رواية مكتوبة ليك الحلقة الرابعة والخامسة بقلم ايمان جمال
عبدالرحمن بصوت عالي: يخربيت ام الكلمة دي بقى
-طب الكلمة دي بتعصبني عشان بتكبرني وكمان انا اخوها لكن تعصبك انت ليه يا صاحبي
طبعا دا كان صوت الفهد ، عبدالرحمن بصله بصدمة ومش عارف يرد يقول ايه
فهد: ساكت ليه ماترد
عبدالرحمن بتوتر: ارد على ايه
فهد: الكلمة دي بضايقك ليه؟
عبدالرحمن بتردد: عشان بتكبرني ومش بحبها
فهد بخبث: يعني مش عشان حاجة تانية ؟
عبدالرحمن بتوتر: لا ، وسابه وخرج
فهد بخبث: وقعت يا صاحبي ووقعت مع اخت الفهد ودي مش حاجة سهلة ابدا
فهد خرج من مكتب عبدالرحمن ودخل مكتبه وكانت نهلة لسة عنده وقاعدة على الكرسي الخاص بفهد ، فهد اول ماشافها فرح جدا بيها وهي شافته ووقفت على طول
فهد: والله ما انتي قايمة خليكي قاعدة
نهلة قعدت: اصل قولت اجربه
فهد: تصدقي انه لايق عليكي عني
نهلة: لا طبعا انت احسن مني
فهد راح وقف جمبها: اخت فهد المنياوي تكون احس من الكل حتى مني انا
نهلة حضنته: ربنا يخليك ليا يا احسن اخ
فهد: ويخليكي ليا يا قلبي ، يالا عشان نخرج نتغدا سوا بارة
نهلة بفرحة طفولية: يالا بينا
________________________________
في بيت ندى
ندى قاعدة في اوضتها وكمال خبط ودخل
ندى: تعالى يا بابا
كمال قعد جمبها على السرير: كنت عاوز اتكلم معاكي يا حبيبتي شوية
ندى: خير يا بابا
كمال خرج من جيبه فيزا: الفيزا دي تفضل معاكي
مدى: دي بتاعة مين؟
كمال: بتاعتك انتي والفلوس اللي فيها ليكي
ندى: انا اول مرة اعرف ان حضرتك سايب ليا فلوس في البنك وليا فيزا كمان
كمال: انت بدأت احطلك الفلوس دي من وانتي صغيرة و دلوقتي هتحتاجيها عشان دراستك وهتحتاجي فلوس كتير
ندى: خليها معاك يا بابا ليه اخدها ؟
كمال: عشان دي حاجتك ولازم تكون معاكي وبعدين يعني ماهي فضلت معايا سنين وآن الآوان تكون معاكي
ندى: بس معاك افضل وخصوصا اني مش متعودة على اني اشيل فيزا معايا
كمال: لازم تتعودي وبعدين دي حاجة عادية مش كبيرة عشان تخافي ، يعني اللي معاهم احسن منك
ندى: ماشي يا بابا هاخدها
كمال: ربنا يحميكي يابنتي ويوفقك في اللي جاي ، هي النتيجة هتظهر امتى؟
ندى: كمان يومين ان شاء الله
كمال: بالتوفيق يا قلبي انا نازل القهوة شوية ومامتك في المطبخ
ندى: ماشي خلي بالك من نفسك ياكمولة
كمال: ماشي يابت ياشقية
_________________________________
فهد قاعد مع نهلة في مطعم بيتغدوا وشوية ومين دخلوا المحل عبدالرحمن وفارس بس ما اخدوش بالهم من فهد ونهلة بس فعد شافهم
فهد: دا عبدالرحمن وفارس هنا اهم
نهلة بضيق: هما ورانا ورانا حتى هنا
فهد ضحك: هما ما اخدوش بالهم مننا اصلا وبعدين انتي مش بتحبيهم؟
نهلة: انا ماقولتش اني مش بحبهم بس هما طول الوقت معانا حتى في فسحتنا الصيفية
فهد: طب بمناسبة فسحتنا الصيفية احنا هنروح عند جدك
نهلة: ما احنا كدا كدا بنروح كل سنة وبعدين انا مش عاوزة اروح السنادي
فهد: السنادي فرح سليم ابن عمنا والمفروض نكون هناك وهنحضره وهنسافر على طول
نهلة عاوزة تقوله على حاجة بس خايفة منه ، وفهد تقريبا حاسس بيها
فهد: عاوزة تقولي ايه يانهلة
نهلة بخوف: كل سنة بطلب منك طلب وانت بترفضه انا عارفة ان انت صح بس غصب عني
فهد بغضب: قولتلك قبل كدا مش هسمحلك تكلمها دي اتخلت عننا ومشيت ليه عاوزة تسألي عليها وهي ما فكرتش تسأل علينا لو مرة واحدة
نهلة: غصب عني يافهد دي مهما كان امي وانا مالحقتظ احس بوجودها
فهد: هي اللي اختارت تبعد عننا واتجوزت من واحد تاني غير ابونا
نهلة: طب بلاش اكلمها ممكن اسأل عليها مـ.....
وقبل ماتكمل كلامها فهد اتكلم بصوت عالي: اياكي ثم اياكي تعملي كدا فاهمة
صوت فهد كان عالي لدرجة ان كل الناس اللي كانت موجودة في المطعم سمعته حتى عبدالرحمن وفارس وقاموا بسرعة راحوا عنده
فارس: ايه دا فهد في ايه انت صوتك عالي ليه كدا
فهد بصله وسكت
عبدالرحمن: انت يا ابني في ايه ماترد
نهلة اللي ردت ببكاء: قولتله اني عاوزة اسأل عن ماما واكلمها
فهد بغضب شديد: اسم ماما دا مايتقالش تاني انتي فاهمة، امك ماتت
نهلة عيطت جامد وفارس بيهديها وعبدالرحمن مضايق من فارس اعشان قريب من نهلة وفهد لاحظ دا وضحك غصب عنه
عبدالرحمن بإستغراب: انت بتضحك؟!
فهد: اه عشان لما اشوف اللي انا شايفه لازم اضحك
فارس: هو ايه اللي انت شايفه؟
فهد لنهلة: روحي الحمام اغسلي وشك
نهلة سابتهم ودخلت الحمام
فهد: لما اكون شايف نظرات غيرة في عيون واحد بيحب وبيحاول يبان قوي بيخليني اضحك
عبدالرحمن اتوتر اوس وسكت وفارس اتكلم: ودا مين دا يا اخويا
فهد: اهو واحد بس وقعته سودا عشان هيطلع عينه
عبدالرحمن بص لفهد اوي واتكلم: دا على اساس ان في حد حاسس بيه
فارس: انتوا بتتكلموا عن مين؟
فهد: هو عارف نفسه
عبدالرحمن سابهم وخرج
فهد لفارس: استنى نهلة وانا هطلع استناكم بارة، فهد خرج وعبدالرحمن كان ساند على العربية
فهد: بتهرب ليه؟
عبدالرحمن: وانا من امتى بهرب يافهد
فهد: ماهو عشان كدا بسألك بتهرب ليه
عبدالرحمن: كنت عاوزني ارد عليك اقولك ايه، اقولك اني بحب اختك وهي مش شيفاني غير 'أبيه' وبس
فهد: هي لسة صغيرة ومش فاهمة حاجة وبعدين يعني ما انت شايفها طفلة ذي ماهي شايفاك اخوها
عبدالرحمن: انا عارف ان طريقتي معاها صعبة بس انا عاوزها احسن من اي حد وتكبر بقى
فهد بخبث: بس خلي بالك انها غالية اوي عند الفهد
عبدالرحمن: عارف ياصاحبي وهعمل المستحيل عشان تكون ليا
فهد: هو انت مش ملاحظ ان انا اخوها ولا حاجة
عبدالرحمن: عادي
فهد: لا ياشيخ مااااااشي
فارس ونهلة خرجوا من المطعم وراحوا عليهم
فهد لنهلة: حقك عليا اني زعقت عليكي بس غصب عني عشان انت عارف اني مش بحب الموضوع دا
نهلة: خلاص انا اسفة مش هتكلم فيه تاني
فهد باس دماغها واخدها وركبوا العربية وفارس وعبدالرحمن مشيوا
_________________________________
(في بلد قريبة من الصعيد بس ليهم نفس العادات والتقاليد بتاعة الصعيد وفيه منهم بيتكلم بلغة الصعيد والباقي لا)
في قصر حامد السيوفي (كبير عائلة السيوفي)
قاعد على اول السفرة وعلى يمينه ابنه ابراهيم وعلى يساره ابنه محمد
(ابراهيم: عمره 55 سنة، الابن الاوسط لحامد السيوفي عنده بنت وولد توأم (صافي وحمزة)
محمد: عمره 54 سنة، الابن الاصغر لحامد السيوفي عنده بنت وولد (ليلى وفارس)
حامد: الشغل عامل ايه ياولاد؟
ابراهيم: تمام ياحاج
محمد: كل الشغل تمام بحسك ياحاج
حامد: انا مش عاوز اي تقصير دي ارضكم ومالكم مش عاوز اي اهمال
ابراهيم: ماتقلقش ياحاج
دخلت صفية ونادية زوجات ابراهيم ومحمد بالغدا، صفية زوجة إبراهيم ونادية زوجة محمد
وشوية ونزل حمزة (ابن إبراهيم حامد السيوفي، عمره 25 سنة طيب جدا تخرج من كلية الزراعة عشان يساعد ابوه وعمه في شغل الارض)
حمزة: صباح الخير ياجدي، وباس ايده
حامد السيوفي: صباح الخير ياولدي كيفك
حمزة: بخير طول ماحضرتك بخير ومعانا
حامد السيوفي: ربنا يبارك فيك ياحبيبي
حمزة: انا خارج حضرتك عاوز حاجة
حامد: عاوز سلامتك
حمزة باس ايد جده وخرج
ابراهيم: مافيش اخبار جديدة ياحاج
حامد بوجع: لا والله ياولدي لسة حتى فارس مش عارف يوصل لأي حاجة
محمد: ان شاء الله هنسمع اخبار حلوة قريب
حامد بدعاء: يارب
ليلى وصافي نزلوا
(ليلى تبقى اخت فارس، بنت طيبة جدا ورقيقة وعمرها 20 سنة وبتحب حمزة ابن عمها، عيونها عسلي ومحجبة وشعرها طويل وبشرتها بيضا)
(صافي اخت حمزة التوأم وبنت طيبة جدا عيونها بنية وشعرها قصير، محجبة)
كلهم في سن واحد لان ابراهيم ومحمد اتجوزوا في نفس اليوم وعلى الرغم من ان ليلى عندها 25 سنة وحمزة وصافي كمان 25 بس هما اكبر منها خمس شهور)
ليلى: صباح الخير ياجدو
حامد بحب: صباح الجير ياقلبي جدك
صافي بشقاوة: وانا مش قلبك بقى ولا ايه
حامد ضحك: انتوا الاتنين قلبي ياحبايبي
كلهم قاعدين يفطروا ويتكلموا
_________________________________
اليوم عدا خلاص وكل واحد من شخصياتنا في بيته، تاني يوم كان اصعب يوم على ندى، هدى وكمال خرجوا عشان يشتروا مستلزمات البيت واخدوا العربية عشان يخلصوا ويرجعوا بدري، وندى في البيت بتنضف البيت وشوية سمعت صوت عربيات البوليس في الشارع وجرس الباب خبط وهي فتحت وكانت في شرطي على الباب
الشرطي: انتي ندى كمال؟
ندى بقلق: ايوا انا في ايه؟
الشرطب بأسف: والدك ووالدتك عملوا حادثة على الطريق وعاوزينك تيجي تتعرفي على الجثمان بتاعهم
ندى سمعت الخبر واغمى عليها والجيران فوقوها وفضلت تصرخ جامد وتعيط وراحت تشوف الجثمان وللاسف كانوا هما ومن ساعة ماشافتهم وهي ساكتة ومش بتتكلم مع اي حد ولا بترد على اي حد، ونهلة رنت عليها وهي ماردتش بس واحدة من الجيران اللي كانوا قاعدين جمبها ردت
الجارة: الو
نهلة بإستغراب من الصوت: مش دا موبايل ندى هي فين؟
الجارة: هي مش عارف ترد على حد دلوقتي
نهلة بقلق: ليه في ايه
الجارة ببكاء: الاستاذ كمال والست هدى تعيشي انتي
نهلة بصدمة: ايه انتي بتيولي ايه دا حصل امتى
الجارة: من شوية ومن ساعتها وندى مش بترد على حد ولا بتتكلم مع حد
نهلة بدموع: انا جايا حالا
نهلة لبست بسرعة وهدومها كلها كانت سودا ونزلت وفهد كان قاعد تحت
فهد بإستغراب: راحة فين ولابسة كدا ليه؟!
نهلة ببكاء هيستيري: ندى صاحبتي باباها ومامتها ماتوا وانا رحالها
فهد: استني اغير هدومي واجي معاكي
نهلة: لا انا هروح مش هقدر استحمل
نهلة خرجت بسرعة وراحت على بيت ندى
_________________________________
في بيت ندى، نهلة وصلت وطلعت بسرعة
ندى اول ماشافتها جريت عليها وعيطت بطريقة هيسترية
نهلة: البقاء لله ياندى، اهدي عشان خاطري
ندى: انا بقيت لوحدي، راحوا خلاص....وهي بتتكلم اغمى عليها
نهلة بصدمة: ندى
الكل حواليها والدكتور شافها وقال ان عندها صدمة من الخبر وشوية وخالتها هنية وجوزها وابنها وصلوا
ندى نايمة ونهلة جمبها وفهد رن عليها وقامت ترد في البلكونة
نهلة: الو يافهد
فهد: ابعتيلي العنوان عشان اجيلك
نهلة: فهد بعد اذنك سبني عندها النهاردة وهاجي بكرة، دي منهارة اوي والدكتور لسة ماشي من عندها من شوية
فهد: انتي عارفة اني مش بحب انك تكوني بارة البيت وكمان تنامي عند حد بس انا هوافق عشان الظروف اللي فيها صاحبتك، وعشان خاطري خلي بالك من نفسك وهبقى اكلمك كل شوية
نهلة: حاضر ماتقلقش
فهد قفل مع نهلة وكان لسة في الڤيلا نزل اخد العربية من غير السواق وراح الشركة، وصل ودخل والكل واقف احتراما له ودخل مكتبه وشوية وعبدالرحمن خبط ودخل
عبدالرحمن: صباح الخير يافهد
فهد: صباح النور
عبدالرحمن حاسس ان فهد حزين: مالك يافهد
فهد: ابدا بس صاحبة نهلة باباها ومامتها اتوفوا النهاردة في حادثة وهي عندها دلوقتي
عبدالرحمن: ربنا يرحمهم يارب ويصبرها
فهد: يارب، عارف ونهلة بتقولي الخبر قبل ماتخرج افتكرت يوم وفاة ابويا واد ايه انا كنت حزين ومكسور
عبدالرحمن: ربنا يرحمه ياارب ياحبيبي
فهد: ياارب، خير كنت جاي عاوز حاجة؟
عبدالرحمن: اه كنت جاي اسألك انت عملت ايه مع مهند
فهد: ليه بتسأل؟
عبدالرحمن بخبث: اصل وصلي خبر انك اتنازلت عن المناقصة ياصاحبي
فهد: مش وقت رخامتك وبعدين مش دا اللي كنت عاوزه
عبدالرحمن: لا يافهد دا اللي انت عاوزه انت عشان لو انت كنت رافض كلامي ماكنتش هتعمل كدا انت كنت محتاج بس حد يفوقك وانا فوقتك
فهد: عبده اطلع بارة
عبدالرحمن ضحك: ماطلعتش انا اللي بهرب لوحدي
فهد بصله بغضب وعبدالرحمن خرج من ادامه بسرعة
_________________________________
في بيت ندى، كانت لسة نايمة وخالتها دخلت الاوضة
هنية: هي لسة نايمة من ساعتها؟
نهلة: ايوا حاولت اصحيها عشان تاكل اي حاجة بس معرفتش
هنية: حاولي معاها تاني على ما اجهز ليكم الأكل
نهلة: ماشي
نهلة بتحاول تفوقها وهي مش راضية تصحى كأنها رافضة الواقع، واخيرا فاقت
نهلة: اخيرا صحيتي
ندى مش بترد
نهلة بدموع: عشان خاطري ماتعمليش في نفسك وفيا كدا
ندى عيطت
نهلة حضنتها: اهدي والنبي هما اكيد في مكان احسن من هنا واكيد زعلانين عشان شايفينك بتعيطي
ندى: انا بقيت لوحدي يانهلة
نهلة بعتاب: وانا رحت فين انا جمبك اهو وهفضل جمبك
ندى عيطت جامد: محتاجاهم اوي
نهلة: ربنا يرحمهم يارب ويصبرنا على فراقهم يارب
ندى بدعاء: يارب
خالتها دخلت بالأكل
هنية: كويس انك صحيتي ياحبيبتي عشان تاكلي اي حاجة
ندى: ماليش نفس
نهلة: لا لازم تاكلي وانا هاكل معاكي كمان
ندى: ماليش نفس والله يانهلة
نهلة: هتاكلي يعني هتاكلي
نهلة بدأت تأكلها وهنية خرجت وسابتهم
ندى: انتي هتقعدي معايا لحد امتى
نهلة: انا هقعد معاكي لحد بكرة
ندى: بجد يانهلة
نهلة: ايوا ياقلبي استأذنت فهد ووافق
ندى: ربنا يخليكي ليا ياارب
نهلة: ويخليكي ليا يارب ويالا اكلي نفسك عشان انا كدا مش هعرف اكل وبصراحة جعانة
ندى ابتسمت: ماشي
________________________________
في المساء، في ڤيلا فهد، كان قاعد ومعاه فارس وعبدالرحمن
عبدالرحمن بغضب: يعني كان لازم تبات عند صاحبتها
فهد: انت عارف اني مش بحب كدا بس عشان الظروف اللي صاحبتها فيها انا وافقت
فارس برخامة: ايه ياعبودي مش قادر تقعد من غير ماتشوفها
عبدالرحمن بصله بغضب
فهد: هو انتوا معندكوش دم، انتوا مش ملاحظين ان دي اختي اللي بتتكلموا عنها🤔
عبدالرحمن: قوله هو انت مش شايف طريقته
فارس ضحك اوي: برخم عليك يابودي
عبدالرحمن: مابلاش ام الدلع دا ابوس ايدك
فهد ضحك: وربنا لو نهلة سمعت الدلع دا هتقولوا ليك بدل'أبيه'
عبدالرحمن: ياعم اي حاجة بدل أبيه دي اللي مخلياني هتجنن
فارس: معلش يا أبيه استحمل
عبدالرحمن ضربه في وشه
فارس ماسك وشه: يخربيت ايدك ياجدع
فهد بيضحك عليهم جامد
فارس: اضحك اضحك يا اخويا
تليفون فارس رن وهو رد
فارس: الو
المتصل:.................
فارس: ايه انت بتقول ايه حصل امتى دا؟؟؟
الحلقة الخامسة
#رواية_مكتوبة_ليك ❤
#بقلم_ايمان_جمال ❤
_____________________
تاني يوم، ندى اصلا ماعرفتش تنام ونهلة صحيت
نهلة: انتي صحيتي امتى؟
ندى: انا مانمتش اصلا
نهلة: ليه ماصحتنيش
ندى: سبتك ترتاحي شوية وانا اقعد مع نفسي شوية
نهلة: يعني ارتاح وانتي مانمتيش؟
ندى: انا كويسة والله ماتقلقيش
نهلة: طب يالا نخرج بارة الأوضة دي ونشوف هنفطر ايه
ندى: ماشي بس نصلي الاول
نهلة وندى اتوضوا وصلوا سوا وكانت هنية بتجهز الفطار، البنات خلصوا صلاه وخرجوا من الاوضة وهنية ولطفي وحازم قاعدين على ترابيزة الفطار
هنية: تعالوا يابنات يالا عشان تفطروا
لطفي: عاملة ايه دلوقتي يابنتي
ندى: كويسة الحمدلله
لطفي: يستاهل الحمد
نهلة مش مرتاحة لنظرات حازم وقاعدة قلقانة
نهلة لندى: ندى انا هروح الڤيلا وارجعلك تاني عشان فهد
ندى بتفهم: براحتك ياحبيبتي
حازم: هو مين فهد دا؟
نهلة بصت لندى بإستعراب وردت بفخر: دا فهد المنياوي أخويا، عن اذنكم
نهلة مشيت وسابت ندى مع خالتها
_______________________
في ڤيلا فهد، صحي ورن على نهلة ومش بترد وهو قلقان عليها ونزل من اوضته شافها داخلة
فهد: مش بتردي على فونك ليه؟
نهلة: عملته صامت قبل ما انام عشان ما اقلقش ندى ونسيته
فهد: حرام عليكي وربنا، انا كنت نازل اشوفك فين من قلقي عليكي
نهلة: ماتقلقش ياحبيبي انا والله كويسة اهو
فهد: فطرتي ولا لسة
نهلة: لا لسة كنت هفطر بس نزلت عشان كنت محتاجة اغير هدومي
فهد: طب يالا اطلعي خدي دش وغيري هدومك على ما اقول للدادة تجهز لينا الفطار
نهلة طلعت اوضتها وبعد شوية نزلت والدادة قالتلها ان الفطار في الجنينة، نهلة خرجت الجنينة وفهد قاعد مستنيها عشان يفطروا سوا
نهلة: حلوة فكرة الفطار في الجنينة دي معملنهاش من زمان
فهد: عارف ودا بسبب اني بروح الشركة بس حظك النهاردة ان من قلقي عليكي مانزلتش
نهلة: احسن عشان نفطر سوا
فهد: طب يالا افطري، ها هتروحي تاني لصاحبتك
نهلة: دا بعد اذنك طبعا
فهد: ماشي روحي بس ترجعي البيت بدري مافيش بيات بارة
نهلة: حاضر
نهلة وفهد خلصوا فطار وفهد فضل قاعد في الجنينة ونهلة راحت لندى، فهد رن على فارس
فهد: صباح الخير يافارس
فارس: صباح النور يافهد
فهد: عامل ايه الوقتي وجدك
فارس بحزن: ادعيلنا يافهد، جدي من امبارح تعبان ومش بيتكلم مع اي حد خالص
فهد: خليك جمبه يافارس دا حامد السيوفي يعني مش اي حد
فارس: انا من غيره ولا حاجة يافهد
فهد: ان شاء الله خير يافارس
فارس: يارب
فهد خلص المكالمة مع فارس وقام لبس ونزل الشركة
-في قصر السيوفي-
الكل قاعد حزين عشان كبير عائلة السيوفي تعبان، فارس كان في اوضته ونزل بعد ماخلص المكالمة مع فهد
فارس: لسة نايم باردوا
ابراهيم: اه يافارس لسة
فارس بحزن: انا مش متعود عليه كدا
محمد: مش حاجة سهلة يعني يافارس
حمزة: حامد السيوفي مايقعش ابدا
فارس: عاوزه يعمل ايه ياحمزة دا احنا كلنا بنحاول نكون كويسين عشانه لكن من وراه موجوعين
حمزة: ربنا يعدي الايام دي على خير
فارس: يارب، انا هدخل اشوفه
فارس دخل لجده وكان صاحي
فارس: كنت داخل اصحيك
حامد بصله وساكت
فارس: ارجوك ياجدي خليك قوي انا مش قادر اشوفك كدا احنا بنستمد قوتنا منك
حامد بضعف: انا وجعي مش من امبارح بس ياولدي انا وجعي من سنين
فارس: بلاش تأنب نفسك اكتر من كدا
حامد: ياريت كان التأنيب بيريح كنت ارتحت من سنين بس معقول يوم ما اقول خلاص يحصل كدا
فارس بدموع: كفاية ياجدي عشان خاطري
حامد: هاتلي البوم الصور اللي موجود وراك دا واخرج وسبني لوحدي
فارس: طب سبني قاعد معاك
حامد: انا قولتلك هات البوم الصور وسبني لوحدي
فارس جابله الألبوم وسابه وخرج
__________________________
في شركة فهد، في مكتب فهد
عبدالرحمن خبط ودخل
فهد: تعالى
عبدالرحمن قعد: كلمت فارس؟
فهد: اه كنت بكلمه قبل ما اجي
عبدالرحمن: وعاملين ايه؟
فهد: طبعا متأثرين جامد باللي حصل وخصوصا حامد السيوفي
عبدالرحمن: الراجل دا الوحيد اللي الخبر كان صدمة بالنسباله
فهد: كل واحد بيغلط بس فينا اللي غلطه بيبقى عادي لكن هو غلط اكبر غلط وفضل يحاول سنين يصلحه بس معرفش وكأن القدر بيقوله هتندم على الله عملته في حق ابنك
عبدالرحمن: طب هما ناويين على ايه الوقتى؟
فهد: ولا ما عارف ياعبده ولا حبيت اسأل فارس غير لما يفوقوا الأول
عبدالرحمن: ربنا يصبرهم يارب
فهد: يارب
السكرتيرة خبطت ودخلت
السكرتيرة: مستر مهند مستني بارة
فهد: خليه يدخل واطلبي لينا تلاتة قهوة
السكرتيرة: تحت امرك
السكرتيرة خرجت ومهند دخل
فهد: اقعد
مهند: شكرا يافهد
فهد ساكت
عبدالرحمن: مبروك يامهند على المناقصة
مهند: الله يبارك فيك ياعبدالرحمن
فهد: خير؟
مهند: مش كفاية بقى يافهد
فهد: بلاش تفتح في حاجة اتقفلت من سنين بس مش هنساها
مهند: يافهد انا ماليش ذنب في اي حاجة
فهد وقف وراح جمب الشباك: مهند لو سمحت احنا كدا كويسين
مهند: لا يافهد احنا اصلا ماكناش كدا يبقى هنكون كويسين ازاي
فهد: نفضل بعيد بدل مانقرب تاني
مهند: براحتك ياصاحبي انا دايما بحاول اصلح اللي حصل اللي انا اصلا ماليش ذنب فيه بس انت رافض
فهد: ليك ذنب بقى ولا لا دي حاجة تخصني انا
عبدالرحمن: الكلام مش كدا يافهد
مهند: سيبه ياعبدالرحمن خليه براحته بس عاوزة اقولك ان مختار المنياوي نفسه عمره ماحسسني بأي حاجة ودايما بنتكلم وكمان عزمني على فرح سليم ابن عمك يعني جدك ما أخدنيش بذنب حد لكن انت ياصاحبي اتعاملت معايا كأني عدو ليك بعد ماكنا أقرب اتنين
فهد بيسمع كلامه ومش بيرد، مهند وقف وخلاص خارج
عبدالرحمن: على فين يامهند اقعد بس نتكلم ونشرب القهوة سوا
مهند بحزن: خلي فهد يشربها
مهند خرج وسابهم
عبدالرحمن: باردوا يافهد
فهد: سبني لوحدي حالا
عبدالرحمن: حاضر
فهد قعد لوحده وسرح شوية
*فلاش باك*
من 11 سنة كان فهد ومهند قاعدين في كافيه بيتغدوا
مهند: فهد بلاش رخامة بقى ويالا نطلع السخنة
فهد: لا نروح نعمل ايه
مهند مسك الشوكة اللي ادامه وقربها من فهد: هتوافق نروح ولا اعورك
فهد ضحك اوي: لو راجل اعملها
مهند: بلاش تتحداني
فهد: طب ايدك لتوحشك ياصاحبي
مهند نزل ايده: وافق بقى يارخم
فهد: طب خلاص هنطلع
مهند قام باسه: يحي فهد المنياوي
غهد: طب اقعد كمل اكل وبطل كلام بقى
عبدالرحمن وفارس وصلوا ليهم
عبدالرحمن: بدأتوا غدا من غيرنا يا اندال
فارس: حضرتك مستني ايه من فهد ومهند ايه غير كدا يعني
فهد: اتغدوا أحسن بدل وربنا اقوم انفخكم
عبدالرحمن: لا ناكل احسن
فهد ضحك: ناس مابتجيش غير بالعين الحمرا
*عودة من الفلاش باك*
فهد اتنهد بحزن وقاعد مضايق ومسك فونه وكلم اخته
فهد: حبيبة قلبي بتعمل ايه
نهلة: قاعدة مع ندى اهو
فهد: ماشي قوليلها البقاء لله
نهلة: حصل ياباشا
فهد: والله انا حاسس اني بكلم واحد صاحبي مش اختي
نهلة: عادي عادي يافهد باشا ماتركزش معايا
فهد: ماشي ياشقية، هتيجي امتى
نهلة: قبل المغرب هكون في الڤيلا
فهد: طب تحبي اجي اخدك انا
نهلة: حبيب قلبي ماشي بس اعمل حسابك فيها عشا بارة
فهد: ماشي ياستي
نهلة قفلت مع فهد
ندى: ربنا يخليكوا لبعض ياحبيبتي
نهلة: ويخليكي ليا يا احسن صديقة واخت في الدنيا
ندى حضنتها: ربنا مايحرمني منك ولا من وقوفك جمبي
حازم خبط ودخل وندى عدلت حجابها
ندى: بعد كدا ماتخدلش غير لما اسمح بالدخول
حازم: وايه يعني عادي
ندى: لا مش عادي دي اوضتي يعني مش مسموح ليك اصلا تدخل هنا
حازم: الحق عليا جيت اشوفك محتاجة حاجة اجيبهالك وانا راجع
ندى: لا شكرا
حازم خرج مضايق
نهلة بضيق: هما هيفضلوا قاعدين معاكي ولا ايه
ندى: لا ابوس ايدك ماتقوليش كدا دا انا على اخري منهم والله
نهلة: طب هتعملي ايه
ندى: مش عارفة والله يانهلة
نهلة: طب مش.هو جوز خالتك كويس واحسن منهم حاولي تتكلمي معاه
ندى: انا فكرت في كدا فعلا
نهلة: يبقى خلاص اتكلمي معاه
ندى: ماشي هو كدا كدا زمانه جاي وهقوله
شوية ولطفي جه وندى طلعت تتكلم معاه
ندى: ممكن اتكلم معاك شوية ياعمو
لطفي: اه طبعا تعالي
ندى: عاوزة اتكلم مع حضرتك في موضوع بس ماتزعلش مني
لطفي: خير ياندى
ندى: انا بقيت كويسة وقعاد خالتو هنا مالوش لازمة انا بقيت احسن والله
لطفي بتفهم: انا فاهم يابنتي ودا اللي كنت جاي عشانه النهاردة وكنت فعلا هاخدها هي وحازم
ندى: ماتزعلش مني ياعمو انا بس مش مرتاحة في وجود حازم وبيدخل الاوضة من غير ما اسمحله بدا ومش واخدة راحتي
لطفي: ازعل منك ليا بس انتي كدا صح وبتتكلمي في الصح وانا ان شاء الله هاخدهم معايا النهاردة
ندى: شكرا ياعمو بجد
ندى شكرت لطفي ودخلت لنهلة، وهنية خرجت من المطبخ ومعاها كوب الشاي
هنية: عملتلك الشاي يالطفي
لطفي: تعالي ياهنية اقعدي عاوزك
هنية: خير يا ابو حازم
لطفي: كفاية قعاد هنا بقى انتوا بقالكم هنا يومين
هنية: يعني اسيب بنت اختي لوحدها
لطفي: بنت اختك هي اللي حابة تقعد لوحدها ياهنية ودا حقها وانا اصلا كنت جاي عشان اخدكم
هنية: طب نقعد اسبوع حتى
لطفي: لا كفاية كدا وابقي تعالي ليها بعدين
هنية: طب مش كنا نعرف اهل.......
وقبل ماتكمل لطفي رد: لا ياهنية مش وقته وبعدين هنيجي دلوقتي نعرفهم وهما ماسألوش عنهم
هنية: بس كدا هنسيبها لوحدها
لطفي: لا مش هتبقى لوحدها ندى كل اللي حواليها بيحبوها وهي شاطرة وجدعة وتقدر تاخد بالها من نفسها، واحنا اصلا مش هنسيبها بس قعادنا معاها مش كويس وخصوصا انك عندك ولد
هنية: ماهو عاوز يخطبها
لطفي: يعني دا وقته ياهنية
هنية: ماشي يالطفي خلاص هنرجع معاك
_____________________________
في شركة المنياوي، فهد خرج من مكتبه وراح لمكتب عبدالرحمن
فهد: خلصت ياعبده
عبدالرحمن: اه خلصت وبقية التصميمات هسهر عليها الليلادي
فهد: طب يالا نخرج نتغدا سوا بارة
عبدالرحمن: ماشي يالا
فهد وعبدالرحمن خرجوا يتغدوا سوا
*في شركة مهند*
مهند قاعد على مكتبه وتليفونه رن وكان مختار المنياوي
مهند: اهلا بحضرتك
مختار المنياوي: اهلا ياحبيبي عامل ايه
مهند: الحمدلله بخير اخبار حضرتك ايه
مختار: الحمدلله ياولدي، مبروك المناقصة الجديدة
مهند ضحك: مافيش حاجة بتستخبى عليك ابدا
مختار: عيب عليك ياولد دا انا مختار المنياوي وبعدين انت عندي ذي فهد يعني حفيدي
(مختار المنياوي: رجل من اصول صعيدية وهو من نفس البلد اللي فيها عائلو السيوفي عنده ولدين وبنتين (مراد ودا الله يرحمه ابو فهد ونهلة، وصلاح دا ابنه الوسط عنده 55 سنة وعنده ولدين سليم واحمد، وهناء عندها 44 سنة وعندها بنت واسمها عزة، ونادية ودي توأم هناء بس في الطباع وحشة يعني هناء احسن منها بكتييير وعندها بنت واسمها شيماء)
مهند: ربنا يخلي حضرتك يارب
مختار: لسة فهد زعلان منك
مهند: ايوا ولسة كنت عنده والله ومافيش فايدة
مختار: معلش ياولدي ان شاء الله كل الامور هتتصلح بس لما تجولي هنا بس
مهند ضحك: شكلك ناوي على حاجة
مختار: انتوا مش هتمشوا من عندي غير لما تتصالحوا
مهند قفل مع مختار وكمل شغله
***************************
في المساء، في بيت ندى خالتها مشيت هي وابنها وجوزها ونهلة خلاص هتمشي
نهلة: ماكنتش عاوزة اسيبك لوحدك بس انتي عارفة فهد
ندى: لا ياقلبي ولا يهمك انا والله كويسة وماتقلقيش عليا
نهلة: لو احتاجتيني كلميني هتلاقيني عندك على طول
ندى: حاضر
نهلة سلمت على ندى ونزلت وفهد كان مستنيها تحت
فهد: وحشتيني يابت ياشقية
نهلة ركبت: وانت كمان وبعدين انا سيباك الصبح امال لما اتجوز واسيبك هتعمل ايه
فهد: مين قالك اني هخليكي تتجوزي اصلا
نهلة ضحكت: والله مجنون وتعملها
فهد: ايوا انتي عارفاني
نهلة: ماشي، يالا هتودينا فين نتعشى
فهد: المكان اللي تختاريه
نهلة اختارت مكان حلو جدا ومين كان هناك عبدالرحمن😂😂
نهلة وفهد دخلوا المطعم وعبدالرحمن شافهم وشاورلهم
نهلة: اهلا بالرخامة
فهد: بس يابت
قربوا على ترابيزة عبدالرحمن وسلم على فهد ونهلة
فهد: انت اتعشيت ولا لسة
عبدالرحمن: كنت لسة بختار الأكل
فهد: طب كويس عشان نتعشى سوا، ها يانهلة هتطلبي ايه
نهلة: نجرسكوا
فهد: بس؟
نهلة: وعصير برتقال
فهد: حاضر، وانت ياعبدالرحمن؟
عبدالرحمن: وانا عاوز نجرسكوا وعصير برتقال
فهد بصله وماسك نفسه من الضحك ونهلة استغربت: انت بتطلب ذيي ليه؟
عبدالرحمن: انا كنت هطلب كدا قبل ماتيجوا
نهلة: ماشي يا ابيه
عبدالرحمن بيحاول يمسك اعصابه: فهد ابوس ايدك اطلب الاكل عشان شوية وهنتحر
فهد ضحك اووووووي ومش قادر يتكلم
عبدالرحمن: بتضحك؟ وربنا هتشوف
فهد: اتنيل😂، ونده على الجرسون وطلب العشا، اتعشوا سوا وكل واحد رجع بيته
***********************
تاني يوم، في بيت ندى جرس الباب ضرب وندى لبست حجابها والاسدال وفتحت وكان عمر جارهم
عمر: صباح الخير ياندى
ندى: صباح النور ياعمر
عمر: عاملة ايه دلوقتي
ندى: انا كويسة الحمدلله
عمر: مش محتاجة اي حاجة؟
ندى: شكرا ياعمر ربنا يخليك
عمر: انا والله بتكلم بجد
ندى: عارفة والله بس انا فعلا مش محتاجة حاجة الحمدلله
عمر: لو احتاجتي اي حاجة انا موجود
ندى: شكرا ربنا يخليك
عمر نزل وندى دخلت وقفلت الباب وشوية ونهلة رنت عليها
نهلة: صباح الخير ياندوش
ندى: صباح الورد
نهلة: ماتلبسي كدا وتعالي نخرج
ندى: انا فعلا محتاجة اخرج
نهلة: خلاص البسي وشوية وهعدي عليكي
ندى: خلاص ماشي
ندى لبست هدومها وكانت الهدوم كلها اسود وجرس الباب خبط وافتكرت انها نهلة وفتحت بس كان حازم ابن خالتها ودخل
ندى: حازم ايه اللي جابك؟
حازم: جاي اطمن على بنت خالتي ايه عيب؟
ندى: لا مش عيب بس العيب انك تيجي لوحدك وكمان انا قاعدة لوحدي
حازم قفل الباب وندى استغربت
ندى بإستغراب: انت بتقفل الباب ليه؟
حازم: وايه يعني لما يتقفل
ندى: لا ماينفعش تقفلوا واحنا هنا لوحدنا
حازم: ايه خايفة مني ولا ايه، وبدأ يقرب منها
ندى: حازم اتفضل اخرج بارة
حازم: ولو ماخرجتش؟
ندى: يعني ايه؟
حازم قرب اوي منها: يعني انا جاي النهاردة عشان اخليكي تندمي انك رفضتوني
ندى بخوف: حازم اخرج بارة
حازم بيقرب عليها: لا مش هخرج
ندى بترجع لورا: ارجوك اخرج
حازم: لا، وبيتهجم عليها وقلعها حجابها وهي بتضرب فيه وبتبعده عنها وهو اقوى منها خبطها في الترابيزة ووقعت على الارض ولسة هيقرب منها مسكت الفازة اللي وقعت وضربته على دماغه
حازم بألم: اه يابنت ال
ندى: اخرج بارة الا وربنا هصوت والم عليك الجيران
حازم بتوعد: انا هخرج المرادي بس اوعدك اني راجعلك تاني
حازم خرج وندى قفلت على نفسها بالمفتاح
وشوية ونهلة وصلت ورنت عليها وندى ردت بس كانت منهارة من العياط ونهلة طلعت ليها وندى فتحتلها وجريت عليها حضنتها
نهلة: في ايه ياندى مالك وايه مبهدل هدومك كدا؟
ندى حكتلها اللي حصل
نهلة: الجبان، انتي معتش ليكي قعاد هنا تاني
ندى: لو سمحتي يانهلة شوفيلي اي مكان بالإيجار يكون في مكان كويس عشان خاطري
نهلة في بالها فكرة بس مش هتقول عليها غير لما تتأكد من موافقة اخوها
نهلة: انا نازلة وشوية وجيالك واقفلي على نفسك
ندى: راحة فين
نهلة: لما ارجعلك هتعرفي بس انتي اقفلي على نفسك وانا مش هتأخر عليكي
ندى: ماشي انا هخلي جارتي تيجي تقعد معايا
نهلة: يبقى احسن على ما ارجعلك
نهلة نزلت وندى ندهت على جارتها وجات قعدت معاها، نهلة راحت لشركة اخوها وخبطت ودخلتله المكتب
فهد: حبيبة قلبي تعالي
نهلة: فهد عاوزة اخد اذنك في حاجة
فهد بقلق: في ايه؟
نهلة: ممكن ندى صاحبتي تيجي تقعد عندنا؟