رواية معاناة أم
الفصل الثالث
بقلم دنيا امام
هشام يقوم بعصبيه ويمسك زراعها بقوه: انا جبت اخري منك
انتي عايزه مني ايه انا مش قولتلك بلاش تعتبي غرفتي تاني.
انتي غاويه كل شويه تعصبيني ليه
يلا اتفضلي بره ويزق والدته بقوه علي الباب بقوه وتتخبط
دماغها في الباب وتقع الام علي الارض وتدخل نور الغرفه
وتري الام علي الارض غايبه عن الوعي
نور بصدمه: انت عملت ايه وناهد مرميه علي الارض كده ليه
هشام بغضب: انا مش قولتلك امبارح تصحيني الساعه 10 ليه قولتي للست دي تصحيني هي
نور: مش وقته الكلام دا يا هشام وساعدني نشيل ناهد من علي الارض
هشام يساعدها ويسندوا الام وياخدوها علي غرفتها وتجري نور علي المطبخ وتجيب مايه وتحاول تفوقها
وتستعيد الام وعيها وتفتح عيونها ببطء وتبدأ تبكي
نور بتنهيده: بتعيطي ليه دلوقتي مانتي كويسه اهو
هشام: لا هي لازم تعيط كده وتسمعنا الاسطوانه بتاعه كل يوم
الام بدموع: انا بس نفسي اعرف ليه كده انا عملت معاكم ايه طب انا عمري حرمتكم من حاجه او عمري زعلتكم في حاجه طب طلبتوا مني حاجه وقولتلكم لا
ليه بس بتعاملوني كده
هشام: اووووف مش قولتلك هتسمعنا اسطوانه كل يوم
نور ويبدأ قلبها يحن: طيب خلاص كفايه عياط
هشام: نور قومي امشي علي البيوتي سنتر وانا هنزل وهكون هنا قبل ما الناس توصل
نور: طيب عايزه حاجه اعملهالك قبل مانزل
الام: لا يابنتي ربنا يخلي...
هشام بمقاطعه: نور قولتلك امشي يلاااا
وتقوم نور تمشي ويقوم هشام يقف بغضب: اسمعي بقي ياست انتي اوعي تكوني فاكره انك هتعرفي تكسبي نور لصفك فاهمه ويسيبها ويمشي
🔥 By Queen of Surprises Donia Emam🔥
وليد بعصبيه: وانا قولت الخطوبه كمان يومين وهينزلوا النهارده علشان نور تختار شبكتها
الام بغضب: يعني ايه انا مش عارفه احكم عليكم خلاص مليش كلمه في بيتي
وليد: لا ازاي ليكي كلمه في بيتك بس معلش اختي انا الوصي عليها وانا عارف ان اسلام شاب ملتزم واللي زيه مش كتير في الزمن دا وواثق ان اختي هتكون سعيده معاه
الام: مش هتكمل يا وليد والله الجوازه دي مش هتكمل ويانا يا الجوازه دي يا وليد فاااهم
وليد بهدوء: واسف لانك كده هتخليني اختار الجوازه
وتنزل سلمي علي الدرج وهي تبكي: ليه يا ماما كده ليه مستكتره عليا الفرحه انا بحب اسلام اوي ومن زمان وكنت دايما بصلي وبدعي يكون نصيبي ولما ربنا يقبل دعائي تيجي انتي وتقولي لا طب ليه انا عايزه اعرف
الام بغضب: اخرسي يا قليله الادب ايه البجاحه دي وكمان مش مكسوفه من نفسك وانتي بتقولي بحبه من زمان
وليد: وتتكسف ليه يا امي وهي مش عامله حاجه غلط
هو الحب جريمه ولا ايه
الام: وليد انت كده بتتحداني بتتحدي امك
وليد: ههه والله كويس اللي انتي عارفه انك امنا وان احنا ولادك اللي المفروض تكوني عايزه سعادتنا
الام: يعني ايه يا وليد
وليد: يعني يا امي انتي عمرك حتي مافتكرتي ان احنا ولادك عمرك ماحسستينا انك ام اصلا ليه دلوقتي جايه تقولي انك امنا
الام بغضب: انت قليل الادب ايه ياولد اللي انت بتقوله دا
وليد: دي الحقيقه واسف لو الحقيقه جرحتك دا لو جرحتك يعني وعلي كل حال سلمي هتنزل تختار شبكتها مع اسلام النهارده وهو هايلبسهالها النهارده وهما مع بعض وكتب الكتاب والفرح الشهر اللي جي عن اذنك عندي شغل. وانتي يا سلمي يلا علشان اوصلك الجامعه
🔥 By Queen of Surprises Donia Emam🔥
يدخل سامر غرفه والدته ويراها جالسه علي سجاده الصلاه تدعي له ولصغيرها ادم
يذهب لها ويجلس بجانبها وتنتهي الام من دعائها ويقبل سامر يديها ورأسها
سامر: صباح الخير يا امي
الام بابتسامه: صباح النور ياحبيبي
سامر: دعواتك يا امي علشان النهارده افتتاح شركتي
الام: روح يابني ربنا يكرمك ويرزقك يارب
سامر: ايوووه اهو الكلمتين دول عندي بالدنيا كلها ربنا يخليكي ليا ياست الكل
الام: ربنا يكرمك ياحبيبي ويسعدك ويرزقك ببنت الحلال يا قادر ياكريم
سامر: لو هتكون قمر زيك كده انا موافق
الام: روح يابني ربنا يجعلك في كل خطوخ سلامه
سامر: تسلميلي ياست الكل انا همشي انا دلوقتي وبالليل هبعتلك السواق ياخدك
الام: طيب ياحبيبي ربنا معاك يابني
وينزل سامر من الغرفه ويخرج من الڤيلا ويستقل سيارته ويذهب لشركته
وبعد مايوصل ينزل سامر من سيارته ويدخل الشركه ويقابل الموظفين ويتعرف عليهم
سامر: انت قولتلي اسمك ايه
الشاب: اسمي هشام
سامر: انت اللي انا قولتلك تقابلني بكره الساعه 10
هشام: ايوه حضرتك
سامر: طيب تعالي ورايا علي المكتب
ويذهي سامر لمكتبه ويلحقه هشام ويدخلوا المكتب
سامر: اقعد يا هشام قولي بقي سنك وبتدرس ايه
هشام: 22 سنه وفي 4 هندسه حضرتك
سامر: مممم ممتاز طيب وريني ال CV بتاعك
هشام: اتفضل
سامر: طيب يا هشام بص العامل اللي هنا انا هخليهم مجموعات وانت هتكون المشرف المسؤل عن مجموعه فيهم تمام
هشام: تمام حضرتك
سامر: تحب تحضر الافتتاح النهارده
هشام: تمام بس ممكن امشي دلوقتي علشان فيه ضيوف جايين يطلبوا ايد اختي وانا يعني مكان بابا الله يرحمه
سامر: طيب اتفضل روح انت والف مبروك لاختك وربنا يتتملها بخير
هشام: شكرا لحضرتك
🔥 By Queen of Surprises Donia Emam🔥
ديدي: انتي بقي الشغاله الجديده
ناهد: ايوه انا ياست هانم
ديدي بتكبر: اه وايه بقي اللي يخليكي تشتغلي في بيوت الناس
ناهد: بنتي ماشاء الله كبرت وبقت عروسه ولازم اجيب قرش علشان اقدر اجهزها ياست هانم
ديدي: طيب طيب اجري المطبخ عندك اهو رتبيه ونظفي الدنيا
ناهد: طيب ياست هانم ممكن لما اخلص امشي علي طول علشان فيه ناس جايه تتطلب ايد بنتي
ديدي: بس اجري وخلصي اللي وراكي الاول وبعدين ابقي اتكلمي وقولي همشي
تزعل ناهد من طريقه ديدي وتروح المطبخ وتبدأ في غسيل الاطباق وتنظم المطبخ وتبدأ تعمل الاكل وطبعا بعد ما سألت ديدي ولما تنتهي من عملها تروح لديدي
ناهد: انا خلصت ياست هانم ممكن امشي
ديدي بقرف: طيب بالسلامه
سلمي: انا جيت يا ماما
ديدي: وانتي من امتي بترجعي من الجامعه دلوقتي
سلمي: مانتي عارفه يا ماما اني هنزل مع اسلام النهارده علشان اختار الشبكه
ناهد بابتسامه: ماشاء الله عليكي ربنا يتمملك بخير يابنتي
سلمي بابتسامه: حضرتك الداده الجديده
ناهد: ايوه يابنتي وكمان عندي بنوته زي القمر زيك كده وزميلها في الجامعه هيطلب ايديها النهارده
سلمي: ربنا يسعدها يارب
ديدي بغضب: ايه ياسلمي هانم انتي هتتكلمي مع الخدامين ولا ايه هو دا اللي انا ربيتك عليه وانتي ياست انتي يلا شوفي انتي رايحه فين
تزعل ناهد من كلام ديدي وتنزل من عنيها دمعه تمسحها وتخرج من الڤيلا
سلمي: ايه يا ماما فيه ايه وليه عملتي كده حرام عليكي تخليها تمشي زعلانه
ديدي بعصبيه: بقي انا ربيتك علي كده انك تتكلمي مع الخدم
سلمي بتريقه: ايوه دا اللي ربيتيني عليه بس اللي وليد رباني عليه اني احترم اللي اكبر مني واني احترم غيري علشان غيري يحترمني عن اذنك هطلع اغير هدومي
🔥 By Queen of Surprises Donia Emam🔥
ويعدي اليوم ويجي عمرو واهله يتقدموا لنور
والده عمرو: اومال فين والدتك يانور مشوفتهاش من ساعه ماجيت
نور بارتباك: مامتي جوا معلش هي بس تعبانه شويه
والده عمرو: طيب تحب ادخل اشوفها انا
هشام: احم لا هي نور هتروح تجيبها
وتقوم نور وتروح لغرفه والدتها وتلاقيها قاعده علي السرير بتعيط
نور: قومي اخرجي علشان مامت عمرو بتسأل عليكي
الام بفرحه: بجد يعني اخرج
نور: ايوه اطلعي بس غيري هدومك اللي تقرف دي الاول
الام بحزن: طيب يابنتي وتخرج نور وتغير الام هدومها وتخرج وتسلم علي عمرو ووالدته
عمرو بابتسامه: تسمحيلي يا طنط اطلب ايد نور وطبعا بعد اذن هشام
الام بفرحه: مواف...
هشام بمقاطعه: نور كلمتني عنك كتير وانا موافق طبعا
عمرو: ايه رئيك يا طنط ننزل نجيب الشبكه دلوقتي وكمان اسبوع نخليها خطوبه وكتب كتاب
الام: طيب يابني اللي فيه الخير يقدمه رب..
هشام: ان شاء الله
والدت عمرو: مدام ناهد نور قالتلي انك تعبانه الف سلامه عليكي
الام: الله يسلمك ياحبيبتي
والدت عمرو: شدي حيلك كده علشان نفرح بالولاد
الام بابتسامه: ان شاء الله
عمرو: تسمحيلي اقول لحضرتك يا ماما
الام بفرحه: ماما بجد يابني هتقولي يا ماما
والدت عمرو باستغراب: استغربتي كده ليه
الام: احم لا ابدا بس فرحانه بنور. طبعا ياحبيبي قولي يا ماما وتنزل دموع الام من الفرحه واخيرا حد هيقولها يا ماما
ويعدي الوقت ويمشي عمرو ووالدته
هشام: ارتاحتي كده
الام: يابني مانا عملت اللي قولت عليه ومخرجتش والست هي اللي سألت عليا
هشام بغضب: انا خارج
نور: انا مليش دعوه باللي بيحصل بينكم انا مايهمنيش غير عمرو فاهمه اياكي تعرفيه اي حاجه من اللي بنعملها هنا فاهمه وتدخل نور غرفتها وتبقي الام بمفردها في غرفه الصالون وهي تبكي
🔥 By Queen of Surprises Donia Emam🔥
يوصل هشام الافتتاح ويشوفه سامر
سامر: هشام معلش ممكن تروح الڤيلا وتجيب والدتي علشان السواق تعب فجأة ومشي
هشام: تمام ويروح هشام يركب عربيه سامر ويروح الڤيلا ويشوف ادم بيتخانق مع والدته
ادم بصوت عالي: قسما بالله لو قالك انتي اللي هتقصي الشريط وقصيتيه هخلي يومك اسود فاهمه
الام: ليه بس يابني
ادم: بابا بس اللي هيعمل كده فاهمه
الام: وابوك ساعده في ايه علشان هو اللي يعمل كده
سمير: اسمعي اللي ابنك قال عليه فاهمه
هشام: احم حضرتك مدام نجوي
الام: ايوه يابني
هشام: باشمهندس سامر بعتني اخد حضرتك
الام: طيب يابني انا جاهزه يلا وتخرج الام وتركب مع هشام ويوصلوا الشركه وتفرح الام لما تشوف نجاح ابنها ويشوفها سامر يجري عليها ويبوس ايدها
سامر: تعالي ياست الكل علشان تقصي الشريط
الام بخوف: لا يابني الله يخليك
سامر: ليه يا امي حد فيهم قالك حاجه
الام: لا يابني محدش قال حاجه
سامر: طيب علشان خاطري تعالي قصي الشريط
الام: طيب ياحبيبي
ويروح سامر ويعرف والدته علي رجال الاعمال ويبدأ الافتتاح وتقص الام الشريط وتنزل من عنيها دموع الفرحه بنجاح ابنها
🔥 By Queen of Surprises Donia Emam🔥
تنزل سلمي وتشوفها والدتها وتقوم تقف
سلمي: انا ماشيه يا ماما اسلام بره في العربيه
ديدي بقرف: انا هاجي معاكي
ويدخل وليد ومعاه اسلام: لا يا امي مفيش حد هيروح معاهم
ديدي: انت مالك انت دي بنتي وهروح معاها
اسلام: خلاص ياوليد مفيش مشكله خليها تيجي
وليد عارف ان والدته لو راحت اليوم مش هيعدي علي خير وهتحاول تبوظ الجوازه.معلش يا امي سيبيهم علي راحتهم وهنخرج مع بعض كلنا بس يوم تاني يلا ياسلمي امشي مع خطيبك .. خلي بالك منها يا اسلام
اسلام يمسك ايديها بحب: في قلبي وعنيا يا صاحبي
ويخرجوا من الڤيلا ويروحوا محل المجوهرات وتختار سلمي توينز دهب
اسلام: ايه دا ياسلمي دا دهب
سلمي: ايوه عارفه ليه ماله الدهب
اسلام: عارفه ايه لا طبعا اختاري اي حاجه من الالماظ
سلمي: لا يا اسلام دا عاجبني وحبيته ومش هختار غيره
اسلام: سلمي علي فكره انا اقدر اجيبلك الدنيا كلها
سلمي بحب: وانا عارفه يا اسلام بس صدقني انا اختارته علشان حبيته
اسلام: طيب ممكن اختار ليكي حاجه تاني علي زوقي
سلمي: موافقه بس تكون دهب بردو
اسلام: ملكيش دعوه
سلمي: انا قولتلك تكون دهب وبعدين الفلوس دي احنا اولي بيها بلاش تبزير
اسلام: طيب امري لله ويحتار كوليه دهب ويعجب سلمي ويدفع اسلام الفاتوره ويخرجوا
🔥 By Queen of Surprises Donia Emam🔥
ادم بغضب: انا مش قولتلك ماتقصيش الشريط بردو نفذتي اللي في دماغك
الام بدموع: والله يابني انا عملت كده علشان اخوم يكون مبسوط
ادم: عارفه الشركه اللي ابنك فرحان بيها دي مش هخليه يفرح فيها يوم واحد وهدمرها وهدمره
الام: ليه بس يابني حرام عليك دا اخوك
سمير بغضب: لما يروح ويشتغل ميكانيكي شركه ابوه موجوده يبقي يستاهل كل اللي يحصله
الام بغضب: انت عايز منه ايه ماتسيبه في حاله بقي انت اييه قلبك دا ايييه حجر ياشيخ حرام عليك
سمير: اخرسي ويرفع ايده ويصفعها علي وجهها بقوه
ويخرج ادم من الڤيلا ويطلع سمير غرفته
ويدخل سامر الڤيلا يشوف والدته علي الارض بتبكي
يجري عليها سامر: امي مالك فيه ايه
الام: اخوك خرج وهو متعصب الله يخليك يابني كلم اخوك قلبي مش مطمن
سامر: طيب اهدي بس شويه وهتلاقيه راجع تاني
الام بدموع: لا ابني فيه حاجه الله يخليك يابني كلم اخوك
سامر: حاضر حاضر ويمسك موبايله ويتصل بأخوه . ايوه يا ادم انت فين
الشخص: صاحب الموبايل عمل حادثه علي طريق ...
سامر: ايييه اااادم
الام بصريخ: لاااا اابنيييييي