رواية شط الموت الفصل السادس6بقلم مي علي

الجزء السادس...

بقلمي : مي علي 

يوسف طلب من مازن يخرج يقعد ع الشط ويطلب من قرموط حاجه يشربها 

وفضلو الشباب جوه يراقبو الجو 

وشويه ولمحو مازن قام ووقف قدام الشط ودخل ف الميه 

وشافو نفس النور الأحمر الخافت بتاع اللانش وهو بيقرب ع الشط وعارف ومتأكد أن في حد ف الميه 

يوسف استني لما الانش قرب ع الشط اوي 

وخرجوا كلهم جري وبعلو صوتهم زعقو 

اللنش اتحرك ولف واختفي من قدامهم 

وكان ساحب مازن اللي طاف علي وش الميه 

جري يوسف وعمرو جوه الميه وسحبوه ع الشط 

والمفاجأه كانت 

بصو علي رجلو لقوها مربوطه بسلبه وحبل وفي خطاف غارز ف رجلو 

يوسف مسك الحبل اللي كان ملفوف حوالين رجلو

وفكو وشال السلبه اللي كانت تقيله جدا

والخطاف اللي غارز ف رجلو

صرخ مازن من الوجع علي الرغم من انو كان شارب ميه ومش قادر يتنفس

طارق شالو ودخلو الشاليه

يوسف فضل واقف ع الشط يتابع اللانش لكن اختفي تماما

دخل وراهم ولمح بعنيه صناره اللي كان واقف مستخبي

يوسف عرف انو كان متابع كل حاجه واتأكد أنهم هما اللي بيعملوا كده ف الناس

دخلو وقفلو الباب كويس

وحاولو يفوقو مازن اللي بياخد نفسو بالعافيه

يوسف بصلهم وقال ...

- اللنش ده كان عارف ان في حد ف الميه ... وكان متابع أن مفيش حد ع الشط نهائي

والحبل اللي أتلف بيه مازن وفي سلبه ده اكيد عشان يغطس تحت الميه والسلبه تشدو لتحت بالخطاف

طارق ...

ايوه فعلا السلبه تقيله جدا ولو اتربطت ف حد هتاخدو وتغطس

يوسف ...

بس هو ملحقش يربطها والحبل اتقطع منو ...وسريع جدا لدرجة انو ف ثواني قدر يطلعو من الميه ويلفو بالحبل ده ...وسريع جدا انو قدر يلف ف ثواني ويختفي ف نص الميه

طارق ..

اي الحكايه بقي يا يوسف احسن انا مبقتش فاهم حاجه

يوسف ..

مهي واضحه زي الشمس ... اكيد هما بيحطو ماده للناس أو للشخص اللي عاوزين يستهدفوه ده وبيتعمدو ياخدو الأشخاص اللي لوحدهم ع الشط وبيساعدهم ف ده أن الشط مفيهوش ناس كتير ولما بيدخل الميه هو بيبقي متابع وبياخد الجثه زي ما عمل مع مازن

وبيربطو بسلبه تاخدو وتغطس عشان يضمن انو ميبنش أو انو غرق مثلا ... بس اللي عاوز افهمو بقي

بياخدو الجثث دي يعملو فيها ايييي

عمرو ..

يوسف بس لو هما من مصلحتهم ياخدو الجثث وهما ورا الحكايه دي طب بعد كام يوم الغواصين بيلاقو الجثث

يوسف ...

جثث الغراقنين مبتتشرحش ...معظمهم هنا بياخدوهم يدفنوهم علي طول ... أصل مين هيشرح شخص غرق ف الميه مفيش شبهه ف الموضوع

طارق...

طب احنا وصلنا لمعلومات اهو تعالي نروح نبلغ

يوسف ...

معلومات من غير دليل ... الاول انا بكره هاخد مازن وننزل لمعمل تحاليل كويس واحللو وأشوف إذا كان في مخدر ف جسمو ولا لا ... والحاجه التانيه اللي بتمني تحصل ... أنهم يطلعو جثة الشاب اللي أنا متأكد انو مات

عمرو ...

طب وده هيفيدك في اي

يوسف ...

اكيد هو تبع حد هنا وهيدورو عليه ... وانا هفضل موجود لحد ما يقبو بالجثه دي وهطلب تشريحها ... انا متأكد أن وراها جنايه

طارق ...

جنايه زي اي هيعملو اي ب ....

تصدق يا يوسف صح ...ممكن أعضاء

يوسف ...

مش ممكن أكيد ... اصل هيعملو اي بيهم .. بيجيبوهم عن طريق الغرق محدش هيشك وكمان حكاية النداهه اللي عمو بيها عقول الناس

في مافيا أعضاء ف الموضوع وده اللي يفسر الطفل الصغير اللي وشو كان متشوه وقالو أن السمك أو وجودو ف الميه لمده طويله هو اللي عمل كده

طارق ...

تمام

يوسف ..

وقرموط وصناره

عمرو ..

مالهم دول كمان

يوسف ...

انا متأكد أن صناره هو اللي ضربني علي نفوخي

ومتأكد أنهم جزء من الحكايه دي

وحاجه كمان

احنا لازم نلاقي طريقه ندخل بيها الشاليه بتاعه

متأكد هنلاقي دليل هناك

طارق ...

طب ازاي بس

يوسف ..

اكيد في طريقه

العصابه دي بتمارس جرايمها من فتره طويله

وفي معاهم ناس هما مين معرفش ...بس الكاميرات اللي موجوده مش تحت ايد شركه زي ما قال صناره

الشرايط اللي شافها مازن دي فيها حاجه انا متأكد

عمرو ...

طب اللي بيسحبوهم بالليل باللنش دي عرفناها

إنما اللي سحبوهم بالنهار دول اي

والطفل الصغير سحبوه ازاي

يوسف ...

ليهم طريقتهم وانا متأكد أن في حد هو اللي جر الطفل لهناك زي مانا متأكد أن المنطقه دي بتاعتهم

صح انا افتكرت

مهو ف الوقت اللي صرخت فيه الأم كلنا روحنا وراها

ممكن يكونو استغلو الوقت ده والجثه ملحقتش تسحب ف الميه

او ممكن مثلا استغلو أن الغواصين بيدورو وفي لانش منهم تبعهم هو اللي سحب الطفل بنفس الطريقه

طارق ...

كلام منطقي يا جو

يوسف ...

العلامه اللي ف رجلو دي هي الخطاف اللي اتربط بيه صدقني

وهو نفس الخطاف اللي اتربطت بيه رجل لوچي أكيد

طارق ...

خلاص كده عملنا جمله مفيده يبقي لازم بكره ندخل الشاليه زي ما قولت وتروح تعمل التحليل لمازن وبعدين نجمع كل ده بالتصوريات اللي صورناها ونبلغ

يوسف ...

خلاص تمام

وفعلا الصبح بدري جدا أخد يوسف مازن اللي كان بيعرج ولسه متأثر باللي حصل وراح عملو تحليل شامل يظهر إذا كان في ماده مخدره ف جسمو ولا لا

لكن التحليل أثبت أن مفيش اي مواد مخدره أو مغيبه ف جسمو

يوسف بقي هيتجنن طب اي بس اللي بيخليهم يغيبو عن الوعي بالشكل ده

رجع يوسف و قعد مازن ف الشاليه وخرج هو والشباب

الساعه كانت حوالي حداشر

وطبعا أهل الجثه بتاعت الشاب لاحظو اختفائه وبلغو بالبحث عنو

فضل الحال يومين والدنيا هاديه تماما

وقرموط وصناره بيتعاملو عادي جدا

ومفيش اي ظهور للنش ده ف الميه ولا الصبح ولا بليل

بعد مرور تلت ايام

سأل يوسف اكتر من حد إذا كانو لاقو جثة الشاب ولا لا

واتفاجئ لما قالولو انهم لاقوها بس البحر حدفها علي شط تاني واستعدو أهلو يستلمو الجثه ويتعرفو عليها

يوسف دخل وهو هيتجنن

طارق ...

مالك يا يوسف بس في اي

يوسف ...

سمعونا اكيد واحنا بنتكلم احنا متراقبين من كل ناحيه

ولاد الكلب حدفوه ف شط تاني بعيد عن هنا وف السر ومن سكات استدعو أهلو يجو يستلمو الجثه من بره بره

عشان عارفين اني هتكلم وهطلب تشريحها

طارق ...

طب ما احنا فيها يا چو ...احنا نحاول نوصلهم ونروح نقولهم أن الحكايه وراها شبهه

ونخليهم يشرحو الجثه

يوسف ...

صح كلامك بس نسأل مين

طارق ...

أكيد في حد من جيرانهم يعرفو ...اللي خلاهم يعرفو حكاية من بره بره دي هيعرفو أكيد

خلينا نسأل واللي يسأل يعرف

يوسف ...

تمام

طارق ...

طب انت رايح فين ؟!

يوسف ...

هخرج اسأل إذا كان في حد يعرفهم ولا لا

وفعلا خرج يوسف وسأل نفس الشخص اللي إدالو معلومة أنهم سلموهم الجثه

سألو إذا كان في حد يعرفهم

قالو أن في جيرانهم ممكن يكونو يعرفو معلومات عنهم

راح يوسف ودخل سأل وفعلا كانت بنتهم صاحبة أخت الشاب اللي غرق ..

ومعاها رقم موبايلهم

أخد يوسف الرقم واتصل بسرعه بالبنت اللي اتخضت اول ما سمعت صوتو

- الو

- ايوه مين

- لو سمحتي انا عاوز والدك أو والدتك معلش اديني حد منهم أكلمو

- طب مين معايا طيب

- أنا جاركم ف الشاليه اللي ع الشط اللي غرق فيه أخوكي وعندي معلومات مهمه بخصوص غرقو

- اه طيب دقيقه واحده

غابت البنت دقيقه ورجعت وقالت ..

- الو ... اتفضل بابا معاك اهو

الاب قال ...

الو

- ايوه يا فندم انا يوسف جاركم ف الشاليه

- ايوه هي قالتلي انك عندك معلومات عن وفاة ابني

- ايوه يا فندم انا بس عاوز اسأل حضرتك دفنتو ولا لسه

- انا باخد إجراءات الدفن حاليا وهندفنو انهارده انشالله

الاب كان بيتكلم بأسي شديد ف صوتو

يوسف رد وقال ...

بعد اذنك خدو علي أقرب مستشفي ليك وخليهم يدخلوه المشرحه

- انت مجنون اي اللي انت بتقولو ده

- يا فندم موت ابنك فيه شبهه جنائيه

- انت بتخرف بتقول اي انا ابني مات غريق ...يعني زي الشهيد بالظبط

- ارجوك اسمع كلامي مش هتخسر حاجه انا عارف ان اللي بقولو مستحيل بس ارجوك اسمعني ...انا محتاج اقابل حضرتك ضروري هجيلك وأشرحلك كل حاجه

الاب قال بتردد ...

طيب

يوسف ..

اديني عنوان حضرتك أو المكان اللي انت فيه

الراجل ...

انا هنا ف اسكندريه ...تعالي علي العنوان اللي هبعتهولك ف رساله

يوسف ..

شكرا جدا ليك مسافة السكه وهكون عندك

وقفل يوسف  ودخل جري عشان يقولهم انو رايح للراجل

لكن مازن قاطعه وقال ...

چو إلحق قرموط وصناره شكلهم بيلمو حاجتهم من هنا وخالعين

- خالعين يعني اي

- اتأكدو أنهم اتكشفو يا چو

- لا ده علي جثتي

اسمع خد العنوان ده والصور وكل حاجه وروح للراجل وأقنعو بأي شكل يطلب تشريح الجثه سامع

- ماشي هروح بس انت هتعمل اي

- لازم امنعهم ... هما هيخلعو بالساهل ومش هنعرف نوصل لحاجه

- طيب هات العنوان

وفعلا ادالو يوسف العنوان وخرج جري ومشي يقابل الراجل

يوسف بصلهم وقال ...

شوف عصايه وحبل وسكينه اي حاجه سلح بيها نفسك

- هنعمل اي يا چو

- هنشوف دلوقتي

بس انا هطلع اروح ابص بصه وارجع خليكو هنا متابعين لو حصل اي حاجه

وخرج يوسف جري الساعه كانت حوالي سابعه بليل

بص علي الكافيتريا اللي هدوها ومفيش اي أثر لصناره ولا لقرموط

بص بعيد ع الشاليه وكان منور والباب مفتوح

راح ناحية الشاليه وفضل واقف يسمع لكن مفيش صوت

قرب شويه وبص جوه ملقاش حد

جتلو الجرأه انو يدخل

دخل لقي ازايز كتير مرميه علي الأرض وكراتين فيها برطمنات مليانه حاجه زي البودره

يوسف فتح برطمان منهم ومكنش معاه حاجه يحط فيها

فسحب شويه بأيدو وحطهم ف جيبو

دخل قدام شويه كان في طرابيزه عليها شرايط كتير متفرغه

وكرتونه تانيه فيها صور كتير اوي متقطعه

حتت وقصاقيص صغيره

مفيش ولا صوره سليمه

يوسف فضل واقف عمال يشوف اي اللي ف الكراتين دي

رجلو اتشنكلت ف السجاده واترفعت

بيوطي يوسف لقي في صوره نصها بس مقطوع وباين منها تفاصيل

بص يوسف للصوره ودقق

واتخض وعينو برقت ولقي الصوره صورة جثه بطنها مفتوحه

ومتشرحه ...

                   الفصل السابع من هنا

لقراءة باقي الفصول من هنا