رواية تلاقينا
*الحلقة 21* 22♡23
آيه نزلت لسليم وخبطت ودخلت المكتب وشافت حاجة ضايقتها منى كانت جوا وهي بتعمل تدليك لرقبة سليم وسليم اول ماشاف آيه واقفة
وقف فجأة واضايق انها زعلت لما شافت منى وآيه اتكلمت: اسفة كنت فكراك لوحدك وطلعت اوضتها وسليم وجه كلامه لمنى: لو سمحتي يامنى اخرجي
منى اضايقت وخرجت واتأكدت ان في بينهم حاجة وسليم طلع ورا أيه بس هي كانت قافلة باب أوضتها وخاف اكتر ودخل اوضة كريم وكريم
اتفاجأ وسأل فيه وسليم اصلا ماردش عليه ودخل البلكونة وراح على بلكونة اوضة آيه
وفتح الباب ودخلها وهي قاعدة على سريرها بتعيط وكريم حاول يفهم في ايه بس
سليم طلب منه انه يسيبهم لوحدهم شوية وآيه مش راضية تتكلم مع سليم
سليم: آيه لو سمحتي اسمعيني
آيه: مش عاوزة اسمع حاجة ماهو انا اصلا ماليش الحق ان اقولك بتعمل ليه كدا فعادي
سليم اتعصب: لا ليكي عشان انتي مراتي فاهمة
آيه: طب وطي صوتك لحد يسمعك
سليم اتعصب اوي: ماتعصبنيش يا آيه بكلامك دا
آيه: لا ياسليم هي دي الحقيقة
سليم حاول يتماسك اعصابه وهي مصممة تضغط عليه
آيه: انا هنا سنة هخلصها وهمشي من حياتكم
سليم: ازاي يعني
آيه: هو انت فاكر اني مراتك بجد دا ورقة بس كتبناها عشان وجودي هنا مش اكتر
سليم: لا مراتي و بجد ومافيش كلام غير دا
آيه: لا مش مراتك بجد انا واحدة انت اتغصبت عليها مش اكتر وعملت كدا عشان طلب ابويا منك ولا انت نسيت
سليم: لا دا كان في الأول وبس لكن دلوقتي لا
آيه: متحاولش تجبر بخاطري بس وتقول كلام عكس اللي جواك واتفضل اخرج بارة
سليم: لا مش هخرج يا آيه غير وانتي ومراتي بجد
آيه بصتله وفهمت هو عاوز ايه وهو بدأ يقرب وهي بتبعد عنه: سليم لا خلاص انا مش هعصبك بس لا
سليم بيقرب اكتر: لا ليه مش مراتي ولا ماليش الحق المسك بقى
آيه بتبعد: لا ياسليم عشان خاطري لا
سليم اتعصب لانها مش اول مرة تتهرب منه: لا يا آيه أنا مش هخرج غير وانتي مراتي بجد
آيه رجعت لورا وخبطت في الحيطة وخلاص سليم واقف ادامها ومافيش اي مسافة بينهم وهي قلبها بيدق وخايفة اوووي ومش عاوزة دا يحصل او بمعنى تاني خايفة الباب خبط وكان كريم سليم راح يفتح: في ايه يا كريم
كريم: معلش ياسليم انا عاوز آيه
سليم: لا وانا قولتلك سبنا مع بعض شوية
كريم دخل غصب عنه واخد آيه
سليم: كريم ماتعصبنيش انت كمان
كريم: وانا مش بعصبك يا ابن خالي انا جاي اخد أختي عن اذنك واخدها وطلع وآيه بتعيط جامد وكريم حاضنها لانه سمع كل كلمة سليم قالها وهو واقف في بلكونة آيه بعد ما سليم طلب منه يخرج وكمان قبلها طارق قاله عاللي سمعه
كريم بيهدي آيه: اهدي يا آيه خلاص
آيه: عشان خاطري عاوزة ابعد عنه
كريم: ليه يا آيه انتي حبتيه
آيه سكتت لانها فعلا حبته وبعد كدا اتكلمت: عشان خاطري يا كريم عاوزاك تروح معانا شرم ماتسبنيش معاه لوحدي
كريم: حاضر انا اصلا مش مسافر الوقتي
آيه: بجد
كريم: اه اصل بطه جايا
آيه نست زعلها وضحكت: اه قول بقى كدا
كريم: عاوز اتكلم معاكي شوية
آيه: في ايه يا كريم
كريم: انا كنت واقف في البلكونة بتاعة اوضتك وسمعت كل كلمة انتي قولتيها لسليم وقالها ليكي
آيه اتكسفت ومش ردت
كريم: انا مش بقولك كدا عشان تتكسفي يا آيه انا اخوكي وعاوزك تكوني مبسوطة دايما وعايشة كويسة
آيه: يعني عاوزني اعمل ايه يعني يا كريم
كريم: طارق سمعك وانتي بتحكي للبنات انك خايفة
آيه: كمان لا انا اروح استخبى احسن
كريم ضحك: يابت بطلي هزار بقى
آيه: يعني اقولك ايه وانت بتقولي انك عارف وهو كمان عارف
كريم: ماتقوليش حاجة يارخمة بس كل اللي هقوله ليكي ماتخافيش ويالا عشان تنامي
آيه راحت اوضة دينا ونامت جمبها
★★★★★★
تاني يوم الصبح الكل قاعد عالفطار وكريم استأذن عشان هيروح يجيب بطه بنت خالة آيه وسليم باصص على آيه وزعلان انه زعلها وفي نفس الوقت مضايق من تصرفاتها معاه
طارق: سليم عاوز اتكلم معاك شوية قبل ما نروح الشركة
سليم: طيب تعالى نروح المكتب ونتكلم
آيه قلبها بيدق لانها تقريبا عارفة طارق عاوز سليم في ايه ودا كاسفها جداا
طارق وسليم دخلوا المكتب وطارق اتكلم: كنت عاوز اتكلم معاك في حاجة تخص آيه
سليم: خير يا طارق في ايه
طارق حكى لسليم كل حاجة سمعها
سليم: يعني عشان كدا هي بتتهرب مني
طارق: اه ياسليم اللي سمعته منها وهي بتتكلم مع دينا ويارا انها عاوزاك ذي ما انت عاوزها بس هي خايفة من اللي هيحصل
سليم: انا امبارح بالليل اتعاملت معاها بطريقة زفت وكريم جه اخدها
طارق: انا حكيت لكريم و عشان كدا تلاقيه دخل أخدها
سليم: خلاص يا طارق انا هتصرف
طارق: خلاص تمام
سليم وطارق خرجوا وسليم هيوصل آيه بس اتفاجأ انها مشيت واضايق وقال لازم يروح ليها الشركة
آيه ركبت تاكسي ووصلها الشركة ودخلت مكتبها وخلصت الشغل اللي وراها وشوية وبترفع راسها لاقت سليم واقف ادامها واتفجأت ووقفت وداليا صاحبتها اتفاجأت هي كمان واستأذنت وسابتهم لوحدهم سليم دخل وقفل الباب
آيه: على فكرة يعني الباب دا بيفضل مفتوح
سليم: بس انا اللي قفلته يعني مش أي حد
آيه: طيب جاي ليه
سليم: جاي اشوف مراتي اللي طلعت عشان اوصلها لاقيتها مشيت
آيه: ماهو كريم مشي
سليم قرب: وجوزك موجود
آيه: طيب يالا امشي بقى عشان اخلص شغلي
سليم قرب اكتر: ولو مش مشيت
آيه: انت حر خليك....وسابته وقعدت
سليم مسك ايديها ووقفها ادامه: هتهربي مني تاني طب احنا في الشركة مش هعمل حاجة يعني
آيه اتكسفت وبصت للأرض
سليم رفع وشها: مش قولت طول ما بتتكلمي معايا ماتبصيش تحت
آيه: طب ممكن تمشي ونكمل كلامنا في البيت
سليم: لا انتي زعلانة مني
آيه: ليه انت عملت حاجة تزعلني
سليم: عشان شفتي منى بتعملي مساچ لرقبتي بس والله انا نزلت وانا زعلان منك وفعلا كنت محتاج دا وانا والله ماطلبت منها بس هي اللي عملت
آيه: وانا مالي
سليم قرب اكتر: يعني مش غيرانة
آيه بصتله: لا
سليم قرب اوي ومعتش فيه مسافة بينهم: غيرتي ولا لا
آيه: تؤتؤ
سليم باسها بوسة رقيقة اوووي وهي استسلمت عشان هي حبته وسألها تاني: غيرانة
آيه: ايوا
سليم حضنها اوي وباس دماغها: مش دي اللي تغيري منها
آيه: حاضر
سليم بعد عنها شوية ولسة رايح يتكلم كان تامر دخل: ايه دا سليم عندنا
سليم: اها آيه نست حاجة في البيت وجبتهالها
تامر استغرب: مش معقول
سليم: هو ايه اللي مش معقول
تامر: يعني كنت الاول مش بتهتم بالأمور دي
سليم: لا سليم الشامي بيهتم باللي يهمه وبس
وبص لآيه: انا هروح شركتي ولو احتاجتي حاجة كلميني وانا وهاجي اخدك نروح سوا عشان كريم لسة بيجيب بطه
آيه: حاضر
سليم مشي وتامر مستغرب ان معقول دا سليم صاحبه اللي مكانش يهمه اي حاجة تخص اي بنت و ازاي كدا مع آيه وهي اصلا متجوزة ولا هي مش متجوزة
تامر: آيه حصليني على مكتبي
آيه راحت وراه المكتب: خير يافندم
تامر: ممكن افهم في ايه
آيه: حضرتك عاوز تفهم ايه
تامر: مش من عادة سليم انه يهتم بأي حاجة تخص اي بنت اشمعنا انتي
آيه: عادي يافندم هو قال لحضرتك انه مش بيهتم غير باللي يهمه وبس و عشان انا صاحبة اخته عمل كدا
تامر: بس انا ليه حاسس ان في حاجة اكبر من كدا
آيه اضايقت: حضرتك تقصد ايه
تامر: يعني مش انتي بتقولي متجوزة يبقى ازاي تقبلي على نفسك دا
آيه: قبلت ايه على نفسي
تامر: انا عرفت ان سليم وصل شركتي من الكاميرات وكمان كنت فاكره جايلي واستغربت كمان انه دخلك انتي وشوية ولاقيت صحبتك خرجت وقفلت الباب وانا اضايقت وفي كل مكتب عندنا هنا كاميرا سرية عشان لو حصل اي مشكلة وانا فتحتها واللي شفته مايدلش خالص عاللي انتي بتقوليه
آيه اتفجأت باللي قاله ومعدتش عارفة ترد تقوله ايه
تامر: سكتي ليه ازاي تسمحيله يحضنك ويبوسك مش انتي ست متجوزة باردوا
آيه ساكتة ومش عارفة ترد تقول ايه
تامر: تمام تقدري تخرجي بس هتخرجي من الشركة كلها
آيه بصتله بصة ليها معاني كتير ومخنوقة من اللي حصل اووووي وخرجت واخدت شنطتها وركبت تاكسي وراحت لسليم وطلبت من السكرتيرة انها تديله خبر بس سليم كان في اجتماع وهي ماقدرتش تستنى ودخلتله وهو اتفاجأ بيها جداا وقلق ووقف وراح عندها: في ايه مالك
آيه بتعيط: عاوزة اتكلم معاك
سليم وجه كلامه لكل اللي كان قاعد: الاجتماع هيتأجل لبكرة وانت يا طارق جهز معاد
طارق: حاضر يا سليم ووجه كلامه لآيه: انتي كويسة
سليم: سبني معاها ياطارق
طارق: حاضر
طارق خرج وسليم اخد آيه وقعدوا: في ايه ، ايه اللي حصل
آيه حكتله على كل حاجة وهو اتعصب اوووووي ان صاحبه اتصرف كدا: وانتي ماقولتيش ليه انك مراتي
آيه بصوت مبحوح: انت قولت انه مايعرفش وانا محبتش اعملك مشكلة
سليم: مشكلة؟ طب اتفضلي قومي معايا سليم اخدها وراح شركة تامر ودخل مكتبه من غير مايستأذن وتامر شافه: خير ياسليم
سليم حاضن آيه: مش مرات سليم الشامي اللي يتقال ليها الكلام دا ياتامر
تام انصدم: ايه مراتك؟
سليم: ايوا مراتي وهي اخر يوم ليها هنا وشكرا اوي على كلامك ليها ياصاحبي
تامر: ياسليم انا ماكنتش اعرف والله
سليم: وليه فتحت الكاميرا وانت عارف ان انا جوا ولا مش واثق في صاحبك
تامر معتش عارف يرد يقول ايه خالص ومستغرب ازاي دي مراته ومريم: طب و..... ولسة هيكمل سليم وقفه بعنيه وسكت وماتكلمش
سليم أخد آيه ومشيوا من الشركة خالص وراحوا يتغدوا بارة وسليم بيهدي آيه: حقك عليا انا
آيه: ممكن نروح عشان انا مش عاوزة حد يقول اي كلمة تاني لما يشوفوني معاك
سليم: محدش يقدر يتكلم نص كلمة
آيه مخنوقة ومضايقة جامد وسليم اقسم انه هيصالحها بطريقته😉
وخلصوا غدا ورجعوا الڨيلا وآيه طلعت على أوضتها وسليم مضايق عشانها وشوية كريم جه هو وبطه وآيه فرحت جدااا ببطه وقعدوا يتكلموا كتيييييير وفواز ومنى عاوزين يعرفوا ايه علاقة سليم بآيه
في المساء
سليم طلب من دينا انها ماتخليش آيه تطلع أوضتها دلوقتي خالص وانهم يروحوا يقعدوا في الجنينة البنات خرجت وكريم كان رايح يخرج معاهم
سليم: تعالى ياكيمو رايح فين
كريم: طالع اقعد مع يوكا
سليم غمزله😉: يوكا باردوا
كريم: يارخم
سليم ضحك: تعالى بس عاوزك
سليم اخد طارق وكريم على فوق
نيجي بقى للبنات
يارا: انتي جميلة اوي يابطه
بطه: تسلميلي انتي الأجمل
دينا: احلى حاجة عملتيها انك جيتي
بطه: انا كنت بس قلقانة ان لو جيت يبقى فيه مشكلة
دينا: مشكلة ايه بس دا احنا فرحانين بيكي
آيه: بس انتي جايا تشوفيني مش كدا😉
بطه ضربتها في كتفها: بس يارخمة
يارا ودينا ضحكه
بطه: اضحكوا اضحكوا
بعد شوية سليم بعت رسالة لدينا انها تخلي آيه تطلع بأي حجة اوضتها
دينا: بقولك ايه يايوكا اطلعي جيبي اللاب بتاعك نشغل ميوزك من عليه بيبقى أحلى من الفون
آيه: حاضر ماشي
آيه طلعت فوق وفتحت أوضتها واتفاجأت
*الحلقة 22*
آيه دخلت أوضتها واتفاجأت بشموع وورد وجو رومانسي جدااااااا😍 وسليم واقف
آيه: ايه كل دا
سليم: بصالحك
آيه: بس انا مش زعلانة منك
سليم: بس انا عاوز أصالحك بطريقتي
آيه خافت: اللي هي ايه؟
سليم: تعالي قربي وانا هقولك
آيه خايفة اوي بس قربت منه وهو مسك ايديها وبدأ يرقص معاها وهي فرحانة وحاسة انها مرتاحة وهمسلها: ممكن الخوف دا يروح
آيه بصتله وسكتت عشان هي فعلا خايفة وسندت على كتفه
سليم بيهزر: كتفي بقى مخدة ولا ايه
آيه ضربته بخفة في كتفه: بس يارخم
سليم رفع وشها: مش عاوز الخوف اللي انتي حساه دا
آيه: بس دا مكانش اتفاقنا
سليم: وانا عاوز الغي اتفاقنا
آيه: بس...بس
سليم حط ايده على بوقها: انا عارف انك خايفة بس ماتخافيش وانتي معايا
سليم باسها برقة
وهنا بقى ملناش دعوة بيهم🙈 وآيه باقت مرات سليم فعلي
★★★★★★
تاني يوم الصبح الكل متجمع عالفطار بس منى وفواز مكانوش لسة نزلوا ووفاء استغربت أوي ان سليم لحد دلوقتي مانزلش ولسة راحة تشوفه كريم وطارق وقفوها
كريم: راحة فين ياماما
وفاء: طالعة اشوف سليم مش عوايده يتأخر كدا
كريم: لا سبيه نايم
وفاء: ازاي بس ممكن يكون تعبان
طارق: لا هو كويس مش تقلقي
وفاء بصتلهم هما الاتنين
كريم: ابن اخوكي عريس جديد سبيه
وفاء: هو حصل؟
كريم وطارق: أيوا
وفاء: دا كدا بقى هدخل أعملهم فطار حلو
كريم: يعني فطارنا دا اللي وحش
وفاء: بس يارخم وعقبالك انت كمان واعملك الحلو كله
كريم بص لبطه: يارب ياماما وعن قريب كمان
بطه اتكسفت ووفاء بصت عليها: كدا كسفتها
بطه وشها بقى احمر ودينا ويارا بيضحكوا عليها شوية وفواز نزل وبيدور بعينه على آيه وسليم ومش لاقيهم: امال فين سليم ياوفاء
وفاء: لسة نايم
فواز: من امتى وسليم بينام لحد دلوقتي طب وشغله
طارق: لا ماهو مش هيروح الشغل النهارده ياعمي
قواز: كمان؟
طارق: اه
منى نزلت: صباح الخير
الكل رد: صباح النور
منى: امال فين سليم.....وبتبص بعنيها: امال فين آيه هي كمان
كريم هو اللي رد: آيه لسة نايمة وتعبانة مش هتروح الشغل النهاردة
منى: لا سلامتها
كريم على أخره منها شوية وطارق راح الشركة وكريم قاعد مع يارا ودينا وبطه وطلب من وفاء انها ماتطلعش لسليم الوقتي غير لما يصحى
في أوضة آيه وسليم
سليم صاحي من نص ساعة دخل جهز الحمام وبيصحي آيه
آيه بنوم: امممممم
سليم: صباح الورد
آيه فتحت عنيها: صباح الخير
سليم: أحلى صباح على أحلى عروسة
آيه اتكسفت اوووي ومردتش عليه
سليم: هنبتديها كسوف بقى
آيه ضربته بالمخدة: رخم
سليم شالها وآيه اتسغربت: رايح بيا فين
سليم: جهزتلك الحمام .... ودخل بيها جوا وقعدها في البانيو
سليم: المايا دافية خلصي دش وانا مستني بارة
آيه فرحت انه بيتعامل معاها بحنية اووووي وانها شافت الجانب الحلو فيه سليم طلب عمته انها تعملهم فطار شوية وآيه خرجت ولابسة البورنس عشان مكانتش اخدت هدوم وهي داخلة سليم فرحان بيها اوي وواخدها في حضنه وهي قاعدة جمبه شوية والباب خبط وسليم فتح وكانت عمته واخد منها الفطار وهي نزلت
سليم: يالا يايوكا عشان نفطر
آيه: تعالى ننزل نفطر معاهم تحت عشان اكيد عمك ومنى مستغربين
سليم: عادي سيبك منهم وبعدين انا عاوز افطر معاكي وبس
آيه ابتسمت وسليم بيأكلها بإيده ومسك كوباية اللبن
آيه: استنى بس كدا اللبن دا لمين
سليم: ليكي
آيه: لا انسى انا مش بحبه خالص
سليم: وحياتي
آيه: مش بحبه والله وبعدين بستفرغ منه
سليم: بس هو هيبقى حلو ليكي
آيه: انا اشرب أي حاجة واللبن لا
سليم: خلاص هجيبلك عصير
آيه: ايوا العصير حلو
خلصوا فطار ونزلوا سوا وسليم مش هموا أي حد وماسك ايديها
وفواز ومنى بصوا لبعض وابتسموا (ياترى في ايه)
سليم: صباح الخير
الكل: صباح النور
فواز: ايه ياسليم اول مرة يعني ماترحش الشركة
سليم: عادي ياعمي طارق هناك مكاني
فواز: بس يعني انت ماكنتش بتحب تقعد من الشغل
سليم: معلش كنت تعبان
فواز: اه من حقك تتعب
سليم استغرب اوي طريقة عمه معاه واستغرب اكتر ان محدش سأله انه ماسك ايد آيه
منى: وانتي يايويو تعبانة انتي كمان عشان ماتروحيش شغلك
آيه بصت لسليم وكأنه بتقوله هو في ايه: اه عندك مانع
سليم فرح انها ردت كدا وانها مش خايفة منهم ومعنى كدا انه بالنسبالها حماية
منى: ايه يايويو الرد دا انا مش قصدي
آيه بصتلها ومش ردت خالص
وسليم قلقان لان طريقة كلام عمه ومنى غريبة
سليم أخد آيه ودخلوا المكتب
آيه: سليم انا حاسة ان فيه حاجة
سليم: وانا كمان بس وايه يعني انتي مراتي ومحدش يهمني فيهم
آيه: بس انا ليه حاسة انهم فاهمين غلط
سليم: سيبك منهم وانا عارف هتصرف ازاي
آيه: وانا مش قلقانة وانت جمبي
سليم: طب اعمل ايه فيكي بقى بعد الكلام الحلو دا
آيه اتكسفت وماردتش وهو باسها برقة ذي العادة وعمه فواز دخل وآيه خبت وشها في حضن سليم
فواز: معلش ان دخلت كدا
سليم: فيه حاجة اسمها انك تخبط عالباب ياعمي
فواز: اه عارف بس شكلي كدا جيت في وقت مش مناسب خالص
سليم بص لآيه وطلب منها انها تخرج تقعد مع البنات بارة وآيه خرجت وسليم قعد على كرسي مكتبه: اقعد ياعمي كدا وبلاش تفكيرك الغلط اللي في بالك دا
فواز قعد: طب فهمني انت يا ابن اخويا
سليم: آيه مراتي
فواز: ايه انت بتقول ايه طب ومريم
سليم حكاله عن كل حاجة: وياريت ياعمي لو انت فعلا بتحبنا ذي ما انت بتقول ماتجبش سيرة مريم ادام آيه لو سمحت
فواز: بس مريم كدا هتضايق وهتزعل ياسليم
سليم: بس انا مش بحبها والله وانت عارف كدا
فواز: طب لو آيه عرفت هتعمل ايه
سليم: انا هتصرف بس ياريت حضرتك ماتقولش ادامها ولا كمان منى
فواز: تمام يا سليم
★★★★★★
في الجنينة البنات قاعدة وفرحانين بآيه وبقربها لسليم
يارا: وبقينا مبسوطين ومش خايفين😉
آيه اتكسفت: بس يارخمة بقى
يارا ضحكت اوي: ماشي مش هرخم عليكي
دينا: يارب تفضلي فرحانة كدا على طول
آيه: يارب
بطه وكريم قاعدين سوا وكريم بيرخم عليها وهي مكسوفة ومش بتتكلم وآيه شافته وراحتله: عاوز ايه يارخم منها
كريم: بلاش انتي عشان مش ارخم عليكي😉
آيه: يالا يارخم
كريم ضحك عليها: خلاص خلاص بس تعالي شوفي بنت خالتك
آيه بصت لبطه: مالها بطوط
كريم: كل اما اقولها حاجة تتكسف
آيه: اكيد بترخم عليها
كريم: مين انا دا انا غلبان
آيه وبطه ضحكوا اوووي عليه
وسليم جه يقعد معاهم وحاضن آيه طول ماهي قاعدة جمبه وهي مكسوفة من اللي حواليهم
سليم: عندي ليكي مفاجأة يادودو
دينا: مفاجأة ايه
سليم: ياترى مين جاي عندنا النهاردة
دينا: طلاما مفاجأة وحد جاي يبقى أكيد خالو مصطفى
سليم: صح
دينا فرحت جامد: بجد ايوا بقى وهيقعد معانا اد ايه
سليم: هيطلع معانا شرم اصلا
دينا: أحلى مفاجأة دي ولا ايه
آيه همست لسليم: هو احنا هنروح امتى
سليم: طارق بيجهز معاد ولما يجي من الشركة هنعرف
آيه: ماشي انت عملت ايه مع عمك
سليم: حكتله
آيه: يعني هو عرف
سليم: اه
آيه: وقالك ايه
سليم: عادي هيقولي ايه
آيه: يعني مش اضايق
سليم: لا وبعدين انا حر أعمل اللي انا عاوزه
آيه: ماشي
كريم بيرخم عليهم: احم احم احنا قاعدين على فكرة بتتكلموا في ايه لوحدكم
سليم: بس يارخم
كريم: احلى حاجة اننا كلنا راحين شرم
بطه: بس انا مش هعرف اطلع معاكم
سليم: ليه يابطه
بطه: عشان اكيد ماما مش هتوافق
سليم: لا مالكيش دعوة انتي انا هكلمها وهقولها وكمان نجيب مازن معانا
آيه فرحت وبصتله وهو باس ايديها: مازن اصلا مع اصحابه في راس البحر اسبوع لو جه قبل مانمشي يجي لو ماجاش يبقى تتعوض
سليم: يعني حد يسيب شرم ومايجيش
آيه: طلاما مع اصحابه يبقى انسى انه يسيبهم
سليم: خلاص ماشي
شوية وخال سليم جه والكل كان فرحان بيه جدا وهو اصلا دمه خفيف وبيحب الهزار والضحك وآيه ارتاحتله جدا وهو بيتكلم معاها كأنه يعرفها من سنين والكل اتجمع عشان الاكل جاهز والكل قاعد فرحان
★★★★★★
الكل قاعد سهران ومروان ومي جم ليهم وآيه فرحت بمي وأخدتها وطلعت أوضتها ومروان قاعد مع الشباب تحت وشوية والبنات طلعوا لمي وآيه
يارا: سبتونا تحت قولنا نطلع نرخم
آيه: كنت لسة هقولكم تيجوا والله
دينا: لا تقلقي إحنا رخمين وبنطلع لوحدنا😂
بطه: رخمين اوي يعني
آيه: ايوا ياختي انتي هتقوليلي
مي: واخيرا آيه قلبها دق تاني
آيه بصتلها وكأنها بتقولها انتي غلطي لما قولتي (دق تاني)
دينا: هو دق اولاني ولا ايه😉
آيه: اه كانت مرة وراحت لحالها
يارا: ومالك مترددة ليه وحساكي خايفة
آيه: الموضوع دا مش بحب اتكلم عنه خالص بيتعبني اوي
دينا: سلامتك من التعب انسي أي حاجة وربنا عوضك بسليم
آيه: الحمدلله بس انا ليه حاسة اني خايفة انا اه فرحانة بسليم اوووي بس ليه حاسة بخوف من ان في حاجة وحشة هتحصل
يارا ودينا بيبصوا لبعض ومي كمان عشان كلهم عارفين بجواز سليم وهي لا
دينا: ماتخافيش يمكن بس دا احساس مش اكتر واكيد مش هيحصل اي حاجة تبعدكم عن بعض
آيه: يارب يابنات يارب
البنات قعدوا مع بعضهم وكانوا فرحانين ونزلوا تحت مي ومروان مشيوا وفواز ومنى ناموا والكل سهران مع مصطفى ومش مبطلين ضحك وشوية وتليفون سليم رن وكانت مريم وهو استأذن ودخل يكلمها في المكتب
سليم: الو يا مريم
مريم: وحشتني ياسولي
سليم: انتي كمان عاملة ايه
مريم: الحمدلله تمام وانت
سليم: كويس
مريم: ان شاء الله شهر وهنزل
سليم قلبه دق اوي: شهر بس
مريم: اه اصلك وحشتني اوي وعاوزة اشوفك
سليم: ماشي
مريم: حولي فلوس عشان الفلوس اللي معايا خلصت
سليم: ماشي يا مريم
سليم خلص المكالمة وقعد يفكر لو آيه عرفت هتعمل ايه وخايف اووي من رد فعلها ومش عاوز يجرحها وشوية والباب خبط وكريم وطارق دخلوا
طارق: طلاما قاعد القاعدة دي يبقى اللي كان بيرن مريم صح
سليم بصله وسكت
كريم: هتعمل ايه ياسليم أنا خايف على آيه أنا اكتر واحد عارف ايه ممكن يحصل
سليم اتعصب: عاوزني أعمل ايه يا كريم عاوزني اروح اقولها انا متجوز وخدعتك ولا عاوزني أعمل ايه انتوا فاكرينها سهلة عليا انا لأول مرة اضايق وابقى مخنوق وخايف حسوا بيا بقى
طارق: ياسليم احنا حاسين بيك و عارفين انك حبيت آيه
سليم: سبوني لوحدي.....آيه خبطت ودخلت وسليم دور وشه وطارق وكريم خرجوا
آيه: سبتنا ودخلت المكتب ليه
سليم: مافيش كان معايا تليفون بس
آيه: طب يالا تعالى نخرج ليهم
سليم: لا انا عاوز اكون لوحدي شوية
آيه راحت جمبه وحطت ايديها على كتفه: مالك ياسليم
سليم من غير مايبصلها: مافيش يا آيه سبيني لوحدي شوية ممكن
آيه اضايقت من رده وسابته وخرجت وهو اضايق انها زعلت بس هو مخنوق اوي ومش عارف يعمل ايه والأحسن انه يبقى لوحده
آيه طلعت اوضتها ومضايقة وفضلت مستنية سليم يطلعلها بس ماطلعش وهو فضل طول الليل في مكتبه
★★★★★★
تاني يوم الصبح آيه صحيت ونزل تحت الكل كان متجمع وسليم مكانش موجود
آيه: صباح الخير .... وبدور بعنيها على سليم
الكل: صباح النور
مصطفى (خال سليم): ايه يايوكا بدوري على حد 😉
آيه ابتسمت: انت كمان بترخم عليا ياعمو ذيهم😔
مصطفى: في حد يرخم عالجميل يا جميل
آيه: حبيبي ياعمو .....قعدت جمب كريم وهمستله: سليم فين
كريم: راح الشركة
آيه: بدري كدا
كريم: هو بيعوض اليوم اللي قعدوا
آيه: ماتعرفش كان ماله امبارح
كريم: لا يايوكا
آيه: طيب
شوية وآيه قامت وخرجت الجنينة والبنات خرجوا يقعدوا معاها وشوية وواحد من الحرس دخل وماسك بوكيه ورد
احد الحرس: مدام آيه الورد دا ليكي
آيه: ليا انا؟! من مين؟
احد الحرس: مستر سليم
آيه اخدته وقرأت الكارت اللي على البوكيه
(صباح الورد على أجمل وردة في حياتي عارف انك زعلتي مني عشان امبارح بس والله كنت مضايق شوية وحقك عليا يايوكا)
آيه فرحت وبعدت عن البنات شوية وطلعت تليفونها واتصلت بسليم وهو رد بسرعة
سليم: كنت متأكد انك هتكلميني
آيه: الورد حلو اوي
سليم: ماتزعليش مني
آيه: ممكن اطلب منك طلب
سليم: انتي تؤمري
آيه: ممكن لما تبقى مخنوق او مضايق تحكيلي ايه مضايقك
سليم: بس انا لما بكون كدا ببقى الأحسن ان ما اتكلمش مع حد عشان انا وقت عصبيتي وحش
آيه: وحش مع أي حد غيري
سليم: حاضر
آيه: أيوا كدا
سليم: هخلص شغلك واجي
آيه: خلي بالك من نفسك
سليم: حاضر يالا باي
سليم قفل مع آيه وآيه حاسة ان فيه حاجة هو مخبيها بس محبتش تتعب نفسها في التفكير وقالت ان شاء الله خير
*الحلقة 23*
تاني يوم كان يوم اجازة سليم من الشركة والكل متجمع واخيرا منى الرخمة رجعت بيتها
نيجي بقى لأبطالنا الحلوين
*في أوضة سليم وآيه*
سليم ماسك وردة🌹 وبيمشيها على وش آيه عشان يصحيها
آيه بنوم: سبني بس انام
سليم: يالا قومي ياكسلانة
آيه: مين انا؟ دا على اساس ان انا نايمة بدري وكسلانة اقوم دا يدوبك اربع ساعات
سليم: اممممم طيب براحتك انا هنزل واخد العصابة اللي تحت دي ونخرج بقى وخليكي نايمة
آيه: ماشي
سليم: طيب تمام اما اروح اكلم منى كمان تيجي معانا
آيه قامت من عالسرير ومسكت في رقبته: استنى بس انت بتقول ايه ياعم انت
سليم ضحك: ناس مابتجيش غير بالغيرة
آيه: بقى كدا طيب انت اللي ابتديت
سليم: ناوية تعملي ايه
آيه: عادي خالص اكلم عمرو ابن خالي أسلم عليه اصله وحشني
سليم اتعصب من كلمة وحشني: يعني انا بهزر وقولت هكلمها واجيبها وماقولتش انها وحشتني تقوليها انتي يا آيه
آيه حست انها زودت الهزار شوية: بجد ماكنتش اقصد والله انا حبيت ارخم ذيك
سليم مسك خدودها: الكلمة دي مش تتقال لحد غيري مفهوم
آيه: مفهوم خلاص بقى وانت قلبتها جد كدا
سليم ضحك: كدا بوظتي الرومانسية وانا اللي جايب وردة حمرا وبصحيكي بيها
آيه ضحكت اووي وهو حضنها وباس دماغها: ربنا يخليكي ليا وتفضل ضحكتك منورة البيت كدا
آيه: يارب
سليم أخد آيه ونزلوا تحت وكريم ومصطفى(خال سليم) بيرخموا عليهم
كريم: دا احنا قولنا انكم مش هتنزلوا النهاردة
مصطفى: اه صح يا كريم او اقولك انا قولت انهم هيطلوا الأكل فوق كمان
سليم بصلهم: كريم وخالي اتجمعوا واتفقوا علينا يبقى الحفلة علينا النهارده
مصطفى ضحك: عيب عليك ياسولي
سليم بص لكريم: انت كمان قولتله الدلع دا انا هموتك
كريم بيجري وبيتحامى في آيه وسليم بيبعد آيه عن كريم: كريم ابعد عن آيه كدا و تعالى اتكلم معايا
كريم: لا ياعم انت ايدك سابقة لسانك سبني انا لسة امي عاوزة تفرح بيا.....وبص لوفاء: ولا ايه يافوفا
وفاء ضحكت: اه يا سليم دا لسة صغير😂
كريم: ايوا اسمع كلام عمتك وسبني والنبي😂
سليم ضحك اوي: تصدق بالله انا مش عارف مهما تعمل مابعرفش ازعلك ليه
كريم حضنه: عشان انا حبيبك صح
سليم: اه يارخم وبطل رخامة عشان انت يومك قرب خلاص وانت عارف لما برخم ببقى عامل ازاي
كريم: لا ابوس ايدك الا رخامتك
سليم: ايوا كدا اتلم
قعدوا كلهم ياكلوا والمرادي بقى آيه قاعدة جمب سليم ومش همه اي حد حواليه وقاعد يأكلها بإيده وهي مكسوفة: سليم خلاص هما شوية وهيرخموا علينا
مصطفى سمعها: لا يايوكا انا مش هرخم خالص😂
سليم ضحك على خاله اللي مهما كبر باردوا دمه خفيف: دا انت مركز بقى يادرش
مصطفى: دا العادي بتاعي يا حبيبي ولا نسيت😂
سليم ضحك اوووي والكل ضحك والقاعدة كانت حلوة حتى فواز بعد ماكان رخم وحابب يعرف أي حاجة مش من حقه بقى حاببهم جدا وحابب القاعدة معاهم وحب آيه جدااا
فواز: بقولك ايه يا سليم ماتيجوا نخرج كلنا نروح اي مكان
سليم استغرب بس معلقش: حاضر انا موافق بس هنروح فين
كريم: تعالوا نروح دريم بارك😂
آيه: والله فكرة ياكيمو
سليم بصلهم: هو انا رايح افسح ولاد اختي😂
آيه: عندك مانع
سليم: دا انتي موافقاه بجد بقى
آيه: أي نعم😂
كريم: ياسليم احنا لسة عيال😂
سليم بصله: وطلاما عيال عاوز تتجوز ليه😂😂😂😂
كريم: ايه قصف الجبهة دا
آيه ضحكت اوووووووي ومن كتر ضحكها سليم ضحك عليها ويارا مش قادرة تبطل ضحك: كريم شكلك وحش اوي😂😂😂😂
كريم: كدا ياسولي يا حبيبي ضحكتهم عليا
سليم مش قادر يرد من كتر الضحك وبطه مش قادرة خالص وكريم بيبص عليها: اضحكي ياختي اضحكي عجبتك اوي
بطه: حلوة اوي😂😂
كريم: طيب صبركوا عليا انتوا اللي جبتوه لنفسكم
سليم بصله: ناوي على ايه🤔
كريم: اصبر بس وانا هبهركوا الوقتي
كريم دخل المطبخ وطلع بعلب الكاتشب والمايونيز واللي يقابله يرش عليه😂 (سليم عنده حق فعلا عيل اووي)
سليم: انت لسة مجنون ذي ما انت
كريم: عشان تبقى تقصف جبهتي تاني ورش على سليم
وسليم بيضحك ومش قادر يتحرك من كتر الضحك كريم راح لسيف ابن طارق ومسكه علبة وخلاه يرش عليهم😂
طارق: انتي هتجنني الواد يا كريم😂
كريم: ايوا عشان تبقوا تحرموا ها
والكل فرحان وبيضحك وبعد كدا خرجوا راحوا دريم بارك😂
والكل فرحان وبيلعب بالألعاب وآيه مابتحبش تركب اي لعبة عالية عشان بتدوخ وكريم مصمم واخدها وركبوا لعبة عالية وهي مابطلتش صريخ وتقريبا كدا بوظت ودن كريم ( أحسن😂 ) رغم كل دا هي داخت وخلاص نزلوا وسليم قلقان عليها لان شكلها مش يطمن خالص
سليم: آيه مالك
آيه دايخة ومش بترد
كريم: ماتقلقش هي اكيد دايخة بس
سليم: انا قولتلك يا كريم بلاش
كريم: حد بس يجيب ماية وهي هتبقى كويسة
سليم قعدها على كرسي وبيحاول يفوقها شوية وهي شوية بشوية بتبقى كويسة
آيه: خلاص ياسليم انا بقيت كويسة وبصت لكريم: وربنا يا كريم لما افوقلك بس
كريم ضحك: ياشيخة اتنيلي دا انا ودني باظت من كتر صريخك
سليم ضحك غصب عنه: حرام عليكوا انتوا الاتنين انتي تعبانة وبتستحلفيله وهو بيهزر انا وربنا هتجنن بسببكم
مصطفى بيرخم: سلامتك من الجنان ياسولي
سليم: كدا يادرش مااااشي
خرجوا من الملاهي وراحوا مطعم شيك عشان الغدا وسليم مسك فونه وأخد ليهم صورة سلفي🤳
آيه اتكلمت: سليم هنروح شرم امتى
سليم: بعد بكرة ان شاء الله
دينا: بجد
سليم: اها ان شاء الله
دينا: طب ومين هيشوف شغل الشركة وانت وطارق هتكونوا معانا
سليم فاهم دينا اوي فبيرخم عليها: ماهو احمد ابن خالو مصطفى هيبقى مكانا وغمزلها😉
دينا اتكسفت وبصت في الأرض وسليم بيضحك عليها وآيه مش فاهمة حاجة: هو في ايه
سليم: هقولك لما نروح الڤيلا
آيه: اوك
كريم قاعد جمب بطه: تيجي نتمشى شوية
بطه: ماشي يالا
كريم وبطه قاموا وسليم اتكلم: ايه راحين فين كدا
كريم: هنقوم نتمشى شوية ولما الغدا يجي كلمني
سليم: طب ما اجي معاكوا انا وآيه اهو نتمشى شوية
كريم: انت تقعد جمب مراتك ماتقومش عشان ما اخنقكش
سليم ضحك اوووي وكريم مشي وسيف ابن طارق راح قعد على رجل سليم وآيه بتبصلهم اوي وشايفة ان سليم فرحان اوي بيه وسألته: بتحب الاطفال اوي كدا
سليم: اكيد طبعا فيه حد مش بيحبهم
آيه: وهو باين عليه بيحبك اوووي
سليم: وانا بحبه جدا وبصلها: ويالا عشان نجبله ابن عم يلعب معاه
آيه اتكسفت من كلامه وابتسمت ومش ردت
وشوية والغدا جه وسليم كلم كريم وجه هو وبطه وخلصوا غدا ورجعوا الڤيلا وكل واحد فيهم طلع يغير هدومه
★★★★★★
في أوضة دينا اول مادخلت اوضتها تليفونها رن وهي ردت
دينا: الو
احمد: وحشتيني
دينا: وانت كمان عامل ايه
احمد: الحمدلله انتي اللي عاملة ايه
دينا: الحمدلله
احمد: كدا مش عارف اشوفك وكمان هتروحي شرم ومش عارف هتيجي امتى
دينا: خلاص اقابلك بكرة
احمد: خلاص ماشي انا هقفل معاكي الوقتي وهرجع اكلمك كمان شوية نتفق هنخرج فين
دينا: خلاص ماشي
دينا قفلت مع أحمد
(أحمد ابن خالهم صمطفى بيحب دينا من زمان وهي كمان بتحبه وبيتشغل مع سليم وطارق في الشركة)
احمد بعد ماقفل مع دينا كلم سليم هو حاكيله عن حبه وهيستأذن منه عشان يخرج مع دينا
بس دينا بقى ماتعرفش ان سليم عارف
🌹في أوضة سليم وآيه🌹
سليم غير هدومه وهيروح لدينا اوضتها
آيه: رايح فين
سليم: هروح لدينا وجاي
سليم راح لدينا وآيه اتصلت بمامتها عشان تكلمها وتطمن عليها
آيه: الو ياماما
عايده: حبيبة قلبي وحشتيني عاملة ايه
آيه: الحمدلله تمام والله طمنيني عليكي يا قلبي
عايده: الحمدلله ياحبيبتي والله خالتك جمبي اهي وبتسلم عليكي
آيه: سلميلي عليها كتير
عايده: حساكي فرحانة عن كل مرة كلمتك فيها
آيه: اه ياماما الحمدلله
آيه حكيت لمامتها انها بقت قريبة من سليم وجوازهم بقى رسمي وعايده فرحانة لبنتها
★★★★
🌹في أوضة دينا🌹
سليم خبط ودخل ودينا كانت في بلكونة اوضتها بتتصور وسليم راح وقف جمبها واتصور معاها
دينا: انت عارف انك اول مرة تتصور معايا
سليم: عارف ومش هتبقى أخر مرة
دينا: ايوا كدا بركاتك يايويو
سليم ضحك: بس يابت رخامة و تعالي نقعد عشان عاوز اتكلم معاكي
دينا قعدت جمبه: خير يا حبيبي
سليم: احمد لسة قافل معايا الوقتي
دينا قلقت لانها مش حكيت لسليم: قالك ايه
سليم ابتسم: يعني مش المفروض اختي حبيبتي هي اللي تيجي تحكيلي
دينا: بصراحة كنت خايفة اوي وحكيت ليارا
سليم اخدها في حضنه: تخافي مني عيب عليكي وبعدين احمد شاب كويس وابن خالنا ولما مش كويس مكانش حكالي من الأول خالص وهو الوقتي استأذن مني عشان يشوفك بكرة قبل مانسافر
دينا: يعني انت موافق
سليم: اه موافق ولما نرجع من شرم ان شاء الله هيتقدم
دينا فرحت: بجد بجد
سليم ضحك عليها: ايه يابت اتقلي كدا هيقول عليكي واقعة
دينا ضحكت اوي: لا ماتقلقش هو عارف😂
سليم: شكلكوا انتوا الاتنين مجانين😂
سليم قعد مع اخته شوية وخرج ورايح اوضته شاف كريم نازل تحت: رايح فين ياكيمو
كريم باين عليه القلق: مافيش نازل اقعد في الجنينة
سليم: في ايه مالك
كريم: قلقان ياسليم اوي
سليم: من ايه
كريم: يعني انت مش عارف يا سليم
سليم: يعني يا كريم انا ناقص قلق عشان تقلقني انا بحاول ابان طبيعي عشان هي مش تشك في حاجة وانا مش عارف ايه ردة فعلها لما تعرف ومريم خلاص ادامها شهر بس ونازلة
كريم: كمان؟ كملت ياسيدي
سليم: دا انت رخم هو انا بقولك كدا عشان تخوفني اكتر
كريم: انت شايفها سهلة ياسليم آيه لما تعرف ان اقرب اتنين ليها خبوا عليها حاجة ذي دي هتفقد الثقة فينا ياسليم انا اكتر واحد عارفها يعني تيجي فجأة تلاقي صديق عمرها وجوزها اللي هي المفروض قلبها بدأ يحبه مخبيين عليها سر ذي دا
سليم خاف اكتر: كريم انا حبيتها انا اه مش قولتلها لحد دلوقتي ان بحبها بس انا خايفة ماتصدقنيش بعدها لما تعرف بجوازي بس مامتها اللي طلبت مني كدا كنت عاوزني اعمل ايه بس يا كريم
كريم: ما اتكلمتش مع مامتها
سليم: لا يا كريم لان مامتها كان اتفاقي معاها ان جوازي بآيه جواز عالورق وبس والاتفاق دا خلاص اتلغى ومعرفش آيه حكتلها ولا لا
في وسط كلامه تليفونه رن وكانت عايدة ام آيه سليم بص لكريم: دي مامتها
كريم: رد بسرعة
سليم رد: الو اذيك ياطنط
عايده..................
سليم: الحمدلله والله طمنيني عليكي وعلى مازن
عايده...................
سليم: يارب دايما يارب
عايده:......................
سليم: خير ياطنط عاوزة تقولي ايه؟!
عايده:..........................
سليم بص لكريم وكأنه بيقوله آيه حكتلها: طب قوليلي انا اعمل ايه الوقتي انا خايف اوووي من رد فعلها
عايده:...................
سليم اتعصب: وطلاما عارفة ان رد فعلها مش هتبقى كويسة ليه اتفقتي معايا على كدا ليه
عايده:.................
سليم: هي مش هتسامح بسهولة وانا خوفي بيزيد كل يوم لما بس بفكر في رد فعلها
عايده:................
سليم: خلاص ياطنط انا هقفل دلوقتي وربنا يستر
سليم قفل مع عايده وقلقان وكريم خايف اوي هو كمان مصطفى سمع كل الحوار دا وهو نازل واتخضوا اووي لما شافوه
سليم: خضتنا ياخالو افتكرناك آيه
مصطفى: وافرض كانت هي ياسليم هتعمل ايه
سليم: انت كمان ياخالو انا عاوز اللي يطمني مش اللي يقلقني
مصطفى: طب تعالوا ننزل الجنينة بدل وقفتكم دي
مصطفى وسليم وكريم نزلوا الجنينة وقعدوا يتكلموا وسليم قلقان اوي وشوية ووفاء جات عليهم: في ايه مالكم قلقانين كدا ليه
سليم ماردش وتايه خالص وكريم رد: قلقانين اوي ياماما وخايفين من رد فعل آيه لما تعرف بجواز سليم
وفاء قعدت: سليم غلط من الأول انه سمع كلام مامتها
سليم اتعصب: يعني سليم دلوقتي اللي غلطان خلاص مافيش حل يعني انا كدا غلطان بقي لما سمعت نصيحتك واتجوزتها ها
وفاء: اهدى بس ياسليم احنا الوقتي مش عارفين هي هتعمل ايه ساعة ما تعرف
كريم: انا عارف هتعمل ايه واكتر واحد عارف هي هتبقى عاملة ازاي آيه لو وصلت للحالة اللي قلقاني وربنا ساعتها محدش هيعرف يتصرف
سليم سابهم واخد عربيته وخرج من الڤيلا
آيه نزلت تحت عشان تشوفه اتأخر ليه
آيه: سليم فين ياكيمو
كريم: خرج
آيه: ليه في ايه دا قالي انه رايح لدينا وطالع تاني
كريم: هو لسة خارج الوقتي
آيه قعدت ومضايقة انه خرج ورنت عليه كتير وهو ماردش عليها وشوية تامر جه وآيه مش عاوزة تتكلم معاه
تامر: لو سمحتي يا آيه عاوز اتكلم معاكي
آيه: مافيش حاجة نتكلم فيها يامستر تامر
تامر: لا في انا بجد اسف عاللي حصل مني
آيه: خلاص يا مستر تامر حصل خير وكفاية اسفك دا وانك ماكنتش تعرف بس بلاش تحكم على حد غير لما تتأكد
تامر: حاضر واسف مرة تانية
سليم جه وشاف آيه قاعدة تتكلم مع تامر واضايق اكتر
سليم: اهلا تامر
تامر: اذيك ياسليم انا جيت اعتذر لآيه تاني وهي الحمدلله قبلت اعتذاره
سليم بص لآيه وبص لتامر: طب والله كويس
آيه: كنت فين قلقتني عليك رنيت عليك كتير
سليم: ما انا كويس ادامك اهو
آيه مستغربة سليم بيتكلم كدا ليه: طب كويس انا طالعة
وسابتهم وطلعت وسليم قعد مع تامر وطارق اتكلم معاهم عشان الشغل والسفر وسليم اصلا مش فايق ليهم ولا معاهم اصلا كل اللي شاغل تفكيره آيه شوية وتامر مشي وكريم قعد معاهم
كريم: سليم عامل ايه الوقتي
سليم: تمام اوي
كريم: مش باين
سليم: بصوا عشان اجيب من الآخر انا لازم اكرهها فيا
كريم: ايه انت بتقول ايه
سليم: اللي انت سمعته
مصطفى: وانت فاكر ان دا حل
سليم: معرفش هي لما هتكرهني وبعد كدا تعرف اني متجوز تبقى كرهتني
طارق: انت بجد شايف ان دا حل
سليم اتعصب: في ايه انتوا كلكوا عليا ومحدش حاسس بيا خالص
مصطفى: اهدى ياسليم كل حاجة هتبقى كويسة
سليم: انا مش صغير ياخالو عشان تضحك عليا انا عارف انا بعمل ايه هو دا الحل الوحيد
كريم ساكت ومش بيرد ومضايق من سليم واتكلم: بص ياسليم لو عملت كدا صدقني انا اكتر واحد هبعد عنك عشان انت كدا بتيجي عليها وبذيادة كمان انت عارف هي هتفكر في ايه لو انت اتغيرت معاها
سليم: هتفتكر ايه يعني
كريم: اقل حاجة هتقول انك كنت عاوز توصل لحاجة وخلاص اخدتها وانت فاهم بتكلم عن ايه
سليم سكت لان خايف انها تفتكر كدا وهو مش دا اللي عاوزه
كريم: ايه ياسليم سكت ليه ماترد
سليم سابه ودخل جوا وقفل على نفسه باب مكتبه ومهما اي حد يخبط مش بيرد
🌹🌹🌹🌹🌹🌹
تاني يوم الصبح سليم طلع من مكتبه وراح اوضة نومه اللي كان بينام فيها هو ومريم واخد دش وغير هدومه وخرج ومحدش يعرف راح فين وقرر انه يقضي اليوم دا مع نفسه وبس ويفكر كويس هيعمل ايه معاها قبل مايسافروا
الكل اتجمع عالفطار وآيه ساكتة ومش بتتكلم وكريم ومصطفى زعلانين عليها جامد
كريم: ايه يايوكا مش بتاكلي ليه
آيه: لا باكل اهو يا كريم
كريم سكت ومش عارف يقول ايه
مصطفى: يوكا
آيه: ايوا
مصطفى: ماتيجي تخرجي معايا شوية نتمشى عشان زهقان
آيه: حاضر ياعمو هاجي معاك
مصطفى: حبيبتي ووجه كلامه لكريم: تيجي معانا يا كريم
كريم: لا يادرش روحوا انتوا وسابهم وقام ومضايق اووووووي
اليوم عدا عادي خالص ومافيش اي حاجة ومصطفى وآيه رجعوا من بارة وسليم كان وصل قبلهم وهي فرحت اوي لما شافته رجع وجريت عليه: حبيبي انت كنت فين قلقتني عليك
سليم: انتي طالق يا آيه
الحلقة الرابعة والعشرون من هنا