رواية حكاية رغد
الجزء السادس والسابع
الكاتب القلم الذهبي
الجزء السادس
@ حكاية رغد @ سرد #القلم الذهبي
.استغربت من سوال سميره وطريقة كلامها معايا بغرور .
حاولت اهدي نفسي شويه من الضيقه اللي حصلتلي بس غرورها ولسه رايحه اتكلم معاها !!
قطع كلامي
دخول فارس علينا. بصيت علي سميرة لقيتها مضايقه من جلوس فارس معانا واني وقفت كلام .
بصلي فارس وقال ..
_ ان شاء اللة تكوني مرتاحه هنا معنا يا مدام رغد .
رديت بهدوء .
_ الحمد لله كويسه
كمل كلامه فارس معايا.
_ لو احتاجتي اي حاجه ياريت تكلميني باي وقت.
=قبل ما اتكلم وارد علي فارس بصتله سميره بطريقه عدم رضا علي كلامه ..
وقامت دخلت اوضتها ،
تابعها فارس بنظراته لحد ما وصلت اوضتها . وقال بضحكه خفيفه
_ بكره تتعودي عليها.
وانا علي فكره قاصد اقعد واتكلم معاكي بصراحه سمعتها وانا باوضة فادي وطلعت علي طول لان عارف ممكن تسال في كل حاجه وخوفت تزعلك طريقتها.
= بصلي وكمل كلامه
_ ع فكره بابا قال قدام الكل انك مرات واحد صاحبه كان موظف عنده وعمل حادث واتوفي وهتقعدي فتره هنا لحد ما يجمع ليكي سكن امن.
طبعا الكلام دي ليهم وعشان تعرفيه انتي .
اما انا بابا قلي علي كل حاجه لانه بصراحه مش بيثق بحد باخواتي غيري انا وكوني الاكبر والعاقل فيهم. .
ضحك فارس وابتسم وكمان انا ضحكت علي طريقة كلمته الاخير العاقل فيهم .
وانا فعلا حسيت كدا ان فارس مختلف عن اخواته ومامته زي ما تقولوا كدا واخد طباع حسان بيه في هدوئه وعقله الكبير وكمان فارس علي قدر من الجمال ومخلص كلية هندسه..
= فضلنا نتكلم مع بعض ويحكيلي عن اخواته وكمان قلي انه هو الوحيد اللي يعرف شقة والده وان حسان بيه مقلش لحد عليها غيره حتي مامته واخواته ميعرفوش عنها حاجه .
واحنا بنتكلم مع بعض .
فجاه سمعنا خبط جامد علي الباب طلعت الخدامه تجري ووقفنا انا وفارس نشوف مين اللي بخبط كدا .
دخل السواق ومحاوط حسان بيه وماسكه.
شفنا منظره دي وجريت انا وفارس علي حسان وكل اللي موجودين طلعوا علي صوت فارس وهو بيقول
بابا حصل اي !
الكل اتلم جمب حسان بيه واخده فارس وسنده لحد الصاله وقعد وحسان كان باين عليه التعب اووي ومش قادر يتكلم. وانا قلبي اتخطف وجسمي كله اتصاب برعشه .
اول مره اشوف حسان بالمنظر دي كان التعب واضح عليه ومتعب جدا .
طلب فارس الاسعاف وجات بسرعه وخدوه ع المستشفي.
سميره وعمرو وفادي ركبوا عربيتهم وانا اصريت اركب مع حسان بالاسعاف ولحقنا فارس بعربيته..
وصلنا المستشفي ودخل حسان العنايه المركزه وانا معاه بالاسعاف بحاول اكلمه مش قادر يرد ولا ياخد نفس .
بعد ساعه طلع الدكتور من غرفته حسان .
وجرينا كلنا عليه وكلنا قلنا بصوت وأحد.
_ طمنا يا دكتور ..
بص لينا الدكتور وهز راسه وباين عليه الموضوع مش سهل ابدا. وقال
_ ادعوله ان ربنا يشفيه. احنا عملنا اللي علينا ودلوقت هو تحت المراقبه . اتفضلوا انتوا وتعالوا بكره وربنا بايده الشفا .
_الخبر كان صدمه ليا ومكنتش متوقعه حالته خطره كدا . انهرت من الدموع غصب عني ومش قادره امسك نفسي من الدموع . افتكرت موت بابا لما سابني لوحدي وعشان اتعلقت بحسان بيه .
مشي الدكتور . وفارس طلب من مامته واخواته يروحوا الفيلا سمعوا كلامه ومشيوا ..
فضلت انا واقفه قرب مني فارس وقال .
_ يلا يا انسه رغد
رديت عليه .
_معلش يا فارس انا استحاله امشي ولا هيجيني نوم وحسان بيه هنا سبني وروح انت .
_ مش هينفع قعادك هنا مالوش فايده ومش هتقدري تدخلي دي عناية مركزه.
_ معلش الله يخليك روح انت .
فارس ملقيش معايا حل اضطر يسمع كلامي ومشي . كلهم مشيوا وانا فضلت بدموعي بالطرقه بتاعت المستشفي.
ومن بعيد كان جاي دكتور .جريت عليه وانا بعيط وفضلت اترجي فيه وهو يرفض ومع اللحاحي الشديد واقف وقالي.
_هدخلك بشرط نفس منك ميطلعش دي خطر لو حد حاول يكلمه او يحركه
واقفت ودخلت وفضلت قاعده علي الكرسي جمبه ودموعي علي خدي .
حسان كان في وضع مؤلم وصعبان عليا اووي وخايفه ليروح مني زي بابا وبكدا ميبقاش ليا في الدنيا حد تاني . وفضلت ادعي الليل كله ربنا يفوقه ويشفيه.
وفي نص الليل حسيته بيفتح عنيه وشافني وانا جمبه وحسيته عايز يتكلم واللي فهمته من كلامه المقطع انه عايز فارس.
طلعت تليفوني وبصوت واطي جدا اتصلت علي فارس وكلمته يجي بسرعه .
وبعد وقت قصير وصل فارس وكلهم كان معاه الدكتور منعه من الدخول وخرجني انا وبعدنا كلنا عنه..
فارس اخد الدكتور علي جنب وفضل معاه اكثر من نص ساعه وبعد الوقت دي كله دخل الدكتور عند حسان وبعد شوي ؛
نادي علي فارس ودخل فارس عنده وبعد ساعه طلع فارس من عند حسان والدموع بعيونه والدكتور سانده من كتفه...
الجزء السابع
@ حكاية رغد القلم الذهبي
خرج فارس من والده وبيعيط والدموع علي خده ؛
الدكتور ماسك فارس وسانده.
_بدون شعور جريت رغد علي فارس
وسند ايده علي كتفها.
رغد بتعيط اووي وقالت بصوت عالي
_خير يا فارس طمني حصل أي
فارس مش قادر يتكلم ودموعه نازاله
_ سميره واقفه مع فادي وعمرو ومضايقه
اووي من تصرف رغد لما جريت ناحيت فارس وحط ايده علي كتفها بتسنده
سميره بصت لاودها بزهق ومشيت بسرعه
ناحية فارس وذقت رغد ومسكت فارس
رغد اتضايقت لما سميره ذقتها وخدت فارس منها.
سميره قعدت فارس علي كرسي ورغد بعدت عنهم وقعدت لوحدها.
فارس بص ناحية سميره واخواته وقال .
_ بابا تعبان اووي يا ماما . صعبان عليا بابا اووي انا عمري ما شفته بالمنظر دي .
فارس دموعه نازله بغزاره وكانه طفل صغير
شعوره ناحية والده وخوفه عليه . مقدرش يتمالك اعصابه ويسيطر علي دموعه
الناحية التانيه رغد قاعده لوحدها وبتبكي بحرقه .
المره دي الدموع اشد واكتر .
بلحظه حست انها بقيت لوحدها خلاص مفيش حد معاها ومحدش هيوقف معاها.
لو مات حسان .
اللي عملته معاها سميره
دي كان انذار شديد اللهجه فهمت منه .
انها غير مرغوب فيها. وان لولا وجود حسان لاختلف الوضع..
شعور الوحده اللي كانت عايشه فيه قبل ظهور حسان بحياتها
رجع تاني في مرض حسان .
سميره جمب فارس وبتهدي فيه وحاطه عيونها علي رغد وكاتمه غيظ جواها.
فارس اتمالك اعصابه ومسح دموعه
وبيبص حواليه بيدور علي رغد .
بص لسميره وقال .
_رغد فين يا ماما مش شايفها..
سميره بتنهيده بقرف
_ يعني هتروح فين يا حبيبي . قاعده هناك
وشاورة بايديها ناحية رغد .
شافها فارس وقام من مكانه .
مسكته سميره وقالت .
_ اقعد يا فارس انت تعبان رايح فين دلوقت.
_ رايح عند رغد يا ماما
مشي فارس من جمب سميره رايح ناحية رغد . سميره بتبص لفادي وعمرو ومقهوره
قالت بغضب .
_ انا مش عارف المصيبه دي طلعت لينا منين ؟
فادي بص لمامته وقال
_ دي ناقص تقول انها اختنا وليها بالفيلا يا ماما . احنا لازم نشوف حل ليها.
هزت سميره راسها بقهر
_اصبر يا فادي كله بوقته يا حبيبي
فادي بيكلم سميره وبيبص ناحيتهم وقال .
_ انا مش مرتاح للبنت دي يا ماما .
ومش مصدق كلام بابا
.وحاسس كمان ان في وراها مصيبه . ومش عارف اي هيا بالظبط.
سميره بقهر وغيظ.
هنعرف ولو معرفناش دلوقت .بكره نعرف وسعتها. يا رغد هعرفك مين سميره .
فارس قاعد جمب رغد اللي دموعها مش واقفه وبتعيط وبيحاول يهديها
بصلها فارس وقال .
_ متزعليش يا رغد انا عارف تصرف ماما ضايقك وانا كمان ضايقني بس الوقت دي مش وقت عتاب . يفوق بابا وانا ليا تصرف تأني.
رغد حاولت تتمالك اعصابها وتبطل عياط وبصت لفارس وقالت بصوت واطي
_ متقلقش يا فارس انا مش زعلانه .
انا اللي يهمني حسان بيه وبس وعشانه .
استحمل اي حاجه في سبيل انه يرجع لينا تاني .
_ متخفيش يا رغد أن شاء الله بابا هيبقي كويس .
واحنا كلنا معاكي متخفيش من اي حاجه
لحظه صمت من الجميع وترقب وفجاه الكل وقف علي صوت الممرضات هما وبيجرو ناحية غرفة الانعاش اللي فيها حسان. الكل جري عند الغرفه وقفت الممرضه عند الباب تمنع دخول اي حد .
دقايق معدوده وخرج الدكتور من غرفة حسان. اتلم حواليه الكل خايف ومرعوب..