الفصل الثامن
_شغلنا!!!
=اه شغلنا اه نسيت اقولك مش باباك وكلنى انى اتابع الشغل ف المستشفي بداله عشان يتفرغ للشركة
_نعم يختي.. انتوا بتهزروا اكيد
=باباك جوا اتفضل اسأله لو عاوز
_يا باااااباااا
*ف اى حصل اى
_اى إلى سمعته دا.. ازاى تخليها تمسك شغلك ف المستشفى بقولك دى واحدة نصابه ومش هتقعد ف البيت
*اولا انا كنت مخليك تتحكم ف المستشفى بس انت استغليت دا لمصلحتك وكنت بتأمر وتنهى ثانيا هى احسن منك ف موضوع المتابعة ف المستشفى
_لى هى بتشتغل اى
=معايا كليه تجارة
_اتفضل بتقولك تجارة اى بق علاقتها ب المستشفى
*هتشتغل ف الحسابات بتاعت المستشفى
طلع احمد اوضته وهو متعصب جامد ومش طايق نفسه
فلاش باك للخطة
_هو بيقضي معظم وقته ف المستشفى
=مهو لازم يكون قدام عينا طول الوقت عشان اغيره
_انتى متخرجة من كليه اى
=تجارة
_خلاص تشتغلى ف المستشفي ف الحسابات اهو تبقي جمبه على طول واتفرغ انا لشركتى
=ايوة كد صحصح معايا وقول كلام ف الجون كد..
نرجع تان
طلعت آيه وراه
_على فكرة بق انا عندى معلومات كتيرة عن البشرة وسمعت انكم عندكم قسم متخصص ف البشرة
=لا والله.. تمم واحدة جيالك وعاوزة حل للحبوب
_والله انا رأيي يكون عندها حبوب احسن ميكون عندها ذنوب
=نعم؟ طب واحدة جاية عاوزة علاج لتفتيح البشرة
_مش عاوزة علاج هى تسلك بس من جوا وهى هتنور
=انتى مش طبيعيه مش بهزر.. انا مش عارف انا ازاى اتورط فيكى.. امشي بق وخلصينى
_اتكلم ب اسلوب احسن من كد.. خلاص يا احمد حاجة كنت عاوزها ومحصلتش.. عارف مشكلتك انك عاوز كل حاجة.. انانى ميهمكش غير مصلحتك وبس.. بنات الناس عندك اى لعبه!!.. لو كان ليك اخت كنت ترضي يحصل فيها كد
فضل احمد باصصلها ومرضش عليها وسابها ومشي
الجرس رن
آيه نزلت فتحت بوابه الفلة
_ماما حسام.. اهلا اهلا اتفضلوا
=ازيك يا بت عاملة اى
_متقولش بت يرخم.. ادخل
..
_عاملة اى ياحبيبتى
=الحمد لله يماما انتى عاملة اى
_الحمد لله.. مبسوطة هنا
=ايوة الحمد لله.. استنوا اجبلك حاجة تشربيها
دخلت آيه المطبخ عشان تعمل عصير وجه حسام وقف معاها
_ها عملتى اى
=لو كنت شوفت منظره وهو وشه قالب الوان لما شافنى كنت مت من الضحك.. بس عارف انا حاسه انه جواه حاجة كويسه بس هو مصمم يبقي كد.. بس على مين هغيره يعنى هغيره
_يواد يجامد.. انا عارف ان الموضوع دا ميجبوش الا انتى
=ايوة امال اى
_عاوز أقولك خبر حلو اوى
=قول يكش افرح واخلص
_رايح اخطب آيه النهارده
=ايدا بتهزااااار
_ايدا ف اى
=سورى رد فعل طبيعى للى سمعته الف مبروك يحبيبي وربنا يتمم بخير
_الله يبارك فيكى ياحبيبتى.. بجد انتى السبب بعد ربنا.. مش عارف اقولك اى
=عيب عليك انت اخويا.. وكمان الواد قمر هو تنك شويه بس هيبقي حلو ان شاء الله
_الله يسهله
=يسهلك انت يعم
فجأة احمد جه
_انت اى إلى جابك هنا
=جاى لبنت خالتى
_بق كد انت تلبسنى فيها دا نصب دا خدها وانت ماشي يلا
=دى مراتك دلوقتى احترمها
_مراتى مين يعم احنا هنستعبط منتوا طبختوها سوا
صوتهم بيعلى وأم آيه دخلت المطبخ.. أول ما آيه شافتها حضنت أحمد جامد وحسام كتم ضحكته
بوشوشه:أحمد عشان خاطرى ماما تعبانة ولو عرفت ب إلى حصل ممكن يجرلها حاجة
أحمد حضنها هو كمان
_لاء بقولك اى متأفورش
=مش انتى الى قولتى نمثل استحملى بق
بعدت آيه عنه بالتدريج وماسكة ايده
_ايدا حسام ماما مخدش بالى خالص انكم واقفين
=ازيك يا حماتى
*الحمد لله يبنى.. يلا يا واد يحسام نسيبهم مع بعض شويه
_لاء يماما منتى قاعدة
*لاء بق مرة تانيه
خرج حسام وماما آيه ومشيوا
_شكرا اوى يا احمد بجد
=لا مفيش حاجة بس اتمنى ان المسرحيه السخيفه دى تخلص ف اسرع وقت
_طب سيب ايدي
=ها
_انا كنت ماسكة ايدك قدامهم ودلوقتي هما مشيوا فسيب ايدي بق
=معلش مخدش بالى
..
عند آيه وحسام
آيه كانت مبسوطة اوى حسام برا وبيتفق مع أهلها
ودلوقتي حسام قاعد معاها رؤيه شرعيه
_اي دا مكسوفه
=اه مكسوفه
_اشطاااا
=لاء احنا هنهزر ولا اى
_يستى الواحد مش عارف يهزر معاكى
=تؤتؤ مش هتعرف.. المهم عملت اى عند آيه
حكالها حسام على كل حاجة
_بتهزر حضنوا بعض
=اى بالله عقبالنا
_اتلم ماشي اتلم
=حاضر.. ابقي جهرى نفسك بق بكرة عشان ننزل نجيب الشبكة عشان الخطوبه بعد بكرة
_بجد
=انتى مش ملاحظة انك لسه مقولتهاش
_المفروض مين يقولها
=بق كد.. ماش يستى انا بحبك
_الله يكرمك
=نعم يختيييي
_اهدي يوحش ف اي.. منتا عارف ان انا كمان بردو يعنى
=لا والله
-اه والله
=انا اكتر
_براحتك بق اصل انا اتحب اصلا
=بس يجدع
..
العصر راحوا جابوا الشبكة
بليل
رن تليفون آيه بنت خالة حسام
_أيه خطوبتى بكرة
=الف مبروك يحبيبي ربنا يتمم على خير
_الله يبارك فيكى.. لازم تيجى
=ها.. هحاول ان شاء الله
_لازم يما هو اى إلى احاول
=خلاص هاجى يرخم يلا سلام
_سلام
..
احمد كان قاعد على اللاب توب
_أحمد انا خارجة بكرة
=فين
_خطوبه حسام وأيه
=أيههه؟
_احمد انت مبتحبهاش انت كنت عاوز تملكها دا مش حب.. هى بتحب حسام وربنا جمع بينهم
=هتروحى لوحدك؟
_ممكن تيجى معايا
=ممكن
_بجد
=اه والله
_شكرا يا احمد.. تعرف انت طيب اوى
=...
_اى دا انت مكسوف
=لاء وسبينى بق عشان بشتغل
_ههه.. حاضر
..
جه ميعاد انهم يرحوا الخطوبه
لبست آيه فستان جميل جدا وأحمد لبس بدله من البدل بتاعته
_انا خلصت شكلى حلو؟
....=
_أحمد متنح لى بسألك شكلى حلو
=اه.. جدا.. قصدي كويسه.. قصدى شكلك حلو اوى
_ههه شكرا وانت كمان.. يلا بق عشان منتأخرش
راحوا الخطوبه والغريبه ان احمد معملش حاجة ولا بأن عليه اى نزع من انواع الزعل
_يلا بق نروح
=متقعدي شويه لو عاوزة
_معتش حد غيرنا تعالى نسلم على العريس والعروسة ونمشي
..
_الف مبروك يا حسام الف مبروك يا آيه
=الله يبارك فيكى ياحبيبتى.. الله يبارك فيكى يقردة
*الف مبروك
=الله يبارك فيك يا دكتور متشكرة اوى
مشي آيه وأحمد.. وحسام وآيه فرحوا ان اليوم عدي بسلام وكان يوم حلو اوى
ف الطريق
_أحمد
=نعم
_هتطلقنى امتى
=نعم!!!!