الفصل الخامس والسادس
والسابع والثامن
بقلم رباب احمد
الفصل الخامس
فى مكتب الزين
نسرين بتوتر
الحمد الله عدت على خير يا زين
زين وهو قاعد على مكتبه وعنيه كله غموض وبيفكر
اه كويس انها عدت بس هعرف مين ال عملها ونهايته على ايدى
نسرين بنفس التوتر
اكيد هتعرفه بس قولى انت امنت على قطع الغيار امتى ده لسه واصله من يومين
زين
يوم ما وصلت بظبط انا مش بضيع وقت وكنت عارف ان فى ناس قزره طمعانه فى الصفقه دى وعاوزه تخسرنى وتنهينى من السوق بس مش زين الفيومى ال يبقى خصم سهل
نسرين بخوف
انت هتقولى ده انت دماغك توزن بلد
زين
طب يلا عشان عاوز اروح ارتاح لانى مرهق
نسرين
ماشى يا بيبى هبقى اجى اطمن عليك بليل
زين ببرود
اه يا نسرين انا كتبت كتابى على بنت عمى
نسرين بصدمه
بتقول ايه يا زين طب وانا وفرحنا ال كمان شهر وبعصبيه حاده
ازاى تعمل كده
زين شدها من درعها وضغط عليه
صوتك ميعلاش وبعدين دى مجرد خطوبه جدى ورطنى فيها وهددنى انو هيسحب المجموعه من تحت ايدى كان لازم اسيسه لحد ما يعمل العمليه ويرجع من برا وانا ال هخليه يطلب منى انى اسبها كمان
نسرين لانت ملامحها
يعنى مش هتجوزها اصل فكرت انك حبيتها
زين بابتسامه سخريه
حبيت ايه هو انا بتاع حب ومشاعر
نسرين
طب وانا هنكمل جوازنا
زين طبعا احنا شبه بعض وده ال عجبنى فيكى عمليه الجواز هيتاجل بس لحد جدى ما يرجع اكون خلصت فيها من البلوه ال فى البيت والله لزهقها فى عشتها
نسرين بخبث
وانا هسعدك فى ده
زين
تمام يلا بينا
خرج زين ونسرين من الشركه وصلها وطلع على الفيلا
دخل لقى بباه ومامته قاعدين
مساء الخير
مهاب وناديه
مساء النور
مهاب
ايه الاخبار يا زين طمنى
زين بثقه
كله تحت السيطره التامين هيغطى الخساره
وطلبت قطع غيار جديده من المانيا هتوصل كمان يومين
مهاب
طب الحمد الله وعرفت مين عمل كده
زين
هعرف وهندمه على اليوم ال اتولد فيه
اسبكم عشان اطلع ارتاح
وهو قايم مهاب نادى عليه
زين ادخل ل ليالى واطمن عليها وشوفها لو عوزه حاجه انت طلعت تجرى فى كتب الكتاب ومشفتهاش حتى
زين ببرود
ومش عاوز اشوفها انا اتجوزتها عشان جدى بس لما يرجع ليا كلام تانى وهنهى المهزله دى
مهاب بعصبيه
زين كلامى يتسمع يا انا ال هعمل ال جدك كان هيعمله مفهوم ولا لا
زين بابتسامه خبيثه تمام هيا موجوده فين
ناديه
فى الاوضه ال جمب مى
زين طيب
طلع يجرى على السلم بسرعه وجواه بركان من ليالى ال فرضنها عليه وحاسس انو عاوز يقتلها ويخلص منه ولا يعلم انه بعد ذلك سيهيم بها عشقا
فتح الباب من غير ما يخبط وكانها لا تسوى شئ حتى يستاذن قبل ان يدخل عليها
وجدها جالسه على سجاده الصلاه وكانت تسبح وظهرها له لم يرى وجهها
نظر اليها وبانفعال
انتى يا
ليالى سمعت صوته لم تقدر على الالتفات له والنظر اليه
اكمل زين كلامه بقسوه وتجريح
بصى بقا انا اتجوزتك عشان خاطر جدك مش حب انا مش بتاع حب
كانت تسمعه والصدمه على ملامحها لماذا كذب جدها عليها وقال انه من اراد الزواج بها
واكمل الزين كلامه الجارح
اوعى اتفكرى انى ممكن افكر ارتبط بواحده زيك جايه من الفلاحين عاشت عمرها كله هناك متنفعش تبقى سيده مجتمع ولا تظهر معايا
وهيا فتره لحد ماجدك يرجع ونخلص من الموضوع ده
وياريت متبلغيش جدك بالحصل عشان ميتعبش ولما يرجع هنخلص الموضوع
كل ده وليالى دموعها بصمت وملفتش ليه ولا بصتله
حست ان روحها بتتسحب منها لهذه الدرجه هو يكرهها حتى انه لم يعطى نفسه فرصه ان يراها واو يتحدث معها
وقبل ما زين يخرج من الباب
واه صحيح انا خاطب واحده شبهى
عاوزك تنسى موضوع انك خطبتى ده خالص وعيشى حياتك
وخرج وقفل الباب
فى الوقت ده كان مهاب وناديه طالعين على السلم وشايفين زين خارج بابتسامه بارده مستفزه
حسوا ان ابنهم عمل حاجه طلعوا يجروا على اوضه ليالى
لقوها بتعيط جامد
ناديه جرت وخدتها فى حضنها وبطبطب عليها وبتهديها
مهاب
لى لى حبيبتى حصل ايه
ليالى من وسط دموعها
لما يا عمو هو مش عاوز يتجوزنى جدى بيغصب عليا ليه
مهاب بصدمه من ال عمله ابنه ومش قادر يرد
ليالى بعدت عن حضن ناديه
عمو لو سمحت انا عاوزه اطلق منه وهرجع المنصوره ده شايفنى واحده فلاحه منفعش ابقى سيده مجتمع وانو خاطب
مهاب بعصبيه
هو قلك كده والله لعلمه الادب
ليالى عمو لو سمحت الموضوع انتهى انا عوزه ارجع المنصوره
ناديه مستغربه ازاى زين شاف جمال ليالى الذى يذهب العقل ويضعف اى رجل امامها ويمكن النساء ايضا فجمالها يضعف الراهب امامه
ناديه بستفسار احكيلى ال حصل بظبط يا حبيبتى وانا هعمل ال انتى عوزاه
لى لى بدموع كنت بصلى وكنت بسبح بعد الصلاه دخل فجاه وقالى الكلام ده وحتى مقدرتش الف ابصله وهو بيكلمنى وفضلت مدياله ظهرى لحد ما خلص كلامه وقفل الباب وخرج
ناديه بابتسامه داخليه
يعنى مشافكيش
لى لى
لا هو شايف ان بنت جايه من الفلاحين عشات عمرها هناك منفعش ابقى سيده مجتمع مشرفوش
مهاب
طب اهدى وانا هخليه يجى يعتزرلك هنا
لى لى ومصممه على موقفها
لا يا عمو وانا هرجع دلوقتى المنصوره
مهاب
مهاب ازاى مينفعش
لى لى بتصميم همش يا عمى
ناديه وخطرت فى بالها فكره
وغمزت ل مهاب
طب اهدى يا حبيبتى بس لو جدك عرف هيتعب اكتر يا لى لى وهو هيعمل عمليه خطيره الاسبوع الجاى ولازم ما يزعلش
لى لى
منا مش هقله حاجه لحد ما يرجع
ناديه
طب ما انتى لو سفرتى المنصوره تانى الف واحد هيقوله وانتى عارفه جدك وليه عيون كتير فى البلد وهيقلوله انك رجعتى وهيتعب اكتر
لى لى بتفكير وحست ان كلام ناديه صح وبدموع
بس انا مش عوزه اقعد معاه فى مكان واحد
ناديه بنفس المكر
دى فتره لحد ما جدك يرجع وصدقينى انا وعمك هنخلصك منه
مش هو ابنى بس هو ميستهلش ملاك زيك
وانتى تستهلى واحد احسن منه الف مره
وانا وانتى وعمك ومى هنعلمه الادب ونعرفه البنت ال اتربت فى الريف اجمل واحسن واشيك من البنت المستهتره ال خاطبها
وابنى اهو وانا بقولك عوزاكى شخصيتك قويه قدامه وتعرفيه قد ايه انو غلط انو قلك الكلام ده ويرجعلك نادم يتاسف ويا تقبلى اعتزاره يا لا كمان
مهاب باصص ل ناديه ومستغرب كلمها ومش قادر يرد لانها غمزتله
لى لى حست ان ربنا عوضها بمرات عمها عن مامتها ال ماتت بحنانها
واندلعت جواها شراره الانتقام ل كرمتها ل هدرها ابن العم
لى لى بعد فتره
ماشى يا طنط هعمل ال انتى عوزاه
ناديه طبطبت عليها ربنا يكملك بعقلك يا بنتى وبعدين من هنا ورايح تقولى يا ماما ماشى يا لى لى
ليالى
حاضر يا ماما ربنا يخليكى ليا انتى وعمو
ناديه تسلمى يا حبيبتى يلا يا مهاب نسبها ترتاح
وخرج مهاب و ناديه وراحوا اوضتهم
مهاب ال الكلام ال قولتيه ده
ناديه بثقه تعالى جمبى بس وهفهمك
بص ابنك لسه لحد دلوقتى ما شافش لى لى ولا اتكلم معاها معرفش قد اه هيا جميله من برا وجوا ورقيقه جدا وسايق فى الهبل
احنا بقا هنربيه وندمه على الكلام ال قاله ونخليه يرجع يتحايل علينا عشان يتجوزها
مهاب ازاى
ناديه
ده شغل ستات مع انى متاكده اننا مش هنحتاج خطط كتير لانه اول ما يشوفها ويتعامل معاها هيقع فيها
بس ما يمنعش شويه غيره ولى لى ومى ينزلوا الشركه معاك يدربوا عشان يعرف انها سيده مجتمع وتقدر تدير شركات الفيومى
وانا هخليها شخصيه قويه قدامه
مهاب بابتسامه
مش سهله يا ناديه
ناديه بتنهيده
ابتك لازم يفوق لو فضل كده هيضيع مننا
مهاب عندك حق
للحديث بقيه
الفصل السادس
فى فيلا عزت السوفيى
عزت بعصبيه
فلت منها ابن الفيومى وقدر يامن نفسه كويس اوى
نسرين
بابا انا قولتلك زين مش سهل خالص وبيفكر فى كل حاجه ومن جميع الجوانب مش بيسب حاجه لصدفه كده واستغربت انو كان مجهز التامين على قطع الغيار وبسرعه دى
عزت بشر
زين هيتعبنى على مخلص عليه واخلص منه فى السوق
انتى لازم تستعجلى جوازك منه عشان تبقى قريبه منه فى البيت والشغل وتعرفى كل خطواته
نسرين وبتنفخ بخنقه
الجواز هيتاجل شويه يا بابا
عزت بخوف
ليه ايه ال حصل
نسرين
جده غصب عليه يخطب بنت عمه ويكتب كتابها يا او هيسحب المجموعه من تحت ايده وغصب عنه وافق لحد ما جده يعمل العمليه ويرجع من برا
عزت بعصبيه
يادى الحظ الاسود وبعدين اوعى يا نسرين زين يروح من ايدك ويكون حب البنت دى
نسرين بابتسامه
يحب مين يا بابا زين قلبه ميت ميعرفش يحب اصلا كل همه الشغل وبس وهو بنفسه عاوز يخلص منها
عزت بطمع
تمام اوى عاوز فى اقرب وقت اخلص على مجموعه الفيومى واستولى انا على السوق
نسرين بنظرات خبث متقلقش يا بابا ابن الفيومى نهيته هتكون على ايدينا
اسيبك بقا اطلع اجهز عشان حروح عنده على العشا
عزت
طب استنى هاجى معاكى لازم اظهرله انى كنت قلقان وزعلان على الحصل وانى جاى اطمن عليه
نسرين تمام هطلع اجهز
بعد شويه وصلت نسرين وابوها الفيلا
ناديه ل مهاب
انا مش عارفه دى جات ليه انا مش بطقها هيا وابوها
ومعرفش ابنك ماسك فى الشراكه معاهم ليه
مهاب بضيق ولا انا عاوز اشوف وشهم وابنك مشاركهم عشان عاوز يسيطر على السوق كله مع انى مش مرتاح للبنت دى وابوها
ناديه بضيق
ربنا يستر منها ويشيل الغشاوه من على عين ابنك
مهاب
طب يلا ننزل عشان كده اتاخرنا عليهم وميصحش كده
نزل مهاب وناديه واستقبلوهم وناديه مش طايقه نسرين ال كانت حاطه ميكب كامل
ناديه فى نفسها شوف البت ملخبطه وشها بالمكياج ازاى طبعا مى شبه الاتوبيس المقلوب
ماشى يا زين هنشوف لما نشوف لى لى القمر هتعمل ايه مع البومه دى
نزل زين بثقه وعمليه شديده
اهلا عزت بيه
عزت
اهلا يا زين طمنى عملت ايه
زين بثقه متناهيه
كله تحت سيطرتى انا زين الفيومى
عزت بغل حاول يداريه ربنا يوفقك
وفضلوا يتكلموا
فوق عند البنات
دخلت مى ل لى لى لقتها سرحانه
مى
الجميل سرحان فى ايه
لى لى
ابدا مخنوقه شويه
مين زعل القمر
أنا عرفت بال حصل النهارده ماما قالتلى بس صدقينى زين بكره يندم
لى لى
يندم ولا ميندمش مش فارق معايا خلاص
مى باصرار
لا انتى لازم تخدى حقك وتعرفيه مين هيا ليالى الفيومى ال هتمسك معاه شغل المجموعه وبغمزه وانا معاكى طبعا
لى لى بابتسامه
ده انا وانتى هنخرب المجموعه
مى بضحكه يا مسهل
يلا قومى البسى وننزل على العشا العقربه ال خطبها زين تحت هيا وابوها
ليالى بحزن
لا مش هقدر
مى باصرار
احنا قولنا ايه لازم نجمد ونعرف زين مين هيا ليالى الفيومى عشان يندم طول عمره عليها
لى لى بداخلها تريد الانتقام ل كرامتها بصت ل مى وقلتلها ماشى
قامت لى لى تلبس فستان صفى هادى جدا لونه ابيض منقوش بورود صغيره وبنص كم بينزل على جسمها بانسيابيه وبيحدد منحياتها وبيبرز جمال قامها
ورفعت شعرها ولمته اهمال لاعلى ونزل منه خصلات على وجهها زادها جمال وكشف عن عنقها المرمرى الجذاب
ولم تضع مكياج اكتفت بملمع شفاه
مى بصفير
يلهوى على القمر دى انتى هتجننيهم تحت العب يا لى لى
ليالى بابتسامه
طب يلا بينا اتاخرنا
نزلت مى ولى لى ليهم تحت وكانت الفتتان فى منتهى الجمال ف مى جمليه ايضا لكن ليالى فاقت الجميع فى الجمال
دخلت مى ولى لى عليهم الصالون
مى مساء الخير
الكل رفع وشه وبص ومحدش رد
مى بصت ل لى لى وضحكت
مى بصوت على مساء الخير يا جماعه محدش بيرد ليه ولا سرحتم فى ايه وبتبص ل لى لى وبتغمز
ناديه بصت ل مهاب والاتنين بصوا على زين يشوفو ردت فعله
زين فضل باصص وساكت وسرح فى الفاتنه ال دخلت عليه
وعزت كان بيلتهمها بعنيه
لى لى بصوت هادى ورقيق
مساء الخير
الكل ساكت ومحدش بيرد
ناديه بابتسامه مكر
مساء الخير يا حبيبتى تعالى جمبى
وقعدت لى لى جمب ناديه
ومى جمبهم
عزت احم
مش تعرفينا بصحبتك يا مى مش هيا صحبتك برضوا
مهاب حس بنظرات عزت ل لى لى ال كان بيكولها بعنيه
مهاب بضيق
لا مش صحبت مى
نسرين بغظ وقهم من جمال لى لى
امال مين دى يا عمى
مهاب بثقه وبيبص ال زين ال ساكت وبصصلها
دى ليالى بنت اخويا
زين بصدمه وبص ل والده وسكت
اما نسرين انصدمت ايه
وعزت ال اتصدم هو كمان وخاف ان البنت دى تاخد زين من بنته وتبوظ كل خططه
عزت وبيوجه كلامه ل لى لى
قولى يا لى لى انتى خلصتى دراسه ولا لسه
لى لى بصوت هادى
لسه انا فى 2 كليه اداره اعمال
مى متداخله فى الكلام معايا يا انكل
عزت باعجاب ظاهر عليه من جمالها بارافوا طب اشمعنا اختارتى اداره اعمل
لى لى عشان همسك المجموعه انا ومى بعد ما نخلص
نسرين بستهتار تمسكوا ايه يا حلوه انتم لسه صغيرين اوى واكملت بخبث ولا انتى ناويه تمشى زين من المجموعه وتمسكيها انتى
وبصت نسرين ل زين
حست لى لى انها عوزه توقعها فى الغلط
مهاب متدخلا فى الكلام
لى لى متقصدش كده يا نسرين
ليالى بنظره ثقه
اسمحلى ارد عليها انا يا عمى
اولا يا انسه نسرين مش ده المقصود بكلامى وحب اوضحلك
ان مجموعه الفيومى موصلتش للمستوى ال هيا فيه ده والفضل يرجع ل زين الفيومى ال خلها امبراطوريه كبيره جدا وبقت من اكبر الشركات فى الشرق الاوسط
كل ده تحت انظار زين ال مشدود ل كلمها جدا ومستنيها تكمل
وفرحت مهاب وناديه بطريقه كلام لى لى
ومى ال فرحانه بجد ل بنت عمها وانها قدرت ترده على المسهوكه نسرين كما اطلقت عليها
والحقد الذى ظهر على نسرين من طريقت كلام ليالى
واكملت ليالى كلامها
وبعدين مجموعه الفيومى من غير اسم زين الفيومى ملهاش اى قيمه طبعا بعد عمى وهو قمته عاليا جدا ولانه متاكد ان زين هيكبر المجموعه ويحافظ عليها مكنش سابها ليه
انا وفى الكليه ببقى فرحانه جدا لما حد بيعرف انى من عليه الفيومى ويفضل يشكر فيها وانهم بيساهموا فى اقتصاد البلد وببقى مبسوطه اكتر وهما بيتكلموا على ابن عمى واخويا وضغطت على كلمه اخويا وهيا طالعه بتاكد انه بنسبلها مجرد اخ
ببقى فرحانه جدا بفرح لما دكترتى بيقولوا وبيتكلموا على الشاب زين الفيومى وال عامله وقدرته الهايله فى اداره مجموعه كبيره زى مجموعه الفيومى
وانو بيساهم فى الاقتصاد
فمستحيل حد ياخد مكانه ابدا لكن انا ومى عوزين نستفيد من خبرته وندرب تحت ايده فى المجموعه بس نتعلم منه ونساعده بعد كده لكن لا يمكن انوا يخطر فى بالى انى اخد مكانه لانى مقدرش اعمل ال هو بيعمله
كل ده تحت انظار زين الغامضه ال محدش قادر يفسرها
حتى ولدته ال كانت مركزه معاه تشوف ردفعله على كلام لى لى
زين فى نفسه
ايه ده هو فى كده شكلك اتسرعت يا زين
مهاب لاحظ سكوت زين
زين ايه رايك اختك ولى لى يدربوا معاك فى الشركه
زين بنفس الثبات
تمام مفيش مشكله
نسرين بغل وحاولت تغيظ لى لى
تمام يا بيبى وانا هسعدك انهم يتعلموا الشغل
ولا عندك مانع يا ليالى
لى لى بابتسامه
لا طبعا يشرفنى وبعدين انتى خطيبت ابن عمى واخويا يعنى هتبقى اختى
اغتاظت نسرين من ثقه لى لى وسرعتها فى الرد
وكل ده عزت هيكلها بعنيه ولاحظ زين ده وادايق منه واستغرب نفسه
ومره واحده زين
العشا جهز يا ماما
ناديه ايوه بلا اتفضلوا
واللحديث بقيه
الفصل السابع
على العشا
عزت مش قادر ينزل عينه من على لى لى وهيا لحظت وكانت مكسوفه جدا
مهاب مدايق من نظرات عزت لى لى وحاول يفوق زين ال سرحان وكل شويه يخطف نظره ل ليالى
مهاب
ما تعزم على حماك وخطبتك يا زين
عزت
احنا مش محتاجين عزومه يا مهاب بيه ولا ايه يا زين
زين
طبعا البيت بتكم
عزت
احم بس غريبه يا مهاب عمرنا ما شوفنا ليالى خالص وحتى المرات ال شفت فيها احمد اخوك مشفتهاش
نسرين بستهتار
اصلها كانت عايشه فى الفلاحين فى العزبه هناك
مى بضيق
وايه يعنى كانت عايشه فى المنصوره على فكره يا نسرين القصر ال فى المنصوره الفيلا هنا متجيش جمبه حاجه
مهاب ومالهم الفلاحين يا نسرين
انا منهم وابنى ال عاوزه تجوزيه منهم
عزت متدخلا بسرعه
لا هيا متقصدش حاجه يا مهاب
نسرين معتزره
مقصدش يا وانكل انا برد بس انها كانت عايشه فين
ناديه بغيظ وحاولات تدايق نسرين وتاخد حق لى لى من استهتار نسرين بيها
اصل جد لى لى و بباها مكنوش بيرضوا يخرجوها خالص ولا حد بيشوفها عشان زى ما انتى شايفه جمال لى لى ال يسحر كان بيسببلهم مشاكل وفى ناس كانت عوزه تخطفها عشان جمالها
عند النقط دى لف زين وبص ل ليالى وحس انو مدايق واستغرب نفسه
واكملت ناديه كلامها
دى حتى مكنتش بتروح الكليه غير على الامتحانات وبحراسه
وجدها كان بيجبلها دكاتره مخصوص فى الفيلا يدرسولها عشان كان بيخاف عليها
نسرين بحقد لم تقدر على اخفاءه
انتم مكبرين الموضوع اوى جمالها عادى جدا مش مستاهل كل ده واكيد عامله عمليات تجميل
مى متدخله
هيا مين ال عامله عمليات تجميل ده كله ربانى يا نسرين ومن غير ولا نقطه ميكب
مش لى لى الفيومى ال تعمل تجميل
واه تصدقى شكل عمليت التجميل ال عملتيها فى مناخيرك وشافيفك مطلعتش مظبوطه اوى حولى تظبطيهم اكتر
اتنرفزت نسرين من رد مى ال كان قصف جبهه ليها
وضحكت لى لى ضحكه هاديه
جذبت زين ليها وسرح
وقال فى نفسه يخربيتك ده انتى خطر عليا
اما عزت لما شاف ضحكتها
قال ايه القمر ده ليه حق احمد يخفكى عن الكل
لى لى بهدوء
مرسى يا وانكل
زين لاحظ نظرات عزت ال بتاكل كل تفصيله فى لى لى ولاول مره يحس انو ادايق ومش قادر يدارى
زين
مى خدى ليالى واطلعوا فوق لو خلصتوا اكل
مى
لا انا و لى لى هنروح النادى شويه
زين بحده
لا مفيش نادى الوقت التاخر
مى باستغراب
وقت ايه ال اتاخر وبعدين انا كنت بروح فى الوقت ده عادى
ناديه بصت ل مهاب وغمزتله
ومهاب فهم وابتسم
ليالى حبت تغيظ زين
عمو لو سمحت هروح النادى انا ومى مخنوقه وعوزه اخرج
مهاب
طيب سبهم يا زين وانا هبعت معاهم الحراسه والسواق
نسرين حبيبت تغيظ لى لى
سيبهم يا بيبى ويلا بينا نخرج احنا نسهر
كل ده وزين ساكت وحاسس انو مدايق جدا انها هتخرج بالشكل ده مع ان مى لبسه تقريبا شبها
بس هو ولاول مره يعترف بان هذه الانثى فتنه متحركه رغم انه عرف نساء كثيره فى مصر وفى الخارج ولكن مثلها لم يرى
لى لى
يلا بينا يا مى
مى يلا
زين بصوت عالى
مى متتاخروش ولو فى حاجه كلمينى
بص مهاب ل ناديه باستغراب اول مره زين يهتم ويقول ل اخته متتاخريش طول عمره بعيد عنها وسيبها برحتها
مى بابتسامه ماكره
حاضر يا زين
عزت
طب استاذن انا هتيجى معايا يا نسرين ولا هتسهرى مع زين
نسرين
لا روح انت يا بابا وانا هسهر مع زين وهيوصلنى
مهاب
شرفتنا يا عزت بيه
عزت بيه تسلم يا مهاب بيه سلام
ومشى عزت
وخرج زين هو ونسرين
ناديه بضحكه
شوفت ابنك يا مهاب
مهاب
ههههههه شكل كلامك صح وهيقع قريب اوى ومن غير مجهود
ناديه
انا متاكده من ده ال يشوف لى لى يحبها من جوا قبل برا
شوفت وهيا بتتكلم وبترد على البيت الصفرا
مهاب بفخر
الصراحه فجاتنى بطريقه كلمها وال قلته على زين لو واحده مكانها كانت قللت منه بعد ال عمله معاها النهارده
ناديه
فعلا عندك حق بس لى لى عاقله جدا واكبر من سنها واحمد اخوك وبباك ربوها كويس
مهاب
نفسى فعلا ان لى لى هيا ال تبقى مرات زين وام ولاده
ناديه بثقه
هيحصل ان شاء الله بس لما اربى الزين شويه والله ل خلى لى لى تجننه اصبر عليا
مهاب بضحك عالى
انتى محسسانى انو مش ابنك وان لى لى هيا ال بنتك
ناديه بحزن على لى لى
طبعا دى بنتى يا مهاب دى يتيمه ووحيده وصدقنى هيا بقت عندى زى مى واكتر وعشان بحب ابنى نفسى يتجوز لى لى لان دى ال هتحافظ على اسمه وعرضه وهتغير حياته للاحسن
مهاب
عندك حق والله ربنا يسهل الامور
اما زين ونسرين خارجوا وقاعدين فى مكان هادى ونسرين بتحاول تجذبه فى الكلام وهو كانه فى عالم تانى عقله مشغول بالفاتنه الصغيره
ورغم انوا مستغرب نفسه جدا انو عمره ما اهتم بى واحده او شغلت باله خالص مهما كانت جميله
لكن لى لى ذات العيون الرماديه التى تميل لزرقه لونها فريد ولمعتها ايضا وشفتاها الكريزيه التى تشتهى اكلها وبشرتها ابيضاء الورديه وقوامها الجذاب تجعل اى راهب يضعف امامها
اخذ نفس عميق وبص ل نسرين يلا عشان اوصلك
نسرين بسرعه كده خلينا شويه
زين بحده
انا قولت يلا
نسرين بخوف
ماشى يا بيبى
زين بصلها واستغرب
ايه بيبى ال مسكهالى النهارده مش ليقه عليكى يا نسرين
نسرين بنظره غل
يلا بينا
وصل زين نسرين واتصل ب مى
مى باستغراب ماسكه تلفونها وبتقول غريبه
لى لى
فى ايه
مى
مش هتصدقى زين بيرن عليا ده عمره ما عملها
لى لى
طب ردى بسرعه الايكون فى حاجه
مى
الو ايوه يا زين
زين
انتم فين روحتوا ولا لسه
مى
لا لسه الجو حلو ولى لى مش عوزه تروح
زين بعصبيه واول مره يتخلى عن بروده
بدرى ايه يا هانم الساعه 12 ونص انتم بتستهبلوا
مى بخوف
خلاص هنمشى دلوقتى
زين
لا استنى خليكى انا هاجى اخدكم
مى
مفيش داعى الحرس معانا والسواق
زين بحده
انا قولت استنى مفهوم
مى
حاضر هنستناك
وقفلت مى مع زين
مى
مش عارفه زين ماله اول مره يعمل معايا كده
لى لى
يمكن عشان الوقت اتاخر بس
مى باستغراب
لا انا كنت بدخل البيت بعد واحده ومكنش كده وكان بيبقى مطمن ان الحرس معايا وخلاص
وغمزت ل لى لى شكله خايف عليك يا قمر
لى لى
شكلك بتحلمى اخوكى بارد مش بيغير على حد
مى
لا زين شكله غيران وخايف عليكى انتى مش واخده بالك من ساعت ما دخلنا النادى وانتى قلبتى الدنيا
لى لى
مش لدرجه دى يا مى انتى بس ال عنيكى حلوه وشيفانى كده
ربنا يخليكى ليا
مى
ويخليكى ليا يا قلبى
وصل زين النادى وطول الطريق بيفكر كام واحد شافها بالفستان ال لبساه واتغزل فى جسمها كام واحد بص فى عيونها وسحرته وكام واحد اتمناها
دخل النادى وسمع بعض الشباب بيتكلموا عليها وبيتغزلوا فيها
وحس انو مدايق جدا وعاوز يروح يضربها لانها خرجت كده
وصل عندهم
زين بضيق
مى يلا
لى لى اديقت لانو مدلهاش اهتمام
وراحوا معاه ووراهم الحرس
وركبت مى و لى لى ورا وزين ساق بيهم وطول الطريق يخطف نظرات لهذه الفاتنه كما اطلق عليها
وللحديث بقيه
الفصل الثامن
وصل زين وليالى ومى الفيلا ودخلوا
وكانت مى ولى لى طالعين يناموا
زين نادى على لى لى
زين
ليالى عوزك ثوانى
نزلت ليالى تشوفه عاوز ايه
زين بص ل مى وقلها اطلعى فوق دلوقتى
مى بابتسامه حاضر
زين
احم ليالى مش عوزك تزعلى من ال قولته الصبح بس اصل 000
ليالى مقاطعه له
لا مزعلتش دى وجهت نظرك وتحترم جدا انت شايفنى مسواش حاجه ولا انفع ابقى سيده مجتمع ولا حرم زين باشا الفيومى لانى عشت فى العزبه فى المنصوره
زين
مش قصدى ال قولته
ليالى مقاطعه مره اخرى
زين ال قولته خلاص وصلنى وانتهى ومهما قولت مش هداوى كسرتى ال حسستهالى ان ابن عمى ال يقول عليا كده حتى لو انا فعلا زى ما تقول ملقش بيك
مكنش ينفع تقولى بطريقه دى ولا الاسلوب ده
المفروض كنت قعدت معايا وكلمتنى براحه وقولتى اننا مننفعش ل بعض وانا شايفك مجرد اخت ليا زى مى وانتى بنت عمى وهتفضلى فحمايتى لكن انا مش شايفك شريكت حياتى
صدقنى ساعتها كنت هتكبر فى نظرى جدا وهحترم قرارك
وكنت انا ال هقف ل جدوا وقله زين اخويا وهيكون سندى متقلقش لكن مش هننفع بعض لكن انت يا زين كتر قعدتك بره خلتك معدوم المشاعر مش بتحس بحد والا فارق معاك كلامك بيجرح ولا لا كل يهمك تنفذ ال انت عوزه وبس
زين واقف بيبصلها نظرت اعجاب ومش قادر يرد عليها واستغرب ان عقلها كبير كده وناضجه ولاول مره يندم الزين ويحس انو استعجل فى حكمه على حد
ليالى مكمله حديثها
وماتخفش اول ما جدوا ما يجى انا ال هنهى الموضوع لانى انا ال مقبلش ان الانسان ال هتجوزه يشوفنى قليله لانى انا غاليه جدا وعاليه جدا انا ليالى الفيومى
ال شباب مصر كلها يتمنوها
اه ما عدا زين الفيومى ال شيفها فلاحه
اتغاظ زين جدا من كلمتها ان شباب مصر يتمنوها وحس انو ادايق ومش عارف ليه او عقله بيحاول يخليه يهرب من الحقيقه انو غار عليها
ليالى مكمله
والكلام النهارده ال قولته قدام حماك وخطبتك متفهموش غلط انى بحاول اكسب عاطفتك
زين بغرور امال ايه
ليالى حست بغروره وحبت تفوقه
لا يا زين بيه الكلام كان علمى بحت
انت قدرت تكبر المجموعه وطورها ومحدش قدر يعمل ال انت عملته
ودى حقيقه اقتصاديه بس وانا انسانه مش حقوده عشان اقول على شخص ناجح انو فاشل لمجرد خلفات شخصيه
انا كده خلصت ال عندى وصدقنى انا مش زعلانه منك لانك مش فارق معايا انت مجرد ابن عمى وبس وشريكى فى المجموعه
واه وهاخد بنصحتك واعيش حياتى ومحدش هيعرف اننا متجوزين ل فتره
تصبح على خير
وطلعت وسابت زين واقف مكانه مصدوم من شخصيه لى لى الغريبه
انها مزيج من الرقه والجمال وفى نفس الوقت شرسه بتاخد حقها ومش بتخلى حد يجى جمب كرمتها
طلعت لى لى لقت مى مستخبيه اعلى السلم بتسمعهم
وشورتلها بسكوت ودخلت اوضت ليالى معاها
مى بضحكه عاليا
تسلم لسانك يا لى لى كلامك ل زين قصف جابها
لى لى بابتسامه نصر
حسيت انى اخت حقى ووجعته زى ما وجدعنى
مى باستغراب
بس زين عمره ما حاول يعتزر ل حد او يصالحه
لى لى
تلقيه عمل كده خاف انى اقول ل جدى وينفذ تهديده ليه
مى
مفتكرش عموما بكره الايام تبين
طلع زين واضته اخد شور وغير هدومه وطلع التراس يشم شويه هوا ويشرب سجاره
كانت مى ولى لى غيروا وقاعدين فى الاوضه
مى
لى لى غنيلى زى زمان وحشنى صوتك
لى لى
ياه ده انا مغنتش من زمان
مى
طب عشان خاطرى يلا
لى لى
ماشى عوزه غنيه ايه
مى بتفكير
اغنيه يوم الثلات بتاعت عمرو دياب حفظاها
لى لى
اه وبحبها اوى تحسيها روشه كده
كل ده وزين سامع حوارهم لان اوضته جمب اوضه ليالى وهما كانوا قاعدين على الشزلونج جمب التراس
مى بمرح
طب سمعينا الميك مع حضرتك والمسرح والجمور مستنينك
لى لى بابتسامه
حاضر وغنت لى لى
يوم ثلات ثلات بنات ندهولى
على البساط باصت يا ناس عجبونى
قعده وانبساط وغدا وعزمونى
فتفنوا الفتافيت وفتنونى
شكلها مؤمره
اعشق السمرا
ولا اعشق البيضا
ام الخدود حمرا
الحياه حلوه ويا ام روح حلوه 0000000
لاخر الاغنيه
وكان صوت ليالى يجنن وكله شقاوه وهيا بتغنى
ومى بتصقف وبتقولها هو ده
وبيضحكوا
زين واقف وابتسم وبيسمعها وحس انو حب صوتها ومش عوزها تبطل تغنى
واخد نفس طويل وقال ل نفسه ليالى دى شكلها خطر عليا
انا لازم اتجنبها فتره لحد الفتر هدى ما تعدى
وبيقول ل نفسه او بيوهم نفسه انو مشددلها بسبب جمالها المختلف من وجهت نظره وفتره اعجاب وهتعدى
ولا بعلم انه سقط فى بدايه الجنون والهوس بالفاتنه
ودخل ينام وبيحاول ميفكرش فيها
على الجانب الاخر
دخلت نسرين الفيلا بتاعتهم بعد ما زين وصلها
عزت قاعد مستنيها
متاخرتيش يعنى برا
نسرين بغيظ
الباشا كان مخنوق ومحبش يقعد
عزت بتفكير
البنت دى خطر علينا يا نسرين
نسرين
قصدك مين ليالى
عزت
ايوه هيا
نسرين بثقه
ماتخفش زين مالوش فى الحب
عزن بنفى
لا يا نسرين البنت جمالها يسحر
ده انا ال قد ايوها اتهوست بيها وهتجنن عليها
نسرين بغيظ قصدك ايه يا بابا انى وحشه وزين هسبنى عشانها
عزت بتهرب
لا يا حبيبتى قصدى لازم نبعدها عنه احسن يضعف قصدها ومنحطش النار جمب البنزين
نسرين حست ان كلام باباها صح
طب هنعمل ايه يا بابا
عزت بمكر لازم نبعتها عنه ونشغلها بواحد تانى
نسرين قصدك مين
اوعى يكون حضرتك
عزت بضحك
ياريت كنت انفع دى حتت مانجه تتاكل اكل بس انا اكبر منها
نسرين
امال مين
عزت
جاسر ابن عمك
نسرين
بس جاسر مسافر برا و هيفضل هناك كام شهر
عزت باصرار
لا كلميه حالا وقوليه عمك عوزك فى حاجه مهمه ولازم تنزل مصر عشان نخلص من زين الفيومى
وهو هيوافق جاسر نفسه يخلص منه النهارده قبل بكرا وقوليه فى بنت مزه فى الموضوع وهو هيرجع على طول جاسر بيموت فى الستات وبيقدر ياثر عليهم
وهو ال هيخلصنها من ليالى لما يلف عليها
وبيكمل فى نفسه
وساعتها لما ياخدها جاسر اخدها منه شويه اتمتع بيها دى تجنن
نسرين
اوك هكلمه دلوقتى لما اطلع واتفق معاه
وطلعت نسرين اوضتها وكلمت ابن عمها وفهمته الوضع كله
وطلبت منه يرجه مصر على اول طياره
وهو فرح ووافق لانه نفسه ينتقم من زين لانه بيغير منه جامد اوى
تانى يوم الصبح
الكل متجمع على الفطار
نزل زين لقى الكل متجمع
صباح الخير
الجميع صباح النور
وقعد يفطر معاهم وعنيه غصب عنه بتسرق نظرات ل لى لى
وناديه بتضحك وبتغمز ل مهاب
مى وقايمه من على السفره
يلا يا لى لى هتاخر على المحاضره
لى لى بهدوء
يلا يا مى سلام يا عمو سلام يا ماما
ناديه ربنا معاكوا خلى بالكم من نفسكم
زين بسرعه استنوا
انتم راحين فين
مى
هنروح فين يعنى الجامعه
زين وبيبص ل لى لى وبيوجهلها الكلام
هو مش انتى مش بتخرجى ولا بتروحى جامعه
مهاب بص ل ناديه وابتسم
ليالى بثقه
كنت مش بروح بس دلوقتى هروح وهختلط بناس ولازم اتعود اتعامل معاهم كويس
عشان اقدر اشتغل فى المجموعه وابقى سيده مجتمع وعشان مش اسببلك فى احراج
يلا يا مى سلام
وخرجت مى و لى لى راجوا الجامعه
وزين حس انو ادايق انها خرجت جدا
ولف وبص ل بباه و مامته
انتم مش قلتم انها مش بتخرج للكليه وبتروح على الامتحانات وان عمى وجدى منعنها
ناديه بخبث
مهى لازم تتعود تخرج يعنى هتفضل طول عمرها محبوسه
دى شابه صغيره ولازم تعيش سنها
احنا هناخد بالنا منها لحد ما يجى ابن الحلال وياخدها يبقى هو يحبسها برحته
صح يا مهاب
مهاب بغيظ
اه صح فعلا دى امانه لحد ما نوصلها بيت جوزها ناخد بالنا منها مش نحبسها
زين الضايق من كلام بباه و مامته وقام متنرفز من على الفطار ومشى على الشركه
مهاب وناديه بصوا ل بعض وضحكوا بصوت عالى
ناديه
والله ولسه هتشوف يا زين اما جننتك ب لى لى
مهاب
يستاهل خليه يتربى
فى الشركه
دخل زين مكتبه وسرحان
وبيفكر فى كلام بباه و مامته وانها هتجوز وتمشى ومش هيكون من حقه يشوفها
عند النقط هدى حس انو اتخنق واستغرب نفسه اكتر
نفخ وقام من على كرسيه وفك رابطه عنقه
وحط ايده فى جيوبه وبيتابع الطريق من خلال الوح ازجاجى ال ورا مكتبه وبيفكر
وبيقول ل نفسه ايه ال حصلك يا زين مكنتش كده واخده تفكيرك كده ليه عمرك ما بصيت ل وحده ولا شغلت بالك اى واحده مهما كانت جميله
ويرجع يقول ل نفسه بس ليالى مش جميله جمال عادى دى فتنه متحركه
اه يا زين شكل الايام ال جايه هتكون صعبه عليك
شويه والباب خبط ودخل نادر مدير اعماله وصاحبه
نادر
زين زين
زين
ايه فى ايه
نادر بابتسامه
بنادى عليك من بدرى سرحان فى ايه اول مره اشوفك سرحان
قعد زين على مكتبه و-----
للحديث بقيه