رواية امراة بطعم الوجع
انا بكره اختي لا عشان اكون محددة هي اللي بتكرهني الموضوع غريب والحكاية
طويلة اووي ومعقدة مش عارفه ابتدي منين لكن ممكن اكتب اكتر مواقف مزعجة مريت بيها في حياتي
نرجع ليوم فرح خالو كنت صغيرة في الابتدائي بلعب تحت البيت وكانت اختي علا في بلكونة الدور التالت هي وبنت خالتي امل الشقة ماكنتش لسه كملت مباني فيها طوب مرصوص جانب بعضه فجأة سمعت صوت امل :
امل ،حاسبي ياعلا اختك تحت البيت
علا .. سكوت تام وبتقرب بقالب طوب ناحية البلكونة اللي من غير سور
امل بنظرة دهشه وقفت اتمسمرت مكانها مش فاهمه علا بتعمل ايه !
رمت علا قالب الطوب ومالحقتش اجري كل حاجة حصلت بسرعة اووي واتعورت ماحسيتش غير بدم سخن نازل علي وشي فضلت اعيط واصرخ علي امي لحد مالمعزيم علي الفرح جم كلهم :
ماما .. مالك ايه الدم دا ؟
بصت لفوق شافت علا بتنزل جري ووراها امل فهمت اللي فيها
ماما .. اكيد الطوبه دي وقعت عليكي من شقاوتك ايه اللي قعدك هنا يا ورد مش قولت لك ماتسبيش اختك عشان تاخد بالها منك
ورد .. ردت بالدموع في عيونها
ياماما علا هي اللي رمت الطوبه عليا
جدتي .. تعالي ياحبيبتي اوديكي الصيدلية واخيطلك الجرح
ماما .. هقول لابوها ايه دلوقتي
جدتي .. خليكي في بنتك وبعدين جوزك دا مقدور عليه
ماما سكتت ومشيت ورا جدتي وهي ساكته بس للاسف ماحسيتش فيها بالخوف عليا ولا زعقت في علا الحادثة مرت عادي جدا ولا كأن دماغي انفتحت واتخيطت تلت غرز ..
______ #أماني_عنان ______
رجعنا البيت اخر الليل بابا بيشتغل نقاش ومع قلة الشغل والضغط عليه بقي بيشرب حشيش من فترة للتانية مش بشكل مستمر كنت بحبه اووي ومازلت بدعي له بالرحمة برغم ضيق الحال اللي عيشنا فيه :
امي فتحت الباب بالمفتاح ودخلت بوش مقلوب : اتفضلوا ادخلوا
دخلت انا وعلا ومحسن اخويا الصغير
بابا .. اتأخرتوا ليه ؟
ماما .. دا بدل ماتيجي تاخدني انا وعيالك
بابا .. مش قولتلك تعالي معايا بعد الدخلة امبارح صممتي تقعدي لبعد الصباحية قولتي هستني اخد من أكل الفرح ههههه
ماما .. رمت الشنطة وشاورت لعلا
حطي الحاجة في المطبخ وادخلي غيري هدومك
بابا .. مالك ياورد ؟
ماما .. وقع عليها طوبة حاجة بسيطة ماتقلقش
بصيت لماما وسكت اصلا هيفيد بأيه الكلام عمرها ماهتتغير والحب في الامهات فطرة لابيتباع ولا بينشري كنت اشتريت لي حبة حب يعوضوني قسوة قلبها
ماما .. انا داخله انام
بابا .. بدري كدا
ماما رفعت عينها ولوت بوقها وهي مبسوطة بقرار نومها ماعرفش ليه وكأنه عقاب لبابا
هو سكت شوية وراح مطبطب عليا
بابا .. تعالي تعالي في حضني انتي هتنامي جانبي هنا في الصالة
ورد .. ليه يابابا ماتنام في اوضتك
بص بطرف عينه وضحك ،، لا الحكومة عندها اعتراض النهاردة ههههه
مافهمتش حاجة بس ضحكنا سوا كتير اووي يومها
بابا … الصبح هدي امك فلوس تشتري لك ترنج جديد للشتا ها ايه رايك ؟
ورد .. حبيبي ربنا يخليك ليا
طبطب علي ضهري بحنان ونيمني جانبه تاني يوم خالي بعت لي أنا وعلا كل واحده ترنجين حلوين اوووي :
علا صاحية من النوم وشها منفخ وشافت الترنجات علي الكنبة في الصالة جريت عليهم : الله لمين دول ياماما
ماما .. لكي انتي وورد بس
علا بتقيس الترنجات ومبسوطة سألتها : بس ايه ؟
ماما .. بس دول غاليين اووي واحنا أولي بتمنهم خالك بيشتغل في مصنع ومش عارف قيمة الحاجة ولا سعرها بره يساوي كام
علا .. لا ماليش فيه بصي ادي ترنجاتي اهم هخدهم من دلوقتي
ماما … ههههه اه منك انتي قوية وماحدش يعرف يضحك عليكي
ورد .. دول ترنجاتي ياماما
ماما .. ايوا
ورد ..هقيسهم واشوفهم كدا
ماما .. لا دا قماشتهم وحشه هبيعهم واجيب لك غيرهم
ورد … هما حلوين وعاجبني
ماما .. اسمعي كلام امك صدقيني هشتري لك غيرهم
ورد .. ماشي اللي تشوفيه
ودخل فصل الشتا وماشترتش هدوم شتوي ولا حد سأل فيا محسن وعلا لبسوا جديد في جديد وانا اخدت هدوم علا القديمة وكالعادة اتكتمت عيطت شويه وسكت هعمل ايه يعني من صغري ماليش حد أما امك تغزلك هتستني ايه من الناس ؟
سألتها مره :
جبتيني ليه ياماما للدنيا ؟
ماما .. بضحك ماكنتش عايزه هههه ربنا يعلم انا خدت فيكي كمية براشيم عشان انزلك وبرضو الحمل كمل
ورد .. حتي لو ماكنتيش عايزاني فأنا اتخلقت خلاص بنتك ومن دمك حسي بيا شويه
ماما .. يالا بطلي دلع اطلعي اكنسي تحت الفراخ وحطي لهم ميه
ورد .. خلي علا تيجي معايا
ماما .. علا بتذاكر
ورد .. مانا كمان عايزا اذاكر
ماما .. انتي هتسمعي الكلام ولا اقوم اقطم رقبتك
ورد .. هسمع هسمع
طلعت علي السطح واكلت الطيور ونضفت تحتهم عدت الايام وخلصت الابتدائي وانا فاكره معاملة وحشه وتفرقه وبصبر نفسي أن كل دا مش صح ماما بتحبني واختي ماتقصدش ،يوم ماسابتني اعدي الشارع لوحدي وهي واقفه علي الرصيف التاني ماكنتش تقصد اكيد مع أن عيني في عينها وانا بعيط
ورد ..علا تعالي خديني
علا .. ماحدش قالك تيجي معايا انا قولت هروح اكلم صاحبتي من السنترال ايه شبطك فيا انتي ..!
ورد عياط وصمت
علا .. عدي انجزي
ورد .. لا
علا .. همشي والله
ورد .. لا خلاص هعدي اهو
واول ماحطيت رجلي علي الاسفلت شالني الموتوسيكل وكانت الحادثة التانية في حياتي بسبب علا برضو ..
____________________
في البيت حوار بين بابا وماما
امي .. انت هتفضل قاعد لنا كدا لا شغله ولا مشغله
بابا .. اعمل ايه بس يافتحية ماعلي يدك المقاول فض شغله ومشي
ماما .. شوف غيره
بابا .. ربك ييسر تعالي بس عايزك في كلمتين
مسك ماما من أيدها وبيشدها راحت زقته وقالت ايدك علي ٦٠٠جنيه اجيب طلبات للبيت
بابا .. طلع الفلوس وهو متردد لكن ماتأخرش
ماما عدتهم وشالتهم في جيبها وبعدها ماجابتش بيهم كل حاجة كانت بتحوش وتقول ليوم زنقه
مع الايام اتعرف بابا علي عم هادي راجل طيب اوي عنده معرض ملابس خد اختي علا تشتغل معاه كانت في تانية ثانوي وقتها وبعد شهر شبطت فيها قولت له :
ورد .. والنبي يابابا شغلني انا كمان
بابا .. انتي لسه صغيره
ورد … لا هو تالته اعدادي صغيرة
علا طلعت جري من اوضتها قبل ماتغير هدومها .. ايه الهبل دا هي هتعيل
ورد .. مالكيش دعوة دا كلام بيني وبين بابا
علا .. شوفت طريقتها دي هتطفش الزبائن
ورد .. والنبي يابابا كلم عن هادي وصدقني هشرفك وارفع راسك
بابا بيمد أيده علي الاكل وهو بيفكر. ،يالا بس تعالوا نتغدي وربنا يفرجها
بعدها اشتغلت في قسم الاطفال ببيع واطلع مقاسات لكل الاعمار حققت شهرة حلوة جدا في المعرض وطول الوقت عم هادي ماكنش بيبطل شكر فيا ،الحمد لله اخيرا حطيت رجلي علي أول الطريق وهعرف اعمل لنفسي الحياة اللي بدور عليها
علا.. ايه هو مافيش غير ورد يا حج
الحج … انتي بتقولي فيها انا قررت أعينها رئيسة قسم الاطفال هي وهشام بعد ماترجعوا من الدراسة السنة الجاية باذن الله
ورد .. هيه شكرا علي ثقتك ياحج ربنا يباركلك
الحج .. انتي تستاهلي
علا وشها اتغير وسكتت بعد كل خلاف كنت أنا اللي بسكت من قلة حيلتي دلوقتي هي اللي سكتت مجبرة وبرضو عديت تكشيرتها ورجعنا تاني الدراسة دخلت أولي ثانوي ادبي .. بقلم أماني عنان .. مع أن كان نفسي في علمي لكن امي رفضت بحجة أنه محتاج فلوس كتير وأنها مش قد المصاريف ومع ذلك بعدها بسنه دخلت علا معهد خاص بعد الثانوي لأن مجموعها ماجابش كلية ..
اخدنا الاجازة وكنت متحمسة للشغل اوووي راجعه البيت وانا طايرة من الفرحة هرجع للحاجة الوحيدة العدلة في عيشتي كلها خبطت علي الباب ..
ورد .. مساء الخير
ماما .. انتي شرفتي ..؟
ورد .. في حاجة ياماما انا عملت حاجة زعلتك
ماما .. عملك اسود ومنيل أن شاء الله
بابا كان جوا ندهت عليه بغل ،اهي جت تعالي شوف شغلك معاها
رميت الكتب علي الارض وفضلت ارجع لورا وانا شايفه ابويا متعصب والشر في عيونه بسال في ايه
ماحدش بيرد نزل فيا ضرب بالاقلام علي وشي وانا اصرخ لحد ماعرفت السبب ..
الفصل الثاني
بابا ضربني جامد اووي وانا بصرخ واعيط في ايه ؟ سمعت
صوت امي بترد بقرف في انك قليلة الادب وماتربتيش
ورد .. ليه والله ماعملت حاجة دا حتي صحباتي قالولي تعالي
نتفسح شويه النهاردة اخر مادة وانا مارديتش
بابا .. انتي بتقولي ايه ؟ مين حسام اللي انتي ماشيه معاه دا
فضحتينا حرام عليكي
وقفت في وشه وماتحركتش .. انا .!
ماحصلش يابابا كدب واللي قال الكلام دا عني ربنا ينتقم منه
طلعت علا من اوضتها وقالت بأعلي صوت .. صاحبتي شافتكوا سوا وجت قالت لي
ورد .. حرام عليكي حتي لو حقيقي تيجي تقولي لامي وابويا
انتي لو اختي بجد كنتي اتكلمتي معايا الاول وفهمتي مني
علا بتشوح بايدها .. ياختي روحي هو انتي ينفع معاكي كلام
ماما .. مافيش شغل خلاص في المعرض قطعتي عيشك بعمايلك
بابا سكت وقعد علي الكنبة وانا ماسكتش روحت وراه ..
ماتصدقش الكلام دا والله بنتك بمية راجل واللي قال كدا لعلا غرضه يطلعني من المعرض غيظ وغل بنات يابابا صدقني
مسحت دموعها وجريت علي تليفون ابوها النوكيا القديم اول
ماطلعوا جابته وجت وهي بلبس المدرسة الابيض في رمادي : خد كلم الحج هادي ولو قالك عني نص كلمة اعمل فيا اللي يريحك إنما اتبهدل كدا من غير مابقي مذنبه حرام ..
تردد شويه وبعدين كلمه فعلا والحمد لله أكد له ان مافيش حاجة بينا ورجعت الشغل تاني لكن بعد درس قاسي اسمه علا خط اسود وعلامة اتحفرت بالدموع في حياتي مش ممكن اصدقها ولا اثق فيها بعد اللحظة دي
تأليف أماني عنان تابعي صفحتي الشخصية لقراءة كل كتاباتي ..
بابا كان طيب وبيصدق اي كلمة تتقال له بس مع الوقت بقي يجي في صفي ويطبطب عليا حاجة حلوة وسط كومة وحش ..
___________________
في المعرض تاني يوم جالي حسام وهو بيبتسم استغربت خالص بس تجاهلته ،جه ورايا القسم وسألني :
حسام .. انتي بقي ورد ؟
ورد بنظرة من فوق لتحت .. بيقولوا كدا
حسام .. ههههه هما مين اللي بيقولوا
ورد .. اهلي
حسام .. دمك خفيف علي فكرة
ورد .. لا أنجز جاي ليه في طلبية جديدة ولا اكواد ماتسجلتش في القسم ؟
حسام شاب بسيط وشيك لابس بنطلون بيج وقميص ازرق عيونه ماعرفتش احدد لونهم في أول كلام بينا بس كانت جذابة بتشد اي بنت تبص له
حسام لمس شعره الطويل ورد .. الصراحه لا
دخلت اعمل نفسي برتب الملابس ورا بعض حسب الإعمار وانا في الحقيقة مرتبكة جدا وخايفه حد يشوفنا هيتأكد الكلام اللي بيتقال علينا
ورد … عايز حاجة ؟
حسام .. ماعرفش
ورد … لا ركز عشان مش طالبه حوارات
حسام .. ماهو دا اللي جابني جيت اشوف البنت اللي انا مرتبط بيها وانا ماعرفش حاجة عنها دي
ورد .. انت اكتر واحد عارف ان دا مش حقيقي
حسام .. خسارة
ورد بابتسامة خفيفة .. ليه ؟
حسام .. لانك جميلة اوي ومكسب لاي شاب
ورد .. شكرا
حسام .. ايه دا هو انا بقولك تشربي حاجة !!
ورد .. بص انا ماليش في الحب والغراميات لو سمحت امشي من هنا
حسام .. ماشي همشي بس لينا كلام تاني
ماردتش عليه مش قادره أرفض لانه فعلا شاب كويس وبسبب كلام اختي اتعلقت بيه بجد وتوالت لقاءاتنا في المعرض والكلام في التليفون كمان لما دخلنا تليفون ارضي كنت بعرف اظبط وقتي واكلمه مرت سنتين وماحدش حس بينا وقبلهم ماكناش نعرف بعض وكانت الناس بتتكلم عننا ههههه
الدنيا دي بتاعت مظاهر صحيح اعمل اللي تعمله المهم ماحدش يشوفك يبقي انت كدا تمام وفل الفل
_______ #أماني_عنان _______
جدتي طيبة وكريمة بعد نتيجة الاعدادي جابت لي خاتم دهب هدية ومن بعدها معاملة ماما بدأت تتحسن شويه دلع وكلام هادي لحد ماعرفت ليه :
ماما .. دودو
ورد .. كنت في الحمام بغسل لبس الشغل
نعم
ماما .. بتعملي ايه ؟
ورد .. بغسل اليونيفوم ياماما في حاجة ؟
ماما .. عايزاكي في موضوع مهم
ورد … حاضر
خلصت وخرجت قعدت معاها علي كنبة في الصالة قالت لي بطريقة مقنعه جدا : انا مزنوقه في فلوس ماتجيبي الخاتم بتاعك أبيعه وصدقيني اول مارينا يفرجها هجيب لك غيره
قومت من جامبها ومشيت شويه وانا برد .. لا تيتا ممكن تزعل
قامت ورا .. ماتشغليش بالك انا هبقي اقول لها
كان نفسي تسكت وتتكسف تقول لجدتي أنها باعت هديتها ليا لكن ردها كان جاهز وماكنش قدامي حجة تانية خدته مني وباعته ومن ساعتها ماجابتهوش كنت مبسوطة بيه اووي بعمل بيه منظر وسط صحباتي وابان غنية ومش ناقصني حاجة بداري مستوايا واسكت انا مش عايزا حاجة من حد غير اني اكون طبيعية زي الناس ولا اقل ولا اعلي ..
علا بتضحك في اوضتها مع محسن وبتحكي عن يومها في الشغل دخلت عليهم بطلت كلام قومت خارجة تاني مافضلش غير مواقفي مع حسام وطريقة كلامه شفايفه وهي بتتكلم مرسومه في خيالي ماعرفش ليه بتلغبط قدامه وبفرح اوي لما بشوفه احساس حلو ومربك في نفس الوقت قالي أنه هيخطبني أن شاء الله بس لما يخلص كليته فاضل له سنتين هكون انا خلصت الثانوي ونتخطب ،تاني يوم في الشغل جه بدري قبل ما القسم يتزحم وجاب لي ورقة :
ورد .. ايه دا ؟
حسام بيضم بوقه وكأنه بيسجن سعادته وابتسامته الخجوله وقال .. اقري وانتي تعرفي
فتحت الورقه لقيت اغنية :
"اطمني هيجي يوم ونعيش سوا
اطمني ايام سنين هتفوت هوا اطمني
اطمني هنكون لِبَعْض
أَحْلَامَنَا بَكْرَة تُلَاقِي أَرْض
مَش هتفضل طَائِرَة تايهه فِي الْهَوَا
اطمني هيجى يَوْم و نَعيش سُوا
اطمني . . أَيَّام سِنِين . . هتفوت هوا
اطمني . .
صَعُب الطَّرِيق . . مِنْ أَوَّلِهِ . .
لَكِن أَكِيدٌ . . هنكمله . .
طُولِ مَا أَنَا شايف رُوحَك جمبي
عُمَر الْخَوْفِ مَا هيعرف قَلْبِي
أوعدك لَوْ طَالَ طريقنا وَلَا تَاه
يُوصَل لِأَبْعَد حَلَم لَيِّنًا فِى الْحَيَاة "
انا دمعت ليه كدا ياحسام بقي مالقيتش غير الأغنية اللي البطلة بتموت فيها دي
قرب مني ومسح دموعي بسرعة وشال أيده قبل ماهشام يدخل بالفطار وقال بصوت واطي
ماتزعليش ياستي مش يمكن انا اللي أموت
ورد .. حرام عليكي ماتقفليش اليوم وليه حد يموت احنا عايزين نفرح ياحسام
حسام .. أن شاء الله
ورد .. يالا روح بقي علي شغلك عشان تلحق تفطر قبل مالحج يجي ويضغطك في الشغل
حسام .. علا منفوخه تحت
ورد .. ليه ؟
في ناس كتير في قسم الأجهزة المنزلية عشان تخفيضات العيد كل سنة وانتي طيبة
ورد .. وانت طيب
هشام حط الاكل علي المكتب من جوا واتصل بمراته يسال علي ابنه كان تعبان امبارح راجل محترم وفي حاله خالص
حسام .. هشوفك في العيد عندي ليكي خروجة تحفه
ورد … تؤ تؤ صعب
حسام .. انجزي بقي والله ماتخافي ثقي فيا
ورد .. بصت في عيونه وقالت بضحك لا ماهو الخوف مش منك
حسام .. امال
ورد .. الخوف عليك
هههههههه
فتح أيده وضربوا كف بكف ومشي وهو مبسوط جدا
بقلمي .. أماني عنان
تاني يوم في الشغل جيت بدري كالعادة واستنيته عشان نتكلم زي كل يوم قبل الزحمة لكن أتأخر
دخل هشام وهو بيعيط عرفت اللي فيها ابنه حصل له حاجة لا اله الا الله
ورد .. خير يابو علي ابنك كويس ؟
بص لي وسكت
ورد .. في ايه ؟
هشام .. خبر وحش اوي لكنه قضاء وقدر
ورد .. في ايه اتكلم ع طول
هشام ..