رواية شط الموت الفصل الثالث3بقلم مي علي

/ الجزء الثالث

بقلمي : مي علي

صرخت جميله صرخه عاليه جدا ...

جريو كلهم عليها 

يوسف دخل وفتح النور لقاها واقفه وحاطه أيدها علي قلبها ... 

بص يوسف لقي راجل غريب جدا وماسك كلب شكلو يخوف ..

يوسف ..

اي يا جدع انت اللي موقفك هنا ....انت مين ؟! 

بصلهم الراجل وتنح 

يوسف ..

هو انا مش بكلمك ولا انت مبتسمعش 

بردو الراجل متنح ...يوسف اتعصب وقال...

- لا استناني انا خارجلك ...ده اي البجاحه دي 

خرجو كلهم وراه 

يوسف يكلم الراجل والراجل ميردش وبيدي بس نظرات 

كلهم اتعصبو ع الأخر وكانو عاوزين يضربو 

ولسه هيمدو أيدهم 

لقو واحد بينادي وييزعق...

اي يا شباب مالكو استهدو بالله 

وجاي عليهم بيجري 

يوسف قالو ..

وانت مالك انت خليك ف حالك 

الراجل..

استهدي بالله بس وسيب الراجل 

عمرو...

ياعم احنا لقيناه واقف قدام باب الڤرنده ونكلمو متنح ومبيردش 

الراجل...

ياعم الله يرضي عليك ده مبيسمعش ولا بيتكلم 

يوسف ..

والنبي 

الراجل ..

اه والله ... ده قرموط بيحرس الشاليهات هنا ...تلاقيه بس حس بحركه ولا حاجه ف قال يجي يشوف 

طارق...

ولما تشغلو حد للحراسه تشغلو واحد أخرص ومبيسمعش 

الراجل ..

بس جتتو عفيه ...ده يكومك هنا 

يوسف ..

طب انا دلوقتي عاوز اعرف كان واقف بيهبب اي 

الراجل ...

ياعم الشاليه ده مفيش حد بيجيه من سنين واحنا هنا بنحرس لو حصل اي جديد ولا حاجه او حركه غريبه بنشوف

يوسف ..

طب ما احنا من الصبح هنا ملاحظش وجودنا غير دلوقتي 

الراجل ...

حقك علي عيني ياعم انا مش هخليه يهوب ناحية هنا تاني ... اسمع اصل بص ده انت ممكن تحتاجه ...يراقب حاجه يحرس بتاع والله منفعه 

..متزعلش مننا عدم اللامؤاخذه اساعدت البيه 

نورتونا مكانكم ومطرحكم 

طارق ...

وانت تطلع مين بقي يعني ...متعرفناش بسيادتك 

الراجل ...

انا صناره ...محسوبك صناره ... بحرس الشط برضو وصاحب الكافيتريه هنا والنصبايه اللي ع الشط ..والمسؤول عن الكراسي والشماسي والذي منه ...تقدر تقول عدم الامؤخذه الكل ف الكل هنا 

يوسف ...

اه اهلا بيك يا صناره 

- اهلا بيك اساعدت البيه ...بص يا بيه الشط بتاعكم اعملو مابدالكم ...وانا ف الخدمه بردك ..أمر كده أمر كده انا موجود 

يوسف كلبش ايدو ف عشرين جنيه وادهالو وهو بيقول ..

تسلم يا معلم 

أخدها منو وهو منشكح اوي وبيقول ...

مننحرمش ... طيب اساعدت البيه انا هنا جمبكم لو عوزتو حاجه قول بس يا صناره هتلاقيني قدامك هوااا 

آدم ....

طب حيث كده بقي معلش طقم حاجه ساقعه من عندك وكام كرسي كده 

صناره...

من عنيا الجوز اباشا 

وسحب ف ايدو قرموط هو والكلب المرعب بتاعو 

يوسف ...

انت عاوز منه كام كرسي ليه 

آدم...

تعالو نقعد هنا قدام البحر وبردو نبقي قريبين من البنات 

طارق ..

اشطا انا بعشق القاعده قدام البحر للصبح 

وفعلا راحو كلهم قعدو قدام البحر ...

والبنات نعسو كلهم ودخلو نامو والشباب فضلو قاعدين للساعه تلاته الفجر

يوسف قال...

يا جماعه انا حاسس ان دماغي تقلت ع الأخر 

طارق ...

عاوز تنام شكلك 

يوسف ...

اه الظاهر كده 

آدم ...

طب يلا انا كمان نعست وعاوز انام 

مازن...

وانا بصراحه عشان عاوز اصحي أخد اليوم من اولو ف البحر 

كلهم قامو معادا طارق 

يوسف ...

اي يا طارق مش هتدخل معانا 

- لا يا چو انا لسه قاعد شويه ...روحو انتو وانا شويه هحصلكو 

- خلاص ماشي اللي يريحك 

دخلو كلهم وفضل طارق قاعد ع البحر ..وقرب الكرسي ناحية البحر شويه 

وبص علي صناره اللي كان قاعد وعينيه راحه جايه عليه

بص جمبو لقي الكلب بتاع قرموط موجود وربطو جمبو 

بس قرموط نفسو مش موجود 

دخلو الشباب الاوضه 

بس يوسف فضل قاعد بره شويه 

كانت أميره لسه منمتش وكانت صاحيه مستنياهم يخشو 

وشافت يوسف وهو قاعد بره 

راحت خارجه 

يوسف اول ما شافها قال...

انتي لسه صاحيه !!! 

- اه معرفتش انام 

- طب واي اللي مصحيكي

- بصراحه ...انت يا يوسف

- انا ؟! 

- يوسف انت ...انت وحشتني اوي ...انا كنت مستنيه بس فرصه اتكلم معاك

- سامعك يا أميره اتفضلي اتكلمي  معاكي 

- يوسف انا عمري منسيتك ابدا ولا لحظه من ساعة ما سافرت علي الرغم أن عدي سنين بس انا ...انا لسه ب .... لسه فاكره اللي بنا 

- اللي هو اي ؟! 

- اللي هو اي ازاي يعني 

- قصدي اي اللي بنا !!! 

- يوسف انت بتسألني ...انت حقيقي مش فاهم ولا بتستعبط 

- أميره انا بقالي سبع سنين يعني عدي وقت طويل علي الموضوع ده ... وبيتهيألي ف الوقت ده كنا مراهقين وكده 

- طب واي اللي اتغير يا چو 

- اللي اتغير إن انا بحب واحده فعلا وناوي أتجوزها 

- يوسف انت بتقول اي ؟! 

- بصي انا مش عاوزك تزعلي وف نفس الوقت مش عاوزك تتعلقي بيا ..احنا ف الاخر ولاد عم انا اتمنالك الخير 

عينيها دمعت ...

وقالت...

انا بجد....

مقدرتش تسيطر علي نفسها 

يوسف ...

طب بس ممكن متعيطيش كده 

صعبت عليها نفسها ...وقامت من سكات ودخلت من غير متقولو حتي تصبح علي خير 

يوسف بقي مدايق اوي من نفسو 

وفضل قاعد كتير بيفكر وسرحان ومدايق 

نرجع لطارق اللي كان قاعد علي البحر 

فضل قاعد ...

الشط كلو هوس هوس ... خلاص مفيش حد ماشي 

نور الكافيتريا يدوبك منور 

كان قاعد سرحان ...بص علي صناره ملقهوش موجود لا هو ولا قرموط ..الكلب لسه زي ماهو مربوط 

طارق بص حواليه ملقاش حد نهائي 

فرد نفسو ع الكرسي ثواني ..

ورجع راسو لورا 

وفجأه سمع صوت هادي بينادي عليه ..

بص حواليه ملقاش حد 

ركز شويه ... سامع صوت واحده بتصوت والصوت مكتوم جدا ...

قام وقف وبص حواليه ... الصوت جاي من ناحية البحر .. الشمس يدوبك كانت بتشرق 

خيط رفيع من النور 

قرب ناحية البحر وبص 

يمكن واحده بتغرق ... الصوت عمال بيزيد 

بس بردو مكتوم 

قرب ناحية الميه أكتر 

وفضل يقرب ويبص ... ويتبع الصوت اللي هو سامعو 

ف اللحظه دي يوسف كان لسه صاحي منمش 

قام وبص علي طارق اللي شايفو وهو بيدخل الميه واحده واحده 

نده عليه .....

طاارق 

اول مره مسمعش 

نده تاني ...

طاااااااارق .....طاااارق 

طارق انتبه للصوت وبص وراه لقاه يوسف ..رجع بسرعه ع الشاليه ودخل 

يوسف قالو...

اي يابني شايفك داخل ناحية البحر هتنزل دلوقتي ولا اي 

طارق بشرود ...

لا أصل...

وسكت شويه وسرح 

يوسف ...

اصل اي ..

طارق متنح 

يوسف ...

في اي يا بني ؟! 

طارق ..

ها .... لا ولا حاجه ولا حاجه 

يوسف ...

متأكد 

طارق ...

اه تمام 

يوسف ..

طب يلا بقي كفايه كده متطلعش تاني وادخل نام 

طارق ...

ايوه فعلا انا محتاج انام 

يوسف ...

طيب تصبح علي خير 

طارق...

وانت من اهل الخير يا چو 

ودخلو نامو زي القتله 

والصبح الساعه عشره الصبح 

كلهم صحيو ماعدا طارق ويوسف طبعا 

مرضيوش يقلقوهم وسابوهم نايمين 

الباقي حضرو حاجتهم وخرجوا عشان ينزلو البحر 

الساعه اتناشر ..صحي يوسف وطارق ولبسو وخرجو ورا الباقي اللي كانو مستجمين اوي 

لقو الشط في ناس والجو كان جميل 

كلهم كانو مبسوطين وبيضحكو ماعدا أميره اللي كانت قاعده زعلانه ومبوذه 

وكلهم لاحظو ده 

يوسف خرج قعد ع الشط ..كلهم كانو ف البحر 

راح مازن جمبو وقال...

يوسف عاوز اقولك حاجه 

- قول يا مازن 

- انا غصب عني سمعتكو امبارح انت واميره وانتو بتتكلمو ...كنت خارج بصراحه اشرب لقيتكو قاعدين

- اه وبعدين 

- بصراحه انت كنت قاسي اوي معاها يا چو ...اميره رقيقه متستهلش منك كده لأنها عاشت طول عمرها بتحبك ...من واحنا صغيرين وانت عارف ...ومش مدياني .... قصدي مش مديه حد فرصه يقربلها ...ليه تجرحها كده بعد كل السنين دي 

- بص يا مازن انت اخويا ...انت قولتها بلسانك بعد السنين دي ... حبها ليا خلاها تستني سنين ... ولو عشمتها هتستني اكتر ... وانا مش هقدر اعلقها بيا انا مبفكرش ف الارتباط دلوقتي نهائي 

- اومال اي حكاية بحب واحده وهتجوزها دي 

- والله يا مازن لا في واحده ولا نيله انا معرفش قولت لي كده بس اتهيألي أن ده أحسن طريقه تبعدها وتخليها تنسي 

- نفسي والله تنسي 

- مازن انت بتحبها !!! 

- انا .... ل...لامين قال كده ...انا بس زعلان عليها 

- متقلقش عليها هتكون كويسه انا عارف 

- اتمني 

الشباب قاطعوهم 

طارق ..

اي مش ناوين تنزلو البحر ولا اي 

يوسف ...

لا يلا بينا يلا 

دخلو كلهم الميه وفضلو يلعبو 

ويوسف فضل يهزر معاهم وينزل يغطس ويشد رجل حد فيهم 

وهما بقم خايفين بس بيضحكو 

كان في أطفال كمان ف الميه والجو كان جميل 

وكلهم ف الميه وبيضحكو وبيلعبو 

وفجأه صرخت واحده ست صرخه هزت الشط كلو 

فضلت تصوط وتقول ...

ابني ... إلحقونييييي ابني 

كل الناس خرجت واتلمت عليها 

- مالك يا ست في اي 

- ابني كان قدامي هنا ف الميه ...ببص عليه مش لاقياه 

- طب استهدي بالله اكيد هنا ولا هنا ...شكلو اي ابنك ده طيب خلينا ندور معاكي 

الأم وصفت شكل الولد ...

وكلهم طلعو يدورو معاهم ...وقلبو الدنيا 

ف أخر الشط من بعيد الأم صرخت ...

- العوامه بتاعتو اهيه 

- هو انتي مش بتقولي كان قدامك هناك ... اي اللي جابو هنا ده بعد اوي ... متأكدة طيب أن دي عوامتو 

- ايوه متأكده ...البطه اللي متعلقه ف العوامه اي انا اللي حطهالو بنفسي 

مسكو العوامه لقوها متقطعه ...زي ميكون حد خرمها وقطعها ...

فضلو يدورو بكل قوتهم 

وراحو للمسؤلين عن الكاميرات وأمروهم بفض الشرايط وبالذات ف الحته اللي لقو فيها العوامه بتاعت الولد 

وفعلا فضو الكاميرات ... والكل كان مراهن انو اتخطف ..بس قالو يتابعو ويشوفو

لحد ما وصلو للحظه ظهور الولد 

ووالدته اتعرفت عليه 

وبيشوفو اي اللي حصل ف الفيديو 

وكانت المفاجأة.........

                   الفصل الرابع من هنا

لقراءة باقي الفصول من هنا