رواية صالون بيتنا
الفصل الأخير
الكاتبه / مي علي
ماجده ربنا كرمها بمحمد ابن عمها اللي رجع من امريكا
ومتعلم ومثقف وهيعيشها عيشه كريمه
والبنات كانو فرحانين جدا وحضرو كل حاجه ليوم الخطوبه
اللي طلبت ماجده انها تعملها ف البيت عندهم
وبالفعل ظبطو كل حاجه وعزمو ناس كتير
القرايب والجيران والأصدقاء
وكل حاجه كانت ماشيه تمام والخطوبه بدأت وكلو كان فرحان وبيرقص
لكن ف لحظه كل ده اتقلب
لما لقو ام جلمبو داخله البيت وف أيدها ابنها
الكاتبه مي علي
البنات قلبهم وقف
واتخضو خضه ما يعلم بيها الا ربنا
نجاة ..
ينهار ابيض اي اللي جابها هنا دي
ورده ...
روحي اطفي الأغاني دي
جايه لأجلها
شاديه ..
ورده ابوس ايدك بلاش مشاكل ماجده المره دي مش هتقوم منها
خلينا بس نشوف عاوزه اي
راحت الام بسرعه وقالت ...
محدش فيكو يتحرك من مكانه ولا واحده تفتح بوقها بكلمه
وراحت فعلا شاديه قفلت المزيكا
بصت زينب لأم جلمبو وقالت ...
اهلا وسهلا
ام جلمبو ..
اهلا بيكي يا حبيبتي
طب مش تقولو أن ماجده بتتجوز علي الاقل كنا عملنا الواجب وجينا نهني مهما إن كان بينا عشره يعني ولا اي
الكاتبه مي علي
الام ...
جايه ليه عاوزه اي
- انا لسه بقولك اهو
احنا جايين نهني
طب والله ده لما بلال عرف انها هتتخطب قال لازم يجي يبارك بنفسو
ولا اي يا بلال
بلال وعنيه مليانه شر ...
ايوه طبعا هو اللي بنا كان شويه
محمد وقف وسأل ماجده...
مين دول يا ماجده ؟!
ام جلمبو بصتله وقالت ...
انت متعرفنيش ايوا
واكيد متعرفش حاجه يا حبة عيني وجاي تخطب علي عماك
محمد ..
انتي بتقولي اي يا وليه انتي
ابو ماجده ادخل وقال ...
استني بس يا محمد
انتي عايزه اي يا وليه يا ناقصه وليكي عين تيجي هنا بعد اللي حصل
الكاتبه مي علي
ام جلامبو ..
الحق علينا اننا جايين نعمل الاصول
- انتي تعرفي الأصول
محمد ...
يا عمي مين دي
بلال ...
انت بقي عريس الغفلة
محمد..
احترم لسانك يا جدع انت انت مين اصلا
بلال...
خطيب ماجده
قصدي اللي كنت خطيب ماجده و
ام جلمبو ..
اعذرو اصلو ميعرفش يا بلال
مش كان لابد تسأل عن اللي هتجوزها وتعرف اصلها وفصلها وسمعتها
ع الأقل تكشف عليها
يمكن تطلع يعني لا مؤاخذه
الكاتبه مي علي
كل البنات كانو خلاص علي أخرهم
ورده ...
انتي محرمتيش من اللي حصلك ده انتي حتي حواجبك لسه مزرعتش
متخليناش نعملها معاكي
الاب ..
ورده بس اسكتي
محمد بصله وقال ...
بعد اذنك يا عمي ممكن ارد انا عليها
وبصلها وقال ..
انتي جايه تحذريني ده كتر خيرك طبعا
وجايه تنصحيني اني اسأل عليها وعلي سمعتها لا واروح اكشف عليها كمان
طب ممكن اقولك حاجه احسن
اي رايك نكشف علي ابنك ونشوف هو راجل اصلا ولا لا
الكل اتفاجئ ومحدش بقي عارف يرد وام جلمبو اتخرست
وماجده ابتسمت اوي
محمد كمل كلامه وقال ...
قبل ما تيجي تتبلي ع الناس روحي شوفي بلاويكي
هي معيوبه يا ستي انا راضي
هتبقي معايا زي الفل
إنما قوليلي بقي مين هتاخد واحد معيوب مش معقول حد هيجوز بنته لأختها
ودلوقتي اتفضلي من غير مطرود
وعلي رأي ورده انتي حواجبك لسه مزرعتش لا انتي ولا بناتك اكيد
وياتري بقيتي تعرفي تقعدي ولا لا
لو حابه نغيرلك ع الجرح مفيش مشكله
وبص لبلال وقال ...
يلا يا خويا وريني عرض كتافك براااااااا
وخرج بلال وامو وقفاهم يقمر عيش
ابو ماجده بصله وقال ...
محمد انت ازاي
الكاتبه مي علي
- ازاي عرفت يا عمي ماجده حكتلي انها كانت مخطوبه وحكتلي اللي حصل بالظبط وكنا بنضحك ع الموضوع
وانا توقعت انها ممكن تيجي انا بس ف الاول مكنتش عارف مين دي
ودلوقتي يا جماعه ممكن نكمل الخطوبه بقي ونلبس الدبل
بصتله ماجده بحنيه
وراحت شاديه بسرعه فتحت المزيكا وكملو الفرح علي خير ولبسو الدبل
واتفقوا أن الجواز بعد خمس شهور من الخطوبه
لان محمد كان جاهز
والامور كانت ماشيه زي الفل
وكانو بينزلو يشترو بقيت حاجتها مع بعض وفرشو معاها شقتها واختاروا معاها القاعه
وكل حاجه كانت ماشيه زي الفل
واختارولها فستان فرح تحفه
وجه يوم فرح ماجده اخواتها كلهم كانو فرحانين بيها وأنها اخيرا هتتجوز وفضلو يعيطو أن البيت هيفضي عليهم ونقصو واحده
بس كانو مبسوطين أن ربنا عوضها خير واتجوزت واحد بيحبها وهي بتحبه
وخلص الفرح وروحوها بزفه جميله اوي
وروحو وتاني يوم راحو اتطمنو عليها
وكانت اسعد ايام حياتهم
ورجعت الأمور لعادتها بس البيت نقص واحده
نجاة ..
هو احنا مش هنتجوز احنا كمان ولا اي
شاديه ...
قومي كلي واسكتي
نجاة ..
ماجده اتجوزت طب واحنا بقي ومبقاش يتقدملنا حد
الام ...
عشان اتبطترتو
نجاة ...
خلاص يا ماما الحمدلله ع كل حال
- انا متأكده أن ربنا هيراضيكو يا ولادي
شاديه ...
اومال ورده فين
- نايمه
فجأه الباب خبط
الام ...
قومي افتحي ده اكيد بابا
قامت شاديه فتحت
كان فعلا بابهم بس اول مدخل قال ..
خدي امك وأخواتك وادخلوا الاوضه معايا ضيوف
شاديه جريت عليهم ...
ماما قومي نخش جوه عشان بابا معاه ضيوف
- ضيوف مين دول
- معرفش يا ماما
- طب يلا نخش جوه يلا
وفعلا قامو دخلو جوه والاب دخل هو والضيف اللي معاه اللي هيموتو ويعرفو مين هو
الكاتبه مي علي
ورده ..
اي في اي مالكو قاعدين ليه كده
شاديه ...
بابا قال خشو جوه عشان معاه ضيوف
- طيب
شويه ونده الاب
يا امو ماجده
شاديه ...
ماما بابا بينادي عليكي
- طب هحط حاجه علي راسي واخرجله
شاديه ..
جايه يا بابا ثواني
ولبست الام وخرجت
وشويه ودخلت ووشها علي ابتسامه حلوه اوي
وبصت لورده وقالت ...
قومي البسي بسرعه
- اي ده ليه
- عريس جاي يتقدملك
اتنفضت من ع السرير
- عريس ليا انا
- اه اخلصي يلا البسي عشان تقدمي صنيه الحاجه الساقعه
- طيب
نجاة ..
ايوه بيضالك ف القفص ياختي
- اتنيلي يمكن يطلع عره
شاديه ...
لا زي القمر انا لمحته كده
شبه حد شوفناه قبل كده بس مش فاكره فين
- هخرج دلوقتي وأشوف
وفعلا خرجت ورده ع المطبخ
واخدت الصنيه ودخلت تقدمها وهي مكسوفه اوي ومتفاجأه
والمره دي مكنش في ترتيبات
دخلت واول ما بصتله صرخت ف وشه
- يالهووووي انت
بصلها وقال ...
ايووووا انا يا مجنونه
- انت اي اللي جابك عندنا هو انت العريس
الاب ...
حطي الصنيه يا لمضه وخشي
العريس ...
معلش يا عمي ممكن تاخد رأيها هنا
العريس كان الظابط اللي ف القسم اللي عملهم المحضر
الاب بصلها وقال ....
حضرة الظابط يوسف جاي يطلب ايدك مني
ها اي رأيك
بصتلو ورده وهي مكسوفه وقالت ...
اللي تشوفه يا بابا
- هههههههه ربنا يكملك بعقلك نقول علي بركة الله
العريس ...
علي بركة الله يا عمي
الام رقعت ظغروطه...
لولولولولولولييييييييي
البنات ف الأوضه ردو عليها ..
لولولولولولولولولي لولولولولولولولولي
الاب ...
معلش عيالي معاهم شهادة معامله اطفال
العريس ...
هههههه خير ما ربيت يا عمي
نقرا الفاتحه
الاب ...
نقرا الفاتحه
الكاتبه مي علي
وف لحظه غير محسوبه اتقرت فاتحة ورده اللي كانت طايره من الفرحه بيه لانه عاجبها اوي من اول مره شافته
ويدوبك هو مشي بعد ما اتفق يجيب أهله ويجو يتعرفو بيهم ويتفقو علي كل حاجه
ويحددو معاد الخطوبه
مشي العريس وأخوه
ودخلت فيروز جري
وهي مبسوطه اوي وفرحانه
- بابا بابا بابا
- اي يا بت اتصرعتي
- في خبر حلو عاوزه اقولك عليه
الام ...
في خبر احلي اسمعي الاول
- اي قولي يا ماما قولي
- ورده اختك اتقرت فاتحتها
- اي ده بجد امتي
ومين وفين وازاي
- العريس لسه ماشي من شويه وقرا الفاتحه مع ابوكي
الكاتبه مي علي
- مين العريس واسمه اي وشغلته ودراسته وشكله
بقي انا اجي متأخره حبه مكنتو تجوزوها بالمره
- ههههههههههههه
ورده خرجت ...
باركيلي يا فيروزا باركيلي
- الف الف مبروك يا روحي
بس مين هو
- حضرة الظابط اللي مسكنا ف الكامين
- يا خبر ابيض وده اي اللي جابو عندنا
- اي اللي جابو عندنا اي
هو ده العريس
- يالهووووووووي الله
الف مليوووووون مبروك يا روحي وقعتي واقفه
- الله يبارك فيكي عقبالك عقبالكو كلكو
انا هروح اكلم ماجده افرحها
- استني بس انا كمان عندي ليكو خبر حلو
- اي قولي
- طب ناديهم وتعالي اقعدي
ودخلت ورده ندهت أخواتها
وقعدو ف الصالون
بصت فيروز لوالدها وقالت ...
بابا انا متقدملي عريس
الام ابتسمت اوي ...
يا حلاووووه الاخبار اللي نازله ترف لولولولولولي
عزيز ..
استني يا زينب بس
مين العريس ده يا فيروز
- زميلي ف الجامعه يا بابا تخيل بيحبني بقالو تلت سنين هو دلوقتي معيد
ولما اتعين انهارده لقيته جاي وقومني من وسط صحابي وقالي انو عاوز معاد معاك عشان يتقدملي
ورده ...
الله الله الله اوعا اوعا هو ده يا مدوخاهم
الاب ...
وانتي عاجبك يا فيروز
- بص يا بابا بصراحه بقي انا كمان كنت بحبو جدا بس مكنش ينفع اقول ولما عرض عليا انا كنت هقع من طولي
قولت اي يا بابا
- علي بركه الله بس خلينا نخلص حكاية ورده الاول وبعدين احددله معاد يقابلني
وفعلا تاني يوم قامو الصبح نضفو الدنيا وظبطو كل حاجه عشان الناس اللي هتيجي بليل
وجه يوسف عريس ورده
وقعدم واتفقوا واتعرفو بأهلهم
وحددوا تمن الشبكه وان الجواز بعد حوالي سنه ونص من معاد الخطوبه
عشان الشقه محتاجه تظبيط
ونزلو اشترو الشبكه وعملوا شبكه ع الديق ف البيت وجمعو فيها كل الحبايب
وبعدها بيومين كان مشرف آدم العريس اللي متقدم لفيروز
وهيا كمان اتقرت فتحتها ولبست شبكه ف نفس اليوم والعريس كان جاهز
وكل واحده انشغلت بخاطيبها وتجهيزتها
ومبقاش غير اتنين
بؤساء شاديه ونجاة
شاديه ...
نجاة تعالي نعمل اجتماع
نجاة ...
لوحدنا
شاديه...
هما خلاص نسيونا كل واحده اخدت الأمير بتاعها وخلاص اتنين اتخطبو وواحده اتجوزت ومبقاش الا احنا
نجاة ...
خلاص تعالي ناكل
شاديه ...
علي رأيك يلا
دخلت ورده وهي مبسوطه اوي
- يا بنات تعالوووو اجتماع
ماما اجتمااااع
اومال فين فيروز
- نزلت تجيب حاجه من السوبر ماركت وطالعه
شويه وجت فيروز
ورده ...
بسرعه حطي اللي ف ايدك
اجتماااع
فيروز ...
اوك يلا
وقفت ورده وقالت ....
ببالغ السرور أحب أبلغكم اخبار ساره
الام ..
اي هيا فرحيني
ورده ..
انهارده يوسف طلب مني احدد معاد مع بابا
عشان في عريس هيتقدم لشاديه
شاديه فطت وهي هتموت من الفرحه ...
بجد والنبي بجد
الكاتبه مي علي
- اه والله اسمو أمير ويبقي صاحب يوسف من زمان وشغال محاسب وزيك كده بيحب الروايات وكان بيدور علي عروسه ف يوسف قالي
علي واحده منكم وانا من كلامو عليه حسيته شبهك
نجاة ...
يعني انتو كلكو كده خلاص هتسيبوني وانا هفضل لوحدي محدش معبرني
ورده ...
متقوليش كده احنا انشالله هنجوزك احلي جوازه بس اصبري
شاديه ...
حلو يا ورده
- بصي انا مشوفتوش بس اكيد حلو
هنحددله معاد يجي ونشوف
وفعلا لما جه ابوهم قالولو وحدد معاد يقابل العريس ده وكان اسمه امير
واول ما شاديه شافته خطف قبلها لدرجة لما باباها سألها موافقه ولا لا ظغرطت
واتقرت فتحتها هي كمان ولبست شبكه
وكل واحده فيهم عريسها كان شكلها وكل واحد فيهم مستور ويقدر يفتح بيت
وكلهم تقريبا حددو نفس المده سنه ونص بس خطوبه
والخبر المفرح اللي جه بعد كده أن ماجده حملت
والبيت كله بقي فرحان
مكنش فاضل غير التعيسه البائسه التختوخه نجاة
اللي كانت طول الليل تعيط وتقول لنفسها ...
معقول انا وحشه للدرجه دي ولا عشان انا تخينه شويه
يعني هما كلهم هيتجوزو وانا هفضل طول عمري اكل بس
اي يعني هتجوز التلاجه
البنات كانو بيفكرولها ف حل
بس هي
يئست
لحد ما فيوم نزلت كالعاده تجيب شاورما وتملي بطنها
وشافها واحد ف الشارع كان جارهم جديد اسمو احمد
عجبتو
وعرف انها جارتهم
وفضل متابعها فتره بس هيا مش ملاحظاه
لحد ما فيوم فضل ماشي وراها رايح جاي لحد ما هي لاحظت ده ووقفت هزقته ف الشارع
- اي يا جدع انت في اي ماشي ورايا ليه اي البواخه دي
لو شوفتك ورايا تاني هخلي الناس يكلوك علقه موت
دي حاجه قرف
ومن هنا عجبته اكتر
وقرر يتقدملها
وسأل علي بابها وكلمه وحدد معاه معاد
وراح وخطبها ودي الوحيده اللي مكنوش مصدقين انها ممكن تتخطب
واول ما اتخطبو وهو بيلبسها الدبله بصتله وقالت ...
هو انت مش قرفان مني
- اقرف منك ليه اي اللي بتقولي ده
- يعني عشان انا تخينه و
- اولا انتي مش تخينه انتي ملفوفه وعلي فكره انتي جميله اوي
واللي عجبني فيكي ادبك والبراءه اللي ف وشك أما موضوع التخن ف انتي بالنسبه ليا مش تخينا خالص
الكاتبه مي علي
- يعني انت مش هتقولي خسي أو تزهق مني عشان باكل كتير
- لا مش هزهق منك وبعدين ده انا هأكلك بأيدي
عندك مانع
ساعتها حست بالأمان بس قررت انها هتظبط نفسها عشانو
وحبتو اوي
وهو كان بيشاركها حبها للأكل
ويجبلها كل اللي نفسها فيه
وبكده الاربعه بقم مخطوبين
وف يوم ورده كانت قاعده قدام التليفزيون
وفجأة هبت واقفه
- يا بنات اجتماااع
شاديه ...
بسم الله الرحمن الرحيم اي يا بنتي
- يلا
ودخلو كلهم ع الاوضه
ورده ...
انا عندي اقتراح بخصوص الفرح
شاديه ...
فرح مين بالظبط
- فرحنا كلنا
فيروز ...
فرحنا كلنا ازاي
ورده ....
احنا طول عمرنا مع بعض ع الحلوه والمره
الفكره اللي ف دماغي أننا احنا الاربعه نعمل فرحنا فيوم واحد
التلاته عينهم لمعت
شاديه ..
من غير تفاصيل انا موافقه
نجاة ..
وانا كمان
فيروز ...
طب بس مش كل واحده تاخد رأي خاطبها
ورده ...
اكيد طبعا
نجاة ...
كده هنحتاج قاعه كبيره وأكل كتييير
شاديه ..
استنو بس مش ده هيبقي حمل تقيل علي ماما
توصل كل واحده وتعمل اكل
وتاني يوم هتتطمن علي مين ولا مين
ورده ...
هنسألها ونشوف وموضوع الأكل ده مقدور عليه
الناس بقت تشتري جاهز
فيروز ...
خلاص احنا نظبط شققنا ونرتب الدنيا
وفعلا كل واحده قالت لخطيبها وكلهم عجبهم الفكره
والام كمان والاب
ومرت مدة الخطوبه وكل واحده ظبطت شقتها
وحجزو كلهم قاعه كبيره اوي
وتحفه
واشتركو فيها سوا
ومدير القاعه كان مستغرب ازاي اربع كوشات ف فرح واحد
وكل واحده عملت كروت دعاوي الفرح
وكل الناس كان بيوصلهم بدل الدعوه اربع دعاوي
وكلو واحده فيهم كانت زي البدر ف تمامه
والام كانت بتبكي من عظمة ربنا وستره لبناتها
والاب دموعه نزلت
إنه ادي رسالته علي أكمل وجه
وكتبو الكتاب
كل واحده كانت بتخلص كتب كتابها يخش ع اللي بعدها
والناس كانت بتضحك
قعدو ساعه بحالها ف كتب الكتاب
وبدأ الفرح والمزيكا والرقص
والاربع عرسان كانو بيرقصو ويتنططو هما واصحابهم علي أغنية أخواتي
اخواتي
ورده بصت لأخواتها وقالت ....
لا اشمعنا احنا
ووقفو هما الاربعه وسط كل الناس ومعاهم ماجده
اللي خلفت سهيله
حتت قمرايه
وفضلو يطتنططو وهما بيغنو
ما يجيبها الا رجالها اه
ما يجيبها الا رجالها
ما يجيبها الا رجالها
امير بص ليوسف وقال ...
اي ما يجيبها الا رجالها دي
- هههههههه لا بص دول مجانين ارقص معاهم وخلاص
- اشطا ما يجيبها الا رجالها اه
- ما يجيبها الا رجالها
وفضلو كلهم يرقصو وخلص الفرح وكل واحده ركبت عربيتها عشان تتزف وتروح
وصلو ورده الاول
وفضلو يزمرولها
وكل واحده فيهم خرجت رأسها من العربيه عشان يودعوها
شاديه ...
هنجيلك بكره مبروووك يا روحي
ورده ...
هتطمن عليكو كلكو افتحو تلفوناتكم
ابوها بصلها وبص للعريس وقال ...
خد منها التليفون مش هنخلص الليله
وطلعت الأم معاها وصلتها لباب شقتها وهما بيهيصو تحت
ونزلت
الكاتبه مي علي
وراحو وصلو شاديه
وبردو عملو معاها كده
والاب وصي العريس ياخد الموبايل
وبعدين وصلو نجاة
ومفضلش غير فيروز
وصلوها ومشيو
واول مدخلت فيروز شقتها
معداش عشر دقايق وتليفونها كان بيرن
أدم ...
ههههههه باباكي حذرني اخد منك التليفون
- ههههه معلش دي اكيد ورده عوزا تتطمن عليا
- طب ردي بسرعه
ردت فيروز ...
ورده حبيبتي
- انا شاديه
- وانا ورده هنا اهو
- فيروزا انا نجاة
- يالهوي اي ده
ورده ...
مكالمه جماعيه
شاديه ...
انا حاسه انو عاوز يضربني
نجاة ...
في اكل كتير انا شايفاه ع الصنيه
شاديه ....
هههههههه ارحمي نفسك بقي
ورده ...
اسمعوا يا بنات حافظو علي نفسكو اللي يقرب منكو عوروه ده كلو الا الشرف كلو الا اي
الكاتبه مي علي
كلهم ف صوت واحد ...
كلو الا الشرف
ورده ...
بابا بيرن عليا اي ده
شاديه ...
دخليه ف المكالمه
الاب ...
انا كنت عارف انكو هتعملو كده اقفلي يا رمه منك ليها وروحو كل واحده تشوف جوزها
انا قاعدلكو هنا يلاااااا
وقفل ف وشهم
الام ..
الله متسيبهم يطمنو علي بعض
- ليلة الدخله يا وليه
اجتماع ليلة الدخله
احمدك واشكر فضلك يارب
اني كملت رسالتي واتطمنت عليهم
- عزيز
- ايوه
- فاكر ليلة دخلتنا يا زيزو
- غمزلها وهو بيقول ...
ودي تتنسي يا زوزو
وزغزغها ...
هيهيهي
- قربي يا زينب
- عيب يا راجل كبرنا ع الحاجات دي
- يا وليه قربي بس
- اهو
باسها من راسها وقال ...
تصبحي علي خير يا زوزو احبيبة قلبي يا امو البنات
بصتله بغيظ وضحك
- وانت من اهل الخير ياخويا
وكل واحده قفلت وراحت تشوف عريسها
نروح شقة ورده
يوسف قرب منها وبيحط ايدو علي كتفها
- لا شيل ايدك عيب
- عيب اي بس انتي بقيتي مراتي يا قمرايتي
- بص بص انا بتكسف وبعدين انت متعرفنيش انا ليا طريق طويل ف الإجرام لو قربت مني هعورك
- يانهار اسود متجوز عشماوي
- اه بص انا طقه وهصوط و و و
فضل يقرب منها وبصلها وغمز
- واي
- وهعضك وربنا
- طب عضي كده
الله متعضي
صحيح متحكيلي حكاية الشعره
- شعرة اي
- اللي وقعت ف الشتا تحت البطانيه
- اه اه الشعره
انا كان عندي شعرة عقل ولزقت ف البطانيه بقي و
الله انت عمال تقرب مني متيجي تقعد علي رجلي احسن
- طب ماتيجي انتي
- شيل ايدك
وسع
- متخفيش تعالي بس هندور ع الشعرا الي وقعت تحت البطانيه
وطفا النور و و و
وراحت ورده
وكده بقي طبعا انتو دلوقتي عاوزين تشوفو حاجات كلنا هنموت ونشوفها ههههههههه
نروح لشقة شاديه
ودي الروايات أثرت علي دماغها وبقت رومانسيه اوي
قرب منها بعد ما قلعت فستانها وهو حضن واحد
وكان النور مطفي و كده بقي
وراحت شاديه
نروح بقي لشقة نجاة
اول مدخلت وخلصت مكالمه تليفون قالتله ...
انا جعانه
بصلها وضحك وقال ...
وانا كمان جعان والله طب تعالي ناكل
كان فاكر يعيني أنها هتاكل خمس دقايق وتقوم
ساعه الا ربع بتاكل
وبعد ما خلصت بصتله وضحكت ..
معلش الاكل كان حلو اوي
- هههههه بالهنا والشفا
- طب انا هقوم اغسل ايدي
ودخلت غسلت أيدها
وبعدين راحت قعدت ع السرير وهي عامله مكسوفه
قرب منها وباس راسها وقالها ...
مبروك يا بطايتي
ربنا يقدرني واسعدك وحققلك كل اللي نفسك فيه
- عارف نفسي ف اي
- اي يا قلبي اطلبي اي حاجه هعملهالك
- نفسي تشيلني وتلف بيا الشقه
- هههههههههه بس كده تعالي
- اي هتشيلني
- اه يلا
وفعلا شالها ولف بيها الشقه
- الله خلاص بقي نزلني هنا
الواد نزلها وضهرو انحني
- اي مالك
- مفيش بس ضهري افش شويه
- قربت منه وقالت ...
تعالي افكهولك
- اي ده
- الله متيجي
- مالك بس في اي
- هات بوصه
- بوصة اي بس هههههههه
- تعالي ابوصك
بوصه واحده
- استي بس اهدي هههههه
- يلا بقي يلا
- حاضر والله حاضر هههههههههه
- انت هتقضيها ضحك
الواد قام ورجع ورا وهو مكسوف وعمال يضحك مش قادر يمسك نفسو
- تعالي هنا رايح فين
- هههههههههه استني بس طب انتي عاوزه اي
- عاوزه بوصه وحضن
- طب بس استني نصلي ركعتين طيب
- يلا دلوقتي
وفضلت تجري وراه وهو يجري منها يعيني
وف الاخر دخلته الاوضه وقفلت النور
و وكده بقي
وراح احمد
نروح لفيروز بقي
ودي واخداه عن حب
ودخلو وباس راسها وحضنها
ودخلت غيرت هدومها وصلو ركعتين
وقرب منها و
وراحت فيروز
وكل واحده عدت ليليتها زي الفل
وتاني يوم لما صحيو
عدت الأم علي كل واحده فيهم
تطمن عليها
وهما اتصلوا ببعض واتطمنو علي بعض وماجده اتصلت بيهم
وبعد مرور
سنه ونص
علي جواز كل واحده فيهم
وكل واحده بقي معاها طفل
ماجده جابت سهيله دي أكبرهم
ورده جابت نور
شاديه جابت يس
نجاة جابت رودينا
فيروز جابت بسمله
وكالعادة ملمومين ف بيتهم وحسهم ف البيت
الاب بيزعق
يا شاديه يا ورده
تعالو شيلو العيال دي
ورده ...
مالهم يا بابا مهم قاعدين اهم
- قاعدين في دايره ازاي وبعدين زي مايكونو عاملين اجتماع بصي
- ههههههههه
- هو انا مش هخلص من الأجتمعات دي بقي
حتي عيالكو بيعملوا اجتماعات زيكو
كلهم ضحكو عليه
ونزل يلعب معاهم ويشيلهم حليب يا لبن
الاب ...
نجاة البت تختوخه زيك
سبحان الله كل واحده جايبه ابنها شبها
سهيله هاديه زي امها
ونور الرأس الكبيره
ويس التابع
والفشله رودينا زي امها بقره هانم
وبسمله زي فيروز تمام
سبحانك يارب
الام ...
ربنا يخليك لينا يا عزيز وتفرح بعيال عيالك
- ويخليكو ليا يا حبايبي
يلا تعالو أما نلعب سرح الفار
وشوشت شاديه البنات ...
اجتماع طارئ تعالو
حتي وهما متجوزين بيعملوا اجتماعات
ودخلو الاوضه
شاديه ...
بصو بقي انا حماتي تعباني وسلفتي وقرفوني ف عيشتي ومش لاقيالهم حل
فيروز ...
حماتك بتحبك بس سلفتك مقوياها انا من رأيي انتي متشغليش بالك وتعملي اللي يرضي ربنا
نجاة ...
اعمليلها اكل وأكليها وكده
ورده ...
بصي انا عندي فكره
احنا نزنوق ابنها ونطهرو زي ابن ام جلامبو وننتفلها حواجبها بقي واي
شاديه ...
اي ياما ابنها ده جوزي يا حبيبتي انتي نسيتي
- هههههههه اه صح سوري
فيروز ...
زي ما قولتلك بس اسمعي مني
ورده ..
خليكي كويسه معاها وملكيش دعوه باللي بيحصل
- انتو شايفين كده
نجاة ..
بصراحه اه واعمللها اكل
ويلا بقي نطلع أحسن انا جوعت
ودايما البيت بقي مليان بحسهم وعلي حس ابوهم وامهم اللي عندهم بالدنيا وحبهم لبعض وخوفهم علي بعض
وف كل اسبوع كلهم بيتجمعو هما بعيالهم بجوازتهم في بيتهم اللي كان مليان أحداث وضحك وحب ورضا
وهيفضلو دايما متجمعين ف صالون بيته تمت بحمد الله