رواية مكتوبة ليك الحلقة الثانية والعشرون والثالثة والعشرون23بقلم ايمان جمال
عدا يومين وندا وليلى عند فارس في الفيلا ونهله كلمتها وقالتلها ان هي هتيجي ليها والنهارده كان يوم اجازه فارس وطبعا مين كمان؟ فهد
ندى صحيت من النوم على الظهر بالضبط اتوضت وصلت ولبست بيچامة لونها احمر بس طبعا واسعه مش ضيقه قوي وعملت شعرها كحكه وبعد الخصلات نازله على رقبتها ونزلت وعرفت من الداده ان فارس وليلى في اوضه السفره ودخلت لهم واتفاجئت بفهد ووقفت مكانها مصدومه انه ادامها ونهله اول ما شفتها قامت حضنتها
نهلة: وحشتيني يا ندى
ندى: انتي اكثر والله
نهلة: انا كنت هطلع اصحيكي دلوقتي
ندى: يا سلام ما انتو قاعدين تتغدوا من غيري اهو
فارس: ما نقدرش طبعا
فهد مضايق انها سايبه شعرها وفارس موجود
نهلة: يلا عشان تقعدي جمبي
فهد: معلش يا نهله سيبيها تقعد جمبي
ندى: لا هقعد جمبها يا ابيه
فهد اضايق اوي من ندى عشان بتقوله 'ابيه' وسابهم وخرج الجنينة
فارس بعتاب: ليه يا ندى كدا؟
ندى زعلت من نفسها انها زعلته: مش عارفه انا ليه بعمل معاه كدا
فارس: اطلعيله ياندى وبلاش كدا مع فهد
ليلى: دا جوزك ياندى
ندى خرجت لفهد اللي قاعد على الكرسي والحزن باين عليه ندى قربت منه ووقفت ادامه وهو مستنيها تتكلم
ندى: خرجت ليه؟
فهد بيبصلها وبس
ندى: اسفه يا فهد
فهد: اسفه على ايه؟
ندى: على كلمه ابيه
فهد: وليه قولتيها وانتي عارفه انها بتضايقني
ندى: مش عارفه ولا عارفه انا ليه بتعامل معاك كدا
فهد اتفاجئ بردها ووقف ادامها: يعني انت زعلانه انك بتتعاملي معايا كده؟
ندى بصتله: ايوه، وبعدين انا كان نفسي ان يكون لي اخر يكون سند ليا عشان كده انا فرحانه بوجودك في حياتي وعشان كده كمان بقولك انك بالنسبالي اخويا
فهد: بس ده ما يمنعش اني جوزك
ندى: عشان خاطري ما تزعل مني و سيبني على راحتي
فهد فرح شوية من كلامها وقرر انه يسيبها براحتها: حاضر ياندى هسيبك على راحتك
ندى فرحت وابتسمتله وسكتت
فهد: بس على فكره انا زعلان منك
ندى: ليه؟
فهد: مش احنا اتفقنا ان شعرك محدش يشوفه؟
ندى: ايوا
فهد: طب وليه سايباه باين كدا وفارس موجود
ندى: انا بعتبر فارس اخويا الكبير مش ابن عمي وبس وبعدين انا قاعده في الفيلا ومحدش غريب شايفني
فهد: ماشي يا ندى هعديها بس بمزاجي
ندى: ايوا عديها وبلاش زعل
فهد ابتسم وسكت
وهما واقفين كدا نور دخلت بعربيتها وكان معاها دكتور طارق (ايه اللي جابك الوقتي😂)
ندى: نور اهي ومين اللي معاها دا؟
ندى طبعا عارفة شكل طارق بس مكانش لسة نزل من العربية ونور خلاص وقفت العربية ونزلت وطارق كمان نزل واول مافهد شافه اضايق
فهد: على جوا ياندى
ندى دخلت بسرعة وطلعت لبست حجاب
نور: صباح الخير يافهد
فهد: صباح النور
طارق: اذيك يا استاذ فهد
فهد بصله: تمام
نور: طارق لما عرف اني هاجي النهاردة هنا صمم انه يجي معايا
فهد: هو انتوا تعرفوا بعض؟
نور: اه من سنتين
فهد: تمام
طارق: حضرتك اكيد عارف انا جاي ليه
فهد: الحقيقة مش عارف
طارق: عاوز اعرف ردكم على طلبي
نور بتبص لفهد: طارق قالي على طلبه وانا قولت يسمعه من ندى احسن
فهد: يا سلام
طارق جاله تليفون ورد بعيد عنهم
فهد: انتي مجنونه يا نور رد ايه اللي يسمعه من ندى
نور: بس استغربت من طلبه وخصوصا انه ما يعرفش انها مراتك فقولت يسمع ده منها احسن
فهد: وتفتكري هتقول انها امراتي؟
نور: وليه لا؟
فهد: مش عارف
طارق خلص المكالمة ورجعلهم ودخلوا جوا، ندى لبست حجابها ونزلت وقعدت جمب فهد على السفرة
طارق عينه مانزلتش عنها وفهد ماسك اعصابه بالعافية
طارق: انسة ندى
ندى بصتله: نعم
طارق: كنت عاوز اعرف ردك على طلبي
ندى بصت لفهد اللي مستني يعرف ردها: انا رافضه فكرة الجواز حاليا
طارق: ممكن اعرف ليه؟
ندى: عادي انا اللي شاغل تفكيري حاليا هي دراستي وبس
طارق: يعني ما فيش امل؟
فهد بغضب: هي مش قالتلك رافضة عاوز ايه تاني
طارق استغرب رد فهد وشك في حاجة: حضرتك متأكد انك اخوها؟
فهد سكت وماردش عليه وسابهم وخرج تاني
ندى: اسفة يا دكتور طارق بس ما فيش امل اني اوافق
طارق زعل انها رفضت واستأذن ومشي
فارس: ليه يا ندى ما قولتيش انك مرات فهد؟
ندى: سيبوني على راحتي وبلاش ضغط منكم
ندى سابتهم وخرجت لفهد اللي زعلان اوي منها، ندى دورت عليه وشافته في حمام السباحة
ندى قربت عليه: فهد
فهد بيعوم بشدة وبيحاول يسيطر على غضبه وما ردش عليها
ندى قربت من الماية: لو ما ردتش عليا هرمي نفسي وانت عارف اني مش بعرف اعوم
فهد باردوا ماردش
ندى بتحدي: تمام
وفي ثواني كانت في الماية وفهد لحقها
فهد بغضب: انتي مجنونة
ندى بتكح: انت اللي مش راضي ترد عليا
فهد: تقومي ترمي نفسك
ندى: اه ها
فهد شايلها ومضايق اوي منها
ندى: ممكن اعرف زعلان ليه؟
فهد: يعني انتي مش عارفه
ندى: لا
فهد: ليه يا ندى ما قولتيش انك امراتي وعشان كدا رفضتي طلبه
ندى: عشان انا لسه مش مقتنعة اني مراتك
فهد: ازاي؟
ندى: عادي
فهد بخبث: طب اخليكي تقتنعي ازاي؟
ندى: انت قصدك ايه؟
فهد بيقربلها وباسها برقة: اقصد كدا
ندى اتكسفت ووشها بقى احمر اوي: انت عملت كدا ليه؟
فهد: انتي زعلانه اني عملت كده؟
ندى دموعها نزلت وسكتت
فهد: للدرجادي مش عاوزاني اقرب منك؟
ندى بعياط: يا فهد عشان خاطري افهمني
فهد: خلاص يا ندى اوعدك ان ده مش هيتكرر تاني
فهد خرجها من المايا وهي طلعت على اوضتها والبنات وراها
ليلى: مالك يا ندى؟
ندى حكتلها على اللي حصل وليلى ونهلة ضحكوا عليها
ندى بغضب: انتوا بتضحكوا
ليلى: عشان انتي عبيطة
ندى: ليه؟
نهلة: يابنتي دا جوزك
ندى: وانا مش عاوزاه يعمل كده
ليلى ضحك اوي: يخربيت عقلك
ندى خبطتها بالمخدة
تحت عند فارس وفهد، فهد دخل اوضة فارس ولبس هدوم من عنده
فارس: مالك يا صاحبي؟
فهد: فارس سبني دلوقتي
فارس: لا ويلا احكي ايه اللي حصل
فهد حكالها وفارس للأسف ضحك
فهد: انت بتضحك
فارس: للاسف اه
فهد بغضب: والله هضربك
فارس: طب هي ليه زعلت؟
فهد: معرفش
فارس: طب اهدي و سيبها براحتها
فهد: انا تعبت يا فارس
فارس: استحملها وكمان عيد ميلادها كمان يومين
فهد: بجد
فارس: ايوا
فهد: وهي ناويه تعملوا فين؟
فارس: هنا
فهد: تمام
فارس: طبعا هتيجي؟
فهد: لا
فارس: لا هتيجي يا فهد
فهد: قولت لا
فارس: انت حر
البنات نزلت من فوق وفهد اخد نهلة ومشي لا من غير اي كلام مع ندى وهي زعلانه اوي
########################
في المساء في فيلا فهد عبد الرحمن ومهند وفهد وفارس قاعدين في الجنينة
عبدالرحمن: مش هتحضر عيد ميلادها ليه يا فهد؟
فهد بغضب: ما لكش دعوه
مهند: يا فهد اصبر لحد ما تاخد عليك
فهد: باقول لكم ايه انتوا جايين نخلص شغل ولا تتكلموا عنها
فارس: خلاص يا جماعة سيبوه براحته
فهد: شاطر ويلا نخلص شغلنا
عبدالرحمن: طب ما تسيبوني اقعد مع مراتي شوية
فهد بغضب: وحياه امك لو قومت من مكانك هموتك
عبدالرحمن بضيق: طيب
فارس ضحك: بقى في حد عاقل يقع مع الفهد
فهد: ما بلاش انت وبعدين ما انت خاطب بنت عمتي
فارس: خلاص انا هسكت احسن
مهند ضحك: فرحان فيكوا
#########################
ثاني يوم في قصر السيوفي، صافي قاعدة في الجنينة بتكلم مهند في التليفون
صافي: ممكن يا مهند اجي لليلى وندى؟
مهند: وايه يعني تقدري تيجي براحتك وبعدين يعني هو انا هقولك لا وانتي هتبقى عندي
صافي: انا قولت باردوا استأذنك الاول
مهند: بحبك
صافي بكسوف: وانا كمان
مهند: وانا كمان ايه؟
صافي بكسوف: بحبك
مهند: اخيرا قولتيها
صافي: كنت عايزة اقولهالك وانا ادامك
مهند: خلاص هعتبر نفسي ما سمعتهاش لحد ما تيجي
صافي: لا خلاص انا قولتها ومش هاقولها تاني
مهند بزعل: اهون عليكي؟
صافي: لا طبعا
مهند: يبقى خلاص هاتقوليها
صافي: حاضر
نرجع لندى، ندى قاعده مع ليلى في اوضتها وبيكتبوا قايمة بالحاجات اللي عاوزين يجيبوها عشان حفلة عيد ميلادها
ليلى: لسه في حاجه تانيه عاوزاها؟
ندى وهي بتبص في القائمة: لا كده تمام
ليلى: خلاص نبعت السواق يشتريهم
ندى: لا ننزل احنا
ليلى: طب والله فكره حلوه
ندى: خلاص يلا قومي البسي
ليلى: تمام وانا هكلم فارس اقوله
ندى: طب ايه رأيك لما نروحله الشركه؟
ليلى بخبث: طيب انتي عاوزاني نروح الشركه عشان نقول لفارس ولا عشان تشوفي فهد؟
ندى بغضب: والله انتي رخمة
ليلى ضحكت: يا بنتي اعترفي بقى ان انتي عاوزة تشوفيه
ندى: انا بصراحة عاوزة اشوفه عشان عارفة انه زعلان
ليلى: طيب يلا قومي واهو بالمرة نشوف الشركه اللي احنا عمرنا ماشوفناها
ندى وليلى قاموا يلبسوا، وطلب من السواق انه يوديهم لشركه فهد، والبنات اول ما وصلوا الشركة الامن سمحلهم بالدخول لما عرفوا انهم اخوات فارس ( طبعا محدش يعرف ان ندى مرات فهد)
طلعوا الدور اللي موجود فيه مكتب فهد وفارس وعبدالرحمن، وندى وليلى دخلو مكتب فارس، وفارس قلق اوي لما شافهم
فارس: في حاجة ولا ايه؟
ليلى: لا يا سيدي قولنا نيجي نشوفكم و نشوف الشركة
فارس بص لندى: تشوفونا قصدكم على مين بالظبط؟
ليلى: ما تخليك ذكي بقى وافهم لوحدك
فارس ضحك: ايوا بقى
ندى بغضب: هتبطلوا رخامة انتوا الاتنين ولا اسيبكم وامشي
عبد الرحمن كان في مكتب فهد وشوية وجه مكتبه واتفاجئ بندى وليلى
عبدالرحمن: ايه المفاجأه الحلوه دي
البنات اكتفوا بإبتسامة
فارس: بيقولوا يا سيدي انهم جايين يشوفونا ويشوفوا الشركة
عبدالرحمن برخامة: يعني قصدك انهم جايين يشوفونا اللي هو انا وانت وبس
فارس بخبث: تقريبا كدا
ندى: طب ممكن بقى تبطلوا رخامة كدا
عبدالرحمن: الله هو احنا قولنا حاجه يا ندى؟
ليلى ضحكت اوي: اهدوا عليها بدل ما تمشي وتسيبنا
عبدالرحمن وفارس ضحكوا اووي وندى اضايقت منهم
فارس: خلاص خلاص احنا هنبطل رخامة اهو
ليلى: ايوه كدا بدل ما تمشي وتسيبنا ويلا عرفونا فين مكتب فهد
ندى: ومين قالك يعني ان احنا عايزينه
فارس بخبث: عالعموم اصلا هو مش موجود
ندى بزعل: بجد؟
عبدالرحمن: لا يا ندى فهد قاعد في المكتب
ندى بغضب لفارس: والله لاوريك بس ما ترجع فيلا
فارس ضحك اوي وهي خرجت تدور على مكتب فهد والسكرتيرة شافتها
السكرتيرة: حضرتك عاوزة حد؟
ندى: كنت عاوزة اعرف فين مكتب فهد
السكرتيرة: حضرتك تقربيله؟
ندى: ايوا
السكرتيرة: طب اقوله مين؟
ندى: قوليله ندى وهو هيعرف
السكرتيرة خبطت ودخلت
السكرتيرة: مستر فهد في واحده اسمها ندى وعاوزه تقابل حضرتك
فهد بإستغراب: ندى؟!
السكرتيرة: ايوه هي قالت انها قريبه حضرتك؟
فهد: دخليها
السكرتيرة خرجت وندى دخلت
فهد وقف بقلق: في ايه يا ندى انتي كويسة؟
ندى: اه انا كويسة ليه؟
فهد: اصلك اول مره تيجي هنا
ندى: هو يعني مش مسموحلي ان انا اجي هنا؟
فهد قرب عليها: لا طبعا تقدري تيجي في اي وقت
ندى: انا وليلى كنا نازلين نشتري شويه حاجات فيقولنا نيجي نقول لفارس الاول
فهد بخبث: هو يعني ما فيش تليفون انكم تكلموه فيه
ندى معرفتش ترد عليه بإيه
فهد: على فكرة انتي مش محتاجه حجة عشان تيجي تشوفيني
ندى اتكسفت وخلاص هتخرج بس فهد مسك ايديها
فهد: رايحه فين؟
ندى: هاروح لليلى عشان ننزل
فهد: طب ممكن اعرف انت راحه فين؟
ندى: هنروح المول نشتري شويه حاجات عشان حفله عيد ميلادي
فهد: طب ليه ما كلمتنيش وانا جبتلك اللي انتي عاوزاه
ندى: انا حبيت ان انا انزل اشتريها عشان انا زهقانه من قاعدة البيت وكنت هكلم نهلة انها تيجي لينا على المول
فهد: طب يا ترى انا معزوم على حفله دي ولا لا؟
ندى بصتله: هو انت محتاج عزومة يعني؟
فهد: اه وايه اللي مش هيخليني محتاج عزومة؟
ندى كانت عاوزة تقوله عشان انت جوزي بس باردوا ردت رد تاني بس الرد دا فرح فهد: عشان الحفله مش هتكون حلوة من غيرك
فهد فرح اوي من ردها: وانا اكيد جاي
ندى ابتسمت: وانا هبقى فرحانة ان انت موجود
فهد: بس خليكي عارفة ان انا زعلان منك
ندى: انا مكانش قصدي اني ازعلك
فهد: امال اللي انتي عملتيه ده كان معناته ايه؟
ندى: انا عملت كده عشان ما كنتش عاوزة دا يحصل
فهد: ماشي يا ندى وانا خلاص وعدتك ان انا مش هقربلك تاني
ندى: طب هو انت ممكن تيجي معانا؟
فهد: انتي فعلا عاوزاني اجي معاكم؟
ندى: اه وكدا انا هكون مرتاحة
فهد: يعني انتي عاوزاني اجي معاكي عشان جوزك ولا عشان اخوكي اللي هيحميكي؟
ندى: هو انت ليه مصمم تقولي الكلام ده؟
فهد: عشان عاوز اعرف امتى هتعتبريني جوزك؟
ندى: انا عارفة يا فهد ان كلامي بيضايقك بس عشان خاطري سيبني براحتي
فهد بزعل: خلاص يا ندى براحتك
ندى: طب هتيجي معانا؟
فهد: لا عشان عندي شغل
ندى زعلت: خلاص ماشي، انا همشي
ندى خرجت من عند فهد وراحت مكتب فارس وفهد قعد زعلان
فهد بيكلم نفسه: غصب عني يا ندى اني اقولك مش هاجي معاكي بس انا فعلا تعبت
ندى دخلت مكتب فارس وباين عليها الزعل
فارس: ما لك ياندى؟
ندى: لا ابدا ما فيش ويلا يا ليلى عشان نمشي
فارس: انتوا محتاجين فلوس؟
ليلى: لا ياحبيبي معانا
فارس: طيب خدوا الحرس معاكم
ندى: هو احنا راحين نحارب احنا هنشتري شويه حاجات وهنروح
فارس: لا هتاخدوا الحرس وليلى قالتلي انكم هتكلموا نهلة وهتروح معاكم وكدا كدا فهد مش بيخرجها من غير حرس
ندى: يعني هو هيعمل معايا كدا؟
فارس بخبث: المفروض بس انتي بقى بتعتبريه اخوكي مش جوزك
ندى بغضب: عارف يا فارس لو انت ما بطلتش رخامه انا هاعمل فيك ايه هموتك
فارس ضحك: الله هو انا قولت حاجة انتي اللي بتفهمي الكلام غلط
ندى: ماهو واضح
فارس وعبدالرحمن ضحكوا اوي
عبدالرحمن: طب بما انكم هتكلموا نهلة وتخرجوا طب ما نيجي نخرج معاكم احنا كمان
ندى: اذا كان فهد عنده شغل ومش هيجي معانا انتوا بقى فاضيين وهتيجوا معانا
فارس: هو اللي قالك ان عنده شغل؟
ندى بزعل: ايوه قالي كده ويالا يا ليلى عشان نمشي
ندى وليلى مشوا وفارس وعبد الرحمن دخلوا لفهد
فارس: طب ما انت قاعد من غير شغل اهو امال قولتلها ان انت عندك شغل ليه؟
فهد: هي زعلت؟
عبدالرحمن: باين عليها اوي يا فهد
فهد: انا فعلا كنت فرحان لما هي طلبت مني اني اروح معاها بس طريقه كلامها ضايقتني
فارس: ليه هي قالت ايه تاني؟
فهد: مفيش يا سيدي لما انا قولتلها انتي عايزاني اجي معاكي بصفتي ايه اخوكي ولا جوزك كان معنى كلامها اني اخوها
عبدالرحمن: مش قولنا يا فهد انك تسيبها براحتها
فهد: مش قادر والله
فارس: معلش ويالا نحصلهم
فهد: لا يا فارس روحوا انتوا وخلي بالكم منهم
عبدالرحمن: ماشي يا فهد انت حر
خلاص البنات وصلوا المول، وندى من جواها عايزه تشتري هديه لفهد، بس قالت انها تشتري كل الحاجه اللي هي عايزاها الاول وبعد كده تفوق لهدية فهد، خلاص جابت كل حاجة والبنات بيساعدوها وشوية والشباب وصلوا
عبدالرحمن: استني يا فارس اكلم نهلة ونشوفهم فين
فارس: ماشي
عبدالرحمن كلم نهلة وقالتلهم انهم قاعدين في الكافيه، عبدالرحمن وفارس طلعوا ليهم
فارس: انتوا لحقتوا تخلصوا ولا ايه؟
ندى: لا لسة شويه بس قولنا نرتاح
عبدالرحمن: تمام قدامكم لسه كثير ولا؟
ندى: لا بقولك ايه ما تجيش تقولنا يلا يالا وتستعجلنا
عبدالرحمن ضحك: ماشي ياستي على راحتكم
نهلة: هو فهد ماجاش معاكوا ليه؟
فارس: عنده شغل يا ستي
نهلة: ده على اساس يعني ان انتوا موظفين في الشركة ما انتوا كمان مديرين ذيه
عبدالرحمن: ما انتي عارفه فهد بقى يا نهله
ندى: عبد الرحمن يقصد يا نهله ان فهد مارضاش يجي عشاني
عبدالرحمن: انا مش قصدي كدا يا ندى
ندى: عادي مش هتفرق
فارس: ما تزعليش منه يا ندى
ندى بزعل: عادي انا باردوا مزعلاه بس كنت بتمنى انه يجي معايا
فارس: والله لو انتي كلمتيه هتلاقيه هنا على طول
ندى: لا ما هو قالي خلاص انو مش هيجي فثش هكلمه
عبدالرحمن: مافيش فايدة فيكم انتوا الاتنين
########################
نيجي شويه لشركه نور كانت قاعده في المكتب بس السكرتيرة دخلتلها
السكرتيرة: استاذه نور دكتور طارق مستني حضرتك بارة
نور: خليه يدخل
السكرتيرة خرجت وطارق دخل
نور: اهلا طارق تعالى
طارق قعد: كنت عاوز اتكلم معاكي شوية
نور: خير يا طارق
طارق: فهد يقرب ايه لندى
نور: بتسأل ليه؟
طارق: لو سمحتي يا نور قوليلي هو يقربلها ايه
نور: فهد يبقى جوز ندى يا طارق
طارق: انا فعلا كنت حاسس يوم ماكنا عند فارس في الفيلا
نور: هو انت لحقت تحبها؟
طارق: عادي والله بس هي يعني دخلت قلبي من اول مره
نور: يا عم يا عم يلا حظك هيبقى احسن مع حد تاني
طارق: ربنا يسعدهم يا رب بس شكلهم كده عاملين زي القط والفار
نور ضحكت: اوي وخصوصا الندى
طارق ضحك: انا لاحظت كدا باردوا وفهد على اخره منها
نور: عندك حق بس هو بيحبها اوي
طارق: ربنا يسعدهم
نور: بقولك ايه عيد ميلاد ندى بعد بكره ما تيجي معايا
طارق: اجي معاكي ازاي وفهد اخر مره كان ناقص يموتني
نور: لا ما تقلقش لما انت تقوله ان انت عرفت انه جوزها صدقني مش هيعمل حاجه
طارق: خلاص هاجي معاكي وبالمره اجيبلها هديه حلوه
######################
حازم ابن خالة ندى قاعد مع صاحبه في كافيه
حازم: يعني هي دلوقتي موجودة هنا؟
صاحبه: اه عند ابن عمها فارس في ڤيلته
حازم بخبث: تمام اوي كده
صاحبه: ما تنساها بقى يا صاحبي وسيبك منها
حازم: مش بالساهل كده مش انا اللي يتقالي لا
صاحبه: عادي ياصاحبي
حازم: لا مش عادي ما فيش اي بنت قالتلي لا
صاحبه: يا ابني ده جواز وبعدين عاوزها توافق عليك وهي مش عاوزاك
حازم: لا لازم اعرفها مين حازم
صاحبي: انت حر بس فهد المنياوي مش سهل
#######################
ثاني يوم في ڤيلا فارس، صافي وصلت للبنات وقاعدين يتكلموا
صافي: مين هيظبط الحفلة؟
ندى: كنت عاوزه اظبطها انا بس فارس قال انه هيبعت لينا ناس متخصصة في كدا
نهلة: على فكره يا ندى اللي هيبعت الناس دي فهد مش فارس
ندى: بجد
نهلة: ايوه بس قالي ما قولكيش فاعتبري نفسك ما سمعتيش حاجة
ليلى: يعنى معنى الكلام ده انه هيحضر الحفلة؟
نهلة: ايوه طبعا مش عيد ميلاد مراته
ندى: بس هو زعلان مني من يوم ما كنا في الشركة
نهلة: بس تفتكري يعني حتى هو لو زعلان منك مش هيحضر عيد ميلادك
ندى: مش عارفة بس انا بجد عاوزاه يحضر
صافي: ان شاء الله هيحضر يا ندى
اليوم خلاص عدى وجه يوم عيد ميلاد ندى، البنات في اوضتهم بيجهزوا وفارس وعبدالرحمن ومهند خلصوا شغلهم وبيجهزوا هما كمان، وحامد السيوفي كمان موجود عشان يحضر عيد ميلاد حفيدته وسليم ومراته كمان حضروا ومنه وياسين و عزة وشيماء كمان ربنا يستر على وجود شيماء في الحفلة😂😂
خلاص الكل موجود ما عدا فهد، يا ترى هيحضر فعلا ولا لا؟
ندى خلاص جهزت ولبست لبس كان جميل اوي عليها كان عبارة عن فستان لونه كشمير وحجاب لونه ابيض و كانت لابسة تاج من الورد نفس لون الفستان، نزلت وبتدور بعينيها على فهد بس مكانش موجود وزعلت جدا انه مش موجود
حامد: ايه الحلاوه دي
ندى: والله ياجدو وحشتني
حامد حضنها: وانتي كمان والله عامله ايه؟
ندى: تمام
نهلة جات وقفت معاها
ندى بتهمسلها: هو فين؟
نهلة: مش عارفة
ندى: مش قولتلك مش هيجي
نهلة: ما تزعليش
ندى سكتت وزعلانة اوي وفارس وعبدالرحمن والشباب بيرنوا عليه وتليفونه مقفول
حتى نور وطارق وصلوا وفهد باردوا لسه ما جاش وخلاص الحفله هتبتدي والشمع هينطفي وفجأة النور انطفى والتورته اللي كانت موجوده على ترابيزه السفره اتشالت والخدم حطوا مكانها واحدة تانيه احلى منها بكتير وكانت عليها صورة ندى، ندى فرحت اوي بالتورته واستغربت وعاوزة تعرف مين جايبها وكل ده حصل وفهد بالردوا مكانش لسه موجود، وفجأه النور اشتغل تاني وفهد كان موجود
ندى جريت عليه: كنت فاكره انك مش هتيجي
فهد: يعني عاوزاني اضيع حفلة عيد ميلادك؟
ندى: ايه التورته الحلوة دي
فهد: عجبتك؟
ندى: جدا احسن من اللي فارس اشتراها كمان
فهد: بس تورتة فارس باردوا كان عليها صورتك؟
ندى: حتى لو كان عليها صورتي باردوا بتاعتك احلى
فهد: انتي بجد مبسوطه ان انا جيت؟
ندى: جدا
فارس بيرخم: طب ممكن بقى تبطلوا كلام وتيجوا نطفي الشمع
فهد مسك ايدين ندى واتحركوا للسفرة
فهد: يلا اتمنى امنية
ندى بصتله وغمضت عنيها وطفت الشمع
فهد: اتمنيتي ايه؟
ندى: مش هقولك
فهد ابتسم: اممم وانا مش عاوز اعرف
حامد قرب عليهم: كل سنه وانتي طيبه يا ندى
ندى: وانت طيب يا جدو ربنا يخليك ليا يارب
حامد بيقدم ليها هدية: اتفضلي هديتك
ندى: وكمان هدية انا كفايه علىا وجودك معايا
حامد باس دماغها: ربنا يباركلي فيكي
فهد: ممكن بقى تيجي معايا بارة عشان تشوفي هديتك
ندى: ايه دا هو في هديه كمان غير التورته
فهد: طبعا هي التورته لوحدها تنفع هدية
ندى خرجت مع فهد تشوف هديتها واتفاجأت اوووووووي
ندى: ايه العربية الحلوه دي
فهد: ايه رأيك؟
ندى: دي جميله اوي، بس دي عشاني؟
فهد: طبعا عشانك امال عشاني انا
ندى حضنته والكل واقف مبسوط ليهم: بجد انا فرحانه اوي
فهد فرحان بحضنها: يعني انتي فرحانه بالعربيه احسن من حضوري؟
ندى بصتله: اكيد حضورك احسن
فهد: بجد
ندى: ايوا بجد
فهد فرحان اووووي بكلامها وعنده امل انها تحبه
الكل بيقدم الهدايا لندى وطارق قرب منهم وفهد حاوط ندى بإيده وطارق لاحظ دا
طارق ضحك: خلاص يا فهد انا عرفت ان انت جوزها
فهد استغرب اوي: عرفت منين؟!
طارق بيبص لنور، ونور اتكلمت: طبعا مني انا
فهد: طب كويس ان انت عرفت انها تخصني
طارق: لو كنت اعرف من الاول ما كنتش طلبتها
فهد ابتسمله وطارق قدم الهدية لندى
طارق: كل سنه وانتي طيبه يا ندى
ندى: وانت طيب يا طارق شكرا جدا وشكرا على حضورك
طارق: انا حبيت احضر عيد ميلادك ونبقى اصدقاء
فهد: نعم انت قولت ايه؟
طارق ضحك: دي صداقة بريئة والله
فهد: ماشي يا دكتور طارق هعديهالك بس بمزاجي
ندى ضحكت: على فكره يعني انا موافق على الصداقه دي فيها ايه؟
فهد بيهمسلها: طب بلاش كلام من ده عشان ما ازعلش
ندى بنفس الهمس: لا خلاص مش ناوية ازعلك النهاردة
فهد: يعني انت ناوية تزعليني بكرة؟
ندى ضحكت: والله على حسب بقى
فهد: هتتعبيني معاكي اوي
ندى: مقدرش
خلاص الحفلة خلصت وكل واحد رجع بيته بس حامد السيوفي وعيلته فضلوا لتاني يوم عند فارس
فهد خلاص هيمشي وندى لسة واقفة معاه
فهد: انا خلاص همشي دلوقتي
ندى: طب ما تستنى شوية
فهد: عندي شغل كتير بكرة ولازم اصحى بدري
ندى: ماشي بس ما قولتليش مين اللي هيعلمني السواقة؟
فهد بخبث: عادي فارس يعلمك
ندى: طب حضرتك هتعمل ايه؟
فهد ضحك: يعني عايزاني اعلمك؟
ندى: ده لو ما كانش عند حضرتك مانع يعني
فهد ضحك اوي بكل صوته: انا اقدر باردوا
ندى: طب هتعلمني امتى؟
فهد: في يوم اجازتي
ندى: ماشي خلاص هستناك
فهد: خلاص اتفقنا
فهد ونهلة خلاص مشيوا وندى طلعت مع بنات عمها فوق
صافي: حلوة هدية فهد اوي
ندى: جدا انا ما كنتش اتوقعها
ليلى: بطلي تزعليه بقى
ندى: افكر
ليلى ضحكت: باردوا مافيش فايدة فيكي
حامد خبط ودخل
حامد: لسه صاحيين يا بنات؟
ندى: اه يا جدو تعالى
حامد: سيبوني اتكلم مع ندى شوية يا بنات
ليلى وصافي خرجوا وحامد قاعد مع ندى
حامد: هتقدمي امتى في المعهد؟
ندى: بكره ان شاء الله هاروح انا ونهله
حامد: طب و هتعملي ايه مع فهد
ندى: ولا حاجه يا جدو عادي انا بقيت اتعامل معاه كويس
حامد: يعني هتفضلي هنا عند فارس ولا هتروحي عند فهد؟
ندى: لا هفضل هنا
حامد: يعني انتي هنا هتبقي مرتاحة عن هناك؟
ندى: اه
حامد: ماشي ياحبيبتي براحتك، تصبحي على خير
حامد خرج وسابها تنام
########################
تاني يوم في ڤيلا فهد، وخصوصا في اوضته
فهد كان لسه نايم وصحي على رنة تليفونه وكانت ندى وهو اتفاجئ جدا لدرجه انه ماسك التليفون يبص فيه كذا مرة عشان يتأكد انها هي
فهد: مش معقول ندى بتكلمني؟
ندى: صباح الخير
فهد: صباح الورد، صاحيه بدري ليه؟
ندى: حبيت اكلمك قبل ما تروح الشركة
فهد بإستغراب: ندى انتي كويسة؟
ندى: اه ليه؟
فهد: اصل يعني رنيتي عليا وبتكلميني وكمان حبيتي تكلميني قبل ما اروح الشركة
ندى: يعني اتكلم وحش مش عاجب اتكلم حلو باردوا مش عاجب
فهد ضحك: مش قصدي والله بس مستغرب
ندى: لا ما تستغربش ويلا قوم عشان تلحق شغلك
فهد: انتي عارفه ان النهارده هيبقى يوم حلو
ندى: اشمعنى بقى
فهد: عشان اول صوت سمعته اول ما صحيت هو انتي
ندى فرحت بكلامه جدا: طب يلا قوم عشان ما تتأخرش
فهد: حاضر هخلص لبس واكلمك تاني
ندى: حاضر
فهد خلص مكالمه مع ندى و دخل ياخد دش و يغير هدومه وبسرعه مسك تليفونه ورن تاني على ندى
ندى: انت لحقت تجهز بالسرعة دي؟
فهد: لازم اخلص بسرعه عشان اسمع صوتك
ندى اتكسفت: طب يلا اقفل عشان انا كمان البس عشان انزل انا ونهله نقدم في المعهد
فهد: طب وهتخلصوا على امتي؟
ندى: يعني ممكن ساعه، ساعه ونصف، ساعتين بس
فهد: طب ناوين تعملوا ايه بعد ما تخلصوا؟
ندى: هنخرج انا وهي وليلى وصافي
فهد: طب ينفع اجي اخرج معاكم؟
ندى بهزار: افكر وارد عليك
فهد: بقى كدا
ندى ضحكت: هنخلص واكلمك ويلا الحق شغلك
فهد: حاضر
ندى خلصت المكالمة وجهزت ونزلت تحت، وشوية وحازم ابن خالتها جه
ندى: ايه دا حازم هنا؟
حازم: ازيك يا ندى كل سنه وانتي طيبه
ندى: وانت طيب يا حازم بس ما جيتش امبارح ليه
حازم: معلش كان عندي شغل بس شويه وما عرفتش اجي
ندى: ولا يهمك انت عامل ايه وخالتو عامله ايه؟
حازم: الحمد لله تمام وبتسلم عليكي و عاوزة تشوفك
ندى: طب هي ما جتش معاك ليه؟
حازم: اصلها تعبانه شويه
ندى: الف سلامه عليها هي مالها؟
حازم: الله يسلمك ابدا شويه تعب وان شاء الله هيروحوا
ندى: انا هاجي اشوفها النهارده
حازم بخبث: تشرفينا طبعا، انا همشي بقى
ندى: خليك قاعد شويه مستعجل ليه
حازم: ما انتي كدا كدا هتيجي عندنا بقى النهاردة
ندى: خلاص ماشي
حازم ماشي وحامد كان لسه موجود ونزل
حامد: هو كان هنا بيعمل ايه؟
ندى: جاي يشوفني ويقولي كل سنه وانا طيبة وكمان خالتي عايزه تشوفني
حامد: انا مش مرتاحله وبعدين هي ماتجيش تشوفك هنا ليه
ندى: بيقول تعبانه ومش قادره تيجي فأنا هاروحلها
حامد: لا يا ندى ما تروحيش
ندى: ليه بس يا جدو اروح بس اطمن عليها
حامد: لو عاوزه تروحي ما تروحيش لوحدك
ندى: ما تخافش يا جدو مش هيكلوني يعني
حامد: انا قولت لا يا ندى ما فيش مرواح لوحدك والاحسن انك تاخدي فهد معاكي
ندى: طيب يا جدو خلاص
ليلى وصافي نزلوا
ليلى: يلا يا ندى عشان نخرج
ندى: حاضر.... وبصت لجدها: احنا هنمشي يا جدو عاوز حاجة؟
حامد: لا يا حبايبي خلي بالكم من نفسكم
صافي: يلا يا بنات نهله بترن عليا وهي واقفه بره
البنات خرجوا وركبوا مع نهلة وراحوا المعهد
الحلقة 23
#رواية_مكتوبة_ليك❤
#بقلم_ايمان_جمال❤
___________________________
ندى ونهله راحوا المعهد وخلاص قدموا الورق وخرجوا للبنات
ندى: هنروح فين بعد كده؟
صافي: خلونا نروح نتغدى سوا
نهلة: ايوه كده خلينا نخرج لوحدنا و نقعد لوحدنا باردوا
ليلى: ايوه يا بنتي بقى خلينا نقعد لوحدنا بدل ما يبقى الشباب معانا
ندى ماسكة فونها وعاوزة تكلم فهد والبنات بدأوا يرخموا
نهلة: ايه يا ندى ما ترني عليه بقى
ليلى: سيبيها يا نهلة اكيد مكسوفة
ندى: بس يا بت انتي وهي
ندى رنت على فهد وهو رد
فهد: كنت مستني المكالمه بتاعتك
ندى: انا والبنات خلصنا ورايحين نتغدى
فهد: طب هتروحوا انهي مكان عشان اجي؟
ندى: لسة ماتفقناش
فهد: طب ممكن لما توصلوا تعرفوني؟
ندى: حاضر وعرف فارس وعبد الرحمن ومهند كمان
فهد: ما تقلقيش هقولهم
ندى: طب ماشي يلا سلام
فهد: ندى
ندى: نعم
فهد: خلي بالك من نفسك
ندى: حاضر سلام
ندى خلصت المكالمه مع فهد، وراحت هي والبنات لمطعم عشان يتغدوا وكلمت فهد وقالتله هما فين، وبعد شويه وصل هو والشباب
فهد: طب يا شباب حد عاوزني انا وندى في حاجة؟
فارس: رايحين فين؟
فهد: وانت مالك يا رخم
عبدالرحمن ضحك: بلاش رخامه بقى يا فارس وسيبه براحتك
فهد: جوز اختي يا حبيبي انت
عبدالرحمن: دلوقتي حبيبك ماشي يا فهد
فهد ضحك واخد ندى ومشيوا
ندى: هو انت واخدني ورايح فين؟
فهد: عاوز نقعد لوحدنا بعيد عن الرخمين دول
ندى: ليه ما نقعد معاهم
فهد: انا عاوز اقعد معاكي لوحدك
ندى: طب ممكن اقولك على حاجه؟
فهد ركبها العربية واتحرك بيها
فهد: قولي وانا سامعك
ندى: حازم ابن خالتي كان عندي النهارده
فهد بغضب: جه عندك يعمل ايه؟
ندى: جه يطمن عليا ويقولي كل سنه وانا طيبة
فهد: والله طب وبعدين؟
ندى: ولا حاجه وقالي ان خالتي عايزه تشوفني
فهد: وهي ما تجيش تشوفك ليه؟
ندى: اصلها تعبانه
فهد: وعرفتي منين؟
ندى: هو اللي قالي
فهد: وانتي طبعا صدقتيه
ندى: اه
فهد: ندى احنا خارجين سوا ممكن بلاش اي حاجة تزعلنا من بعض
ندى: حاضر بس انا قولت اقولك عشان ماعملش حاجه من وراك
فهد فرح انها مش عاوزة تخبي عنه حاجة: ماشي يا ندى بس لو عايزه تروحي انا هاروح معاكي
ندى: طب ما انا بقولك عشان كده على فكره
فهد مسك ايديها باسها وهي سحبتها بكسوف: طيب مااااشي
ندى ضحكت: ما قولنا سيبني براحتي
فهد: ماشي يا ندى
ندى: قولي بقى هنروح فين؟
فهد: عادي هنروح نقعد في مكان نتغدى وبعد كده نخرج انا وانتي
ندى: هنخرج بقى نروح فين؟
فهد: هقولك بس بعد الغدا
ندى: ماشي
فهد وقف العربية عند مطعم شيك جدا وكان كله محجوز ليهم
ندى: هو محدش هنا ولا ايه؟
فهد: حجزت المكان لينا كله
ندى: ليه؟
فهد: عشان نكون لوحدنا
ندى: ماشي
دخلوا وطلبوا الغدا
فهد: عملتوا ايه في المعهد؟
ندى: ولا حاجه قدمنا الورق وخلاص
فهد: ماشي، مصممة تروحي لخالتك؟
ندى: اه عشان بس اطمن عليها
فهد: حاضر ياندى
شوية والاكل جه
فهد: يالا ناكل
قعدوا ياكلوا وبعد الاكل خرجوا شوية وفهد قرر يجبلها دبلة وراح عند محل الدهب
ندى: ليه جبتنا هنا؟
فهد: هتعرفي دلوقتي يالا ننزل
ندى وفهد نزلوا ودخلوا المحل وصاحب المحل طبعا عارفه ورحب بيهم جدا
فهد: ممكن تورينا اشكال الدبل اللي موجودة عندك؟
الجواهرجي: تحت امرك يافهد بيه
الجواهرجي طلعلهم كذا شكل
فهد: يلا اختاري ولا اختار انا؟
ندى: هي الدبلة ليا انا؟
فهد: طبعا
ندى: طب اختار معايا
فهد: حاضر
الاتنين اختاروا نفس الدبلة وفهد طلب ان اسمهم يتكتب عليها وبعد شوية لبسها لندى
ندى: شكلها حلو اوي
فهد: عشان في ايدك
ندى ابتسمت وسكتت وفرحانة بيها اوي
فهد: يوم ماتعتبريني جوزك شبكتك هتكون كاملة في ايدك
ندى: امممم ماشي
فهد دفع الفلوس وخرجوا من المحل
فهد: عاوزة تروحي لخالتك دلوقتي؟
ندى: اه ياريت
فهد: حاضر يالا بس نشتري ليها حاجة معانا الاول
فهد اشترى علبة شوكلت غالية وشيك واتحركوا لبيت خالتها
########################
حازم قاعد مع صاحبه في كافيه عند البيت
صاحبه: تفتكر هتيجي لوحدها؟
حازم: دلوقتي نشوف
صاحبه: طب افرض جوزها جه معاها؟
حازم: وايه يعني؟
صاحبه: هو انت عاوزه يجي ولا ايه؟
حازم: اكيد لا
صاحبه: امال ايه؟
حازم: دلوقتي تفهم
وشوية وعربية فهد وصلا
صاحبه: اهو جه معاها
حازم: كدا اللي انا ماشيه صح
صاحبه: بتخطط لايه؟
حازم: بعدين هاقولك يلا سلام دلوقتي
حازم ساب صاحبه وقام يستقبل فهد
حازم: نورتوا المكان
فهد: شكرا ياحازم
حازم: اتفضلوا
ندى وفهد طلعوا مع حازم فوق عند مامته، هنية فرحت جدا بندى
هنية: وحشتيني اوي، عامله ايه طمنيني عليكي
ندى: تمام والله يا خالتو انتي عاملة ايه؟
هنية: اهو الحمدلله شوية كدا وشوية كدا.....وبصت لفهد: متشكرة جدا انك جبتها عشان اشوفها
فهد: ماقدرش امنعها عنك
ندى: اول ما حازم قالي ان انتي تعبانه جيت على طول
هنية: انا كويسه والله بس حازم قلقان عليا وبيكبر الموضوع بس
ندى: الف سلامة عليكي ياحبيبتي
هنية: الله يسلمك يارب
فهد قاعد ومركز مع حازم اوي وهو هادي خالص عشان مايخليش فهد يشك فيه
فهد: وانت عامل ايه يا حازم؟
حازم: الحمد لله تمام
فهد: والشغل كويس؟
حازم: اه الحمدلله
فهد: طب تمام
فهد بيهمس لندى: مش يلا نمشي
هنية سمعته: خليها قاعده معايا شوية
فهد: معلش هاجيبهالك تاني كل ما تقولي انك عاوزة تشوفيها هجيبهالك
هنية سلمت على ندى ونزلت مع فهد واتحرك بالعربية
ندى: ليه مشينا بدري؟
فهد: انا مش مرتاح لحازم
ندى: ليه يا فهد ماهو خلاص اتأسفلي
فهد: انا قولت مش مرتاحله وخلاص
ندى: حاضر
بعد شويه حازم نزل تاني من بيته وراح قعد مع صاحبه
صاحبه: مش ناوي تقولي بقى انت ناوي تعمل ايه؟
حازم: انا كنت عايز اعرف بس هو هيجي معاها ولا لا
صاحبه: طب وبعد ما عرفت هتعمل ايه؟
حازم: طالما جه معاها اول مره يبقى اكيد هيجي معاها تاني
صاحبه: طب ما انت كده مش هتعرف تعمل معاها حاجه
حازم: صبرك بس بالله وانا هتصرف
صاحبه: شكلك ناوي على مصيبة
حازم: ناوي على كل خير ان شاء الله......وضحك ضحكة شر😈
نيجي بقى شويه لقصر السيوفي، حامد السيوفي ومختار المنياوي قاعدين سوا في الجنينة
حامد: بقولك ايه يا مختار؟
مختار: خير يا حامد
حامد: عاوزين نقرب ندى من فهد شوية
مختار: ياريت والله على الاقل فهد يبقى كويس
حامد: بس انا باردوا مش عايز اضغط عليها
مختار: على العموم فرح الشباب لسه ادامه سنه نقدر نستنى وساعتها ممكن يتجوزوا معاهم
حامد: تفتكر ساعتها هي هتوافق؟
مختار: اكيد هتوافق يعني بعد مثلا ما يمر سنة كاملة ترفض؟
حامد: مش عارف بس ربك يسهلها
########################
الايام عدت وعدى كم شهر و ندى ونهله دخلوا المعهد والحياه الدراسيه كانت ليهم هما الاتنين جميله جدا وخصوصا انهم مع بعض، وطبعا فهد لسه بيحاول يقرب ندى منه وعلى الرغم انها رافضه بس فرحانة من قربه ليها
وفي يوم فهد قرر انه يروح ليهم المعهد بس ساعتها بقى فهد اضايق جدا عشان اول ما اوصل كانت نهله وندى قاعدين مع ولد في الكافيه بتاع المعهد وقرب عليهم واول ما ندى شافته اتخضت وقلقت اوي
ندى: ايه دا فهد انت بتعمل ايه هنا؟
فهد وهو مركز مع الولد: حبيت اجي اشوفكم واخدكم نروح سوا
نهلة: دي احلى مفاجأة على فكرة دا حتى صاحبك ما عملهاش
فهد وبيبص للشاب اللي معاهم: هو دا مين؟
امير(زميلهم في المعهد ومعجب بندى😂): اهلا انا امير وانت؟
فهد: انا فهد المنياوي سمعت عني؟
امير: طبعا سمعت عن حضرتك
فهد: طب كويس وياترى بقى عرفت لما حد يقرب من اي حاجه تخصني انا بعمل ايه؟
امير: حضرتك تقصد ايه؟
فهد: ياريت تاني مره لما اجي هنا ما تكونش قاعد معاهم
ندى: في ايه يا فهد؟
فهد بغضب: انتي تسكتي خالص
ندى اضايقت من طريقة فهد وسكتت
نهلة: ما حصلش حاجه يا فهد دا امير زميلنا
فهد: انا قولت اللي عندي وتاني مره ما يبقاش يقعد معاكم يلا ادامي على العربية
ندى: انا هرجع في العربيه بتاعتي
فهد بغصب اكبر: الكلمه اللي قولتها تتنفذ حالا
فهد خلاص كان هيمشي بيهم بس امير وقفه
امير: مستر فهد ما فيش حاجه حصلت لده كله
فهد: انا مش بعيد كلامي تاني سمعت انا قولت ايه؟
امير: ايوه سمعت وفهمت كلام حضرتك بس انا كنت عايز اطلب منك طلب
فهد: يا ترى ايه؟
امير بص لندى واتكلم: كنت عاوز اطلب منك ايد ندى
ندى بصدمة بصت لفهد وكأنها بتقوله يالا نمشي
فهد: انت قولت ايه؟
امير: انا بطلب ايدها من حضرتك
فهد: ويا ترى بقى تعرف ايه عنها عشان تطلبها مني؟
امير: اعرف كل خير طبعا انا كنت ناوي اروح لجدها بس بقى بما ان حضرتك جيت فبطلبها منك
فهد: لو رحت لجدها صدقني هيبقى اخر يوم في عمرك واللي واقفه ادامك دي لو ما ماكنتش عرفتك بقى هي مين بالنسبالي فأنا باقولهالك اهو اللي واقفة ادامك دي مرات فهد المنياوي
امير بصدمة: مراتك؟
فهد: ايوا.....وبص لندى ونهلة: يالا ادامي
البنات مشت معاه وركبوا معاه العربية وطلب من السواق انه ياخد عربية ندى يرجعها ڤيلا فارس، وفي الطريق كلهم ساكتين وندى مش عارفة تتكلم مع فهد وفهد غضبان جدا واول ما وصلوا الفيلا بتاعته نهله بسرعه طلعت على فوق وندى جات تحصلها فهد وقفها
فهد: استنى عندك
ند وقفت بخوف: نعم
فهد: اللي حصل النهارده ده ما يتكررش تاني
ندى: على فكره اللي حصل ده حاجه عاديه
فهد: يا سلام هو لما يجي يطلب يدك مني يبقى حاجه عاديه بالنسبالك
ندى: انا ما كنتش اعرف انه هيعمل كده ولو كنت اعرف فعلا كنت منعته
فهد: عارفة هو عمل كده ليه عشان انتي شايفاني اخوكي وبس وكمان قلعتي الدبلة
ندى بصت في صابعها: والله انا اللي نسيتها وانا بتوضى الصبح قبل ما اخرج
فهد بغضب: ميتكررش تانى اللي انتي عملتيه ده وصدقيني يا ندى انتي لحد دلوقتي ما شفتيش وش فهد التاني
ندى بصتله بدموع وهو مش مستحمل يشوف دموعها وسابها ودخل
ندى: ممكن اعرف انت جايبني هنا ليه؟
فهد من غير مايبصلها: امال عايزه تروحي فين يا ندى؟
ندي: ارجع عند فارس انا مش قاعده هنا
فهد بصلها وقلبه موجوع💔: حاضر هكلمه يجي ياخدك
فهد دخل مكتبه وكلم فارس وقاله يجي وندى طلعت لنهله، وبعد شويه الداده طلعت لندى وقالتلها ان فارس تحت ، ندى نزلت له تحت وخلاص هياخدها ويمشي بس قبل ما تمشي بصت على فهد وهو قاعد وباين عليه الزعل اوي بس للاسف عيونه كانت بعيدة عنها
فارس اخد ندى ومشي وفي الطريق اتكلم معاها شوية
فارس: مش كفايه اللي انتي بتعمليه فيه دا يا ندى؟
ندي دموعها نزلت: انا مش عارفه افكر ولا عارفه اخد قرار
فارس: على فكره جدك كلمني النهارده وقالي على قرار هو ناوي يعمله
ندى: قرار ايه؟
فارس: ان فرحك انتي وفهد يتعمل معانا
ندى بصدمة: هو ازاي ياخد قرار زي ده من غير ما يقولي
فارس: ده حامد السيوفي انتي نسيتي ولا ايه
ندى: بس انا مش موافقه
فارس: يا ندى الفرح بعد سنه معقول هتفضلي بعيدة عن فهد للدرجه دي؟
ندى: انا مش عايزه احد يضغط عليل انا بجد مش عارفه اخد قرار
فارس: حاولي متخسرهوش يا ندى لو خسرتي فهد صدقيني هتندمي
ندى: انا فعلا مش عايزه اخسره بس بارددوا مش عارفة اعمل ايه
فارس: اديله فرصة يقرب منك
ندى: انا فعلا عملت كده الفتره اللي فاتت بس باردوا لسه حاسه ان انا مش عايزه اقرب اكتر من كده
فارس: يعني عاوزاه يطلقك؟
ندى: لا لا انا مش عايزاه يبعد عني
فارس: طب ايه اخرة اللي انتي بتعمليه ده؟
ندى بعياط: والله يا فارس مش عارفه
فارس: خلاص يا ندى اهدي وان شاء الله خير
فارس وندى وصلوا الفيلا وهي طلعت على اوضتها على طول
في المساء في ڤيلا فهد، فارس كان قاعد مع فهد في المكتب، فهد فعلا زعلان
فارس: انا مش عارف اقولك ايه يا صاحبي
فهد بضحكة مكسورة: ليه مش عارف طب ما تقولي الكلمه المعتاده اللي انت بتقولهالي
فارس: قصدك عن ايه؟
فهد وقف واتكلم بسخرية: يعني اصبر يا فهد، معلش يا فهد، استحملها يا فهد..... وبصله: وانا والله تعبت
فارس وقف جمب صاحبه: لا يا صاحبي انا مش هاقولك كده لان بجد انا تعبت اكثر منك منها
فهد: هو انت اتكلمت معاها في حاجه وانت مروح؟
فارس: ايوه وحاسس كده ان كلامها ده عادي حتى هي قالتلي ان الفتره اللي فاتت يعني بتحاول تقرب منك بس باردوا لسه مش قادره تحدد الموقف عامل ازاي
فهد: عشان خاطري يا صاحبي بلاش تتكلم معها في الموضوع ده تاني
فارس: حاضر يا فهد خلينا بقى في المهم هنسافر ولا لا؟
فهد: لازم نسافر بس انا لوحدي يا فارس
فارس: يعني انا وعبد الرحمن ومهند مش هنيجي معاك
فهد: لا المره دي انا عايز اسافر لوحدي واهو بالمره اقضي وقت لوحدي
فارس: طب مامتك هترجع امتى ولا عمليه عملت ايه؟
فهد قعد: هترجع كمان يومين ان شاء الله والحمد لله العمليه نجحت
فارس: الحمد لله حمد لله على سلامتها يا صاحبي
فهد: الله يسلمك يا فارس المهم دلوقتي كمان يومين عاوز التذكرة تكون محجوزه
فارس: حاضر يا فهد انا ما كنتش عايز اسيبك لوحدك بس طالما انت عاوز كده خلاص
فهد: محتاج اكون بعيد شويه يا فارس على الاقل اشوف بعدي عنها هيفرق ولا لا
فارس: صدقني هيفرق لان لما قولتلها ان انتي عايزه ان ففهد يطلقك ردت علىا وقالت لا
فهد: طب وليه انت سالت السؤال ده؟
فارس: كنت عاوز اعرف ردها وهي قالت لا
فهد: عشان انا بالنسبالها اخوها وحمايه ليها وبس
فارس: يا فهد انت المفروض تكون ليها اخ واب وصديق وحبيب وزوج وكل حاجه
فهد: يا فارس انا لها كل ده بس هي رفضاني كزوج
فارس: معلش استحمل بس شويه
فهد: حاضر يا فارس ويلا روح عشان الوقت اتأخر و عندك شغل بكره بدري
فارس: ماشي يا فهد تصبح على خير
فارس رجع الفيلا وفهد فضل قاعد مكانه و شويه و نهلة نزلت
نهلة: ممكن اتكلم معاك شويه يا فهد؟
فهد: طبعا يا حبيبتي تعالى
نهلة قعدت جمبه: ما تزعلش من ندى يا فهد
فهد: بص يا نهله انا والله مش عارف هي بتعمل ليه كده بس كل اللي اقدر اقولهولك ان قلبي مش عايز اصلا يزعل منها
نهلة: عشان حبيتها يا فهد
فهد: عشان خاطري يا نهله ما تعرفيش ندى حاجة
نهلة: يا فهد انت اخويا واكيد يعني مش هاقول اي حاجه ممكن تقلل من مكانتك
فهد باس دماغها: ربنا يخليكي يا حبيبتي واشوفك اسعد انسانه في الدنيا مع عبد الرحمن يا رب
نهلة: واشوفك اسعد انسان معاها يارب
فهد ابتسم: يا رب يا حبيبتي ويالا اطلعي نامي
نهلة: حاضر تصبح على خير
########################
ثاني يوم في الشركه عند فهد كان في اجتماع مهم جدا و كانوا محتاجين حد يخلص التصاميم بسرعه
فارس: بس انت يا فهد تقدر تخلص التصاميم دي كلها في وقت قليل جدا
فهد: ايوه طبعا هاقدر اخلصها بس مش لوحدي ده وقت قليل
عبدالرحمن بخبث: طب ما احنا ممكن نجيب ناس جديده
مهند بيبصله وعبدالرحمن غمزله
فهد: يا سلام وهو احنا هنلحق نجيبهم في الفتره القليله دي
فارس: والله لو على ناس جديده فاحنا حوالينا اتنين
فهد بصله بشك: انت قصدك مين؟
فارس: ايه يا فهد ده انا باقول عليك اذكى اخواتك اكيد يعني نهلة وندى
فهد وقف وبغضب: لا انا مش عايز اي احد فيهم هنا
فارس بهدوء: خلاص يا فهد اللي انت تحبه بس على العموم انا ما كنتش هخليهم يجوا هنا انا كنت هاطلب منهم يعملوا التصاميم في البيت بس مش هنا
فهد سكت ومش عارف يرد
عبدالرحمن: ممكن اعرف يا فهد انت ليه رافضهم؟
فهد: خلاص كلمها يا فارس وقولها انها تيجي هي و نهله
فارس بسرعه طلع تليفونه وكلم ندى وقالها تجيب نهله وتيجي الشركه حالا
ندى اتفاجئت بكلام فارس بس قالت مش مهم وقالت لنهله ان فارس عاوزهم في الشركه دلوقت حالا ولازم نمشي
وبعد شويه نهله وندى وصلوا الشركة واول ما السكرتيره شافتهم دخلتهم مكتب فهد على طول، وطبعا اول ما فهد شاف ندى عمل نفسه مش شايفها بالعربي كده عدم اهتمام وهي اضايقت اوي من الحركه دي بس هتعمل ايه
نهلة: هو في ايه يا جماعه انتوا جبتونا هنا ليه؟
فارس: مش كنتم عايزين تدربوا في شركه حلوه؟
ندى: ايوه وده انا طلبته منك
فارس: خلاص عشان كده انا كلمتك انك تجيبي نهله وتيجي هنا
ندى: برده مش فاهمه احنا بنعمل ايه؟
فارس: ايه يا ندى بس مش فاهمه ليه يا حبيبتي هو انتي هنا مش في شركه لها علاقه بالموضه اللي هو نفس المجال بتاعكم
ندى: ايوه يعني معنى كلامك ان احنا هندرب هنا؟
عبدالرحمن: بالضبط وهو ده اللي يقصده فارس
ندى بصت لفهد اللي اصلا مدور وشه بعيد عنهم: وياترى بقى ده قرار مين؟
فارس: بصراحه ده كان اقتراحي
ندى: طب وبالنسبه للباقي
عبدالرحمن: انا بالنسبالي ما عنديش مشكله
ندى بصت على فهد: طب وبالنسبه بقى لــ big boss (المدير الكبير)
فهد تفاجئ من اللقب الجديد وبصلها اوي وهي ردت عليه: ايه عندك مانع من اللقب؟
فهد مستغرب اوي تصرفاتها اللي بتتغير كل يوم
فهد: انا مش قادر افهمك ولا قادر حتى اعرف انتي بتفكري في ايه
فارس: فهد ده مش مكان للكلام ده احنا هنا عشان الشغل وبس
فهد: تمام يا فارس...وبص للبنات: ممكن اعرف رأيكم على القرار بتاعنا ايه؟
نهلة: انا موافقه طبعا
ندى: وانا كمان بس ايه المطلوب مننا؟
فهد: دلوقتي قدامنا ثلاث ايام بالظبط و مطلوب مننا نسلم تصاميم لشركه بره مصر وكمان داخلين مسابقه لازم نكسبها وعشان كده محتاجين ليكم
ندى بإستفزاز: طب ما احنا ممكن كمان نجيب مساعد
فهد تقريبا فاهمها: لو انتي قصدك تعصبيني فبلاش
ندى: الله وهعصبك ليه انا بتكلم بجد
فهد لفارس: سكتها بدل ما اتعامل بطريقه تانيه خالص وانت عارفني
فارس: انا مش فاهم حاجه هو انتوا بتتكلموا عن ايه؟
فهد: والله اهي عندك اهي اسألها
فارس لندى: في ايه يا ندى؟
ندى بكل برائة😂: انا اقصد يعني ان احنا نجيب كمان واحد معانا اللي هو امير زميلنا
فارس دلوقتي فهم فهد متعصب ليه وبص لندى: ابوس ايدك بلاش تخرجي الشيطان اللي جوه فهد
ندى بتحدي: انا مش شايفة غلط في كلامي، في ايه؟
فارس: يا بنت عمي بلاش احنا اللي عارفينه
ندى بصت لفهد اللي فعلا عيونه قلبت لأزرق غامق والغضب سيطر عليه وهي خافت: طيب خلاص مش لازم امير احنا نعمل الشغل
فهد ضحك: ناس مش بتيجي غير بالعين الحمرا
ندى بسرحان: قصدك بالعيون الزرقا اللي لون البحر
فهد ابتسم وهي اتكسفت وبصت للأرض
عبدالرحمن: لا باقولكم ايه احنا عاوزين ننجز
فهد بص لنهلة: سكتي جوزك بدل ما اخليه يموت
نهلة ضحكت وبصت لعبدالرحمن: ممكن تسكت يا بودي
فارس: الله بقى وبودي كمان لا ده انا اقوم من هنا بقى😂😂
ندى وفهد ضحكوا اوي عليهم
ندى بجدية: خلينا بقى نتكلم بجد
فهد: يا ريت
ندى: دلوقتي احنا قدامنا ثلاث ايام ونقدم التصاميم مش كده؟
فهد: بالظبط، بس انا بعد يومين مسافر فا انتوا اللي هتكملوا الشغل
ندى قلبها دق لما عرفت انه مسافر وبان عليها القلق: مسافر؟!
فهد: ايوه رايح احضر مؤتمر وهقعد هناك اسبوع وانتوا تخلصوا التصاميم وتبعتوهالي
ندى سكتت خالص وسرحت والكل بيتكلم حواليها وفهد حس بقلقها بس هيجمد قلبه خلاص
فارس لندى: ايه يا بنتي رحتي فين احنا بنكلمك
ندى: ها لا انا معاكم اهو
عبدالرحمن: طب احنا عاوزين نبدا النهارده
ندى: تمام ما فيش اي مشكله
فهد: تحبوا نكون فين عندي ولا عند فارس؟
نهلة: عندنا حلو
ندى ماردتش وسكتت
فهد: وانتي يا ندى عاوزانا نكون فين؟
ندى: هو انت لازم تسافر؟
فهد استغرب سؤالها اللي مالوش علاقة بالموضوع وفارس بصله بعنيه كأنه بيقوله مش قولتلك
فهد: ايوه يا ندى لازم بس ده مش موضوعنا دلوقتي
ندى بصتله وسكتت
فارس: دلوقتي احنا هنشتغل في ڤيلا فهد
نهلة: تمام
فهد مركز مع ندى اللي سرحت منهم: ايه رايك يا ندى؟
ندى فاقت من سرحانها: اللي انت شايفه صح اعمله
فهد: تمام كده يبقى نتجمع عندي في الڤيلا النهارده
عبدالرحمن: تمام ومهند كمان هيكون موجود
فارس: وانا هعرف ليلى وصافي عشان يكونوا معانا بدل ما يكونوا لوحدهم
فهد: تمام وتقدروا تمشوا دلوقتي
ندى فضلت قاعدة مكانها والكل مستغرب انها لسة قاعدة: ممكن نتكلم سوا شويه؟
فهد بص لفارس: اخرجوا انتوا دلوقتي يا فارس
فارس خرج واخد نهلة وعبدالرحمن
فهد: في ايه يا ندى؟
ندى: هو انت بجد هتسافر؟
فهد: ايوا هسافر في ايه؟
ندى: لا ما فيش
فهد: متأكده؟
ندى: ايوه متأكده
فهد: تمام
ندى كانت لسة هتخرج بس رجعتله تاني وبصتله وماتكلمتش وفهد مستغرب
فهد: في ايه؟!
ندى: ها...مافيش
ندى هتخرج فهد مسك ايديها: عاوزه تقولي ايه؟
ندى بصتله: مش عاوزه اقول حاجه
فهد: متأكدة؟
ندى بصتله اوي والدموع ظهرت في عنيها، فهد مش بيستحمل يشوف دموعها: ممكن اعرف الدموع دي سببها ايه؟
ندى: مش عارفة
فهد: طب ممكن تقضي اليومين دول معايا في الڤيلا؟
ندى بسرعة: اكيد
فهد حضنها وهي لأول مرة تبادله الحضن وهو مستغرب اوي: هو انتي مش عاوزاني اسافر؟
ندى وهي لسة في حضنه: لا مش عاوزاك تسافر
فهد بصلها اوي ولسة بيقرب عليها السكرتيرة خبطت ودخلت
السكرتيرة: مستر فهد، مستر مهند مستني حضرتك بره
فهد: ماشي خليه يتفضل
السكرتيرة خرجت ومهند دخل
مهند: حبيبي
فهد: تعالى يامهند
مهند شاف ندى: اذيك ياندى
ندى: الحمدلله انت عامل ايه؟
مهند: الحمدلله تمام
فهد لندى: روحي لنهلة مكتب عبدالرحمن وماتمشوش عشان هترجعي معايا
ندى: حاضر
ندى سابتهم وخرجت ومهند مستغرب انها هترجع مع فهد
مهند: هي خلاص هترجع معاك ولا ايه؟
فهد: ندى مضايقة اني مسافر وعشان كدا موافقة تيجي معايا تقعد اليومين دول معايا
مهند: ربنا يهديها
فهد: يارب المهم دلوقتي هي ونهلة هيشتغلوا معانا
مهند: تمام وهنبدأ امتى؟
فهد: من النهاردة في الڤيلا عندي
مهند: تمام
#######################
في المساء في ڤيلا فهد، كلهم قاعدين يشتغلوا على التصاميم في اوضه مخصصه للشغل، وفهد معجب جدا بشغل ندى
فهد: شاطره يا ندى تصاميمك حلوه
ندى ابتسمتله وبس ونهلة بقى: يعني انا تصاميمي وحشة؟
فهد ضحك اوي: لا ياقلبي انتوا الاتنين حلوين
نهلة: ايوه كده بحسب
فهد: لا والله
عبدالرحمن ضحك: سيبك منه يا نهله وركزي معايا انا
فهد: كلمه كمان و هطلعك بره
فارس ومهند وندى بيضحكوا جامد عليهم وفهد سرحان في ضحكة ندى وهي اخدت بالها واتسكفت
فهد: تصدقوا اول مره اعرف ان الكسوف حلو اوي كده
ندى بصتله بغضب وهو ضحك
فارس: باقولك ايه يا فهد ماتخليك في شغلك احسنلك
فهد بغضب: بلاش بلاش ياحبيبي
فارس: لا عادي ما هو انت هترخم علي عبد الرحمن لكن مش هترخم عليا انا
فهد: عادي خالص مكالمه بس صغيره مني لمختار المنياوي
ندى ضحكت اوي: لا يا فهد عشان خاطري انا خلاص
فهد: خلاص عشان خاطرك انتي بس
ندى بصتله وابتسمت وهو حاسس انه فرحان
فضل قاعدين لنص الليل بيخلصوا الشغل والشباب مشت وفهد ونهله وندى طلعوا فوق وليله وصافي باردوا كانوا معاهم
فهد: يلا يا بنات تصبحوا على خير
فهد قصد يروح ينام لوحده عشان يشوف ندى هتعمل ايه، وهي استغربت جدا انه ما قالهاش تعالى نامي جنبي فهد سابهم ودخل وبعد شوية ندى سابت البنات ودخلت اوضته وهو اول ما احس بيها في الاوضه عمل نفسه نايم
وهي دخلت وقعدت جنبه وسرحت في شكله و هو نايم وطبعا هي فاكره انه نايم، ندى مسكت ايديه وفتحتها ونامت في حضنه كل ده وفهد اصلا صاحي وفجأه حاسه ان فهد بيحضنها اوي وبتبص لعيونه شافتها مفتوحهة
ندى بكسوف: هو انت لسه صاحي؟
فهد: كنت مستنيكي
ندى بإستغراب: يعني انت عارف ان انا كنت هاجي؟
فهد: ايوا
ندى: ازاي بقى؟
فهد قرب منها اوي: مش عارف بس قلبي قال انك هتيجي
ندى اتكسفت من قربه ليها وبتحاول تهرب من عنيه
فهد: هتفضلي تهربي لحد امتى؟
ندى: عشان خاطري يا فهد بلاش كده
فهد: حاضر انت عرفتي قرار جدك؟
ندى: اه فارس قالي
فهد: طب وانتي ايه رأيك؟
ندى بصتله اوي: مش عارفه، ومش عارفه باردوا اذا كنت افرح ولا اضايق
فهد: يعني قراره ده ممكن يضايقك؟
ندى: بصراحه انا فرحت شويه
فهد فرح: بجد طب ليه؟
ندى بصتله اوي وعاوزة تقوله عشان هكون معاك بس اتكسفت تقولها وهو حاسس انها خلاص بدأت تعتبره زوج مش اخ وبس
فهد: قولي يا ندى فرحتي ليه؟
ندى بكسوف: عشان هكون معاك
فهد بفرحة: يعني انتي عاوزه تكوني معايا؟
ندى بكسوف اكبر: اه
فهد حضنها اوي: تعرفي ان انا فرحان اوي
ندى بتبادله الحضن: طب ممكن ننام عشان انا بجد عايزه انام
فهد: عيوني
فهد اخدها فى حضنه وناموا
#########################
ثاني يوم الصبح في اوضه فهد نهله خبطت ودخلت بس فهد كان لسه نايم هو ندى، ونهله بدأت تصحيه وهو صحي
فهد بنوم: في ايه يا نهله
نهلة: كنت عاوزة اصحذ ندى عشان عندنا محاضره
فهد بص على ندى اللي نايمة في حضنه وماسكة فيه اوي
فهد: ماشي روحي انتي وانا هصحيها
نهله خرجت وفهد بدأ يصحي ندى، فصل يمشي ايده على وشها لحد ما فاقت
ندى بنوم: بتصحيني ليه انا عايزه انام
فهد: لو عليا انا مااخلكيش تسيبي حضني
ندى بنوم: امال في ايه بس انا عايزه لسه انام
فهد: نهله قالت ان عندكم محاضره قومي بقى
نهلة قامت بسرعة: اوبس دا انا نسيت خالص
فهد: حضني نساكي ولا ايه؟
ندى بصتله بغضب: بلاش رخامه على الصبح وبعدين انا عايزه البس واتفضل اطلع بره
فهد واقف ومربع ايده: طب مش طالع
ندى: وحياتي بقى يا فهد اخرج
فهد: افكر
ندى: هو حد قالك قبل كده ان انت رخم؟
فهد قرب عليها اوي: ما حدش يقدر اصلا
ندى بترجع لورا وهو بيقرب لحد ماخبطت في الحيطة: بس انا قدرت
فهد: بس بمزاجي
ندى مكسوفة من قربه دا وبتبعده بإيديها: طب خلاص بقى انا هتأخر
فهد: لو عاوزاني اطلع ارشيني الاول
ندى بعدم فهم: قصدك ايه؟
فهد قرب منها وباسها برقة اوووووي وهي استسلمت وفهد بصلها وهي مغمضة عيونها: خلاص انا كده اخدت الرشوه بتاعتي
ندى مسكوفة اوي ولسة مغمضة عنيها: ممكن بقى تخرج
فهد: عاوزه اعرف دا زعلك ولا لا؟
ندى فتحت عنيها وبصتله بكسوف: المره دي ما زعلتش وحقيقي ما اعرفش ليه
فهد فرح اووووووي بس قال كفاية عليها كدا: طب انا خارج ويلا البسي
فهد خرج وساب ندى لوحدها وهي مكسوفه اووووي، وبعد شويه ندى خلصت لبس وراحت لنهله اوضتها
نهلة: كل ده يا نهله يلا بسرعه احنا اتأخرنا
ندى: معلش على ما صحيت ولبست يلا بسرعه
نهله وندى نزلوا وفهد كان قاعد على الفطار على السفره وشاورلهم بإيده وقربه عليه
فهد: ايه ده انتوا مش هتفطروا امال انا عامل الفطار ده لمين
ندى ماردتش عشان مكسوفة منه
نهلة بإستغراب: فهد المنياوي دخل المطبخ وكمان عمل فطار ايه ده اللي بيحصل
فهد: نهله حبيبتي اوعي الشله تعرف حاجه زي دي
نهلة: ما تقلقش خالص بوست حالا على الفيسبوك والصحافه بقى هي حره
فهد لندى: خدي صاحبتك من ادامي حالا عشان هي عارفه انا هعمل ايه
ندى: يلا يا نهله اتأخرنا
ندى ونهله راحوا المعهد ويومهم كان حلو اوي
عدى يومين وماما فهد رجعت البيت الحمد لله وصحتها احسن من الاول
وفهد خلاص سافر قعد اسبوع بره مصر وندى كانت كل يوم بتكلمه فيديو
عدت الايام والشهور وعدت سنه كامله ونهله وندى امتحنوا ونجحوا في اول سنه بإمتياز
قبل الفرح بشهر حصلت مشكله جامده اوي مع ندى بس للاسف فهد كان مسافر في الوقت ده عشان يخلص شغل قبل الفرح يلا بينا نعرف ايه اللي حصل
في يوم ندى قاعده في اوضه نهله في ڤيلا فهد وبيتكلموا
ندى: كده احنا معتش في حاجة نقصانا صح؟
نهلة: ايوه كده كله تمام والفساتين فهد هيجيبها وهو جاي
ندى: انا عاوزاه ينزل بقى بجد وحشني
نهلة: ما تقلقيش هانت كلها كم يوم و يبقى عندك هنا يا ستي
نهله سابت ندى ودخلت الحمام وتليفون ندى رن وطبعا كان مين حازم ابن خالتها
حازم: اخبارك ايه يا ندى؟
ندى: الحمد لله يا حازم انتم عاملين ايه وعمو لطفي وخالتو
حازم: احنا كويسين والله وكمان ماما عاوزه تشوفك لان احتمال ما تعرفش تحضر الفرح
ندى بزعل: ليه كده دي مكان ماما
حازم بزعل مزيف: انتي عارفه بقى انها تعبانه ومش قادره تيجي وعايزه تشوفك عشان تديكي هديه
ندى: خلاص يا حازم انا هاجي ليها النهارده
حازم: على امتى كده؟
ندى: بعد العصر ان شاء الله
حازم: خلاص تمام احنا مستنينك
حازم قفل مع ندى و عمل مكالمه فورا
حازم: النهارده اخد حقي منها
شيماء(بنت عمة فهد): انا عاوزاك تدمرها
حازم: ما تقلقيش انا شايل منها
شيماء: انا عاوزاها ماتعرفش ترفع عينيها في عيون فهد
حازم: ياه دا كله؟
شيماء: واكثر كمان هي خطفت مني فهد وهي قالتلك لا
حازم: عندك حق وانا مش هخليها تفرح خالص
شيماء بضحكة شيطانية: الله عليك وعلى تفكيرك
حازم: يا بنتي ده دماغي دي تتاقل بالدهب
شيماء: ماشي يا عم الدماغ خلصني بس منها وانا هاشوفك
حازم: تمام هخلص واكلمك
حازم خلص المكالمه مع شيماء وبدأ يجهز في البيت
ندى قاعدة مع نهلة والبنات
ندى: باقولكم ايه يا بنات انا هاروح اشوف خالتي واجي
نهلة: استني لما فهد ينزل ويروح معاكي
ندى: هي عاوزه تشوفني عشان تديني هديه عشان مش هتقدر تحضر الفرح، وانا خايفه اوي يا نهله ان يحصلها حاجه
ليلى: خلاص يا حبيبتي روحي شوفيها و متتأخريش
ندى: حاضر هي ساعه واحده بس وهاجي
نهلة: خدي الحرس معاكي يا ندى
ندى: حاضر هاخدهم معايا وطبعا لو فهد كلمكم قولولوه نايمه عشان انا مش عايزاه يعرف ان انا رحت هناك
صافي: ماشي يا حبيبتي وخلي بالك من نفسك
ندى: حاضر يلا سلام
ندى نزلت الجنينه وطلبت من الحرس انهم يجهزوا العربيات، والعربيات اتحركت للحي اللي ساكنه فيها فيه هنيه خالة ندى
ندى: استناني هنا يا سالم وخلي الحرس جاهز في اي وقت عشان لما انزل
سالم(الحرس الخصوصي بفهد): تحت امرك يا ندى هانم
ندى طلعت شقه خالتها، وخبطت وطبعا حازم فتحلها وللاسف دخلت
ندى: ازيك يا حازم خالتو فين؟
حازم: طبعا في اوضتها يا بنتي تفضلي خشي شوفيها
ندى خلاص داخله لخالتها الاوضه وفتحت الباب بس للاسف خالتها ما كانتش موجوده ودورت وشها وبصت لحازم
ندى: هي فين خالتو؟
حازم بيقرب عليها: انسي دلوقي خالتك خالص
ندى خافت اوي وبدأت ترجع لورا بخوف: قصدك ايه هي فين؟
حازم بيضحك بصوت شيطاني: هي مش هنا ولا اصلا هتيجي دلوقتي
ندى بخوف اذيد: امال انت جبتني هنا ليه؟
حازم: عشان اخذ حقي منك ومش هتخرجي من هنا غير لما تكوني بتاعتي وبس
ندى: لا يا حازم عشان خاطري ما تعملش كده
حازم: قولي مهما تقولي انتي خلاص النهارده بتاعتي
ندى بهستيرية: لا يا حازم عشان خاطري سيبني اروح
حازم: انتي فاكره ان دخول الحمام زي خروجه ولا ايه
ندى: كل ده عشان قولتلك لا لو سمحت سيبني
حازم مسك ايديها: ايوه عشان قولتي لا مش انا اللي يتقالي لا ومن واحده زيك
ندى عيطت جامد: ارجوك سيبني اروح ارجوك
حازم مسكها جامد وقلعلها حجابها ومسك شعرها: قولتلك انتي النهارده بتاعتي وبس
الحلقة الرابعة والعشرون من هنا