يسمعك
جاسر بغمزه
طب هسكت بس تجيلى الاوضه النهارده لازم نعيد الماضى بزمتك موحشتكيش ده انا وانتى كنا بنسوى الهوايل
نسرين بضحكه مايعه طيب يا جسور
اسكت بقا عشان بابا نازل
عزت
حمدالله على السلامه يا جاسر
الله يسلمك يا عمى
عزت بجديه
اسمع يا جاسر احنا لازم نخلص على زين الفيومى وندمر المجموعه خالص ده وقفلنا فى كل حاجه وواخد السوق كله والناس ال برا مخنوقين جامد وعاوزين يخلصوا الموضوع بسرعه
جاسر بغل
زين ده حبيبى ده انا هوريه ايام سوده
عزت
زين كاتب كتابه على بنت عمه وحاسس انها هتبقى خطر علينا وممكن يلغى جوازه من نسرين بسببابها
رفع جاسر عينه ل نسرين وغمزلها من غير ما عمه ياخد باله
ورجع بص لعمه هيا حلوه لدرجه دى
عزت اخد نفس طويل هى فرسه يا جاسر حاجه كده عمرك ماشوفتها ولا فى مصر ولا بره مصر ياه ليت الشباب يعود يوما
جاسر
لدرجه دى
نسرين بغيظ
فى ايه يا بابا مش لدرجه دى واتغاظت وسبتهم
عزت ل جاسر بصوت هامس
البت تتاكل اكل يا جاسر ونسرين غيرانه من جمالها
جاسر بمكر
خلاص لما نشوف
عزت
فى بكره حفله عملها بمناسبه الصفقه الجديده ال ضيعها علينا وخدها لوحده تجى معانا وهى تبقى فرصه تتعرف عليها والباقى عليك
جاسر بثقه
متقلقش انا مفيش واحده قالتلى لا
عزت
ركز يا جاسر المرحله الجايه صعبه جدا
كله هيبقى تمام متقلقش
فى اوضه لى لى
مى قاعده تقررها على ال حصل
شويه وناديه دخلت وبابتسامه بشوشه
ايه الاخبار طمنينى حصل ايه النهارده
لى لى بكسوف حكتلهم ال حصل بظبط
مى وناديه بيضحكوا
ناديه
مش قولتلكم ابنى مش هياخد غلوه مع لى لى بس اسمعى عوزاكى تجننيه واتقلى عليه بكرا خالص فى الحفله لازم يتجنن ويتعب عشان يوصلك عشان يقدر يحافظ عليكى فهمتنى يا بنتى
لى لى بفرحه وجريت على حضت ناديه
فهمت يا ماما ربنا يخليكى ليا
وشويه و مى ولى لى كلموا نهى ماسنجر
مى
نهى مفيش نقاش هتجى يعنى هتيجى احنا جبنالك فستان معانا وان شاء الله هيطلع مقاسك لان انا وانتى بنلبس نفس المقاس
نهى
والله انا نفسى اجى بس اخاف اسيب ماما ل وحدها
مى
يا بنتى طنط بتاخد الدوا بدرى وبتنام وخلى الشغاله ما تمشيش فى اليوم ده وتقعد معاها لحد ما ترجعى
لى لى
بصى يا مزه الفستان ال اخترنهولك وورتهولها على الاب
نهى
واو ده تحفه اكيد ده زوق لى لى
مى
اكيد المهم متتاخريش بكرا تعالى بدرى الميكب ارتست هتجى بدرى مفهوم
نهى
تمام ان شاء الله و00000