رواية حكاية ممرضه
الفصل الرابع
_للأسف مش هينفع اوظفكم
=نعم
_انتوا مأهلاتكم عاليه اه بس للاسف مش هينفع
=اه قول ان انت عليك أوامر بكد
_بصراحة اه.. للأسف
=لا مش مشكلة يلا يحسام
..
_هو الاستاذ دا عاوز مننا اي
=أصله مش متعود حد يقوله لاء
_وجيت انا عملت المستحيل انا نينجا اصلا
=اه صحيح احكيلى عملتى اى معاه
_ضربته بالقلم
=جدع... إيييه؟ ضربتيه بالقلم دا انتى قلبك مات بجد
_امال اى انا استقويت خلاص
=وعملتى اى كمان
_قولتله منتا احمد
=دي شتيمه؟
_ايوة دي اهانة دي
=دي اهانة هو ميستحملهاش دي
_مش قولتلك قاسيه
=هنعمل اى ف الشغل طيب
_أحمد قفلها علينا جامد اوى.. انسان مدلع اوى اى دا
=المشكلة إلى ملوش نقطة ضعف
_ثوانى كد.. انا لاحظت ان الأمن سمع كلامه ف ثانيه
=اه نسيت اقولك.. اصل ابوه شريك ف المستشفي
_طب ابوه دا زيه ولا
=لا خالص.. دا راجل طيب اوى ومحترم ومتواضع و..
_ثوانى يحسام انت اهبل؟
=نعم!!
_اصل دا الحل
=مش فاهم
_لاء بقولك اى صحصح معايا كد.. احنا هنروح لأبوه ونقوله على عمايل ابنه واكيد مش هيرضيه كد يعنى
=هو حل كويس وانا عارف مكتبه بس..
_لا مفيش بس هو دا الحل الوحيد.. قوم يلا
..
_فيه اتنين عاوزين حضرتك برا يفندم
=قالوا عاوزين اى؟
_لاء يفندم بس قالوا انهم عاوزين حضرتك ضرورى
=طب دخليهم
..
_انا آيه ودا حسام ممرضين ف المستشفى إلى حضرتك شريك فيها
=اه.. طب اتفضلوا.. اقدر اساعدكم ازاى
_بص يفندم ابن حضرتك رفد زميلى عشان كان فيه اتفاق حسام مرضاش بيه و...
بدأت آيه تحكيله على إلى حصل
_ودلوقتى احنا مش لاقيين مستشفى نشتغل فيها عشان ابن حضرتك قايلهم انهم ميوظفناش
=معقوله.. هو عمل كد دا..
_انا اسفه انا عارفه ان حضرتك دلوقتي زعلان بس دا الى حصل
*مسك الاستاذ عصام التليفون واتصل ب احمد عشان يجي..
أحمد اول مدخل اتخض لما لقانا قاعدين انا وحسام
..
_تعالى يا احمد.. اكيد عارف مين دول
=ها مش واخد بالى
_دا الممرض إلى طردته عشان موفقش على الاتفاق الحقير بتاعك
=لا.. دا كان عاوز يسرقنى
_انت لسه مصمم تكذب
*وقام استاذ عصام ضرب احمد بالقلم
_انت بتضربنى يوالدى
=امشي اطلع برا.. وبعد كد ملكش كلمة ف المستشفي.. من دلوقتى وانت دكتور عادي سامع.. انا الى هدير المستشفى بعد كد.. اتفضل يا دكتور
*فضل احمد باصصلى طول الكلام دا.. طب انا مالى يبنى هو انا الى ضربتك.. ايوة ضربتك بس قبل كد يعنى.. بصراحة بقيت ملطشه.. متبصليش يا احمد كد عشان والله خوفت وشويه وهتلاقينى مش موجودة اساسا.. لا اثبتى يا بت وارفعى راسك حقك جه
خرج احمد وهو متعصب ورزع الباب
_انا اسف بالنيابه عنه
=لا طبعا.. احنا إلى اسفين على وقت حضرتك
_تقدروا ترجعوا الشغل من بكرا وبكرر اعتذاري
=شكرا اوى يفندم ربنا يخليك
..
_انتى يبنتى بلاعة.. مخلتنيش اتكلم ولا كلمة لى جارة ابن اخوكى ف ايدك
=كنت هتعك الدنيا وانا مش ناقصه هبل
_لا وانتى ظبطى الدنيا
=عيب عليك.. اهو هنرجع الشغل تان بس...
_بس اى
=احمد هيكون هناك وانا خايفه اوى انت مشفتوش بيبصلى ازاى
_يبقي يفكر يأذيكى وهيشوف انا هعمل ايه
=ربنا يخليك يحسام فعلا ونعم الزميل
..
_يلا سلام بق
=مع السلامه خلى بالك من نفسك
_حسام لمؤاخذة ف الكلمة يعنى انا وصلتنى لتحت البيت أخلى بالى من نفسي فين
=يخربيت الدبش.. اطلعى يلا
..
الصبح
روحت المستشفى وانا مرعوبه جوايا احساس ان فيه حاجة هتحصل النهارده
_ازيك يا آيه
=ها.. رعبتنى يا حسام حد يخض حد كد
_مالك يبنتى ف اى
=مش عارفه حاسه ان فيه حاجة هتحصل
_من ناحيه حاجة هتحصل ف فيه حاجة هتحصل
=قصدك اى
_لا مش هقولك
=بطل بواخة
_اممم.. آيه....
*دكتور احمد عاوزك ف مكتبه
_نعم!! حسام انا خايفه
=طب استنى هاجى معاكى
..
طق طق
_اتفضلى.. اه كويس انكم انتوا الاتنين جيتوا مع بعض..
=ايوة يا دكتور ف حاجة
_انا عارف انى غلطان انا اسف وبتمنى نفتح صفحة جديدة
=ولا يهمك يا دكتور.. إن شاء الله
_طب اتفضلوا على شغلكم
=شكرا..
..
_انا مش مرتاحة
=ولا انا
_اه انت كنت عاوز تقول اى
=بصي يا آيه انتى فعلا تستاهلى كل خير
_ربنا يخليك وانت كمان
=وانا كل خير
_افندم؟
=بصي.. انا عاوز يعنى.. يعنى عاوز اشرب عليكى شاي
_نعم يا اخويا
=قصدي شربات قصدي إلى موجود هشربه عادى..
_ههه.. والله انت بتفصلنى.. بردو مش فاهمة عاوز اى
*فجأةحسام يقعد على رجليه والممرضين والدكاترة يتلموا حوليهم.. واحمد كان معدي ف الطرقه ولاحظ ان فيه تجمع وراح هناك
_آيه تتجوزينى
=...
أحمد بصوت عالى: لاء مستحيل
وفجأة كلهم يبصوا على أحمد واحمد كان باصص لحسام ومتعصب اوى..
وفجأة احمد يقول.....