رواية شط الموت الفصل الاول1والثاني2بقلم مي علي

 الفصل الثاني

بقلمي / مي علي 

يوسف رجع من السفر بعد غيبه طويله وعيلتو اتجمعو حواليه كلهم 

وكانو قاعدين يتكلمو كلهم 

طارق ابن عمو قال انو عاوز يصيف وعمرو اخوه اقترح أنهم يروحو يصيفو ف الشاليه بتاعهم 

لكن والدتهم كانت ممانعه نهائي المكان ده 

لما سأل يوسف ليه 

طارق قال...

بص يا سيدي هحكيلك ... الشط ده من فتره كده قول حوالي تلت سنين ولا أربعه 

كان في ناس كتير اوي وبصراحه نضيف جدا وجميل وكنا بنروح نصيف هناك علي طول 

وفجأه الشاطئ ده بقي في حالات اختفاء كتير وحالات غرق بشكل مبالغ فيه 

الحكومه حققت بص مقدروش يوصلو لحاجه نهائي لأن مفيش دليل اصلا ضد حد 

يوسف قال...

ما يمكن الشط فيها دوامات أو الموج بيسحب لجوه ..هو لازم يعني يبقي في حاجه خارقه ف الموضوع 

طارق...

يا يوسف مفيش ...ما هما بردو قالو كده بس الشاطئ ميتو هاديه وغفر السواحل قالو انو خالي من اي دوامات ...

الناس بقي ابتدت تتكلم من هنا ...وبالذات لما ف مره لحقو واحد دخل ف نص البحر بليل ..بس كان معاه أهلو وأخواته لحقوه 

وربنا سترها عليه ولما فاق سألوه اي اللي حصل 

قال انو سمع شخص بيناديه 

صوت جاي من ناحية البحر ومحسش بنفسو غير وهو داخل وفاق لحظه ماحس انو بيغرق 

ومش فاكر اي حاجه تاني بعد كده 

أمه أكدت انو اصلا مبينزلش البحر الصبح لانو عندو فوبيا من الميه وانو بيكتفي بس انو يتمشي ع الشط 

يوسف ..

وطبعا الناس صدقت 

طارق ..

اه طبعا لان في شهود اهو ... وفعلا الحالات ابتدت تزيد ...ف الاول منعو الدخول للشط تماما لكن بعد كده بقي رجعو فتحوه عشان في ناس عندها شاليهات هناك 

يوسف...

كل الحكاوي دي مدخلتش دماغي ...مفيش حاجه اسمها كده لا العلم ولا العقل ولا المنطق ولا اي حاجه تقول اني اصدق الكلام ده 

عمرو قال...

الله يرحم زمان يا يوسف لما كنت بتقول انك هتتجوز عروسة البحر وكانت صورها ماليه الاوضه من وانت صغير 

يوسف...

ده كان زمان كنت طفل وقتها إنما دلوقتي كبرنا بقي ولا اي 

عمرو...

طبعا 

طارق ...

بردو مقررتوش هتصيفو فين يا جماعه قدرو موقفي انا كمان شويه هتيجو تاخدوني من النافوره اللي ف الميدان بالمايوه 

الكل ضحك 

يوسف...

انا مستعد أجي معاكم انا كمان وحشني المصيف اوووي 

طارق ..

بجد يا يوسف ...ايوا بقي وهيبقي احلي مصيف 

يوسف ...

وممكن نروح كلنا 

طارق ...

كلنا اللي هما مين ...لا والنبي يا يوسف اوعي تقول الأهالي كمان انا لسه بقولك يبقي مصيف حلو ابوس ايدك متنكدش عليا

يوسف ...

ههههههههههه طيب يا سيدي ممكن احنا كلنا الشباب بأخواتنا وبس ها كده حلو 

طارق ...

اه إذا كان كده ماشي 

عمرو...

طب مقولتوش هنروح فين 

يوسف ...

بصراحه انت شوقتني للشط بتاع النداهه ده ...وانا بقي بحب المغامرات اووووي ... وبالمره أثبتلكم أن مفيش اي حاجه من الكلام ده صح 

عمرو ...

مش هيوافقو صدقني انا حاولت 

يوسف ...

سيب الموضوع ده عليا 

عمرو..

هتعمل اي قلي 

يوسف...

تعالي معايا بس 

وقام يوسف وطارق وعمرو 

يوسف قال...

بابا ..بقول لحضرتك اي ... كنا بنتكلم كدا علي موضوع المصيف وبصراحه عاوز اروح اصيف وناخد بعضنا احنا الشباب ونروح اي رأيك 

ابوه ...

والله يا چو انا معنديش مانع ...بس هتروحو فين 

يوسف...

النداهه 

زغدو عمرو ف كتفو 

قصدي قصدي الشاليه بتاع عمو أحمد 

عمو رد ...

اه عمرو لعب ف دماغك هو وطارق صح 

يوسف ..

لا والله ياعمو بس انا حابب التجربه وعشان أكدلهم أن مفيش حاجه زي دي 

ابوه رد ...

والله انا معنديش مانع ...وانت يا احمد 

- انا خايف بس عليهم الأمر ميسلمش 

يوسف...

ياعمي متخفش كلو هيبقي تمام دول هما يومين بالظبط وهنرجع انشالله 

احمد بتردد...

طيب يا ولاد ..مفيش مشكله ... بس بلاش تاخدو البنات معاكم 

كلهم طبعا كانو قاعدين راميين ودنهم 

قامو كلهم ...

- لا واحنا واحنا والنبي والنبي والنبي 

- اي ده يا جزمه منك ليها قاعدين راميين ودنكم معانا 

جميله...

لا يا عمي والله انتو اللي صوتكو عالي 

احمد..

هههههه شوف العيال يا أكرم 

أكرم...

شوفت يا اخويا شوفت ...خلاص ظبطو وشوفو هتروحو امتي 

كان الأمهات بره ودخلو علي الكلمه دي 

هدي مامت يوسف قالت ..

يروحو فين يا أكرم 

- مفيش الولاد عاوزين يصيغو يا ستي 

سلوي مرات عمهم أحمد قالت..

دي فكرة ولادي انا عارفه ... طب وهتصيفو فين انشالله 

الكل وقف وتنح 

الام فهمت ..

قالت..

مستحييييل انا مش مستغنيه عنكم 

يوسف رد...

متخفيش يا طنط والله مفيش حاجه لو حسبتيها بالعقل هتلاقي أن مفيش حاجه من دي حقيقه ..وأضمنلك كده صدقيني 

هدي امو ردت...

خلاص بقي يا سلوي متحبكيهاش كده سيبيهم يتبسطو 

سلوي ...

وهما عشان يتبسطو يبقو يروحو ميرجعوش مهي مصر مليانه شواطئ ...ملقتوش الا ده 

عمرو...

خلاص بقي يا ماما ...كلهم وافقو والنبي بقي خلينا نروح عشان خاطري 

الام بعد معاناه وافقت وقررو أنهم هيرحو تاني يوم كلهم ...وهيتصلو بعمهم مراد كمان ويقترحو عليه انو يسيب بسمه وأدم ومازن يجو معاهم 

وفعلا اتصلو بعمهم التالت ووافق 

وحددوا معاد الصبح بدري هيتجمعو كلهم الساعه سته الصبح قدام ڤيلا يوسف 

وفعلا الصبح كلهم كانو موجودين ومحضرين كل حاجتهم 

يوسف وجميله ولوچي ولاد أكرم 

وبسمه وادم ومازن ولاد مراد 

وطارق وعمرو والبنتين ولاد أحمد 

كان معاهم عربيتين ...أخدوهم وطلعو علي أسكندريه لأن الشاليه هناك  

وصلو بعد ساعتين ونص بالظبط ... ودخلو المكان ...مكنش في ناس كتير ...بس الشط مفتوح 

نزلو كلهم من العربيات وأخدو الشنط ودخلو الشاليه 

عمرو أول ما دخل بصلهم وقال...

معلش بقي الشاليه مترب وكده عشان بقالنا فتره مجيناش هنا 

نرتاح من السكه ومعلش بقي همتكم معايا نروقو 

يوسف ...

وهما تعبو ف اي يلا يلا دلوقتي ...كل واحد يمسك ركن وينضفو يلا 

وفعلا كلهم قامو ونضفو الشاليه كلو والاوض 

كان في أربع أوض ...اوضتين للبنات وأوضتين للولاد 

الشباب ...

اوضه فيها ادم ويوسف وعمرو 

والاوضه التانيه جمبها علي طول فيها طارق ومازن 

والبنات الاوضتين التانين فتحوهم علي بعض في بس باب بينهم 

قضو اليوم عادي بس محدش نزل البحر 

كان في ناس بس مش كتير اوي 

والواضح أن كل الناس خايفه تنزل البحر 

فضلو قاعدين كلهم وجابو أكل ولعبو كوتشينه وهزار وضحك وكل حاجه ...

الشباب خرجو يتمشو ع البحر ... والبنات فضلو قاعدين ف الشاليه

الساعه كانت حوالي تمانيه بليل 

جميله استأذنتهم تدخل الاوضه ترتاح شويه لأنها فضلت مطبقه من امبارح 

دخلت وسابتهم 

الاوضه كانت زي نظام الشاليهات القديم ... الاوضه ف الارضي وبڤرندا متحاوطه بسلك وعاليه شويه وفيها باب بينزل ع الشط من الڤرندا بس طبعا مقفول 

دخلت جميله وفتحت الشيش بتاع الڤرندا ...

ورجعت فردت جسمها ع السرير 

ولسه هتغمض عينيها 

سمعت صوت خرفشه ف البلكونه ...

وخبط 

قامت بسرعه تشوف في اي 

قالت يمكن فار أو حاجه 

خرجت 

تشوف في اي .... وراحت مصرخه بعلو صوتها 

الكل جري علي صوت الصراخ 

والشباب سمعو صوت صرختها دخلو جري ..

فتح يوسف النور ودخلو وراها 

لقوها واقفه حاطه أيدها علي قلبها 

دخل يوسف وبص ...

لقي واحد شكلو غريب جدا وماسك كلب شكلو مرعب 

وواقف قدام باب الڤرندا 

بص للراجل وقال...

انت اي اللي موقفك هنا يا جدع انت ...

انت مين ؟! ...

                     الفصل الثالث من هنا

لقراءة باقي الفصول من هنا