موجوع قلبي💔
› الفصل الثالث........... والرابع عشر
بقلم #شروق مصطفي
ترك المكان باكمله وبداخله بركان لو اندلع لاحرقهم جميعا
وركب السياره سريعا وانطلق وتحرك بعيد يفكر في شئ ما ويرتب لمقابله غدا !
ومازال بداخله صراعات ويتوعد لها :برده مسمعتيش الكلام يا مايا
وبتعانديني ولا فارق معاكي كلامي كمان
غلطتي في الاول اني لما سيبتك اول مره فكرتي اني باعد عنك وبتعملي ال علي هواكي
وانا عديتلك كتيير كتيررر اوووي
لكن انا جيت ووقت الهروب انتهي وجا وقت الحساب
كل هذا بيدور داخله
قام بعمل مكالمه تليفون واتفق علي مقابله شخص ما ! ؟؟
وذهب لمكان لمقابله هذا الشخص ! ؟؟؟؟ وتمم المهمه الاولي بنجاح
واتجه ليبدا بتنفيذ باقي
خطته !
ذهب ليحجز مكان المقابله عشاء العمل واختار مطعم معين ! يكون مناسب لتنفيذ خطته !
*اختار مطعم من ضمن سلسله مطاعم قام هو بتصميمها ومساهم اكبرفيه*
وتم حجز المكان واتفق مع مقدم الطلبات(جارسون) علي شئ ما ! سوف يبلغه يومها
وتحرك لمكان اخر ليكمل باقي الخطه !
تمم علي كل شئ وتحرك
عمل مكالمه لياكد حضور حسام غدا في العشاء
في الكافيه
نيرمين: ايوه بقا اللعب حيحلوو اوووي ها ناوين علي ايه و حتعملو ايه !
حسام بص لنيرمين وابتسم بخباثه ونظر ل مايا: سيبي الموضوع ده عليا ولا ايه
اقولها كنتي عاوزه ايه من يومين😉
*اليوم ال اقترحت عليه يرقصو و يلبسو نفس اللون في الفرح عشان تعمل مقلب فخطيبته*
مايا فهمت بيتكلم عن ايه :
احم قلبك ابيض 😂 انت شكلك ناوي لي جامد اوي
نيرمين : ولا فاهمه منكو حاجه
المهم ظبطيه في الاول كده خليه يلف حولين نفسه
يومين كده بس مطوليش عليه
وبعد كده لازم تتكلمي معاه
اوعي تسيبيه كده يا مايا اوعي لازم يعرف الحقيقه ومنك انتي ولو وصلت سامعيه بنفسك التسجيلات
متعرفيش اخره العصبيه دي ممكن توصلو لايه !
وخصوصا انه متمسك بيكي اوي وبيحبك بجد واتفق مخصوص مع شركتنا عشانك فما تخسروش سامعه!!!!
او ممكن يزهق منك ويقتنع ان فعلا مرتبطه فعلا ويبعد عنك نهائي
اديله فرصه تتكلمو سوا ولو فتح حوار معاكي اتكلمي معاه فاهمه اتكلمي ابوس ايديك🙈 قولها حاجه يا حسام دي عناديه وممكن متتكلمش اصلا !
حسام: عندها حق نيرمين يا مايا مش حينفع نطول في اللعب معاه بعيد عن شغلنا انه ممكن يتاثر
انك فعلا ممكن تخسريه وللابد
وانا مش حرضي بكده ليكي يا مايا
خصوصا اني لاحظت نظراته ليكي فالاجتماع منزلهاش من عليكي
وصعب انك تلاقي حد بيحبك كده بجد
مايا سامعه كلامهم كله وردت بس علي حاجه معجبتهاش : اولا انا موافقه اتكلم معاه وافهمه سوء التفاهم ده
لكن ال مش موافقه عليه انه يسمع تسجيلات دي دي خصوصياتي انا
ومش من حقه
عاوز يصدق كلامي كان بها مصدقش براحته حعمله ايه
لكن مش حسمعه حاجه
يا يصدقني يا بلاش مش حتحايل عليه انا
انا كلمته قبل كده ومصدقنيش وده اخر ماعندي
نرمين حست انها *انفعلت*: اهدي طيب اهدي اكيد حيصدقك المره دي صح ياحسام
حسام : اكيد حيصدقك ان شاء الله بس اتكلمو بعقل بلاش قط وفار 😂
نيرمين:اه فعلا 😂
حسام : طيب يلا بينا بقا اتاخرنا علي الراجل كده نلحق المعرض قبل مايقفل
يلا يابنات
وقامو وحاسب الكافيه ومشو راحو المعرض واستلمو العربيه ولفو شويه بيها ووصلو نيرمين
نيرمين : مايا انجزي وانزلي مفضلش غير اسبوع ع الفرح
مايا: خلاص حسام يعلمني يومين دول انا بعرف اسوق اصلا لكن اول طالعه لازم حد جانبي
نيرمين : تمام يومين وانزلي بقا يلا سلام
سلام احسام
حسام: يلا اطلعي وانا واقف بسرعه
يلا يامايا نمشو اتاخرنا اوي
وركبو ورجعو بعربيه مايا
وسابو عربيه حسام عند المعرض
حسام وصلها عند العماره :يلا اطلعي انا واقف مستنيكي بسرعه يلا
مايا :شكرا بجد يا حسام علي عملتو معايا انت ونيرمين فكل حاجه من شغل و كشفتولي حقايق مكنتش شايفاها ولا كنت حشوفها وساعدوني فالعربيه كمان بجد انتم اكتر من اخوات
حسام: بتشكريني علي ايه حزعل منك بجد والله انتي زي نيرمين بظبط ويلا بقا اطلعي مش حينفع امشي غير لما تطلعي واطمن عليكي انك دخلتي البيت يلا يلا
مايا ههههه :حاضر حاضر
اشوفك بكره سلام
مديحه كانت متباعهم من فوق ودخلت تفتحلها الباب
اول مادخلت البيت:
ينفع كده يعني التاخير ده انا مش منبها عليكي الصبح
مايا داخلت البيت مبسوطه جدا : معلش بجد يا ماما انا انهارده مبسوطه اوي اوي وحضنتها
مديحه: ربنا يهنيكي يارب ياحبيبتي
مايا: معلش يا ماما بكره كمان حتاخر عندنا عشاء عمل مع صاحب الصفقه الجديده
بس انا بفكر اعتذر بكره لحسام ويروح لوحده !!!
مديحه ردت بسرعه من غير ماتاخد بالها : ليه ليه لا لا روحي روحي عشان تغيري جو
*مديحه لاقت نفسها اتسرعت وحتنكشف*:قصدي روحي وانبسطي وغيري جو
مايا استغربت اوي من تصميمها انها تروح : حاضر انا كنت بفكر بس
يلا تصبحي ع خير
*فلاش باك*
قبلها ب3 ساعات
رن تليفون مديحه:الو
:...................
مديحه:طبعا فكراك
:...............
مديحه :تنور موجوده طبعا مستنياك يلا سلام
فات وقت قليلا وحضر
اهلا يابني اتفضل نورتنا
صقر:نورك انتي يا امي حضرتك عامله ايه واحوالك ايه؟
مديحه: الحمدلله يابني علي كل شئ انت عامل ايه؟
صقر: انا مش كويس ابدا
مديحه:ليه يابني كده
انا عارف حضرتك اكيد بتسالي نفسك انا رجعت ليه دلوقتي ؟
مديحه: اه يعني
صقر اتنهد :انا اصلا مابعدش عشان ارجع اناكنت قريب وبعيد في نفس الوقت
انا بس كنت سايب لها مساحه تعيد حساباتها وتهدا لكن مش حقدر ابعد عن كده ولازم نتكلم وهي مش بتديني فرصه اتكلم وبتهرب مني ديما
مديحه: هي الحمدلله دلوقتي ونفسيتها بقت كويسه وبتخرج وطلعت من الحاله الاكتئاب ال كانت عايشه فيها يعني تقدرو تقعدو وتتكلمو وتتصافو لو فيه حاجه فاتت تتعالج
صقر : مش مدياني فرصه لسه والله يا امي وبتتهرب مني لحد انهارده
قابلتها في الشركه
وبرده مش مدياني فرصه اتكلم وبتعاند معايا وبتهزر مع ال اسمه حسام ده وبتعاندني اكتر
مديحه: حسام ده اخوها يابني متربين سوا زي اخوها بظبط هو ونرمين
لكن انت قابلتها فشركه ازاي ؟ وتعرف حسام منين؟
صقر : لا يا ماما مش زي اخوها انتي ماشوفتيش بيتعاملو مع بعض ازاي وبيهزرو ازاي وحذرتها منه وبتعاند برده 🤛
وعرفت حسام منين انا شركتي اخدت مناقصه توريد معدات خاصه بشركتهم وكتبنا العقد انهارده
فجيت انهارده اقترح علي حضرتك موضوع كده عاوز انفذه ومش حينفع غير بموافقتك !
مديحه: موضوع ايه يابني؟
صقر:كنت حابب اقعد انا وهي لوحدنا نتفاهم ونتكلم ونتعاتب ونتصافي من غير ماتهرب مني زي كل مره فكنت عازمهم بكره علي عشاء عمل احتفال بمناسبه كتابه العقد الجديد
*فانا حنتهز الفرصه دي وحنفذ ال********و************ ده
بعد اذن حضرتك طبعا وحجبهالك بنفسي لحد هنا
مديحه: مش عارفه اقولك ايه يابني والله بس أ
صقر :متقلقيش يا امي انا بخاف عليها اكتر من نفسي صدقيني حنتكلم بس
مديحه:طيب يابني حدهالك امانه وامانه عليك متتاخروش عليا
صقر: حاضر يا أمي بعد اذنك
*عوده من باك*
مديحه: يارب يعقلك يابنتي يارب ومتعانديش المره دي
عند مايا
دخلت الاوضه بتحاول تجمع نفسها وتعيد تفكيرها في صقر من جديد
هل انا معطتهوش فرصه فعلا؟
لكن هو مقاليش انه سامعني فمكالمه ال كنت بكلمها لو كان قالي وقتها اكيد كنت حقوله لكن ده داخل فيا شد وجذب وعصبيه وكلام وحش عليا خلاني ابعد واهرب واعند
هو غلطان برده مش انا ال غلطانه !
وانا قولتله الصراحه قبل كده ومصدقنيش برده ومحاولش يقولي وقتها حيصدقني دلوقتي لو قولتله
مش عارفه اعمل ايه مش عارفه
انا محتاره بجد انا حسيب الامور تمشي لوحدها وزي ماتيجي ولو فعلا بيحبني ويثق فيا يبقا لازم يصدقني من اول مره اه صح لازم يصدقني
ونامت من كتر التعب
صباح يوم جديد ملئ بالتحديات
مايا وحسام في المكتب
بيخلصو بعض الشغل
حسام : مايا نخلص ورق ال قدامنا ونمشي
مايا:بدري كده !
حسام: حنلف ساعتين بالعربيه بتاعتك وانا جنبك ونروح نستعد لحفله بليل
مايا : حسام انا مليش نفس اروح الحفله انهارده
حسام: احنا مش اتفقنا امبارح اننا نلعبو شويه انا وانتي ولا رجعتي في كلامك 😉
مايا اتحمست: لا طبعا مرجعتش دانا ناويه له 😂
حسام: ههههه ماشي
وبرده لازم تتكلمي معاه لحسن انا خايف علي نفسي منكم وانا مش مستغني عن نفسي اه انتي مش بتشوفي نظراته
مايا : حاضر حتكلم معاه يا حسام واخر مره حتكلم معاه في موضوع ده اخر فرصه حدهاله تمام كده
بعد اذنك .
(مايا بتكلم نفسها
اوف انا متاكده انه مش حيصدقني وحنرجع تاني ويعايشني في عذاب بجد تعبت بقا من حرق الاعصاب ده لكن انا قبل مايحرق اعصابي انا ححرق اعصابه الاول ماشي يا صقر اصبر عليا)
حسام كلمها بعدها :
حسام : يلا اجهزي حنمشو
مايا: جاهزه يلا
وخرجو وبدا يفهمها كم حاجه في السواقه ويعلمها وقعدو ساعتين ورجعو البيت يستعدو
عند صقر
الصبح راح الجيم لعب شويه ورجع يستعد وكلم حمزه وحسام يبلغهم علي الميعاد
في المساء
وصل كل من صقر وحمزه المكان وانتظرو في المكان المخصص الذي تم الحجز به صقر مسبقا
وفي انتظار وصول مايا وحسام
مايا استعدت ولبست فستان احمر سيمبل رقيق ولكن يلفت نظر من يراها وحسام جهز نفسه وعدا عليها وذهبو الي مكان المطعم
ونزلو من السياره
حسام نظر ل مايا مبتسما : ها مستعده
مايا ابتسمت له : اكيييد
ومسكت معصم يديه(انكجيه) ودخلو عند باب المطعم وقفو يسالو عن الحجز باسم صقر
كان حمزه وصقر منتظرين في الطاوله الخاص بهم وحمزه اول من شاهدهم وغمز لصقر: وصلو نظر لهم صقر نظره مرعبه
*وزاد فتيل اشتعاله اكثر من كلمه حمزه بعدها*
حمزه :لايقين علي بعض اوي عرفت انه ناوي يخطب بس بعد مانتجوز احنا حيخطب علي طول
لايقين علي بعض مش كده !!!
صقر مسك نفسه بالعافيه😡 : اه اووووي
كانو وصلو للطاوله
ووقف كلا من صقر وحمزه وسلمو علي حسام
وجاء دور مايا سلمت علي حمزه بابتسامه فقط من غير سلام بالايد :اهلا استاذ حمزه
اهلا مايا نورتي المكان
*وفعلت المثل لصقر لكن صقر مد يده*
اهلا استاذ صقر اضطرت تمد يدها تسلم عليه
مسك يدها وعصرها بايديه :اهلا مايا
نظرت له متالمه و
سحبت ايديها
صقر: اهلا اهلا اتفضلو
سحب حسام الكرسي ل مايا وقعدت
وقعد بجانبها حسام وفمواجهته صقر وحمزه بجانبه
حسام بيتكلم مايا بصوت واطي جدا (وشوشه) : صاحبنا حيموت احنا عملنا حاجه لسه
مايا:هو علي طول كده اصلا وضحكت
حسام:والله شكله حيموتني انهارده مش شايفه نظراته لينا
حمزه اتكلم لما لاقا السكوت سيد المكان : مبروك علينا الشغل الجديد وان شاء الله فاتحه خير علينا كلنا
ناوين تبداو امتي يا حسام
حسام : بعت فاكس ومستني يردو عليا اول مايردو حنبدا بتحويل المعدات ع طول
كل ده وصقر منزلش عينه منها
لكن مايا كانت بتتفرج علي المكان بتنظر لجميع الاتجاهات الا اتجاهه هوه متجاهلاه تمام لكن
لفت نظرها شخص ما !!!!
وبدا بتقديم اصناف العشاء في الطاوله
وبداو في تناول الطعام كلا الاربعه في صمت لكن مايا وحسام لم يسكتو
حسام بدا : ذوقي دي كده حلوه اوي
مايا: امممم تحفه
حسام شاورلها علي شئ ما جنب فمها
مايا بتشاور : فين دي وبتمسح مش لاقياها
لحد ما شالها لها
حمزه غمز لصقر : شوفت منسجمين مع بعض اوي😘
صقر جاب اخره منهم 😡واخذ نفس بيتحكم في غضبه ونفخ وعصر ايديه من تحت الطاوله👊🏼
انتهت مايا اولا واستئذنت للذهاب للتويليت
و تتبعها عيون الصقر
ولكن قبل دخول مايا شاهدها الشخص الذي لفت انتباهها من قبل ووقفها
: مين مايا
مايا: هشام ازيك عامل ايه
هشام: الحمدلله انتي ال عامله ايه محدش شافك من يوم ما مشيتي من الشركه فاجاه
(مايا انتهزت الفرصه دي ووقفت تتكلم مع هذا الشخص وتضحك معاه )
مايا : اه فعلا حصلتلي ظروف وسبت الشغل فجاه بس اشتغلت تاني عند حسام
هشام : والله الواحد مفتقدك جدا يابنتي طيب ماتحاولي تنتقلي للفرع الرئيسي تاني.
مايا : حشوف بس انا مبسوطه مع الشغل مع حسام هنا
لكن انت ايه جابك هنا !
هشام ؛جاي مع ناس اصحابي
يعني مش حنشوفك هناك خلاص
مايا ابتسمت مجامله له لانهاء الحوار بتذهب: اكيد ان شاء الله
*كل هذا وصقر بينظر لهم نظرات مش مفهومه غيره وتوعد ولقد نفذ صبره اخيرا*
غمز لمقدم الطلبات(جارسون) ال اتفق معاه لتنفيذ شئ ما !
ووقف صقر راح عندهم ووقف بجانبهم لاحظت مايا وجوده بجانبهم اتخضت وف لحظتها انقطع التيار كهربائي للمطعم باكمله
ومع الخضه لجميع المتواجدين
واصواتهم العاليه قام بأختطافها وهرب بها خارج المطعم من باب اخر كان اقرب اليه من وقوفه...
👇👇👇👇👇👇👇
الفصل الرابع عشر
مايا اتفاجأت من وجود صقر بجانبها اثناء حديثها مع زميل لها لحظتها** انقطع التيار فجاه: محستش غير انها بتجري ومش شايفه حاجه
ايه ده في ايه انت مين ! *فكرت زميلها وخافت جدا ومش شايفه حاجه وسامعه اصوات المتواجدين*
ولسه حتقول الحقون*** قام باحضانها وهمس لها هشش متخافيش ده انا ورفعها فحضنه وكمل طريقه للخارج
*صقر عارف المكان ده كويس وعارف وجود باب اخر بالجانب الاخر اقرب له لانه قام بتصميمه وايضا بلغهم اول ماينقطع التيار يقومو بتشغيل مولد كهرباء باضاءه خفيفه جدا*
اطمنت انه هو :
نزلني نزلني طيب انت بتعمل ليه كده طيب نزلني وانا حمشي معاك
صقر :لا
وصل للسياره ونزلها ع الارض ولسه حتسحب ايديها بعيد عنه مسكها : لا رايحه فين اركبي انهارده مفيش هروب
نظرت له ونظر لها 🤨: يلا
وركبت وقفلها الباب وركب وقاد السياره وتحرك من المكان باكمله
داخل السياره
رن تليفونها لاقت انه حسام
صقر : ردي عليه وقوليله انك روحتي واقفلي تليفونك خالص !
مايا نظرت له ؟
صقر :ردي قوليله انك روحتي يلا
مايا مش فاهمه حاجه : الو ايوه يا حسام
حسام:...........
مايا وهي بتنظر له ومتردده: انا انا روحت و***سحب التليفون منها وقفله خالص ورماه ورا ع الكنبه
مايا : انت بتعمل كده ليه ماهو حيتصل بماما !
صقر مركز في الطريق ولم ينظر لها : خليه يتصل
مايا بتحاول تفهمه: طيب ولما يعرف اني مروحتش وماما !!
صقر ابتسم: ما هي ماما عارفه !
مايا اتفاجأت: ايه ده ماما عارفه اني معاك !
*وسكتت وافتكرت حاجه امممم عشان كده كانت مصممه اني اروح الحفله ماشي يا ماما لما اشوفك*
مايا عرفت انه جا وقت المصارحه بالحقيقه ودعت الله انه فعلا يصدقها المره دي عشان تنهي الحرب ال شغاله بينهم
وبتحاور نفسها طول الطريق وسرحانه : يارب انا كان نفسي اعيش قصه حب واحب واتحب بجد زي اي بنت
وكنت مستنيه الايد الحنينه ال تطبطب عليا في محنتي وتساعدني اني اقوم منها ويكون سند وامان ليا طول عمري مع اني كنت فاكره اني كنت حقدر اقوم منها لوحدي لكن انا كنت غلطانه فعلا فالنقطه دي
حتي محاولش وقتها انه يدخل حياتي بطريقه تانيه ويحتويني اكتر مع اني صارحته وقتها وبرده ومصدقنيش كان المقابل شك وعدم ثقه برده
ازاي كنت حفتح له قلبي ولا احبه حتي !
لكن انا عذرته دلوقتي وفهمت ليه كان بيتعامل كده معايا
يارب يفهم انه اساء الظن فيا بقا وننهي الحرب دي
وانا حاديله فرصه ثانيه
واتنهدت : يارب مش حمل صدمات تاني فحياتي
نفسي افتح قلبي لاول مره للشخص الصح ويكون يثق فيا بجد ويكون يستاهل حبي ال بجد ال ما عشتهوش لسه
*كل ده بيدور داخلها*
وانتبهت انه وقف العربيه نظرت له :احنا فين ؟
صقر نزل ولف ناحيتها وفتح لها الباب ونزلت
مسك ايديها وعدو الطريق ناحيه الاخري !!!
ودخلو الكافيه
مايا: ايه ده هو ليه مفيش ناس غيرنا
*صقر حجز الكافيه كله ليها فقط
لا يوجد فيه احد غير استاف الخدمه فقط*
ويوجد *طاوله واحده فقط ومتزينه بشموع وجو رومانسي جميل جدا*
صقر نظر لها وابتسم ابتسامه جذابه : انا حجزته بالكامل لينا انا وانتي مخصوص عشان نعرف نتكلم براحتنا
مايا ابتسمت و سكتت
لف حوالين الطاوله وسحب كرسي وشاور لها اتفضلي وقعدت وقعد جانبها
صقر :ها تحبي تشربي ايه
مايا: ميرسي مش عاوزه حاجه
صقر شاور بايديه الاضاءه خفتت شويه
وجا مقدم الطلبات: تحبو تطلبو حاجه
صقر: اي عصير فريش
ومشي ليلبي الطلب
ها عجبك المكان
مايا : اه جدا جدا وذوقه وتصميمه جميل جدا
صقر حب انها تاخد عليه وتبدا تاخد راحتها في الكلام معاه عشان يتكلمو في هدوء : انتي عارفه مين ال عمل تصميم الكافيه ده
والمطعم ال كنا فيه من شويه
مايا :لا معرفش
صقر : انا
مايا انبهرت بجد وبدات تتجاوب معاه : بجد انت مش ممكن ده يجنن والمطعم كمان يجنن تصميمه مختلف وجديد
بجد بجد انت ال صممته😲
صقر ضحك اوي بصوت عالي شويه : اه والله انا
تحبي افرجك عليه
مايا ابتسمت وهزت راسها بمعني موافقه
((مايا اول مره تشوفه بيضحك هي اول مره فعلا تشوفه عن قرب
*((كل مره تشوف عصبيه وانفعال))*
اول مره تشوف ملامحه عن قرب وعينيه كانت فيها لامعه غريبه وكمان بيتكلم معاها من غير شد وجذب اطمنت له و قلبها دق اكتر لما شافت ضحكته))
*صقر شاور بايديه وعمل حركه معينه* اشتغلت موسيقي هاديه جدا
وقام هو الاول ومسك ايديها وقامت معاه
صقر جذبها لحضنه ونظرو لبعض نظره طووووويله تاهو فيها
ومسك ظهرها بكف ايده وايده الثانيه مسك ايديها وبدا يحركها معاه
مايا نظرت له في عنيه نظره طويله اتهزت من جواها (ومشاعرها اتلغبطت) انتبهت لنفسها اول ما لمس ظهرها اقشعرت وخفضت نظرها للاسفل : احم انا عاوزه اقعد ممكن
صقر احترم خجلها وسابها وشاور لها :اتفضلي
ورجعو قعدو تاني علي الطاوله
مايا مشاعرها اتلغبطت ومقدرتش تتحكم في نفسها وقلبها مبطلش دق فاستئذنت تدخل تويليت
داخلت تويليت بتجمع نفسها
بتحاور نفسها ومسكت قلبها ال مبطلش دق
مالك يا مايا اهدي اهدي في ايه ؟؟؟
اهدي اهدي بقا (وبتشاور علي قلبها انه يهدا)❤
انا قلبي اول مره يدق كان يوم ماعرفت من نيرمين انه ممكن يكون فعلا سامعني وفهم غلط وحسيت فعلا انه ممكن بيعمل كل ده عشان بيحبني وبيغير عليا انا يومها انبسط اوووي مش عارفه ليه !! ممكن اكون حسيت ان في حد بيحبني ومتمسك بيا
طيب ودلوقتي بيدق ليه اول ما قربنا لبعض كده ؟ وشوفت عنيه معقوله يكون حبي***مكملتش جملتها لا لا لا 🙈 مش ممكن
بجد مش عارفه انا تايهه اوي ليه كده ومتلغبطه
*واتنهدت ورجعت اتكلمت تاني*
انا حفتح له قلبي واثق فيه المره دي وحديله فرصه واكيد حيصدقني اكيد
لما اقوله انه اول شخص فحياتي وانه فهم غلط من الاول وابين له الحقيقه كلها
لو وثق فيا فعلا حيترتب بعدها حجات كتير
انا لازم اهدي الاول واجمع نفسي واخرج له
(وغسلت وجهها وقامت بتنشيفه)
استجمعت نفسها وخرجت له
صقر مستنيها بره
اخيرا جا الوقت المناسب عشان اخرج لها كل ال فقلبي انا لازم اتكلم معاها وتفهم انا بعمل ليه كل ده
اتنهد وفضل منتظرها
وصلت مايا الطاوله
صقر : اتفضلي
وقعدت وبدا يتكلم معاها
صقر : مايا انا حابب اتكلم معاكي في موضعنا انا وانتي ونحاول نلاقي حل ممكن
نفسي تحسي بيا وتفهميني و ياريت تسمعيني للاخر
وانا حفهمك انا بعمل ليه كل ده وجبتك هنا بطريقه دي ليه.؟
مايا: ياريت بجد نتكلم ونلاقي حل وننهي الحرب ال بينا دي لاني بجد تعبت
وانا كمان كنت عاوزه اعرف منك حاجه واحده فقط!
مايا اتنهدت واخدت نفسها : انا عاوزه اعرف اجابه ل سؤال واحد فقط محيرني ولو طلع ال فدماغي صح ! حديلك فرصه واحده بس
الفرصه دي ال حتحدد حجات كتير جدا بينا وحتتغير حجات كتيربعدها برده !
يا اما نكون سوا ونفتح صفحه جديده يا اما لا انا من نصيبيك ولا انت من نصيبي !!!
وده متوقف عليك انت فقط ؟
صقر استغرب جدا سؤال ايه ال متوقف عليه مصيره ده : سؤال ايه ؟
مايا اخدت نفس طويل : عاوزه اعرف
مين ال قالك اني بكلم شخص اخر وعلي علاقه به
او ايه ال يخليك مقتنع ومتاكد اني بعرف شخص ما برغم اني قولتلك قبل كده اني مش مرتبطه بحد
ومازلت برده مش واثق فيا ومصدقتنيش يومها فاكر ؟؟؟؟
صقر اتنهد : مايا قبل كل ده حابب اكلم انا الاول وتسمعيني للاخر ونفس الوقت حجاوبك علي سؤالك! ممكن
مايا: طبعا ممكن اتفضل وانا سمعاك
بصي انا مش عارف ابدأ منين ولا ازاي لكن ال اقدر اقوله بجد اني من يوم ما قابلتك اول مره يوم ماخبطك بعربيتي وانتي مش بتفارقيني لحظه
صورتك وصوتك في بالي دايما مفارقونيش لحظه تعتبري تقولي حبيتك من اول نظره
*مركز في عنيها وهو بيتكلم وسرحان في عنيها*
ده ال خلاني احاول اتكلم معاكي كنت حابب اعرفك اكتر واتقرب منك اكتر
بعدها بيوم لاقيتك صدفه قعده لوحدك قربت عليكي
لكن اتصدمت صدمه عمري !
مايا بتسمعه ومركزه في كل كلمه بيقولها: ليه اتصدمت !
صقر :كنتي بتكلمي شخص في تليفون وبتتحايلي عليه يرجع تاني لحضنك وكنتي بتبكي له وبتتوسليه يرجع
وقتها اتعصبت واضايقت مش عارف ليه بجد ساعتها حسيت اني مخنوق ورجعت ورا خطوتين ومشيت قولت انك مش ليا مليش نصيب معاكي
اكيد بتكلمي خطيبك زوجك
وباعد وانا مضاااايق ومخنوق اوي
لحد ما عرفت انا يومها برده
انك فعلا مش مرتبطه رسمي وقتها انا فعلا اتقسمت نصين
وحاولت ابعد بجد عنك لكن كل ما ابعد خطوه اقرب عشره في شئ اقوي مني بيقربني ليكي
صدقيني احساس خارج عن ارادي وكل افعالي وعصبيتي دي كانت غيره انك مش شايفاني ولسه بتحبي الشخص ده ومازالتي بتكلميه
مايا بتسمعه وسرحت شويه مع نفسها *معقوله كل الحب ده ليا انا ياريتك كنت اتكلمت وقتها بدل العصبيه دي * كانت حجات كتير اتغيرت*
ومنتظره الوقت مناسب في كلامه وتقوله انه فهم غلط اكيد حيرتاح من عذاب ده ونبدا صفحه جديده واقوله ان قلبي بدا يسمعه ويحس به* ابتسمت
ابتسامه خفيفه انها سمعاه
صقر : وده ال خلاني اصمم اكتر عليكي وانك انتي ليا انا مش لحد تاني
كنت بحاول اقربلك واعرفك ان الشخص ده ميستاهلكيش وبيخدعك ومش حيرجعلك
الموضوع كان صعب بالنسبه ليا قاتلني بجد ان الانسانه الوحيده ال قلبي اتفتحلها ودق لها تكون مش شايفاني وشايفه حد تاني حاولت افهمك لكن طريقتي كانت غلط انا معترف بس صدقيني انا****
*مايا قطعت اخر كلامه مش قادره تسمع الباقي كل ده كان حاسه وكاتم فنفسه كل ده 😞حست انه جا الوقت المناسب ال لازم تفهمه انه فهم غلط وتصحح كل ال حصل
من فضلك ممكن تسمعني بقا النقطه دي تخصني انا ممكن اتكلم فيها من فضلك
تسمعني للاخر ممكن زي ماسمعتك
صقر : طيب اتفضلي انا سامعك اتكلمي
مايا : صقر الحب مبني علي ايه
صقر :التفاهم واكيد الثقه طبعا
مايا : الثقه من الطرفين صح
صقر : اكيد
مايا : يعني انت دلوقتي زي ما قولتلي انك بتحبني بجد وكنت بتعمل كل ده لانك بتغير عليا واني ليك اكيد عاوزني اثق فيك صح واصدقك
صقر :صح
مايا ابتسمت برضا : وانا فعلا واثقه فيك يا صقر ومصدقه كل كلمه قولتهالي
صقر ارتاح وابتسم : وان شاء الله اكون اد ثقه دي
مايا : وطبعا اكيد لازم تثق فيا طبعا وكل كلمه حاقولهالك صح
صقر : طبعا
مايا اممممم : طيب ولو مفيش ثقه ايه المفروض يحصل
صقر: العلاقه مش حينفع تستمر ممكن لو مفيش ثقه ممكن توضحي عاوزه توصلي لايه بظبط !
مايا: عموما انت جاوبت علي النتيجه الاخيره
انا بقا حاجاوبك علي سؤالي ال كنت مستنيه جوابك فيه وفعلا طلع ال فدماغي صح !
اتمني تصدقني بجد المره دي وتثق فيا
لان حيترتب بعده حجات كتير
مايا سكتت فتره بتحاول تحسم امرها وتجمع انفعالاتها وبتهدي نفسها اول مره تتحط في الموقف ده وتحاول تشرح او تفهم حد شئ عن خصوصياتها الداخليه
ال مفروض تكون ليها فقط موضوع صعب بالنسبه لها لكن مضطره تعمل كده في الوقت الحالي لانه حيتحدد مصيرهم !!!!!!
كانت بتنظر فعيونه فنفس الوقت تشوف رده فعله
*صقر منتظرها تتكلم كل ده*
مايا وعنيها بدات تدمع 🥺:صقر انا من بعد وفاه والدي وانا مرجعتش زي الاول
اتاثرت جدا بوفاته كنت متعلقه به جدا لدرجه اني مصدقتش انه مات فعلا كأنه لسه عايش وسطينا ولسه بيكلمنا
كان بالنسبه ليا مش اب فقط ده كان اخ وصديق وحبيب وكل شئ ليا كان السند والظهر والنفس ال بتنفس به
صقر انا *وسكتت اخدت نفس*
انا مصدقتش اني مش حشوفه تاني كنت بسمع صوته في ريكوردر تليفوني
كنت بكلمه كل يوم في البيت ولما لاقيت امي بتضغط عليا طلعت اكلمه بره بجد كنت برتاح اوووي لما اسمع صوته وافضل اكلمه واطلع ال جوايا ليه واقوله نفسي يرجع واحضنه تاني 😢 حتي بعد ما الريكوردر يخلص استمر فكلامي انا عارفه ان كلامي ممكن مايكنش منطقي لكن دي الحقيقه فعلا !
*سكتت تاني تهدي من انفعالها*
صقر انا عمري ماكلمت حد ولا كان ليا ارتباط بأي شخص لاني استحاله اخون ثقه اهلي بطريقه دي
ولو سالتني علي علاقتي بحسام ! حسام ده اكتر من اخ بجد هو ال رباني من وانا طفله بعتبره اخويا واكتر من اخويا فعلا انا ونرمين وعماد وحسام اخوات متربين من صغرنا سوا* واخر حاجه
ال شوفته في المطعم ده كان زميل لي في الشغل عند بابا حسام لما كنت بشتغل عنده كان بيسلم عليا فقط
انتهت مايا من حديثها وخرجت كل ال جواها له وتمنت انه يصدقها المره دي
*مايا سكتت بتراقب رده فعله منتظره شئ يفرحها ومتلهفه لرده فعله وانه حيفرح*
((وكانت فتره سكوت طويله بينهم كل واحد في عالم اخر))
*كل ده وصقر ساكت بيسمعها وبيحاور نفسه اتاثر جدا للحاله ال وصلتها بعد وفاه والدها
لكن ال مستوعبهوش فعلا كلامها التاني حس كأن حد دلق عليه مياه ساقعه يعني ال سمعته كان والدها مش حبيبها يعني انا كنت غلطان من الاول ازاي واخيرا طلع من سكوته*
مايا كانت متلهفه لرده فعله
صقر اخيرا اتكلم: مايا انا مقدر الحاله ال كنتي فيها بعد وفاه والدك واني فعلا دخلت حياتكو اقتحمتها فجأه لكن انا مش قادر استوعب نقطه دي
((ومحتاج اتأكد)) ليطمن قلبي مايا انا مش بحبك بس انا بعشقك لكن محتاج اتاكد عشان النار ال جوايا تهدأ حاولي تفهميني بجد
مايا نظرت له نظره طووويله فيها كلام كتيييير
وابتسمت نعم ابتسمت
ابتسمت ابتسامه 😏 مش متوقعه في الوقت ده: عاوز تتاكد !
اممممم للاسف معنديش ال يأكدلك كلامي
ال حيأكدلك كلامي حاجه واحده بس ؟
لكن انا مش حدهولك ((ريكوردر))
عارف ليه
عشان انا عطيتك ال الاهم منه !
لكن انت ال ضيعته دلوقتي وضيعت كل حاجه معاه
ابتسمت تاني : عارف انا وثقت فيك وقولت حديلك فرصه مع اني كنت متوقعه انك برده مش حتصدقني المره دي تخيل🥺 لكن برده فتحتلك قلبي فعلا
وحكتلك عن خصوصيات مكنش مفروض احكيهالك اصلا لكن قطعها صقر** مايا افهمي انا ا****قطعته وشاورت بايديها🤚🏻 من فضلك سيبني اكمل للاخر
اتنهدت وكملت: عشان كده سالتك في بدايه العلاقه مبنيه علي ايه !
ولو مفيش ثقه بين الطرفين ايه حيحصل !
وانت ال جاوبت بنفسك سبحان الله شوفت ههاهه
دلوقتي وللاسف دي فعلا
كانت اخر فرصه ليك
بعد اذنك
وتركت له المكان كله وجريت جريت دمعتها علي خدها جرت بره الكافيه جرت ماشفتش قدامها (اول مره تثق فيه خذلها فتحت له قلبها لاول مره خذلها) مخدتش بالها من الطريق والسيارات ال بتجري من كتر دموعها ال نزلت منها
واصطدمت بسياره نضرتها ووقعت علي الارض***
صقر اتصدم من كلامها وحس فعلا انه خسرها المره دي وللابد ولحد ما استوعب كلامها مالاقهاش قدامه طلع يجري يدور عليها سمع صوت الاصطدام وشافها مرميه في الارض
جري عليها وقعد في الارض حضنها مايا انا اسف قومي عشان خاطري ماتسبنيش مايااااه مصدقك والله مصدقك بس قومي عشان خاطري قومي وقعد يزعق للناس حد يطلب اسعاااف بسرعه وعمال يهزها مايا😭
جت عربيه الاسعاف وشالتها وركب معاها ماسبهاش
عملو الاسعافات الاوليه وعلقولها محلول وقاسو لها الضغط وعلقولها نفس
وكل ده صقر مش مستوعب دموعه نزلت خايف عليها اوي لتضيع بين ايديه
انا السبب انا السبب
ااااااهااه غبي انا غبي
معرفتش احافظ علي الامانه ال مامتها سابتها معايا وصلو المستشفي وجري لحد ما وقفه الدكتور🤚🏻
وقفلو الباب
مش قادر ياخد نفسه
يارب يارب
طيب اكلم مامتها ازاي انا
مش حتستحمل و الوقت اتاخر اوي واكيد قلقانه انا حكلم حسام وهو يجبها لهنا
وكلمه
صقر اتكلم بصوت مهزوز وباين عليه اثر دموعه لسه : الو حسام معايا
حسام استغرب مكالمه صقر توقيت ده : صقر !
صوتك ماله انا عارف ان مايا معاك في حاجه حصلت
صقر : ممكن تجيب ماما مايا وتيجي علي مستشفي ال * وذكر اسم مستشفي
حسام انفعل وزعق : عملت فيها ايه انطق غبببي وقفل
صقر قعد في انتظار طلوع الدكتور او حضور مامتها
*فلاش باك من حوالي ساعتين*
وقت انقطاع التيار ورجوعه
حسام قلق علي مايا : اتاخرت ليه كده
وقام يطمن عليها وذهب سال جارسونه انها تدخل تشوفها اتاخرت ليه
دخلت ملاقتش حد
: يا فندم محدش جوه
حسام: ازاي طيب اتاكدي تاني
: يا فندم انا ناديت ومحدش فعلا جوه
اتصل عليها : مايا انتي فين
مايا: حسام انا انا روحت وانقطع الخط
حسام مطمنش حس فصوتها لهجه مهزوزه وشك في حاجه !
رجع طاوله وسأل حمزه : فين صقر
حمزه : مش عارف والله فجأه قام ونور اتقطع بعدها وبكلمه تليفونه مغلق
ومايا فين مش شايفها ؟
حسام : كلمتها قالتلي روحت
حمزه طيب يلا بينا احنا كمان
حسام : يلا
ومشو
(حسام كده انا اتاكد انها مع صقر يارب يتفاهمو ويعقلو بقا ومشي ركب عربيته وراح يقعد عند مامتها لحد ماتوصل البيت)
حسام وصل البيت ومديحه فتحت له
مديحه : ايه يابني خلصتو بدري كده
حسام : يعني هي مايا مكلمتكيش!
اصل نور قطع في المكان وكلمتها قالتلي مشت
مديحه : الصراحه يابني صقر جالي امبارح واستئذني يخدها ويتكلمو سوا ولو كان قالها مكنتش رضت تروح معاه فقالي انه حينتهز فرصه دي ويخدها ويقعدو فمكان تاني
انا موافقتش ف الاول
لكن هو صمم وقالي انه حيتكلمو فقط
حسام : ماشي يا طنط ان شاء الله يفهمو بعض ويتكلمو خير ان شاء الله
انا قولت اجي اقولك لاني انا استلمتها منك وكان لازم اسلمهالك بنفسي بعد اذنك يا امي واول ماتوصل كلميني اطمن عليها يلا تصبحي ع خير
مديحه :تلاقي الخير يابني
(عوده من ال باك)
مديحه اتاخر الوقت اوي وكل شويه رايحه جايه في البلكونه مفيش حد لسه يارب استرها يارب
(لحد ما حسام اتصل بها )
مديحه: حسام طمني مايا مرجعتش وتليفونها مقفول يابني قلبي مش مطمن
حسام : طنط ممكن تلبسي وحعدي عليكي اخدك هي بس عملت حادثه بسيطه و***مكملش كلمته
مديحه : بننننتي
حسام حب يطمنها: اهدي اهدي انا اطمنت عليها والله مفيهاش حاجه تعالي نروح نشوفها
انا تحت البيت مستنيكي
ونزلت وذهبو ال مكان مستشفي
وطلعت الدور ال متواجده فيه
لاقو صقر قاعد حاطط ايده علي وشه 🙈
حسام انفعل اول ما شافه راح مسكه وقومه من مكانه وضربه بوكس فوشه : انت غبي معرفتش تحافظ عليها
غبي اكيد مصدقتهاش برده !
صقر ساب نفسه ليه ماتحركش ولا عمل اي رده فعل هو فعلا غبي
تركه حسام وراح يوقف بعيد عنه
مامت مايا راحت لصقر وبتعيط : كلمني يابني ايه ال حصل ؟
انا وافقت انك تخدها وانت بنفسك قولتلي دي امانه رجعلي الامانه يابني انا عاوزه بنتي😭
صقر اخيرا اتكلم : والله يا امي طلعت تجري جرت بسرعه وخرجت من مكان ال كنا فيه ملحقتهاش وبيبكي 😭
انا حموت لو حصلها حاجه والله حموت
مامتها سابته وقعدت جانبه رجلها مش شايلاها