رواية حكاية ممرضه
التاسع والأخير
_هتطلقنى أمتى
=نعم!!!
وقف احمد العربيه
_اى مش انت بتقول عاوز المسرحيه تخلص.. وحسام وآيه دلوقتى مخطوبين وانا متأكدة انك عمرك مهتعمل فيهم حاجة عشان لو كنت عاوز تعمل كنت عملت وقتها و..
=اسكتى بق
_ف اى يبنى مالك.. المفروض تبقي فرحان انك هتخلص منى يعم
=مينفعش اطلبك دلوقتى لسه مكملناش اسبوع جواز الناس هتقول اى
_تقول إلى تقوله انا عندى اسمع اى كلام ولا انى اعيش مع حد غصب عنه.. بس تعرف انا مبسوطة اوى انى اتعرفت عليك.. انت انسان طيب وليك قلب نضيف بس انت بتحاول متبينش دا بس انا شوفتهم لما قربت منك.. خليك كد يا احمد الناس كلها هتحبك ومش هتعيش لوحدك تان.. ومبسوطة كمان انى اتعرفت على باباك.. قرب منه هو بيحبك اوى.. بجد بتمنالك من كل قلبي ان حياتك الجايه تبقي حلوة وانك تتغير وتفضل كويس كد
=يعنى أنتى منتى متجوزانى عشان ايه وحسام وعشان هما دلوقتي مخطوبين عاوزانى اطلقك
_لاء مش كد.. مش عارفه انا وافقت على الجواز ازاى مين عاقل يعمل الى انا عملته دا.. بس احساسي قالى وافقي.. هو شكله انسان كويس.. هما كانوا كام يوم بس كنت مبسوطة وانت بتتغير فيهم..
=طب.. انا ممكن اطلقك بس مش دلوقتى عشان الناس وكد انتى ممكن تفضلى عادى وبعد كد هنفذ رغبيتك
فضلت بصاله متكلمتش هو دا إلى كان عاوز يطلعنى من البيت.. هو فعلا اتغير..
رجعنا البيت وكنت متعبه اوى وغيرت هدومى ونمت من غير مجس ب حاجة
تان يوم صحيت لقيت احمد نايم على الأرض ف مكانه ولقيت الفون بتاعه بيرن اتردد كتير قبل مفتح بس ف الاخر فتحت عشان مصحهوش
_ألو
=أيوة يا حمودى
_حمودك؟
=اي دا مش دا فون أحمد
قفلت السكة
_قووم يا حمودها قوم
=اي دا ف اى على الصبح
_اي يحمودها مالك
=ف اى يبنتى
_مين دي إلى بتتكلم بسهوكة دى وتقولى أيوة يا حمودى
=اه دي سها السكرتيرة بتاعت بابا
_وهو عشان السكرتيرة بتاعت باباك المفروض تقولك يا حمودى اى كل إلى بيشتغل معاك بيقولك يا حمودى ولا اى مش فاهمة
=اهدى ف اى مالك
_وانا مالى انت حر اصلا.. بعد اذنك هروح احضرلك الفطار
..
وانا مالى انتى مالك يتنحة ميعمل إلى هو عاوزه
..
حطيت الاكل على السفره وجيت امشي مسك ايدي
_لسه زعلانة
=وانا ازعل لى انت حر
_يبنتى هى بتهزر
=مش حاجة تخصنى
_بتبقي رخمة اوى وانتى زعلانة
=طيب ماشي سيب ايدي
_اقعدي افطرى معايا
=لا شكرا مش جعانة
_اقعدى بق
=انت قد الحركة دى.. دا انت قلبك مات على كد
_اي يعم الجامد اهدى
=مش اجمد من سها
_مفيش احلى منك
=...
_اي دا انتى بتتكسفي انا كنت فقدت الأمل
=لى حد قالك انى مش بنت
_انا كنت فاكرك راجل البيت
=لا والله.. امممم اى رايك ف الاكل بتاعى
_تسلم ايدك والغدا بردو بيبقي جميل
=ربنا يخليك بالهناوالشفا
_تسلمى
قعدوا يكلوا وخلصوا أكل
_آيه
=ارغي
_انا عاوزك تعزمى ايه وحسام على الغدا
=اشمعنا
_عشان يعنى.... اعزميهم وخلاص
=اووف انت عاوزهم لى متسيبهم ف حالهم بق
_انتى بتزعقى لى انتى فهمتى غلط
=بص يا احمد أعمل إلى انت عاوزه انا زهقت
_منى؟
=من كل تصرفاتك
سيبته وطلعت الاوضه
اى إلى عملته دا.. اكيد مش هيعمل حاجة احمد بق كويس.. هو على طول كويس بس مش مبين كد.
اوووف انا متخلفه بجد
..
_أحمد
=عاوزة اى
_انا أسفه متزعلش مني حقك عليا
=التلاتة؟
_دا انت كتلة رخامة
=مبعرفش ازعل منك
_اممم.. هروح اتصل بيهم عشان اعزمهم
..
_ألو يبخاخة هات خطيبتك عشان عازمينكم على الغدا
=تطبخى حاجة حلوة طيب
_انا اكلى كله قمرين
=أحمد عارف؟
_هو الى قايلى اعزمكم اصلا
=ايوة يعم بقيتوا حلوين مع بعض اهو
_ها.. ايوة الحمد لله.. متنساش بق النهارده على الغدا
=ماش
..
أتصل حسام ب ايه وقالها انها تحضر نفسها
وأيه طبخت بشاميل وفراخ مشويه
..
_آيه خصلتى
=اه هما جم
_لا لسه
=طب تعالى قولى رأيك
_آيه انتى حرقتى الفراخ؟
=لاء هى اسمها فراخ مشويه فلازم تكون كد.. طب دوق كد
_الله طعمها جميل
=عيب عليك
_شيف يعم الحاج شيف
ترن ترن
_دول اكيد هما
=استنى هروح افتح انا عما تخلصي بق وتحطى الاكل ف الأطباق
_ماش
..
_اتفضلوا
=ازيك يا دكتور
_قول احمد احنا دلوقتي مش ف المستشفى.. ازيك يا آيه
*الحمد لله
_طب ادخلوا
..
_عاوزة اقولكم حاجة قبل ما الهبلة إلى جوزتهالى تيجى
=ههه خير
_انا بجد مش عارف انا كنت بعمل كد ازاى.. انا كنت انسان وحش اوى مع ان جوابا عكس كد.. جت هى غيرت كل دا وف وقت صغير.. عرفتنى ان مفيش اختلاف بين اى حد.. وأننا كلنا بنى ادمين مفيش حاجة اسمها صاحب فلة ومفيش فرق بينه وبين إلى بينام على الأرض.. جت هى خلتنى احب نفسي وغيرتنى.. هو اه كان مقلب بس بجد انا مبسوط اوى انها دخلت حياتى.. انا بحبها
آيه وحسام ف صوت واحد:أحلف
_افضحونى بق
=ههه يعم والله هى مش بنت خالتى هى اختى هى هطلة شويه بس قلبها طيب
_ايوة هى هطلة فعلا
..
جت آيه وحطت الاكل على السفرة
بعد الأكل
_تسلم ايدك طول عمرك طباخة
=امال اى يبنى.. واحمد بردو بيحب أكلى
_بصوت واطى :مش بيحب أكلك بس لاء
خبطه احمد ف رجله
=بتقول حاجة يا حسام
_لاء خالص بقول اننا نخرج سوا نشم هوا
=اى رايك يا احمد هنخرج
*زى متحبي
_يمحنى متخلصوا اطلعوا البسوا واحنا مستنينكوا اهو
=واد انت كن كد طالعة اهو
..
لبست أيه درل..
_اى دا يعم هتلبس بدلة لى رايحين فرح
=امال البس اى
_اقعد كد وانا هختارلك
=ماش
طلعتله تيشرت ابيض وبنطلون اسود
_البس دول
=مش هيبقوا حلوين عليا
_لا البسهم بس
..
خرجوا وقعدوا هما الأربعة على البحر
_بقولك اى متاخد خطيبتك وتتمشوا شويه
=بتزحلقنى ماشي يعم قايمين اهو
..
_كنت تسيبهم نقعد كلنا سوا
=فكك كد من جو الترابط الاسري دا.. عاوز اقولك على حاجة
-قول سمعاك
=انا.. أنا يعنى
_انت اى؟
=إلى هو يعنى انا وانتى
_انت اتهبلت يا احمد ولا سخن
=بحبك
_ايه
=لا احمدى ربنا انها طلعت اصلا..
_ربنا يخليك والله
=نعم يما مش هتقولى
_لا مليش انا ف الكلام دا
=طب قولى المضمون حتى
_انا مبسوطة انك ف حياتى وانك جوزى
=ايوة بق انطقى
..
+خلصتوا
_انت اى إلى جابك دلوقتي
+اى مشبعتوش كلام
=دا لسه نطقها دلوقتى
+نعم كل دا وكان لسه مقلش فيه اى يا دكترة
_مش قولتلك تتمشي انت وآيه
+رجلنا وجعتنا يعم قوموا نروح بق
..
راحوا الفلة
_عاوز اقولك على حاجه
=ارغي
_لاء اتكلم حلو عشان كان فيه مشاعر من شويه على البحر
=ها قول
_عاوز اعمل فرح ونتجوز من الاول
=اشمعنا
_عشان المرة دى اكون عارف انا بتجوز مين واكون مقتنع انى بتجوز الانسانة الوحيدة إلى حبتها💜
فعلا عملنا فرح تان وكان مبسوط اوى وباباه كمان كان مبسوط اوى.. وايه وحسام اتجوزوا واحمد وحسام بقوا صحاب اوى وساعات بتفقوا عليا انا وأيه
ممكن اى حد يتغير بشويه صبر وحب بجد💜
النهايه