رواية ملكه الزين
الفصل الاول 🦋
بقلم شهد ياسر
مريم : يعني ايه !؟
سمير : يعني كل شي قسمه ونصيب وانا بحب نرمين
مريم : بتقولي في وشي انك بتحب اختي هه مش مصدقة
سمير : احنا حددنا معاد الفرح وكان لازم نعرفك عشان انتي حد مهم عندنا
مريم : كتر خيرك والله... ثواني
دخلت اوضي لميت كل حاجه جبهالي و الشبكة وكل هديه
مريم : اتفضل حاجاتك
سمير : ممكن تعتبريهم هديه مني
مريم : اسفه شيل حاجاتك و اتفضل لو سمحت
سمير : يا مريم لو سمحتي انتي خديهم حتى كاعتذار ما تقولي حاجه يا أمي
فاطمة : خد حاجاتك وامشي يا بني ربنا يوفقك في حياتك
سمير : عن اذنكم
خد الحاجات و مشي و انا قعدت على الارض مش عارفه اعمل ايه
مش مصدقه الا بيحصل
فاطمة : حبيبتي... هو مش نصيبك الحمد لله
مريم بعياط : ملقاش غير نرمين.. دي.. دي صديقة عمري... دي أختي... لييييييه
فاطمة : اهدي يا حبيبتي اهدي يا قلب ماما اهدي
عدى بقيت اليوم كأنه سنه وانا حابسه نفسي في اوضتي مش بخرج و مش باكل
صحيت تاني يوم عادي صليت و لبست
فاطمة : راحه فين يا حبيبتي على الصبح كده ! ؟
مريم : راحه على البحر
فاطمة : طب الجو بارد بلاش و ممكن تشتي
مريم : معلشي يا ماما انا محتاجه اخرج
فاطمة : بس ممتأخريش عشان نتغدى سوا
مريم : تمم.. السلام عليكم
فاطمة : وعليكم السلام يا بنتي
خرجت و مشيت لغايه البحر...
قعدت على الشط
مريم : اتكسرت... اول مره احس الاحساس ده من ١٥ سنه يوم
اما بابا مات و بقينا لوحدنا في الايام دي كان كل اللي معانا هما
خالتي و جوزها كان معايا امي و نرمين... نرمين الا اعتبرتها اخت
ليه بيحصل كده ليه اهههه قلبي اههه لييه
عيطت كتير و طلعت كل الا جوايا وقررت اروح
مريم : السلام عليكم يا ماما
فاطمة : وعليكم السلام ورحمة الله وبركاته يا قلب ماما غيري و تعالي ناكل
مريم : حاضر
قعدنا ناكل و التلفون رن
.... : السلام عليكم
مريم : وعليكم السلام ورحمة الله وبركاته.. مين
... : جدك عثمان
مريم : ازيك يا جدي عامل ايه
عثمان : الحمد لله يا بنتي في عربيه هتيجي تاخدكوا عشان انا عيزك
مريم : في حاجه يا جدي
عثمان : هتعرفي اما تيجي.. السلام عليكم
مريم : وعليكم السلام
فاطمة : جدك عايز ايه
مريم : مش عارفه يا ماما بس هنسافر له و نشوف
دخلت قعدت في اوضتي وتلفوني رن اول ما شوفت الاسم
دموعي نزلت لوحدها
مريم : السلام عليكم
نرمين : وعليكم السلام
مريم :......
نرمين : حبيت اتصل اعزمك على الفرح بنفسي
مريم : الف مبروك يا نرمين
نرمين : الله يبارك فيكي معلشي بقا معرفتيش تحافظي عليه
خليكي ماشيه بمبادئك خليها تنفعك.......
قفلت وانا ساكته ومصدومه بقا دي اختي مش معقول
عدي حوالي اسبوع و النهارده الفرح و هنسافر لجدي النهارده برضو
مريم : هنروح يا ماما
فاطمة : يا بنتي ريحي قلبك ليه التعب احنا كده كده مسافرين
مريم : هنروح يا ما...
الو السلام عليكم يا جدي
عثمان : ابن عمك جاي يخدك هو وصل تحت العمارة
مريم : احنا جاهزين يا جدي بس النهارده فرح بنت خالتي هنروح نعمل الواجب و هنيجي علطول
عثمان : تمم بس ابن عمك معاكوا
مريم : تمم يا جدي
الجرس رن
... : السلام عليكم
مريم : وعليكم السلام ورحمة الله وبركاته... نعم
... : انا زين ابن عمك مش انتي مريم
مريم : ايوه انا اهلا وسهلا اتفضل
فاطمة : تعال يا زين يا بني خش
زين : ازيك يا طنط فاطمة
فاطمة : ازيك يا حبيبي مشفتكش من وانت ٦ سنين كنت لسه متجوزه جديد
زين : ما حضرتك سافرتوا بقا
مريم : انا اتفقت مع جدي هنروح فرح الاول و بعدين هسافر
زين : تمم بس هناخد الشنط معانا.... و هاجي معاكوا انا اسف بس جدي موصيني مسبكوش
فاطمة : ماشي يا بني هنلبس اهو
زين : طب انا تحت
مريم : تمم ربع ساعه بالضبط و هنكون جاهزين
ونزل زين و دخلت لبست.. لبست فستان باللون السماوي و خمار نفس اللون
مريم : انا جاهزه يا ماما و الشنط البواب خدها
فاطمة : يلا يا بنتي زين واقف تحت
قفلنا و نزلنا لقيت زين لابس بدله سوده.. طب غير فين ؟!
زين : يلا
فاطمة : يلا يا بني
ركبت جنبه و ماما ورا ووصلنا الفرح اول ما وصلت حسيت اني هعيط بس مسكت نفسي
دخلنا و قعدنا
سعاد : ازيك يا فاطمة عامله ايه
فاطمة : ازيك يا سعاد الف مبروك
سعاد : الله يبارك فيكي عقبالك يا مريم معلشي بقا نصيب... مين ده ؟!
فاطمة : دا زين اب..
زين : خطيب مريم و ابن عمها
كنت مصدومه ايه ده و ماما مش عارفه تتكلم
سعاد بغل : خطيبها ازاي هي لحقت
زين : الظروف او زي ما حضرتك بتقولي نصيب.... مش هنسلم
عشان نمشي ولا ايه يا مريم
مريم : ها.. اه هروح اهو
زين :، انا جاي معاكي.... عن اذنك.. ثواني يا أمي ورجعين
فاطمة : ماشي يا بني
مريم : الف مبروك يا نرمين ربنا يرزقك بالذريه الصالحه ان شاء الله... مبروك يا بشمهندس
نرمين : مين ده !!!
مريم : داااا.....
زين : زين الهوراي ابن عمها وخطيبها
سمير : خطيبها!!!!
زين : اه خطيبها
نرمين : امتي و ازاي !؟
زين : اصل الموضوع جه بسرعه... يلا يا أميرتي عشان قدمنا سفر
سمير : اميرتك !
زين : طبعا
نرمين : سفر ايه يا مريم
مريم : الصعيد جدي عايزني
نرمين : ليه
مريم : مش عااا....
زين : عشان نحدد معاد كتب كتابنا.... معلشوا احنا مضطرين بنمشي يلا يا مريم.... الف مبروك
وفعلا خرجنا و انا لسه مصدومه
ركنا العربيه بس المرادي ورا
وعيط جامد و بقا صوت شهقاتي يعلي اكتر و ماما تهديني
فاطمة : اهدي يا قلبي متعمليش في نفسك كده
زين : دا نصيب قولي الحمد لله ربنا هيعوضك ان شاء الله
من تعبي نمت
فاطمة : يلا يا قلب ماما قومي وصلنا
مريم :... وصلنا فين
زين : الصعيد حمدلله على السلامه
لحظه افتكرت كل حاجه عيني اتملت دموع
فاطمة : كفايه بقا حرام عليكي نفسك
مريم : يلا ننزل عشان انا تعبانه
زين : اتفضلوا
خرجنا من العربيه
زين : يا محسن.... يا محسن
محسن : حمدلله على السلامه يا استاذ زين
زين : الله يسلمك طلع الشنط للجناح الجديد.
محسن : امرك يا استاذ زين
زين : اتفضلوا
دخلنا لقيت راجل قاعد باين عليه التعب والهم
زين : السلام عليكم يا جدي
الجد : وعليكم السلام جبت مريم
زين : اتنسيت على طول كده
مريم : السلام عليكم
الجد : ازيك يا مريم ازيك يا بنت الغالي
حضني هو ايه اللي غيره كده دا مسألش عليا من ساعه ما
ابويا مات غير تلت اربع مرات
غمضت عيني و انا في حضنه.... حضن ابوي كله حنان اتحرمت منه بقالي ١٥ سنه
فجأه دموعي نزلت
الجد : بتعيطي ليه يا بنتي
مريم : مافيش حاجه يا جدي الحمد لله
الجد : ازيك يا مرات الغالي
فاطمة : ازيك يا بابا عثمان عامل ايه
الجد : اصيله... الحمد لله يا بنتي
تعالوا اقعدوا
زين : احنا جيين من سفر يا جدي نطلع نرتاح
الجد : طيب اطلعوا ووقت ما تصحوا انزلوا........ انا عملتكوا
جناح لوحدكوا عشان تاخدوا رحتكوا
فاطمة : كتر خيرك يا بابا
مريم : عن اذنك يا جدي
الجد : اذنك معاك يا بنتي اطلعوا... زين اما تصحي أنا عايزك
زين : امرك يا جدي
دخلنا الجناح فعلا كأنه شقه لوحدها...
فاطمة : جدك متغير مش مرتاحه
مريم : ادينا هنشوف يا ماما
فاطمة : يلا يا قلبي عشان ننام انتي تعبانه
مريم : حاضر
اتوضينا و صلينا الظهر و نمنا
الساعة ٤:٣٠
زين صحي و نزل للجده
زين : السلام عليكم يا جدي
الجد : وعليكم السلام يا ولدي... قولي يا ولدي مال بنت عمك
زين : محصلش نصيب بينها وبين خطبها يا جدي
الجد : متتصورش ارتحت قد ايه انا مكنتش مرتاح بس انت
عارف اني مكنتش مهتم يا ولدي...
زين : مش بس كده يا جدي دا اتجوز بنت خالتها اللي هي
نرمين دي فأكيد مريم مصدومه دي اختها... بس انا سمعت
اللي بيقول اخرت الا يمشي بالمبادئ بس مفهمتش يعنى ايه !؟
الجد : هنعرف كل حاجه من مريم
زين : جدي.. اناااا...
الجد : في أي يا زين
زين : الصراحه يا جدي اما لقيت ان مريم مكسوره كده
مستحملتش و قولت في الفرح انها خطيبتي..
الجد : وفيها ايه ماهي هتبقي
زين : اي !؟...
الجد : هفهمك.......
عند مريم
صحيت من النوم اتوضيت و صليت و دخلت البلكونه بصيت في السما...
مريم : وحشتني يا بابا.. وحشتني جدا... عارف النهارده وجدي
بيخضني حسيت بحضنك انت بقالي ١٥ سنه محرومه من
الحضن ده و لقيته دلوقتي متتصورش مرتاحه قد ايه....
عارف انا مش زعلانه من نرمين و سمير ربنا يسعدهم دي
حاجه ربنا كتبها مش هعترض انا بس اكيد مجروحه انا بشر
ربنا يسعدهم و يوفقهم في حياتهم...
انا ارتحت هنا اوي يا بابا مقنتش متخيله اني احس بالراحه
دي حاسه ان في ناس معايا و قريبين مني.. الحمد لله
قررت البس و اتزل لجدي سبت ماما نايمة و نزلت
مريم : السلام عليكم
رباب : وعليكم السلام ورحمة الله وبركاته... اكيد انتي مريم
مريم : ايوه انا..
رباب : انا رباب مرات فارس
مريم :........
رباب : صح انتي متعرفيش فارس هو ابن عمك ... طب انتي اكيد عارف زين
مريم :اه
رباب : فارس اخو زين الكبير
مريم : اها... انا محتاجه حد يعرفني على الكل
رباب : متقلقيش انا هناا... طبعا مش عارفه انا مين
مريم : مش انتي قولتي مرات فارس
رباب : لا و مش بس كده يلا نتعرف... احم احم.. انا رباب
حسين الهواري بنت عمك كمان
مريم : عمي حسين له بنت
رباب : بصي بقا احنا نقعد مع بعض كده و نتعرف واعرفك على العيلة الكريمة انا عارفه
انك مش عارفه حد خالص ولا حتي اشكال اعمامك
مريم : فعلا...
رباب : خلاص احنا بقينا اصحاب
مريم : اكيد... طب قوليلي بقا فين جدو
رباب : تعالي يا ستي هو قاعد هو و زين بيتوشوشوا مش عارفه في ايه تعالي نروح
رباب : جدوووووو
الجد : تعالي يا رباب....ازيك يا مريم
مريم : الحمد لله يا جدي
زين : ايه يا وليه عامله دوشه ليه
رباب : خليك في حالك عشان مقولش لفارس
زين : خوفت انا كده يلا يا بت من هنا هنرش مايه
رباب : احنا جيين لجدي يا خويا
الفصل الثاني والثالث🦋
بقلم شهد ياسر
الجد : تعالوا اقعدوا
قعدنا معاهم في الجنينه و انا سرحت شويه
الجد : مالك يا مريم
مريم : مافيش حاجه يا جدي الحمد لله
الجد : طب هتحكي و لا تحبي نكون لوحدنا
رباب : طب يلا يا زين
مريم : لا.. خليكوا... هحكي يا جدي...
الجد : سامعك يا بنتي
مريم : انا بعد ماخلصت جامعه قررت اشتغل قدمت في شركة محتاجين محاسبين
واتقبلت و بعد فتره صغيره اثبت اني شغلي كويس جدا..
. كنت طالعه ادي ورق للسكرتيره البشمهندس انا مكنتش شوفته خالص ملقتهاش
و المفروض اروح فخبط و دخلت سلمته الورق و مشيت بعدها
كل شويه يجي المكتب عندي وانا طب
عادي و ملتزمه ان دا مكان عمل غير كده بخاف ربنا... روحت
في يوم لقيته هو واهله عندنا دخلت و قعدت و عرفت انه
جاي يتقدم و اما قعدت معاه قالي انه اعجب بإلتزامي و تديني
و حصل قبول و انا ارتحت و عملنا خطوبه و حضرتك حضرت
..... انا في الخطوبة كنت ملتزمه جدا و فهمته قبلها ان انا مش هعصي ربي ان شالله
بكلمة و هو في الاول رحب بالموضوع لكن بعد كده ابتتدي
يتغير عايز نخرج و انا برفض عشان مين هيروح معايا
يقولي ما انا وانتي و بس وانا برفض قررت اننا نخرج بس
خدت معايا نرمين بنت خالتي...... و خرجنا واليوم عدي من
بعدها وهو اتغير جدااا
وبقي كلامه مش كويس و انا بصده حصل مشكلة بيني وبينه
جامده... نرمين اقترحت عليا انها تصلح بينا و تفهمه طبعي و سلوكي وانا وافقت عدي
اسبوع وكل اما اكلمها تقولي لسه معلشي.. انا مقدرش انكر ان
اعجبت بيه ما احنا اتخطبنا اكتر من سنه... فجأه نرمين اتغيرت
و بقت بتتهرب مني.... و لقيته جاي من اسبوعين تقريبا قولت
جاي يصالحني لقيته جاي يعزمني على الفرح و العروسة نرمين
رباب : الحرباية اههه مين يوقعها في ايدي
زين : اهدى يا وحش... كملي يا مريم
مريم : انا حسيت ساعتها ان روحي بتطلع مش عشانه عشان اختي و الا عملته فيا
( دموعي ابتدت تنزل ) اديته حاجاته كلها و مشي تاني يوم لقتها بتتصل بيا...
و قالتلي خلي المبادئ تنفعك...بس قررت اني هروح الفرح و
روحت وبينت انه مش هممني و اني مش مكسوره....
بس في الحقيقة انا مكسوره يا جدي.. اختي و امي التانية
والراجل اللي كان هيكون جوزي مش حبني اوي كده ...
مقدرتش امسك نفسي و ابتدت شهقاتي تزيد و لقيت نفسي في حضن رباب
رباب بعياط : بالله عليكي ما تعيطي احنا معاكي انا اختك و الله انتي هتكوني اختي بطلي عياااط..
الجد بدموع : انا السبب اني مخدتكيش معايا هنا حقك عليا يا بنتي حقك عليا
خدني في حضنه حاسيت
الفصل الثالث
حاسيت
براحه كبيره و بطلت عياط
رباب : بت فوقي كده انا استرونج اندبندنت ومن
زين : مين يا ختي
رباب : اركن انت... احنا يا حبيبتشي مش بيأثر فينا حد يروح قرد يجي غزال انتي
قمر اصلا لو كان ليا اخ كنت جوزتهولك بس الواد متجوز لسه هعرفك
عليهم انا استنى عليا بس.... هنا في بيت الحج عثمان الهواري
مافيش عياط ولا زعل هنا حب ودفئ بس ولا ايه يا جدي
ولا ايه يا زين ماتتكلم يلا انت مش الاخصائي الاجتماعي بتاعنا
زين : انتي سايبه فرصه لحد ينطق ايه بالعه راديو
رباب : استني بس انا فارس يجي هيطحنك
قعدت اضحك عليهم بجد كان نفسي في الجو ده من زمان ايه الراحه النفسية دي انا ازاي مكنتش هنا من الاول ازاي
الجد : انا بقا هتكلم بس اما مامتك تصحي
زين : و انا كمان هتكلم اما طنط فاطمة تنزل
رباب : هتكلم في ايه يا زين
زين :اما طنط تنزل و بعدين انتي مالك ها حاشره نفسك ليه يتك القرف
... بضرب : هي مين دي الا جتها القرف يالا
رباب : فارس حبيبي.. وحضنته رباب وانا اتكسفت و ووطيت راسي في الأرض
فارس : وحشتيني..
زين : ما خلاص يالا انت وهي البت هتموت من الكسوف
فارس : يلا يا سنجل يا بائس.... ازيك يا جدي عامل ايه
و باس ايد جدي و قاعد و رباب جنبه
الجد : حمدلله على السلامه يا والدي
فارس : الله يسلمك يا جدي
زين : طب يا مريم رباب بعاعتك عشان فارس
رباب : لا طبعا يا مريومي.. بس يا حقنه
فارس : مريم الهواري
مريم : اه..... حمدالله على السلامه
فارس : الله يسلمك نورتي كان نفسنا تكوني معانا من زمان
الجد : مريم خلاص مش هتمشي من هنا.... صح يا مريم! ؟
مريم :..... صح يا جدي انا مش همشي احنا خلاص معتش لينا حد غيركوا
رباب : احنا كلنا جنبك يا قلبي متقلقيش
فارس : هي قلبك و انا ايه
رباب : فارس عيب كده
زين : ما قولنا خلاص
فارس : انت غيران يا سنجل
زين : كلها حبه صغيرين ومش هكون سنجل يا خفيف
فارس : مش فاهم...
كان زين لسه هيتكلم ماما نزلت
فاطمة : مساء الخير
الكل : مساء النور
الجد : تعالي يا فاطمه يا بنتي.... بصوا انا الا هتكلم بقا قدام فاطمة هنا
زين و فارس : اتفضل يا جدي
الجد : اولا سمحيني يا فاطمة يا بنتي انا غلط في حقك كتير
فاطمة : متقولش كده يا بابا انا مزعلتش منك اصلا
مريم : انا مش فاهمه حاجه !؟
الجد : انا يا بنتي غلط في حقك امك كتير انا الا بعدت ابني عني
انا كنت عايز اجوز محمد لصفاء بنت عمه بس هو رفض و قال
انه بيحب واحده تانيه و انا اتخنقت معاه و بعت ناس عشان
تهدد جدك و جدتك الله
يرحمهم كنت شايف ان دي بنت فقيره واحنا ناس لينا مركزنا
في
الصعيد بعد خناقات بيني و بين ابوكي كتير اضطريت اوافق
و طبعا مكنش ينفع ارجع في كلامي لخويا فجوزت صفاء ل
حسين و جابوا رباب و حازم ربنا يخليهم و ابوك اتجوز امك
و انا حضرت الفرح وانا مش موافق و جم عاشوا هنا كنت
بميز بينهم و بعامل فاطمة وحش و صفاء كانت بتواسيها
و عرفت دا من صفاء قرر ابوكي يا بنتي يبعد مش مستحمل
عذاب مراته بعدها عرفت انها حامل فرحت بس خبيت فرحتي انا كنت عايز العيل ده من صفاء و محمد مع ان صفاء كانت
جابت حمزه و رباب و بعد اما ولدت بفتره كبيرة روحت ابارك و اجبرت اعمامك ميرحوش
و لا حتي يكلمه قاعدوا ينصحوني وانا مسمعتش الكلام و كل واحد كلم ابوكي من
ورايا و من ورا التاني كانوا بيحبوه كان كإنه ابنهم حتى صفاء كلمته
و بركتله و روحت وبركت بعد اما جالي خبر موت ابوكي جاي
جلطه بس الحمد لله اتعلجت منها كنت بموت بس برضو اقعدت
اصارع مع نفسي رفضت اني اتكلم معاكوا يوم اما عرفت انك اتخطبتي انا اللي منعت
اعمامك يجوا كنت متخيل ان هاجي الاقي بنت تانيه بس فاطمة عرفت تربي و ابوكي
قعد شهرين اتنين يجيلي في منامي يا بنتي و يقولي خد مريم انا مسامحك خد مريم و قررت يا بنتي اني هاخدك
انا اسف يا بنتي حقك عليا حقك عليا يا فاطمة سمحيني يا بنتي
مريم : مسمحينك يا جدي انا مسمحاك والله مسمحاك
فاطمة : وانا مسمحاك يا بابا مسمحاك من اول يوم عرفتك فيه
الجد : ربنا يبارك فيكوا
زين : طب خلاص بقا يا جماعه انا عايز اتكلم بقا
حسين : تتكلم في ايه يالا
رباب : بابا حبيبي
صفاء : ازيك يا فاطمة وحشتيني
حسين : دي مريم صح يابا
الجد : ايوه يا والدي مريم
عمي خدني في حضنه كنت طايره من الفرحه و طنط صفاء كمان حضنتني جامد
دخلنا قعدنا جوه كلنا
حسين : فين ابوك يا زين
رأفت : انا هنا يا خوي
الجد : حمدلله على السلامه يا والدي
رأفت : الله يسلمك يابا... مريم صح...
حضني عمي رأفت و سلم على الموجودين
انا مبسوطه جدا قاعده مع العيله الا كان نفسي فيها
شويه و لقينا شاب داخل علينا و معاه واحده و طفل صغير
.... : السلام عليكم يا بشر
زين : حازم ازيك ياض... ريمووو حبيب قلبي
وحضنها و انا مستغربه مين دول
الجد : دا حازم ابن عمك حسين و دي ريهام مراته و بنت عمك رأفت و دا ابنهم محمد
اكتفيت بالابتسامة و سلموا عليا بعد اما اتعرفنا
اتعشينا كلنا مع بعض و قاعدنا مع بعد
الجد : مش هتتكلم يا زين
زين : هتكلم اهو يا جدي... احم احم طنط فاطمة
فاطمة : نعم يا زين
زين خد نفس و بعدين اتكلم :..عن اذنك يا بابا.. انا طالب ايد مريم
انا حسيت ان وقع عليا مايه ساقعه و اتصدمت
فاطمة : انا لو عليا موافقه يا بني انا عمري ما الاقي زيك لمريم
عارفه انك هتحافظ عليها بس دا رأيها في الأول والأخر و رأي جدك كمان
الجد : طب انا هاخد مريم نتكلم شويه لوحدنا
ودخلنا
فارس : انت مقولتش ليه يالا
حازم : دا انت رافض الجواز
زين : ايه رأيك يا بابا
رأفت : انا اتمني يا بني هي بس توافق
رباب : عشان كده كنت بتقول معتش الا حبه صغيرين
فارس : اها كده انا فهمت
اما جوه
الجد : ها ايه رايك
مريم : جدي اناااا.....
الجد : قبل ما تقولي حاجه انا هخليكم تقعدوا مع بعض و
صلي استخاره و لو لقيتي نفسك مرتاحه نكتب الكتاب بس و
هنعمل الفرح الوقت الا انتي عايزاه زين الا هيشيلك في عينه و يحافظ عليكي
مريم : يا جدي دي لو شفقة منه عليا انا رافضة
الجد : اوعي تقولي كده انا لو عارف انها كده انا اللي مش هوافق
تعالي معايا
وخرجنا
الجد : زين
زين : نعم يا جدي
الجد : خد مريم اتمشوا بره شويه
زين : امرك يا جدي
مريم : ثواني اغير هدومي
طلعت انا و ماما
مريم : اعمل ايه
فاطمة : انا موافقة
مريم : ايه اللي بتقوليه دا يا ماما
فاطمة : زين نسخه من ابوكي الله يرحمه نفس النظره اللي
كنت بشوفها في عين محمد و هو بيبصلي استهدي كده بالله يلا قومي البسي
لبست درس باللون النبيتي و خمار ابيض ونزلنا
فارس و حازم بيصفره
رباب و ريهام : اوبااااا يا جامد
ابتسمت بهدوء
زين : يلا ؟!
مريم : يلا
خرجنا برا البيت كله و قعدنا نمشي و محدش بيتكلم جه تحت
شجره كبيره قعدنا و الصمت كان سيد الموقف
زين : احم احم... ازيك
مريم : الحمدلله
زين : مريم انا عايزك تفكري كويس جدي قال انك هتديني الرد بكره انا عايزه في صالحي
انا عمري في يوم ما هزعلك انا حاسس انك معايا من زمان
انا عارف ان دول يومين بس عندي فتره طويله...
مريم :.......
انا ساكته مش عارفه اقول ايه
زين : مريم
مريم : بكره هديك ردي
زين : ان شاء الله
مريم : ممكن نرجع
زين : يلا
رجعنا كان كل واحد طلع اوضته
طلعت لقيت ماما قاعده مستنياني
مريم : السلام عليكم
ماما : و عليكم السلام ورحمة الله وبركاته.. عملتوا ايه
مريم : عادي اتكلمنا و جينا