رواية تلاقينا
*الحلقة التاسعة عشر* والعشرون
سليم ساب الڤيلا وخرج ولما رجع فضل قاعد في الجنينة مدخلش جوا وآيه مانمتش نهائي
*الصبح* آيه نزلت والكل كان قاعد عالفطار ماعدا سليم
آيه لابسة نضارة الشمس بتاعتها عشان عنيها باين عليها العياط جامد وهي كمان مانمتش وخايفة كريم يشوفها وخدها مكان ضربة سليم احمر ، آيه دخلت: صباح الخير
الكل ماعدا كريم: صباح الخير
كريم باصص ليها جامد كأنه بيقولها في ايه
وآيه بتهرب من نظراته ليها
وفاء: تعالي يايويو افطري يالا قبل ماتمشي
آيه: لا ياطنط انا ماليش نفس
كريم لسة باصصلها: ليه مالكيش نفس ليه🤔
آيه: مافيش ولو كنت خلصت فطار يالا
كريم قام معاها ولسة خارجين وقفها ومسك دراعها: آيه في ايييييه
آيه: مافيش يا كريم يالا
كريم: مش متحرك من هنا غير لما افهم في ايه ولابسة النضارة ليه و احنا لسة مخرجناش بارة وخدك دا ماله
آيه اتعصبت: قولتلك مافيش مافيش
كريم: انا دلوقتي فهمت وربي لهيشوف وسابها وخرج لسليم اللي قاعد في الجنينة وآيه عاوزة توقف كريم
كريم مسك سليم: انت عملتلها ايه
سليم: كريم لاحظ انك بتتكلم معايا
كريم: لا ملاحظ اوي وعارف ان بتكلم مع سليم اللي هو المفروض صاحبي واقربلي من اي حد ورغم ان انا اصغر منك بس انت قريب مني وباردوا عملت اللي يضايقني
سليم بيحاول ينزل ايد كريم: هي لحقت تقولك
كريم: ماتعصبنيش ياسليم آيه عمرها ماحكيت ولا هتحكي بس دا واضح عليها يا...ياصاحبي
سليم ساكت وباصص لآيه اللي شايف خدها مكان ضربته ليها واضايق اكتر
كريم: بصلي انا ماتبصش ليها من هنا ورايح ياسليم مالكش دعوة بيها وهي لو اتكلمت معاك حسابها معايا هي موجودة هنا اعتبرها مش موجودة خالص انا بقولك اهو واللي حصل دا عمره ماهيتكرر تاني ولا هسمح بدا فاهم
كريم ساب سليم واخد آيه وركب عربيته ومشيوا من الڤيلا خالص وسليم واقف مكانه ما اتحركش ووفاء عمته جاتله: ليه عملت كدا ياسليم ليه
سليم بصلها وسابها ودخل الڤيلا وطلع اوضته وقفل على نفسه ومضايق انه ضربها واضايق اكتر من كلام كريم لانه عارف ان اي حاجة كريم بيقولها بينفذها وقاعد مخنوق وعاوز يصرخ
★★★★★★
في الطريق كريم وقف آيه عند محل لانها كانت عاوزة تشتري حلويات وهي راحة لخالها واشترت وكملوا طريقهم كل دا وكريم وآيه مابيتكلموش وآيه مضايقة من سكوتهم
آيه: كريم
كريم: ماتتكلميش معايا خالص
آيه: ليه
كريم: عشان سمحتيله يعمل فيكي كدا
آيه: وانا كنت اعرف منين انه هيمد ايده عليا
كريم: اتفضلي احكي اللي حصل
آيه حكت لكريم كل حاجة وكريم على اخره من سليم ورغم انه مضايق بس غلط ايه: انتي غلطانة عشان قولتيله ان دي حاجة ماتخصهوش ودا مش معناته انه يديله الحق في انه يمد ايده عليكي
آيه عيطت وكريم وقف العربية: اهدي يا آيه والله لعلمهولك الادب وهتشوفي ولا نسيتي كلامي
آيه ضحكت: تؤتؤ مش نسيت ياكيمو
كريم باس دماغها وشغل العربية وكمل الطريق وبعد ساعة وصلوا والكل فرحان بآيه اووووي واتعرفوا على كريم وشوية وبطه بنت خالتها جات: يويو
آيه حضنتها جامد: بطوط وحشتيني جدااا
بطه: انتي اكتر عاملة ايه
آيه: الحمدلله انتي عاملة ايه طمنيني عليكي
بطه: انا فلة😂
كريم مركز معاهم اوي واللي لفت نظره بطه
آيه: تعالي بقى اما اعرفك على حد كنتي هتموتي وتتعرفي عليه
بطه: مين دا
آيه: اعرفك بكريم صديق عمري
بطه واقفة ما اتحركتش معقول هو دا اللي معجبة بصوره وشكله: ا....اهلا
كريم مايختلفش عنها: اهلا اذيك
بطه: الحمدلله
وآيه مستغربة من طريقتهم بس معلقتش وشوية واتغدوا كلهم سوا وبعد كدا كريم استأذن واتفق معاها انه هيجي ياخدها بكرة وآيه وبطه خرجوا معاه بارة عشان يودعوه وخال آيه نده عليها فدخلت وبطه فضلت مع كريم
كريم: آيه كانت بتحكيلي عنك على طول
بطه: وانت باردوا ماكنتش بتبطل كلام عنك لحد ماخلتنا عاوزين نشوفك
كريم: وانا ادامك اهو
بطه اتكسفت وسكتت وكريم حاسس بشعور جواه: يالا ادخلي انتي وانا خلاص همشي وهاجي بكرة ان شاء الله
بطه: ان شاء الله
كريم خلاص مشي وبطه دخلت وحاسة انها فرحانة انها شافته
آيه قضت اليوم مع اهلها ومازن اخوها فرحان بيها جدا
مازن: وحشتيني اوي يايويو
آيه: انت اكتر ياميزو والله
بطه دخلت: بتتكلموا في ايه من غيري يا اندال
مازن وآيه ضحكوا ودخل عمرو ابن خال آيه اللي بيحبها وكان عاوز يتجوزها
عمرو: قاعدين هنا وسايبنا ليه
بطه: ياعم ملناش في قاعدة الكبار دي
مازن: بالظبط كدا😂
آيه ساكتة وسرحانة وعمرو ملاحظ دا: ايه يا آيه سرحانة في ايه
آيه: ها...لا ابدا انا معاكم اهو
عمرو: مش باين
آيه: معلش يا عمرو انا بس تعبانة من الطريق
وسابتهم ودخلت جوا
عمرو اضايق وغيران اووي لانه فكر انها بتفكر في جوزها وبطه دخلت لآيه
بطه: مالك بايويو
آيه: مافيش يابطه
بطه: وحشك؟
آيه بصتلها وعنيها دمعت واترمت في حضنها: اوووووي رغم ان رفضت انه يجي معايا بس بجد وحشني اووي اوووي
بطه حضنتها جامد: كلها بكرة وهتكوني معاه
آيه: لا يابطه انا وسليم متخانقين
بطه: ليه ايه اللي حصل
آيه حكتلها عاللي حصل
بطه اتعصبت: ليه يعمل كدا ليه
آيه: وطي صوتك انا مش عاوزة حد يعرف
بطه: لازم تاخدي موقف
آيه: حاضر وصدقيني مش هاجي على نفسي ذي كل مرة
بطه: ربنا يسعدك يا حبيبتي
شوية والكل اتجمع عالعشا وآيه دخلت الاوضة هي وبطه اللي هيناموا فيها وآيه مش جايلها نوم وفضلت واقفة في بلكونة الاوضة وتبص للنجوم وقالت جملة (ياترى بتعمل ايه الوقتي يا حبيبي) هنا بقى آيه فعلا وقعت في حب سليم
نيجي بقى لسليم اللي مش جايله نوم وحالته ماتختلفش عن حالة آيه ونايم عالعشب في جنينة الڤيلا وبيبص للنجوم وقال جملة (وصلي يانجمة سلامي وحبي لروح قلبي)
هنا بقى سليم وقع في حب آيه وخلاص الاتنين قلوبهم انتصرت على عقولهم بس مش سهل اوي انهم يعترفوا لبعض بالحب دا آيه رغم انها حبت سليم رغم انها خايفة اووي انها تحب تاني وسليم حبها بس للأسف عقدته هي مريم اللي آيه ماتعرفش عنها حاجة لحد دلوقتي ومش عارف ساعتها هيحصل ايه الاتنين فضلوا صاحيين لحد الصبح لانهم مشتاقين لبعض
★★★★★★
تاني يوم الصبح آيه خرجت من اوضتها لانها مانامتش وبطه كمان فاقت عشان عارفة ان كريم جاي والكل قاعد يفطر وآيه اتمنت ان سليم هو اللي يجي مش كريم بس كريم هو اللي جه
كريم: صباح الخير
الكل: صباح الخير
خال آيه: تعالى يا كريم اقعد افطر معانا
كريم بيبص لبطه: انا فعلا جاي بدري عشان افطر معاكم ونقضي اليوم سوا
بطه اتكسفت وآيه لاحظت وغمزت لكريم😉
وهو ضحك
خلاص خلصوا فطارهم وآيه ومازن وكريم وعمرو وبطه خرجوا يتمشوا وعمرو مش راضي يسيب آيه وطول الخروجة ماشي جمبها وبيكلمها وكريم عنيه مش بتتشال من على بطه وهي فرحانة لانها حاسة انه بيبادلها نفس الشعور ومازن اخد صورة ليهم كلهم و رجعوا البيت غيروا هدومهم عشان ياكلوا آيه لبست بيچامة بنص كم مجسمة على جسمها وسايبة شعرها نازل على ضهرها والباب خبط ومازن راح يفتح: ايه دا سليم تعالى اتفضل
آيه اتفجأت ومن جواها فرحانة وبتبص لكريم وكأنها بتقوله هعمل ايه وهو بيطمنها بعينه
سليم دخل وسلم على الكل وعينه جات على آيه اللي اضايق من لبسها بس ماعلقش وراح قعد جمب كريم: معلش معرفتش اجي مع آيه امبارح عشان كان عندي شغل وبص لكريم: معرفتنيش ليه انك جاي كنت قولتلك خليك
كريم: لا انا قايل ان هجيبها وهوديها
سليم بيهمس لكريم: لينا كلام تاني يا كريم
كريم بصله وما اتكلمش وخال آيه اتكلم ووجه كلامه لآيه: خدي جوزك يا آيه يغير لبسه جوا علي ما الاكل يجهز
سليم: لا معلش ياعمي انا مش محتاج اغير
خال آيه(محمود): ليه بس يا حبيبي الهدوم هنا كتير عشان تعرف تاكل براحتك لبس البدل في الاكل كاتمة
سليم: حاضر موافق وبص لآيه وهي اصلا وشها بعيد عنه
محمود: يالا يا آيه خدي سليم يغير هدومه
سليم راح مع آيه وعرفته مكان الاوضة اللي هيغير فيها وعرفته اللبس وكانت هتخرج هو مسك ايديها: عاوز اتكلم معاكي
آيه: وانا مش عاوزة اتكلم
سليم: بس انا لازم اتكلم
آيه: وانا بالنسبالي مافيش كلام
سليم: يعني ايه
آيه: يعني مافيش كلام هيقدر يغفرلك اللي انت عملته
سليم: آيه لو سمحتي
آيه: لا مش عاوزة اسمع حاجة وبصتله في عينه: انا هرجع مع كريم مش معاك
سليم: يعني ايه
آيه: يعني عادي هنكمل اليوم ذي ماهو بس هرجع مع كريم
سليم: آيه بلاش اللي انتي بتعمليه دا
آيه: لا انا هبقى مرتاحة كدا
سليم سكت ومخنوق من اللي هي قالته: تمام اللي تشوفيه
وآيه استغربت من رده وكانت نفسها تترمي في حضنه عشان وحشها بس خرجت وسابته
هو قعد عالسرير مضايق جدا وغير هدومه وخرج واول ما خرج الكل اتفاجأ بلبسه لانه لبس عبايا وكانت لونها رصاصي وجميلة اووووي عليه وخلته وسيم جداااا وآيه هتتجنن عليه وكريم ابتسم عشان عارف ابن خاله انه لما يحب حد بيعمل اي حاجة عشان يكسبه
سليم بصلهم وبص للبسه: هي وحشة عليا؟
الكل: لا لا جميلة عليك اوووي
سليم بص لآيه وكأنه بيقولها هي فعلا جميلة؟ بس هي دورت وشها عنه
وقعدوا ياكلو وعمرو اتكلم ووجه كلامه لآيه: يويو مش عاوزة تلعبي دور بلايستيشن ذي زمان
آيه ضحكت: انت لسة فاكر وبعدين انا نسيت اللعب ازاي
عمرو: احنا فيها نخلص اكل ونلعب
كل دا تحت عيون سليم اللي عاوز يقوم يخنق عمرو وبص لآيه عشان يشوف ردها وهي بصتله ورجعت بصت لعمرو: معلش ياعمرو انا ماليش مزاج العب
سليم فرح من جواه انها رفضت وآيه بصتله وعنيها دمعت واستأذنت وقامت من غير ماتكمل أكلها سليم جه يقوم كريم مسك ايده وهمسله: سيبها الوقتي عشان وقت عصبيتها وزعلها هتسمع كلام يندمك انك مديت ايدك عليها
سليم: وانا عاوز اتكلم معاها حتى لو هتقولي ايه انا باردوا قابلها
كريم بصله: خلاص انت حر
سليم استأذن وقام ودخل وراها لقاها بتعيط جامد وقاعدة عالسرير وراح وقف ادامها وقعد على ركبته: عشان خاطري ماتعيطيش
آيه بانت قاسية: انت فاكرني بعيط عشانك لا انا بعيط على نفسي اللي انت جيت عليها وهنتها
سليم: والله حقك عليا انا مش عارف عملت كدا ازاي
آيه مسحت دموعها وللأسف آيه بتتكلم بكل قسوة: مش عارف ؟ مش عارف انك فهمتني غلط و انك فكرت ان رحت كلمت خالي وقولتله يكلمك ولا مش عارف مديت ايدك عليا ازاي دا أبويا الله يرحمه ماعملهاش تيجي انت وتعملها ؟! هي دي الامانة اللي ابويا كان نفسه انك تحميها اهو انت بقى كسرت الامانة دي
سليم وقف ومخنوق من كل كلمة هي قالتها ومن غير مقدمات اخدها في حضنه جامد: عشان خاطري كفاية انا عارف اني غلطان بي عشان خاطري بلاش عياطك دا وكلامك دا
آيه بتحاول تخرج من حضنه وهو مانعها: سبني ياسليم انا خلاص هي سنة اللي هقعدها معاك وهقضيها ذي ماهي وماليش دعوة بأي حاجة تخصك ولا هدخل في اي حاجة ليك
سليم خرجها من حضنه ورفع وشها له: يعني دا اللي انتي عاوزاه
آيه سكتت كانت عاوزة تقوله انا مش عاوزة غيرك انت بس حلفت ان ماهتسمح لأي حد مهما كان انه يهينها او يكسرها: ايوا انا عاوزة دا
سليم ساعتها صبره نفذ: تمام واللي انتي عاوزاه انا هنفذه
آيه اتوجعت اووووي هي اه عاوزة دا بس قلبها رافض كل دا وموجوع اوووي وسكتت ما اتكلمتش
سليم خرج بارة وقالهم انه هيمشي عشان جاله تليفون ان في مشكلة ولازم يروح ضروري وان كريم هيوصل آيه ودخل غير لبسه وخرج واخد عربيته ومشي شوية وبطه وكريم دخلوا ليها لاقوها منهارة وقاعدة علي الارض وكريم خايف قاعد يفكر ان دا بس حصل عشان قلم امال لو عرفت بجواز سليم هيحصل ايه واكتر حاجة وجعاه ان صديق عمرها مخبي عليها بطه بتحاول تقومها وهي وكأنها مش معاهم خالص وكريم واقف مش بيتحرك عايدة ام آيه دخلت لاقت بنتها كدا جريت عليها: في ايه يا بنتي مالك
آيه بتحاول تداري: مافيش ياماما قلبي واجعني اوي حاسة ان قلقانة علي سليم اوي وخايفة عليه من الطريق وانه كمان رفض ان اروح معاه
عايده: معلش يا حبيبتي واكيد ان شاء الله خير وبعدين قومي امسحي دموعك وروقي كدا
آيه قامت: حاضر ياماما
بطه وقفت جمب كريم اللي ساكت نهائي: مالك يا كريم
كريم بصلها: مافيش يابطه انا كويس وبص لآيه: يالا يايوكا اجهزي عشان نتحرك
آيه: حاضر ياكيمو يالا
ودعوا أهل آيه ومشيوا خلاص ووصلوا الڤيلا وكان الوقت بعد المغرب كان الكل متجمع عالعشا وسليم قاعد معاهم كريم وآيه دخلوا الكل قام سلم عليهم وطبعا سليم قاعد ماقامش ومنى كمان فضلت قاعدة
يارا: وحشتينا يايويو
آيه: معلش يا يايا دا يوم بس
دينا: بس والله عدا علينا وحش بجد كان ناقصنا وجودك
آيه فرحت من كلامهم وفرحت ان سيف متعلق في رقبتها: خلاص انا جيت اهو وبعدين اتعودوا على غيابي عشان انتوا عارفين اني مش مطولة هنا سليم سمع الجملة دي وقام من عالسفرة وطلع اوضته
ووفاء بصت لآيه بتلومها على اللي هي قالته بس آيه مش فاهمة نظرتها ولا قادرة تعرف معناها ايه كريم طلع ورا سليم خبط ودخل
كريم: ممكن اتكلم معاك
سليم بصله وكانت عيونه مدمعة ودور وشه: سبني الوقتي لوحدي
كريم: لا ياسليم مش هسيبك لوحدك وانت كدا انا اخر مرة اشوف دموعك دي يوم وفاة ابوك
سليم سمح لدموعه تنزل: عارف لما تبقى بدأت تتعلق بحد وحسيت انك حبيته وقلقان انه يبعد عنك يا كريم انتوا ليه مش قادرين تفهموا ان آيه لو عرفت جوازي من مريم هتعمل ايه انا كل ما بفكر فيها بحس اني بموووت وانت يا كريم تقدر تقولي لو هي عرفت ان انت كمان عارف وخبيت هي هتعمل ايه
كريم قعد جمبه واتنهد: انا مرعوب ياسليم انا كريم صديق عمرها ابقى مخبي عليها سر ذي دا آيه ساعتها هتفقد ثقتها فيا وانا ساعتها مش هبقى عارف اتصرف ازاي
سليم: عشان كدا موجوع يا كريم واكتر جملة وجعتني انها بتقولهم اتعودوا على غيابي عشان مش هتطول هنا انا مش عارف مالي يا كريم لا عارف انا بحبها ولا متعلق بيها ولا اعجاب انا تايه يا كريم تايه
كريم: اهدى ياسليم وقول يارب وكل حاجة هتتحل
سليم: يارب
كريم: يالا نام عشان انت ماعرفتش تنام امبارح
سليم: يعني هعرف انام الوقتي امبارح معرفتش عشان بعيدة عن حضني
كريم: بس على الاقل موجودة معاك في نفس البيت
سليم: ماشي يا كريم
كريم ساب سليم وخرج وراح يشوف آيه لقاها طلعت اوضتها ونامت وسليم شوية ونام وكريم فعلا نام لانه تعبان من الطريق
★★★★★★
تاني يوم الصبح آيه صحيت بدري وقالت انها عاوزة تغير من روتين يومها دخلت اتوضت وصلت ولبست ونزلت تجري شوية بس مكانتش تعرف ان سليم بينزل يجري هو كمان آيه لبست الإير بودز بتاعتها وشغلت ميوزك رياضة وبدأت تجري وشوية لاقت سليم ادامها وهو اتفاجأ لما شافها😳
آيه لفت وشها وجريت وسابته😂😂 (لف وارجع تاني😂)
سليم ضحك عليها😂 وفي نفس الوقت مضايق انها بعيدة عنه
كل واحد فيهم وصل الڤيلا ودخل اوضته وساعة الفطار الكل نزل وآيه اكلت بسيط وكريم راح يوصلها الشركة وسليم وطارق راحوا شركتهم ويارا اخدت سيف ابنها وراحت عند مامتها ودينا خرجت مع اصحابها ووفاء كالعادة في البيت ومنى كمان خرجت
آيه وصلت الشركة ودخلت مكتبها وبعد شوية السكرتيرة جات قالتلها ان المدير طالبها وراحتله المكتب خبطت ودخلت
آيه: حضرتك طلبتني يافندم
تامر: تعالى يا آيه اقعدي
آيه قعدت وساكتة
تامر: حمدلله عالسلامة اتمنى انها كانت اجازة حلوة
آيه: الله يسلم حضرتك ايوا الحمدلله
تامر: طب تمام نفوق بقى لشغلنا
آبه: ايوا اكيد ان شاء الله
تامر: تمام ذي ما اتفقت معاكي انك هتحضري الاجتماع اللي جاي مع الفوج الأجنبي
آيه: ايوا يافندم وانا ان شاء الله مستعدية ليه
تامر: تمام كدا ان شاء الله هيكون بعد بكرة
آيه: تمام هيبقى فين؟
تامر: في شركة الشامي
آيه قلبها دق: هيبقى الساعة كام
تامر: الضهر ان شاء الله يعني هنخلص شغل هنا وبعد كدا هنتحرك سوا على هناك
آيه: طب ممكن بعد اذن حضرتك اروح انا لوحدي و حضرتك لوحدك
تامر: ليه
آيه: عادي انا كدا هبقى مرتاحة
تامر فرحان انها طلبت كدا: معلش يا آيه المفروض انك تروحي معايا عشان انتي من شركتي ولو اي حد غيرك كان هيجي معايا
آيه بعد تفكير: خلاص تمام أي حاجة تانية؟
تامر: لا تقدري تتفضلي على مكتبك
آيه خرجت وراحت مكتبها والقلق جواها وداليا زميلتها في المكتب اللي هي قاعدة فيه شيفاها كدا: مالك يايويو
آيه: قلقانة بس شوية انتي عارفة بقى ان مستر تامر عاوزني احضر الاجتماع اللي جاي
داليا: وايه يعني يابنتي جمدي قلبك كدا
آيه: حاضر وربنا يستر
★★★★★★
في شركة سليم طارق دخل على سليم مكتبه
طارق: ايه ياسليم الورق دا عاوز امضتك سايبه ليه
سليم: مافيش ياطارق نسيتهم عادي
طارق: مالك ياسليم في ايه احكيلي
سليم: مافيش ياطارق والله ماتقلقش المهم جهز كل العقود عشان الاجتماع اللي بعد بكرة
طارق: ماتقلقش كل حاجة جاهزة
سليم: تمام....وقام من على مكتبه: بص يا طارق انا مش قادر اكمل شغل انا هرجع الڤيلا وانت اي ورق عاوز امضتي هاته معاك وانا همضيه بالليل
طارق: حاضر يا حبيبي
سليم اخد عربيته ورجع الڤيلا وكريم كان قاعد في الجنينة سليم راحله
كريم: جاي بدري يعني
سليم: مش قادر اكمل شغل حاسس اني مخنوق ومضايق ومش قادر اركز في اي حاجة
كريم: ليه كدا يا صاحبي الشغل اهم
سليم: لا يا كريم الشغل مش اهم عندي منها
هي واخدة جمب مني خالص ومش مدياني فرصة اتكلم وانا بجد مش قادر استحمل بعدها عني دا
كريم: هو حصل حاجة بينكم؟
سليم: لا
كريم: طب ممكن تفهمني انت بتفكر في ايه او ناوي تعمل ايه
سليم: مش عارف مش عارف يا كريم
فضلوا قاعدين يتكلموا شوية وكانت آيه طلبت من كريم انها تيجي لوحدها عشان تاخد عالطريق لما هو يرجع اسكندرية وشوية آيه وصلت الڤيلا وشافت سليم وكريم قاعدين سوا بصت لكريم ودخلت جوا
سليم: عاجبك كدا
كريم: اهدى ياسليم اللي انت عملته صعب آيه تعديه
سليم: والله كان غصب عني
كريم: لازم تعرف ان دي اكتر حاجة آيه بتكرهها ياسليم
سليم سكت وقام دخل جوا شاف عمته وفاء قاعدة مع آيه وبيتكلموا
سليم: عمتو حضري الأكل لاني جعان وسابهم وطلع اوضته
آيه بصت عليه وزعلانة
وفاء: حبتيه؟
آيه بصتلها وبصت في الارض وسكتت
وفاء: يابخته
آيه ابتسمت: مركزة انتي اوي ياعمتو😂
وفاء ضحكت: ايوا طبعا
وفاء قامت تحضر الاكل مع الدادة والكل اتجمع ماعدا سليم وآيه حكتلهم انها هتحضر الاجتماع
طارق: هيبقى اجتماع اسود على دماغي
آيه ضحكت جامد😂😂: ايه ياطأطأ اجمد كدا امال مين اللي هتحامى فيها ساعتها😂
طارق: مالاقتيش غيري يا اختي دا انا ادام سليم ارنب 😂
آيه: يالهوووووي امال انا هعمل ايه بقى😂
كريم مش قادر يتكلم من كتر الضحك عليهم
ويارا بتضحك جامد هي ودينا
آيه عنيها دمعت من كتر الضحك: بس هقولكم سليم استحالة يتكلم ادام تامر في اي حاجة لان سليم مش قايله على جوازنا وذي ماسليم طالب مني ان مافيش حد يعرف جوازنا يبقى خلاص اتحلت
طارق: وانتي فاكرة ياناصحة ان سليم هيقدر يسكت دا تامر قايل ادامه ان في بنت اشتغلت عنده جديد ومعجب بشغلها وبيها هي شخصيا وهتحضر معاه الاجتماع
آيه😳: نعممممم يبقى اقرأوا عليا الفاتحة
كريم ضحك اوي😂😂: كنتي طيبة يايوكا
آيه: اه ياكيمو اه😂
طارق ضحك😂: همووووت منكم اسكتوا
دينا ويارا صوتهم مسمع في الڤيلا وسليم نزل
استغرب من تجمعهم: ربنا يستر من لمتكم دي
طارق اتخض: مش تكح يا اخي حضتني
سليم: لا ياشيخ
طارق ساكت وضحك اوي😂
والكل ضحك جامد وسليم سرحان في ضحكة آيه وهي لاحظت دا وسكتت وطلعت اوضتها وهو اضايق انها بتهرب منه
وشوية والكل اتجمع عالأكل ومنى كانت بارة وجات وقعدت عالأكل معاهم ووجهت كلامها لسليم: سليم ممكن تيجي معايا المول بالليل لان مش عاوزة اروح لوحدي
سليم بص لآيه عشان يشوف رد فعلها بس هي كانت بتاكل وبس: ماشي يامنى هاجي معاكي
آيه اضايقت اوووي وبطلت أكل وشربت مايا وقامت وطلعت الجنينة قعدت
وكريم بص لسليم يلومه انه وافق وشوية وفون كريم رن وابتسم جدا وقام يرد
كريم: عاملة ايه
بطه: الحمدلله وانت
كريم: الحمدلله تمام
بطه: يارب دايما يارب
كريم: يارب
آيه جايا من وراه وبتسمع كلامه: الله الله يا استاذ انت وهي من ورايا والله ليلتكم سودا
كريم اتخض: وحياة امي هموت في يوم بسببك حرام عليكي
آيه: بس يابابا ياللي خبيت عليا حبك وكمان تطلع بطه وسابته ومشي
كريم خاف اوووي لان آيه لما عرفت انه خبى حبه لبطه سابته وطلعت امال لو عرفت جواز سليم من مريم🤦
كريم: بطوط هقفل اشوف المجنونة دي واجيلك
بطه: ماشي وماتقلقش هي اصلا شكه فينا من ساعة ما كنت هنا بس هي بتخضك بس
كريم: ماشي يابطوط يالا باي
كريم قفل مع بطه ( بطه اسمها فاطمة بس بطه دا دلعها )
دخل الڤيلا وقالوله ان آيه طلعت وهو طلع وراها وخبط ودخل الاوضة: بصي بقى
آيه ضحكت: والله هموتك بقى تخبي عليا ياكيمو
كريم: وربنا كنت هاجي احكيلك بس كنت لازم اتأكد من شعورها تجاهي
آيه: اطمن هي اصلا بتحبك من ساعة ما كنت بحكيلها عنك
كريم: بجد
آيه ضحكت: اه بس اصبر لما هي تعترف بدا بقولك ايه انتي هترجع اسكندرية فعلا بعد يومين
كريم: اه انا خلاص نويت افتح مشروعي يعني هتلاقيني هنا كتييير وليا شريك وصاحبي كمان يعني على مايجي يوم الافتتاح هيبقى مش قبل كام شهر فإن شاء الله هتلاقيني هنا
آيه: عشان خاطري يا كريم ماتسبنيش لوحدي
كريم: عيوني وماتقلقيش كل يوم هكلمك
آيه وكريم خلصوا كلامهم ونزلوا تحت يقعدوا مع الباقيين
★★★★★★
في المساء منى خلاص هتروح هي وسليم المول بس سليم طلب من الكل اننا نخرج واللي عاوز يشتري حاجة يشتريها وآيه فرحت بكلامه عشان مش هيبقى مع منى لوحدهم
دينا: ماشي ياسليم انا وآيه هنيجي معاكم في عربيتك
آيه: لا يادينا انا هركب مع كريم
سليم اضايق: اما تبقوا تتفقوا حصلوني على بارا وخرج هو ومنى
كريم بص لآيه: براحة يا آيه على سليم
آيه: مش الست زفت راحة تركب معاه يبقى انا ايه لازمتي
كريم: خلاص يا آيه يالا عشان نخرج
وكلهم وصلوا المول وسليم وطارق وكريم ماشيين سوا والبنات سوا
دينا وآيه دخلوا محل ملابس بيتي وسليم عينه عليهم وآيه عجبها لبس جميل جدا بس بتقول لنفسها انا هلبسه ازاي (آيه بتحب لبس الهوت شورت جدااا) وكان اللبس عبارة عن هوت شورت وبلوزة قصيرة ودينا شافتها واقفة: اشتريه يايويو
آيه: مش موضوع اشتريه يادينا موضوع ان هلبسه ازاي
دينا: جبيه بس ومالكيش دعوة وانا هقولك نلبسه ازاي انا كمان عجبني واحد ذيه
آيه: خلاص ماشي
دينا وآيه اشتروا اللبس واشتروا كمان طقمين خروج
وخلاص كلهم خلصوا واتجمعوا في كافيه المول وقعدوا وسليم عينه مش شايفة غير آيه وهي بتتكسف موووت لما تلاقيه مركز معاها
اليوم خلص خلاص والكل نام وعدا يوم كمان والحال ذي ماهو وجه يوم الاجتماع
آيه صحيت وقلقانة صلت ونزلت والكل عينه عليها عشان عارفين ان اليوم دا مش هيعدي على خير
طارق: استر يارب
كريم: انا خايف يا طأطأ
طارق: اتنيل ما انت قاعد هنا وانا اللي هبقى في وشه
كريم: دا على اساس ان هخلع منه يعني
طارق: بص احنا نختفي احسن
كريم ضحك: الجري نص الجدعنة
طارق: بالظبط ياكيمو يا اخويا
وضحكوا جامد وسليم باصص عليهم: مش مطمن ليكم خالص
طارق وكريم بصوا لبعض وكريم اتكلم: ليه بس ياسولي
سليم مسك المعلقة: لو ماسكتش هحدفها فيك
كريم ضحك وخلاص خلصوا اكل وآيه راحت شركة تامر مع كريم كالعادة وسليم وطارق راحو شركتهم
جه وقت الاجتماع والفوج الاجنبي وصل وسليم وطارق قاعدين معاهم في اوضة الاجتماعات وتامر شوية جه ومعاه آيه ودخلوا وسليم كان مشغول في الملفات اللي ادامه ورفع دماغه يبص لتامر: حمدلله عالسلامة اعقد يالا ورجع بص للملفات ورجع تاني رفع وشه😳
*الحلقة العشرون*
تامر وآيه دخلوا وسليم ما اخدش باله من آيه وبصلهم ورجع بص للملفات اللي ادامه ورجع بصلهم😳
آيه الخوف ملى قلبها وبصت لطارق وطارق هيترعب وسليم وقف وبص لآيه جامد اوي
والأجانب قاعدين كانوا شخصين (مستر توم ومستر چون) ومعاهم المحامي الخاص بيهم
ومستر چون اعجب بآيه اوووي
تامر استغرب من سليم: ايه ياسليم مش نبدأ يالا
سليم قعد: اه نبدأ ونخلص عشان ورايا حاجة اهم
آيه هتموت من الخوف
الحوار طبعا مترجم
مستر چون: مستر سليم احنا محتاجين نشوف المنتجع اللي خلص السنة اللي فاتت وافتتح ونشوف الشغل فيه ازاي قبل مانبدأ اي شغل
سليم: ليه حضرتك جاي لشركتين مالهمش وصف الشامي والشناوي وعاوز تتأكد من شغلنا
آيه هنا ادخلت: بعد اذنك مستر سليم هما مش سهل عليهم طبعا انهم يدخلوا في مشروع بتكلفة كبيرة ذي دي من غير مايشوفوا المشاريع اللي كانت قبله هما استحالة يمضوا حاجة غير لما يتأكدوا
سليم: وانا مش قابل دا طلاما مافيش ثقة من اولها يبقى نلغي العقد
آيه: مستر سليم هما مش بيتكلموا في موضوع ثقة هما بس عاوزين يشوفوا المشاريع اللي حصلت قبل كدا
سليم: عاوزة تقولي ايه
آيه: يعني على الرغم من هما محتاجين يشتغلوا معانا عشان اسم الشركتين فإحنا كمان محتاجين اننا نشارك شركة اجنبية وليها اسمها ذي بتاعتهم
سليم: وانا موافق
تامر مستغرب ان آيه قدرت تقنع سليم (ملك العقارات)
مستر چون بيوجه كلامه لآيه:
What's your name? (ما اسمك)
آيه ردت عليه بنفذ لغته: Aya( آيه)
چون: Wow! Nice name (واو اسم جميل)
آيه: thanks (شكرا)
سليم هيولع بسبب نظرات چون لآيه وهو اصلا على اخره بسبب المفاجأة اللي حصلت من شوية
خلاص الاجتماع خلص واتفقوا انهم هيروحوا شرم كمان اسبوع عشان چون وتوم يشوفوا المنتجع اللي اتعمل من سنة
وتامر استأذن وأخد آيه وخرج وسليم واقف ادام طارق وبيبصله جامد ، وطارق اتكلم: سليم اهدى
سليم: يعني انت كنت عارف
طارق: كلنا كنا عارفين حتى عمتو بس آيه طلبت مننا انك ماتعرفش حاجة عشان مايبقاش فيه واسطة وهي مش عاوزة كدا
سليم: كلكم عارفين يعني عاملين عليا عصابة بقى
طارق: بلاش تسميها كدا ياسليم
سليم: لا هي مالهاش اسم غير كدا
طارق: خلاص يا سليم بقى آيه خايفة
سليم سكت لانه حاسس بخوفها وحلف انه مش هيضايقها وخلص شغله ورجع الڤيلا كان الكل قاعد ماعدا آيه ومنى مكانتش في الڤيلا سليم اتكلم: هي فين
كريم: سليم بلاش غباء
سليم: هي فين يا كريم
كريم: فوق في اوضتها
سليم طلع لآيه وخبط ودخل وهي كانت قاعدة على سريرها فوقفت
سليم: يعني الاقي الكل عارف الا انا
آيه: انا مش قصدي اخبي عليك بس ماكنتش عاوزاك توصي عليا حد او يبقى فيه واسطة
سليم بيقرب: لو كنتي قولتيلي وطلبتي مني ان ما ادخلش والله ما كنت هدخل
آيه خايفة من قربه وبترجع لورا وهو مسك ايديها: بتهربي مني ليه
آيه: مش بهرب بس خايفة منك
سليم: متخافيش انا عاوز اتكلم معاكي
آيه: اللي عملته وجعني
سليم: حقك عليا انا والله مش عارف انا عملت دا ازاي
آيه: يعني مش هتكررها تاني
سليم: عمري
آيه: خلاص انا مش زعلانة وانت كمان ماتزعلش ان ماقولتلكش ان اشتغلت في شركة الشناوي
سليم: حاضر مش زعلان بس عاوز اتكلم معاكي في حاجة تانية تعالي نقعد
سليم وآيه قعدوا وسليم اتكلم: تامر بيتعامل معاكي ازاي في الشركة
آيه: عادي تعامله معايا عادي يعني مثلا انا بكون في مكتبي والسكرتيرة تيجي تقولي مستر تامر عاوزك فبروحله يعني لو عاوزني اعمل ملف وكان اخر مرة عشان يقولي على الاجتماع
سليم: طب وانتوا جايين في الطريق كلامه معاكي ازاي
آيه: عادي والله اتكلم عادي في الشغل انا كنت رافضة اروح معاه في عربيته وكنت هخلي كريم يجي يوديني شركتك بس هو رفض واستغربت انه رفض
سليم: عشان الاستاذ معجب بيكي
آيه بصت في الأرض واتكلمت: طارق قالي
سليم رفع وشها: وانا مضايق من شغلك عنده تعالي معايا في شركتي
آيه: بس انا مش عاوزة دا انا كدا هبقى احسن عاوزة اثبت نفسي من غير مجاملة
سليم ضحك: بس انا مش هجاملك والله
آيه: لا وحياتي بلاش
سليم: حاضر هستحمل دا بس بلاش تتعاملي معاه في اي حاجة غير الشغل وبس
آيه: حاضر
سليم مركز معاها وفي كلامها وفي حركة شفايفها وقرب منها واخد بوسة وهي اتكسفت وخبت وشها في صدره وهو ابتسم وحضنها جامد وفرحان انها خلاص سامحته وشوية وكريم خبط ودخل
كريم: اوعوا تكونوا اتخانقتوا
سليم وآيه ضحكوا
كريم: يافرج الله يبقى اتصالحته وبص لآيه وغمزلها😉 سليم شافه: اطلع بارة من ادامي بدل والله انت عارف هعمل فيك ايه
كريم جري وآيه ضحكت جامد
سليم: يالا ننزل ناكل
آيه: ماشي هغير هدومي وهحصلك
سليم: ماشي بس شعرك مايبانش
آيه: حاضر
سليم نزل وسابها وهي غيرت هدومها ولبست بيچامة خفيفة بكم ولبست طرحة ونزلت وسليم اول ماشافها فرح انها سمعت كلامه
آيه كعادتها قعدت جمب كريم وسليم مضايق من الحركة دي بس غصب عنه مستحمل عشان خاطر منى موجودة
كريم بيهمس لآيه: مش هتحكيلي حصل ايه
آيه ضربت كريم ضربة خفيفة في كتفه: بس يارخم
سليم مضايق من هزارها مع كريم بس بيحاول يبان كويس
طارق: الله عليكي يايوكا النهاردة وانتي بتقنعي ملك العقارات😂
آيه بصت لسليم: ايوا مستر تامر قالي نفس الجملة دي النهاردة وماكنتش اعرف ان سليم اسمه كدا
منى اتكلمت: هو انتي بتتشغلي مع سليم
سليم هو اللي رد عليها: اه يامنى
منى: ماشي
فون آيه بيرن وكان تامر وآيه بصت لسليم ومش عارفة ترد عشان خايفة وقلقانة وهو بيبصلها بعينه كأنه بيقولها مين وآيه ردت: ايوا يا مستر تامر
سليم هنا اتعصب اووووي ومستنيها تخلص
آيه: مافيش داعي للمكفأة دا شغلي
تامر:.............
آيه: خلاص لما اجي بكرة ان شاء الله نبقى نشوف موضوع المكفأة دا
خلصت المكالمة وقفلت وبتبص لسليم اللي بيبصلها جامد وباين عليه انه متعصب وشوية ومنى طلعت فوق وسليم دخل مكتبه وآيه راحتله عشان تتكلم معاه خبطت ودخلت
سليم اول ماشافها: كان عاوز منك ايه ومكفأة ايه اللي بيكلمك فيها
آيه: بيقولي انتي اقنعتي ملك العقارات انه يوافق على كلام الفوج الاجنبي ودا له مكفأة كبيرة وانه هيديني شيك بكرة وانا اصلا مش عاوزة دا وكمان في موضوع مهم عاوزني فيه وانا مش عارفة
سليم: ولحد دلوقتي انتي مافهمتيش ايه هو الموضوع المهم
آيه: لا مش فاهمة
سليم: آيه مش طارق قالك ان تامر متزفت معجب بيكي
آيه: ايوا
سليم: يبقى هو دا الموضوع اللي عاوزك فيه
آيه: وانا اكيد طبعا هقوله لا
سليم بيقرب منها: لا ليه؟
آيه اتكسفت اوي وهو بيقرب عليها: اهو لا وخلاص
سليم: ازاي لا وخلاص
آيه اتكسفت جامد وبصت للأرض: عادي
سليم رفع وشها: مش بحب انك تكوني بتتكلمي معايا وتبصي لتحت
آيه: يبقى تبطل تحرجني وانا مش هبص لتحت
سليم: طب يالا جاوبي
آيه: عشان ا...ا...انا مراتك
سليم هنا مقدرش يسيطر على نفسه وباسها برقة اووووووي وهي استسلمت وكريم خبط ودخل فجأة😂
آيه اتحرجت وخبت وشها في حضن سليم وكريم واقف متفاجأ😳 وهيموت ويضحك😂 وخايف من سليم
سليم بصله: كريم يا حبيبي انزل الاقيك في اوضة البوكس
كريم بص لآيه اللي مش باينة اصلا من سليم: ابقي اقرأي الفاتحة على أخوكي يايوكا
آيه ضحكت اوي: ماتخافش مش هيعملك حاجة
سليم بصلها: يا سلام
آيه مكسوفة منه ومش بتبصله: ايون
سليم ابتسملها وكريم بيرخم: احم احم انا واقف على فكرة (شكله كدا عاوزله بوكس من سليم😂)
سليم: انت لسة هنا طيب
خرج جري وراه وآيه وراهم وبتضحك عليهم وشوية والدادة جات وقالت لآيه ان دينا عاوزاها فوق فطلعتلها
آيه خبطت ودخلت وشافت دينا لابسة اللبس اللي اشتاروه سوا: واااو تحفة جداااا
دينا: يالا روحي هاتي بتاعك عشان تلبسيه ونتصور بيهم
آيه راحت جابت اللبس ولبسته وطبعا ذي ماقولنا اللبس عبارة عن هوت شورت وبلوزة قصيرة ومبينة البطن آيه لبسته خلاص بس كان تحفة عليها اوووي اكتر ماهو على دينا واتصوروا وخلصوا تصوير وسليم كان طلعلهم وخبط ودخل وبيبص😳
آيه استخبت ورا دينا وهيغمى عليها من الكسوف
ودينا بتضحك😂
وسليم سرحان في اميرته اللي هتجننه باللبس دا وبشعرها اللي نازل على ضهرها
سليم بيشاور بإيده لدينا عشان تبعد من ادام آيه وآيه ماسكة فيها
سليم: دينا سبيني مع آيه شوية
آيه: لا اخرج بس وانا هاجيلك
سليم: دينا سمعتي قولت ايه
دينا خرجت وآيه هتموت من كتر كسوفها ووشها دا باصص للأرض خالص وخدودها احمرت
سليم قرب عليها اووووي وقلبه بيدق جامد: ايه الحلاوة دي
آيه ساكتة ومش بتتكلم
سليم رفع وشها: مش قولت مش بحبك تبصي تحت وانتي معايا
آيه حضنت سليم عشان تستخبى فيه من كسوفها والحضن دا خلى سليم مش قادر يسيطر على نفسه خالص وباسها بوسة رقيقة وطويلة وهي بتتجاوب معاه بس مش ذي خبرته والباب خبط سليم بعد عن آيه
سليم: مين
الدادة: سليم بيه عم حضرتك فواز بيه تحت سليم: ايه؟ طيب نازله
استووووووووووووووووووووووووب
(فواز عم سليم كل همه الفلوس وبس ذي اخته سلوى بالظبط وانتهازي ذيها ورغم فلوسه ونفوذه بيبص للي في إيد غيره وسليم مش بيحبه والكل بيخاف منه الا سليم)
سليم حاضن آيه: يالا عشان تدخلي اوضتك وتغيري اللبس دا محدش يشوفك بيه غيري ماشي
آيه من غير ماتبصله: حاضر
سليم باسها من خدها وخرج بيها ودخلها اوضتها ونزل لعمه اللي جاي فجأة
سليم نزل: اهلا اهلا بيك ياعمي في ڤيلا سليم الشامي
فواز: اهلا بيك يا ابن اخويا
سليم: خير في ايه
فواز: هي دي مقابلتك لعمك يا كبير اخواتك وكبير العيلة من بعدي
سليم: انهي علية؟ عيلة ابويا؟ اللي مفهمش غير عمتي وفاء بس اللي طول عمرها بتحبنا وجمبنا ومش عاوزة مننا حاجة ولا انت بتتكلم عن عيلة تانية انا معرفهاش
فواز اتعصب وصوته علي: شكلك كدا نسيت عيلتك اللي واقف بتتباهى بإسمها
سليم: صوتك مايعلاش في ڤيلا سليم الشامي ياعمي ولو على اسم العيلة فهو دا لقب ابويا
فواز: انت عارف ان انت الوحيد اللي مش بتخاف مني
سليم كل كلامه دا وهو واقف وقعد وحط رجل على رجل: واخاف منك ليه انا اخاف من ربنا بس
فواز: ودا يعجبني اووي عشان كدا هبقى مطمن على اي حد في العيلة دي من بعدي
سليم: خير ياعمي وقولي ايه سر الزيارة دي ايه
فواز: مافيش جاي اقعد معاكم يومين ايه ماينفعش؟
سليم: لا مش سليم الشامي اللي يطرد عمه ياعمي واهلا بيك معانا وتنورنا كمان
سليم سابه ودخل مكتبه ومش قادر يطلع لآيه عشان هو متعصب وآيه فضلت في اوضتها وقلقانة عليه لانها سمعت صوت عمه عالي وشوية
ونزلت شافت نور المكتب لسة شغال عرفت انه جوا فخبطت ودخلت وكان هو نايم على الانتريه اللي موجود في مكتبه
راحت جمبه وبتصحيه: سليم
سليم فتح عينه وشافها وابتسم
آيه: ايه اللي منيمك هنا ماطلعتش اوضتك ليه
سليم: ابدا مافيش كنت مضايق شوية وقولت افضل هنا
آيه: لا قوم اطلع نام في اوضتك عشان جسمك مش يوجعك
سليم: طب ممكن انام في حضنك
آيه اتكسفت وبصت لتحت وهزت دماغه بإنها موافقة
سليم شالها وطلع بيها فوق ودخل اوضتها ونزلها على السرير وهو مش قادر يسيطر على نفسه باسها برقة اووووي بس هي غير كل مرة مكانتش بتبادله وبصلها اووي: مالك
آيه: مافيش انا بس عاوزة انام
سليم فهم انها فهمت هو عاوز ايه ومحبش انه يضغط عليها واخدها في حضنه وناموا
★★★★★★
تاني يوم الصبح الكل صحي ماعدا سليم وآيه ولحد دلوقتي فواز عم سليم ماتقابلش مع آيه
في اوضة آيه ، هي بدأت تفوق وحركتها صحت سليم
سليم: صباح الخير
آيه: صباح النور انا اسفة مكانش قصدي اصحيك
سليم: اول حاجة مافيش أسف تاني وتاني حاجة بقى انتي نسيتي ان عندنا شغل ولا ايه
آيه: تؤتؤ لا مش نسيت انا فاكرة
سليم: شكلك حلو اوي وانتي لسة صاحية
آيه اتكسفت: بلاش تكسفني كدا كل شوية
سليم: غصب عني
آيه: لا حاول مش تكسفني
سليم رفع وشها وباسها بوسة رقيقة اوووووي ونفسه انه يخليها مراته فعلا مش عالورق وبس ، بس بيمنع نفسه عشان هما دلوقتي راحين شغلهم
آيه اخدت دش واتوضت وصلت ولبست ونزلت وعم سليم مكانش لسة شافها وأول ما نزلت سأل مين دي ودينا ردت: دي
آيه صاحبتي ياعمي وهو هز دماغه وبس وسليم باصص على آيه ومبتسم وهي قعدت جمب كريم وخايفة من عم سليم لانه بيبصلها جامد وسليم لما شافها كدا بعتلها رسالة على
فونها وهي شافتها (خايفة ليه كدا منه اوعي تخافي من اي حد مهما كان هو مين واوعي
تباني ضعيفة) آيه ابتسمت اوي وبصتله وردت عليه في رسالة (حاضر) وفواز متابع كل دا وبدأ يشك وشوية وآيه وكريم قاموا
وفواز اتكلم: ايه يا كريم رايح فين
كريم: لا ابدا ياخالي انا رايح اوصل يوكا الشغل
فواز: يوكا؟ وتوصلها ليه هي مش صاحبة دينا
كريم: اها صاحبتها وصديقة عمري ياخالي
فواز: يعني مش صاحبة دينا بس
كريم: بالظبط ووجه كلامه لآيه: يالا يايوكا عشان شغلك
آيه بصت لسليم وخرجت مع كريم وسليم طلع وراها: آيه
آيه رجعتله وهو باس دماغها: خلي بالك من نفسك ممكن؟
آيه: حاضر
سليم وجه كلامه لكريم: خلي بالك منها
كريم: دا على اساس اني مش بوصلها كل يوم
سليم: قول حاضر وبس
كريم: حاضر ياصاحبي
كريم اخد آيه ومشيوا وآيه فرحانة جداااا وكريم بيتكلم معاها في الطريق: شكلك مبسوطة
آيه: اوي يا كريم بس قلبي قلقان
كريم: ليه
آيه: عشان بحس ان لما بفرح اووي هيحصل حاجة تضيع فرحتي دي
كريم قلقان لان دا فعلا اللي هيحصل بعد ماهي تعرف موضوع مريم: ماتقلقيش كل حاجة هتبقى كويسة يايوكا
آبه: يارب ياكيمو
آيه خلاص وصلت الشركة وكان فيه شغل موجود على مكتبها خلصته وبعد ساعة اسماء السكرتيرة جاتلها وقالتلها ان مستر تامر عاوزها وقامت راحتله وخبطت ودخلت واتفاجأت😳
كان سليم قاعد مع تامر جوا وهي دخلت وقعدت ادام سليم واتكلمت وبصت لتامر: خير يامستر تامر
تامر: مش كنتي تعرفيني انك صاحبة اخت سليم
آيه بصت لسليم وزعلت منه: مابحبش كدا في الشغل
سليم عارف انها هتزعل بس خايف عليها من تامر: هي مكانتش تعرف ياتامر اننا اصحاب غير يوم الاجتماع بس
آيه: طب المهم حضرتك طلبتني ليه
تامر: عشان المكافأة اللي قولتلك عليها والموضوع الاهم منها
آيه: مكافأة ليه انا عملت شغلي على اكمل وجه فمش شايفة ان دا يستحق مكافأة
تامر: بس اقنعتي ملك العقارات
آيه: حتى لو اقنعت مستر سليم وبتبص لسليم: باردوا مافيش داعي للمكافأة
تامر: معلش اقبلي الشيك دا وبعدين الشغل عبارة عن مكافئات بتاخديها عشان شغلك كويس ودا احنا ماشيين عليه في شغلنا
آيه: تمام هقبله طب وايه هو الموضوع الاهم
تامر بص لسليم ورجع بص لآيه: في واحد معجب بيكي وعاوز يتقدملك
آيه بصت لسليم واتكلمت: مش المفروض اللي يعجب بواحدة يسأل عنها الأول قبل مايطلب انه يرتبط بيها مش يمكن تطلع متجوزة او مخطوبة
تامر: بس مافيش في ايدك لا دي ولا دي دبلة
آيه: بس انا متجوزة
سليم فرح اووووي انها قالت كدا
تامر: ايه ؟ بجد
آيه: ايوا والله
تامر زعل بس مابينش: خلاص تمام تقدري تتفضلي على مكتبك
آيه خرجت وسابتهم وتامر زعلان وبيكلم سليم: يعني انت مش عارف ياسليم اذا كانت متجوزة ولا لا
سليم: اعرف منين يعني
تامر: انا بجد زعلان اوي
سليم: دا يعلمك ان اي شخص تعجب بيه لازم تتأكد انه مش مرتبط
تامر: خلاص ياسليم بقى
سليم: ماشي يا تامر انا ماشي وانت شوف هنروح شرم امتى
سليم مشي وساب تامر وخرج وراح لآيه مكتبها وهي اتفاجأت بيه بس ما اتكلمتش
سليم: ماتزعليش
آيه: احنا متفقين ياسليم ان محدش يعرف
سليم: بس انا حبيت انه يعرف
آيه: خلاص مش عملت اللي عاوزه خلاص
سليم قرب من آيه ومسك ايديها وقومها من عالمكتب وهي زعلانة منه ورفع وشها: خلاص بقى ماتزعليش
آيه: طيب
سليم قرب منها اوي وباسها برقة كأنه بيقولها أنا اسف وهي بتتجاوب معاه وفجأة داليا صاحبتها دخلت وشافتهم كدا وخرجت وآيه اضايقت: كدا ينفع اهي داليا فهمت غلط وهي اصلا ماتعرفش حاجة
سليم باس ايدها: احكيلها عشان مش تفهم حاجة غلط وانا ماشي اهو هروح الشركة وهعدي عليكي نتغدى سوا بارة ممكن
آيه: حاضر
سليم خرج وداليا دخلت وقعدت على مكتبها وما اتكلمتش وآيه راحت وقفت قصادها ومش عارفة تقول ايه داليا اتكلمت: بتفكري هتقوليلي ايه
آيه: ماتفهميش غلط يادودو دا جوزي
داليا: ايه😳
آيه: اه والله سليم الشامي يبقى جوزي
داليا: لا دا انتي تقعدي وتحكيلي
آيه حكتلها كل حاجة من الاول خالص
داليا: يعني محدش يعرف خالص
آيه: ايوا ودا سر بيني وبينك ماشي
داليا: اكيد يا حبيبتي ماتقلقيش
★★★★★★
في الڤيلا كريم قاعد في الجنينة وبيكلم بطه في التليفون
كريم: عاملة ايه
بطه: الحمدلله وانت عامل ايه
كريم: الحمدلله بتعملي ايه
بطه: مافيش بكلمك
كريم: ممكن اقولك وحشتيني
بطه اتكسفت ومش ردت
كريم: دا احنا بنتكسف بقى
بطه: بس يارخم
كريم: قلب الرخم
بطه: وبعدين بقى
كريم: الله انا قولت حاجة انا بقولك الحقيقة على فكرة
بطه: هو انا لو طلبت ان انا اجي لآيه يومين حد في الڤيلا هيضايق اصل بصراحة انا متعودة ان اقعد معاها كام يوم كدا في الاجازات
كريم: لا محدش هيقول حاجة نهائي واهو كمان اشوفك
بطه: خلاص هقول لماما وهاجي
كريم: كدا بقى هأجل سفري
بطه: انت مسافر
كريم: كنت راجع اسكندرية عشان اشوف الشغل ماشي ازاي
بطه: وهتغيب
كريم: لا هو اسبوع بس خلاص مش هروح غير لما انتي تيجي وتقعدي براحتك وتروحي
بطه: ماشي
كريم: شوفي مامتك هتقولك ايه وانا هاجي أخدك
بطه فرحت: خلاص ماشي هرد عليك بالليل
كريم خلص كلام مع بطه وكلم آيه عشان يروح يجيبها بس هي قالتله ان سليم هيروح ياخدها ويتغدوا بارة
منى قاعدة مع فواز وهما الاتنين شاكين ان في حاجة بين سليم وآيه
منى: يعني حضرتك شاكك ذيي
فواز: جداااا ودا باين من نظراتهم لبعض
منى: بس ازاي وهو اصلا متجوز مريم
فواز: عادي وبعدين اللي اعرفه ان سليم مش بيحب مريم بنت اختي اصلا
منى: دا كلنا عارفينه
فواز: و عارف كمان انك بتحبيه وعاوزاه صح
منى: جدا ومش عارفة اعمل ايه وبصراحة ومن غير زعل انا فرحت انه مش بيحب مريم بس اضايقت اكتر لما آيه دي جات وحسيته مشدود ليها
فواز: ماتقلقيش هتأكدلك من الموضوع دا وانا هنا
(على الرغم من ان فواز عم سليم ومنى بنت خالة سليم بس الاتنين هيتفقوا عليه وفواز مش فارق معاه بنت اخته خالص ولا فارق معاه ان منى تاخد سليم هو كل اللي يهمه الفلوس وبس)
آيه خلصت شغل ونزلت وسليم كان مستنيها تحت وركبت وهو اتحرك بالعربية ووقفوا عند مطعم شيك جدا بس كان محجوز ليهم وبس
وسليم ماسك ايد آيه ودخلوا سوا وطلبوا الأكل وسليم مش مقعد آيه ادامه لا مقعدها جمبه وحاضنها وبيتكلم معاها وهي فرحانة من قربه دا بس هي خايفة من قربه اوي وشوية والأكل جه وهو بيأكلها بإيده
آيه: على فكرة انا بعرف اكل لوحدي
سليم: عارف بس انا حابب كدا
آيه: بس انت كدا مش هتعرف تاكل
سليم: اكليني انتي كمان
آيه ضحكت: حاضر وبدأت تأكله وهو مع كل معلقة يبوس ايديها وهي وشها احمر اووووووي من كتر كسوفها: بطل رخامة
سليم: دي أحلى رخامة على فكرة
خلصوا اكل ورجعوا الڤيلا سوا ودا أكد لفواز ان فيه حاجة بينهم آيه طلعت تغير هدومها وسليم غير هدومه وراح ليها اوضتها
سليم: ممكن ادخل
آيه: تعالى
سليم: خلصتي لبس
آيه: اها
سليم قعد وقعدها على رجله: انتي عارفة انا فرحان اوي انك قولتيله انك متجوزة
آيه: كان نفسي اردهالك واقوله متجوزة صاحبك😛 ذي ما انت قولتله ان انا صاحبة دينا
سليم ضحك: وايه يعني عادي
آيه: يعني انت ماكنتش هتضايق
سليم: تؤتؤ
آيه حضنته اوي وهو شالها وحطها على السرير وبيبوسها برقة اووووووي وهي بتتجاوب معاه وخايفة اوووووووي وهو بيمشي ايده على جسمها وهي مستسلمة نهائي بس منعته يقرب اكتر وهو استغرب
دا بس مابينش وقعد معاها شوية ونزل مكتبه وهي حست انه اضايق بس هي اصلا خايفة ان دا يحصل عشان دي اكتر حاجة بتخاف منها جدا ذي اي بنت خرجت من اوضتها وراحت لدينا اوضتها ويارا كانت هناك واول ما آيه شافتها: كويس انك انتي كمان هنا
يارا: في ايه ومال وشك كدا
آيه: عاوزة اتكلم معاكم
دينا: قولي في ايه مالك
آيه: سليم بيحاول يقرب مني
يارا: طب دا حلو اوي بس بيقرب ازاي
آيه: يعني عاوز يخلي جوازنا بجد مش عالورق وبس
دينا: ايوا بقي
آيه: لا بقولك ايه هترخمي هقوم
دينا: خلاص خلاص
يارا: طب انتي رافضة ليه
آيه: انا مش رافضة يا يارا انا بالعكس بفرح من قربه دا جداا وببقى عاوزاه أوي بس خايفة دا اكتر يوم بخاف منه جدااااااااا
يارا: يخربيت كدا انتي طلعتي من البنات اللي بتخاف من اليوم دا😂
آيه: تصدقوا انكوا رخمين
يارا: خلاص والله بس صدقيني سليم هيخاف عليكي
آيه: هو اصلا شكله زعل مني ونزل المكتب وانا مش عارفة اصالحه ازاي
يارا: امممم انزليله صالحيه
آيه: لا ياشيخة يعني انا بقولك اصالحه ازاي وانتي تقوليله انزلي صالحيه
دينا ضحكت اووووي وبصتلهم: وربنا ماقادرة امسك نفسي من كتر الضحك😂
يارا: بس يابت بقى عشان نعرف نتكلم
مين كان واقف عالباب بقى طارق كان جاي ليارا مراته وسمع كل كلمة وقرر انه يتكلم
مع اخوه وآيه خرجت من عند دينا وعاوزة تنزل تصالح سليم ونزلت وخبطت على باب المكتب وفتحت ودخلت وهنا شافت حاجة ضايقتها
الحلقة الحادية والعشرون من هنا