رواية موجوع قلبي
الفصل التاسع عشر........ والعشرون قبل الاخير
بقلم شروق مصطفي
انتهي الفرح وبدات بترتيات لمقابله ضيوفها
واستاذنت مامتها لتذهب للشغل الصبح
مديحه: انتي مش عارفه ان في ناس جيالنا بليل يخطبوكي !
مايا : عارفه يا ماما لكن لازم اروح الشغل وحستاذن اني امشي بدري وبعدين انتي عارفه انا كنت اخده اجازه لحد الفرح والفرح خلص خلاص
مديحه :متتاخريش طيب ورانا كذا حاجه لازم نعملها وشويه طلبات محتجاهم
مايا : مش حتاخر حمشي بدري وكمان انا سايبه العربيه هناك حخدها بلمره
وانا جايه حجيب الطلبات كلها !
مديحه : ماشي ياحبيبتي وانا حكلم اخوكي دلوقتي اشوفه حينزل امتي اتاخر اووي نزوله
مايا : سلام ياحبيبتي
ذهبت مايا للعمل
وقابلت حسام الذي تفاجأ بوجودها
حسام : مايا ايه جابك انهارده ! صقر وافق انك تيجي الشغل
مايا :ايه ده مش عاوزني اجي ولا ايه !
متقلقش قعده علي قلبك 😂
ومال صقر بشغلي !
حسام : يعني قولتيله انك جايه انهارده ولا لا !
مايا :الصراحه لا
حسام: طيب المفروض يا مايا تكوني قولتي ل صقر انك نزلتي الشغل برده عشان مايتفاجأش
مايا : ايوه ما انا مجتش فرصه اقوله صحيت ونزلت ع طول بس حطلع اكلمه دلوقتي
بس انا كنت حستاذنك اني امشي بدري اكون ظبط مواعيدك وكم حاجه
وكنت حخد العربيه معايا وان شاء الله حبدا انتظم من اول الاسبوع الجاي
يعني جايين انهارده يخطبوني وكده😊
حسام : ايووووه بقا مبرووووك ياستي لا خلاص تعالي من الاسبوع الجاي وتقدري تمشي دلوقتي لو تحبي انا حنظم مايهمكيش
مايا : لا لا انا حقعد ساعه بس وحمشي اكون نظمت الاوراق ومواعيدك خلال الاسبوع ده
،شكرا يا حسام بجد
حسام : العفو علي ايه ، طيب طالما قعده معانا ساعه في مندوب دعايه جاي اول مايجي دخلهولي ع طول
مايا : تمام
خرجت مايا لمكتبها ورتبت بعض الملفات وجمعت الاوراق وحفظتهم بفايلات ونظمت مواعيد الاسبوع القادم كله
ومسكت التليفون ولسه حتعمل مكالمه لقت مكالمه وارده ؟ من صقر ابتسمت وردت :الو
صقر : صباح الورد والفل علي اجمل ورده فحياتي
مايا اتكسفت من معاكسته: تصدق كنت لسه حكلمك لكن انت سبقتني
صباح الخير عليك😊
صقر : عامله ايه انهارده
مايا:الحمدلله وانت ع****
قطع كلامها دخول المندوب : السلام عليكم
مايا :وعليكم السلام اتفضل
مايا لصقر في تليفون: صقر خليك معايا ثواني
المندوب : عندي ميعاد مع أ/حسام هو موجود
مايا باعده فون📱 بصقر وبتكلم المندوب :ايوه يا فندم في انتظارك تقدر تدخله
المندوب ابتسم لها :شكرا ودخل
مايا رجعت لصقر : الو معاك
صقر:انتي بتتكلمي منين !
انتي فين يا مايا🤨
مايا : انا في الشغل
صقر في الشغل: اممممم ومقولتليش ليه
مايا : مش عارفه مجتش فرصه اقولك وكنت حكلمك دلوقتي لكن انت سبقتني اهه
صقر اخد نفس : انتي ناسيه اننا جاين بليل !
مايا: عارفه طبعا مانا حستاذن امشي بدري متقلقش ساعه وحمشي
صقر اخد نفس : مايا ماتمشيش لحد ما اجيلك ماشي
مايا : ماتتعبش نفسك انا حرجع بعربيتي محتجاها الايام دي
صقر : سامعتي يا مايا ماتمشيش لحد ما اوصل مفهوم
مايا :حاضر حستناك مع السلامه
ماله ده قلب مره واحده😑 ليه ؟.وكملت ال كانت بتعمله
عند صقر كان في الموقع من بدري بيتابع حركه العمال وسابهم ومش بعيد يصبح علي محبوبته***
(بعد ما قفل نفخ ماشي يا مايا اشوفك بس ونشوف موضوع الشغل ده كمان)
وتمم علي العمال ومشي ذهب اليها
عند مايا دخلت لحسام
انا خلصت كله تمام ورتبتلك مواعيدك خلال الاسبوع كله والملفات في رف الثاني من المكتبه
حسام : الله ينور عليكي بجد مش عارف من غيرك كنت حعمل ايه
مايا : عد جمايل بقا 😂
حسام :هههههه ماشي ياستي
مايا : طيب انا جهزت حاجتي وصقر حيجي يروحني كده مش حعرف اخد العربيه معايا.
حسام: مايهمكيش انا حجبهالك لحد البيت بكره الصبح
مايا : ياريت بجد مش عارفه اقولك ايه بجد 🙂
(رن تليفونها صقر وصل اتكلمت بسرعه)
طيب يلا يلا سلام سلام صقر بيتصل بيا اكيد وصل انا حنزله بقا سلام
حسام ضحك: سلام يا مجنونه دي حتجنه والله الله يكون فعونك ياصقر 🙂
نزلت مايا بسرعه
وشافت سياره صقر واقفه وهو منتظرها جنب السياره وابتسامته الجذابه لها : وابتسمت له : ايه المفاجئه الحلوه دي
صقر واقف وايديه علي السياره بيفتحها وبينظرلها: ايه واحشتيني بلاش اشوفك😉
وفتح لها الباب وركبت ولف ركب هو
مايا : اممممم لا انا كده حطمع اكتر وحخد علي كده توصلني كل يوم بقا وضحكت😂
صقر اجل الكلام في الموضوع الشغل ده لتاني يوم
لان الوقت ضيق انهارده وابتسم لها : مايهمكيش اطمعي انتي بس براحتك وانا سداد ياستي
بس انا زعلان منك شويه كده
مايا : ليه كده عملت ايه
صقر: نزلتي ورحتي الشغل ومقولتيليش وعرفت صدفه وانا بكلمك !؟
مايا: والله مجتش فرصه اقولك حتي كمان بليل انت معطتنيش وقت افكر في حاجه والصبح نزلت ع طول وكلمتك اول وصلت لكن انت سبقتني بقا اعمل ايه متزعلش بقا
صقر عمل نفسه زعلان :لا زعلان لسه صالحيني
مايا 🤨: ياسلام اممممم طيب اصالحك ازاي🤔 قول انت 😂
صقر: ال يجي منك
مايا: اممممم طيب بما ان ال يجي مني انا بعتذرلك وحاخد بالي المره الجايه يافندم وضحكت 😂
صقر : لا لا لا انا زعلت اكترررر كده ويافندم كمان لا لا وحط ايده علي وجهه ومثل انه زعلان
مايا فهمته : خلاص خلاص ياحبيبي متزعلش
صقر : حبيبي بس
مايا :لا مش بحب الطمع انا خلي بالك !
صقر بابتسامته الجذابه :
اعمل ايه طمعان فحبيبتي طيب اعمل ايه خلاص 🤨
بليل ايه رايك بقا حخطفك بعييييد ونشوف موضوع الطمع ده
مايا: ههههههه يبقا بتحلم وبليل انا مش فاضيه اصلا
صقر : ليه سياده الوزيره وراها ايه بليل
مايا : اممممم ورايا مواعيد وارتباطات كتشير جدا هههههه بص في ناس جايين بليل يكلمو عليا وكده يعني
صقر ضحك عليها : ههههههه طيب يلا يلا انزلي وصلنا المحل عشان نشتري الدبل
وصلو لمحل المجوهرات ال بيتعامل معاه عيله صقر
اختارو دبلتها وتوينز
وعجبه كوليه رقيق جدا
صقر : حلو اووي الكوليه ده ايه رايك
مايا بانبهار : تحفه رقيق اوي
تعرف ذوقك حلو اوي
يبقا مبروك عليكي
مايا : بس كده كتير
صقر :مفيش حاجه كتيره عليكي وقبل مقدمه راسها💋
مايا اتكسفت ونزلت رأسها وسكتت
واختارو دبلته ورجعو العربيه
مايا : ميرسي ياصقر علي كل حاجه😊 بجد
صقر ابتسم :يا حبيبتي قولتلك ماتشكرنيش علي حاجه بحبها وبحب اعملها وانا بحبك يا مايا ومستعد اجبلك العالم كلها
مايا : بجد ربنا بيحبني عشان رزقني بيك ربنا مايحرمني منك ابدا
(صقر طبطب علي خدها بكف ايده وهي مالت وجهه علي ايديه وابتسمت له)
اتحرك بالعربيه
ومايا اختارت اغنيه ودخلت ال سي دي ل اغنيه اليسيا انا مين عندي بعدك ولمين قلبي بيكون من هواك اه من هواك
وقعدت تدندن الاغنيه وهو سايق ومبسوط جدا
لحد ما وصلها البيت وقالها اننا جيين الساعه ٧ بليل
مايا : حاضر
ورمالها قبله💋 علي الهوا
ومسكتها مايا🤚🏻 لايديها ووضعتها ناحيه قلبها وطلعت لفوق
مديحه : ايه ده فين الحجات ال طلبتها جايه فاضيه
مايا🙈 نسيت اصلا: حجات !
مديحه : والله كنت عارفه قلبي حاسس امشي ابت من هنا حكلمهم في التليفون يبعتولي ال عاوزاه امشي وضحكت
مايا ضحكت: حاضر حاضر حمشي اجهز نفسي جايين ساعه سبعه
مديحه: يارب يتمملك علي خير يا حبيبتي يارب
دخلت مايا تجهز نفسها وتشوف حتلبس ايه👗
وصقر رجع البيت بيستعد لمقابله بليل وكلم باباه كان فالشغل اكد عليه الميعاد
وقابل مامته واكد عليها
ودخل يستعد ويشوف حيلبس ايه👔
والساعه دقت السابعه 🕰 بوصلوهم
صقر كان بدر منور وكان حامل معاه بوكيه ورد كبير وعلبه شوكليت وعلبه الدبل مع مامته
وفتحت مديحه ليهم والابتسامه علي وجههم والسلام والاحضان والترحاب لهم
ودخلو الصالون : اتفضلو اتفضلو نورتونا والله
كوثر (ماما صقر) :ده نورك انتي ياحبيبتي
الاب : امال فين عروستنا مكسوفه ولا ايه مننا
مديحه : انت عارف البنات😊 حقوم اجيبها 🙂
ودخلت لمايا : ماشاء الله طالعه قمر
مايا : بجد يا ماما طلعه حلوه
مديحه: قمر والله بس يلا ناس بتسال عليكي بره
تعالي ادخلي ب ده(صينيه فيها مشروب)
عشان متدخليش فاضيه
مايا😳 : حمسك كل ده يا ماما انا حدخلهم بالعافيه اصلا
مديحه : يلا امسكي اتاخرنا ورايا
مايا اصلا متوتره من اول ما وصلو ومسكت الصينيه وهي مسكه نفسها بالعافيه
ودخلتلهم ووقفت شويه تعدل نفسها
الاب: اهلا اهلا بعروستنا الجميله
كوثر :تعالي ياحبيبتي جانبي
مديحه : تعالي يا مايا سلمي عليهم ادخلي
صقر كان بينظر لها ومبتسم من خجلها وتوترها ال ظاهر
مايا دخلت سلمت علي الاب واخد مشروب : اهلا يا انكل اتفضل
اول ما سحب الكوب ارتعشت شويه الصينيه وعدلتها قبل ماتوقع ولحقها صقر ال اخد باله ومسك عنها الصينيه وغمز لها : خليها عليا المره دي
ووزع هو
مايا : شكرا
وراحت سلمت علي مامته وقعدت جانبها
وشكرته بعنيها وهو ابتسملها
وضحكو شويه علي الموقف
كوثر : توتر البنات في مواقف دي اعذروها
وجهت كلامها ل مديحه:
انتي عارفه بحب البنات اوي كان نفسي اجيب بنت بعد صقر وربنا مرزقنيش تاني الحمدلله
(وبتحضن مايا) واول ماشوفتها في الفرح قلبي اتفتحلها اوي
ربنا يباركلك فيها يارب ويجعلها من نصيب ابني
مديحه : امين يارب
الاب : هو ابن حضرتك مسافر فين ومبينزلش اجازات خالص
مديحه : السعوديه
وبينزل اجازات اجازته بعد 3شهور لسه
الاب: يجي بسلامه ان شاء الله
طيب احنا جايين انهارده نخطب ابننا لبنتك
وصقر شقته موجوده وشوفي ال انتي عاوزاه مش حنختلف
مديحه : صقر ده في معزه ابني بظبط مش حنختلف في حاجه لان انا شايفه راجل وأهم من ده كله الحب ال ظاهر فعينيه واهم حاجه بنتي تكون مرتاحه ومبسوطه ححتاج اكتر من كده ايه
وقعدو يتكلمو في تفاصيل تانيه
استقرو ان بعد 3 شهور فحضور اخوها يكتبو الكتاب والدخله
(كل ده ومايا محرجه اوي ومكسوفه وساكته مكلمتش في حاجه وكانت كل حين تنظر ل صقر تلاقيه بيعملها حركات(بحواجبه وبيبعتلها بوسه وبيغمز) مركز معايا اووي بتبقا عاوزه تضحك مش قادره)
كوثر :ها ياعروسه نقول مبروك
مايا وجهه احمر اوي بقا نفس لون الفستان ال لابساه 😊: ابتسمت ونزلت راسها
كوثر : ههههههه مكسوفه يا ناس (وحضنتها وقالتها مبروك ياعروسه)
الاب : علي بركه الله نقرو الفاتحه🙏🏻
وقرو جميعا الفاتحه
وقامت كوثر من جانبها :
تعالي ياعريس قعد جانبها واللبسو الدبل
قعد جانبها🙂(صقر حب يفكها شويه): ايه الفراولايه ال قاعد جنبها دي ياناس
(مايا مازالت مكسوفه جدا مرددش عليه بس): ضحكت
طيب هاتي ايديك عشان اللبسك الدبله ببتفرجو علينا
مدت له ايديها ومسكها
حست مايا" بقشعريه" جواها ولبسها الدبله وتوينز
والكوليه
ومد العلبه تانيه : دورك وابتسم
مايا طلعت دبلته وكان فيه حرب عيون ( نظرات ) ومد ايديه حاولت تلبسهاله ايديها بتترعش وقعت منها وجابها هو : ركزي ابوس ايديك
ومسك ايديها شويه طمنها بايديه وهي لابسته ومسك ايديها وقبله💋 وكان بينظر لعنيها ؛مبرووك يا حبيبتي
مايا :الله يبارك فيك
صقر: ياااه اخير سمعت صوتك واحشني صوتك اوي
وماسك ايديها مش عاوز يسيبها
مايا :سيب ايدي طيب
صقر :لا
مايا : ماما قامت سيب ايدي
مديحه قامت حضنتها : مبروك ياحبيبتي لو كنت اعرف ازغرط كنت زغرطلك
كوثر قامت وحضنتها : ازغرط انا
الاب : مبروك يا حبيبتي
وقام حضن ابنه : مبروك يا حبيبي
وحضنو بعض وباركو لهم
وقدمو حلويات وقعدو شويه كمان
الاب : نستاذن احنا بقا حتيجي معانا يا صقر وبيبتسم
صقر: لا انا حخطف عروستي انهارده شويه كده
ضحكو عليه واستاذنو ومشو
صقر ل مديحه: بعد اذنك يا امي حخطف مايا شويه وحنرجع مش حنغيب
مديحه : مش حوصيك
صقر شاور بايديه ف عنيه
:من العين دي قبل العين دي
ونزلو سوا
وركبها العربيه وركب وساق:ها تحبي تروحي فين ياعروستي
مايا: ماتكسفنيش بقا
صقر : الله وبتتكسفي كنتي قطعه فراوله انهارده
مايا: بايخ وايه ال كنت بتعمله ده ههههه
صقر: الله طلعلك صوت اهوو انا فكرت القطه اكلت لسانك فوق
مايا : مش حرد عليك
صقر: ههههههه ما انتي رديتي اهو يا حبيبتي ومسك ايديها وباسها تحبي نروح فين
مايا : اي مكان معاك مش حتفرق
صقر ضغط علي ايديها بحب :حبيبتي
ووصلو للمكان ودخلو وعمل اشاره بايده لحد ما النور ظلم فمكان كله فجاءه
مايا: صقر انت فين سبتني ليه انا مش شايفه حاجه
خطفها ومسك ايديها وجري بها ووقف شويه وهمس لها مش قولتلك حخطفك (كان بدا النور ينور اضاءات بسيطه وموسيقي اشتغلت )
نظر لعيونها ومسك ايديها وبدا الرقصه معاها وقرب لوجهها اوي وابتسم لها
مايا : مجنون
صقر:بيكي
مايا: بحبك
صقر مسك ايديها ورفعها لفوق ولفها بايديه ودارت معاه🕺🏼 ورجعها لحضنه تاني ومسك ظهرها ورجعه لورا نظرات العيون طويله بينهم ورجعها لحضنه تاني : وانا بموت فيكي
وخلصت الرقصه
نظرت حولها لاقت المكان هادي وراقي جدا
قعدو علي طاوله
صقر: مبسوطه
مايا: جدا جدا جدا
عارف انت عارف انا مكنتش شايفاك كده
صقر: امال كنتي شيفاني ازاي🤨
مايا: يعني كنت فكراك عصبي وبتزعق وتشخط و قافش كده ع طول اول ما عرفتك يعني
صقر وبيبتسم لها : ودلوقتي شايفاني ايه بعد ما حلينا سوء الفهم ال بينا
مايا اخدت نفس وخرجته:
شيفاك واحد تاني خالص واحد كنت بتمناه يكون من نصيبي ويكون امان ليا في الدنيا يحبني ويحتويني وحنين عليا ححتاج ايه اكتر من كده كنت مستنيه الوقت ال اخرج فيه مشاعري ليه هو وبس ال حيخطف قلبي بصفاته دي كلها
وجيت انت وخطفتني شوفت بقا
صقر : هههههه المهم يكون فيه خطف
انتي بقا خطفتيني من اول نظره حبيبتك من اول نظره
لولا الحاجز ال كان بينا مكنتش ضيعت الوقت ده كله بغبائي
يلا الحمدلله اننا دلوقتي مع بعض
مايا: الحمدلله
(مايا بتعدل فستانها من ناحيه الايد وربعت ايديها)
صقر فكرها سقعت ولسه حيقلع جاكت ويلبسهولها.
مايا : لا لا لا جاكت تاني لا ههههههه كفايه
صقر: ليه تقطعي رزقي
طب البسيه ومش حجي اخده متقلقيش
مايا : امان يعني
صقر😉 :عيييب
مايا لبسته: والله مش مطمنالك اما نشوف وضحكت😃
صقر: احنا الصبح كنا بنقول ايه فكريني كده عن الطمع
مايا : بص انت لو عاوز جاكت وطمعان فيه تاني خده اهه
صقر: بتهربي تاني يا مايا ماشي
مايا بتضحك مش هممها : هاه هاه هاه انا حسيبلك جاكت ف عربيه قبل ما انزل 🤨اصلا
صقر: طيب مفيش تصبيره حتي
مايا: نؤ نؤ
صقر : طيب كلمه ضحكه ابتسامه
مايا ضحكت :ههههههه حلوه دي
صقر :ايه حاجه منك حلوه
مايا حاسه ان قلبها طاير بجد ومرتاحه جدا ونفسها تقوله انها بتحبه لا بتعشقه بجد كانت فهماه غلط في الاول لاقيته حنين اوي وجميل اوي من جوه فعلا اد ايه اتسرعت فحكمها عليه: بتكسفني بكلامك ده😊 تعرف انا بحبك اوووي
ونزلت راسها لتحت وخبت بايديها وجهه 🙈
صقر قام واخد ايديها وشالها ولف بها وبيدورو سوا وبيهمس: بحبك بحبك بحبااااك
ونزلها داخت شويه ومسكت فيه كانو قريبين من بعض اوي وحاسين بنفس بعض
ادركت مدي القرب بينهم وباعدت
مايا بتوتر ظاهر : مش يلا بينا اتاخرنا وبتعدل شعرها
صقر ابتسم لها : حاضر
ركبو السياره وطول الطريق
بيلقي نظراته ليها وهي مبسوطه جدا ووصلها البيت ومشي بعدها
دخلت مايا البيت استقبلتها مامتها :مبروك ياحبيبتي
مايا :الله يبارك فيكي يا ماما
مديحه بتدمع: ابوكي لو كان عايش كان زمانه فرحان بيكي اوي
مايا : اكيد طبعا كان نفسه يفرح بيا اوي انا عاوزه ازوره يا ماما متيجي معايا نروح نزورو بقالنا كتير مرحناش
مديحه: ياريت بجد
مايا : سيبيني اشوف امتي قبل ما انزل الشغل
مديحه: انتي حتشتغلي لسه
مايا :اه طبعا حكمل شغل
مديحه: طيب وصقر موافق يعني
مايا: انتو مالكو انهارده انتي وحسام صقر موافق تشتغلي
هو ماتكلمش فحاجه انهارده لما جا وصلني
بس انتي عارفه اني مش حقدر اسيب الشغل مع حسام انتي ناسيه قسط العربيه حيتخصم من مرتبي كل شهر فمش حينفع اسيب الشغل وبعدين انا لاقيت نفسي في الشغل مصدقت لاقيت حاجه مناسبه ليا
ولو صقر كلمني حقوله مش حقدر اسيب الشغل واكيد حيحترم رغبتي طالما حقدر اوفق بين الشغل والجواز
مديحه: خلاص شوفي ال حتلاقيه مناسب اعمليه وربنا يهديكم لبعض
عارفه انا ارتحتلهم اوي ومامته دي زي العسل
مايا :وانا كمان يا ماما حبيتهم اووي كلهم
مديحه : ربنا يهنيكم يارب يلا ادخلي غيري هدومك ايه ده لابسه جاكت بتاعه تاني
مايا اتفاجأت 😳: ايه ده هو انا معطتهوش الجاكت🙈
مديحه ضحكت: ههههه يبقا حيجي ياخده عشان فلاشه
مايا ضحكت: لا انا حنام ادهوله انتي اهه وقوليله نامت🤨
مديحه 😂 ؛ماشي
يلا تصبحي علي خير
وانتي من اهله
دخلت وغيرت ومسكت التليفون :واحشتني اوي اوي عارف انا كان نفسي تكون موجود انهارده كنت اكيد حتفرح بيا ا (ومسكت دبلتها ) وتشوفه بنفسك وتقيمه كنت حتحبه اوي والله
طلعت ظلماه اوي عارف مطلعش خوف زي ما قولتلك في الاول
اول ماشوفته كنت كل ما اشوفه قلبي بيخاف مش عارف ليه ويدق جامد كنت فكراه خوف وببعد عارف
طلع الخوف ايه طلع حب مكنتش اعرف انه حب تخيل
انا نفسي مش مستوعبه
انا بحبه اوي يا بابا ونفسي اكمل باقي حياتي معاه حجيلك قريب انا وماما
تصبح ع خير ب حناااااام باي
وقفلت ولسه حتنام رن تليفون*****
صقر رجع البيت ولسه حيقلع هدومه افتكر الجاكت قعد يضحك 😂
ومسك التليفون وكلمها : ينفع كده اروح من غير الجاكت بتاعي
مايا: لا مش حينفع خالص تعالي خده مستنياك متتاخرش (وبتتاوب عشان تنام) 🥱
سيباه مع ماما ها😂 انا حنام بقا
صقر : امممم شايفه كده يعني
مايا: ايون
صقر : خلاص بكره الصبح لما اشوفك لينا كلام تاني
تصبحي علي خير يا قلبي
مايا: تلاقي الخير يا حبيبي
ونامت
وقفل معاها وسرح فيها شويه ونام هو كمان
صباح يوم جديد ملئ بالتغيرات
صقر فاق بدري وكلم ماما مايا
ولبس ونزل راح لهم
مديحه : صباح الفل يا حبيبي
صقر:صباح الورد عليكي يا حماتي
مديحه :طلعه حماتي منك جميله زيك تعالي اتفضل تعالي الجاكت هنا حجبهولك مايا سابتهولي بليل لوجيت عشان ادهولك
صقر : لا لا انا عاوز الجاكت وال كانت لابساه كمان وضحك حنفطرو بره انا وهي بعد اذنك طبعا ونقضو باقي يوم سوا
مديحه: طيب ماتقعدو تفطرو هنا يابني وبعدين تنزلو كملو يومكو
صقر : معلش يا امي حابب اتكلم معاها فموضوع كده ونقضو يوم سوا
مديحه مبتسمه له :طيب حروح اصحيها
اقعد استريح
مديحه دخلت لمايا تصحيها : مايا قومي ياحبيبتي يلا صقر بره
يا مايا ايه النوم التقيل ده
يابت قومي الراجل بره مستنيكي
مايا مفتحتش فمها اصلا :ممممممم شويه شويه
مديحه :شويه ايه اصحي انا بقالي نص ساعه من قبل مايجي بصحي فيكي
مايا: عاوزه ايه يا ماما سيبني انام انا اجازه
مديحه :صقر بره مستنيكي يلا قومي اغسلي وشك واللبسي عشان نازلين يعني مش عارفه
مايا😳: صقر مين😇 اخ صقر
مديحه : والله يختي لحقتي تنسيه والله ل قوله
مايا: لا لا لا ماتقولوش يا ماما انا منستش كنت فاكره اني بحلم بس😊 خلاص قمت اهه ماتقولوش حاجه ليزعل
(واتكلمت نفسها وده زعله صعب اوي😍)
مديحه نظرت لها وضحكت وراحت تقعد معاه بره
مديحه :معلش اتاخرت عليك بس خلاص صحيتها نومها تقيل شويه
صقر ابتسم : براحتها
مديحه : اسكت دي صحيت بقولها قومي صقر بره بتقولي صقر مين وبعدين افتكرت وقالتلي ماتقولوش ماتقولوش حيزعل ههههههه
(صقر سمع كده ماشي يا مايا تنسيني كده وبتقوليلها ماتقوليش
عاوزه تهربي ماشي اشوفك بس)
صقر ضحك معلقش: ههههه
(كان صقر قاعد علي كنبه الانتريه امامه يشوف باب اوضتها) لمحها فتحت الباب وطلعت تجري ناحيه الحمام (ابتسم) وشويه لمحها بتجري تاني رجعت الاوضه وغابت شويه وطلعت لهم مبتسمه :صباح الورد
ردو الصباح صقر ومديحه نفس الوقت
مايا :انا خلصت
صقر : يلا بينا
مديحه : خلو بالكو من نفسكو يا ولاد
صقر : متقلقيش يا امي مع السلامه
ونزلو سوا وشبكو ايديهم
صقر :واحشتيني
مايا : انت اكتر
رجع نظر لها :حنكدب
مايا مستغربه : حكدب ف ايه
صقر : يعني صحيتي نسياني وكده🤨
مايا لحقت تقولك ماشي يا ماما منبهها :سكتت
صقر فهمها:هههه حماتي حبيبتي
مايا: انا كنت فاكره اني فحلم لحد مافوقت ولقيت انه حقيقه مقدرش انساك طبعا
صقر: برده زعلت
يلا نركب ونحل الموضوع ده فطريق
وركبو فكري حتصالحيني ازاي لحد مانوصل
وساق لحد ما وصلو كافيه ع البحر
ها وصلنا حتصالحيني ازاي بقا يلا مستنيكي
مايا :حتستنا كتير كده يلا بقا عشان جعانه اوي هههههه
صقر : حتضحكي عليا زي المره ال فاتت يعني
طيب انا عاوز بوسه هنا (وشاور علي خده)
مايا برقت: انت بتحلم اكيد صح طيب احلم بقا براحتك انا حسبقك ع كافيه (ونزلت وسابته)
صقر :ماشي يا مايا يامغلباني بس بحبك برده
ونزل
وقعدو وطلبو فطار وخلصو
صقر : مايا
مايا: نعم
صقر: ممكن اطلب منك طلب
مايا: لو نفس الطلب ال طلبته واحنا فالعربيه ماتطلبوش احسن ومتتكلمش معايا فالموضوع ده تاني عشان مزعلش منك
صقر هههههه: لا لا كنت بهزر وقتها متافشيش كده
انا عاوز اتكلم معاكي في حاجه تانيه خالص بعيد عن الهزار
مايا : اكيد اتفضل
صقر :هو طلب الصراحه
مايا استغربته :سمعاك اتفضل
صقر اخد نفس :
مايا بصي انا كنت حابب ال حتكون شريكه حياتي ماتكونش بتشتغل لان انا ال حكون مكفي بيتي كله وحكون موفر لها كل ال تطلبه
فمفيش داعي انك تشتغلي وتتعبي نفسك وترهقي نفسك وتكوني تحت اماره حد انا عاوز راحتك فهماني . (لما لاقاها مفيش رد فعل وساكته قلق حب يطمنها وكمل) وياستي لو عاوزه تكملي شغل انا ممكن اوفرهولك انا بطريقتي
لكن سيبي عند حسام واشتغلي معايا في شركتي الخاصه مثلا علي الاقل تكوني جنب مني (سكت وبينظر لها مش قادر يفهم سكوتها ومنتظر ردها) ايه رايك ؟؟؟؟؟
سكوت مايا كانت بتتكلم نفسها ((مايا بتسمعه وساكته متخيلتش انه حيكلمها فموضوع الشغل مع انهم نبهوها حسام وماما طيب اجبهالو ازاي اني مش حينفع اسيب الشغل مع حسام مش حينفع اقوله اني بدفع بمرتبي قسط عربيتي طيب حسيب الشغل ازاي معاه مش حينفع خالص اسيبه ولو اشتغلت معاه حقوله ازاي هات مرتبي عشان ادفعه للعربيه اف بقا ايه حيره دي
اتنهدت))
مايا اتنهدت: انت فاجأتني باالموضوع ده بجد مكنتش عامله حسابه ليه
صقر: حساب ايه يا مايا ال موضوع سهل مفيهوش حساب وتفكير لكل ده و لو مصممه علي الشغل تعالي اشتغلي معايا بس كده
ولو محرجه تكلمي حسام انا ممكن اكلمه مفيش مشكله
مايا رددت بسرعه قلقت صقر من سرعتها: لا لا لا ماتتكلمش حسام فحاجه !!!!
بس انا اصلا مش عاوزه اسيب الشغل عند حسام افهمني انا مصدقت لاقيت نفسي وكياني في الشغل وهما ساعدوني بكده ومرتاحه للشغل هناك واخد علي مكان كمان والموظفين
انا مش عاوزه الصراحه اسيب الشغل معاه( مش عارفه اقول ايه يارب مايضغطش عليا اكتر من كده)
وطالما انت معندكش مانع اني اشتغل مش حتفرق بشتغل فين معاك او مع غيرك وحسام مش غريب طبعا
صقر ملاقاش سبب مقنع لكلامها كله ومرتحش لتمسكها لشغل مع حسام ورفضها الغير مقنع انه يكلمه هو ويقوله !!
اتنهد صقر لما حس ان في سبب اخر مش عاوزه تقوله
صقر : هو ده بس السبب ال مخليكي متمسكه بشغل معاه
مايا : اه ياصقر انا قولت كل حاجه انا مرتاحه للشغل عند حسام مش اكتر
صقر حاول يمسك نفسه ليتعصب مش قادر يقتنع بسببها : طيب يا مايا ده اول طلب طلب اطلبه منك انك تسيبي الشغل عنده وتشتغلي معايا علي الاقل نكون سوا وجنب بعض
ولو محرجه تكلميه اكلمه انا ونبعد اي احراج ليكي
مايا برده ردت بسرعه اول ما قال يكلم حسام خايفه يقوله علي قسط ومحرجه حتدفع القسط ازاي : قالت كلمه ( لا ) باندفاع واضح
من فضلك سيبني علي حريتي وماتضغطش عليا اكتر من كده
صقر جاب اخره خلاص
شاور للجارسون علي الشيك (قفش) مره واحده : يلا بينا
مايا حست انه اتضايق اوي واتضايقت
👇👇👇👇👇👇👇👇👇👇👇👇👇
الفصل 19 قبل الاخير
صقر ساكت طول الطريق منطقش سامعها بتتكلم وبتنادي عليه وسرحان وفي دماغه الف سيناريو وسيناريو
تخيل انهم شدو جامد واتعصب عليها وزعق وهي انهارت وجرت منه داخل العماره وشافها وهي واقفه مطلعتش وباعد شويه عن البيت لاقاها نزلت تاني لوحدها بتمشي وتبكي فالطريق وتخيل انه لو مكنش شافها
كانت نزلت لوحدها وحصل لها ايه حاجه كان وقتها ندم ندم عمره
لكن نفض الافكار دي كلها واخد نفس طويل وخرجه وحينفذ ال فدماغه لكن بوقته !
ورد عليها
صقر : نعم يا حبيبتي بتكلميني
عند مايا
طيب اقوله ايه انا مش عاوزاه يضايق مني :صقر
مردش ! واخدت وقت ونادت تاني !
مايا:صقر
صقر: نعم يا حبيبتي بتكلميني !
مايا: انت مش مضايق مني صح
صقر اخد نفس: ده شئ يرجعلك انتي يا حبيبتي انا عاوز اريحك مش اكتر
مايا : طيب مش بترد عليا ليه في الاولو مشينا ليه بدري من كافيه مره واحده
صقر ابتسم لها : معلش سرحت شويه بفكر حنروح فين ولا مش عاوزه تتفسحي
مايا اخدت نفس وحمدت ربنا انه مزعلش : اكيد طبعا حتودينا فين بقا
صقر : انتي نفسك تروحي فين
مايا: امممم نفسي اروح الملاهي واكل ايس كريم و وادخل السينما في فيلم جديد نفسي اشوفه و**
صقر ضحك عليها :ههههههه ايه كل ده وايه كمان قولي قولي بهزر طيب ايه رايك نروح نركب يخت زي المره ال فاتت
مايا : الله ياريت بجد ده كان يوم جميل جدا جدا وانبسط جدا
صقر : يبقا يلا بينا
وذهبو لتقضيه باقي اليوم في اليخت وراحو سينما واتغدو ورجعها البيت بليل
مايا قبل ماتسيب صقر وتطلع : بجد مبسوطه اووي انهارده كان يوم جميل جدا والاهم انك معايا فيه وياريت متكونش اضايقت مني
صقر: وانا كمان نفسي افضل معاكي وعنري ما ازعل منك
حكلمك اول ما اروح
مايا : ماشي سلام
صقر : سلام
وطلعت ورجع صقر البيت واتكلمو شويه وهزرو ونامو
تاني يوم صقر كلم حسام
صقر : ازيك اصاحبي عامل ايه
حسام: اهلا بعريسنا مبروووووك معلش مجتش فرصه اباركلك
صقر : ولا يهمك يا حبيبي بقولك فاضي بعد الشغل اجي اقابلك في موضوع كده عاوز اكلمك فيه
حسام : افضالك يا باشا وبعدين ماتجيش انا ال حجي عشان عربيه مايا عندي وكنت قايلها اني حجبهالها فكنت حجي اوصلهالها لحد البيت
لو كده اعدي عليك ونقعد في اي مكان
صقر : تمام ماشي
حسام : خلاص حكلمك اول ما اوصل
صقر تمام حبيبي مع السلامه
وقفل وعمل مكالمه ل مايا
صباح الورد حبيبي
مايا: صباح الفل يا عمري
صقر: عارفه لو كنتي قدامي دلوقتي كنت عملتلك ايه
مايا: اممممم ايه ولا تقدر تعمل حاجه هههههه حهرب كالعاده
صقر : كل حياتك هروب كده
مايا: بهرب في حجات حجات في الحجات ال مش بتعجبني بس
صقر : انتي اهربي وانا حخطفك راكبين علي بعض صح
مايا ههههه : تصدق فعلا
حتعمل ايه انهارده
صقر : حروح الشركه شويه اخلص بعض اوراق واشوف العمال في الموقع اتابع معاهم وارجع علي الشركه تاني
مايا : تمام انا انهارده حخرج شويه كده انا وماما رايحين مشوار
صقر : مشوار ايه ؟
مايا : حنروح نزور بابا
صقر : لوحدكم !
مايا :اه فيها حاجه
صقر : لا طبعا ماترحوش لوحدكم
مايا : مش حنتخطف متقلقش هههههه
صقر : بتكلم بجد استني اخلص شغل في الشركه علي السريع وانا رايح الموقع اروح معاكم وبعدين اروح ع الموقع
مايا : مش عاوزين نتعبك
انا مستنيه حسام يجيبلي عربيتي من هناك لاني محتجاها اوي مش عارفه اتحرك من غيرها
صقر : انتي تعرفي تسوقي اصلا
مايا : امال شرياها اللعب بيها اكيد بعرف وبعدين حسام علمني اول ما اشتريتها مره ف متقلقش افتكرت يعني حعرف ان شاء الله
صقر : انتي بتستعبطي يا مايا عاوزه تركبي عربيه وتسوقي لوحدك من مره واحده بس
مايا : يابني انا كنت بعرف اسوق من زمان بس كنت محتاج افتكر وحسام فكرني خلاص
صقر نفخ :حسام حسام هو مفيش غيره ال فكرك يعني من المره دي
مايا حست انه غيران من حسام انه هو ال علمها مره : اممم غيران يا بيبي
طيب ايه رايك علمني انت كمان
صقر : افكر 🤨
مايا : والله 🤨
طيب خلاص فكر براحتك انا حخلي حسام لما يجبلي العربيه انتهز انه هنا وحنزل يعلمني تاني🤨
صقر : علي الله والله انا ال حعلمك بس فاهمه
مايا مقدرتش تمسك نفسها : ههههههههه ما كان من الاول
صقر : اضحكي اضحكي
اما اشوفك بس !
مايا : افكر
صقر : بتردهالي
مايا :ايون 😂
صقر : طيب يلا انا وصلت الشركه اجهزو انتو وانا حخلص بعض الاوراق واكلمك اقولك اني جايلكو..
مايا : حاضر
مع السلامه
وقفلت راحت لمامتها تبلغها تجهز نفسها
وعدي ساعه وصقر وصل واخدهم وراحو كلهم زياره والدها في المقابر
قعدو شويه ورجعهم البيت تاني
مديحه : تعبناك يا بني معانا
صقر: مفيش تعب يا امي تعبك راحه
مديحه :شكرا يا حبيبي طيب اطلع شويه
صقر : معلش ورايا شغل لازم اخلصه حجي مره تانيه
مديحه : طيب يابني مع السلامه يلا يا مايا
مايا : مع السلامه .
صقر" بعتلها السلام وقالها حكلمك
ورجع تاني للشغل لحد ما حسام كلمه قاله انا فطريق حروح بس اوصل العربيه ل مايا واجيلك
صقر : بص بلاش مايا الاول عدي عليا انا الاول وبعد ما نخلص نودي العربيه ل مايا بعد كده
حسام : تمام ماشي قدامي عشر دقايق واوصل تحب نتقابل فين
صقر قاله علي اسم كافيه : انا حستناك هناك
حسام : تمام
حسام وصل الكافيه لاقي صقر مستنيه وقفو سلمو علي بعض وقعدو
حسام :خير يا صاحبي في مشكله في الشغل ولا ايه قلقتني
صقر : لا موضوع بعيد عن الشغل،تمام
حساب مستغرب مقابلته ومش للشغل كمان اكيد مايا : امال !
صقر : مايا مكلمتكش في حاجه امبارح او انهارده
حسام اتاكد ان في حاجه : لا مايا اخر يوم شوفتها يوم ما جات المكتب ومقعدتش كمان مشيت علي طول خير في مشكله بينكو.
صقر : مش مشكله بظبط لكن مستغرب رده فعلها وقولت اسألك ؟
اتكلمت معاها انها تسيب الشغل عاما ولما لاقيت ترددها !
قولتلها اشتغلي عندي ولو محرجه من حسام اكلمه انا !
كان رد فعلها غريب جدا واسبابها مش مقنعه خالص
حسام : والله قلبي حاسس ويوم ما جت اتفاجأت بوجودها قولت اكيد مش حتوافق تكمل عندي في الشغل
حسام فهم ليه عملت كده وقعد يضحك كتير 😂: هاهاهاهاها والله مايا دي الله يكون فعونك بجد
صقر استغرب ضحكه مش فاهم حاجه : بتضحك ليه يابني مش فاهم حاجه
حسام : بص يا سيدي مايا اشترت العربيه دي قسط وبتدفع الاقساط من مرتبها وبتتحصل تلقائى كل شهر فاكيد عشان كده رفضت تسيب الشغل واكيد مرضتش انت تكلمني عشان مقولش طبعا وانا اتوصيت ههههههههه
صقر سرح :اممممم عشان كده بس ماشي يا مايا ده سبب عادي مكبره موضوع ليه منا قولتلها اشتغلي معايا !
ورفضت
حسام: اكيد اتحرجت منك تشتغل معاك ومرتب وكده مايا من ناحيه ماديات بتتحرج جدا دا انا يومها ال اقترحت عليها وحاولنا انا ونيرمين معاها لحد ما وافقت كانت حتقسط للمعرض وانت عارف فوايدهم
انا دفعت لها حق العربيه وقولت تقسطه من مرتبها براحتها
صقر:كلام زي الفل لكن انا مبقتش غريب دلوقتي
صقر : هي كم ثمن العربيه كلها ؟
*حسام قال علي المبلغ*
صقر طلع دفتر شيكات: تمام اوي كده امسك الشيك ده وكده يبقاخلاص ولا ايه !
حسام:اه كده خلاص الورق كله معاها اصلا
صقر : تمام وعاوزك لما تيجي تستلم الشغل من اول الاسبوع الجاي تعمل ال حقولك عليه كالاتي*******؟
حسام مكنش حابب الفكره: بس كده حتزعل مني انا
صقر : متقلقش حتصرف انا
حسام: طيب اروح اوصلها العربيه عاوز مني حاجه تاني
صقر : لا بس ماتتكلمش معاها في حاجه تمام
حسام : تمام سلام
وصل حسام تحت بيتها وكلمها يشوفها فين
مايا: اطلع يا حسام ماما عاوزه تسلم عليك
حسام :حجي لها مره تانيه والله مشغول يدوبك حرجع عشان الشغل سلميلي عليها انتي بس وانزلي خدي مفاتيح بسرعه
مايا : حاضر حاضر سلام
ونزلت وسلمت عليه واستلمت مفاتيح
وحسام عشان متكلموش فحاجه عمل نفسه مستعجل ومشي بسرعه
حسام :مفاتيحك اهي وعربيتك اهي سلام عشان مستعجل اطير انا واتحرك قبل ماتكلمه
مايا: طيب ااا ا مشي بسرعه ليه كده ملحقتش اكلمه حتي وتممت علي العربيه وغطيتها وطلعت
وكانت هلكانه من مشوار الصبح واستنت مكالمته واتكلمو ونامت
رجع صقر البيت وسرح مع نفسه شويه وابتسم ماشي يا مايا بقا هو ده السبب رفضك اممم بس لازم انتي برده ال تقوليلي بنفسك بقا مكسوفه مني انا
اه لو تعرفي انتي ايه بالنسبه ليا بس ماشي بكره حتعرفيني واتصل عليها واتكلمو شويه ونام
وخلال الثلاث الايام صقر بعد الشغل بينزل يعلمها في العربيه شويه مع ضحك وهزار وتقربو لبعض اكتر
لحد ما ابتدت تسوق لوحدها وصقر شاف سواقتها كويسه اطمن عليها
واتفقت معاه انها حتروح الشغل من اول بكره وحتروح لوحدها بالعربيه
وصقر : طيب كلميني قبل ماتنزلي برده
مايا : تمام ماشي يلا سلام وسابته
وطلعت
وكلمت نيرمين اطمنت عليها وعلي احوالها ومبسوطه جدا فحياتها الجديده
وكل شئ مستقر الي ان جاء يوم نزول مايا العمل
قبل ماتنزل
كلمت صقر مش بيرد
مايا : خلاص بقا انا كنت قايلاله من بليل كده كده
ونزلت راحت الشغل عند حسام اول مادخلت مكتبها اتفاجأت !!
بوجود واحده تانيه علي مكتبها
مايا: انتي مين
البنت: حضرتك عاوزه مين انا السكرتيره الجديده ايه خدمه !
مايا هو لحق يجيب سكيرتيره جديده
مايا للبنت :ممكن ادخل لاستاذ حسام
البنت : ثانيه واحده حبلغه
وعملت مكالمه واذنلها بدخولها
البنت: اتفضلي
دخلت مايا مش فاهمه حاجه
حسام وقف : اهلا اهلا مايا ازيك عامله ايه اتفضلي
مايا بتشاور للباب : مين ال بره دي
حسام عمل حاجه في تليفونه من غير ما مايا تاخد بالها !
حسام : مايا انا مش عارف اجبهالك ازاي بجد انا كان عندي ازمه في الشغل كبيره جدا واضطريت اطلب سكرتيره جديده والدي رشحهالي وجت من ثلاث ايام
لكن اول ما حلاقي*****
قطع كلامه جرس تليفون السكرتيره بتبلغه بدخول شخص ما ! تمام خليه يدخل
بعد قليل خبط علي باب
حسام : ادخل
ودخل صقر
كل ده ومايا مندهشه وساكته ملاحقتش ترد علي حسام ولقت صقر امامها لحد ما استوعبت نفسها وبتحاول تفهم الوضع ايه؟
حسام : صقر خير في ايه السكرتيره بره قالت انك عاوزني في حاجه مهمه خير
صقر : مايا انتي هنا امال مين ال بره دي بتعمل ايه !!
حسام : انتو مش جايين مع بعض !
صقر : لا انا كنت في الموقع من بدري العمال كلموني في مشكله في المعدات كنت جايلك تحلها لان الشغل واقف هناك ومتعطل
حسام : حكلملك المهندس المختص ويتواصل معاهم
وكمل صقر مندهش :
مالك يا مايا في ايه
وجه كلامه لحسام : مالها يا حسام انا جيت قولت حشوف مايا لكن ملاقتهاش ولاقيت واحده تانيه في ايه حد يرد عليا
حسام : انا اسف بجد والله ياصقر اضطريت اوظف حد مكان مايا في غيابها لان كان عندي مشكله
لكن انا كنت لسه حقولها اول ما المكان يكون فاضي حكلمها ع طول
ها يا مايا قولتي ايه
صقر : تقول ايه في ايه بظبط ! مايا مكانها عندي في الشركه ومن دلوقتي كمان
ماتتكلمي يا مايا !
مايا حست انها في فيلم هندي بيكلمو وبيردو علي نفسهم واضايقت من موقف حسام اوي ونفس الوقت حسمت الموضوع
مايا : ماتتعبش نفس يا حسام مفيش اي مشكله
حسام : يعني مش زعلانه مني بجد
مايا : اكيد لا الشغل مفيهوش زعل
و كل واحد بياخد نصيبه
بس في حاجه كده (وطلعت من جيبها مفاتيح العربيه وسابتها علي المكتب):
خليها معاك وقت ما اكون مستعده حخدها منك تاني
بعد اذنك ومشت طلعت بره الشركه كلها وصقر راح وراها وبينادي عليها استني يا مايا تعالي اركبي معايا
وركبت جانبه وساكته مش عاوزه تتكلم
( رن تليفون صقر كان حسام
رد عليه صقر ومكنش مبين انه حسام ال بيتكلمه)
شوفت مش قولتلك حتزعل مني واهي سابت العربيه كلها كمان اتصرف يا صقر لوسمحت انت السبب فكل ده انا مكنتش موافق من الاول
صقر:حاضر حاضر حتصرف سلام دلوقتي
صقر اخد نفس وخرجه
صقر : مالك يا مايا ساكته ليه اتكلمي
مايا متزعليش من حسام اكيد كان مضطر يعمل كده مش بمزاجه وانا يا ستي محتاجك معايا فعلا في الشركه
ولو تحبي من دلوقتي كمان انتي بقيتي مساعدتي الخاصه خلاص
مايا اتنهدت: شكرا ياصقر بجد لكن مش محتاجه اشتغل في الفتره الحاليه خلاص وسكتت
صقر مصمم برده انها تحكي له كل شئ وماتخبيش عليه حاجه :انتي ليه سيبتيله مفاتيح العربيه منه وقولتيي مش محتجاها خلاص في ايه مايا
اتكلمي يا مايا
مايا اتنهدت :
مايا : مش زعلانه من حسام بجد والله ياصقر عادي كل واحد بياخد نصيبه
لكن ليه استني لما اروح ويقولي ما كان قالي لما جالي من يومين او ف تليفون حتي بدل الاحراج ده كله
(وحكيتله علي موضوع دين ال عليها لحسام )وانا اول ما اكون مستعده حخدها منه تاني عادي يعني الموضوع خلص
صقر : ومحكتليش ليه يومها عن الدين ده لما كلمتك
مايا : مش عارفه مكنتش حابه ادخلك في حجات تافهه زي دي وسكتت
مايا (وحبت تغير الموضوع)ها حتفسحني فين انهارده
صقر حس انها بتتحرج فعلا من كلام ده وبتغير فالموضوع : ال تامر به اميرتي وانا تحت امرها
مايا : بس انت عندك شغل اكيد مش فاضيلي
صقر : حلغي كل مواعيدي استني كده (وعمل مكالمه للسكرتاريه يلغي كل مواعيده انهارده)
ها مبسوطه كده تحبي نروح فين
مايا : الملاهي بقا.
صقر : بس كده عيوني
مايا :قعدت تقول ياس ياس و تصفق👏🏻
صقر استغرب تغير حالها بس مبسوط جدا انها كلمته وقالتله ال جواها وحيعمل لها مفاجأه قريبا جدا وقعدت يضحك عليها
مايا قررت انها متزعلش ولا تضايق خلاص ملهاش نصيب الحمدلله علي كل شئ
ويوم ماتكون مستعده حتكلمه وتستلمها منه اي وقت
وقررت تنبسط مع حبيبها وبس
وصلو الملاهي وكانت مايا فرحانه اوي ركبو جميع الالعاب و
ركبت لعبه سباق السيارات هي وصقر وكل شويه تروح وتيجي تخبطه ويضحك عليه
كل ما يحاول يبعد عنها عشان ماتصطدموش تيجي وراه وتصدمه وتطلعله لسانها 😛 استحلفلها قام طلع يجري وراها ومره واحده صدمها اتهزت جامد بصت لاقيته هو قعدت تضحك ولسه حترد الضربه وقف السباق نزلت متغازه منه كده يعني
صقر ضحك عليها : هههههه ما انتي ماسبتنيش من اول ما ركبنا انا صدمتك مره واحده بس يا مفتريه
راحت عشان تركب لعبه تانيه لكن صعبه جدا
صقر قالها بلاش دي يا مايا حدوخي وصعبه عليكي اوي
مايا مسمعتش كلامه : مفيش حاجه صعبه عليا ( وقالت عشان تغيزه) ولا خايف !
صقر : خايف ! طيب يلا وحنشوف مين ال حيصوت ويخاف 🤨
وطلعو وياريتهم ما طلعو😂
اللعبه عباره عن صاروخ عااالي جدا بيطلع ببطئ لحد فوق وبيقلبهم راسهم تحت ورجلهم فوق ويعدلهم تاني وينزل بيهم تحت ويطلع بسرعه ويلفهم ويدور بيهم بسرعه جدا
ركبو جنب بعض
ها مستعده
مايا : اكيد
وجا واحد يتمم علي اربطه الاحزمه ويشدها بيشوفها تمام
وجا عند مايا صقر مرضاش هو يربط لها قام صقر ولابسها وتمم عليها هو وقعد
والراجل اتاكد من كلهم تمام
وشغل اللعبه
اول ما اللعبه اشتغلت صقر وضع ايده علي ايديها بيطمنها
وطلعو لفوق وبدا الصويت العالي ومايا مغمضه عنيها جامد
وصقر كل مدي ما بيضغط علي ايديها خايف عليها اوي واول ما طلعو فوق واتشقلبو صوتو جامد بدات مايا تفقد اعصابها وتصرخ جامد مع اصوات الاخري صوتها مش باين اصلا
(مكنتش فكراها كده كانت فكراها بتطلع فوق وتنزل فقط)
واتعدلت وبدات تنزل تحت بسرعه وتطلع فوق بسرعه وتدور جامد
مايا من كتر الصريخ واللف الكتير داخت معندهاش طاقه اكتر نفذت طاقتها(وكمان مكنتش فطرت)
كل ده ماسابش ايديها مسكها لكن حس ان ايديها ثلجت بص عليها لاقاها رجعت راسها لقدام ومش بتنطق اتجنن عليها
ولحسن حظهم كانت اللعبه خلصت
ونزلو لتحت قعد يزعق في الراجل عشان حد يفكو بسرعه عشان يلحقها
وراجل جاله وفكه وقام بسرعه اتزن نفسه شويه وراح فككها وبيضرب علي وشها مايا خلاص نزلنا فوقي يلا ويضربها يمين شمال مفيش فايده قام شالها وجري بها لحد
العربيه وجاب مياه وحاول يفوقها وجاب برفن حاول يفوقها لحد ما فاقت مسكت دماغها : اه مش قادره
صقر :مايا انتي كويسه ! قولتلك بلاش انتي ال صممتي عجبك حالك دلوقتي
مايا ابتسمت له وبصوت مبحوح: انا كويسه خلاص ممكن تروحني
صقر: متاكده انك كويسه
مايا : اه كويسه بس انا عاوزه انام (وغمضت عنيها ونامت)
صقر قلقان عليها
قعد يفوق فيها ونفخ ومشي بالعربيه لحد ما وصل سوبر ماركت ونزل اشتري عصير و حلويات كتير ورجعلها تاني فتح ازازه العصير ومسكها قربها عليه وحضنها وحاول يشربها شويه من العصير ويفوقها : مايا مايا
شربها شويه كمان لحد ما فتحت عنيها لقت نفسها قريبه منه جدا تاهت في عينيه شويه وحاولت تبعد
صقر :الحمدلله فوقتي وعدلها تاني مكانها وعطالها باقي العصير : يلا اشربي ده كله
مايا بتبعد العصير : لا مش عاوزه مليش نفس
صقر : وبعدين معاكي بقا اسمعي الكلام يا مايا بدل ما حشربك بمعرفتي انا وغمزلها😉
مايا سمعت كده : ها لا لا هات واخدت العصير منه وقعدت تشربه لحد ما خلصته كله : اتفضل اهه
صقر : انتي فطرتي !
مايا : الصراحه لا
نزلت علي طول ملحقتش افطر كنت حطلب حاجه من البوفيه وحصل ال حصل ومشيت ونسيت بعد كده
صقر قرب لها كيس الحلويات كله : ماشي طيب امسكي كلي دول
مايا 😯: ايه كل ده بص انا شربت العصير بالعافيه مش عاوزه اكل بجد لو جعت حاكل اوك وابتسمتله
(وفتحت الشباك لقت الجو بدا يمطر فرحت اوي)
صقر : ماشي براحتك بس اقفلي الشباك ال جانبك عشان الجو قلب ويلا بينا نروح انتي شكلك تعبان
مايا : لا لا لا والله بقيت كويسه خالص ولو عاوزني اكل اهه (وفتحت شوكلاته واكلتها قدامه) : بص شوفت
بس استني شويه كمان عشان خاطري ماتمشيش انا بحب الشتا اوي انا وعاوزه انزل بليز
صقر ضحك عليها : طفله والله حتنزلي فين يامجنونه الدنيا بتمطر لا طبعا ولسه بيمد ايده يقفل لوك العرييه
مايا كانت فتحت الباب : انا بحب الجو ده اووي وفتحت العربيه ونزلت جري
صقر :مجنونه البت دي والله
ونزل وراها عشان يلحقها
مايا اول ما نزلت داخت شويه ولحقها قبل ماتقع
صقر : شوفتي لسه تعبانه يلا يلا اركبي
مايا : لا لا استني بس وسابته وفرحانه اوي المكان تحفه (المعموره)
وقعدت تلف وتدور وفرده ايديها والدنيا بتنزل نقط مياه مكنش في حد كتير وقتها فشارع
وهي بتلف راح صقر اخدها فحضنه وشالها ولف بيها وقعدو يضحكو هما الاثنين
مايا خافت في الاول تقع ومسكت في رقبته وقعدت تضحك وهو يضحك : مجنونتي بحبك
لما بدات تشتي جامد جري بها لحد العربيه وركبها ولف ركب وهما بيضحكو: عجبك كده اتغرقنا
مايا : ههههه مبسوطه اوي اوي اوي
صقر : وانا مبسوط معاكي اوي اوي اوي و كفايا عليا اشوف ضحكتك دي بس
مايا : انت جميل اوي يا صقر (ونزلت عينيها تحت وقالت بكسوف وصوت واطي)وبحبك قوي
صقر : يااااااه امتي بقا يجي اليوم ال اخطفك فيه بعيد عن الناس دي كلها ونكون مع بعض
مايا اتكسفت اوي وساكته
صقر : هانت كلها ثلاث شهور
مايا بدات ترتعش لان ملابسها اتبلت ولفتت نظر صقر فاتحرك بالعربيه بسرعه
صقر : انا خايف عليكي انتي كويسه
مايا بصوت مرتعش : أ أ اه بس عاوزه اروح
صقر : ماشي حروحك شوفتي اخره جنانك ايه
مايا ابتسمت له وساكتت
وصلو البيت وطلعها لحد فوق
اول ما مديحه فتحت الباب : هي شتت عليكو ادخلو ادخلو بسرعه قبل ماتمرضو
صقر: لا دي بنتك المجنونه اول ما بدات تمطر نزلت جري فشارع ولحقتها بالعافيه
مديحه : ادخلي غيري بسرعه
مايا:حاضر ولسه حتدخل رجعت !
مديحه : وانت كمان يلا ادخل غير هدومك حجبلك هدوم من حجات عماد يلا
صقر : لا لا انا حمشي
مايا كانت لسه حتدخل الاوضه رجعت لما سمعته وبيقول لا حمشي رجعت تاني ليهم : لا خليك قاعد معانا انهارده
مديحه: حتزعلني منك كده وتزعلها
صقر: لا مقدرش طبعا علي زعلكو
خلاص حقعد بس يلا ادخلي غيري بسرعه
مايا ابتسمت ودخلت بسرعه
مديحه:تعالي اوريلك اوضه عماد وغير هدومك بسرعه
مايا غيرت هدومها وحست انها بتترعش جامد وسقعانه دخلت جوه بطانيه تدفي مديحه لاقتها اتاخرت وصقر خلص ومستنيها بره
مديحه :حدخل اشوفها واجي
دخلت لاقتها نايمه
مديحه: انتي يابت سايبه الرجل بره ونايمي قومي اقعدي معاه انا بجهز الاكل
مايا: مش قادره بجد يا ماما انا سقعانه اووي
مديحه جست علي دماغها : امممم انتي سخنه اوي
استني اقوم اجيبلك حاجه اعملك كمادات بيها في حد يعمل ال تعمليه ده
مايا :همممم اممممم
طلعت بره لصقر شوفت قلبي كان حاسس والله سخنه مش قادره تقوم حروح اعملها كمادات
صقر : طيب ممكن ادخل اشوفها
مديحه: ادخل وانا حجيبلها