الفصل الثالث عشر الاخير
رواية معاناة أم
ڤيلا عائله سمير
ينزل سامر ومعه أدم وتقوم بسمله وتتجه لهم وتبتسم في
وجه سامر بحب ثم تنظر لأدم وتتحدث بجمود
بسمله: يلا بينا نبدأ جلسه اليوم
أدم: الاول انا أسف علي طريقتي معاكي في أخر مره
تنظر له بسمله بصدمه ثم تقول: ايه سوري بس مش مستوعبه
أدم يبتسم لها ويسرح في جمالها: ولا يهمك ياستي اعيد تاني،
انا أسف يا بسمله علي طريقتي معاكي في أخر مره وتسمحيلي
اقولك يا بسمله من غير دكتوره
تبتسم له بسمله: اكيد طبعا وأسفك مقبول يا أدم
سامر يبتسم لها بحب ويقول: صافي يالبن
تضحك بسمله وينسحر كل من أدم وسامر بضحكتها: حليب يا قشطه
ويخرج سامر ومعه أدم وبسمله لجنينه الڤيلا وتبدأ جلسه العلاج الطبيعي لأدم
بسمله وهي تمسك بيد أدم وتساعده علي التحرك: ايوه براڤو يلا خطوه كمان
أدم بألم: لا مش قادر مش هعرف
بسمله وهي تبتسم له: عايزاك تنسي كلمه مش قادر ومش هعرف، انت هتقدر وهتعرف تتحرك بس لازم يكون عندك ثقه في ونفسك، وبعدين قولي في حد كان بيعملك جلسات في الفتره اللي مكنتش موجوده فيها
أدم: اه سامر
تنظر بسمله لسامر بنظرات كلها حب ثم توجه كلامها لأدم وهي مازالت تنظر لسامر: طيب اشكر اخوك لان الكام خطوه دول بفضله هو لانه كان مستمر معاك في الجلسات
أدم بتأفف: طيب بعدين بس يلا كملي وساعديني
سانر بغيره: كفايه عليكي كده يا دكتوره وارتاحي انتي شويه وانا هساعده وينظر لها بغضب ويسحب إيد أدم من ايدها ويبدأ في مساعدته.
وبعد انتهاء جلسه العلاج يقول أدم: هتيجي بكره امتي انا هستناكي
سامر بغيره: إن شاء الله لما نعيش لبكره نبقي نفكر فيه يلا علشان اطلعك علي غرفتك، وانتي يا دكتوره انتظريني لاني عايزك في موضوع مهم ثم يساعد اخيه ويطلعه غرفته وينزل لبسمله وينظر لها بغضب
بسمله: انت بتبصلي كده ليه
سامر: اصلي شايفك ماشاء الله مبتسمه اوي وفرحانه بالكلام مع أدم
بسمله بغضب: لا مسمحش لحضرتك تتكلم معايا بالطريقه دي
سامر: وانا مسمحلكيش تضحكي لحد غيري
بسمله: يعني ايه وانت مالك اصلا
سامر: يعني بحبك افهمي بقا بحبك
تنظر له بسمله بصدمه ويحمر وجهها خجلا منه ثم تسحب حقيبتها وتحاول الذهاب من أمامه ولكن يمسك يديها ويقول: اسف اني مسك ايدك بس انا هوصلك لاني عايز والدك في موضوع
بسمله تسحب يديها وتقول بحزن: والدي الله يرحمه
سامر: طيب مش عايز اشوف الحزن دا في عينك تاني بس هاجي معاكي واتكلم مع والدتك
🔥 By Queen of Surprises Donia Emam🔥
ويذهبوا ويوصلها لمنزلها ويطلب مقابله والدتها
بسمله: استاذ سامر اخو أدم الكبير يا ماما اللي بعمله جلسات العلاج الطبيعي
تبتسم له والدتها: اهلا بيك يابني اتفضل
ويجلس سامر علي الاريكه ويقول: بصي يا أمي انا طول عمري دغري وبصراحه انا بحب بسمله وعايز اتجوزها ويسعدني تقبليني زوج ليها وصدقيني هحافظ عليها وهشيلها جوا قلبي قبل عنيا
تبتسم له والدتها وتقول: والله يابني هي كلمتني عنكم كتير وانا معنديش مانع بس المهم رئيها
سامر: وهي قدامك اهي اساليها
تنظر لها والدتها وتقول: ايه رئيك يابنتي
تنظر بسمله لسامر بحب ثم تقول: موافقه يا ماما
يبتسم سامر بفرحه عندما يري نظرات الحب في عيون بسمله وتفرح والدتها وتحضنها وتبكي من الفرحه وتقول لسامر: اسمع يابني بسمله دي حته من قلبي انا معنديش غيرها وبوصيك عليها واوعي في يوم تخليني اندم اني اديتك بنتي
سامر يقبل يديها ويقول: امرك يا امي وصدقيني هي في قلبي وعنيا وهعمل بالوصيه دي لاخر نفس فيا وان شاء الله هجيب امي وهاجي بكره نطلبها منك يلا السلام عليكم
الام: وعليكم السلام يابني، روحي يابسمله وصليه للباب
وتروح معاه بسمله لحد الباب وينظر لها سامر بحب ويقول: بسمله
بسمله باحراج: نعم
سامر: بحبك ويفتح الباب ويذهب لكي يعود لمنزله
🔥 By Queen of Surprises Donia Emam🔥
يجلس وليد وسلمي واسلام في مكان خالي من الناس يجلوسن وعلي وجههم الحزن
سلمي بدموع: هي عملت معانا كده ليه ها، حد يقولي حد يرد عليا
يضمها وليد ويمسح دموعها: ربنا يسامحها خلاص انسيها خالص وخلينا نشوف حياتنا وانا واسلام هنكون ليكي الام والاب دايما
اسلام يقبل يديها: سلمي ارجوكي انسي وخلينا نعيش حياتنا
سلمي: انسي ايه انتو بتضحكوا عليا ولا علي نفسكم،
اظت يا أبيه هتنسي ماما هاا قولي هتنساها، طب انت يا اسلام هتنسي اللي عملته فيك لما رفضتك وقلت منك، متكذبوش علي نفسكم انتو بس بتحاولوا تصبروني مش اكتر
وليد: سلمي اهدي
سلمي بصريخ: اهدي اييييه اهدي اييييه انا امي بتكرهني عارفين يعني ايه بتكرهني، امي بتحب جوزي عارفين يعني اييه
يصفعها وليد علي وجهها بقوه: اخرسي قطع لسانك، قسما بالله لو قولتي كده تاني هقطعلك لسانك فااهمه
إسلام: وليد ارجوك كفايه
سلمي: لا سيبه يضرب، يلا اضرب تاني وتمسك بيد وليد وتصفع نفسها، اضربني تاني اضربني يلا وقفت ليه اضربني بس علي فكره انا بقول الحقيقه واسأل إسلام
ينظر وليد لاسلام وينظر إسلام علي الارض ويقف وليد في مواجهته: الكلام دا صح
إسلام: النهارده الصبح اتفقنا هنعملك مفاجأة ونجيلكم الڤيلا ولما اتصلنا علي الڤيلا علشان نقول لداده فاطمه والدتك هي اللي ردت وللاسف سلمي كانت فاكره ان داده فاطمه هي اللي ردت وقالت احنا هنيجي النهارده ولما عرفت ان والدتك اللي ردت مكنش ينفع تكذب او تلاقي حجه ف قالت ان احنا هنيجي النهارده وبعدها بساعه لما جهزنا وخلاص خارجين من الڤيلا جالي رساله علي الموبايل من والدتك مكتوب فيها( اسلام اخترع اي حجه وسيب سلمي تروح الڤيلا لوحدها وقابلني في المكان دا *.........*) بس انا طبعا وريت لسلمي الرساله وعيطت ومكنتش هتيجي بس انا قولتلها وليد ملهوش ذنب وانتي عايزه تشوفيه واصريت اننا نيجي نزوركم وطبعا انا رديت علي رساله والدتك وقولتلها اني بلغت سلمي بالرساله دي علشان كده لما وصلت وشافتنا قالت تعمل كده بس للاسف من حفر حفره لاخيه وقع فيه المثال دا يتطبق علي اللي حصل لوالدتك دلوقتي
وليد بصدمه: لا مستحيل انا مش مصدق مش معقول ماما تعمل كده
إسلام: هثبتلك وياخد الموبايل من شنطه سلمي ويفتح الرساله ويوجه الموبايل امام وجه وليد!! اتفضل شوف بعينك دي الرساله
ينظر وليد لسلمي ويبكي علي صفعته لها: اسف يانور عيني سامحيني ويأخذها في حضنه
سلمي بدموع: أسفه يا أبيه علي طريقة كلامي معاك
ويأتي شاب ومعه صوره ويبكي ويسألهم: لو سمحت شوفتوا البنت دي
وليد: لا والله يا أخ
الشاب: شكرا وقبل ان يتحرك يرن موبايله، الو يانور انتي فين
المتصل: صاحبه الموبايل عملت حادث وجبناها مستشفي ال......
هشام: لا نور لا نوووور
وليد: اهدي يا استاذ مين نور وفي ايه
هشام بدموع: اختي بتروح مني عملت حادثه
إسلام: وليد سوق العربيه انت تعالي معانا هنوصلك المستشفي ونطمن علي اختك كمان يلا ياوليد بسرعه
وبعد وصولهم المستشفي يسأل وليد في الاستقبال علي نور ويجروا علي غرفتها وعند رؤيه هشام أخته نائمه علي السرير يجري عليها ويحضنها ويبكي
هشام: ليه كده يانور ليه بس توقعي قلبي عليكي كده
نور بتعب: انا كويسه ياهشام متقلقش
وليد: اخبارها ايه يادكتور
الدكتور: هي كويسه وكمان العربيه ملحقتش تخبطها هي فقدت الوعي من الخضه وسواق العربيه وقف بسرعه هي كويسه وتقدر تروح معاكم بعد ماتخلص المحاليل دي
نور: هشام جوزي طلقتي من تاني يوم عارف يعني ايه، دا عقاب ربنا ليا علي معاملتي لماما ناهد انا استاهل اكتر من كده
وليد: ثواني بس انتو ولاد داده ناهد اللي اتوفت من شهر
هشام: انت تعرف امي
يلكمه وليد لكمه قويه علي وجهه: انتو اييييه قلبكم دا كان ايييه انتو مستحيل يكون عندكم قلب اصلا في حد يعامل والدته بالطريقه دي عملتلكم ايه دي بتحبكم وبترعاكم انتو متستهلوش بجد أم زيها
هشام بدموع: ترجع وانا ابوس رجلها تسامحني
سلمي: بعد ايه هاا، تعرفوا حياتكم شبه حياتنا بس بتبادل الادوار يعني انتو بتعاملوا والدتكم وحش واحنا والدتنا هي اللي بتكرهنا بجد احنا نفسنا والدتنا تاخدنا في حضنها، يعني انتو الحضن الدافي كان معاكم وحرمينه منكم، احنا بقا والدتنا حرمانا منها
سلمي: والدتك غلطانه، احنا نفسنا والدتنا ترجع ووالله هنعمل اي حاجه علشان ترضي عننا
وليد: فات الاوان عن اذنكم يلا يا اسلام انت وسلمي
🔥 By Queen of Surprises Donia Emam🔥
وبعد اسبوع ويكون هذا الاسبوع ملئ بأحداث كثيره
في شركه سامر
السكرتيره: افندم يا سامر بيه
سامر: ابعتيلي هشام ضروري
وبعد مايدخل هشام: نعم يا سامر بيه
سامر بغضب: في غلط في حسابات الشركه يا بيه عارف يعني ايه
هشام: والله يا سامر بيه انا راجعتها اكتر من مره دي حسابات الشهر كله اسأل وائل ورائد انا من كام يوم قولتلهم يراجعوا الحسابات ويرتبوا المبالغ
سامر: وائل ورائد هربوا يا هشام يعني انت اللي لبست الليله ونصبتوا عليا ف 50 الف جنيه، اسف بس انا هبلغ البوليس لاني مقبلش بالخيانه
هشام: لا ابوس ايدك والله العظيم مسرقتش حاجه والله ما ليا ذنب يا سامر بيه
سامر: يا تجيب المبلغ اللي سرقته يا. ابلغ البوليس
يتذكر هشام انه شاف في الورق اللي قالتله عليه والدته، وديعه في البنك بمبلغ 100 الف جنيه: بص يا سامر بيه انا هجيبلك الفلوس بس اقسملك بالله ورحمه أمي انا مسرقتش حاجه
سامر: انا هروح الڤيلا والفلوس تجيبها وتجيلي هناك فاهم
هشام: امرك يافندم
في ڤيلا سامر
تذهب بسمله لكي تبدأ جلسه العلاج لأدم
الام: اهلا ياحبيبتي
بسمله: وحشتيني يا ماما
الام وانتي كمان ياحبيبتي سامر في الشركه
بسمله باحراج: احم انا كنت هسألك علي أدم علشان جلسه العلاج
سامر: ومتسأليش عليا ليه بقا دا انا زي خطيبك يعني ولا نسيتي ان خطوبتنا كمان اسبوع
بسمله: لا متستش وبس بقا متكسفنيش لو سمحت
الام: بس يا واد يا سامر متكسفهاش
سامر: طيب هطلع اجيب أدم
🔥 By Queen of Surprises Donia Emam🔥
ويطلع يجيب أدم وينزلوا واول مايشوفها أدم يبتسم لها بحب
بسمله: ازيك يا أدم جاهز لجلسه اليوم
أدم: قبل اي حاجه انا حابب اقولك علي حاجه
بسمله: اتفضل
أدم: تتجوزيني يابسمله
سامر بغضب: اااادم انت اتجننت
أدم: في ايه يا سامر بتزعق كده ليه
سامر: بسمله خطيبتي وانا طلبتها من والدتها وخطوبتنا كمان اسبوعين بس كنت منتظر تقوم بالسلامه علشان. اقولك
ينصدم أدم من كلام سامر وينظر لسامر بكره وغضب: انت ايييه لييه بتعمل معايا كده ليييه لييييه دايما سابقني وواخد مني كل حاجه انا بكرهك بكرهك
الام: ليه كده يابني دا اخوك ياحبيبي
أدم بصوت عالي: لا مش اخويا متقوليش اخويا، بكرهك وهخلص عليك وعلي فكره انا بمشي علي رجلي انا مش ضعيف وكل يوم كنت بحاول وبحاول بالليل وانا لوحدي وقدرت امشي ودلوقتي لازم اخلص عليك ويرفع تيشيرته وياخد السلاح ويوجه في وجه سامر
تصرخ الام: لاااا يابني لا يا أدم دا اخوك ياحبيبي اوعي تعمل كده دا اخوك يابني الله يخليك اوعي تأذيه
بسمله بصريخ: لا يا أدم ارجوك بلاش دا اخوك الله يخليك بلاش تحرمني منه يا أدم ارجوك بلاش
أدم: هقتله يعني هقتله ويضرب أدم طلقه وتصرخ والدته وبسمله
الام: لااا ابنيييي
بسمله: سااااااامر
سامر وهو علي العارضة: انا كويس بس مين وقعني
وينظر بجانبه ويري هشام علي الارض وغارق في دمه
هشام بتعب: انا خسرت امي وندمت لاني كنت بعاملها بأسوء معامله بلاش تخسر امك لانك مش هتلاقي في حنيتها صحي ضميرك وفوق قلبك يا أدم قبل فوات الاوان وصدقني يا سامر بيه انا مسرقتش حاجه ويغمض عنيه
سامر: انت واااقف تتفرج ادام بتمشي ساعدني ناخده علي المستشفي بسرررعه
ويجري أدم ياساعده وهو مش مستوعب اللي حصل
🔥 By Queen of Surprises Donia Emam🔥
وبعد وصولهم المستشفي يدخل هشام العمليات وتأتي نور وهي تبكي بهيستريا
بسمله: اهدي هو في العمليات
نور وهي تبكي: مليش غيره بعد امي مليش غيره هو اللي باقيلي في الدنيا دي
سامر: اهدي يا أنسه اخوكي هيكون بخير ان شاء الله
نور: حصله ايه
بسمله: احم خد رصاصه
نور بصدمه: اييييه
سامر: انا راجل حقاني يا أنسه واخويا اللي ضرب عليه نار وانا بلغت عنه
تنظر نور لأدم بغضب وتقف في مواجهته وتصفعه علي وجهه بقوه: حرااام عليك ليييه كده ليييه عملك ايه
أدم بدموع: مكنش قصدي اخوكي والله بس هو اللي بعد سامر عن السلاح ووقف قدامي هو
نور بصريخ: وتقتل اخوك لحمك ودمك ليييه انت عارف يعني إيه أهل، عارف يعني ايه أم عارف يعني ايه ولا مش عااااارف حسبي الله ونعمه الوكيل فوق وصحي ضميرك قبل فوات الاوان ومتغلطش غلطتنا روح ربنا يسامحك ياشيخ ربنا يسامحك
وبعد ساعات يخرج الدكتور من غرفه العمليات
الدكتور: الحمد لله الرصاصه بعيد عن القلب وخرجت بسهوله والمريض عدي مرحله الخطر واتنقل غرفه عاديه وشويه وهيفوق من البنج
نور: الف حمد وشكر ليك يارب
وتوصل الشرطه وتلقي القبص علي أدم وياخدوه علي قسم الشرطه ويرفض سامر يروح معاه از يبعتله محامي لانه غلط ولازم يتحمل نتيجه غلطه
وبعد مايفوق هشام ويري اخته امامه يبكي ويقول: ربنا عاقبني يا نور ويبتسم، خدت عقابي علي معاملتي مع أمي الله يرحمها بس انا مش زعلان اني كنت هموت انا زعلان لاني كنت عايز اروحلها واطلب منها السماح
نور: بعد الشر عليك ياحبيبي وربنا يقومك بالسلامه
سامر: انا اسف يا هشام
هشام: انت ملكش ذنب دا عقابي وخدته
بسمله: سامر بلغ البوليس علي اخوه واتقبض عليه
هشام: ليه انت مش شايف حال والدتك اللي قاعده بتبكي علي ابنها ليه تكسر قلبها بس
الام بدموع: ابني غلط يابني ولازم يتعاقب
ويدخل الدكتور: انت كويس اهو وزي الفل، ويبدأ يفحصه ويقول ان شاء الله هتقعد معانا اسبوع
🔥 By Queen of Surprises Donia Emam🔥
وبعد مرور شهر يتعافي هشام تماما ويذهب هو ونور لقسم الشرطه وويتنازل عن المحضر وياخد أدم ويذهب لڤيلا عائله سمير
هشام: السلام عليكم
سامر: ازيك يا هشام ازيك يانور
هشام: احنا الحمد لله، بص يا سامر انا الحمد لله بقيت كويس وروحت قسم الشرطه وقفلت القضيه وجبت أدم معايا بس هو واقف بره محرج يدخل منكم
سامر: انا مش عايز اشوف وشه فااهم روح قوله يمشي
نور: لا مش هيمشي دا اخوك وانت بتقول كده من ورا قلبك ف بلاش تخسره هو ندمان وفاق من الحقد اللي كان جواه ساعده يتغير اكتر وبلاش تتخلي عنه
الام: سامحه يابني الله يخليك اخوك وحشني هو بردو ابني
سامر: طيب يا أمي خليه يدخل
هشام: ادخل يا أدم
يدخل ادم وهو مطأطأ رأسه خجلا من اخيه ووالدته
تجري عليه والدته وتاخده في حضنها وتبكي، ينزل أدم علي رجل والدته ويقبلها ويبكي: اسف سامحيني يا أمي علي كل حاجه عملتها فيكي اسف سامحيني الله يخليكي يا أمي سامحيني
الام: مسامحاك يابني مسمحاك ياحبيبي
يقف أدم في مواجه سامر ويمسك يد اخوه ويحاول تقبليها ولكن يسحب سامر يده من اخيه: ايه اللي بتعمله دا يا أدم
أدم وهو يبكي: هبوس ايدك علشان تسامحني
سامر: انا مسامحك ياهبل انت ابني قبل ماتكون اخويا
يحضنه أدم بقوه ويقبل رأس اخوه ويبتسم: بسمله عامله ايه
سامر: نعم وانت مالك
أدم: بسمله اختي الكبيره وهتبقي مرات اخويا
سامر: ان شاء الله، هي كويسه وكمان اسبوع هتكون مرات اخوك
أدم بفرحه: ربنا يتمملكم ع خير يارب
هشام: احنا عملنا اللي علينا نستأذن بقا علشان عندنا مهمه تاني
سامر: شكرا يا هشام وعلي فكره فلوسك زي ماهي وهتاخدها لما ترجع الشركه وهرد كرامتك قدام الناس لاني وصلت لرائد ووائل واحبسوا وخدوا عقابهم
هشان: شكرا يا سامر وان شاء الله هرجع الشركه يلا عن اذنكم
🔥 By Queen of Surprises Donia Emam🔥
ڤيلا ديدي
داده فاطمه: ياهانم انتي بقالك شهر علي الحال دا ومش بتتحركي لازم تاكلي علشان تقدري تتحركي احنا ماصدقنا بقيتي تتكلمي
ديدي: عايزه ولادي هاتولي ولادي مش هاكل ولا لقمه غير لما رجعولي ولادي
ويرن جرس الڤيلا وتروح داده فاطمه تفتح وتتصدم لما تلاقي وليد في وليد وسلمي واسلام امامها
داده فاطمه: كنتو فين ياولاد متعرفوش اللي حصل بعد ماخرجتوا من الڤيلا، وتشوف نور وتقول نور يابنتي انتي مش كنتي هنا امبارح جيتي تسألي عليا
نور: ايوه يا داده بس لما عرفت بحاله ديدي هانم قولت لهشام وحاولنا نوصل لاودلاها والحمد لله روحنا الڤيلا بتاعه بنتها والبواب قالنا العنوان بتاع الڤيلا اللي كانوا قاعدين فيها وجبتهم انا وهشام بس مقولناش حالتها ايه
وليد: ماما مالها يا داده
سلمي بدموع: مامي مالها يا داده فيها ايه
داده فاطمه: يادوب خرجتوا من هنا والست هانم جربت ترن علي ارقامكم انتو التلاته بس كانوا مغلق خرجت تجري وراكم علي بيت سلمي ومحدش كان هناك ولما رجعت انهارت وبقت تصرخ وتقول ولادي وفقدت معيها وفقدت النطق اسبوع كامل وجالها شلل ومبقتش تتحرك ياعيني ومبتاكلش ولا لقمه ومفيش علي لسانها غير عايزه ولادي
وليد بدموع: ياحبيبتي يا أمي
سلمي: لا ماامي لاا وتجري سلمي علي غرفه والدتها ومعاها اسلام ووليد وهشام ونور
واول ماتشوفها ديدي تبكي: ولادي حبايبي
يجروا عليها سلمي ووليد ويقبلوا يديها
سلمي: مامي اسف يا مامي سامحيني ايه اللي جرالك ياحبيبتي بس
وليد: سامحينا يا امي جرالك ايه ياحبيبتي
ديدي: سامحوني انتو يا حبايبي انا فكرت في كل كلمه قولتوها ولقيت اني غلطت في حقكم كتير اوي ياريت تسامحوني، انا ربنا عاقبني جالي شلل ومش هعرف اتحرك تاني واتكتب عليا اعيش حياتي علي الكرسي المتحرك دا عقارب ربنا ليا وتنظر لاسلام: سامحني يا اسلام يابني الله يخليك سامحني انا اسفه يابني انت زي ابني زي وليج وسلمي وغلاوتك من غلاوتهم سامحني يابني
اسلام: مسامحك يا امي وربنا يقومك بالسلامه
نور وهي تبكي: ياريت امي ترجع وانا اترمي في حضنها
ديدي: شكرا يانور يابنتي ربنا هيرضيكي ويرضي عنك لاني أم ودعيتلك بقلب الام علشان رجعتيلي ولادي روحي يانور انتي وهشام ربنا يسعدكم دايما ويقدملكم كل خير
هشام: ربنا يقومك بالسلامه عن اذنكم، يلا يانور
🔥 By Queen of Surprises Donia Emam🔥
بعد وصول هشام ونور لمنزلهم تري نور عمرو يقف امام باب المنزل وينتظرهم
نور بفرحه: عمرو
يراها عمرو ويشدها لحضنه ويحضنها بقوه: وحشتيني اوي
هشام: ابعد عنها هي مش مراتك
عمرو: انا رديتها بعد ماسبتها ب اسبوع بس كنت حابب اخليكم تتعلموا الدرس، نور حياتي يا هشام مقدرش ابعد عنها
هشام: ديدي هانم دعيتلنا بقلب الام ودعوتها اتحققت وجوزك رجعلك ويلا امشي وخد مراتك معاك ومش عايز اشوفكم هنا وعوضوا اللي ضاع منكم
نور: لا مش هسيبك لوحدك
هشام: اتمتعي بحياتك وعيشي حياتك مع جوزك في فرح وسعاده ربنا يسعدكم يارب
عمرو: يلا بينا نروح نزور قبر ماما ناهد ونقرأ لها الفاتحه
هشام: طيب يلا بينا
وبعد وصولهم للمقابر تنصدم نور وتقول: شوفوا مين هناك
ينظر هشام وعمرو للجه اللس بتقول عليها نور
هشام: عائله سامر وعائله وليد
نور: انتو هنا من امتي
وليد: اول ماخرجتوا ماما اصرت تيجي تزور والدتكم وتطلب منها السماح
نور: وانت يا سامر
سامر: ماما كانت حابه تقرأ الفاتحه لوالدتكم وبسمله كمان ف جينا
والدت سامر: معرفكيش بس انتي سيده عظيمه بجد الله يرحمك ويجعل مثواكي الجنه
سامر: عمري ماشوفتك بس ليا الشرف اقول الله يرحمك يا أمي
أدم: اني ارجع لاهلي ويسامحوني الفضل دا يرجع ليكي الله يرحمك ويجعل مثواكي الجنه
بسمله: قصه حياتك بجد خليتني كل يوم قبل نومي لازم اقبل رأس والدتي الله يرحمك ويجعل مثواكي الجنه
ديدي: عاملتك بطريقه سيئه كتير واتمني تكوني مسامحاني اني بجد سيده عظيمه انتي فخر لكل الامهات الله يرحمك
سلمي: متكلمتش معاكي كتير بس كنت بحبك اوي يا داده الله يرحمك
اسلام: الله يرحمك ويجعل مثواكي الجنه انا بجد قلبي وجعني لما عرفت اللي مريتي بيه في حياتك
وليد بدموع: اعتبرتك أمي وكنت بقولك أمي لاني حسيت انك محتاجه الكلمه دي موتك اثر فيا ياست الكل، الله يرحمك ويجعل مثواكي الجنه
عمرو: سامحيني لاني وجعت قلب نور بس كان غصب عني يا أمي انتي عارفه اني حبيتك اوي وغلاوتك نفس غلاوه امي ياريت تسامحيني ياست الكل الله يرحمك
هشام: امي ايوه انتي امي انتي نور البيت اللي مبقاش موجود وحشني صوتك ووجودك معانا نفسي ترجعي ولو دقيقه واحده بس اوطي علي رجلك
وابوسها واطلب منك تسامحيني نفسي احضنك واقولك يا امي الله يرحمك يا أمي ويصبرني علي فراقك واوعدك ان نور في عيني دايما
نور بدموع: وحشتيني يا ماما ارجعيلي ارجعي نفسي احضنك يا امي، وحشني كلمه يابنتي منك، وحشني صوتك، وحشني وجودك، وحشتيني يا غاليه
غيابك عني كسرني يا ماما كسرني انتي دايما في بالي بحبك اوي يا امي ياريت تكوني مسمحاني علي اللي عملته معاكي
حقيقي مبنحسش بالحاجه غير لما بتروح مننا، انا وهشام غلطنا وخدنا عقابنا الله يرحمك يا ماما انا عرفت إن اهم شئ في الكون هو (بر الوالدين)
دي كانت رسالتي للناس اللي بتعامل اهلها بالطريقه دي صدقوني الدنيا صغيره والموت بياخد مننا الناس اللي بنحبها فاجأه اهم حاجه في الحياه بر الوالدين طول مانت عندك اهل وربنا مبارك في عمرهم اوعي تزعلهم او تجرحهم بكلمه والدك اللي بيتعب في شغله علشان يصرف عليك ويكبرك ويخليك راجل مسؤال عن بيت واولاد ووالدتك اللي بتربي وبتتعب علشان تطلع حاجه كويسه ميستاهلوش منكم المعامله دي ربنا بيقول الجنه تحت اقدام الامهات يا جماعه والدنيا لسه بخير واهم مافي الحياه (بر الوالدين)
وكمان الاهل اللي بتعامل ولادها بسوء معامله في ناس مش لاقين ظفر عيل راعوا اولادكم الضنا غالي
ويارب تعجبكم واكون كتبت حاجه فيها إفاده للمجتمع
النهاية