رواية صالون بيتنا
الفصل السابع
الكاتبه / مي علي
بعد مروحو من القسم ودخلو البيت
مكنش الموضوع هيعدي بالساهل وابوهم مسك عصاية المقشه ونزل فيهم ضرب
- انا يا كلاااااب تودوني القسم
انا علي اخر الزمن
دي اخرة تربيتي فيكو
ورده :
يا بابا سيب بس المقشه والنبي وخلينا نتكلم
- بس يا بت ده انا هشيل راقبتكو واعلقها مطرح النجف
انا تعملو فيا كده وانا اللي بقول مربي خمس بنات احسن تربيه
يخسارة تربيتي فيكو يا خساره
يخسارت عمري اللي عيشتو معاكي يا زينب
الام:
يا عزيز بس
- اخرسييي مسمعش صوتك لسانك ميخطبش لساني مش انتي بتعومي علي عومهم
اشربي بقي
منكو لله يا عيالي
اسمعي يا بت انتي وهيا
خروج من البيت ممنوع فلوس ممنوع انتو هنا غنم تقعدو ف اواضكو لحد ما تجلكم غوره تشيلكم
نجاة :
بابا طب والأكل اي نظامو
- بس يا طخينه يا عجله
رايحه تجبيلي خاطبه وتعملي عمل عشان تتجوزي طب ياختي خسي بدل مانتي طول النهار نازله لهط
وانتي يا ورده انتي وشاديه
عاوزين تتجوزو
طب مش لما تتربو الأول
مين هياخد عيال قلالة الادب زيكو
الكاتبه مي علي
شاديه :
بابا احنا اسفين يا بابا
- مسمعش نفس واحده فيكو
لسانكو ميخاطبش لساني لحد ما ترجعو بناتي اللي انا ربيتهم
بناتي الطيبين المحترمين مش الشياطين الأبلسه
غوروووو من وشي
وحسكو عينكو اشوف اجتماعات من اللي بتعملوها ولا واحده تكلم التانيه
لو حبكو لبعض يخليكو تعملو كده فينا وتبهدولنا
يبقي ملعون ابو الحب
يلاااااا
ودخلو البنات الاوضه وهما فعلا زعلانين من نفسهم جدا
ورده قالت :
احنا فعلا غلطنا
فيروز :
انا حذرتكو
شاديه :
محني مكناش نعرف انها هتوصل لكده
احنا عمرنا مكنا كده
احنا لازم نتغير ونرجع زي الأول
ربنا هيبعتلنا نصيبنا الكويس من غير منعمل مشاكل وترتر وأعمال وقرف
نجاة :
بابا عندو حق
مين هيرضي بيا
لازم نتغير انا اخس وانتو كمان تشوفو اي الوحش وتغيروه وأكيد لم نرجع كويسين ربنا هيكرمنا ولا اي
ورده :
خلاص بقي عشان بابا ميزعقش يلا خشو غيرو هدومكو وكل واحد تاخد جنب لحد ما نصالح بابا
وبالفعل ف اليوم ده محدش خرج من اوضته وابوهم كان زعلان تماما
بس اوقات لازم الاب ياخد موقف عشان يلحق الزرعه قبل ما تطيح
فضلو ع الحال ده تلت ايام لحد ما جمعو بعض ووقفو قدامو وهو قاعد ف الصاله
ماجده :
بابا ..... بابا
- عوزين اي مش قولت مشوفش خلقتكو
شاديه :
بابا احنا اسفين مش هنعمل كده تاني
نجاة :
سامحنا يا بابا لو سمحت والله الواحد ملوش نفسو لحاجه طول محضرتك زعلان
حتي الأكل
فيروز :
بابا حبيبي خلاص بقي والنبي
بصلهم الأب وقال :
والراس الكبيره مش عاوز تقولي حاجه
الكاتبه مي علي
ورده بصوت مبحوح :
احم انا اسفه يا بابا حقك عليا انا غلطت
بصلهم الأب وابتسم وقال :
كده بناتي حبايبي رجعو مؤدبين وانا مش زعلان منكو بس اوعدوني متتكررش تاني وكل واحده تحط عقلها ف حاجه تفيدها
ردو ف صوت واحد :
حاضر يا بابا
وباسو ايدو وكل واحده فرحت جدا ووشها اتردت فيه الروح
نجاة :
مامااااا سخنيلي أكل بقي أحسن الواحد نفسو مسدوده
شاديه :
بقره هانم وهتفضل طول عمرها ههههههههه
وبالفعل الموقف عدي وكلو تمام
بس ورده متعودتش تسيب حقها
فقررت ان دي اخر حاجه هتعملها ومن غير ما تاخد رأي أخواتها
وقررت تنتقم من غوايش الدجاله بس بطريقه تانيه مؤدبه
وراحت ع القسم اللي اتمسكو فيه
الظابط اول ما شافها ضحك
وكان شاب لطيف ووسيم بس طبعا بحكم شغله عصبي شويه
بصلها وقال :
اي اللي جابك هنا تااااااني
ورده :
صباح الخير الأول
- صباح النور شكلك ف وعيك دلوقتي
- مش اوي
- نعم ؟
- بص حضرتك انا جايه اعمل محضر او ابلغ عن واحده
- امممم وهتبلغي عن مين بقي ترتر ولا جلمبو ولا غوايش
- ههههه حضرتك لسه فاكر
- وهي دي حاجه تتنسي ده انتي مجنونه فعلا
- مش اوي يعني بص هي كانت شعره لزقت ف البطانيه ف الشتا وضاعت و
هي حكايه طويله ابقي احكيها لحضرتك فرصه تانيه
- هههههههههههههه هموت
- هههه تدوم
انا جايه لحضرتك أبلغ عن غوايش الدجاله
الست دي بتأذي الناس بصراحه هو احنا اللي روحنا واحنا اللي غلطانين بس هيا بردو لازم تتعاقب
اخدت مننا مبلغ وقدره مقابل طين محروق علي انه عمل ده غير الرعب اللي عملتهولنا والخصل اللي خدتها وكده
- وانتي جيالي عشان ارجعلك القصه قصدي الخصل
- لا الفلوس المصاري
عشان عاوزه اشتري كوتشي وسندوتش شاورما لأختي
- انتي فعلا مجنونه اقسم بالله
يا مجنونه يا دمك سكر
- ههههههههههههههه اه هو كده
- طيب يا ستي هطلع دلوقتي معاكي كام ظابط وبوكس
ولا اقولك هروح معاكو بنفسي
تحبي نروح معاكي نشتري الكوتشي
- هههههههههههههه
وفعلا الظابط طلع علي بيت غوايش ومسكوها تحري هيا ورجالتها ورجع لورده فلوسها
وف القسم
الظابط قال :
امضي هنا بقي عشان نقفل المحضر
- اوك
- رقم موبايلك بقي
- نعم !
- رقم موبايلك ده شئ أساسي ف المحضر عشان لسه في تحقيقات وممكن نحتاج شهادتك
والعنوان كمان بعد اذنك
- ليه كل ده
- الله مقولتلك
- اممم طيب حاضر
وفعلا كتبت العنوان ورقم الموبايل وروحت
اول ما دخلت اديت أمها الفلوس :
ماما اتفضلي
- اي دول
- الفلوس اللي دفعناها لغوايش
- الله يخربيتك انتي روحتلها انتي مش هتجيبيها لبر ابوكي هيطلقني
- يا ماما اهدي معملتش حاجه ودي أخر حاجه هعملها اصلا
فلوسنا رجعت والحمدلله وخلاص والله علي كده تووووبه
وبالفعل عدا وقت وكلو تمام لحد ما ابوهم جه قالهم :
يا بنات عاوزكم تروقو الدنيا عشان عمكو صالح جاي عندنا هو وابنه محمد ومراته وكده
نجاة :
اي ده هو محمد رجع من امريكا
- اه
- حمدالله علي سلامته
محمد ده كان الجنتل بتاع العيله وسافر أمريكا من بعد الثانوي يكمل تعليمه برا
وميعرفوش عنه حاجه من وقتها
وقامو روقو الدنيا واستحمو ولبسو وانتظروهم
وأول ما شافوه
ورده :
اوباااااا اي ده
نجاة :
حلووو اوي
شاديه:
شبه ابطال الروايات
ماجده :
عيب بقي صوتكو عالي
وراحو كلهم سلمو عليه وفضلو قاعدين متنحين
تقدرو تقولو كلهم حبوه
وبعد ما مشي جريو علي الاوضه يعملو اجتماع
ورده :
الواد حلو لا بجد حلو لازم نوقعو
شاديه :
انا بصيت ف ايدو ملقتش دبله فعلا
نجاة :
الديتلز مهمه جدا بس مين بقي هتوقعو
فيروز :
انا بره الليله وماجده طبعا
ورده :
طيب يبقي احنا التلاته نحاول نوقعه
شاديه :
اي ده هنتجوزه احنا التلاته
ورده :
تلاتة اي بس احنا هنحاول نشده واكيد واحده فينا هتعجبه
وهيحبها أكيد ده ابن عمنا يعني
شاديه :
اه شوفتي كان رقيق معانا ازاي
الباب بيخبط
الكاتبه مي علي
ورده :
مين
الأم :
اي يا بنات قافلين الباب ليه
شاديه :
اجتماع يا ماما
الأم :
ربنا يوفقكو يا حبايبي
نجاة أجبلك تاكلي
نجاة :
اه يا ماما ياريت ولا اقولك انا هاجي بنفسي اتفحص التلاجه قوللها انها وحشتني
شاديه :
انتي مش لسه واكله انتي مبتشبعيش يخربيت كده
- وانتي مالك هوو انا باكل من تلاجتك الله
ورده :
بس بقي شغل عيال
ها اتفقنا ولا اي ؟
شاديه :
اه اتفقنا
نجاة :
يا مسهل يارب
وبالفعل دي كانت خطتهم يوقعوه
وجت فرصه كويسه جدا
واتجمعو البيتين وطلعو مصيف مع بعض
ودي كانت احلي فرصه يستغلوها
بس اللي غير مخططهم تماما
انو سابهم كوووولهم وانجذب لماجده
وماجده بطبعها كانت هاديه مبتحاولش تلفت الانتباه
ورده :
اي ده اخيرا ماجده بتتكلم مع حد
شاديه :
يا حلاوتهم هما الاتنين اهو لابقي نصيبي ولا نصيبكو وانشالله هتاخدو ماجده
نجاة :
يارب وهو احنا نكره ده الأفراح فيها بوفيه وجاتوه
ورده :
بس يا بقره هانم بس
ربنا يتمم بخير ياااارب
وبالفعل محمد انجذب لماجده وحبها وهيا كمان حبتو وبدأت تحكي ليهم عليه واد اي شغلها
ومر بالظبط تلت شهور وطلب أيدها وهي وافقت
وربنا فعلا عوضها خير
والبنات كانو طايرين من الفرحه
ونزل اختارلها احلي وأغلي شبكه
بس هيا فضلت تعمل الخطوبه عندهم ف البيت علي اعتماد ان الصالون كبير ويساعي كتير
واتحددت معاد الخطوبه
ونزلت اشترت فستان
وهما لبسو واتزوقو لليوم ده
وكل حاجه كانت تمام
وبدأت الخطوبه والمزيكا والرقص والكل كان فرحان ومبسوط
بس ف لحظه كل ده اشقلب
لما لاقو أم جلمبو وابنها داخلين الفرح ........